b.glen 好用推薦產品

Yuki Chow好用推薦：b.glen 礦泥潔面乳是一款非起泡型潔面產品，主要利用天然礦泥（蒙脫石 Montmorillonite）的吸附力來清潔毛孔，而非傳統表面活性劑的泡沫。 一般礦物濾嚟俾人感覺用完之後會比較繃緊同乾， 這款潔面乳使用後既能吸除污垢，同時保留肌膚必要的油脂與水分。 使用一段時間之後會發覺酒米同黑頭會減少咗，特別下巴位，係一款靜悄悄幫你去除黑頭粉刺嘅產品，一般深層清潔用完之後會覺得好繃緊好乾，有時仲有機會出現敏感嘅狀況，而呢款潔面產品可以去除黑頭粉刺，亦都可以保留肌膚嘅水潤度，性價比高。

雪雪好用推薦：B.glen呢支礦泥洗面乳非常出名，我用咗一大半，有以下心得。 首先佢係一支唔會起泡嘅洗面乳，如果鍾意泡沫嘅朋友就唔好揀呢支。 另外佢主打用磁鐵去吸付面部嘅黑頭粉刺，深層清潔，同時保留肌膚水份，用咗一大支，我唔係好覺得黑頭粉刺有減少，不過洗完之後，肌膚唔會繃緊，保濕方面做得幾好，清潔方面尚可，呢支洗面價錢都唔平，三百幾蚊，雖然可以用好耐，但係對我就麻麻地。

Vi.ck好用推薦：妝前好鍾意用呢支防曬，質地好輕薄唔厚重。最驚防曬會好似戴咗面具咁，但呢支上臉無泛白問題，同後面嘅底妝亦配合得好好，唔會打交。佢有效抵禦紫外線，返到屋企發現冇咩點黑。整體感覺好舒服，keep住用嘅妝前防曬！

alicec好用推薦：對於混合油肌黎講都係一個好選擇，質地輕盈唔油膩，搽上面感覺好舒服。防曬效果持久，用左大半個月暫時都冇曬黑。敏感肌都適合，完全冇刺痛感或者唔舒服，可推介！ #火熱新品 #每月新品感謝禮 #我的崇光感謝祭必買防曬

natanatalie好用推薦：用 B.glen Qusome 化妝水，我自己嘅感覺係好特別。第一次用嘅時候，佢嘅質地比一般爽膚水稍微稠啲，好似水同精華之間嘅狀態，推開時滑潤但唔會黏笠，吸收得好快。倒喺手心或者化妝棉上，透明嘅液體帶少少柔滑感，拍上臉之後即刻有水潤同舒緩嘅效果。🫶🏻 我覺得佢最大嘅功效係穩定膚況。油肌喺夏天容易出油又乾燥，呢支化妝水用完之後，皮膚水油平衡改善咗，出油冇咁快，毛孔感覺冇咁明顯。長期用仲有助減少暗沉，膚色均勻咗，成個人睇落精神好多。🥰 顏色方面，佢係透明無色，冇額外香料或者色素，聞落幾清淡，對敏感肌都算友好。功效除咗保濕之外，仲有抗氧化同修護成分，幫助皮膚抵抗外界刺激，令肌膚更穩定。👏🏻 我自己習慣朝早洗完面先拍一層 Qusome 化妝水，再加返精華同乳液，咁妝前底妝會貼服好多。日間如果覺得皮膚乾或者出油，我會再補拍一層，清爽得嚟又唔會影響妝容。夜晚保養時，洗完面再拍一層，之後加返 保濕精華 同面霜，第二朝起身皮膚仲係好穩定。👍🏻 總結嚟講，B.glen Qusome 化妝水對我嚟講係一支「穩定肌膚狀態嘅水」，清爽、吸收快、保濕力持久，特別啱油肌或者混合肌用。😎

Emma W好用推薦：見到B.Glen QuSome Lotion 係保濕界的第一位，就試下。 其質地比較rich，係秋冬天、天氣乾燥、或長時間係冷氣房時使用會更好。用後會有種鎖水嘅感覺，第2日唔會有好繃緊的感覺，毛孔也感覺收細左，化妝超服貼，保濕力唔錯。 適合肌膚：任何，乾燥、混合肌 成效度：4/5 保濕度：4.5/5 吸收度：3.5/5 質地：rich texture 值得推薦度：4/5

Jasmine L好用推薦：b.glen C精華液質地水潤清爽，吸收快唔黏膩，唔會加重T字位油光。含穩定型維他命C成分，早晚用完皮膚明顯提亮，暗沉同痘印淡咗少少，最明顯係提升肌膚透明感，膚色望落更透亮清晰有光澤，化妝都貼服自然得多。 敏感肌都用得，保濕力唔算強，適合混合偏油肌日間使用。但抗老同淡斑效果唔算話好快，需長期穩定使用先會見效。整體性價比高，夏天用都舒服，推薦想追求透明感同均勻膚色嘅女士試下。

Midori好用推薦：衝着美白產品而來，雖然容量不大，只有15ml，但每次只需要指尖分量就可以塗抹全臉。 上臉稍微有點温熱感，但沒有任何不適，更沒有乾燥或泛紅。用後再搽面霜補濕，持續一周左右已見面部明顯有提亮效果，幾滿意😃😃

natanatalie好用推薦：夏天用 B.glen QuSome Lift 按摩精華，我嘅感覺係好輕盈，推開嗰一刻好似水啫喱咁滑，快快吸收，唔會留低油膜。作為油性肌膚，最怕係厚重同焗促，但呢支精華反而清爽，按摩完之後面部線條有種被提拉嘅緊緻感，浮腫好似退咗少少。🤤 保濕力唔算強烈，係偏中等，啱晒夏天用，唔會令皮膚更笠或者爆痘。用完之後，皮膚摸落去係清爽得嚟又有彈性，好似飲咗一杯冰涼嘅水咁，精神咗。🙆🏻‍♀️ 我覺得佢最適合係朝早或者夜晚護膚最後一步，當作按摩精華，幫自己放鬆同提神。夏天用落，真係有種「清爽而不失力量」嘅感覺。❤️

維他他好用推薦：B.glen 嘅野真係好貴🥹 但又好好用 呢支抗皺精華，搽少少就可以搽哂成塊面，好吸收，一支應該用到一個月左右，佢滋潤，亦都改善到肌膚粗糙，用耐左係滑左嘅，同埋都冇咁暗沉，我冇乜皺，但係要預防定先，所以皺紋方面就唔知功效如何

olitong好用推薦：⭐️植眼睫毛專用卸妝！⭐️ 本人屬混合性肌膚，每天都會化妝，以前用過很多種cream狀/gel狀卸妝膏，總是卸不乾淨、會起油脂粒、乸眼等等。今次用的b.glen nano off cleasing gel是買兩支大潔面泥package附加的，即管試用一下，效果出乎意料地好，非常適合植了眼睫毛的你！ 有植睫毛的女孩應該都深深明白每天卸妝時，那塊卸妝棉的棉絮勾到假睫毛的痛苦，不能抹太近，但不抹太近眼妝又卸不乾淨。這兩天我用b.glen這支卸妝gel就完全解決了這個問題🩷🥹！ 1）完全不用擔心棉絮勾到/扯到假睫毛 2）可以捽得很近眼而不會乸眼（當然眼睛要閉起來） 3）卸得很乾淨，包括防水眼線！真的乾淨！ 我看到有些評語指它的卸妝力一般，可是對於混合性偏油膚質的我來說，我平常慣用液態防水眼線才不會溶成熊貓眼，而一般液態眼線都是溫水可卸，不用使用卸妝油，而我每天塗的眼影、重度眼部遮瑕、粉底，這支全部通通卸得一乾二淨！真的是超級乾淨！ 為什麼這樣說呢？因為我習慣用完這些膏狀卸妝的話，都會感覺不夠乾淨，使用卸妝棉加卸妝水再補抹幾下，確保已卸清，通常這個時候卸妝棉上都會抹到殘留一點

iliya 好用推薦：呢支卸妝啫喱嘅卸妝力都幾好，普通眼唇部分嘅妝容都可以卸得到乾淨🥰

iliya 好用推薦：不過不失嘅保濕面霜，如果呢個價錢有其他性價比更高嘅選擇，所以應該唔會回購🙈

Linabella 好用推薦：Um…一次過買咗一set包括呢一支，質地係偏向啫喱性質嘅，搽上面亦都唔算黏立，但係保濕度有點不足，性價比相對較低。

LenaC好用推薦：b.glen既隱形面紗妝底霜 擠出嚟質地與普通乳霜一般無二但塗抹開嚟 質地竟猶如空氣般輕盈 感覺變咗粉狀 一啲都唔黐立油膩塗抹均勻後好貼服 就真如其名 好似一層隱形面紗 完美緊貼肌膚 預防脫妝 能夠打造自然珠光美肌且具有SPF 36 PA ++防曬度 阻擋UV紫外線 呢款絕對係必備既妝底霜 既防UV 仲持久不脫妝 愛💕

Linabella 好用推薦：質感好幼滑，都好容易推開，用好少份量，已經可以推勻成塊面，防曬都又夠，唔容易脫妝。

Sheung好用推薦：因為成日都對電腦手機，所以對眼都好攰好乾，眼底都開始多細紋。喺舖頭店員睇過我眼乾燥情況後，推介咗呢支俾我。 開頭都真係有啲因為個價錢有啲猶豫，最後買咗用咗大概2星期。眼底的確係潤咗無之前咁乾，細紋都淡咗，上粉無再咁卡粉。

Linabella 好用推薦：價錢都幾貴，不過支裝比較衛生啲，去黑眼圈嘅效果冇想像中咁好，但係又未至於冇嘅。

Linabella 好用推薦：呢個防曬都唔錯，首先都好大支，可以用到好耐，抗藍光係一個好吸引嘅因素，而且防曬都有夠高，搽上面又唔黏立，都係一個好好嘅選擇。

wingshan1124好用推薦：100g其實都幾大支，用咗好耐都未用完，搽上面係冇色嘅，質感都幾輕薄，用一般洗面後冇乜殘留感，容易卸走