Dove 多芬 好用推薦產品

Paris merci 好用推薦：Dove 勝肽修護髮膜（小金碗），其實係一大罐🤣一開盒就好香。雖然髮膜係濃稠膏狀，但係搽上去好容易，能夠均勻覆蓋到每一根髮絲，就算只搽少少都容易推開。 過水嘅時候已經感覺到頭髮順滑，非常好用，可以深層滋養同修復受損嘅髮質，真係令到頭髮有返光澤同柔順。等我吹頭之後，效果更加明顯，乾嘅髮質都可以keep得順滑，毛躁感減低，髮尾都修復得唔錯。 對於日常護髮嚟講，相比其他高端品牌，呢款髮膜嘅價錢適中，但效果真係唔差，總體合格💕

Fng好用推薦：Dove勝肽修護髮膜｜ Dove呢個「小金碗」（幾十蚊有交易)，加入咗護膚界大熱嘅勝肽成分。 配方： •奧泰米爾勝肽：聲稱可以幫頭髮「補膠原蛋白」 •角蛋白複合物：填充受損髮絲嘅「窿窿」 •玻尿酸：基本補水，對抗毛躁 同Fino髮膜比，Dove呢支質地更輕；同Aussie 3分鐘奇蹟比，就溫和唔少！ 用後感： 一打開個碗，個質地似融化咗嘅雲尼拿雪糕，推落頭髮度零黏膩。沖水那刻有驚喜——手指一梳到底，個順滑度拍得上貴價貨！吹完頭最明顯係毛躁隱形咗七八成，個觸感似絲綢咁滑，最正係唔會令頭髮扁塌，keep到蓬鬆感～ 同價位大比拼： •vs Fino髮膜：Dove贏在清爽度，Fino就潤啲 •vs Aussie 3分鐘：Dove溫和啲，適合敏感頭皮 溫馨提示： ✨油頭姊妹可以一星期用一次就夠 ✨記住要沖得乾淨，唔係會阻塞毛孔 ✨開咗之後要快啲用，唔係會乾 總結： 一支抵食夾大件嘅開架神器！特別適合又染又燙、成日覺得頭髮乾嘅sis。雖然唔會用完變廣告模特兒，但作為日常護理，絕對交足功課！記住要用得聰明，集中火力對付受損髮尾，咁就唔會浪費咗呢個平民享受啦！

chewyfruit好用推薦：Dove 光澤修護洗髮乳測評 一句話總結： 係幫頭髮做咗個「平民版焗油」！性價比高，針對毛躁同暗啞效果出奇地好！ 主要好處： · 順滑之光： 用完最明顯係啲頭髮即刻聽話咗！毛躁乖乖收斂，光澤感自然咁走出嚟，唔係「油立立」嗰種，係健康光澤。 · 保濕度足： 質地creamy，沖水時已經feel到頭髮又滑又軟，梳頭時特別順手，打結情況少咗好多。 · 香味舒服： 係陣陣優雅嘅花香味，唔會太濃烈，留香耐，成日覺得自己個頭好香。 要留意嘅地方： · 滋潤度好，所以油性頭皮嘅朋友，可能覺得夏天用有啲「重」，或者要洗多兩遍。 · 追求極致蓬鬆感嘅朋友就可能覺得佢太貼服，未必係你杯茶。 適合邊個用？ · 髮尾乾燥、飛散毛躁嘅中至乾性髮質。 · 經常吹頭、電髮，想簡單快捷幫頭髮恢復光澤同順滑嘅人。 · 想揾支平、靚、正日常洗頭水嘅用家。 簡單嚟講， 佢係一支好穩陣、唔會點出錯嘅「入門級修護」洗頭水，唔使一百蚊就有一支，絕對對得住個價錢有突！

A&R好用推薦：味道好香，洗完頭髮好清爽，頭髮好蓬鬆，唔會好乾，頭髮光澤同以前一樣，見唔到有咩特別。價錢實惠，特價時候買。

Sakura醬好用推薦：Dove沐浴露，家中必備好物 用咗好多年，一直都用呢個牌子！價格優惠，香味選擇多！最緊要係夠溫和，唔會敏感！作為日常用嘅沐浴露，不過不失！ 香味： 經典原隻款係陣溫和嘅牛奶甜香，唔算好濃烈，但沖涼時聞到好放鬆，留香唔算持久，沖完過一陣就散得七七八八，適合唔鍾意太濃味嘅人。 泡沫豐盈度： 泡沫唔算超級多，屬於細密綿滑類型。如果用沐浴球可以搓出豐富泡泡，但如果就咁用手，泡沫量就比較適中。 滋潤保濕： 呢個係Dove嘅最大賣點！用完好明顯感覺到皮膚好滑溜，完全唔乾燥，更加唔會有「繃緊」嘅感覺。就算係秋冬乾燥天時用，保濕力都相當夠。 清潔力： 清潔力屬於溫和乾淨型，日常沖走汗水同油脂絕對足夠。如果你追求洗完有「好乾淨、好乾爽」嘅感覺，佢就可能未必係你杯茶，因為佢主打滋潤，洗完會留有層潤滑感。 總結： 係一支保濕力突出、溫和潔淨嘅沐浴露，特別適合皮膚乾燥，或者鍾意滋潤膚感嘅人。如果你係大油皮或者鍾意極致乾爽感覺，就可能要諗諗。

hoyosky好用推薦：無限次回購！試過Dove牌子沐浴露很多種味道，最喜歡和使用效果最好的，還是這款！質地比較像牛奶狀，味道很香不攻鼻，使用效果溫和帶點滋潤。很多朋友來家使用過都表示很喜歡，是種大眾都可以接受的味道。 普遍在各大超市及百貨都有售賣，常出優惠裝及帶贈品試用，性價比高。

Hamiii好用推薦：洗完頭好順滑，亦有效改善毛躁👍🏻 氣味比較濃，不過留香度唔算好高 洗完頭第二朝依然有順滑感，會係輪住回購既其中一款洗頭水👍🏻

lingbb好用推薦：- 香味清幽，快速起泡 - 用咗一個月感覺唔太強烈，對頭髮嘅修護同保濕屬還好 - 價錢來講算係不過不失 #火熱新品

A&R好用推薦：Dove強韌防斷洗髮乳，乳白色洗髮乳，起泡力適中，泡沫柔滑易沖洗。清新花果香，洗完頭後有淡淡香氣，唔會太濃烈。洗頭髮洗得好乾淨。 洗完頭髮感覺乾淨但唔乾澀，髮絲柔順易梳。針對容易斷裂、脆弱嘅髮絲，提供滋養同強韌保護。價錢親民，性價比高。

Emma W好用推薦：Dove 髮源強韌防斷髮專注於修復和強化頭髮。用後感覺頭髮不再乾燥毛躁。對髮質感覺強韌左，但唔用護髮素後，有少少潤，又有點棘。 產品質地輕盈，香香的，少少水就有好多泡，容易沖洗。 適合肌膚：任何 成效度：3.5/5 持香度：4/5 易起泡程度：5/5 值得推薦度：4/5

Shirlin Ho好用推薦：呢支Dove嘅洗頭水係第一次買，諗住都係普普通通，唔會對佢有太大期望，點知用咗之後就有驚喜。 1.佢起泡力對我嚟講係滿意嘅，用少少就起到好多泡。🫧🫧 2.佢香味係持久，吹完頭到瞓覺個陣都仲有香味。 3.吹頭個陣好順，唔會撠住，攪到會甩好多頭髮😣😣 最重要係佢CP價真係好高，價錢一啲都唔貴，用多啲都唔肉痛呀👍🏻👍🏻

Kpl6be6好用推薦：呢支新配方有驚喜呀～真係幫手改善到我嘅"頭皮油+髮尾乾"狀況～使用後有感油頭情況減緩咗～但又唔會強力清潔到令頭髮變乾～反而更柔順易打理～另外香味都幾得人鍾意且留香到一整晚～

Kelvin好用推薦：Dove清爽水嫩沐浴乳 果香系列：小黃瓜 x 綠茶 🥒 🌟比其他味道較為稀身，用完皮膚乾爽，但皮膚不會乾 🌟起泡力強，沖完涼好乾淨 🌟平價大枝，而且係買孖裝會有細支裝送 青瓜的味道好夏天，有青臭的味道，十分強烈，而且青瓜味大於綠茶味，不是每個人都喜歡，之後應該會買返其他味🤭

mcosmetics好用推薦：Dove嘅沐浴露大支抵用～白桃x白茶味係其中一隻我最鐘意嘅味，唔會太甜又夠fresh. 但佢聲稱24小時 持久水嫩，個人覺得冬天用黎沖涼係好乾，所以天氣乾燥會轉用bioderma (我係乾肌）不過性價比高，全年多數日子用得💝

Hamiii好用推薦：正常護髮素 Feel唔到深層滋潤左😂😂 日常粗用好抵 間隔下髮膜用 無咩特別頭髮問題既可以入手

KDing好用推薦：表現不過不失 只可以話係日常修護用 但頭髮未必用後好滋潤 但頭髮平時唔會日日用髮膜既日子用都ok 同埋佢香氣幾易接受

Paris merci 好用推薦：Yuzu味道清新，感覺十分舒適，用後感清新水感。這一款比較適合夏天使用，沖完涼會留有淡淡嘅香味，足夠的清潔力，再加上價錢大眾化。保濕度夏天足夠，普遍都可以接受嘅味道☺️ 最底係萬寧或者屈臣氏做八八折嘅時候買，定價平時$35一支💕

Milo101好用推薦：價格較大眾化，沐浴乳效果一如既往的潔淨，柚子香氣更是清新的，適合夏天使用

Cole Cole 好用推薦：Dove 輕潤滋潤洗髮水，味道好香，洗完頭之後頭髮唔會好乾燥，好清爽，洗完頭第二日頭髮都好香，唔會好塌，可以去頭油，可以去頭油嘅味道，頭髮好柔順，減少開叉。性價比高。

Karman28好用推薦：都係因為用同系列既洗頭水而轉用呢支護髮素。護髮素黎講，暫時真係覺得古支都差唔多，無特別功效。不過不失。