NIVEA

專研絲滑輕盈UV防曬棒 (無香版)

夏天出街好多時都需要補防曬，今次試用呢支「NIVEA 專研絲滑輕盈UV防曬棒」，最大嘅優點的確係方便。佢體積偏細，放入細手袋或者衫袋都冇問題，而且直接扭出嚟搽，唔會整污糟對手，喺戶外補防曬的確比傳統防曬就手好多。質地方面，呢支算係做得幾清爽。佢搽完之後係Matte嘅效果，唔會令塊面反光或者覺得油膩。 我個女(9歲)唔鍾意搽防晒，因為唔鍾意黏笠笠的感覺 (對手同身體都怕)，呢枝防曬棒佢就好鍾意。 佢係無香料配方，對氣味敏感嘅人會比較容易接受，例如我老公。雖然防水防汗嘅持久力需要更長時間同去戶外活動先測試到，但如果只係講日常行街、補塗嘅便利度同埋清爽感，呢支防曬棒嘅表現係合格有餘嘅，適合怕麻煩嘅朋友。 另外，我鍾意佢有expiry date，好清楚知道幾時到期，唔怕買咗過期貨，質素更有保證。

感謝@cosme 的邀試用 Nivea 專研絲滑輕盈UV防曬棒 我個人喜歡嘅防曬係搽完唔黐立立、同冇香味 (所以多數揀敏感肌) 我本身比較少用防曬棒 因為之前嗰支搽完會唔均勻同埋泛白 不過防曬棒嘅好處就係可以帶出街使用亦都唔怕搞到隻手黐立立 啱曬成日出門口都好趕嘅我XD 今次試用Nivea 專研絲滑輕盈UV防曬棒 啱啱好符合曬我想要嘅野！個設計角度都可以搽到鼻樑同埋眼之間嗰啲凹位！ 搽咗一陣上面已經成膜！(摸到同啱啱搽上去嘅感覺唔同 唔會黐立立) 不泛白！我又唔覺得乾 同埋呢一個防曬棒完全冇香味 啱晒我隻眼！ 我呢排返工就係搽呢個 趕住出門口係lift搽真係好方便XD 榮登我最喜愛防曬Yeahhhh～ 不過我呢排都係返工放工 比較短時間係室外 冇咩特別喺戶外曬嘅經驗 比較難評論佢戶外防曬嘅功效如何 感覺防曬正正常常啦 會繼續使用～

感謝cosme比機會我試用，防曬係我每日必用既product, 唔用好似無著衫咁既感覺！而我用咁多防曬，最驚查完防曬嗰種成塊臉油到可以炸雞嘅感覺，同埋泛白既情況。但呢支防曬棒真係刷新咗我認知！佢個質感「絲滑」到咩程度？就係查完之後，你會懷疑自己係咪真係查咗野，因為完全冇存在感，非常乾爽！欣賞！ 另外最驚就係「擦膠碎」，但呢支嘢完全冇呢個問題。放假出街補得密一密都仲係咁貼服。最正係咩？係佢同我啲化妝品相處得非常融洽，直接抹上臉再上妝都冇浮粉！雖然睇落細細枝，不過我用左一段時間都好似無乜用過咁，幾com用！

呢支防曬棒簡直係我嘅防曬新寵！質地真係好絲滑，一推就開，完全唔會卡住皮膚，最驚喜係佢嗰種空氣感，搽完之後完全冇油膩感，塊臉仲好似開咗柔焦濾鏡咁乾爽。至於保濕度，即使係固體棒狀，搽上臉都唔會覺得乾爭爭，反而覺得皮膚摸落幾滑。防曬效果非常好，就算出汗都冇出現泛白白痕，而且烈日下戶外活動都唔怕曬紅曬黑。 佢嘅配方標榜無香料、成份溫和，我用咗幾日都冇爆痘或者過敏。 每次補防曬都勁方便，單手就用到，亦不沾手，呢點非常讚！ 整體嚟講，佢細細支擺手袋夠晒方便，係我今年夏天必備嘅防曬好物！

感謝cosme選中我體驗「專研絲滑輕盈UV防曬棒 SPF50+ PA++++」，在現時天氣我既肌膚屬於混合性偏乾及缺水肌膚，三月份生左幾粒暗瘡有暗瘡印，使用了9日，每朝試用的效果： 質地：奶黃色既啞緻膏狀，搽左上面無色無味 (順帶一提 - 因為無色每次要留意用量及有冇漏搽)，大人細路都岩用，輕盈清爽不油膩，迅速吸收，不會令皮膚帶來負擔。 效果：防汗防水效果出眾，試過戶外炎熱天氣長時間曝曬，出到成身成面都係汗水，但有搽防曬棒既位置仍然有防曬保護，感覺防曬無咩點甩。基於安心會帶埋防曬棒出街補搽，任何大細既手袋仔都放到又方便。皮膚完全無曬傷曬紅曬黑曬暗！有效抵擋紫外線，值得信賴👍🏻👍🏻 如果用防曬噴霧，會好容易噴到衣物搞到好難洗，用呢支拎住個防曬棒搽，直接接觸皮膚完全唔會掂到衣物呀👏🏻👏🏻👏🏻同我一樣咁姿整既姊妹呢支防曬棒值得衝衝衝呀🫰🏻 質地 ⭐️⭐️⭐️⭐️🌟 持久 ⭐️⭐️⭐️⭐️🌟 易用 ⭐️⭐️⭐️⭐️⭐️ 方便 ⭐️⭐️⭐️⭐️⭐️ 防曬 ⭐️⭐️⭐️⭐️⭐️ (⭐⭐️⭐️️⭐️⭐️滿分，⭐️為1分，🌟為0.5分)

試用報告：NIVEA 韓系防曬系列 最近試用了 NIVEA 的羽感防曬水凝乳以及專研絲滑輕盈 UV 防曬棒。這兩款產品都主打 SPF50+ PA++++ 的高規格防護，對於日常戶外活動來說非常足夠。 【優點分享】 • 質地輕盈無負擔： 水凝乳的質地真的如其名般「羽感輕盈」，推開後非常水潤且吸收迅速，完全沒有傳統防曬的黏膩感。 • 亞光妝效： 特別喜歡防曬棒塗抹後的「絲滑亞光感」，它能瞬間平滑肌膚，打造出一種清爽不油膩的霧面效果，非常適合追求自然妝感的女士。 • 隨身補擦超方便： 防曬棒的設計方便攜帶，單手一抹即可，不需要沾手，是在室外隨時補防曬的神器。 【一星期後的真實感受】 雖然這兩款產品在質地和便利性上表現出色，但經過一星期的連續使用後，我發現它們可能不太適合我的膚質。 • 膚況觀察： 最近發現臉上的粉刺變得比較明顯。雖然產品說明提到不致粉刺配方，但對我個人而言，似乎還是有堵塞毛孔的感覺，導致細小的粉刺浮現。 • 總結： 如果你是油性或容易長粉刺的肌膚，建議在使用這類標榜亞光或絲滑感的防曬產品後，要更加徹底地清潔卸妝。雖然它的輕盈感很吸引，但考慮到皮膚的反應，我個人之後可能會轉回使用

專研絲滑輕盈UV防曬棒 SPF50+ PA++++ (無香版) 試用心得 防曬棒真係懶人補防曬嘅福音，細細支單手一扭一抹就得，唔會整污糟手，塞落手袋超方便。佢質地非常絲滑，輕輕掃上手背、面頰，好似絲絨咁即時霧化，帶出啞緻柔焦感；揩完皮膚摸落滑爽，無油光、唔黏膩，無香料版連眼周用都唔澀眼。 搽落去普通防曬隔離幾乎見唔到，好輕盈。  呢幾日香港熱到飆汗，我專登拎去行山同跑步實測：爆汗後防曬膜依然穩穩喺度，冇流白汗，防水防汗效果合格有餘，連續補防曬再加戶外曝曬，塊面都冇黑到。用嚟補耳背、後頸超就手，仲唔會搞花妝容。整體輕爽舒服，已成為我手袋必備嘅防曬搭檔。

感謝Cosme 邀請試用 在香港 因為香港的紫外線度數 長期很高 所以使用防曬 是我每天早上 一定會 包括的護膚步驟. 試用前都沒有 從來沒有使用過防曬棒因為它看起來質地很厚 很害怕塗上皮膚後會有一層厚厚的防曬膏蓋住,令到皮膚很難吸收和呼吸. 但在試用後很有驚喜! 很喜歡它無香味,質地亦很順滑,很容易使用. 不需用手塗抹 可以單手拿著棒按在面上一掃即可 尤其在早上需要趕時間出門口的話用起來很方便. 塗在面上後也沒有很油的感覺也不需要等他吸收.感覺清爽. 帶出門 補防曬也很方便.我在手臂上,中午出了汗之後,也沒有溶掉. 這支Nivea 防曬捧性價比很高!我一定會回購. Before 使用防曬捧前 After - 使用防曬棒後( 看起來一樣因為質地清爽)

感謝@cosme 讓我抽到試用！ 拿到Made in Korea 的產品覺得很驚喜！ 但一開始認為韓國乾爽的天氣與香港較為悶熱潮濕的天氣很不同 擔心產品方面會不會不太適合 但實際試用後 非常的驚艷！ <專研絲滑輕盈UV防曬棒> 質地：清爽易吸收，完全不粘膩 🩵🩵🩵🩵🩵 防曬效果： SPF50+, PA++++ 🩵🩵🩵🩵🩵 其他優點： 無香味，小支方便攜帶 🩵🩵🩵🩵🩵 清爽不粘膩 適合香港的四季 隨時補擦無負擔 適合放在隨身包包 不佔空間 更喜歡防曬棒是無香料配方 適合孕婦使用！不作嘔～ 總體而言，是一款非常好用會回購的防曬產品！

防曬棒一直是我很喜歡的一種防曬產品，但市面上很多的防曬棒不是太油膩好像豬油糕、就是設計不夠周到和好用。直我遇到Nivea 專研絲滑輕盈UV防曬棒 SPF50+ PA++++ (無香版)，終於找到一支在各方面都讓我感到滿意的防曬棒👍🏻👍🏻 Nivea防曬棒體積小巧輕盈，只是一個掌心的大小，非常方便攜帶。防曬棒的使用方法很簡單，它是這種旋轉的水滴形膏體，跟唇膏一樣，擰出來直接塗上面部就可以，它較市面上其他防曬棒有優勝的地方是它的水滴形狀可以很好的貼合面部皮膚不同的位置，無論是鼻翼，眼角嘴角等等狹窄位置、或者是額頭面頰等寬闊部位都可以輕鬆地塗抹均勻，平常去戶外或者出外做運動，輕鬆抹幾下就可以完成防曬整個面部，甚至全身無論是脖子、胳膊、手、腿、腳等外露的位置都可完美快捷地完成塗抹，一點不粘膩還不髒手，非常方便快捷💯👍🏻 它是Clear透明質地，用起來是啞光感，不油膩，不會泛白，清爽不悶不厚重，抹上瞬間變啞光感，不油不粘不緊繃，膚感較市面上其他防曬棒還要輕盈、舒適。 這支防曬棒沒有任何氣味，用了一星期也沒有堵塞毛孔、沒有長暗粒和暗瘡，原來它無添加香料，即使在全身使用也不用擔心會致敏。 它同時

平時喺街要補防曬真係好掙扎 隻手摸完電梯扶手又拎完嘢 又要搵地方洗手再慢慢搽防曬乳 所以呢個禮拜我帶住 NIVEA 呢支專研絲滑輕盈UV防曬棒出街 講便利性，佢真係無得輸 佢細細支就算我平時用小廢包都完全塞得落 單手轉出嚟喺臉同手腳「掃兩掃」就補完 全程手都唔使沾 最正係補完即刻可以拎電話出嚟撳個螢幕完全唔會油淋淋 呢點對我呢種手機不離手嘅人嚟講真係救星 質地係我最驚喜嘅地方 好多防曬棒補完會有一層油光 但呢支係啞緻霧面感 擦完皮膚摸落滑捋捋，好似平時上咗碎粉咁 完全無嗰種補完防曬成臉油光嘅尷尬感 就算呢排天氣又熱又焗 補擦嗰陣皮膚依然覺得好透氣 就算流完汗皮膚摸落都仲係嗰種絲滑感 連續用咗一星期 最容易曬傷嘅鼻樑同顴骨位都無曬紅或者變暗 防護力真心紮實戶外用好有安全感 用落真係零負擔 因為佢無香料配方 我呢啲易敏感嘅皮膚 就算擦近眼周都唔會覺得辣眼 整體使用感非常舒適 係嗰種你會想隨身帶住，一見到陽光就攞出嚟補嘅好物！ 如果你都係怕麻煩，或者成日要去戶外活動嘅人 真心要去入手一支，CP 值極高

今次抽到試用NIVEA【羽感防曬水凝乳】 及 全新【專研絲滑輕盈UV防曬棒】，2件產品都係韓國製造，所以都好安心使用。 講吓NIVEA【羽感防曬水凝乳】先，係可以搽身搽面，一支搞掂哂幾方便。 呢段時間皮膚狀態係混合偏乾，所以搽防曬最怕越搽越乾，但呢支防曬水凝乳標榜：一抹化水，肌膚瞬間吸收，不留白印。用落都係嘅，質地好易推，吸收得幾快，上面之後唔會有黏膩感，返工前化妝用幾好，又唔會起擦膠碎。 但唔係話超級鎖水爆水嗰種，不過至少唔會令我乾到覺得緊繃，返成日工都仲ok。整體都係偏輕盈清爽，又有d貼面嘅滋潤感，防曬嚟講效果幾好。 至於【專研絲滑輕盈UV防曬棒】隨身攜帶，細細支，放手袋補防曬一流！ 我返工通常只補額頭同面頰位置，呢支防曬棒方便嘅位係可以直接成支搽落去，唔使用手，補防曬好方便，又唔驚整污糟。質感都滑好易推，推開之後貼服得幾自然，同埋都搽得幾平均。 佢主打輕盈同絲滑，我覺得係真：搽完唔太厚重，出去lunch前補一補皮膚唔會覺得焗住。同埋唔會搽到好似白咗一層咁，都自然嘅，因為唔鍾意人哋覺得我搞太多嘢，呢支補咗防曬其他人都唔覺。 仲有塊面好易流汗，呢支有防水防汗，加上無香料配方，完全啱

多謝@cosme抽中我試中Nivea絲滑輕盈UV防曬棒 ​今次試呢支防曬棒，真係帶出街補防曬嘅神物！平時用防曬液補妝最怕整花個底妝，或者整到對手污糟晒，但呢支「專研絲滑輕盈UV防曬棒」一抹就搞掂，完全唔使沾手。佢個質地好特別，搽上手係霧面絲滑感，完全唔油膩，仲好似幫皮膚加左層薄薄嘅濾鏡咁，摸落滑嘟嘟。 ​佢標榜防水防汗，我喺戶外行咗成日，流汗都冇嗰種白晒色嘅汗水流落嚟，補搽嗰陣仲覺得好清爽。最正係佢細細支，放喺手袋完全唔佔空間。如果你好似我咁懶，但又驚曬黑，呢支防曬棒真係必備。佢完全冇香料，用落好安心，真心推薦畀成日要喺外面活動嘅朋友！ BeforeAfter

首先多謝 @ cosme 選中我成為 Nivea專研絲滑輕盈UV防曬棒 SPF50+ PA++++ 的試用員之一。想有一支可以帶出街/補防曬方便的防曬棒好耐，終於可以試用一下。👍🏻 Nivea 大部份產品價錢都比較容易負擔，是小資女首選，而且款式多﹑功效各有不同。 今次的 專研絲滑輕盈UV防曬棒 SPF50+ PA++++ 是臉及身體均能使用，用途廣泛，夏天連全身都需要塗防曬，不然手手腳腳曬得多就好易起斑及曬黑曬傷。 產品各項評分： 質地：質地有點難塗 (有少少似潤唇膏狀，要大力少少，同埋如果太輕力唔知究竟有冇搽到落皮膚😂) 香味：無色無味，適合不喜歡香味的人士使用 ( 特別是男士 ) 而且非常易用 防曬效果：只試用在身體上，因為有點難塗，如果化左妝，再用呢支棒補防曬，會成個妝甩哂😅😂 不過用在身上會有少少笠，因為是膏狀。但出汗後，並沒有明顯汗漬，因為無色無味，感覺挺好。 方便程度：Size 細細，非常方便日常手袋攜拿，小袋子的也非常適合。 總結整體感覺還不錯，而且可以購買的地點也很方便，很多零售點都可以買得到，而且如果撞岩折扣優惠，幾十蚊已經可以買到大大支貨裝，性價比之

多謝@cosme抽中我試用先！今次試「專研絲滑輕盈UV防曬棒 SPF50+ PA++++ (無香版)」，我最鍾意佢夠方便——細細支放喺手袋，拎出街補塗超輕鬆。質地順滑到一抹就推開，完全唔會卡住或拉扯皮膚，仲要無香味，怕香料嘅朋友都啱用。搽完之後清爽零黏立，我主要拎嚟搽身體，好適合夏天出油出汗時補防曬。防曬系數SPF50+ PA++++足夠應付戶外活動，而且防水防汗。整體嚟講，以補塗為目標嘅話，呢支防曬棒表現出色，絲滑輕盈，推薦俾成日趕時間又想補防曬嘅懶人！ 但如果揸車坐私家車嘅朋友就要小心，防曬掂到車廂黑色皮革或者黑色膠件會留白印，要用水清潔白印。搽完唔會反光，好清爽。

感謝@cosme 與Nivea比我試 呢支專研絲滑輕盈UV防曬棒 SPF50+PA++++ ！ 一樣都係新產品！ 呢支佢既好處係細細支，方便帶出帶出門使用補防曬。佢仲有防水防汗既韓國科技，所以戶外活動都可以用。 一樣個質地是輕柔清爽、仲有少少啞光既feel。而且無香味好搵和。整體使用感都舒適安心，佢不油不膩，補防曬時都唔會沾到手，好方便。 防曬效果都正正常常，可以預防肌膚變暗。如果用慣防曬棒的都可以試一試呢支！

呢款**「專研絲滑輕盈UV防曬棒」**真係懶人同埋戶外活動愛好者嘅恩物！平時好怕補防曬補到對手污糟晒，呢支防曬棒絕對係近期最值得入手。 以前用過一啲防曬棒會覺得好似有一層蠟喺臉上咁，但呢支完全唔同。佢個名標榜「絲滑」真係冇改錯，一抹上手嗰種感覺係好乾爽、好輕柔，完全唔會有油膩感，佢吸收得好快，唔會黏住啲頭髮，有時都唔肯定自己有冇揸😂 出街補防曬方便到極點，佢細細支咁，放喺手袋或者運動褲袋完全唔佔空間。最正嘅係佢個設計，隨手攞出嚟一劃就搞掂，完全唔使整污糟對手。 防曬力方面，佢有 SPF50+ PA++++ 。我試過帶佢做運動，流晒大汗都冇嗰種白色嘅汗水流落嚟，防水防汗效果做得好出色。連續用咗一排，皮膚都冇黑到，有效抵擋強烈紫外線，預防曬暗曬黑。 總括嚟講，呢支防曬棒用得好安心。佢唔單止防護力強，最緊要係嗰種「無重感」嘅使用體驗。平時去海邊、野餐或者做運動，攞佢出嚟隨時補，皮膚依然可以保持透氣，完全唔驚塞毛孔，呢支絕對係出街必備嘅守護神！

多謝@cosme抽中我，讓我可以體驗到防曬棒，一直都沒有嘗試過，想不到不沾手這麼適合我，上了粉底都沒有擦膠碎。 整體評價： 如果你在找一支平價、不悶痘、擦完可以直接出門或上妝的日常防曬，這款的CP值非常高。 防曬棒：它能抗汗、抗微量的水（例如日常走動出的汗），但如果你去海邊或是進行會大汗淋漓的運動，它的防護層會被削弱，需要更頻繁地補擦。​ 第一步：基礎防護（全臉塗抹） 局部加強與補擦（防曬棒出場） • ​使用產品：防曬棒 (Stick)。 • ​做法：加強重點： 在精華吸收後，用防曬棒在顴骨、鼻樑等容易曬傷的高處再掃一兩次。 ​眼周保護： 防曬棒質地較固體，不像液體容易流進眼睛導致熏眼，適合用在眼周。 1. ​補擦神器： 出門在外如果不方便洗手擦防曬乳，直接用這支防曬棒轉出來滑過臉部即可，非常衛生且不會弄髒手。不留死角： 防曬棒很適合塗抹耳後、頸後，或是腳背等容易遺漏的地方。 2. ​無香料： 包裝上寫著 Fragrance Free，這對敏感肌非常友善，搭配之前的精華一起用也不會因為香味太雜而感到不適。

今次係受邀體驗試用，韓國新出品，輕盈無香防曬棒，今日就嚟同大家分享吓用後感🌹 使用方便度👍🏾 防曬棒嘅概念其實真係好好，幫到好多懶人（包括我自己🤭）好多時都唔想清潔雙手，呢支唔需要直接掂到product，只用上面就夠晒衛生、同方便。隨時隨地都可以拎出嚟補防曬，唔怕會論盡。 防曬效能👍🏾 都係擁有最高嘅防曬係數SP F50+、PA++++，但可能要小心注意嘅係因為佢無色無香，未必可以好清楚自己搽咗幾多上去，如果嗰日係戶外活動的話，就記得搽多啲喇，又或者帶定出街補防曬，Perfect！ 產品設計方面⚜️ 好簡約嘅包裝，用好似唇膏嗰種嘅扭出式設計，亦都唔怕會扭得太多出嚟，因為可以扭得返入去🙂‍↕️細細一支，同一盒啤牌戒大細差唔多，再加上唔重身，好適合放喺唔同嘅包包到備用。 清爽霧面感🩵 呢款product搽到上面/手腳後，都係近乎零嘅黐立感/存在感，係會有一種令皮膚變得霧面嘅感覺。⭐️但係利申：因為我都唔敢上完妝之後，直接用佢捽上塊面度補防曬，驚會整花個妝，所以呢一part我都冇得comment到底佢好唔好。但係如果就咁搽身體其他部份而言，呢款絕對係一支好嘅product！

專研絲滑輕盈 UV 防曬棒 SPF50+ PA++++ 用後感 香港成日又曬又焗，出街一定要隨身帶防曬，呢支防曬棒完全係懶人救星。 質地超絲滑輕盈，搽落面清爽唔笠、完全唔油膩，推開瞬間吸收，仲帶自然啞光效果，無色無味，真係完全零負擔。細支輕巧超好攜帶，放落袋毫無壓力，行街、返工隨時可以補搽超方便。 防曬力夠晒強，SPF50+ PA++++ 規格足夠抵擋猛烈紫外線，長期每日使用都冇明顯變黑暗沉。而且防水防汗表現出色，做運動、戶外暴曬流汗都唔易甩防曬，保護力持續在線。 無香配方超舒服，面上零厚重感、唔焗膚唔塞毛孔，特別適合唔鍾意面頭搽太多護膚品嘅人，日常返工同戶外活動都超推介。