找產品
身體美白 推薦好用產品
136 件
Emma好用推薦：呢款cream係無添加香料、酒精與 Parabens 防腐劑，敏感肌、濕疹肌、甚至做完醫美後脆弱既皮膚都可以安心使用 質地： ❤️厚實卻不黏笠既乳霜 易推開，唔會泛白，唔需要來回不停搓先吸收到。 佢推開後吸收速度很快，會轉化為一種清爽、帶有微潤感但絕不黏笠既保護膜，保濕續航力極高。 ❤️夏天成日去角質，但唔小心過度去角質或過敏而導致屏障受損、泛紅、脫皮既皮膚，呢隻cream就提供非常強大既修復力。 我會連續厚敷幾晚，明顯感覺到皮膚不再刺痛泛紅，變得穩定 ❤️一罐多用，性價比極高 可以用於臉部，仲可以全身塗抹（手肘、膝蓋、腳踝等粗糙位效果超明顯） ⚠️ 缺點 質地偏厚重，油肌夏天用可能過潤 雖然標榜清爽，但對極油肌、油痘肌喺香港炎熱潮濕既夏天來講，有可能會焗。夏天建議局部使用，或改用質地更輕盈的「清爽保濕乳（Moisturizing Lotion）」，但呢隻對於我黎講唔夠用 ⚠️大開口罐設計，唔夠衛生 用一次，我面珠啲乾細紋即刻唔見😱圖為面部微距鏡影的
<看全文>莓莓好用推薦：最有效修護嘅面霜，皮膚屏障受損泛紅急救❗️❗️ 百零蚊一大罐，竟然可以拯救我嘅敏感爛面？今次同你實測呢罐被喻為『平民救星』嘅CeraVe面霜，睇下佢係咪真係咁萬能！」 佢質地好似雪糕咁，潤得嚟又唔黐立立，上臉唔會好厚重，而且吸收得超快。主打強效修護 + 高度保濕！用咗一段時間，塊面真係嫩到癲！仲好Q彈！！泛紅敏感位都慢慢淡咗落去。平日用未必好覺，但塊面一『發脾氣』敏感，用佢實鎮壓得住！ 今晚我刷酸刷過咗龍，刷咗兩個幾鐘，結果搞到屏障受損。一開始塊面刺刺痛，跟住開始變紅兼火辣辣咁疼。屋企又冇修復急救面膜，唔知點算好，求其拎咗適樂膚嚟厚敷。點知效果咁誇張，半個鐘唔到就退紅，塊面都唔痛啦！ 使用前：使用後： 如果你灼傷得唔係好嚴重，好似我咁泛紅同刺痛，可以試下用呢個方法急救。 就快冬天，如果妳塊面容易『高原紅』同爆拆，真係要早啲入定貨。而且成分簡單，冇香精、酒精呢啲嘢，爛臉期都可以放心用！！
<看全文>
Lindabb好用推薦：夏日暴曬都靠佢！Anessa極防水美肌UV防曬乳，真係「曬極都唔黑」？ 又到夏天，香港呢個天氣真係唔係人咁品，又濕又焗，仲要個太陽毒到呢……出街行多兩步都覺得自己就嚟溶。夏天護膚最頭痕就係防曬，搽得厚又怕悶痘，搽得薄又怕曬黑，真係兩難。見呢支Anessa金樽人人都讚係「防曬大佬」，今年仲話升級咗「極防水」同「美肌」功能，我二話不說買嚟實測，用咗成個盛夏，今日同大家講真話！ 先講我嘅夏日防曬要求： 我係混合偏油肌，夏天最怕防曬「立黐黐」同「擦紙膠碎」。之前用過某啲開架牌，一出汗就流白汗，勁尷尬。所以我要嘅係：夠爽身、唔泛白、同埋最重要——真係唔好畀我曬出斑！ 質地同用感（第一關合格！）： 唧出嚟係好流質嘅乳液狀，奶白色，好易推開。最驚喜係佢「秒速成膜」！你手慢啲都驚推唔切，但推開之後塊面係完全啞致，好似搽咗層碎粉咁乾爽。夏天用呢種質地真係救星，唔會黐住啲頭髮絲，戴完口罩都冇話焗到成面油。 實測重點（戶外暴曬日！）： 我特登揀咗個星期日，由朝早十點曬到落午四點，去咗赤柱海邊同戶外市集，全程冇補過防曬（唔好學我，理論上要補㗎！）。 結果呢？ 返到屋企照鏡，雙手同塊面完全冇兩截色！平
<看全文>Yeonjung好用推薦：安耐曬小金瓶（Anessa 金鑽高效防曬露），呢支簡直係香港夏天嘅「防曬之王」！我用過幾代，連去沙灘暴曬都靠佢，即刻同你分享實戰心得： 質地： 經典「搖搖樂」設計，用前一定要喪搖（最少5下），唔係會出油水分離。質地係好稀嘅乳液，一推開就化水，但比起Fancl嗰支，佢成膜更快，大概10秒就乾，仲有種「啞光滑溜」感。 泛白情況： 新版已經改良好多，幾乎零泛白（舊版會白面）。推開後完全透明，只係輕微提亮，黑皮都用得，唔怕似藝伎。 清爽度： ⭐⭐⭐⭐⭐（真・零油感，大油皮夏天恩物） 控油： 超強！捽完鼻頭全日都唔反光，但冷氣房用會覺得兩頰有少少緊，保濕打底要做足。 防曬力： SPF50+ PA++++，仲有「遇汗更強」技術（Aqua Booster），流汗後防曬膜反而更貼。我試過烈日下行山3個鐘，完全冇燒燶感，返屋企都冇兩截色，呢點完勝Fancl。 卸妝： 呢支一定要用卸妝產品！佢個防水膜好頑固，普通潔面洗唔甩，試過偷懶，結果生咗幾粒封閉式粉刺。建議用卸妝油慢慢乳化，先乾淨。 優點： · 防水耐汗極強，啱晒香港濕熱天氣 · 唔染衫領（白衫都安全） · 新版本加咗50%護膚精華，乾
<看全文>
Poyobb好用推薦：之前工作，因為壓力大手踭長出了乾廯，持續好多年都冇改善，時好時壞🥲試過市面上多個濕疹牌子嘅護膚霜，都不能治癒，而且對抗痕癢嘅功能也平平無奇。 反而呢支新出嘅新加坡牌子suubalm試咗佢哋嘅保濕霜同埋噴霧 ，雖然不能夠令到皮膚治癒，但止痕非常見效，搽咗保濕霜上痕癢位置，即時有涼浸浸薄荷嘅效果，唔會令我有好想r感覺，而且保濕護膚功效很好。 雖然而家仲未好返晒，但痕癢問題已經逐漸改善，乾廯範圍縮小咗，唔會再不停r爛皮膚位置。對於一個有濕疹或者皮膚出現問題嘅人搵到一隻對自己有效既產品好開心，建議有需要嘅人可以去試一試🤗
<看全文>dordor910好用推薦： 每逢轉季、皮膚又痕又繃緊,朋友介紹用呢支塗抹後約 5分鐘內有明顯清涼感，能即時舒緩痕癢。而且質地清爽：不黏膩，沒有一般濕疹乳霜的厚重感。性質溫和 無類固醇、無香料、無防腐劑，適合全年齡（包括濕疹及敏感肌）。
<看全文>
powerpuffgirl好用推薦：夜晚我就會用呢枝C&AHA 煥膚亮肌精華凝乳專門對付粗糙同顆粒感同埋我手上既疤痕，佢雖然含有 AHA 果酸，但質地依然易推好吸收。除咗維他命 C，仲加咗穀胱甘肽同 B3，呢啲成分組合比一般美白產品更高效，係針對性嘅修復。 如果你同我一樣，手踭、手臂甚至背部有啲黑色素沉澱或者「雞皮膚」抓印，一定要重點厚查。用咗 14 日，我覺得啲粗糙顆粒感明顯平滑咗好多，原本比較深嘅疤痕、暗沉嘅位置都開始回亮同埋淡左，肌膚摸落去柔滑咗成個層次，真係係粗糙肌嘅救星！
<看全文>Fongfong好用推薦：夜間果萃雙效C&AHHA煥膚肌精華凝乳 質地比較實一點,但容易推而且立刻深入肌膚全身立即吸收亮澤,而且佢能夠有防蘐效果及不得不提,有淡淡青瓜🥒香味令我精神舒服👍🏻成個人都放鬆晒😌 同埋我本身手、手踭及手臂位置比較非常粗糙及暗沉，但當我連續搽咗夜間果萃C&AHA煥膚亮肌精華凝乳之後,真的明顯感覺到手踭及手臂💪🏼位置多咗水份及非常光澤,真的感受到比一般美白身體乳更快融入肌膚吸收及明顯保濕有效. 自傱每晚用咗夜間果萃雙效C&AHA煥膚亮肌膚精華凝乳後皮膚明顯光滑及細緻咗而且佢淡淡青瓜🥒味訓得入睡🛌咗人都精神晒😙⋯⋯
<看全文>
ying好用推薦：💙 Vaseline Derma Ultra Moisturizing Body Cream 高保濕身體乳霜 一家大細都啱用 連老公都唔抗拒！ 💬 我嘅真實用後感 用咗一段時間 真心覺得呢支係我屋企嘅「常駐軍」 ✔️ 保濕感：真係有，唔係表面嗰種 搽完之後皮膚即刻feel到滋潤 唔係淨係滑咗表面 而係真係滲入去嗰種 乾到起紋嘅位，搽完即刻舒緩晒 ✔️ 續航力：keep到第二朝 呢點我最驚喜 好多body cream搽完第二朝就打回原形 皮膚乾到又起紋 但呢支起身仲係潤嘅 慳返好多時間（唔使朝早又搽多次） ✔️ 質地：唔黐立，呢點好重要 我最怕嗰啲黐立立嘅body cream 搽完黐衫黐被，瞓覺都唔舒服 呢支搽完好快吸收 唔會黐立，可以安心瞓覺 ✔️ 一家大細都啱用 呢點係我回購嘅最大原因 唔使分開幾支唔同嘅cream 一支搞掂晒全家 ✔️ 連老公都唔抗拒！ 呢點真係要講！ 我老公平時最憎搽cream 覺得立、覺得麻煩 但呢支佢肯搽！ 仲會主動問「支
<看全文>Elaine好用推薦：最近一直在尋覓一款不粘膩又夠保濕的身體乳霜，無意間在屈臣氏看到「凡士林特潤修護精華雪融霜」$89.9/罐 兩件75折，於是就直接帶兩罐走！質地是偏硬的膏體，用手指其實不太好挖起來，如果自己有小挖勺可以放在裡面會方便很多官方介紹： 7大膚緩:乾燥、繃緊、粗糙、泛紅、刺癢、脆弱肌膚屏障、脫屑 四重修護科技: 5% 複合Pro-Ceramide修護精萃：強化皮膚屏障，維持肌膚所需水分 4D玻尿酸°：增強肌膚保濕力/高效浸潤肌膚/層層補水不間斷 益生元精華：幫助促進皮膚表面生態平衡，修護肌膚天然屏障 復活草萃取: 幫助回復肌膚彈性，感覺肌膚充盈飽滿 目前使用三天心得： 很好推開且帶有輕微油潤感但不會粘膩，擦完也很快吸收 💗 如果想要能夠按摩一下的人建議多加保養油混合使用 冬天容易手腳乾裂的也滿適合抹完就睡覺💤 今天氣溫大約15度，下午擦完雪融霜後出門4個小時回到家腿摸起來還是嫩嫩的～ 保濕持久力不錯！ 官方是說臉也可以使用，但我臉上皮膚敏感泛紅時比較會用Cerave乳霜，所以凡士林這款對於泛紅修護的效果暫時不給評價～ 有興趣的朋友可以嘗試看看
<看全文>
mysecretgarden好用推薦： 對於我哋呢啲濕疹皮膚來講，揀潤膚露真係好大嘅學問。好多時唔係太黐笠笠，就係保濕力唔夠，最慘係一用錯嘢，即刻起粒粒、發紅，分分鐘成個月先好返，好長手尾。尤其係對手，自從疫情之後洗多咗手，皮膚屏障變得好脆弱，一般坊間嘅Hand Cream又多香料，完全唔敢用。 苦苦物色咗好耐，終於遇到Nivea呢支75小時修護保濕身體乳。首先，佢完全通過咗我皮膚嘅敏感測試！用落完全無引起任何痕癢或者粒粒，成份溫和呢一點，對濕疹人來講真係最重要。其次係佢嘅質地係乳液狀，推開好水感，吸收得又快。用完之後對手係有種實在嘅保濕感，但就完全唔會「立」。就算即時要拎嘢或者打字，都唔會有黏膩感，呢個平衡點做得好好。 我而家主要係拎佢來當Hand Cream用，因為一支大大支，價錢又平，用得多都唔會肉痛。每次洗手後用，都可以即時補充返被洗走嘅油脂同水份，長時間保持雙手軟滑，唔會再因為乾而繃緊。 Nivea呢支身體乳絕對係一個「平、靚、正」之選。佢未必係神奇特效藥，發緊濕疹嘅時候用都唔會好返，但係好返之後作為一支日常基礎保濕、穩定皮膚狀態嘅產品，佢交足功課，令人用得安心。
<看全文>frogfrogtina好用推薦：Nivea呢支潤膚乳好好用，尤其冬天的乾燥天氣，敏感肌嘅我使用完全無問題。效果持久，唔笠身，質地清爽，吸收速度快，適合在香港使用
<看全文>
Kathy Wai好用推薦：夏天熱到黐線，沖涼變咗每日最期待嘅儀式。最近轉用咗滴露呢枝新嘢——清爽保濕沐浴露（柚子茉莉花），真係衝擊咗我對「消毒品牌」嘅刻板印象。 首先講個質地，喺手唧出嚟係透透哋嘅啫喱狀，少少水就搓到好綿密嘅泡，沖水嗰下零黏膩，皮膚仲有種「抖緊氣」嘅爽快感。最驚喜係個味——頭調係清新柚子皮嘅酸澀，撞正夏天嘅悶熱，即刻醒神晒；後調慢慢滲出茉莉花嘅幽香，唔係人工到暈嗰種，而係似黃昏行過花槽嗰陣隨風飄過嘅淡雅。洗完個人成個Soft晒，連冷氣都唔使校咁大。 之前好驚啲抗菌沐浴露會抽乾皮膚，但呢枝加入咗保濕成分，沖完涼摸手肘、腳踭都滑嘟嘟，完全唔使急住搽Lotion。對於我呢啲夏日流汗易出粒粒嘅人，佢溫和得嚟又有滴露招牌嘅殺菌保護，背部暗瘡明顯收斂咗。 真心覺得呢類「適合夏天嘅護膚品」唔一定要貴，最緊要係洗完身心放鬆，成晚瞓覺都有淡淡茉莉味包住。如果夏天只能揀一枝沐浴露，我投佢一票。 #滴露清爽保濕沐浴露 #柚子茉莉花 #夏天沖涼救星 #夏日必備沐浴露 #適合夏天的護膚品 #洗完涼爽過開冷氣 #香港夏天對策 #沐浴露實測 #香氣療癒系 #保濕不黏笠
<看全文>Joyce好用推薦：使用感受良好，容易起泡，洗得乾淨又不繃緊，有效去除汗味，而且可以維持清爽一整天。 沐浴露含有天然精油同保濕精華，有效鎖住肌膚水份及天然屏障，令皮膚保持水感柔滑、不繃緊。沐浴露成分溫和，可以安心使用，親膚靈負擔。即時使用後，使用感受良好，容易起泡，洗得乾淨又不繃緊，肌膚感覺清爽水潤，十分refresh。能去除潮濕天氣同汗水帶來的黏膩感、難聞的汗味，而且可以維持清爽一整天。長期使用十天後，明顯感到肌膚變得水嫩細緻，摸得到更柔軟滑溜。 柚子茉莉花味非常清新，我十分喜愛，使用完一整天都香氣四溢，香味十分持久，使用下來，有效舒壓放鬆，釋放身心疲憊。
<看全文>
Sakura醬好用推薦：「溫和全效水感防曬精華」用後感 質地（觸感） 真係「水感」唔係齋講，一推開好似化水咁，輕過好多日系防曬。冇嗰種「漿糊黐立立」嘅感覺，爽身得快，就算跟住上粉底都唔會擦膠碎。最緊要 唔泛白，黑面神都用得。 效果（防曬＆溫和） SPF50+ PA++++ 日常絕對夠做，前排戶外曬成日都冇黑到。號稱「溫和」，敏感肌朋友用咗兩星期冇出粒粒，亦冇薰眼，用皂一沖就乾淨，唔使特登卸妝，好啱懶人。 優點 · 爽身、快吸收，香港濕熱天氣頂得順 · 冇香料味，得陣好淡嘅原料味，接受到 · 做妝前底霜一流，後續粉底貼服咗 缺點 · 價錢偏貴，細細支成兩舊水，肉赤 · 控油一般，油肌中午要印一印面油 · 如果狂流汗，要補密少少，唔算超防水 回購意願 80% 會回購 — 如果撞正減價或者出套裝，會大手入。平時返工用佢，真係舒服過好多開架，係貴少少但值得投資。 總括一句：貴得嚟有道理，敏感肌＋混合肌會愛上，唯獨油皮夏天要諗諗。 仲有咩想知？即管問 😎
<看全文>莓莓好用推薦：Excel 溫和全效水感防曬精華（Perfect UV Essence）真實用後感： 質地＆推開感 呢支係白色乳液狀，好延展。一推開會變透明，完全唔泛白，仲有種「融入皮膚」嘅感覺。唔似其他牌子咁「化水」，反而似搽緊保濕精華，零油膜感，之後上粉底完全唔會打架。 保濕度＆舒適度 Excel主打保濕精華成分（仲有護膚配方），我乾肌用全日都唔會乾紋現形，鼻翼唔會刺痛。 防曬力＆日常表現 SPF50+ PA++++，日常返工買餸夠晒。不過要留意：佢唔防水，流汗多或戶外活動就唔夠力，純粹係「文書防曬」。好處係普通洗面奶就卸到，唔使專登落妝，懶人恩物。 調色／提亮效果 呢支完全冇色，如果你喜歡「搽完就出門」嘅偽素顏，呢支會令你失望；但如果你當佢係防曬打底，後續再上粉底，佢嘅貼服度會令你驚喜——粉底更持久，唔會因為防曬太乾而浮粉。 暗位缺點 · 價錢比其他貴接近一倍，開架嚟講算中高價 · 唔防水，夏天行山游水要轉第2支 · 對大油皮嚟講，夏天可能覺得唔夠清爽，秋冬用更夾 總結對比 如果你係乾肌／混合偏乾，或者重視護膚多過即時調色，Excel會係你杯茶——佢似「防曬+精華」二合一，溫和到敏感
<看全文>
Paris merci 好用推薦：呢排天氣有成35度，即係超級怕曬黑，熱到飛起。 日常唔想搽啲游水先用嘅防曬，Nivea 呢支質地幾啱夏天用，乳液質地，較為清爽，唔會好似普通嘅防曬黐粒粒。佢哋味道比較清新，似柚子味，即使好唔鍾意搽防曬都容易接受。除此以外，乳液防曬50x維他命C成分，雖然唔覺得有美白效果，但防曬效果就一定有，起碼手腳冇黑到，沒有出現兩截色的情況。 比較鍾意嘅地方就係好大支，方便搽勻頸部、膊頭、手腳。因為份量多，所以用量可以唔怕用得太多💕 #火熱新品
<看全文>格仔餅公主好用推薦：#火熱新品 夏天本身已經好熱，唔想搽啲笠嘅嘢，但防曬冇得懶，呢支質地就好啱夏天用，偏水潤唔會笠，仲容易推，推開之後都幾爽，防曬系數高，平時出門口用甚至去做運動都冇問題
<看全文>
Fng好用推薦：Biore 水凝長效保濕防曬乳｜ 混合偏乾肌嘅「冬日透明感」防曬恩物！ 香港冬天雖然陽光無夏天咁猛烈，但紫外線依然存在，加上乾燥嘅冷風同室內暖氣，混合偏乾肌真係要揀一支夠保濕但又唔黏膩嘅防曬。Biore呢支經典嘅水凝防曬乳（約$85/50g ），今個冬天成為我嘅日常首選！ ❄️ 質地與膚感： 擠出嚟係水凝狀，流動性超高，推開嗰陣好似搽緊保濕乳液咁舒服 。最驚喜係吸收超快，零黏笠零泛白，完全打破咗我對高係數防曬（SPF50+ PA++++ ）一定厚重嘅印象。用完皮膚係水潤啞緻嘅觸感，後續上妝完全唔會搓泥 ，對於冬天想保持輕薄妝感嘅混合肌嚟講，真係一大福音！💯 💧 冬日保濕表現： 含有透明質酸同蜂王乳精華 ，保濕力比一般防曬出色。喺暖氣房坐足半日，兩頰都無出現繃緊或乾紋，T位亦無因過度保濕而出油失控。佢嘅「水感凝體技術」能夠形成保水膜，減少因日曬同暖氣抽乾而造成嘅水分流失 ，呢點對熟齡肌尤其重要。 ☀️ 防曬與日常適用度： SPF50+ PA++++ 嘅日本最高防禦系數 ，應付冬天日常通勤、行街買餸絕對足夠。去旅行、行山甚至浮潛都用佢，大概4小時補一次就無曬紅曬黑 。雖然冬天無咁大汗
<看全文>Miranda好用推薦：【質感】 質地方面，佢確實做到官方聲稱嘅「水感」——係好輕盈嘅啫喱乳霜狀，流動性極高，推開嗰下好似化水咁。上面之後好快就吸收晒，清爽到完全唔覺得自己有搽防曬。唔泛白、唔油膩，呢啲都係佢最大嘅優點。但係，為咗做到呢種極致嘅清爽感，佢加入咗 好高濃度嘅酒精。一搽上面，濃烈嘅酒精味已經湧出嚟，如果你本身皮膚偏乾或者敏感，呢種酒精成分好可能會令你覺得 刺痛、繃緊，甚至搞到皮膚越搽越乾。 【使用感】 佢作為日常返工、返學嘅防曬，係稱職嘅。唔會同後續嘅粉底打交，亦都唔會影響妝容。但如果你對佢有再高少少嘅期望，就會開始發現問題。第一，佢嘅防水同抗汗能力只係一般。官方標示有抗汗，但實際如果出汗多，或者要去游水，佢好快就會甩，需要密密補塗。第二，當出汗之後，佢個質感會 由清爽變成黏笠，嗰種感覺都幾唔舒服。 【持久度】 持久度可以話係佢最大嘅弱點。如果你只係喺室內冷氣房返工，佢嘅防曬效果或者撐到半日。但如果你需要 長時間喺戶外，或者要暴曬，佢嘅防曬力就會明顯唔夠，有機會曬黑。官方所講嘅「長效」同「抗汗」，喺真實嘅香港夏天面前，顯得有啲脆弱。 【性價比】 最後講性價比。以開架防曬嚟講算係入門價，
<看全文>
Fng好用推薦：香港夏天又熱又焗，我本身係混合偏乾肌，最怕防曬嗰種黐立立、油淋淋嘅感覺，所以揀防曬好挑剔。 凡士林呢支「涼感高效防曬精華液」（Extra Cooling Body Serum）係白色精華乳狀，流動性好高，一推開就化成水狀，仲有陣陣涼浸浸嘅薄荷感，好似有陣涼風吹過咁，夏天用真係超舒服！ 最驚喜嘅係佢完全唔黐立立，好快就吸收晒，搽完之後皮膚表面係清爽乾爽嘅，仲帶有少少自然嘅光澤感，完全冇泛白或者起白痕嘅問題。 我連續用咗大約兩星期，朝早出門前搽晒全面同頸，有時連手臂都搽埋。呢排成日要喺戶外走來走去，以前曬一陣已經覺得塊面開始變黃變暗，但呢排明顯膚色keep到均勻明亮，冇再變灰黃。有日仲要喺烈日下企咗成個晏晝，雖然有出汗，但補塗之後都keep到防曬效果，完全冇變黑！ 最鍾意佢清爽得嚟夠保濕，唔會好似其他高防曬度數嘅產品咁又乾又厚。而且佢支裝有155ml，大容量又平，搽身都唔肉痛，真係性價比極高！對於我呢種好怕防曬黐立立嘅人嚟講，呢支絕對係夏日救星，一定會回購！ #凡士林 #Vaseline #涼感高效防曬精華液 #ExtraCoolingBodySerum #夏日防曬 #涼感防曬
<看全文>Kathy Wai好用推薦： 首先最驚喜嘅係佢嘅冰涼感！一唧出嚟係精華液質地，推開嗰下已經 feel 到陣陣涼意，好似成陣薄荷風吹過咁。 我本身好怕防曬會黐立立，但呢支真係要畀個 Like 佢。質地好輕身，吸收速度極快，搽完著衫完全冇「黐肉」嘅感覺，仲要唔會捽到成手白痕，呢點真心加分。 雖然佢主打身體用，但防曬規格好足，SPF50+ PA++++，仲話防埋藍光同污染。最緊要係佢有埋維他命 B3、C、E，防曬同時順便養護下皮膚，呢幾日用落覺得皮膚滑咗，冇咁易乾。 唯一要留意嘅係，如果皮膚有傷口或者敏感位，搽上去可能會覺得有啲「乸」，因為佢有薄荷成分。整體嚟講，呢支絕對係今年夏天嘅防曬黑馬，特別推介比成日戶外活動嘅朋友！
<看全文>
mysecretgarden好用推薦：呢支Nivea深層潤膚乳液我已經用咗一段時間，主要係貪佢價格親民又大支，用嚟搽手同身體都非常經濟實惠。 首先要讚既係佢既質地真係相當輕薄，吸收速度特別快，呢點確實令人印象深刻。尤其適合夏天使用，或者係剛洗完手想即刻保濕既時候。只需要唧少量乳液，輕輕推開就已經迅速被皮膚吸收，完全無黏膩感，用後雙手會變得軟滑，帶嚟清爽既水潤感，感覺相當舒服。如果你或者偏愛輕盈質地護膚品，應該會幾欣賞佢呢種清爽特性。 至於保濕效果方面，我既感覺係：如果係日常一般使用，例如在辦公室或其他室内環境，佢提供既即時補水同軟化效果確實唔錯。但若果對滋潤度有較高要求，比如皮膚本身偏乾，或者遇到秋冬較乾燥既季節，就可能會覺得佢既滋潤持久度未如理想。 產品宣傳既48小時長效保濕功能，根據我個人經驗，就唔係太感受到。洗完手之後，原本既潤滑感會減弱，需要補搽先可以保持滑溜狀態。而且係秋冬季節都明顯唔夠潤。所以對我嚟講，佢更加似一支出色既日常補水型乳液，特別適合用嚟維持皮膚基本既水潤同柔軟度，夏天用就好啱冬天就一定唔夠。 對我嚟講，佢係一支主打清爽、快速吸收嘅產品。味道少少清香可以接受。如果你追求快速吸收、唔黏膩既使用感，
<看全文>Paris merci 好用推薦：近排天氣轉涼，濕度低，皮膚即刻變乾燥。Nivea出咗多款嘅body lotion，呢款係深藍色，係最滋潤度高嘅body lotion，有牛油果成份，佢仲有一款係淺藍smooth，另外仲有一款白色hydrate 佢質地水潤，而家乾燥一定揀最滋潤嘅版本。body lotion好容易推開，滲透力強，快速舒緩乾燥同埋痕癢，仲可以減少因為乾燥而出現嘅細紋。通常我朝晚外出換衫之前，沖涼之後用一次，咁就已經可以保持成日滋潤。如果真係太乾，就要再用深籃鐵罐版body cream🧴 持續用皮膚會變得好滑，加上吸收得好快。另外都唔會因為乾燥而出現皮膚龜裂嘅情況，平價有效，真係貴為身體護膚必備產品💕
<看全文>
AnnaChan好用推薦：真係要同大家推介一枝我最近好鍾意既防曬——ALLIE 濾鏡調色防曬 平時趕出門口，真係勁懶得化全妝，大熱天時又唔想層層疊疊咁又防曬又粉底碎粉，但素顏出門又怕個樣好殘。朋友推介下試咗呢支調色防曬，用完根本就唔洗再上粉底。 首先試咗紫色果支，但本身cool tone皮膚既我用完有少少蒼白，所以最後決定入手杏桃色。佢最正嘅地方係完全唔係嗰種死白嘅防曬。本身帶有微微嘅杏桃粉色，一推開超級自然，修飾到黑眼圈同暗沉，膚色即刻均勻晒，望落去真係好似天生皮膚好咁，有種好健康嘅好氣色，好似幫皮膚開咗個filter咁 質地方面，水潤得嚟一啲都唔笠，推開好快就吸收。最緊要冇傳統高防曬系數咁厚重，戴口罩都唔會痴立立。用完有微霧光澤感，後續上粉底都唔會起擦紙膠碎。 而且佢仲有陣淡淡嘅杏桃清香，聞落幾舒服 留意到佢係海洋友善配方，呢樣值得欣賞，而且佢仲係抗汗、抗皮脂配方，夏天去海邊玩都可以安心使用。 原圖直出，毛孔修飾埋，仲有微微光澤，超自然
<看全文>Miranda好用推薦：【質感】 首先講質地。佢係偏流質嘅乳液狀，唧出嚟係淡紫色，流動性算高，推開嗰下好順滑，延展性極好，一粒黃豆嘅份量已經夠搽全面。上面之後初初感覺好水潤，但等一陣之後會慢慢收乾，變成一種「緊緊貼住皮膚」嘅霧面感覺。摸落去係清爽嘅，唔會覺得油淋淋。 不過要留意嘅係，佢上面之後需要等一陣先會完全乾透成膜。如果趕時間，未等到佢乾就上粉底，會覺得有少少「漿住」。但如果等佢乾透先上妝，個感覺就會好貼服。 味道方面，佢有淡淡嘅花香味，類似紫陽花同鼠尾草嗰種清香，聞落都幾舒服，唔會太濃。 【使用感】 呢個位係我最鍾意嘅部分。我本身係典型亞洲黃皮膚，成日都俾暗沉同蠟黃困擾，尤其係捱夜之後，塊面望落又黃又冇精神。呢支防曬嘅紫色調，可以自然咁修飾我面嘅蠟黃感，用完之後膚色即時變得均勻透亮，好似開咗濾鏡咁。 佢嘅提亮效果係自然嗰種，唔會死白，搽完之後塊面有一種「由內而外」嘅光澤感。對於趕時間嘅日子，我搽完佢再撲個碎粉就已經可以出門，慳咗好多化妝時間。如果想化全妝，佢嘅貼服度都幾好，後續上粉底會乾淨細緻好多。 不過有兩個位要留意。第一，紫色調嘅用量要控制好，如果一次過搽太多，塊面會過白，所以我習慣逐少
<看全文>
Fng好用推薦：AHC呢支新出嘅「9重全護撫紋淡斑防曬乳」（小白傘防曬乳） 香港天氣熱到爆，我本身係混合偏乾肌，好怕防曬黐立立，呢支簡直係夏天嘅救星！ ✨ 產品體驗 · 質地同膚感：佢唧出嚟係乳白色，質地好水潤、好易推開，輕輕一抹就均勻晒全臉，完全唔會泛白或者有白痕。搽完之後有陣涼浸浸嘅降溫感，舒緩到夏天嗰種熱刺感，官方話可以降溫5.6°C，我親身試過都覺得有呢個效果！不過要提一提，有啲用家反映呢種涼感對佢哋嚟講有少少刺激，會有輕微刺痛，但好快就消失，我自己就覺得接受到。 · 清爽度同保濕力：佢吸收得幾快，雖然初初搽完會有一丁點油潤感，但比起其他高防曬度數嘅產品已經算係非常清爽。對我呢種混合偏乾肌嚟講，保濕度啱啱好，全日都keep住水潤唔乾，但乾肌用家可能要留意，秋冬用可能唔夠潤。 · 防曬力同持久度：防曬力真係冇得彈！前排喺戶外曬咗兩三個鐘，完全冇變黑，做到防曬應該要做嘅嘢。不過要留意，佢防水力一般，夏天勁出汗或者要長時間戶外活動的話，記得要勤力補塗。 📌 總結 總括嚟講，呢支防曬乳質地清爽、有降溫感、防曬力足，仲有少少養膚成分，好適合香港夏天同混合肌用。唯一要留意嘅係佢嘅涼感成分對某啲人可
<看全文>Paris merci 好用推薦：Ahc依款9重全護撫紋淡斑防曬好薄，添加咗淡斑效果多層護膚作用。我通常全面踩一陣再喺顴骨位搽多少少，一支40 mL一兩個月就要用晒，要搽足夠份量。 夏天實在太熱，唔想搽咁多層喺面上。白色乳液質地，搽上面唔會泛白，透明冇顏色，毫無厚重黏膩感。鍾意當佢做底霜去用，提一提冇焗控油功效。不過如果中性至乾性皮膚應該冇問題，用今季新出嘅Suqqu粉底液都可以夾到，不會起擦膠碎。呢啲夏天嘅天氣可能過五個鐘頭到就會得返七成，但我覺得都可以接受。 我買3支75折完再有得減20，萬寧網上首購我買埋其他野仲有得再減45，幾抵用💕 #火熱新品
<看全文>
Myonlyone好用推薦：【Cerave長效保濕防曬乳霜】乾敏肌真實用後感：保濕力滿分，但要睇時機用！ 前排見萬寧做特價，見Cerave呢支長效保濕防曬乳霜評價唔錯，又話有齊神經醯胺同透明質酸，啱晒我呢啲乾到龜裂嘅敏感肌，就膽粗粗買嚟試。用咗差唔多一個月，今日同大家講吓真心話。 質地：厚身但唔難推，要有少少耐性 唧出嚟係白色乳霜狀，比起一般防曬乳液明顯厚實，望落似面霜多過防曬。第一次用嚇親，心諗會唔會「笠」到爆？但實際上推開又冇想像中咁難，延展性算OK，逐少逐少上面就唔會一嚿嚿。不過要提大家，佢吸收時間比較長，最好搽完等幾分鐘，等佢完全食入皮膚先好上粉，如果唔係會有少少擦膠碎走出嚟。我用慣咗之後就覺得問題不大，當係朝早護膚嘅一個小儀式。 防曬效果：日常返工返學好夠照 SPF50+ PA++++，防曬規格去到最頂級，日常生活絕對綽綽有餘。我平時返工喺冷氣房對住電腦，中午行出去買飯曬十零分鐘，完全冇變黑嘅跡象。佢仲話有抗UVA/UVB同埋抗污染功能，喺香港呢種空氣質素之下，多一重保護點都安心啲。不過如果去戶外活動或者行山，建議要勤力補搽，因為佢質地厚身，出汗後有機會溶得比較快。 保濕效果：乾肌恩物，全日水
<看全文>Miranda好用推薦：【質感】 質地方面，佢係好輕盈嘅白色乳液狀，流動性極高，一推開就化開。上面之後輕拍幾下就 秒速吸收，完全唔會覺得油淋淋或者黐立立。佢主打嘅 「啞光（Matte）效果」 真係做到——用完之後皮膚表面清爽乾爽，望落有種自然嘅柔焦感。最驚喜嘅係佢完全唔泛白，就算係深色皮膚都用得。佢無香料、無酒精、無油份、無致痘成分，對於追求成分簡單嘅人嚟講係一大優點。 【使用感】 呢支防曬乳最出色嘅地方，係佢將 「保濕 + 防曬 + 修護」 三者完美結合。佢含有 三種親膚神經酰胺（Ceramides 1, 3, 6-II） ，可以修復皮膚屏障、鎖緊水分；加上 透明質酸，為皮膚提供持久保濕；仲有 煙酰胺（Niacinamide） ，幫助舒緩同均勻膚色。SPF30廣譜防曬，可以有效抵禦UVA同UVB，減低皮膚被紫外線傷害同提早老化嘅風險。 每日朝早用完精華之後搽佢，等2-3分鐘成膜之後就可以上妝。佢同後續粉底嘅兼容性極高，完全唔會擦膠碎或者搓泥。對於我呢啲怕麻煩嘅人嚟講，一支搞掂「保濕 + 防曬 + 打底」三個步驟，真係懶人恩物。 【持久度】 持久度方面，佢嘅表現非常穩定。官方實測數據顯示佢可以減少
<看全文>
Verna好用推薦：我讀書時就已經用這個品牌的潤膚乳了，總覺得它的產品CP值很高，價錢大眾化，品質又好 逛個人護理店時，看到它有新產品，有特價，而且這款身體潤膚乳不再只是滋潤，它加入了維他命C和A，有亮白膚色的功效，而且還有近年火熱的抗氧化成份--谷胱甘肽，而且一支有300ml，大大支，感覺很划算🤭 當然要捧場試試 這款身體乳液的質地是比較流質水狀，它的延展性很高，很容易推開，皮膚也吸收得很快，搽完後的觸感也沒有黏笠感，相比它以往的產品，感覺輕盈清爽得多 我通常是每次沖涼後搽的，所以我覺得如果它是泵頭的話，會比較方便，用了一個月左右，就發現膚色變得均勻白淨了
<看全文>Rin好用推薦：之前嘗試過用另一款,但是用完一枝後沒有效果 我的手色差非常大，這平用了大半個月的時間感覺是有變白一點點，但是之前沒有特別想做測評，所以沒有拍照 前陣子因為佢外活動曬黑了亦有改善 加上他的價錢不貴（以美白來說） 味道有種果香 不會太黏笠亦很好吸收 我認為可以購買一瓶使用，如感覺有變白再繼續購買 #身體保養
<看全文>
Emily Leung好用推薦：夏日炎炎，作為一個混合肌嘅香港女仔，最怕就係防曬又笠又焗，搞到成面油光。但今年夏天我終於搵到真愛——Sofina IP 防曬乳（即係佢哋支「高保濕防曬乳液」）！真心想同大家share吓用後感。 先講質地，佢係好流質嘅乳液狀，一推開就化水，吸收快過我諗今晚食咩。最驚喜係佢唔泛白、唔搓泥，仲有淡淡嘅花香，塗完塊面即刻柔焦咗，好似搽咗層薄薄嘅妝前底霜咁。對於夏天成日出汗嘅我，佢嘅控油效果算幾掂，到下午T區都只係輕微出油，唔會話溶到一撻撻。 防曬力方面，SPF50+ PA++++ 絕對係夏日基本盤，我試過去沙灘暴曬半日，完全冇變黑，而且佢加入咗保濕成分，喺冷氣房一整日都唔覺得乾。以前用某D開架防曬，一上粉底就卡粉，但呢支同粉底好夾，慳返我唔少急救時間。 總括嚟講，Sofina IP 係我今年夏天既防曬MVP，無論返工定戶外活動都夠照，絕對係適合夏天的護膚品！如果你都受夠黐立立嘅防曬，真心推薦你一試～ #SofinaIP防曬乳 #夏日防曬救星 #混合肌恩物 #不泛白不黏膩 #防曬保濕二合一 #適合夏天的護膚品 #香港女仔護膚日記 #夏天必備 #防曬心得 #SofinaIP
<看全文>Fng好用推薦：SOFINA iP 亮肌抗斑防曬乳霜｜ 混合偏乾肌嘅「防曬＋淡斑」二合一實驗！ SOFINA呢支「iP防曬乳霜」新推出，聲稱可以一邊防曬一邊抗斑，對於又怕斑又怕黏嘅混合偏乾肌來說，真係好吸引😍 ☀️ 質地與膚感： 擠出嚟係白色乳霜狀，質地似輕盈版妝前乳。推開時有少少潤色效果，吸收速度中等，完成後皮膚呈自然光澤感。對混合肌來講，冬天用剛好，夏天就可能要減少用量。 ✨ 防曬與淡斑效果： · 防曬力：SPF50+ PA++++足夠日常通勤，試過戶外活動3小時無曬紅 · 抗斑表現：用咗兩星期，鼻樑同顴骨嘅雀斑無明顯加深，甚至覺得有輕微提亮效果 · 保濕度：含有透明質酸，無一般高係數防曬嘅拔乾感 💡 獨家技術解密： • ADVAN技術：提升防曬膜均勻度，減少漏防曬嘅情況 • 洋甘菊ET精華：針對紫外線引起嘅斑點形成 同舊版SOFINA藍小花比，呢支更注重抗斑功能；同ELIXIR抗皺防曬比，就清爽得多。 ⚠️ 需注意： · 潤色效果，黃肌用可能會有少少灰白感 · 建議用卸妝產品徹底清潔 🌟 「防曬＋淡斑」組合心得： 我發現如果朝早潔面後，直接跳過乳液步驟，單用呢支防曬乳霜，反而效果更
<看全文>