找產品
高系數防曬 推薦好用產品
65 件
莓莓好用推薦：Anessa極防水美肌UV乳液測評 🧴 質地同觸感 · 流動性高：倒出嚟係好稀身嘅奶水狀，唔係杰身嘅乳霜。推開嗰下好滑，好快就吸收。 · 成膜速度極快：基本上搽完幾秒鐘已經feel到塊面好似有層透明保護膜咁，即刻爽身粉咁滑，唔痴立立。 ☀️ 防曬效果同持久度 · 超強防水防汗：流汗之後唔會起白汗，仲愈出汗愈均勻，烈日當空去戶外活動都無有怕。 · 清爽零負擔：雖然防水力強，但落妝唔難，普通卸妝產品就搞得掂。 👩🦰 適合邊啲人用？ · 混合肌/油肌：用完係啞緻爽身感覺，好鍾意。 · 乾肌/秋冬：如果用之前唔做足保濕，會覺得有少少乾爭爭，建議妝前要做好保濕打底。 💄 化妝兼容度 · 等一等先上妝：最重要係等佢完全成膜（大約等2-3分鐘），之後上粉底會好貼服，唔會起擦字膠。 · 唔建議用作妝前保濕：如果追求保濕滋潤妝效，呢款唔係最適合，可以揀金粉瓶。 ⚠️ 用前小貼士 記得用之前一定要摇勻！如果無摇勻倒出嚟嘅液體會水還水、油還油，影響防曬效果㗎！ 總括來講，如果你追求極致清爽、超強防曬，呢支係夏天必備之選！
<看全文>Tszki好用推薦：ANESSA 極防水美肌UV乳液 SPF50+ PA++++的質地水潤觸感輕盈，而且沒有半點黏笠感，仔細聞聞才會發現它陪隨淡淡的天然香味，而且質地透薄，不會覺得皮膚侷促。 它的乳液質地是呈白色，但其實一推開便呈透明狀，有如肌膚多了一層保護層，完全無須擔心會有泛白的問題。 特別對於我這些喜愛戶外活動和水上活動的人來說，一款好用的防曬，必要具備高效防水的條件，ANESSA 極防水美肌UV乳液 SPF50+ PA++++絕對滿足我的要求，在測試過程中我先均等塗抹在手，再噴水及以紙巾抹乾測試防水度，仍然感覺到防曬依然黏附在皮膚上。而且這個品牌早已被我例入回購清單，一直以來帶它出戶外活動都沒有曬黑的跡象所以十分安心可靠。
<看全文>
Fng好用推薦：SOFINA iP 亮肌抗斑防曬乳霜｜ 混合偏乾肌嘅「防曬＋淡斑」二合一實驗！ SOFINA呢支「iP防曬乳霜」新推出，聲稱可以一邊防曬一邊抗斑，對於又怕斑又怕黏嘅混合偏乾肌來說，真係好吸引😍 ☀️ 質地與膚感： 擠出嚟係白色乳霜狀，質地似輕盈版妝前乳。推開時有少少潤色效果，吸收速度中等，完成後皮膚呈自然光澤感。對混合肌來講，冬天用剛好，夏天就可能要減少用量。 ✨ 防曬與淡斑效果： · 防曬力：SPF50+ PA++++足夠日常通勤，試過戶外活動3小時無曬紅 · 抗斑表現：用咗兩星期，鼻樑同顴骨嘅雀斑無明顯加深，甚至覺得有輕微提亮效果 · 保濕度：含有透明質酸，無一般高係數防曬嘅拔乾感 💡 獨家技術解密： • ADVAN技術：提升防曬膜均勻度，減少漏防曬嘅情況 • 洋甘菊ET精華：針對紫外線引起嘅斑點形成 同舊版SOFINA藍小花比，呢支更注重抗斑功能；同ELIXIR抗皺防曬比，就清爽得多。 ⚠️ 需注意： · 潤色效果，黃肌用可能會有少少灰白感 · 建議用卸妝產品徹底清潔 🌟 「防曬＋淡斑」組合心得： 我發現如果朝早潔面後，直接跳過乳液步驟，單用呢支防曬乳霜，反而效果更
<看全文>Desse好用推薦： Sofina UV Protector 03 產品介紹係一款專為容易出斑、膚色不均和敏感肌而設嘅高效 #防曬 產品 啱曬我喱啲一曬就出斑嘅人.. 咁就當然要買嚟試吓😶🌫️😶🌫️😶🌫️😶🌫️ 💡防曬指數高 SPF50+ PA++++ 可有效阻擋UVA/UVB 防止色斑和曬傷形成，特別適合香港強烈紫外線環境 平時室內環境番工就絕對夠用👌🏻 💡亮肌效果 內含多種抗氧化成分及美白成分，有助抑制黑色素生成，慢慢修正膚色不均，提算肌膚 #透明感 睇相其實都好明顯… 一搽就提亮咗好多💓 💡質地輕盈保濕 乳霜狀但吸收快，不黏膩，適合全天候使用 就算喺office開住冷氣，都唔會覺得乾，個妝亦無起乾紋💓 💡溫和親膚通過敏感測試，無添加酒精和刺激成分，敏感肌、易泛紅肌都啱用🧏🏻♀️ 💡質感細膩不泛白 推開後呈現自然光澤，唔會白面或厚重，還有輕微修飾毛孔效果🧏🏻♀️ 總結嚟講呢🧏🏻♀️🧏🏻♀️ 用完一支，無覺得有多咗曬斑.. 至於淡斑功能就so far唔太覺得 但係亮肌功效絕對閃杠杠得！💓 #日系 防曬好多時都容易泛白.. 但呢款好ok! 我覺得會適合追求美白護膚和高防曬同時兼
<看全文>
Emily Leung好用推薦：我的防曬寶藏單品😘後悔沒多拿幾支 年初在日本逛Cosme拿下的防曬隔離霜！嘗試過後直接被這個ALLIE的新款防曬驚艷到！上臉一點不油膩，遮瑕和水潤度都超級好！一層隔離一層散粉直接偽素顏出門通勤神器！！ ALLIE有色隔離，適合混油到大油皮，超扒超持妝。 即時推塗感非常水，但後面扒得超級快，蠻考驗手法的，建議搭配粉撲分區上妝。顏色自然提亮，融膚不假白。遮瑕3分，修飾磨皮能力很棒，對我來說可以直接 當底妝。妝效是偏啞光的，不反光，不用定妝，不會粘膩。 一共有三個顏色，每一個都很實用，我最推薦紫色，可以修飾暗沉膚色！ ✔️ ALLIE潤色防曬水凝乳 01紫色：修飾暗沈，毛孔，“透明感” 02杏色：修飾黑眼圈，毛孔，“氣色紅潤” 03米色：修飾膚色不均和毛孔，“偽素顏感”
<看全文>mysecretgarden好用推薦：Allie呢支調色防曬乳，我已經回購咗好多次，可以話係我日常護理嘅必備品。平時唔使化妝嘅日子，我最鍾意就係搽佢再加層碎粉就出街，個效果已經好夠用，膚色即時均勻咗，睇落精神爽利，又唔會好似化咗厚妝咁唔自然。我用開紫色同埋橙色嗰支，兩支都好好用。如果要化全妝嘅時候，我都會用佢來做底霜，佢同後續嘅粉底同化妝品都好夾，從來都冇出現過擦膠碎或者浮粉嘅情況。 質地方面，佢真係做得幾出色。夏天用完全唔會覺得黏膩，搽上臉之後好快就吸收，留下來嘅係一種好清爽、帶啲粉滑嘅觸感，就算係香港咁悶熱嘅夏天都保持到舒服嘅使用感。不過到咗冬天，如果皮膚狀態比較乾嘅時候，就要做多少少保濕打底，否則可能會覺得有少少緊。 一直以嚟我都對佢好滿意，直到最近睇到網上啲真人防曬測試，先發現佢嘅實際防曬力比想像中要弱少少。雖然日常通勤應該都夠用，但如果係長時間戶外活動，或者陽光特別猛烈嘅日子，就可能要搽得比平時厚身少少，先能夠確保有足夠嘅防曬保護。呢點算係少少美中不足，不過考慮到佢嘅調色效果同清爽質地，我依然覺得係一支值得繼續用落去嘅產品。 總括來講，呢支調色防曬乳係一支多方面都表現平均嘅產品，特別適合追求自然妝感同清爽使用
<看全文>
Fng好用推薦：NIVEA Luminous630 抗曬修護日乳 ☀️ 優點： · 淡斑技術加持：專利Luminous630成分，連續用4週雀斑同痘印明顯減淡，開架中少見有效美白抗曬二合一 · 保濕貼妝：乳霜質地潤而不膩，熟齡偏乾肌用後底妝更貼服，冷氣房下唔會繃緊 · 高防曬系數：SPF50/PA++++ 足夠香港夏天通勤使用，抗紫外線同時預防色斑 ⚠️ 缺點： · 膚感偏潤：油肌夏天用可能嫌膩，建議壓碎粉定妝 · 酒精味明顯：敏感肌要先試用，有輕微熏眼感 · 抗氧化力弱：到下午膚色會微暗沉，要補塗或搭配抗氧化精華 🌞 香港夏天實戰力： 混合偏乾肌用後T位微出油需壓粉，但兩頰潤澤度完美平衡！流汗後無溶白痕，防曬力穩陣度媲美專櫃。同價位中唯一做到「淡斑+高防曬+貼妝」三效合一。 💡 總結： ⚠️⚠️⚠️百元級淡斑防曬日乳之王！適合追求性價比同淡斑功能的熟齡肌，但極油肌同敏感肌要試清楚～💡
<看全文>Sccan好用推薦：Nivea 臉部保養品愈黎愈進取，我都因為見佢好多新產品而買左依款Luminous630雙效淡斑煥白抗曬修護日乳試吓，防曬系數都有SPF50 PA+++， 非常足夠應付日常使用。 效果：用左一星期，斑有淡到少少，有潤色功效 質地：粉紅乳霜狀，細滑不油膩 香味：淡淡香味唔刺激 用後感：適逢冬天，天氣十分乾燥，但滋潤度都足夠唔會油膩，少少香味聞落好舒服，本身有鼻敏感都無被刺激到打乞嗤。加上佢有淡斑美白效果，容量有40ml，用量一點夠搽全面，延展性好，透薄舒適，依個價錢性格比真係好高。我可以話Nivea依款係2024年The Best ！
<看全文>
Fng好用推薦：Sofina 長效保濕防曬乳霜 SPF50+ PA++++｜ 偏乾肌の用後感 ❄️ ✨寒冬實測：保濕防曬二合一奇蹟 乳霜質地如融化雪糕，推開瞬間形成保濕膜！ ✅ 對抗乾冷風：帶妝吹風6小時無緊繃脫皮 ✅ 暖氣房考驗：室內外溫差下無反常出油 ✅ 防曬續航力：戶外活動4小時無需補塗（非暴曬） ✨成分黑科技：冬日光防護解密 ▸ 月下香培養精華：低溫下持續釋放保濕因子 ▸ 神經酰胺護盾：強化肌膚屏障對抗寒風 ▸ 抗乾燥微粒：防止暖氣環境水分蒸發 ✨混合肌寒冬分區攻略 ✅ 兩頰乾區：直接替代日霜使用，水潤度爆升 ✅ T字部位：混合控油妝前乳1:1使用 ✅ 敏感鼻翼：重點打圈按摩預防脫皮 ✅ 眼部周圍：可安全使用無刺激 ✨同價位寒冬擂台 VS Allie高效保濕防曬：Allie更潤澤但成膜速度較慢 VS 安耐曬金瓶：安耐曬防水更強但秋冬會倒拔乾 VS Curél防曬乳液：Curél更溫和但防曬力稍遜 ✨殘酷現實區 ⚠️ 極寒風下需疊加保濕精華打底 ⚠️ 潤色效果微弱（近乎透明） ⚠️ 容量較少（30g）消耗速度快 總結：$280の「冬日隱形斗篷」🧥 在乾冷季節完美平衡防曬與保濕需求，混合
<看全文>popocarcar好用推薦：係乳液嘅質地，顏色係白色不過上面後係透明，無修飾面色效果。 質地十分滋潤。
<看全文>
Akassoo好用推薦：之前因為變咗敏感肌之後就開始將產品轉晒敏感肌適用，亦都第一次用咗Sunplay Skin Aqua 嘅防曬調色霜，因為用過覺得幾好之後今次就再買埋Sunplay Skin Aqua 純物理礦物防曬 SPF50+ PA++++無色版。 呢款防曬係100%物理防曬，亦不含六大致敏成份。好處係真係易推同埋唔黏笠，但雖然佢係白色，不過如果唔覺意搽多咗其實會有少少泛白。 不過因為呢款有最高防曬基準PA++++及SPF50+，所以如果純粹係想防曬而唔係想有咩調色功能嘅話其實呢隻就OK。 作為敏感肌嘅人士，可以放心使用，已經用完一支都冇任何敏感情況。
<看全文>Cosmeemee好用推薦：呢款Skin Aqua 純物理礦物防曬已經用咗好多支空瓶☀️☀️☀️尤其是係夏天，有時懶就會搽埋手手腳腳🤣 我係藍色同粉紅色都有買，兩款都經常使用～ 💙藍色vs 粉紅色🩷 藍色質地比較輕盈水潤，冇粉色咁Matt，係純防曬，冇調色效果，仲有少少薰衣草香味；而粉紅色就係屬於防曬調色霜，質地比藍色厚，好似係因為兩款防曬用嘅精油唔同，所以有唔同香味，但兩者都絕對唔會有刺激或者化學嘅味道，搽落都覺得佢完全唔刺激皮膚🤣 🔽使用心得如下🔽 ️🕒使用時間：使用一年，幾乎每天使用 💆🏻♀️個人皮膚狀況：混合乾性肌膚 使用產品後沒有任何過敏反應 🌟似護膚品，用完皮膚仲靚咗 我塊面皮薄🤣成日好易紅，夏天熱到紅，冬天乾到紅🥹 雖然佢係防曬產品，唔係啲主打降紅嘅護膚品，但我每一次用完都會令到我塊面冇咁紅，同有舒緩嘅效果💧 🌟令皮膚提亮光澤 雖然佢冇調色效果，但用完之後會明顯收細咗毛孔同埋提亮膚色，令皮膚睇起上嚟膚色比較均勻有光澤～仲有防曬效果，皮膚狀態好嘅時候，就咁薄薄搽一浸再拍少少碎粉就已經出得街🤫 🙌總結評分🙌 產品質地：♥️♥️♥️♥️♥️ 均勻膚色：♥️♥️♥️♥️🤍 撫平毛孔：♥️♥️♥️
<看全文>
Lindabb好用推薦：雪肌精亮白防曬水感精華測評：防曬同時美白，夏天必備神器！☀️✨ 哈囉各位姊妹！今日測評嘅係——雪肌精皇牌新成員「亮白防曬水感精華」！一支集合防曬+美白+精華三大功能，到底係咪真係咁神？ 🌟 基本資料 · 名稱：雪肌精 亮白防曬水感精華 · 防曬系數：SPF50+ PA++++（最高級別，烈日當空都唔怕！） · 質地：水感乳液狀，流動性高，超輕薄！ · 氣味：清新草本香味（雪肌精經典香味，用過都話正） ☀️ 防曬力：滿分！ SPF50+ PA++++ 絕對係市面上最強防曬級別！ 👉 實測感受：戶外活動大半日，完全冇曬紅曬黑！ 👉 防水防汗：夏天出汗都唔怕，持久度超強！ 小貼士：記得要用夠份量（約一粒珍珠大小），先達到標示防曬效果！✨ 💧 質地＋使用感 呢支最驚喜嘅係佢嘅水感質地！ · 推開之後瞬間化成水珠，超快吸收！ · 完！全！唔！黏！笠！夏天用超舒服，化妝前打底都唔會起擦膠碎～ · 清爽得嚟又夠保濕，乾肌油肌都啱用！ --- ✨ 美白效果：有驚喜！ 佢加入咗雪肌精經典嘅和漢植物萃取（薏仁、當歸等），做到： · 即時提亮：用完皮膚有自然光澤感 · 長期使用：
<看全文>JZ好用推薦：防曬系數較高的廣譜防曬，質地水潤輕薄，適合日常通勤使用。延展性高，但要用夠量才能達到包裝標注的防曬值喔！對我來講，這款防曬最大的優點是它的使用感十分水感輕盈，完全不會油膩厚重，因我是混合偏油性膚質，所以喜歡膚感透薄的護膚品及化妝品。 缺點的話，我認為大概只有它在防水防汗方面表現一般，不是專門為戶外運動設計的那種防曬。如果你預計是會大量出汗或接觸水的場合，最好還是用專門有標注waterproof的運動防曬比較安全。吸收成膜後會從白色變成完全透明，給肌膚留下淡淡光澤，不會泛白，影相也不會有white cast👍👍👍 #火熱新品 #火熱新品 #火熱新品
<看全文>
Kitty 好用推薦：各位姊妹！最近試咗RMK呢支「UV水漾防曬乳」SPF50+ PA++++，真係要同大家分享吓！作為一個住喺香港嘅混合肌人，揀防曬最怕又黏又焗身，但呢支真心有驚喜～ 💧質地超水感： 一唧出嚟係偏水狀嘅乳液質地，推開嗰陣好似搽緊保濕精華咁，完全冇傳統防曬嗰種「漿住」嘅感覺。我通常用五蚊銀份量就夠搽全面，連眼皮位都唔會拮眼。 ☀️清爽度滿分： 最驚喜係成膜速度！大概30秒左右就變乾爽，摸落去有啲似絲絨粉嗰種滑溜感。試過晨早8點搽完去行花市，大汗疊細汗都冇出現「流白汗」嘅尷尬情況，個底妝仲keep得好貼服。 💦保濕力驚喜： 以為清爽=唔保濕？錯啦！入面有透明質酸同埋蜜桃精華，試過唔搽妝前乳直接上粉底，都冇出現龜裂紋。不過乾肌姊妹可能都要加多層乳液打底。 🌴潮濕天氣實測： 呢幾日濕度90%嘅魔鬼天氣，下晝3點補咗一次防曬（用紙巾印乾面油再拍上），完全冇結塊或者「起擦膠碎」。成日戶外活動都冇曬到面紅紅，防曬力夠穩陣！ ⚠️小缺點要提： 1. 對香味敏感嘅人可能要試過先 2. 價錢稍貴，不過用量慳都算抵用 💄上妝貼士： 建議等完全成膜（約1分鐘）先上粉底，用拍打方式上妝。試過配搭氣墊粉餅同
<看全文>Steph好用推薦：係回購超過兩支嘅防曬，雖然已經出咗新嘅版本，但係呢一支都係我好鍾意用嘅防曬產品。 本身有化妝嘅習慣，以前成日都想搵一支唔會有擦子膠水，同埋唔會太厚重嘅防曬產品，遇到呢一支RMK之後一直都使用冇再轉過。因為佢真係可以做到質地透薄，就算喺化妝之前疊加skin care product，搽base，再上粉底，乾粉等等，佢都冇令到其他化妝品出現擦子膠碎，亦唔會因為搽咗防曬，而令啲foundation浮粉，而且感覺係好薄好唞到氣。 希望新出嗰支RMK防曬都係咁好用啦！
<看全文>
Poyobb好用推薦：雪肌精防曬有gel同milk版本，呢支係milk防曬乳嘅細支版本，添加咗植物性提取物作護膚，同時有日本最高級防曬度，SPA50/PA++++，夏天戶外非常足夠。質地流動性幾好，順滑容易推勻，冇黏笠感及冇泛白情況。 對我混合性皮膚嚟講，上面嘅時候一開始有點油，吸收晒之後就冇油感，但係用完都有機會起暗粒。始終呢種質地嘅防曬乳比較適合戶外使用，防水性好強，我會留返戶外活動日子先用。但用返防曬乳做比較，已經算係好清爽，質地非常接近乳液😉
<看全文>Fng好用推薦：Kose 亮白水感防曬精華乳係開架中價位（約$150-$180)，表現中上。同類似價位嘅Biore、Allie等品牌比較下，佢又有冇優勢🧐🧐🧐~？ 質地與膚感：👍👍👍👍 (水感之冠) 一按出嚟係偏稀嘅乳液狀，流動性極高，推開瞬間真係有爆水感覺，極速吸收，完全零泛白。完成後皮膚係啞緻乾爽嘅，冇任何黏膩或油膜感，膚感絕對係同價位中數一數二嘅清爽，甚至比Biore嘅Aqua Rich系列更冇負擔感，對混合肌來講非常討好。 亮白與保濕度：🤔 (僅屬基本) 標榜亮白，但主要係靠二氧化鈦帶來即時輕微提亮感，並非真正美白效果。保濕力方面，佢唔會抽乾兩頰水分，但也唔算滋潤，冷氣房下偏乾位可能要加強保濕打底。相比Allie的保濕系列，Kose呢支在滋潤度上明顯較弱。 持久與抗汗力：👍👍 (中規中矩) 以通勤為主嘅防曬力足夠，但由於質地非常水感，抗汗抗油能力相對較弱。長時間戶外活動或大汗嘅時候，需要更頻密補塗。相比之下，Allie在持久耐磨擦方面會更出色。 總結： 一支專攻極致水感、零存在感膚感的優秀通勤防曬。如果你最怕防曬嘅黏膩和厚重，佢絕對能給你驚喜，性價比高。⚠️但若追求極致抗汗、防水功能，或
<看全文>
Akassoo好用推薦：我最近皮膚出現咗問題，突然之間皮膚敏感，唔知咩原因搽咩都會敏感，就算係以前用開嘅化妝品或者護膚品都出事，所以最近開始要將所有護膚品都轉做敏感肌適用🥲。 今次係第一次用Sunplay嘅防曬，呢排都成日見到佢啲廣告，見官方同埋好多人都話適合敏感肌，而我最近因為敏感都唔敢化妝，所以就試買咗呢隻Sunplay Skin Aqua純物理礦物防曬調色霜 SPF50+ PA++++ ，搽完就直接出街。 呢款調色霜係粉粉地色嘅，覺得都幾啱普遍香港人嘅膚色，都幾自然提亮，唔會搽完之後塊面白咗一度、個質地亦都唔會話特別厚，都算易推。 作為突然變咗敏感肌嘅我，平時用過嘅防曬都即刻敏感爛面，最近轉咗用呢隻又真係冇敏感，因為佢講到明不含6大致敏成分，所以都叫放下咗心頭大石。 官方指呢支純物理防曬有新升級5倍護膚成分，加倍保濕同高效修護肌膚，可以舒緩曬後引致嘅泛紅同乾燥。當中嘅Betaine、Moringa Seed Oil同Ceramide係可以幫助皮膚維持水分平衡、防止水份流失同提供深層保濕滋潤，所以我而家為咗養好返啲皮膚如果搽防曬嘅話就會搽呢支出街。
<看全文>Meoww好用推薦：已經回購左3枝，性價比極高！夏天唔想化妝，直接搽佢，修飾皮膚瑕疵嘅功效！清爽吾笠👍🏼
<看全文>
Kuma好用推薦：我係其他分享都有講過雖然我唔係經常皮膚敏感嘅人群，但對於mark明敏感肌適用嘅產品都有種迷の執著同偏見覺得佢成份會好溫和XD Anessa應該可以話係開架防曬始祖，以前見得最多嘅係金色樽個款，最近見到有埋粉紅色呢支話係敏感肌適用嘅防曬，敗家女又出動again ♪ 第一次用之前唔記得搖匀，擠咗水油分開嘅液體出黎，所以我諗佢mark住一定要搖匀XD因爲呢款防曬不具調色效果，如果當日會化妝我就會用呢款防曬，唔會影響粉底or遮瑕顔色。 質地的確都好milky，非常易推開，聞唔到有特別嘅香料味，但我唔太鍾意油份多嘅防曬（尤其香港嘅夏天！！又濕又熱！）所以上粉底之前都會拎紙巾印一印多餘嘅防曬先，如果唔係上粉底會起擦子膠碎…強烈建議搽完要上碎粉 價錢如果唔係減價其實都就快同專櫃貨差唔多，建議sis可以喺減價嘅時候多多囤貨用到冬天XD —————— ♪ 流動性：★ ★ ★ ★ ★ ♪ 滋潤度：★ ★ ★ ★ ☆ ♪ 性價比：★ ★ ☆ ☆ ☆ —————— #火熱新品
<看全文>Peony好用推薦：This sunscreen evens skin tone with high protection—lightweight, non-greasy, and lasts all day. Perfect for daily use in any season.
<看全文>
楊壯碩好用推薦：LA ROCHE POSAY UVIDEA ANTHELIOS TONE-UP (ROSY) SPF 50+ PA++++ REVIEW 「理膚泉每日高效提亮防曬霜 (粉色) SPF 50+ PA++++」測評 綜合評分：4.33/5，詳情如下—— 使用感：5/5 ▶️霜體流動性不高，延展性佳，質地在歐美系防曬中都算作輕盈不厚重，但未達到日韓系防曬那種水感透薄的程度，可以形容為油潤但不油膩。 ▶️使用感較溫和，沒有在我臉上導致過敏或粉刺，也沒有刺激我的眼睛導致不斷分泌眼淚（我用有些化學防曬的時候眼睛會泛紅流淚）。 妝效：4/5 ▶️肉色防曬霜（雖然產品名寫了rosy但並非粉紅色霜體），用後有提亮膚色的效果（見下附前後對比圖），並且會令皮膚看上去更加有光澤感（或可稱為「油亮」？），無遮瑕度。 ▶️由於它是oil based的防曬，有可能會令後續粉底液更易融解移位，故此需要用散粉做好定妝。 防曬效果：4/5 ▶️我是作為日常通勤防曬使用的，早上護膚後擦完這款防曬再化妝，之後一整天都沒有補擦，到了夜晚時間T區的底妝和防曬基本已經融了，不過由於大部分時間我都在室內，所以未曾發現有曬黑跡象。 ▶
<看全文>Suki好用推薦：見Sns上面話呢支防曬好用，即刻入走咗一支，搽咗上面會亮白左，加埋防UV 50+ spf夏天返工好需要，質感幾順滑同埋滋潤，唔會好黏，可以再入手多支
<看全文>
Sakura醬好用推薦：Biore極水感防曬液 測評 今日同大家試呢支 Biore極水感防曬液。成日聽人講佢「水到好似唔記得咗搽嘢」，等我哋揭開佢真面目！ 優點 💖 1. 質地勁清爽 佢嘅質地真係好似 水 咁！一唧出嚟係乳白色液體，但一推開…… 喂？去咗邊？完全冇「立黐黐」嘅感覺，好似化妝水咁快吸收。夏天用一流，油皮／混合肌肯定會愛上！ 2. 零存在感 真係要讚吓佢嘅「零存在感」。搽完塊面唔會泛白，亦都唔會焗住皮膚。後續搽粉底或者碎粉，絕對唔會擦出擦膠碎，係化妝人恩物。 3. 防曬力足夠日常 SPF50+ PA++++，係目前最高嘅防曬級別。返工、返學、行街，應付日常紫外線絕對冇問題。而且佢聲稱用「超微米防禦技術」，可以堵塞毛孔之間嘅空隙，防曬更均勻。 要注意位 🙈 1. 防水力一般 因為佢主打「極水感」，質地太清爽，所以唔係超防水防汗。如果去沙灘、行山大汗、做運動，就唔建議搵佢，要揀番「超防水」系列（例如佢哋紅色嗰支）。 2. 要夠份量 太清爽嘅缺點就係，好容易唔覺意搽唔夠份量。防曬要有效，記住要搽夠一個 $5蚊銀 大細嘅份量，唔好慳！ 3. 酒精味 打
<看全文>Elaine好用推薦：用法簡單，想補防曬係幾好用而且都好快乾 但略嫌酒精味有啲重，敏感肌可能要注意下
<看全文>
Noel好用推薦：女士愛美白，怕曬黑，同時亦擔心衰老🧐 紫外線容易令皮膚老化，要抗衰老，就必須每天塗防曬霜。除了面部，手腳的防曬功夫都不能馬虎！Sekkisei 雪肌精的瑩透煥肌效能防曬乳，防曬系達高標準 － SPF 50+ PA++++，足夠應付夏日戶外活動，對抗紫外線侵害。 💙 瑩透煥肌效能防曬乳，藍色小胖胖的包裝，非常高辨識度。防曬乳呈白色，乳液質感，塗到皮膚會有一點變白，個過幾分鐘，這個“泛白”就會消失👌 使用感極好，乾肌感覺水潤不黏笠，補濕力剛剛好，不會油油的❗ 因為高SPF 同時又有滋潤感，個人喜歡將它當成下妝前產品使用。而且這款 CP值很高，容量比起其他中價防曬多！這罐快要空瓶了，下瓶會試試同系列的白色小胖胖🤍
<看全文>橘子貓好用推薦：這顆小藍胖子已經打敗Shisedo和Anessa在我心目中必須回購的防曬位置！ 質感偏輕，流動性較高，初時上臉有點輕微泛白，成膜後會減低。成膜後，膚感會變得乾爽，適合混油肌。 重要的是，防曬度高，長期戶外活動下真的不曬黑。然後，抹近眼皮、眼圈皮膚也不會薰眼，出汗時也不會流白汗，可安心使用。 $155有足足50ml，比許多專櫃品牌（30ml）的多近一倍！我每天使用量近一個1元硬幣的情況下，也快1個半月才用完一枝，CP值真的非常之高。 現在基本用一囤一，超滿意！
<看全文>
Kelvin好用推薦：Ettusais提亮保濕妝前防曬底霜SPF50+ PA++++ 防曬到最高，水潤易推開，有少少珠光粒子喺入面，有潤色效果及保濕功能，各方面都顧及到👍🏻👍🏻👍🏻 用咗一段時間，坐冷氣房全日底無乜甩。我試過配搭YSL恆持，cpb 鑽光粉底液，都融合得好靚，冇起碎碎。 而家嘅天氣，混合肌至乾肌都岩用。$155/35g 咁嘅價錢有依種質素好surprise，我會比滿分💮可以話係平替版cpb 長管（cpb 再保濕多少少） #火熱新品
<看全文>Julianna好用推薦：一開始買呢支都係抱住試下心態，因為我皮膚比較容易泛紅，搵一款有tone up功能嘅妝前其實幾難。點知第一次用已經有驚喜，佢帶淡淡粉紫色，推開之後會中和到啲泛紅位，令膚色睇落勻淨咗之餘又唔會死白。重點係佢夠輕薄，質地偏水感，保濕度中等，適合春夏用～搽完個底乾淨晒，之後上粉底或者碎粉都好貼服。有時出街快快手唔化妝，淨係搽呢支都夠見人。不過就唔係太控油，T-zone好易出油嘅人可能要補啲定妝。好鍾意佢係物理+化學混合防曬，保護力高但用落唔刺激，敏感肌都應該ok。係我近期妝前愛用品之一！
<看全文>
Verna好用推薦：我一向有用這個品牌的控油底霜，但就很少用它的防曬乳液，當我逛藥妝店時，看到這個品牌的counter有新出的防曬乳液，而且有控油功能，就急不及待試試 這防曬乳液是白色的乳液，很容易推開，感覺很輕盈，推開之後覺得皮膚好似有一層薄膜，官方介紹，這是「控油隔離UV防禦薄膜」，觸感是很清爽不黏笠 這防曬乳液有控油功能，也有隔離霜的功用，而且有抗氧保濕成份，防曬同時護膚，也可以阻隔對皮膚有害的物質，一物幾用的產品真的是懶人恩物 #火熱新品
<看全文>natanatalie好用推薦：溫和的高系數控油防曬👍🏻 呢款新嘅防曬主打採用獨特的持久控油紫外線防禦技術，全面阻隔紫外線UVA和UVB，同時為肌膚裹上一層「控油隔離UV防禦薄膜」。 我用完嘅感覺就係佢質感比較溫和，敏感肌都用到，不過質地唔算係最透薄嘅防曬，你會感覺到佢嘅存在。欣賞佢嘅係佢唔會泛白，適合唔想調色嘅朋友仔。質地算易推，控油效果真係感覺到！
<看全文>
Emily Leung好用推薦：雪肌精逸透沁護防曬啫喱 SPF50+ PA++++ 啫喱質地上臉不悶無負擔 適合乾皮！防曬力好的同時還自帶保濕效果呢 包裝可愛，藍色看著就有點冰涼降溫感，雖說是啫喱，但擠出來更像乳液，吸收挺快，氣味溫和，也不會變的很白，沒有突兀感。防曬功效也是肉眼可見的好！
<看全文>olitong好用推薦：真正保濕而不黏膩✨ 之前一直是用另一個牌子的防曬，但覺得雪肌精的toner很適合自己膚質，於是便購買了雪肌精的防曬來試試，怎料一試愛上！🩷 雪肌精是真的做到保濕而完全沒有黏立的感覺，這支防曬是偏水感的白色gel狀，一擠出來就感覺輕微涼涼的，沒什麼氣味，塗上面後很快吸收。 一般牌子的防曬最好是化妝前5分鐘搽完，待完全吸收後才化妝，而雪肌精這支吸收的速度比其他牌子快，很適合香港潮濕又悶焗的天氣和趕時間的香港人！！🏃🏻♀️🏃🏻♀️💨💨而且感覺很保濕，即時塗其他化妝品也很貼服沒問題，即使單塗也不會有黏膩感。 混合肌如我，以後防曬就選這支了！⭐️ ⭐️清爽7/10 ⭐️保濕8/10 ⭐️性價比8/10 ⭐️推薦度8/10
<看全文>
Desse好用推薦：#火熱新品 夏天到☀️又係戶外活動嘅好時間！ 今年多左好多防曬新產品.. 我買咗好多😛 又嚟介紹吓另一款～ AHC極致防禦四效防曬棒 SPF50+ PA++++ AHC都係韓國品牌中性價比比較高嘅一款.. 官方話防曬棒嘅賣點有： 1.保濕水潤 - 在肌膚表層形成保濕鎖水膜，防止皮膚因曬後缺水，維持肌膚24小時保濕水潤 2. 高效防曬 - SPF50+ / PA ++++ 全面抵禦肌膚曬黑、曬老 3. 專為戶外運動而設 - 強效耐摩擦及防沙，遇水、流汗皆不易脫落 4. AIR零重力防曬黑科技 - 在肌膚表層形成緊密防護層，長時間抵禦環境四大刺激-紫外線(UVA、UVB)、紅外線、空氣髒污，達到全方位防護，適合長時間陽光曝曬或戶外運動 5.羽量級輕薄質地 - 完美貼合皮膚表層，零負擔不黏立" 🧏🏻♀️🧏🏻♀️實試結果⋯ ⭐️#保濕 度唔錯 24小時保濕水潤有點誇張😅.. 正常返工6-8小時係okay的.. 番工日日坐喺冷氣房都無覺得抽乾皮膚水份 個妝全日都無起乾紋 ⭐️防曬度夠晒高 只要唔係勁勁勁曬.. 呢個度數非常夠用. 我去遊船河玩咗一日.. 無曬紅曬黑💪🏻
<看全文>Rachel Hui好用推薦：看到韓國節目是shinee泰民代言/推薦，很心動。使用後，發現很方俾塗抹，不攪手不髒手。上臉很清爽，能做到去油光。妝前做用不斑駁，妝般補塗防曬也不容易影響原本妝容。非常方便。小小缺點是，因為上臉無咩感覺，會疑惑自己塗了沒有🤣。 #火熱新品
<看全文>