修復面霜 推薦好用產品

Chloeincosme好用推薦：（你見我影到咁夢幻就知我想大讚佢🤍😆） 前排皮膚長期唔穩定，除左泛紅仲狂出粒粒，所以開左D program Skin Repair Dream 呢款面霜。 揀佢係因為佢嘅配方超溫和，冇酒精、冇香料、冇色素，仲標明「不致粉刺配方」，而且通過敏感同刺激測試，見落都安心！ 🤍 溫和度：5/5 完全冇酒精香料，敏感肌用零刺激！就算皮膚泛紅期間使用都冇刺痛，仲有舒緩效果～ 長期用泛紅有所改善！ 🤍 不致粉刺：5/5 標明「不致粉刺配方」，用咗兩星期都冇生新粒粒，連平時易生暗瘡既面側位都好穩定～（之前用一隻韓國牌子會搞到暗瘡爆得仲勁！ 🤍 保濕修護：4/5 質地柔潤唔厚重，推開後形成保護膜，第二朝起身皮膚水潤飽滿，冇再乾到甩皮～ * 但佢絕對唔係非常非常滋潤/ 油潤嘅面霜，佢喺偏水潤！如果極乾肌就要用保濕精華打底！ 🤍 配方安心：5/5 無添加防腐劑，通過敏感測試，對成分挑剔嘅人可以放心使用～ 總結： d program呢支面霜救左我呢個敏感肌同易生粒粒既人🥹溫和得嚟做到基本保濕修護，仲唔會刺激粉刺問題～會回購，推薦！

Lindabb好用推薦：d program酵母益生元修復面霜使用心得 作為一個皮膚偏敏感、容易喺轉季時泛紅唔穩定嘅人，我對於 冬季護膚 嘅要求特別高。今年 冬天 我就試咗資生堂旗下d program呢款酵母益生元修復面霜，用咗一段時間，真係有驚喜，想同大家分享下！ 1. 質地與吸收度： 面霜係帶少少彈性嘅乳霜質地，唔算好厚重，好容易推開。一塗上臉，會感覺到一種即刻被滋潤嘅感覺，但完全唔會油膩或浮喺表面。吸收速度好快，唔使按摩好耐就已經食咗入皮膚，皮膚即刻有種飽滿嘅光澤感，好適合 冬天 鍾意保濕但又怕黏膩嘅人。 2. 修復與穩定效果： 呢款面霜嘅主打係「酵母益生元」，聽落好似好抽象，但用落真係感受到佢嘅修復力。冬季 嘅冷風同溫度變化，好容易令我塊面有少少刺癢同唔穩定。用咗呢罐面霜之後，皮膚嘅「鬧情緒」情況明顯減少，整體狀態穩定咗好多。我覺得佢唔單止係表面保濕，更似係幫皮膚底層加固咗防禦力，係一款真正有助 護膚 根本嘅產品。 3. 冬季保濕力： 雖然佢質地唔算極度厚重，但保濕續航力絕對夠應付 冬天。就算喺乾燥嘅冷氣房或寒風底下，皮膚都冇再出現繃緊或者甩皮屑嘅情況。佢提供嘅係一種深層滋潤同鎖水，令到成個 冬季

Paris merci 好用推薦：Clarins 彈簧霜，依條line推介俾30至40歲人士使用，專防止膠原蛋白流失。 我係試完sample，就買面霜，不過我買錯咗係環保替換裝，倒落其中一個樽入邊，都係一樣啫。 佢係屬於比較清爽嘅面霜，搽上面之後都幾好吸收，就算朝早用嘅時候都吸收得好快唔會同底妝擦膠碎。坦白講佢話用完之後皮膚可以漲起，有點誇張，感覺就比較細滑有彈性。Clarins所有都可以俾孕婦使用，功效比其他牌子更加細緻。不含酒精敏感皮膚都可以使用。 如果對於乾性皮膚嚟講，濕度就一般，可能需要加返double serum油先至夠滋潤💕

Kitty 好用推薦：話說前排成日熬夜，塊面開始有啲墜墜哋嘅感覺，睇落冇咁精神，於是拎出上次Clarins sales送嘅呢支Extra-Firming面霜sample來用。一打開樽蓋就聞到陣好舒服嘅植物清香，唔會太濃，好放鬆～ 質地係creamy但唔黐笠，推開之後好快吸收，有滋潤感，但唔會留低一層油光。對我呢個T位油、面頰乾嘅人嚟講，呢個平衡度做得幾好！ ✨ 上臉感受： 搽上面嗰陣感覺好柔滑，皮膚摸落去軟熟咗～最驚喜係後續上妝唔會同底妝打交，唔會搓泥或者搞到粉底一撻撻！之前用過其他抗老面霜，好多時太潤會令妝容溶得快，但呢支完全冇呢個問題。 ✨ 效果分享： - 緊緻度：用咗大概一星期，覺得塊面嘅線條冇之前咁模糊，尤其係下巴同頸位，感覺托得幾好。 - 飽滿感：皮膚睇落冇咁攰，尤其係朝早起身，冇之前咁浮腫同暗沉。 - 保濕力：秋冬用都夠力，唔會繃緊，但如果你係極乾肌，可能夜晚要加多層精華。 ✅ 優點： - 清爽得嚟有足夠滋潤，混合肌真命天女！ - 香味高級，用嗰陣有種護膚儀式感。 - 真係有即時緊緻同平滑效果，急救一流。 ⚠️ 注意位： - 如果你追求極速V面，可能要靠美容儀配合，呢

Eun H好用推薦：使用了 Helena Rubinstein 黑繃帶面霜 一段時間，質地偏滋潤但延展性很好。皮膚乾燥或狀態不穩定時用，修護和舒緩感覺不錯，第二天皮膚會比較柔軟穩定。不過對我來說稍微有點厚重，建議少量使用或晚上用會更合適。整體是一款修護力不錯的面霜。

Kmggigi好用推薦：HR Replasty 修復晚霜 — 高效修復，減淡泛紅細紋✨ 效果: 呢款晚霜嘅修復效果非常顯著， 使用後可以有效抑制泛紅同減淡細紋， 尤其適合需要修護嘅脆弱肌膚，幫助重建健康膚質。 雖然晚霜本身滋潤度唔錯， 但對於乾肌用家，如果皮膚屏障唔算好強， 建議搭配保濕精華一齊使用， 可以進一步改善乾燥問題，令修復效果更加全面。 總結：修復力一流，脆弱肌膚的完美選擇 HR Replasty 修復晚霜以強效修復力見稱， 能有效舒緩泛紅同減淡紋路， 對於需要修護嘅肌膚非常適合。 如果你係乾肌，用前搭配精華使用， 就可以更好發揮晚霜嘅修復力量，絕對值得一試！

Chan好用推薦： 哇呢支面霜質地豐厚但唔厚重，一挖出來推開就好好推，吸收超快，搽完即刻覺得皮膚水潤飽滿，摸落去彈彈地好有彈性！洗完臉之後完全冇繃緊乾爭感，反而柔軟到想摸自己臉。持續用落去，推完吸收好快，第二朝起身皮膚Q彈有光澤，額頭同虎紋位置嘅皺紋真係淡咗少少，臉頰都飽滿咗，感覺緊緻度up up！用咗幾週，肌膚屏障好似被修復晒，唔再易乾、易敏感，作為抗老面霜同時修復效果好明顯，洗完臉唔再易繃，持續用落去皮膚更有彈性，唔黏膩唔油，乾紋鬆弛改善好多，摸落去超滑超舒服，簡直係敏感乾肌救星！

Candy Ng好用推薦：老實講，如果不是朋友送贈，在Manning 或者其他店鋪試用完之後，我是不會買的🙈 因為它上臉質地好似豬油膏，容易推開，卻不容易吸收，我感覺不是很好。對於它的功效，我未有太大感覺😣 可能用耐到會有另外感覺。 #火熱新品

Emily Leung好用推薦：日本 花王SOFINA iP 面霜 真實使用感受～ 膚質：油皮 不愧是日本賣到💥的面霜，確實有點東西！ 換季的時候皮膚特別容易乾燥，這款面霜簡直是救星～ 💗 質地：剛好介於水潤和厚重之間，有輕微的拉絲感，非常好推開，延展性很棒！上臉吸收速度很好，滋潤但不黏膩，保濕力很強。 💗 氣味：味道很治癒！個人感覺有點像小時候吃的泡泡糖，甜甜的但不會膩，用的時候心情都會變好～ 💗 使用感受：剛塗上臉，會有一點點精油感，但完全不會厚重悶痘，反而很快就被皮膚吃進去，第二天起床，皮膚像喝飽了水一樣Q彈細膩，化妝也不容易卡粉。 💗 使用小技巧：這款面霜本身滋潤度很高，不需要疊塗太多護膚品～ 洗完臉→化妝水→直接用它，稍微厚塗一點，第二天醒來皮膚會超級水嫩！ 價格很香，對於學生黨也很友好～強烈推薦！ 

Jeniel好用推薦： 呢支晚霜剛上面嗰陣會覺得滋潤度有返咁上下，但完全唔係嗰種黏笠笠、厚到焗住嗰類。推開之後質地偏向綿滑水潤，塗落面唔會扯住皮膚，反而好似逐層咁貼服返上去，皮膚感覺即刻被安撫咗。 吸收算快，第二朝起身，明顯覺得膚觸靚咗：表面冇咁乾，摸落彈+滑，細紋同粗糙感都會收斂少少。最有驚喜係用嚟打底嘅時候，成個底妝狀態：打底唔容易起屑，卡粉情況少咗好多，用晚霜之後皮膚保濕穩定咗。 如果你係容易乾、或者角質層想要修復同穩定保濕嘅人，我覺得幾啱；即使係想搵滋潤但又唔想負擔太重，都可以考慮呢款。 滋潤度： ★★★★☆ 吸收速度： ★★★★☆ 清爽度： ★★★★☆ 適合季節： 秋冬／乾肌晚間修復

Myonlyone好用推薦：同你哋分享吓我最近支新寵——Estée Lauder嘅「新生活膚彈活輕盈面霜」。真係堅得！ ✨第一感覺：質地輕盈到冇朋友 一打開就係陣好舒服嘅高級花香。舊式滋潤面霜成日話「笠」，呢隻完全唔會！佢係嗰種好幼滑嘅乳霜，一掂到皮膚就好似化開咗咁，「咻」一聲就吸晒，唔黐立立，亦都唔會油光滿面。朝早趕住出門口搽完，再上防曬同粉底都唔會「搓泥」，正！ 💧水潤感係咁樣㗎 我係混合肌，T字位好易出油但面頰又會乾到「攝」手。用咗呢隻面霜之後，成塊面嘅水油平衡好似好咗！唔係浮喺面頭嘅「假潤」，係摸落去覺得皮膚底層飲飽水咁，好Q彈。而家就算開成日冷氣，塊面都keep住有光澤，唔會下晝就乾到現細紋。 👍緊緻效果？有料到！ 初初用頭幾日，淨係覺得好舒服好潤。但用夠一個禮拜左右，就開始覺得有啲唔同。最明顯係朝早起身照鏡，成塊面好似冇咁浮腫，個下巴線條出返少少。特別係按完護膚品之後，覺得塊面嘅皮膚好似「實淨」咗、有彈性咗，唔係鬆泡泡。我阿媽仲問我係咪瘦咗，塊面尖咗喎！（我心諗：係呢樽嘢嘅功勞呀！） 📝總結俾你 如果你都係： ➜ 怕面霜「立」，又想夠保濕 ➜ 想塊面睇落冇咁累、冇咁腫 ➜ 需要支早晚都用得、打好

Kathy Wai好用推薦：前排塊面望落有啲暗啞，見到好多用家讚呢支「布丁肌面霜」，心思思入手試咗，用咗大約兩星期，真心覺得冇買錯。 首先要講佢個質地真係好驚喜！佢個名叫「輕盈面霜」，真係名符其實。質感好似布甸或者豆腐花咁，軟滑得嚟又輕身。一推開就即時吸收晒，完全冇嗰種黐笠笠或者「漿住」塊面嘅感覺。就算我呢排潮濕天氣用，都覺得好清爽，第二朝起身塊面唔會話狂出油。佢嘅保濕力仲要勁好，用完即刻feel到塊面飲飽水，脹卜卜咁。 最緊要嘅提拉緊緻效果，用咗大概一個禮拜左右，已經睇到有啲分別。我特別留意自己嘅蘋果肌同下顎線，望落冇之前咁「塌」，塊面係有種向上拉咗嘅感覺，虎紋都好似淡咗少少。佢個官網都話臨床測試證實，持續用可以提升蘋果肌同下顎線，呢點我幾buy。 佢嘅成分都幾架勢，有咩芙蓉花-8分子精萃同辣木精華，幫手推膠原自生。我用完之後，覺得皮膚光澤感明顯提升咗，望落冇咁黃，係健康嘅光澤。 唯一要挑剔嘅位，就係價錢偏貴，同埋對某啲混合肌嘅人嚟講，可能最熱嘅夏天用會覺得少少潤，秋冬用就啱啱好。不過整體嚟講，呢支面霜嘅使用感同效果我都好滿意，如果想搵一支可以慢慢幫皮膚回復彈性嘅抗衰老面霜，呢支絕對值得投資！

Fng好用推薦：Hada Labo 雪芭冰感霜 ❄️ 優點： · 瞬降3℃冰感：一推即化水降溫，香港夏天戶外返屋企厚敷5分鐘，即刻鎮靜泛紅同燥熱感 · 滲透力驚人：含多重玻尿酸，補水唔浮面，熟齡偏乾肌用後毛孔即時飽滿，唔會悶出粒粒 · 百元價位王者：同價位（$150以下）保濕霜中，唯一做到「降溫+深層補水」，性價比贏盡Curel、NIVEA水感凝霜 ⚠️ 缺點： · 保濕續航力短：冷氣房瞓覺的話，半夜會覺得乾，要疊加保濕精華 · 功效單一：純補水降溫，無抗老/美白成分，熟齡肌要額外搭抗老產品 · 酒精促滲：敏感肌可能輕微刺痛，極敏感者不建議試用 🌞 香港夏天表現： 混合偏乾肌日間薄塗一層夠爽又保濕，晚間要厚敷先夠力。出汗後無化白汗，降溫效果實測比Biore冰感防曬更持久！ 💡 總結： 百元級降溫補水神器！適合香港夏天追求瞬間降溫同深層補水的熟齡混合肌，但極乾肌同抗老需求者要疊加其他產品～❄️ #HadaLabo #夏日降霜 #開架保濕

lingbb好用推薦：穩定夏日肌膚我有計！香港天氣太熱，熱到塊面紅卜卜，又好易熱到泛紅敏感，見到snow dew就覺得必須要入手，見到雪葩質地既面霜真係好開心，面霜配有一個小勺，質地係非常滑身嘅雪葩狀，非常易推，有種冰涼感覺好舒服，摸落皮膚好柔軟順滑，有即時blur毛孔效果，上面冇黏笠不適，上妝都冇問題，保濕度我覺得幾好，如果天氣太熱，皮膚局部灼熱都好適合用呢種質地既面霜厚敷，我覺得可以放埋係雪櫃用應該會更冰涼！

YYeman好用推薦：終於俾我搵到妝前救星！MAC白芍面霜 卡粉甩皮嘅姊妹集合！我唔准仲有人未用過MAC呢支白芍面霜，真係完美掌握咗妝前保濕嘅精髓，簡直就係底妝嘅神級助攻！ 質地係輕盈嘅雪糕感，一推就開，潤得嚟唔油膩，完全唔會對皮膚造成負擔。每次用佢，都覺得似同塊面做緊豪華SPA，皮膚即刻被水潤包住。 核心成分係珍稀雪域白芍，再加煙酰胺、神經酰胺同霍霍巴籽油，組成Pro4修護矩陣。唔單止可以由底層提亮膚色，仲可以平衡、重塑同加強皮膚屏障，等塊面由內到外散發健康光澤。即使帶妝成日，個底妝都依然乾淨透亮，暗沈卡粉全部消失！ 用咗佢之後，上妝超順滑，粉底好似同皮膚融合咗一樣，毛孔、乾紋統統隱形，鼻翼同嘴角呢啲易卡粉位都變得貼服。無論你係乾皮、油皮定混油皮，佢都輕鬆駕馭，真係全膚質通用嘅寶藏面霜！ 一支搞掂妝前保濕、提亮同養膚，MAC白芍面霜簡直就係底妝界嘅「全能王」，邊個用都會愛上！未試過嘅寶貝一定要試，絕對會成為你嘅妝前新寵！ -

Nicole 好用推薦： 質地比較厚身，但都算容易推開，自帶淡淡香味。 我通常天氣比較乾燥時才會用它，只針對局部位置，不會全面都用（本身混油皮）不用塗太厚，不要塗完馬上上粉底，給它一點時間吸收，後續底妝會更服貼和不卡粉。

Simone好用推薦：多謝 @cosme 的試用讓我與我的孩子有機會使用Mustela牛油果萬用修護霜！ 有小孩的家長都應該聽過Mustela這個牌子，我的孩子有嬰兒出生到現在三歲也是用Mustela的產品洗澡！所以一聽到Mustela 的試用，我便立即申請！🤭 Mustela牛油果萬用修護霜是法國製造取自三個產地來自秘魯的牛油果，提煉出新鮮初榨牛油果油，牛油果糖及抗氧化的多酚，當中蘊含99.7%天然成份，獲有機認證，能為肌膚提供滋潤、修復和保護的功能。更可長達24小時修護及改善肌膚屏障。 產品的質地及氣味：的確是牛油果的顏色！因為是無添加的產品，所以沒有特別的香味！因為沒有其他的香味，讓我更放心讓孩子使用。 在試用這7天，我與我的孩子一起使用！一起來看看Mustela牛油果萬用修護霜的滋潤效果！ 下面是用在我身上的前後比較圖！在這個冬天，洗完澡都十分乾！我的皮膚更會癢到睡不了！不停地抓！塗Mustela牛油果萬用修護霜後水份大大提升！Up! Up! Up! 而我的孩子十分害怕黏著皮膚的乳霜！但Mustela牛油果萬用修護霜一點都不黏著皮膚，水份又大大提升！Up! Up! Up! 而值得一提是它

wingche好用推薦：向都好鍾意牛油果🥑，因為佢係superfood，食落肚固然健康，但原來而家仲可以外用⋯ 一唧出嚟好驚喜，真係牛油果綠，好靚，仲要真係好creamy👍，一推開就好易搽勻曬！適逢我隻手因為戴完手鏈有啲敏感，用佢就啱曬！ 本身有少少痕癢，沖完涼搽佢已經好快冇咁痕，過多幾日，仲消紅消腫咗好多。 不過最鍾意佢嘅一點係：好多時搽完Body Lotion🧴會有種油淋淋嘅感覺，所以會等到臨瞓前先搽，但往往因咁就唔記得咗搽，攪到成日又痕又乾；好彩佢係好快吸收曬，肌膚雖然唔會油淋淋，但好似入面注滿水份咁，冇咗乾紋，所以而家可以一沖完涼就用佢，保持全身都有靚肌膚！ **因為冇呢種油淋淋嘅感覺，屋企嘅男士同仔仔都唔抗拒冬天用佢，一支lotion照顧全家！

dandan好用推薦：❤️好感謝@cosme 抽中我可以試用我地香港本地品牌護膚品 . 近年來越來越流行Clean Beauty，自己都自購左好多外國品牌. 但有時D質地真系 🙈 想要保濕滋潤 難免就會"漿糊感", 但今次YHKCARE 尼3支cream令我眼前一亮 😍🤩 密羅木抗敏滋潤保濕霜 亞麻籽抗敏滋潤保濕霜 苦橙花抗敏滋潤保濕霜 首先我膚質 乾性肌膚 小小敏感. 💖因為都會定期出去做下pico療程 所以皮膚都經常會處於極度缺水狀態🙈😅 療程後只能用單純補水產品 . 而3支cream真系純天然 令我用得好安心.及時可以幫我舒緩敏感泛紅的臉頰.質地系乳霜 有存在感 但過一陣就會吸收啦.皮膚狀況保水，光澤😍🤭 第二日照鏡都覺得自己塊面好令🤣 但不是油膩的！ 💖驚喜點仲有連我bb有輕微濕疹 我都會比他用來舒緩痕癢 補水滋潤！起碼我見他真系少左R自己濕疹位置😉 💖真空包裝 扭一扭 方便又衛生👍 希望本地品牌YHKCARE可以繼續研發尼類型甘好用又性價比高的產品 😇❤️💪 💕之後用完會自購啊！ 😍

kkkelda好用推薦：好開心收到@Cosme 抽中可以去試用香港本地品牌《YHKcare》的抗敏滋潤保濕霜系列，三枝分別係密羅木抗敏滋潤保濕霜、亞麻籽抗敏滋潤保濕霜以及苦橙花抗敏滋潤保濕霜☺️ 苦橙花抗敏滋潤保濕霜係三枝入面唯一一枝聞到有淡淡花香味，因為當中加入左天然苦橙花精油，但味道好舒服，好自然！用上面之後唔會再聞到，但對味精比較敏感嘅Sis可能要去專門店試左先。 個包裝非常貼心，做左真空包裝設計而且無樽蓋好岩我呢d成日唔見野嘅人，另外唧完佢唔會有面霜痴住係樽管到，非常sweet!! 唧出泥係白色霜狀，唔厚身！用手指可以好快推開，之後茶上面好快吸收哂！用完都唔會覺得黐立立😍朝早我當佢係日霜用完佢化妝無同我任何化妝品打交，無出現起擦子膠碎，非常好👍🏻夜晚我當佢係晚霜，用既份量比日頭多小小，第二日起身都唔會覺得成面油吸收唔到d護膚品，反而d皮膚有光澤感出現。 個人覺得佢做到滋潤肌膚，恢復皮膚光澤，但呢兩點可能對30歲或以下效果比較明顯，抗敏方面我覺得無亞麻籽抗敏滋潤保濕霜咁快睇到個效果，但係皮膚無乜問題，想搵枝平平地一年四季可以用到既面霜，佢絕對係性價比高👍🏻👍🏻 完全冇諗過香港有啲咁正嘅護膚品，之

mcosmetics好用推薦：去Clarins counter 買晚霜，sales 推介乾肌用呢款（for all skin types), 同系列有出for dry skin但佢話比較油潤只係冬天最乾嘅日子先用到。最後我買呢款我夜晚搽完精華用就夠，最乾嘅日子on top加squalane oil~ 質地好滑，搽上面舒服易吸收。但要留意花香味好重，最好去counter試左先。sales話孕婦同敏感肌用得。我本身易敏感用完都ok不過轉季會用返cerave呢類穩陣啲嘅牌子～

wingche好用推薦：話說我對面霜有種講究，朝早同夜晚嘅功效唔同，要求都會唔同，比如朝早要透薄輕身啲，但夜晚要搽完好似有層薄膜保護肌膚咁！ 因此我選擇Clarins，佢呢款晚霜非常適合我呢啲混合偏乾嘅肌膚，一開蓋就會聞到佢獨有嘅淡淡花香～～相信有用開佢double serum嘅朋友仔，絕對唔陌生呢種氣味！ 面霜呈白色，取少少份量，已經感覺到佢係挺身好似平時整蛋糕打起咗嘅cream咁！ 輕輕推開喺面，會多現佢好似轉化成少少油咁係面部。 隔幾日，會感受到肌膚比之前潤滑，啲缺水嘅紋理仲會淡咗，膚色無之前咁暗啞。 過多排，會覺得皮膚滑咗𠻹～～

楊壯碩好用推薦：#夏季必備保養 #夏季必備保養 #夏季必備保養 Laneige water bank blue hyaluronic cream 是我愛用的夏季面霜之一，我so far已經用了2樽，全部自費購入使用，自費回購。我的具體評價如下： 優點： 1、質感水潤輕盈，介乎cream與gel之間的質地，即便在潮濕悶熱的夏季使用也完全不會覺得油膩厚重，油性皮膚也不用擔心會「悶痘」； 2、補水保濕能力夠高，雖然是輕薄水感的gel cream質地，但足以抵抗冷氣房的抽濕功能，同時又不會令皮膚感到黏膩不透氣； 3、擦上面後很快吸收，吸收後膚質看上去很好很飽滿，有些許水光感，很又不會像disco ball一樣泛著油光，而是令面部皮膚持續性地看上去帶有透亮的自然光澤； 4、sits well under makeup，不會與底妝「打架」起「擦膠碎」。 缺點： 1、它的氣味很特殊，不是香的，不知道怎樣形容比較貼切，反正那不是一種宜人的氣味，但這種氣味並不濃烈，而是很淡的，擦上面後很快就聞不到了，所以也不算太bother我，有興趣買它的用家可以先聞一聞它的tester，確定自己可以接受它的氣味再買； 2、包

Kelvin好用推薦：Laneige有三款保濕cream，呢款望落好似gel咁，搽咗上面之後其實質地係有啲厚身，但又唔會好似其他cream咁油膩，搽完上面冇咩油份，所以而家冬天用其實係幾啱，好似我啲男士皮膚又唔鍾意太笠嘅就好適合。 如果夏天就要用另外嗰兩款水啲嘅。佢嘅功效就係好單純嘅純補保濕，用完冇特別大驚喜，但皮膚又幾保濕，用完幾舒服😌

橘子貓好用推薦：Sofina ip Interlink Serum 專門店贈品。產品是奶白色啫喱霜狀質地，推開後很水，快吸收。如產品宣稱般是化妝水+乳液二合一，用它真的可以取代兩者，保濕度不錯。我亦能感受「均勻光澤保護膜技術」，吸收後觸摸肌膚會感受到有塗產品，但完全不黏笠。 不過，我不會考慮購入正裝。為什麼？香味太濃了，雖然只是花香味，但產品吸收後依然聞到持續的香味，我對這種氣味很敏感，久聞了有點難受。

_jc好用推薦：連同sofina basic ip base care serum 一齊購入 第一次用sofina 精華有驚喜 質地唔算最輕薄 而保濕度可以維持到第二日 推薦使用～ 之後應該會買貨size

Milo101好用推薦：🌟白色軟膏狀，有淡淡香氣 🌟滋潤度十足，同時吸收力也很強 🌟很適合秋冬天，乾燥天氣使用 對比一下同品牌的moisturizing cream 和soft cream，這瓶soft cream的質地明顯更細軟。 雖然滋潤度強，但吸收能力遠遠比moisturizing cream更快更高，在面上按摩輕推幾下，就能在皮膚表面形成滋潤層。 即使日間使用，外加底霜和粉底液後，也不會太厚重，更不會起擦子膠屑。 晚間使用，經睡眠修復後，翌日早晨有輕提亮作用，皮膚仍然保持柔軟潤澤。

Nicole 好用推薦：面霜質地很水潤好推，做到潤而不油，既有包裹感又不黏笠，味道也很高級好聞！ 平時作息不規律和經常熬夜等等，很容易面黃、有疲態，用它的這段時間可以感受到早上起來皮膚的狀態是飽滿和嫩滑！

Ming好用推薦：冬季護膚心得， 雪花秀滋潤人蔘面霜 第一次用升級版清爽型人蔘面霜，升級版加入人蔘花成分，香味更高雅，搽上面真係好舒服。打開已經聞到好清新的香氣，令人好放鬆。 質地保濕豐盈但唔油膩，推開容易吸收，用完完全冇黐立立嘅感覺，好適合晚上使用，第二朝起身皮膚保持水潤柔軟，毛孔睇落更細緻，膚質明顯改善。 呢款面霜兼具清爽同滋潤效果，既能提供日常保濕，又能提升肌膚質感，係一款值得長期使用嘅抗老保養品。價錢有啲貴，但成效很好。

natanatalie好用推薦：貴婦級面霜有著貴婦級效果🥳 這算是我用過最貴的一款面霜，接近$2000有50毫升，價錢也是相當之高昂。🤑 一打開這款面霜，便有着非常強烈的人蔘氣味，在腦海中也立刻浮現到韓國的人蔘尊貴的護膚效果。他的質地是非常的柔滑和易推，在面上按摩會有着非常紓壓和享受的感覺，就好像為肌膚進行一些很高級的護膚步驟。😍 這款面霜的滋潤感和保濕感都是能夠瞬間感受到的，因而不理的面霜能夠給予肌膚即時的滋潤，但卻不會感覺很油膩，因此並不會令肌膚出現粒粒和暗瘡，亦不會對肌膚造成任何負擔。我想這就是這款面霜價格高昂的原因吧。🤣 用了這款面霜之後，肌膚感覺瞬間變得很柔軟，第二朝肌膚也會很軟熟，粗糙感大減，緊致的功效非常顯著，肌膚彈性明顯提高了。而且用了它之後毛孔感覺也變小了，化妝也感覺更為貼服。🩷

Bendict好用推薦：都係好物分享😹 之前皮膚敏感 買左好多抗敏感嘅product La Roche-Posay 呢支B5 light cream真係敏感救星 我用緊第二支嘞😹😸😸因為之前與用過 同牌子嘅 萬用修復霜 但嫌質地太厚重🫠 所以買左呢支light cream 質地冇咁粘立 但鎮靜皮膚效果perfect 同用左幾星期真係覺得皮膚水潤咗好多 但至於收細毛孔效果就未睇到 上邊係B5萬用修復霜 下面係 B5修復 light cream 比較無咁厚重 鎮靜皮膚同保濕效果真係唔錯 真係推薦試吓😸👍

Yuki好用推薦：皇牌修復入門套裝其中1個產品CICAPLAST B5修復強韌乳霜15ml瓶口好細 可以精準控制用量乳白色乳霜質地輕盈好易推開聞落有少少似中草藥味 乳霜當中有益生元成份菌Tribioma 可以平衡皮膚表面益菌群落 而APF水絲透明益菌萃取物 可幫助平衡肌膚微生態 加上舒緩成份維他命B5同積雪草萃取 除左能夠舒緩肌膚乾敏 同時做到修復肌膚屏障 乳霜質地比較輕薄 對於沙漠肌泥講 保濕滋潤度都係差少少 但修復效果唔錯 可以改善到濕疹狀況 春夏時可以單用乳霜 秋冬天氣比較乾燥 可以疊加B5萬用修復霜 效果會更加顯著 產地：法國 購入日期：2024-11-28 購入方式：萬寧門市 入手價錢：HKD185 (潔面泡50ml + 爽膚水50ml + 噴霧50ml + 乳霜15ml + 修復霜40ml) 原價：HKD315/40ml (HKD7.875/ml) 回購：7/10

Kelly Wong好用推薦：《面霜篇》 呢款 L’OCCITANE 蠟菊極致修護精華面霜，主打提升緊緻、抗皺及深層修護，以改善細紋與暗沉。 追求抗老修護功效既面霜，就要預咗價錢小貴喇💸。不過本身呢個品牌最有特色既「蠟菊」系列已經非常出名，所以為咗對抗乾燥既冬季，花少少錢買呢隻面霜配合一齊用都值得嘅～ 用後真係冇令我失望，精華油鎖住水份💯，成個冬天都冇再甩皮！仲有天然花香味🌼，夜間使用時，能營造放鬆氛圍，有助入眠。質地絲滑，吸收度佳，冬季乾燥完全唔會黐立立👍🏻 夏季就可能需要轉換清爽型嘅面霜。 總結來說，它非常適合追求抗老修護與奢華護膚體驗的人。

郭郭貓好用推薦：混合肌偏乾 兩頰容易脫皮，我覺得質地很滋潤但是又很好吸收！非常適合乾肌的肌膚用，用完兩頰沒有緊繃感，而且水潤味道很好聞！ #水潤

zetalhc好用推薦：係爆暗瘡嘅時候會用，可以即時消炎同埋做到控油效果，但係就會整走左好多皮膚嘅水份，用咗之後皮膚會有啲繃緊需要後續保濕

Noel好用推薦：這枝急救面膜係弟弟的推薦產品，在皮膚變差，出暗瘡及面部暗啞無光時使用。個人屬乾肌，比較喜歡夏天使用，冬天就會停用。 Out Of Trouble 10 Minutes Mask to Rescure Problem Skin Made in USA 面膜呈白色，非常 creamy 容易推開，並帶有強勁薄荷味。塗到面上，會有點冰涼感覺，夏天用 very fresh 💚 面膜能有效帶走面部油脂污垢，使皮膚清爽。(乾肌不宜用得太頻密😅) 用後皮膚變明亮，感覺做了 deep clean。而生暗瘡的位置，痛楚會有少許減輕，有鎮靜效果👍

Natp好用推薦：日本買cdp平好多， 所以要試埋最貴果款cream ! 雖然日本買都係好貴， 但30ml 用到好耐好耐！ 每次用好少就夠成塊面， 真係用到有點悶！ 好想快啲用完！ 因為沒什麼效果！ 頂級貴婦面霜 都有很好的膚感， 這個都一樣！ 潤耐不lup, 香味十分高級， 很討好！ 功效方面…. 沒有很驚人， 除了很保濕得來唔lup之外， 都不覺得有其他改善。 最多都是乾紋少左， 膚色均勻左（但不是變得亮白） 整體都是失望的， 不值這麼貴！

JuneL好用推薦：La Cremé 質感呈米白色的膏狀, 不要看它濃稠的樣子, 其伸挺力很好, 我多在晚上使用, 每次用量不需多! 用後肌膚很快被吸收, 而且已感滋潤及帶光澤感, 夏天怕塗黏膩產品的我, 用後不會覺得黏膩! 到翌日早上, 肌膚還能感到柔嫩滋潤,有彈性, 用過便知它的卓越效能!

zetalhc好用推薦：質感唔油膩好容易吸收嘅面霜，補水鎖水效果都好好，油性皮膚都唔覺得油膩，但秋冬季節用我就可能覺得唔夠保濕

yntynt好用推薦：好保濕而且唔笠，之前塊面有少少敏感紅搽完一晚第二日好快無事，已經回購過幾次