FANCL 好用推薦產品

chewyfruit好用推薦：講到 Fancl 長效防曬露 50，唔少人一聽到「Fancl」就覺得安心，事關佢出名無添加、溫和。但呢支防曬係咪真係咁神？今次唔講參數，講下實際用落塊面嘅感覺。 質地： 唧出嚟係偏水嘅乳液，推開嗰下好滑，有少少似搽緊防曬水。佢唔係嗰種一搽就啞緻嘅類型，初頭會有輕微光澤，等三五分鐘先慢慢收乾。收乾之後摸落係爽嘅，但唔係粉感，係有層薄薄嘅膜包住塊面。 上臉感受： 搽完之後塊面係有存在感嘅，唔算話完全隱形。如果你慣咗好輕薄嗰種防曬，可能會覺得佢有少少「焗」。但佢又唔會話好黐立，出汗之後都唔會話變到一撻撻。眼周搽都冇刺眼，呢點對敏感肌嚟講好加分。 防曬力： SPF50+ PA++++，日常出街絕對夠。但佢唔係好防水，如果游水或者爆汗，一定要補搽。佢個設計係偏向溫和、唔刺激，所以防摩擦同防水能力都係一般般。 適合邊個： · 敏感肌、乾肌會幾鍾意 · 鍾意搽完有少少保濕感嘅人 · 日常通勤、唔多戶外活動嘅人 唔啱邊個： · 油肌夏天用可能會覺得有啲潤 · 追求完全隱形、零存在感嘅人 · 需要強防水防汗嘅戶外活動 總結： Fancl 呢支防曬露 50，係一支「穩陣型」防曬。唔會話好驚喜

Lindabb好用推薦：Fancl支長效防曬露50真實用後感 質地： 水狀乳液，流動性好高，一推開就化水。但記住一定要搖勻，唔係會出白水。上臉初頭有少少油光，但等30秒吸收後就變乾爽，唔黺立。 泛白情況： 物理防曬預咗會白，但呢支算係「提亮」多過「死白」。均勻拍開後，似搽咗層薄薄嘅素顏霜，黃皮用會覺得面色靚咗。不過如果手殘捽得太勁，鼻翼同眉間會積白線，建議用拍嘅方式上。 清爽度： ⭐⭐⭐⭐（混合肌夏天OK，大油皮可能要壓碎粉） 控油： 中上，頂到半日唔出油，但冷氣房下顎位會少少乾。 防曬力： SPF50+ PA++++，戶外行山流大汗都冇變黑，防水耐汗真係堅。但記住要補塗，尤其抹汗之後（佢有少許防水，但唔係超強防水嗰種）。 卸妝： 佢話用潔面乳就甩，但我實測過，普通起泡潔面會殘留（摸落有層膜）。建議用返卸妝水/油，或者佢自己支潔面粉，唔係會塞毛孔生暗粒。 優點： · 敏感肌友好（無酒精、無香味、物理性） · 唔刺激眼，流眼淚都唔澀 · 包裝細細支，帶出街補塗方便 缺點： · 價錢偏貴（$2XX/60ml），用得快要成日回購 · 開封後保質期得6個月，要用密啲 · 冬天用會覺得稍乾，保濕打底要做

chewyfruit好用推薦：呢隻Fancl淨肌保濕潔面粉，我回購咗起碼三四次，真心覺得幾好用，尤其係轉季或者皮膚敏感嗰陣，佢真係救星嚟㗎。 首先講下佢個包裝，一盒有兩小樽，每樽大概用到一個月左右。粉狀嘅潔面粉，倒出嚟係好細緻嘅白色粉末，加少少水就搓到好多泡。啲泡唔算話好綿密嗰種，但就好滑溜，洗面嘅時候唔會扯住塊面。 清潔力方面，我覺得啱啱好。唔會話洗完塊面好乾好繃緊，但又夠力洗走面油同灰塵。我朝早同夜晚都會用，夜晚如果化咗妝，就會先用卸妝油，再用佢洗多次面，洗完塊面係清爽得嚟又唔會話「𠝹」皮膚嗰種感覺。 保濕方面，佢真係做到嘅。我本身係混合性偏乾，冬天用佢都唔會話洗完面即刻要搽嘢，可以等一陣先慢慢護膚都得。夏天用嘅時候，T字位都唔會話好快出油，水油平衡做得幾好。 不過要彈嘅係，佢個粉好容易受潮。如果擺喺浴室，啲粉會結成一舊舊，好難倒出嚟。所以最好擺喺乾爽嘅地方，或者用完即刻閂實個蓋。另外，佢個起泡網要另外買，如果你就咁用手搓，啲泡會少好多，冇咁好用。 仲有就係，佢冇乜香味，得陣好淡好淡嘅粉味，對於唔鍾意護膚品有香精味嘅人嚟講，呢點係加分嘅。 總括嚟講，如果你係敏感肌、乾肌，或者想搵隻溫和得嚟又夠清潔力嘅

Emily Leung好用推薦：Fancl，乾皮友好的洗面奶 給乾皮或者混乾皮的姐妹推薦一款我最近在用的👉Fancl潔面粉👈 它倒出來是粉末狀的固體，需要配合打濕的起泡器使用，起泡網搓出來的泡泡也非常綿密。 我是T區多一點點油，但是臉頰乾的混合型皮膚，平時用普通的洗面奶洗完臉，臉會狠乾狠乾，到整張臉繃住那種！用了Fancl的潔面粉後臉不會有拔乾的感覺！ 不喜歡洗完之後臉滑滑的乾皮姐妹可以試試。但是對油皮來說清潔力度應該是不夠的，油皮姐妹慎選。 最後，乾皮姐妹洗臉時長真的真的不要太長！有可能導致皮膚缺水，乾燥的！還有洗完臉記得保濕！

Fish Tse好用推薦：我平時都會用開fancl既深層清潔面膜，我覺得效果非常好，但始終人係有惰性，敷面膜其實都真係幾麻煩 所以我見到哩款黑炭酵素深層清潔洗顏粉即刻心郁郁入手，佢一細盒好方便一次使用倒出黎係灰色好幼既粉，之後再加水就會有泡泡出現，好似洗面奶一樣係塊面都打圈 我多數會針對T字位同鼻翼旁邊加下巴比較容易出黑頭粉刺既位置清洗，洗完之後就可以沖水，用完之後唔會覺得皮膚好乾燥，因為佢含有玻尿酸同獨家氨基酸既成分係清潔既同時可以保留肌膚既水份 仲含有竹炭、吸附泥精華等成分徹底洗潔毛孔既污糟野、角質、黑頭同粉刺，比起用mask真係方便好多，真心推薦

Bear好用推薦：2025可能回購的產品！ 同朋友旅行時購入，買左最popular的Suisai金色比媽媽，自己就想試Fancl的產品。 帶去旅行真係好方便，通常1個星期的trip我就執2粒（如果想預比朋友試當然可以帶多d）用的時候好舒服，皮膚不會繃緊。 都keep到皮膚完全無粒粒，但係如果想絕對清除黑頭的話就要配合其他泥款面膜同油類清潔產品。

YYeman好用推薦：Fancl呢支祛斑精華主打「淡斑、提亮、防斑」，成份溫和，無添加防腐劑，適合敏感肌同想針對性淡斑嘅人。以下係我用咗一個月嘅真實對比同分析： ⭐️質地同使用感： · 質地係輕薄嘅乳液狀，推開好水潤，吸收快，唔黐膩。 · 溫和度夠高，就算係易敏感皮膚都用得，唔會刺激。 ⭐️去斑效果對比： · 初期（約1-2星期）： 膚色有明顯提亮，暗沉感減少，但斑點未見明顯變淡。感覺主要係整體光澤度提升。 · 中期（約3-4星期）： 淺層斑（例如曬斑、痘印）開始變淡，尤其係眼周同顴骨位置嘅細斑，有輕微淡化效果。深層斑（例如荷爾蒙斑）變化唔大，但無加深。 · 長期（1個月以上）： 淺層斑持續淡化，整體斑點視覺上變得「冇咁顯眼」，皮膚通透度提升。不過，對於頑固深層斑，效果相對緩慢，需要更長時間先可能有明顯改善。 ⭐️優點： · 溫和、唔刺激，適合每日用。 · 提亮效果明顯，膚色均勻度提升。 · 淺層斑同痘印淡化速度OK，尤其適合預防斑點加深。 ⭐️缺點： · 對深層斑（如荷爾蒙斑）效果有限，可能需要配合更強效嘅淡斑產品。 · 價格偏貴，用量要足先有效，一支好快用完。 ⭐️同其他淡斑產品

natanatalie好用推薦：有明顯美白功效，但又不刺激的低敏美白精華😍 過往用過很多美白精華都會好乾，有刺激性，所以令我卻步。但呢款美白精華好溫和，一啲都唔刺激，凝露的質地有保濕力，美白之餘唔會令皮膚乾，冷氣房用都夠保濕，第二朝黃氣減淡左，有少少自然光澤！😘

kykyky好用推薦：已經用咗兩支Fancl膠原豐盈肌底液（水潤），肌膚既膠原蛋白慢慢增加，感到肌膚表情紋有改善，Fancl 標榜不含防腐劑，可以放心咁用。 #我的最愛化妝水

劉肥貓好用推薦：呢個系列嘅保濕度同滋潤度比較高，可於洗完面後拍上面或者在敷紙面膜之前使用 冇防腐劑色素香料連眼部皮膚都可以使用 我啲皮膚本身屬於混合性偏油，所以只會在秋冬時使用

Jcxjessie好用推薦：呢個潔顏粉係之前響日本買嘅特別版 因為成日都飛，所以買潔顔粉帶上飛機好方便，唔使怕因為液體而驚俾人收。 卸完妝之後，倒少少粉喺手，再加啲水然之後捽落塊面就ok喇 啲泡泡都幾細緻，而且用完塊面都冇覺得乾，同埋佢冇乜味道，敏感肌都可以用👍🏻

zetalhc好用推薦：呢個洗面粉好容易起泡，清潔力好強，可以洗走毛孔中嘅污垢，而且洗完之後唔繃緊有少少嘅保濕效果

Yty好用推薦：Fancl美白面膜已經用咗超過10盒啦，而家屋企嘅存貨好足夠好安心，睇我屋企數量就知佢係真係值得推介呢，長期用落嚟，我覺得對於皮膚係有一定既提亮美白效果，所以都會keep住一直用，剪裁貼面舒服，面膜精華有21 mL，只需要敷五至10分鐘就夠啦，面膜可以敷埋隻眼用完都幾舒服的，注意保質期前用完就OK啦，用完會繼續買

劉肥貓好用推薦：精華液份量適中，面膜紙非常貼面舒服 用後冇敏感 用後即時感覺到皮膚光澤亮麗

chasiutung好用推薦：Fancl清潔泥膜 灰黑色色泥狀質地 有淡淡嘅香味 洗完臉直接搽係鼻上厚敷5分鐘左右 用暖水洗乾淨 洗嘅時候用洗臉巾搓下 洗完臉吾乾 清爽無繃緊感 用完鼻頭乾滑左黑頭粉刺會浮曬出嚟 平時洗臉會慢慢洗走 用多幾次之後 黑頭 會生少左 而且出油少左👍使用後可以用收毛孔嘅產品/敷返d保濕收毛孔嘅面膜 效果會更好 一星期用一兩次就足夠 推介👍

格仔餅公主好用推薦：要keep住用先見效，好似男仔咁心急個d應該覺得無用，佢可以去到淺層污糟野，用完之後係特別嚴重既位再搽少少海泥mask堅work

poonpoon好用推薦：Fancl 主打沒有防腐劑、香料、合成色素、石油系界面活💕 藍色為基礎保濕為主，依支係水凝肌底液嘅清爽版。主打補水保濕效果，輕薄好吸收，皮膚沒有額外負擔，之後可以配合不同類型嘅護膚品都得。 日本藥妝買好平，乾性皮膚嚟講保濕度唔夠，作為基底液又唔夠保濕，用後感覺皮膚只有一點濕潤感，成支產品有一點可有可無嘅感覺，下次會試滋潤版本。

A&R好用推薦：專門店買嘢送嘅試用品，冇香味，液體狀有少少似好稀嘅精華，少少乳白色，保濕效果不錯，皮膚都好容易吸收，都幾清爽，一啲都唔會黐立立，搽完之後覺得更容易上妝同埋貼服。

Circlecyy20好用推薦：質地比較特別去呈現cream狀嘅mask敷完之後嘅效果唔錯，去黃嘅效果幾好，改善皮膚既小瑕疵

katrina523好用推薦：這是我用完的第2盒。現在會一個星期用一次。這面膜我會一直回購下去的。它能溫和的袪掉老費角質的同時又能幫忙增加皮膚的保濕度和透亮度，整體來說我很喜歡它，效果也還蠻不錯也能看得見。敷的時候也很舒服。它也是一款能敷在眼周和嘴唇上的面膜。 涼涼的很舒服、皮膚軟軟的、有光澤