專櫃洗面乳 推薦好用產品

Fng好用推薦：Clé de Peau Beauté 鉑鑽淨膚潔面泡沫 ✨ 🌟 第一印象：貴婦級潔面的儀式感 作為資生堂集團旗下嘅頂級品牌，CDP嘅產品從來都冇令人失望過！呢支「鉑鑽淨膚潔面泡沫」嘅包裝延续咗品牌一貫嘅簡約高級感——拎上手已經覺得自己係貴婦！💎 佢有分滋潤型同清爽型兩種，我作為混合偏乾肌，今次揀咗滋潤型（Softening），等我可以喺轉季時都保持水潤感～💧 ✨ 質地與起泡力：如雲朵般綿密奢華 一擠出嚟，係乳白色帶有微微珠光嘅膏狀質地，入面仲有極細緻嘅閃亮成分，真係無愧鉑鑽之名！🤩 加少少水輕輕搓揉，瞬間起出超豐厚綿密嘅泡沫，好似將一舊軟綿綿嘅雲朵捧喺手心咁！☁️ 泡泡嘅密度極高，完全唔會滴水，上臉按摩時感覺好似俾天鵝絨輕撫，零摩擦感，洗面過程變成咗一種享受～🥰 🧹 清潔力與洗後感：乾淨透亮，不乾不繃 呢支潔面嘅清潔力真係好出色！💪 可以徹底洗走防曬、油脂同埋日間積聚嘅污垢，連鼻翼兩側嘅粉刺同角質都清得乾乾淨淨。最驚喜係，洗完面後完全冇繃緊感，皮膚摸落去係柔軟、水潤、滑溜嘅觸感，仲帶有自然嘅透亮光澤！✨ 黑頭都少咗啲！👃 🌸 香氣與成分：高級花香，護膚級享受 佢散發出淡淡嘅牡丹同

TsuenMa好用推薦：#Clé de Peau 鉑鑽淨膚潔面泡沫 一支出嚟就會見到佢乳白色偏Gel狀嘅、但係有閃閃亮亮嘅成份喺入邊，無虧欠咗佢個產品名「鉑鑽」，配搭住淡淡嘅香氣，高級感爆燈！ 篇膠狀嘅洗面乳，推開個黏性比較強，會感受到佢將你毛孔入邊嘅污糟嘢帶走。深層清潔好皮膚，先可以俾返你皮膚原有嘅光澤度，令皮膚更加光澤從細滑。但由於呢款清潔力比較強，乾性皮膚或許會有些少繃緊的感覺，我自己就局部地方會有些微繃緊嘅感覺，所以用完佢之後我都會即刻用返啲保濕度較高嘅產品去做保護，等皮膚keep住水份。 產品含有覆盆子精華，主要係抗氧化功效，令皮膚透亮光澤，製造柔滑嘅膚質。 淡雅香味縈繞，舒適潔面體驗，綻放明亮光澤。淨化肌膚表層，觸感平滑柔軟，令肌膚透亮白皙! 我呢個都差唔多用完一支，可能都會去繼續試吓發掘有冇其他更加高性價比、更加好嘅product。

mandy好用推薦：Sulwhasoo Gentle Cleansing Foam 順行潔顏泡沫 $280 / 200ml 功效：潔淨肌膚+保濕 早已聽聞順行潔顏泡沫十分好用， 用過果然立即變忠粉，天天按時使用， 還想回購常備家中呢。 即使順行潔顏泡沫只是潔面產品， 也添加了不少美肌成分， 比不少開架品牌的潔面產品蘊含更多美肌成分， 以抗氧化、抗衰老及保濕成分為主。 順行潔顏泡沫可以輕易起出海量豐盈的泡沫， 能徹底潔淨肌膚，而且不會引致乾燥緊繃。 潔面後，肌膚變得潔淨水潤，而且觸感柔滑。 含保濕成分: 戊二醇, 丁二醇, 乙基己基甘油, 春榆根萃取, 草綠鹽角草萃取 抗氧化成分: 川穀籽萃取, 可哥萃取, 覆盆子果萃取, 春榆根萃取, 草綠鹽角草萃取, 桑葉萃取, 濱海當歸萃取 及 維他命E 抗衰老成分: 川穀籽萃取, 可哥萃取, 覆盆子果萃取, 春榆根萃取, 草綠鹽角草萃取, 桑葉萃取 及 維他命E 美白成分: 川穀籽萃取, 草綠鹽角草萃取, 桑葉萃取 及 維他命E 控油成分: 糊精 鎮靜消炎成分: 覆盆子果萃取, 春榆根萃取 及 維他命E 去斑成分: 草綠鹽角草萃取 及 桑葉萃取

royu3好用推薦：如何在潔面時去除污垢，又能保持肌膚水潤， 一直是乾性肌膚最大的課題。 試過各類型的潔面產品，兩者很難兼得。 直到遇上這枝雪花秀的順行潔面泡沫！(*'▽'*) 潔面時揼出約2泵的份量， 起泡前為焦糖色的透明液體、帶點草藥清香。 （很療癒的氣味，個人很喜歡！） 我習慣使用起泡網， 只需2泵就能打出豐盈順滑的泡沫！ 綿密泡泡敷在臉上十分舒適(˶‾᷄ ⁻̫ ‾᷅˵)潔面後感覺乾淨，毫無繃緊感， 而且比潔面前更柔滑！ 它的成分天然，蘊含韓國傳統草藥萃取，能溫和潔淨肌膚。 不單只是乾肌，還適合任何性質的皮膚， 一年四季都適用！推薦👍🏻

Kitty 好用推薦：呢支潔面分滋潤同清爽兩款，我係混合肌揀咗滋潤型✨ 膏狀質地好幼滑，加少少水就起到好豐厚綿密嘅泡沫，仲帶陣淡淡嘅高級花香🌹 洗面過程好享受～ 洗完面塊臉超爽淨但完全唔會繃緊，保濕做得好好💧 鼻翼兩邊嘅油脂污垢清得好乾淨，連黑頭都少咗啲👃 雖然價錢有啲貴，但每次用量好少，一支可以用好耐，性價比其實唔錯✅

Rachel好用推薦：加水起泡用 清潔力夠之餘又滋潤 完全冇繃緊嘅感覺 味道清新舒服 但性價比唔高 有預算可試試

Mformomo好用推薦：超推薦 Perfectly Clean 全效深層淨肌潔面泡沫/面膜 我通常會當面膜咁敷～洗完就會覺得啲皮膚好乾淨 真係好好用～我每星期都會敷一次..但我敷完當晚一定要敷個保濕面膜～唔係嘅話 起身我個鼻同 鼻翼位就會出好多油～所以一定要敷保濕面膜

maylam好用推薦：好用嘅潔面產品！ 用少少就可以好易起泡 洗完面之後塊面乾淨、唔油都唔繃緊 絕對會回購！

Emily Leung好用推薦： 前陣子入手了Kanebo家的洗面奶，效果真的很有驚喜！ 作為一個混油皮，我覺得清潔效果都很不錯，毛孔都洗得乾淨。就算泛紅過敏、長痘痘，我用後也沒有加重炎症。 這是新升級版，裡面加入了美容液，在潔臉的同時達到鎖💧！濃稠到能拉絲！擠點點就能起好多泡沫！ 清潔到這麼乾淨後 不但不拔乾還水潤水潤的！ 後續的保💦護膚也更易吸收！ 也好喜歡它的味道，是淡淡的茶樹花香味！ 只需要一點點，打出超級濃密的泡泡，好用好聞，保濕滋潤，就泡泡這一點，絕對是在我心目中排很高！買一支可以用大半年！性價比超高！

Fng好用推薦：Kanebo呢支貴價潔面霜💚💚💚 清潔力與膚感：👍👍👍👍👍 (無可挑剔) 只需用好少份量，就能搓出極緻濃密、似鮮奶油一樣嘅豐盈泡沫，呢種觸感真係一流！泡沫溫柔包裹住塊面，清潔力非常足夠，能徹底帶走防晒同油脂污垢，沖水後個刻，皮膚係一種極致乾淨、零殘留嘅感覺，絕唔會滑潺潺。 用後緊繃度：🤔 (僅限夏日合格) 對於混合偏乾肌，喺香港夏天潮濕環境下，用完完全冇即時繃緊感，皮膚保持軟滑。但必須強調⚠️，呢種感覺係建基於高濕度！如果係在乾燥冷氣房或用於秋冬季，兩頰絕對會覺得唔夠力，需要即刻補水。 去黃光澤感：👍👍 (短暫效果) 洗完當下，可能因為皮膚乾淨兼帶水份，視覺上確有瞬間亮白咗、通透咗嘅感覺，但呢種效果唔會話好持久⛔️，主要都係歸功於佢優秀嘅潔淨力。 總結： 一支儀式感滿分、潔淨力卓越嘅貴婦級潔面。佢能提供頂級嘅洗臉享受同徹底清潔，非常適合混合肌在夏日潮濕晚間用作深層清潔，享受嗰種乾淨軟滑感💯💘。但對於追求性價比或極致保濕嘅乾肌來講，就可能覺得唔夠潤⁉️

YiN好用推薦：同朋友行免稅店，用優惠價換到嘅旅行size。睇佢細細枝，其實可以用到好耐，我用咗一個月都仲有半枝。覺得好大原因係因為佢質地好厚，只需要好少份量就夠洗全面。泥膜嘅顏色，冇好強烈香味，入面有啲磨砂粒粒但唔算好密。 我本身混乾肌皮膚又比較薄，所以唔會用太多磨砂，我擠得少出嚟啲粒粒少我反而仲舒服。但最喜歡嘅地方係就算我用好少份量，加水都可以搓到好多泡，搓下搓下就夠洗全面，又唔覺有磨擦感。而且過水之後都唔會好乾好磞緊，但又有種無殘留嘅清爽感。整體感覺非常良好，會回購！

Kelly Wong好用推薦：KANEBO洗面泥呈現厚實的泥狀質地，帶有細緻的磨砂顆粒。推開時有一定的阻力，但不會過於粗糙，能在清潔同時帶來輕微去角質效果。 有玫瑰果油成份，按摩過程中真係有絲滑嘅效果，沖洗後感覺乾淨清爽又有高級感既花香味，唔會有緊繃或過度乾澀。讚👍🏻 不過根據說明書，每週使用2–3 次就可以，避免過度去角質，反而造成皮膚屏障受損。

Poyobb好用推薦：佢叫做金盞花潔面泡沫，但其實係透明gel狀，茶花味，佢嘅味道令我洗面時感到好relax🛁 起泡量適中，輕盈質地泡沫，洗面溫和，沖乾淨後唔會啜手，溫和嘅潔面產品都有類似嘅效果🥚 比同系列嘅爽膚水好用好多。保濕度好，用完感到皮膚嫩滑，任何季節都啱用。就算敏感泛紅皮膚都用得。 成熟皮膚開始注重穩定皮膚狀態，温和產品更適合，依枝潔面相信會再回購😊

dor.r好用推薦：一直都幾鍾意Kiehl’s呢個品牌，身邊嘅朋友都覺得佢哋嘅產品係幾有效果的👍🏻今次講吓呢支金盞花潔面泡沫🌼產品不含肥皂同酒精，可以舒緩泛紅敏感，保護皮膚屏障，不過我本身唔係敏感皮膚，所以呢方面感覺不大🫢佢有少少好天然嘅金盞花香味，我用大概五毫子嘅份量加水起泡，雖然不含肥皂但起嘅泡泡都算多，泡沫不算綿密🫧好容易沖洗乾淨，至於清潔同保濕功效都做得好唔錯，洗完面皮膚好爽但又唔會覺得繃繃緊，感覺幾舒服，我覺得混油肌係好適合用的，值得推薦👍🏻

Candy Mak好用推薦：今日想同大家分享Fresh 大豆卸妝潔面乳用後感。 1️⃣首先講講品牌方對產品的特色描述： - 低泡的豐盈泡沫，輕鬆卸除妝容和防曬霜而不令肌膚乾燥 - 維持肌膚的 pH 值及築起肌膚保濕屏障，即時鎮靜明顯泛紅 2️⃣再同大家分享本人用後感 (油肌，毛孔粗大)潔面乳質地呈透明微黃色gel狀，因為較流質Gel狀嘅關係，每次洗面都要唧出較平日洗面膏多少少嘅份量洗面，唧出如車厘子大小嘅潔面乳就可以。每次洗面都先洗濕塊面，再唧出上圖份量嘅潔面乳喺手，加少少水就可以打出泡泡，其泡泡會較其他洗面膏嘅泡泡稀，稍為按摩泡泡就會消散😅最後把臉部洗乾淨就可以。 跟著再同大家分享用後感：第一次用確實唔慣，因為見到Gel狀、稀嘅泡泡，就會質疑洗得乾唔乾淨；而且味道有d 青瓜味，第一次用有d嚇親；但其實用後皮膚唔乾，感覺柔軟；可以當潔面產品用，但用來卸妝就不太建議，因為太溫和。

YYeman好用推薦：🌱Fresh大豆精華溫和卸妝潔面乳🌸 我對潔面嘅要求：要卸到淡妝、要溫和、洗完面唔可以乾繃繃...Fresh呢支大豆潔面，居然全部做得到！ 試用之後發現，日常嘅唇膏、粉底，用佢都洗得乾淨，清潔力夠曬強！最緊要系洗完塊面系潤嘅，完全冇嗰種乾澀感，就算系皮膚狀態唔好嘅時期用都唔會有負擔。 初頭用嗰陣有啲困惑：用手搓真系一啲泡都冇㗎！後尾摷返個封緊塵嘅起泡網出嚟試，正到爆！啲泡沫幼細到好似打發得啱啱好嘅蛋白霜，搽上塊面超舒服！原來呢個先系正確嘅打開方式。 唔起泡系特點而唔系缺點，配返個起泡網就用得溫柔又乾淨，完美體驗～

YiN好用推薦：因為同屋企人share用，佢係我屋企已經回購過無數枝嘅潔面產品。包裝都係一般洗面膏嘅tube裝，用到尾都係要剪一半挖出嚟用嗰種。 本身帶有專櫃品牌上常有嘅香味，唔算非常濃，洗完都唔會殘留喺皮膚。唧出嚟係白色膏狀質地，唔會好流質，相比起液體狀嘅洗面奶，我覺得膏狀用起嚟方便啲，唔會未起泡就喺手指罅流晒出嚟。 單純用手都可以搓出好綿密嘅泡沫，再俾多啲心機慢慢搓，可以出到更加多泡。 唔知係咪因為咁強嘅起泡力，佢嘅清潔力亦都非常強。我作為混合性乾肌，佢可以輕易洗走我T字部位嘅油分，不過洗完會覺得有啲乾，我之後會搽返護膚品所以唔會好困擾。而我出油量更高嘅屋企人用就愛不釋手，所以推薦俾油肌嘅朋友們。

Sandy好用推薦：【潔面】產品心得 Shiseido 淨肌防禦潔面泡沫 * 冇香料味道嘅感覺好舒服 *容易起泡，泡沫容易徹底沖洗，潔面後肌膚清爽潔淨，無繃緊或敏感Good👍 潔淨肌膚同時鎖水補濕；微米亮白粉末能清除氧化皮脂、老化細胞及污垢，令肌膚表面重煥清新透亮。 非常適合我肌膚用 讚呀佢哋嘅成分: ‧糅合稻米胚芽油、蠶絲精華及TMG* ‧糅蘊含日本霧島純淨礦物溫泉水 ‧透明質酸乙醯及稻米胚芽油賦予補濕效果

Heychauchau 好用推薦：這個潔面乳標榜是以溫和為主打，而且建議使用對象是中性至乾性肌。我本身肌膚是混合性偏乾，常常會處於缺水狀態，有些清潔力較強的洗面產品，用完後會覺得皮膚很乾很緊繃，而這個潔面乳不止沒有濃郁的香精味，使用後皮膚感覺到有水潤感，不緊繃，同時配合洗臉機使用，能夠有效清潔臉上妝容和髒污。有別於其他洗面乳會乳化，CLARINS溫和洗面乳碰水後可以產生綿密泡沫，可以仔細洗淨每一寸肌膚。由於配方是加入有機金龍膽根及檸檬香蜂草萃取，潔淨同時能夠維持肌膚的水潤度，因此不用擔心會過度清潔，適合那些追求溫和、中性/乾性肌膚，想要潔淨同時保留肌膚水潤度的人，會是作為我會回購的洗面乳的候選名單之一。

Kura好用推薦：呢款洗臉膏真係非常適合秋冬季節用，用完皮膚會變到好滑嫩，但又可以清潔走日常油污，令到皮膚變得好乾淨，用完皮膚會覺得好清爽，但又唔會覺得乾緊，呢款洗面膏加水可以起到好綿密嘅泡泡，味道非常好聞，價錢非常實惠，用黎做日常清潔一流，我通常用黎清潔防曬日常妝容都清潔得非常乾淨，推薦俾所有肌膚性質嘅朋友，產地係法國 @cosme

Camilalkw好用推薦：溫和 保濕力不錯 好好沖洗 唔會有殘留感 但唯一缺點係無乜泡泡 另外佢都有添加經典既Sk2 PITERA™成分 可以調理肌膚平衡

Noel好用推薦：SK-II 的 Gentle Cleanser 由於單價比較高，所以個人對這件產品有很高期望。潔面乳呈白色膏狀，只有一粒黃豆多dd 的份量，就能起泡，泡泡多而且綿密，使用時很舒服👍用量又省，算是可以接受。而且用後清爽，沒有繃緊，我這個大乾肌用也覺得 ok❗ 缺點方面： 1️⃣ SK-II 價格比較高，我會選擇能達到差不多效果，但相對便宜的 Decorte AQ系列 2️⃣ 花香味很重，鼻敏感人士千萬留意

葉子🍃好用推薦：洗面膏偏橙色，好香既漢方味道，容易起泡，泡沫好濃密細緻，係比較溫和唔刺激既洗面、夠乾淨保濕，鐘意洗完面都唔乾，越用越好，逐漸調理皮膚，均勻膚色、皮膚光澤度增強，想再試下其他款

lingbb好用推薦：用得后既都唔會抗拒佢既中藥味， 聲稱蘊含多種韓方草藥，能減緩各種導致肌膚老化的外在因素，保持肌膚健康。 擠出黎係好杰身嘅膏狀，帶有濃郁既人參味，用豆仔份量加水出黎既泡沫就唔係話好細膩同豐盈，尚算可以。用後無刺激敏感！我覺得個優點係佢既味，清潔能力等等都無太大特別。佢價錢較高，所以未必會買了

Kelvin好用推薦：我用過ipsa 洗面泡及洗面乳，兩款都有舒緩嘅柚子香味。ipsa嘅洗面乳倒出嚟係一啲有反光嘅流質狀。喺掌心溝水都容易起泡，簡單沖水就可以洗乾淨，份量用好少都已經起到好多泡。 相比之下洗面泡嚟講，洗面乳用後會令皮膚比較滑，甚至有少少假滑，好似BB感，好想摸多幾下。而且有保濕度，冬天都岩用。就算而家天氣好乾燥，洗完面未搽護膚品之前皮膚都唔會好乾。 我建議大家都可以去ipsa做護膚測試，可以測到你嘅皮膚屬於佢哋嘅幾多型號嘅護膚品👍🏻

Fng好用推薦：🍂 轉季最驚洗面後塊面繃到好似扯緊咗塊皮，即刻話你知呢支ispa洗面乳掂唔掂！✨ 🧴 質地與起泡力：像奶油般綿密！ 一撳出嚟係奶白色嘅乳液狀，帶有淡淡好舒服嘅橙香（唔係人工香料感）。只要加少少水，好輕鬆就可以搓出超豐厚綿密嘅奶油泡！🥛D泡泡質地好堅挺，好似將一舊軟綿綿嘅雲朵揸上塊面咁，手感一流！對於鍾意用泡泡嚟減少摩擦嘅熟齡肌嚟講，呢點非常加分！ 💦 清潔力與緊繃感：完美平衡！ 清潔力絕對足夠，可以輕鬆洗走防曬同日常污垢。最令我驚喜係——過水後真係零繃緊！😲 就算我係兩頰偏乾，洗完面後完全冇嗰種扯住扯住要即刻搽Toner嘅急切感！皮膚摸落去係水潤清爽，而唔係油膩殘留，個種感覺就好似用咗潔面+輕保濕Mask二合一咁！ 🌸 溫和度與保濕感：轉季救星！ 成分含有IPSA獨有嘅保濕成分，果然名不虛傳！用咗大約10日，完全冇引起敏感或不適，眼周位置都唔會刺眼。最明顯係，洗完面後皮膚嘅含水量好似被鎖住咗，就算偶爾唔記得即刻護膚，塊面都唔會乾到出細紋。對於轉季時不穩定嘅肌膚狀態，佢真正做到咗「溫和潔淨」與「保持水潤」之間嘅完美平衡！⚖️ 💎 總結與回購意欲：會！係轉季嘅安心首選！ 總括來講，I

iliya 好用推薦：潔面泡沫嘅清潔力都幾好，洗完面之後唔會有乾燥嘅感覺，而且有淡淡嘅香味，令每晚心情更靚😍

chymiaaa好用推薦：用完之後塊面會好乾 而且整少少出嚟就已經可以起到好多泡 用完之後會聞到一陣香味 又唔會話太濃 我自己來講就覺得幾唔錯

Hamiii好用推薦：免稅店見到套裝入手 本身expect佢會比較潤 但最後竟然偏乾🤨 起泡正常 清潔度唔錯 但洗完少少乾 可能天氣乾燥？！ 功能上不過不失 唔係非佢不可咁🫥

Milo101好用推薦：🌟潔面霜不錯，著重水油平衡 🌟泡泡易起而且綿密，清潔效果很好

葉子🍃好用推薦：之前用過THE WHOO橙色洗面幾好用，所以試下其他款，呢支主打水潤保濕，有花香味，質地係凝膠狀，泡泡唔算多，但清潔到深層，用完好乾淨、水潤，用左幾日皮膚狀態一路變好，會想再購買

呆呆的槑好用推薦：透明jelly狀，洗完乾淨之如不緊繃，皮膚比起用其他洗面更加水潤🥰 雖然價錢有d貴，但它一次擠一點點(比1毫子細)就夠用，而且十分起泡，所以可能它1支=人哋2支🤣

MaggieWong好用推薦：正正常常無特別的感覺，很普通的洗面，冇任何出眾位，油皮膚可以洗乾淨，但以呢個價錢可以有更好的選擇。

Heychauchau 好用推薦：有使用過同系列的精華和乳液，補濕效果還可以。這款號稱也是保濕系列的洗面乳，乳化效果不錯，洗完臉後會有清爽感，感覺有把皮膚的污垢帶走，但不會覺得皮膚很緊繃，只是略嫌有點乾，後續使用保濕類產品加強保濕就可以了。

Tobimak好用推薦：呢支洗面乳既清潔力唔係好強，用後沒有敏感和沒有覺得乾。對我黎講就只適合朝頭早起身洗走前一晚多餘的護膚品用，因為夏天用佢去油又唔夠力，冬天用佢又唔夠滋潤咁。買左佢又唔算踩雷既，只係呢個價錢既話可以揀其他更好的產品。

Lumi Kwan好用推薦：每次份量都要多少少先叫洗到。用後唔乾，感覺到有清潔，但又唔會係好舒服，覺得可有可無

choichoi好用推薦：於資生堂云云的洗面產品當中深得我心的其中之一（笑）不刺激也不令肌膚緊繃，容易洗淨而且臉頰的質感會變得比較Q彈

Abbie好用推薦：洗得超乾淨 ！！我自己係有時皮膚乾嘅人， but sometimes 我塊面係出油出得勁, 果個時候我就會用呢一隻， 因為佢嘅清潔能力好高！

Milo101好用推薦：➡️很喜歡這種瓶身設計，特別是繁忙上班的早上，按一下就有剛好的份量。 ➡️輕揉起泡，洗完臉不會繃緊。 ➡️性價比不錯，而且性質相對溫和，敏感肌都可以安心使用。 ➡️為日常生活帶來方便的潔臉之選。

Noel好用推薦：購買了Sum37 一套皇牌產品旅行裝，當中包括這枝 cleansing foam❗建議購買套裝多過單品啊！ 潔面乳的味道，和Secret programming 這系列產品一樣。起泡效果良好，但不是很豐盈。潔面後感覺清爽舒服，沒有滋潤感覺。春夏天用ok，秋冬天用就會略乾。