不結塊 推薦好用產品

Kitty 好用推薦：如果你同我一樣，天生睫毛又直又短，搵一支堅挺、捲翹、持久嘅睫毛膏好似尋寶咁難，咁呢篇心得一定要睇落去！講緊嘅就係美寶蓮呢支飛天翹防水睫毛膏，最近真係成為我個化妝袋嘅新寵！ 首先，個刷頭已經好有驚喜！ 支刷係弧形嘅設計，好貼合眼形，由上睫毛根部Z字形咁掃上去，好輕易就沾到每根睫毛，連眼頭、眼尾啲死角位都掃到，完全唔會一舊舊或者結塊，對於我啲手殘人士來講，真係救星！ 效果：真係飛天咁翹！ 最誇張嘅係，我夾完睫毛再搽，佢真係可以將個捲度定到成日都唔落嚟！平時用開其他牌子，可能晏晝就開始塌，但呢支真係堅挺，到收工對眼都依然精靈，好似識講嘢咁！而且佢唔會好似啲假睫毛咁硬掘掘，係自然向上揚嘅弧度，好有精神。 防水防油力掂唔掂？ 講到防水呢個功能，我真心俾滿分！前排打風落雨，把遮都吹反埋，成塊面濕晒，但對眼一啲事都冇，完全冇變熊貓！至於油眼嘅問題，我係混合肌，T-字位會出油，但佢都頂到七、八個鐘，只係眼尾有少少溶，但絕對唔會暈開一撻黑，已經收貨！ 有冇缺點？ 唯一要講嘅就係，因為佢咁防水，落妝嘅時候就要花多少少心機，一定要用眼唇專用卸妝液，敷多幾秒先抹得乾淨。如果唔係，會扯甩幾條睫毛，好心痛㗎

Kpl6be6好用推薦：平時化完個妝覺得仲係差咁啲嘢嘅時候～就應該使出呢支bling bling眼神器啦👀輕輕一夾睫毛～再用佢掃一掃～就能輕易擁有捲翹持久睫毛一雙✌🏻能夠使睫毛做到根根分明效果！而且真係全日唔塌！即時為眼妝大加分！(成個人精靈哂😂)難怪連化妝師友人都讚口不絕❤️

Kitty 好用推薦：KissMe睫毛膏真係眼妝救星！我本身睫毛比較短，平時用開其他牌子好易塌落嚟，但呢支刷頭設計好貼心，可以精準勾到每根睫毛，一刷上去即刻有纖長+濃密效果，仲唔會結塊𠵱！最驚喜係持久度超班，我成日眨眼又出油，但撐足成日都冇暈開，放工對眼依然好有神～卸妝方面都算容易，用支溫和嘅眼唇卸妝液敷多陣就ok，完全唔會扯甩睫毛。我呢隻係特別版，乾燥玫瑰色，刷上去顯得眼神好溫柔，幫眼妝加分不少，而家化日常眼妝一定揀佢，就算想加強妝感疊擦兩層都依然自然，真心推薦畀鍾意偽素顏或者韓系妝容嘅姊妹！

YYeman好用推薦：Kissme防水纖長睫毛膏實測！香港悶熱天都頂得順 講真！呢支真係睫毛膏界嘅長跑冠軍🏃 我帶住佢經歷30℃+潮濕天 落雨流汗都完全冇化開～ 刷頭係微弧形設計 連眼頭眼尾啲短毛都刷到 膏體偏乾身 唔會一抽就結塊 新手都可以刷出根根分明效果✨ 纖長效果確實夠誇張 薄薄刷兩層已經變太陽花 想要自然妝感刷一層就夠 重點係完全零熊貓眼！！！ 不過佢個防水功能太強勢 落妝要用專門眼唇卸 敷足10秒先卸得乾淨 （試過偷懶用卸妝水 搓到眼皮痛都未卸曬😭） 持久度：★★★★★ 纖長效果：★★★★☆ 易卸度：★★☆☆☆ 性價比：★★★★☆ 總結：海邊/婚禮/流淚場合必備神器 日常用建議買棕色版更柔和～

Fng好用推薦：Canmake呢支金屬刷頭睫毛膏，$63開架價，真係平靚正！佢個金屬刷頭係靈魂所在，防暈染防水防油力強，喺香港潮濕天氣用都頂得住。妝效偏向自然細緻嘅束感，唔係誇張濃密型，好適合返工日常，或者追求偽素顏嘅朋友。但如果本身睫毛偏短、追求濃密纖長效果，呢支就可能唔太啱你喇。 🖌️ 用後感 · 刷頭是靈魂：極細不銹鋼梳齒唔會一次過沾取太多膏體，就算係化妝新手，都唔怕刷到好似曱甴腳咁一舊舊，可以完美控制妝感。 · 妝效出色：一層係自然細緻嘅束感睫毛，兩層就可以營造日本好興嘅「束感娃娃睫毛」，睫毛根根分明又企理。 · 持久力出色：喺香港潮濕天氣下，防暈染、防水、抗皮脂嘅能力真係冇得輸。搭車返工、行街一整天都冇溶妝。 · 小缺點：對睫毛特別短嘅人嚟講，存在感提升有限。捲翹度一般，建議先用睫毛夾夾翹，或者配搭睫毛打底膏，效果會更持久。 📊 同類產品簡單比較 · CANMAKE 金屬刷頭睫毛膏 (約HK$63)：【優】防暈染防水防油力強，金屬刷頭精準自然，新手友好。【缺】捲翹力一般，無纖長功能。 · KISSME 激長原生感防水睫毛液 (約HK$82)：【優】超強纖長效果，捲翹持久。【缺】膏體偏乾

Sanna Cher好用推薦：產品真的是誠心推薦的好物，絕對有回購力。 以上是塗抹在水上的效果，見有透亮感，但沒有膠水一樣黏稠。產品使用前後對比，是真的做到捲翹的效果，而過程因睫毛底膏是透明，所以感覺很乾淨。完妝的效果

Sanna Cher好用推薦：擦塗產品時，是使用美睫妝容的最後步驟，作睫毛定妝之用。刷頭能夠梳理塗上睫毛膏的睫毛，加強分明條理的效果。 使用睫毛膏後如圖見睫毛已顯修長，但下睫毛仍見有點雜亂，可使用產品梳理。 使用產品後，上睫毛效果相同，只作鞏固。下睫毛在梳理後更整潔，條理分，，妝容感更強。 完妝照片，見睫毛方面的妝容有明顯加強，仍做到自然的妝容感。

Kuma好用推薦： 呢支近期架妹最愛既睫毛液♪ 架妹對於透明感精緻妝容嘅執著真係無人能敵( ；´Д｀) —————— ♪ 束感效果：★ ★ ★ ★ ☆ ♪ 持久度：★ ★ ★ ★ ★ ♪ 使用難度：★ ☆ ☆ ☆ ☆ ♪ 性價比：★ ★ ★ ★ ★ —————— 對比其他開架品牌嘅束感睫毛液，感覺呢款既質地相對較為輕盈，好快乾，喺香港呢個喺頭髮狂噴hair spray出門都會秒塌既潮濕天氣都keep到全日捲翹，性價比黎講小資女生同學生都絕對可以閉眼入！♪ 睫毛夾夾翹睫毛後先用下面既梳頭整理好睫毛，然後用Z型束感梳頭時我會稍為喺睫毛根部停留1-2秒先梳上去，確保大部分睫毛液都係沾喺根部而唔係睫毛尾端（如果唔係會變曱甴腳><） 本身有用開佢地嘅mascara base，按照佢地宣傳咁講一齊使用，睫毛比較稀疏嘅我感覺會比起單用束感睫毛液效果更好～但份量要拿捏得好好，搽太多base再用呢支會變曱甴腳⋯所以手殘黨都係建議單用呢支就夠！ 留意返因為超強持久力所以只使用卸妝水係卸唔甩的！！溫水都卸唔到，只可以用卸妝油～ #火熱新品

Sophia好用推薦：在日本旅遊通常都會入手睫毛膏，一來液體眼妝產品更需要定期替換才衛生，二來日本品牌的擦頭較歐美品牌細適合亞洲人用。藥妝店產品多到簡直花多眼亂，旅遊時分秒必爭的情況下，有著@cosme第一位貼紙的OPERA Mylash Advanced睫毛膏立刻吸引了我的目光，沒有用過也毫不猶豫地放入購物籃！ 用後果然沒有失望～纖細的刷頭能輕鬆捕捉每一根睫毛，即使是下睫毛也能均勻塗抹，根根分明，完全不會結塊或蟑螂腳。溫水可卸的特性更是方便，卸妝時輕鬆不費力，卻又能維持一整天的捲翹，持久不暈染。對於追求自然妝感的朋友，OPERA Mylash Advanced睫毛膏是日本旅遊必買！

L好用推薦：上網買，係夏天用完全唔會花，效果纖長自然，唔會結塊，可以keep到10幾個鐘，高性價比，抵買。

wcm好用推薦：試過唔同款睫毛膏 我依然最鐘意呢款 不以暈染 上次去玩水上樂園都係用呢支睫毛膏 都冇暈染🫶🏻

Emma W好用推薦：睫毛液能夠持久保持妝效，即使在潮濕夏天、或者落雨出汗時，都不容易晕染。 另外，比一般睫毛液，其令效果更長更纖細，又不易起塊狀凝固物，增強了眼部的立體感。 最怕就係防水產品難卸妝，但其唔會有依個難處。用濕左化妝棉輕抹兩三下，就已經卸咗妝，不會對睫毛造成傷害。 適合肌膚：任何 成效度：4/5

Fng好用推薦：ettuis 激長濃密捲竅睫毛液 呢支個刷頭好特別，係雙面梳齒設計。一面係密齒，另一面係疏啲嘅Z字型鋸齒。 我一開始用唔慣，蘸得太多，結果刷完變咗「曱甴腳」——又結塊又厚重。後尾學精咗，喺樽口颳走多餘膏體先上，效果即刻唔同晒。 正確用法：先用密齒嗰面由根部向上梳，將睫毛拉長；再用鋸齒嗰面左右Z字向上刷，營造一束束嘅「Idol級」束感。出嚟嘅效果係自然纖長＋濃密，捲翹度好高。 捲翹持久度：潮濕天都頂得住 香港呢啲又濕又焗嘅天氣，最怕睫毛液「塌樓」。呢支有雙重持久睫毛精油配方，防水防汗防皮脂。我試過全日冇補妝，冇下垂冇溶化成熊貓眼，捲度依然喺度。 易卸程度：呢樣真係加分 好多防水睫毛液要「捽餐死」先落得到，眼周皮膚好傷。ettusais 呢支用眼唇卸妝液濕敷一陣，輕輕抹兩三次就乾淨晒，唔使狂捽。 總結：好用，但要掌握技巧 一支睫毛液搞掂纖長、濃密、捲翹，仲要持久防暈＋易卸，開架價錢嚟講CP值好高。唯一缺點係刷頭設計要花時間適應，新手容易失手。 如果妳係追求自然纖長、唔想睫毛太重下垂嘅人，呢支好值得試。但如果你想要「假眼睫毛級」嘅濃密效果，可能要疊多層或者揀其他款。 同場加

Chloeincosme好用推薦：Etude House嘅Curl Fix Mascara，好多人話佢係“時代嘅眼淚”，但我覺得佢真係開架眼妝既滄海遺珠，超好用！佢持久度勁高，試過帶妝超過12個鐘，完全唔會溶到變熊貓眼，睇戲喊都冇問題。用左佢既眼妝靚勁多🥹 唯一嘅缺點就係個刷頭有啲大，新手用嘅時候要小心啲。（仲有個唔好處係好難買😂🤣） 小tips: 用任何Mascara之前用紙巾印一印，等佢冇咁濕，出黎既效果會好好多！

zetalhc好用推薦：可以做到睫毛根根分明嘅效果，上色同持久功效都唔錯唔會覺得有就膠咁，唯一係比較容易結粒粒，用上睫毛嘅時候要快手。

karun好用推薦：這支睫毛膏系台灣購買，剛用有非常驚艷的效果：細纖直刷頭，一刷能試睫毛激長，能做到非常輕盈的效果，喜歡自然妝感的女生刷一兩下已經足夠；喜歡濃密睫毛的，多刷幾下也能做到理想的效果！ 唯一就是用得耐，幾個月後會結塊，建議在上手先再上眼。

Chloeincosme好用推薦：1028 眼睫毛液 以前喺台灣好紅，而家用落都唔覺得差，而且台灣買價錢真係好平！不過可能我隻眼太油，夜晚仲會有少少溶妝～ 🤍 纖長效果：4/5 刷一層已經明顯拉長睫毛，而且根根分明，唔會結塊，效果自然～ 🤍 捲翹度：3.5/5 夾完睫毛再搽，可以維持到半日捲翹，不過晏晝開始會慢慢塌返落嚟～ 🤍 防油度：3/5 對我呢種油眼人嚟講，防油效果普通，夜晚眼尾會積咗少少黑色印～ 🤍 性價比：4.5/5 台灣買真係好抵！平過香港好多，效果對得住個價錢～ 總結： 如果你唔係油眼肌，1028呢支睫毛液絕對係平價好選擇！纖長效果自然又易卸，去台灣旅行可以掃貨～不過油眼人就要諗諗先，我會冬天用，或者加多層睫毛底膏打底！ #換季 #轉季

Emily Leung好用推薦：Innisfree纖細睫毛膏用後感｜真・根根分明！手殘黨都用到嘅神器！ 哈囉！各位姊妹～ 今日同大家開心Share我最近嘅新寵——Innisfree纖細睫毛膏！用咗一排，真係要同大家講，如果妳怕蒼蠅腳，呢支真係救星！即刻同大家詳細講解下！ 睇下支嘢幾簡約！黑色包裝好簡約，細細支好方便帶出街補妝。 點解會揀呢支？ 本身我嘅睫毛條件一般，又短又直，最慘係每次用睫毛膏都好易「一舊舊」，變咗蒼蠅腳，睇落好邋遢！見好多韓國美妝博主都大推呢支，話個刷頭係精髓，所以就入手試下啦！ 關鍵嚟啦！個刷頭真係幼到好似支針咁！同普通個啲大蘑菇刷頭完全唔同，可以精準刷到每一根睫毛。 妝效如何？自然派最愛！ 我通常會薄薄哋搽兩層，效果真係好自然！唔會好似戴咗假睫毛咁誇張，而係好似本身啲睫毛就咁長咁翹，出嚟係「偽素顏」心機妝感！真係做到根根分明，零結塊！ 持久度同防暈度點樣？ 我朝早化妝，到落班返到屋企，足足十個鐘，睫毛都依然Keep住翹！我眼肚算係幾易出油，但用呢支完全冇暈開，冇熊貓眼，呢點真係要比個Like！ 有冇咩要留意？ 如果妳係追求超濃密爆炸效果，咁呢支就可能要疊擦多幾層，或者用支濃密款

zetalhc好用推薦：性價比超高嘅睫毛液，纖細嘅擦牌可以令睫毛根根分明，又唔會起一粒粒嘅膠，非常好用。唯一就係比較難卸妝，就咁用卸妝洗面奶卸得唔乾淨，一定要用卸妝油。 

poonpoon好用推薦：戀愛嘅季節一定要妝容變得更加溫柔，除咗粉粉嫩嫩嘅胭脂，仲有三文魚色嘅眼影之外，一定唔少得一支淺棕色睫毛液。 Majolica majorca 睫毛液出名超多纖維，而且有多種顏色選擇，黑色、深棕色、淺棕色，而且仲有分防水，溫水可卸。 浪漫既季節必選淺棕色，妝容加倍溫柔🌹就算只係搽一層，已經非常長翹，沒有曱甴腳。就算全日都冇甩過。本身的刷形掃頭已經可以令睫毛好纖長，不需要特別技巧。 可惜嘅係只有台灣、日本先有得賣，記得去旅行要團貨。 甜美嘅笑容，加上無敵溫柔嘅妝容，夢幻甜美感up up up💕

YY好用推薦：MJ持久鬈長激場睫毛液 學生年代睇YouTube開始興起，已經撤出香港市場多年😿去親日本旅行一定買返3-4枝，啡色黑色都買。 平價好用，質量好。超多纖維，好易刷到好纖長嘅睫毛 我唔會夾眼睫毛，過份捲撓style唔適合我， 淨係鐘意用纖長mascara，mj睫毛液刷完2層就好夠。我會刷完之後會用眉刷刷返順啲睫毛，咁就好靚。之後再噴setting spray撤回都冇甩，乾得幾快。 出咗全日街有少少溶，用Shu uemura潔顏油都落得好乾淨。到2024仲係我心目中既top one睫毛液 🥇

mandy好用推薦：D-UP Perfect Extension Mascara for Curl 完美纖長鬈翹睫毛膏 #RUBY BROWN 寶石紅棕 功效：纖長+自然鬈翹 建議大家先用mascara base打底， 之後再上完美纖長鬈翹金膏就會更容易掌握。 完美纖長鬈翹睫毛膏可以完成既纖長又自然鬈翹的睫毛。 想要纖長的睫毛，只需多掃幾次睫毛膏便可。 完妝時，睫毛膏鬈翹纖長不暈染不溶妝， 持久度非常好，而且睫毛根根分明。 睫毛膏的掃可以好好的抓緊短小的眼頭睫毛及下睫毛， 而且可以輕鬆畫下睫毛而不暈染。 此外，完美纖長鬈翹睫毛膏暖水可卸，不傷睫毛。 含保濕成分: 聚乙二醇-45M, 水解透明質酸, 維生素原B5 及 水解蠶絲蛋白 鎮靜消炎成分: 維生素原B5 及 銀杏葉萃取 抗衰老成分: 人參根萃取, 銀杏葉萃取 及 枇杷葉萃取 抗氧化成分: 人參根萃取, 銀杏葉萃取 及 枇杷葉萃取

Lumi Kwan好用推薦：顏色都係低飽和度嘅顏色，係現時化妝界最熱門嘅色調，我買嘅係淺啡灰色同埋淺啡黃色，無感比較強，適合化一啲淡水妝，妝容篇冷白色調嘅效果會更加適合，不論顏色，兩支睫毛膏嘅持色度都非常之好，而且冇甩色嘅情況，掃頭都好容易控制，易於描繪。

Rainbow好用推薦：MJ 持久鬈翹激長睫毛液 MJ 睫毛液由中學已經開始用, 最大特點係有黑長纖維同梳子型既刷頭,好容易就有根根分明的效果, 但香港開架已經無得買,上次係日本旅行行過藥妝店,見好耐冇用就買黎用下 今次既體驗: -要係紙巾印走過多既纖維.否則好容易整到眼皮 - 睫毛可以Hold到一日,唔容易dup 返落黎

Karman28好用推薦：十分喜歡呢款睫毛液既刷頭，用完眼睫毛唔會一舊舊，很分明，而且很顯色，感覺睫毛長了和濃密了。 卸妝也很方便，普通的卸妝油或gel都能清潔得很乾淨，不需要特別使用卸眼妝的用品。

Kura好用推薦：呢款睫毛膏絕對好用到超乎你想像，價錢親民，每次用完都可以刷到根根分明嘅睫毛，睫毛非常纖長嘅效果，有放大眼睛開效果，係短睫毛嘅救星，卸妝用普通卸妝水就可以清潔乾淨非常方便 @cosme #日系 #睫毛 #日系

wintonggg好用推薦：canmake嘅調色真係都幾好～茶色依隻好靚，都keep得耐，不過冇話特別纖長，但勝在性價比高，當時有特價三十幾蚊已經係松本清入到手！

Dasha好用推薦：B3 Dazed Violet 011色💜 好鍾意呢個顏色！

Lumi Kwan好用推薦：係因為顔色靚所以買，Color mascara以日牌顔色較低飽和度(相對歐美ysl, L’Oréal等)，而且addiction 日雜誌狂推，所以喺香港唔紅都算可惜。 顔色係橙色，掃頭都幾易刷，但較難用落下眼睫毛，份量一拎會較多，所以第一下要小心，相對持久度高，缷妝一定要用眼部專用，而且要落兩次。

Circlecyy20好用推薦：使用後感覺有小驚喜，因為能夠做到防水防汁嘅效，而且會顯得更加結實明亮

chymiaaa好用推薦：呢款眼睫毛液有防水同防油 持久度效果好好 而且個刷頭好好用 唔會容易結塊 性價比好高 推薦購買！🥰👍🏻

橘子貓好用推薦：一向知道Fasio睫毛膏很有口碑，日本通關後旅遊Shopping，在一系列睫毛膏之中藍色包裝最順眼，就選購了一枝。 這款是自然捲翹纖長防水，四項之中有三項半達標： 自然✅ 自然眼睫毛妝效，不會誇張，塗了像是天生眼睫毛就那麼長。 捲翹✅ 基本上卷曲度可以維持一整天，難得我不用mascara base打底，眼睫毛也不會塌下。 纖長✅ 自然增長睫毛，不同濃密型，就算塗上3、4層也一點都不會令睫毛變曱甴腳。 防水⭕️ 上妝半天就有點溶妝，睫毛膏會暈到眼下有明顯黑色，雖然未去到一撻撻那般誇張。 整體睫毛膏表現是不錯的，可能我是油眼皮，防水防暈效果未如理想，不過也可以用mascara base去補救。還是值得推薦。 #火熱新品

zetalhc好用推薦：用嘅時候唔會起一粒粒膠，可以令到睫毛跳跳分明，個人覺得性價比幾高。而且防水防汗，唔會甩色，但係用普通卸妝油都可以好乾淨清除。

zetalhc好用推薦：可以做到令睫毛更加纖長同埋根根分明嘅效果，同時亦都做到防水同埋持久嘅效果，但卸妝就比較需要時間

mavis好用推薦：防水防油好適合想要自然效果嘅sis 用咗佢唔會太濃密， 效果偏自然

lingbb好用推薦：lancome名氣好高嘅睫毛膏，有Lancome花點綴顯得高貴，而且透明樽身令花朵更有立體感。 扭開帶有五邊掃型刷頭幫助睫毛掃得均勻，而且係曲線棒方便使用。上睫毛液時好輕易沾上睫毛而且好墨黑，掃頭雖大但我係使用上唔會好易hi到眼周位置。如果本身油眼就最好用碎粉為睫毛同眼底定妝。 但我用咗幾次發現用係上眼睫毛一段時間後，會出現下垂冇左曲線，反而下眼睫毛做得出色，每一根都好輕易沾到睫毛液，因我平時用好多睫毛膏用係下睫毛搽完冇乜存在感，所以我推薦俾搵緊下眼睫毛液嘅朋友。

Over.here好用推薦：作為一個唔用睫毛夾既懶人，平日掃兩掃都有自然濃密既效果。防水，唔係用暖水抹得甩。呢個mascara沒有特別多人推介，但對我來說係回購最多既一款。喜歡！

Fannie好用推薦：刷頭好幼細，刷完真系做到根根分明，好自然，試佐好幾款睫毛膏都會試過暈染到下眼檢位，哩款用完暈染情況不太明顯，解決佐我嘅煩惱😆會再回購！

CC1997好用推薦：本身一直用開Dejavu嘅睫毛膏，可以話係咁多年嚟唯一長期使用同回購嘅睫毛膏品牌！我用開紅色同粉紅色大炮，最中意嘅賣點係佢地嘅睫毛膏可以不斷疊加但都唔會起曱甴腳。 呢枝同平時紅色粉紅色嘅效果好唔同，夾左睫毛再搽左之後有個種去做左角蛋白嘅感覺，根根分明同纖長，但就比較無濃密嘅效果。適合化淡妝、想營造自然美女嘅感覺時用。同其他款一樣都係可以疊搽，唔易起曱甴腳的。 持久度方面，春天去行完一日山都仲見到睫毛係纖長同翹，不過有少少黑色粉跌左係下眼位置，可能比較適合短時間外出用。或者唔介意嘅話中途抺一抺下眼簾就可以。 呢個係出左半日街後，抺走左跌係下眼位置粉抺嘅效果： 對比番未上妝前，可以睇到睫毛係長過原本，亦都加粗左，比原本明顯但依然係根根分明。 易缷程度一如既往，溫水可日卸。 總結嚟講，推薦俾日常出街或者番工想化淡妝嘅時候用。