Dove 多芬

多芬滋養柔膚沐浴乳

Dove沐浴露，家中必備好物 用咗好多年，一直都用呢個牌子！價格優惠，香味選擇多！最緊要係夠溫和，唔會敏感！作為日常用嘅沐浴露，不過不失！ 香味： 經典原隻款係陣溫和嘅牛奶甜香，唔算好濃烈，但沖涼時聞到好放鬆，留香唔算持久，沖完過一陣就散得七七八八，適合唔鍾意太濃味嘅人。 泡沫豐盈度： 泡沫唔算超級多，屬於細密綿滑類型。如果用沐浴球可以搓出豐富泡泡，但如果就咁用手，泡沫量就比較適中。 滋潤保濕： 呢個係Dove嘅最大賣點！用完好明顯感覺到皮膚好滑溜，完全唔乾燥，更加唔會有「繃緊」嘅感覺。就算係秋冬乾燥天時用，保濕力都相當夠。 清潔力： 清潔力屬於溫和乾淨型，日常沖走汗水同油脂絕對足夠。如果你追求洗完有「好乾淨、好乾爽」嘅感覺，佢就可能未必係你杯茶，因為佢主打滋潤，洗完會留有層潤滑感。 總結： 係一支保濕力突出、溫和潔淨嘅沐浴露，特別適合皮膚乾燥，或者鍾意滋潤膚感嘅人。如果你係大油皮或者鍾意極致乾爽感覺，就可能要諗諗。

無限次回購！試過Dove牌子沐浴露很多種味道，最喜歡和使用效果最好的，還是這款！質地比較像牛奶狀，味道很香不攻鼻，使用效果溫和帶點滋潤。很多朋友來家使用過都表示很喜歡，是種大眾都可以接受的味道。 普遍在各大超市及百貨都有售賣，常出優惠裝及帶贈品試用，性價比高。

冬天必備沐浴乳！一踏入乾燥季節，就要換沐浴露啦☺️一直都用開一隻著名消毒品牌嘅沐浴露，佢哋清潔力好強，冬天用我就好容易乾到痕癢，所以要即刻轉做dove牛奶沐浴乳，沖完涼之後皮膚有淡淡的牛奶香仲有水嫩嘅肌膚，清潔之餘又不帶走太多油脂，連我嘅長輩屋企人同小朋友都啱用，佢而家直程係我家庭必備嘅沐浴乳，同保心安油嘅地位一樣吖😂

#DOVE Classic 牛奶香，但吾會太甜太濃，令人唔舒服嘅香味。成日覺得一隻好嘅沐浴乳，適當嘅香氣會令到人心情變好得到放鬆，更而會令到睡眠質素提高。有咩好得過喺出邊辛苦完一日，返到去沖返個靚涼，抹去整日嘅疲倦感！🤩 

用左十幾年都係咁香牛奶味，春夏秋冬都唔啱用，用完好滑，而且泡沫豐富，係買完再買嘅item

呢個基本上喺屋企係長期必備，有時做特價嘅話買一送一就更加抵，清潔力夠，而且用完之後皮膚唔乾，唔會話過度清潔 ，不過喺冬天用嘅話，最好用完都係要搽body lotion， 而且佢嘅香味令人好放鬆，唔會太香或者太淡，試過有啲牌子嘅沐浴露香到令我頭痛，呢個啱啱好，係性價比超級高嘅產品

已經用咗超多枝，屋企固定嘅沐浴露。 香味唔會好濃，男士都可以接受，基本上係老公慣用嘅一枝沐浴露。 一年四季用都唔會覺得乾。 好多時都係一pack兩枝再送枝細枝裝，性價比好高

沖完涼感覺自己好香，有乾淨嘅味道！價錢亦不貴，性價比高。已經買左幾支用

家裡一直使用的沐浴露，性價比高，冬天用也感到滋潤，氣味清香！一家大小都十分喜歡呢。

呢隻味嘅沐浴露真係無得頂，之前住宿，幾乎人手一支，味道超級好聞，有種仙氣嘅味道，用完皮膚會變到好滑，價錢好平，信我一定要試，非常好用

很好聞的一隻沐浴露，我有用浴球，所以泡沫都算多，清潔力也還好，平民好物

媽咪買開既沖涼液之一，有種牛奶既氣味，香得黎又唔會覺得好令人抗拒 冬天用好滋潤，沖完涼唔會好乾 價錢都幾平，有時出孖裝+一支細既就好抵買 Cp值非常高👍🏻

偶爾會回購嘅產品，由細個就好鍾意個陣奶香味，清潔力十足，但冬天用就比較乾了，沖完涼要即刻搽番Cream。

- 今次dove添加益生元元素落沐浴乳 - 香味同classic一樣，質地係滋潤感高啲，因含1/4保濕乳液，24 小時長效保濕 - 我個人覺得冬天用幾唔錯 - 而且中性 pH溫和親膚 - 無添加 Parabens 防腐劑、皂鹼、酒精 - 會回購！

Dove 沐浴乳 氣味都算香嘅 好細個就開始用佢 雖然吾知點解丫媽咁鐘意買Dove 沐浴乳 以前去同學屋企 同學屋企又係用佢 去親戚屋企都係佢 行過鄰居屋企 都聞到 Dove 沐浴乳嘅味 依個味真係經常聞到 😆沖完涼皮膚都吾乾 都吾保濕 都吾滋潤 無乜特別 好普通嘅沖涼液 但就係好多人用