Elizabeth Arden 好用推薦產品

Miranda好用推薦：【質感】 首先講質地。佢係獨立膠囊設計，每次用嗰陣扭開一粒，入面係透明帶少少金黃色嘅啫喱狀精華。唧出嚟嘅時候感覺有少少「杰」，但推開嗰下極度順滑，延展性好好，一粒膠囊嘅份量足夠搽全面同頸。最特別嘅係，佢推開之後會有一種好明顯嘅「硅感」，即係好似有一層好滑好薄嘅粉膜包住皮膚咁，感覺好絲滑。 不過呢種硅感係雙面刃。好嘅方面，係佢吸收得極快，上面之後好快就變成啞光狀態，摸落去完全唔黏笠，對於我呢啲怕「立」嘅人嚟講係好舒服。但唔好嘅方面，就係如果之前嘅護膚品未完全吸收，或者用量太多，就會好容易「搓泥」，擦出擦膠碎。味道方面，佢幾乎冇乜香味，只有淡淡嘅原料味，對於追求無添加香味嘅人嚟講，呢點係好加分嘅。 【使用感】 呢個位係我最滿意嘅部分。佢嘅 抗老 效果真係做得非常扎實。佢用咗新一代嘅A醇（Retinol）配合HPR成分，比傳統A醇更溫和，同時又保留到強效嘅 抗老 功效。我本身係混合偏油肌，用傳統A醇好多時都會甩皮或者泛紅，但呢支膠囊我用咗大約一個月，完全冇出現過敏或者刺痛嘅情況，皮膚嘅耐受度好高。 用咗一排之後，最明顯嘅感覺係皮膚變得平滑咗好多。之前面頰有啲粗糙嘅顆粒感同埋鼻翼兩邊嘅

Yty好用推薦：Elizabeth Arden 超時空還原 Retinol 粉膠囊精華 (30粒裝) 之前入咗 30 粒裝試水溫，一用真係被佢嘅質地同效果驚艷到啊 ✨ 用後感： 【獨立膠囊超新鮮】： 每次粒扭開用一粒，份量啱啱好，乾淨又保鮮。就算帶去旅行用都極之方便。 【絲絨質地，抗老溫和】： 雖然係 A 醇（Retinol）精華，但質地像極了絲絨，推開秒變啞光平滑感，完全唔會油膩。用落好溫和、無刺激感，一段時間後會覺得皮膚摸落平滑細緻咗，連細紋都順眼咗好多。 #精華部門

Noel好用推薦：這枝 Elizabeth 8小時護手霜是特別版，白色 handcream 帶有一點藥品的味道，沒有很難聞，算是可以接受👌手霜質感 creamy，呈霜狀，不帶流動性。 雖然因為常常洗手的關係，無法確定產品標榜的8小時功效，但使用感良好，延展性佳，又不 heavy。手霜滋潤感不錯，吸收也快，會有滋潤感留在皮膚👍而且指甲邊沿位置，倒刺減少，沒有甘容易出血❗面對每天要用搓手液的日子，這枝成了我在 office的寵兒❤️ 聖誕一於回購 regular size 🥰 #冬季保養

iliya 好用推薦：呢款護手霜好long lasting，揸完之後幾個鐘都仲係好滋潤，而且帶有淡淡的嘅中藥草本味道🥰

yykk88好用推薦：Elizabeth Arden綠茶香水性價比都唔錯～一噴落手，即刻聞到好fresh嘅綠茶味，仲有少少檸檬嘅酸甜，過一陣會變得好溫柔，有淡淡茉莉花香，成個人聞落乾淨舒服，似沖完涼咁清新～雖然香味唔算好持久，大約3-4個鐘就要補噴，但咁嘅價錢真係抵到爛！最鍾意佢夠晒低調，返工、出街用都唔會太誇張，仲可以遮住啲汗味，夏天用真係一流！如果鍾意淡淡然嘅香味，都可以試下！

LenaC好用推薦：機緣巧合之下試用Elizabeth Arden 既Green tea香氛 一試愛上 清新自然既香氣 既有活力感 俾人一種大自然振奮心神既感覺 佢嘅香調組合好廣泛 抽出特別引我喜愛嘅係嚟講😊😍🥰 初調：檸檬、橙皮、佛手柑 中調：薄荷、綠茶、茉莉、康乃馨、茴香 基調：麝香、琥珀 其實可見佢雖有花香但唔會太搶 唔會係好甜嘅味 反而比較崇尚自然淡雅嘅清新香調 同系列之下仲有 Elizabeth Arden 嘅 green tea香水沐浴露 同green tea香氛身體乳液🧴 女神要時時刻刻散發香氣😉😙😙 配合埋同系列既香水沐浴露同乳液 香味更持久悠揚 #精緻香氛女孩 Get ✅😄

Bubu好用推薦：呢枝8小時潤澤霜係我冬天恩物！ 冬天手手腳腳塊面好易爆坼甩皮紅腫， 厚敷15分鐘再按摩就冇甩皮既情況，出街前既 急救神器！

Noel好用推薦：品牌中略有名氣的8小時潤澤霜，這枝是美美的世界景點特別版😍 產品呈橙色，厚厚凝膠狀，沒有太多流動性，手指觸感黏黏的。質地還算可以接受，但味道就很一般，有點中式藥油味？！我不太確定這個味道😅 整體滋潤感覺很強，乾肌可試試，不過使用感較差😅 雖然產品全身適用，但我會集中用到面／頸部，用到身體的話，這個質感我不 ok。潤澤霜用近鼻子範圍會較難受，所以我大多只會塗兩頰＋額頭，再敷上較香的 sheet mask，如凡爾賽玫瑰面膜，去蓋過這枝潤膚霜的味道……

Kura好用推薦：冬天最適合用嘅精華，呢款精華可以好好咁修復滋潤我唔穩定嘅皮膚，質地係gel咁，但搽上臉好快吸收，用完之後皮膚變到透亮咗，整體效果唔錯，價錢唔貴，值得再回購，產地係美國 @cosme

JuneL好用推薦：它質地帶柔滑，易推，用後肌膚唔會好黏lup, 但淡紋效果幾好。

natanatalie好用推薦：💧 Elizabeth Arden 透明質酸豐盈補濕膠囊 — 混油肌夏日夜晚必用 我屬於混油肌，最怕精華太厚重。呢款膠囊推開時係油感，但好快就化成水潤質地，吸收得快，唔會笠痴痴。 用完之後，額頭同鼻翼冇出現油光加劇，反而感覺水油平衡咗。夏天用都唔會覺得焗。 混油肌通常面頰偏乾，呢款膠囊啱啱好，令乾燥位保持水潤，唔會爆皮。 搽完再上粉底，妝感貼服，唔會起屑或者溶妝。混油肌最怕底妝浮，但用咗佢之後，妝容更持久。 用咗一排，覺得皮膚飽滿咗，混油肌嘅水油不平衡改善咗，出油冇以前咁快。

takemyokane好用推薦：獨立包裝的膠囊設計看似小小一顆，其實份量都不少，我通常連帶由面部用到頸部。精華質地帶有微微油潤感，塗抹上臉後會轉化成霧面的保護膜，吸引後再有健康飽滿的澎潤感和自然光澤。個人覺得夏季用會稍為有些厚重，建議冷氣強勁情況下或秋冬季節使用。

yaumstracy好用推薦：眼周是臉部最脆弱、最早顯露老態的部位，邁向三十五歲的我選擇眼部肌膚的保養品越是講究。伊麗莎白雅頓的「超進化黃金導航眼部膠囊」是我近期的心頭好，它採用獨立膠囊包裝，能完美封存精華，確保成分新鮮純淨，且方便外出旅行攜帶，不含香料與防腐劑，對敏感肌十分友善。我會在保濕霜前使用，輕輕扭轉膠囊兩圈，擠出精華於指尖，輕拍於眼周，由眼頭向外眼角方向按摩，質地雖是精華油，卻出乎意料地輕盈好吸收。早晚持續使用下來已有三個月了，眼周肌膚變得細滑緊緻，不僅惱人的乾燥細紋明顯淡化，就連浮腫與暗沉也獲得改善，強烈推薦!

lingbb好用推薦：- 黃金膠囊個包裝係高級高貴既盒子， - 入面裝住好多獨立包裝既精華，衛生之選👍🏻 -每粒膠囊都係無香精無防腐劑，採環保自然分解材質。 - 質地係淡黃色油狀，一般直接上金膠囊上面有人可能會覺得太油膩既話，可以參考下我既使用方法， 1. 清潔皮膚後， 上肌底液（幫助吸收）；將金膠囊用掌心稍微溫熱一下，然後上面輕輕打圈按摩 2. 從下往上提拉，局部輕輕打圈，大概按摩個10分鐘，按摩吸收既同時有機會揉出類似角質（泥）、粒粒或白頭 3. 再用清水清洗一下面部，洗走臉上既粒粒，洗完面部會有油質精華殘留，再敷上補水面膜，令毛孔即時收縮，幫肌膚補補水，順便促進剩餘金膠囊既精華吸收， 4. 塊面就變得非常滑溜溜，面上既不明粒粒都唔見埋。上妝就變得非常貼服 - 以前我塊面既額頭、咀角都會摸到有顆粒，用呢個方法就消失咗。 - 額頭既細紋都變淡！ 係我冬天保養「邊清潔邊滋潤」一舉兩得既小技巧💜❤️希望幫到大家 #冬季保養

Miranda好用推薦：【質感】 一唧出嚟見到係深黃色嘅濃稠精華液，質地偏向杰身，流動性唔高。推開嗰下感覺好滋潤，但需要比多啲時間按摩先會完全吸收。上面之後會有少少微黏嘅感覺，唔係清爽型嗰種。最特別嘅係佢搽上臉之後會有微微嘅溫熱感，第一次用嘅時候有啲意外，但用多幾次就習慣咗。呢種質感對於乾燥肌或者成熟肌嚟講可能會覺得好舒服，但如果你係混合肌或者油肌，又或者喺潮濕天氣用，可能會覺得有啲負擔，甚至擔心堵塞毛孔。 【使用感】 使用感方面，佢嘅抗氧化效果係有嘅。用完之後皮膚即時感覺滋潤咗，乾紋會淡咗少少，皮膚望落有光澤。不過要留意，因為佢質地比較濃稠，如果一次過用太多，或者皮膚未完全吸收就上後續護膚品，會有擦膠碎嘅情況出現。我試過調整用量，減少到一粒黃豆大小，情況有改善，但始終唔係好接受到要用咁少先唔起碎。另外，佢嘅抗老效果需要時間先見到，我用咗大約一個月，細紋有少少改善，但唔算好明顯，反而係皮膚嘅光澤感同滋潤度提升得比較明顯。對於追求即時見效嘅人，呢支可能會令你有啲失望。 【持久度】 持久度方面，佢嘅滋潤效果可以維持半日左右。朝早搽完，到晏晝三四點，皮膚仲Keep到水潤感，冇乾紋現形。夜晚搽完，第二朝起身塊

iliya 好用推薦：呢款精華嘅皇牌成分艾地苯主打抗氧化嘅功能，而且添加十種強效成份，加強保濕及抗衰老等功效，一支就可以滿足晒我嘅需求！

iliya 好用推薦：呢款精華含有高濃縮山茶花油精華，係比較厚身嘅精華水狀，皮膚好快吸收，好滋潤，而且可以加強後續吸收力！

kameari好用推薦：見成份天然就會想試試，用落真的感覺唔錯。質地係比較濃厚少少，但易推亦意外地易吸引。 油性肌膚都唔會話覺得笠而抗拒。查完感覺皮膚有補水滋潤番，之後查護膚品都易啲吸收，皮膚狀態係有好咗。 有時好怕有啲精華會太滋潤而出痘痘，不過呢一枝用了都冇出現敏感或痘痘情況，比我可以安心用。整體感覺幾好。

Noel好用推薦：品牌送出的小贈品 🥰 個人比較喜歡 EA 銀色膠囊系列，比較金色及粉色更為有效（頭盔：對個人而言啊！笑）這個淡斑精華質感有驚喜，不是水，又不是油；而是啫喱狀的，流動性很低。塗到面上會聞到維他命C果香 🍋 而啫喱狀的精華很快被皮膚吸收，所以我一般塗上兩層👌 使用後感覺斑紋淡了一點點，而重點是皮膚細緻了，紋理有點撫平效果啊💕