Elizabeth Arden 好用推薦產品

TongTong好用推薦：一次與朋友閒談之中，朋友介紹我使用呢隻眼部精華，本來屬於毫不起眼嘅品牌及產品，使用後令我驚為天人。雖然產品是以精華油為主，但係搽於眼部後很快吸收，一點也不覺得油膩，而且輕薄好推，搽完後眼部細紋即時減淡咗，眼睛周圍更感光澤，而且多餘的精華也可以毫不浪費搽於面部其他地方，感覺絕不油膩。 現在我已經將它納入我崇光感謝祭必買清單內！ #我的崇光感謝祭必買眼部護理

Noel好用推薦：品牌送出的小贈品 🥰 個人比較喜歡 EA 銀色膠囊系列，比較金色及粉色更為有效（頭盔：對個人而言啊！笑）這個淡斑精華質感有驚喜，不是水，又不是油；而是啫喱狀的，流動性很低。塗到面上會聞到維他命C果香 🍋 而啫喱狀的精華很快被皮膚吸收，所以我一般塗上兩層👌 使用後感覺斑紋淡了一點點，而重點是皮膚細緻了，紋理有點撫平效果啊💕

BwTw好用推薦：之前在Elizabeth Arden 的pop-up store八卦時見到，因為夏天對防曬好有興趣所以見到有防曬就即刻試，佢本來係肉色，但搽開係透明有光澤感，BA姐姐話係純物理性所以好溫和，即時好感度上昇300%，再加上BA姐姐用贈品誘惑我，結果，就係帶佢返屋企囉⋯⋯

Winnie好用推薦：潤唇膏效果理想，全天候可以使用，也不影響上面加塗唇膏，CP值高，長期回購使用。

balabababa好用推薦：質地好滋潤，可以保持到一整日都唔會吹乾。搽完嘴唇睇落好水潤，能夠軟化硬質唇皮、乾裂位置，在冬天用都好給力。 因為呢支已經用完掉左，圖為同系列8小時潤唇膏，SPF15。 ※覺得唇膏狀質地實身啲，所以比較耐用同好用。

Kitty 好用推薦：首先佢係獨立膠囊包裝，一粒一次過，唔驚污染，帶出門又方便。扭開個頭唧出嚟，质地係啫喱狀，少少偏油潤感，但唔係好油嗰種，推開之後好快吸收。 唧出嚟嗰陣，感覺有啲似蛋清，滑捋捋。捽下手掌先再印上面，會發現佢吸收幾快，好似有層保護膜咁鎖住皮膚，但唔痴枕頭，第二朝起身塊面係軟熟嘅！ 我呢啲輕熟肌，鼻翼兩邊毛孔有啲明顯，同埋額頭有小細紋，用咗一段時間，最明顯係皮膚平滑咗，粉底唔會卡喺毛孔入面。佢主打成分係Retinol（A醇）配合神經酰胺，溫和得嚟又做到修復。雖然話A醇要建立耐受，但我用落又唔覺好刺激（當然記住要搽防曬！）。 溫馨提示： 第一次用記得隔兩三日先用一次，等皮膚習慣咗先轉晚晚用。同埋最好揀夜晚用，避開日頭啲紫外線。 總括嚟講，如果你想搵一隻性價比高、入門級抗老精華，呢粒粉膠真係值得一試！用完一粒就feel到塊面飲飽水咁，摸落滑一滑，回購機會好大！😍

TsuenMa好用推薦：#ELIZABETH ARDEN NEW YORK RETINOL CERAMIDE CAPSULES Line erasing night serum 細細嘅粉紅蓋，透明樽身，充滿少女心。細細一粒獨立包裝，好方便攜帶，成個合身都好輕，我覺得好適合帶去旅行用。佢呢隻精華一啲都唔笠，好容易被皮膚吸收，唯一覺得佢一粒嘅容量有啲細，份量未必夠搽晒成塊面，我都係會揀，毛孔最粗大、最想重點改善嘅位去搽。但我諗佢呢隻好大嘅阻礙就係個價錢太貴，真係唔捨一次用到一粒。可能因為都係慳住用嘅關係，唔係連續每日使用，所以都唔太能夠肯定佢嘅效用。 

Noel好用推薦：這枝 Elizabeth 8小時護手霜是特別版，白色 handcream 帶有一點藥品的味道，沒有很難聞，算是可以接受👌手霜質感 creamy，呈霜狀，不帶流動性。 雖然因為常常洗手的關係，無法確定產品標榜的8小時功效，但使用感良好，延展性佳，又不 heavy。手霜滋潤感不錯，吸收也快，會有滋潤感留在皮膚👍而且指甲邊沿位置，倒刺減少，沒有甘容易出血❗面對每天要用搓手液的日子，這枝成了我在 office的寵兒❤️ 聖誕一於回購 regular size 🥰 #冬季保養

iliya 好用推薦：呢款護手霜好long lasting，揸完之後幾個鐘都仲係好滋潤，而且帶有淡淡的嘅中藥草本味道🥰

iliya 好用推薦：呢款乳霜嘅保濕效果一流，而且含有SPF30，作為日霜用就最適合，唔使再另外用防曬！

Kura好用推薦：冬天最適合用嘅精華，呢款精華可以好好咁修復滋潤我唔穩定嘅皮膚，質地係gel咁，但搽上臉好快吸收，用完之後皮膚變到透亮咗，整體效果唔錯，價錢唔貴，值得再回購，產地係美國 @cosme

JuneL好用推薦：它質地帶柔滑，易推，用後肌膚唔會好黏lup, 但淡紋效果幾好。

Milo101好用推薦：🌟Elizabeth Arden其中一個signature產品是白茶香水，原來同一系列都有洗臉乳 🌟質地呈白色乳液狀，加水可以起泡 🌟成份有白茶萃取、白茶精油，香氣也淡淡的自然的 🌟洗完臉柔軟，不繃緊

格仔餅公主好用推薦：白茶味清香好舒服，用既時候會好enjoy，泡泡細緻度好高，唔算厚但唔會搓一陣就無哂，用完塊面有淡香留低好正，摸到水潤又感覺乾淨

Miranda好用推薦：【質感】 一唧出嚟見到係深黃色嘅濃稠精華液，質地偏向杰身，流動性唔高。推開嗰下感覺好滋潤，但需要比多啲時間按摩先會完全吸收。上面之後會有少少微黏嘅感覺，唔係清爽型嗰種。最特別嘅係佢搽上臉之後會有微微嘅溫熱感，第一次用嘅時候有啲意外，但用多幾次就習慣咗。呢種質感對於乾燥肌或者成熟肌嚟講可能會覺得好舒服，但如果你係混合肌或者油肌，又或者喺潮濕天氣用，可能會覺得有啲負擔，甚至擔心堵塞毛孔。 【使用感】 使用感方面，佢嘅抗氧化效果係有嘅。用完之後皮膚即時感覺滋潤咗，乾紋會淡咗少少，皮膚望落有光澤。不過要留意，因為佢質地比較濃稠，如果一次過用太多，或者皮膚未完全吸收就上後續護膚品，會有擦膠碎嘅情況出現。我試過調整用量，減少到一粒黃豆大小，情況有改善，但始終唔係好接受到要用咁少先唔起碎。另外，佢嘅抗老效果需要時間先見到，我用咗大約一個月，細紋有少少改善，但唔算好明顯，反而係皮膚嘅光澤感同滋潤度提升得比較明顯。對於追求即時見效嘅人，呢支可能會令你有啲失望。 【持久度】 持久度方面，佢嘅滋潤效果可以維持半日左右。朝早搽完，到晏晝三四點，皮膚仲Keep到水潤感，冇乾紋現形。夜晚搽完，第二朝起身塊

iliya 好用推薦：呢款精華嘅皇牌成分艾地苯主打抗氧化嘅功能，而且添加十種強效成份，加強保濕及抗衰老等功效，一支就可以滿足晒我嘅需求！