L'Occitane en Provence

杏仁沐浴油(已停產)

L'Occitane杏仁沐浴油review： 這是一款適合秋冬乾燥氣候的沐浴產品，它的質地是流動性較高的金黃色油狀液體，散發著植物濃郁迷人的清新香氣，加水揉搓後可產生豐富的泡沫，並乳化成白色，洗淨後皮膚上不會有殘留的油膜感，而是感到皮膚光滑、水潤、清爽。我用它沐浴後皮膚不會感到乾燥緊繃，甚至不擦身體保濕乳也可以。我最喜歡的是它的特色香氣，令整個沐浴體驗大大加分，使沐浴這項基礎日常護理的過程變得令人享受。此外，我認為它最大的優點之一是可以以油溶油卸除身體防曬，一次性洗淨身體，即使全身大範圍使用防曬霜也不用擔心防曬霜洗不乾淨的問題，值得稱讚。 結論：好用，會購入正裝，於乾燥季節及需要卸除身體防曬的時候使用。

身體皮膚狀況: 不論春夏秋冬都係偏乾，需要長期搽body cream。手臂有毛囊角化症問題，背脊同大髀都有少少粒粒 產品使用心得: 當初因為有毛囊角化症要搽酸導致皮膚有時候太乾，所以要轉用一隻比較滋潤嘅沐浴油 L’Occitane依支杏仁沐浴油以植物油為基礎，質地偏油狀 用嘅時候要加水乳化再起泡，搽上身會覺得好保濕滋潤，沖完涼會覺得洗得乾淨，但皮膚都唔會有繃緊嘅感覺🥳 雖然價錢比較貴，但可以買補充裝refill 會一直回購！

沐浴油成分是甜杏仁配方，添加了一些高滋潤的天然油脂（甜杏仁/向日葵籽/迷迭香），整體滋潤度比較高。 第一次用個時，覺得浸味好難聞，但用多咗習慣咗之後就冇問題。雖然係沐浴油，但會有適當既泡沫，所有會有沖涼液有清潔身體既感覺。但沖掉後又唔會有殘留嘅感覺。 上年冬天一直用依枝沐浴油，身體都滑滑彈彈，沖完涼有種BB肌膚嘅感覺🤭我背部經常因為乾燥而起雞皮粒粒，用依個護膚很舒服，而且有改善。滋潤度黎講，一定比一般沐浴露要強，用完皮膚不會乾燥，但冬天要很滋潤的話，都係要搽body cream。 Loccitane既沐浴油比較貴，但佢嘅滋潤度相對地都高啲。我比較懶，沖完涼之後唔鍾意搽cream，依枝沐浴油幾岩我👦🏻

L'Occitane 杏仁沐浴油 (Almond Shower Oil) 金黃色的油狀質地, 遇水即轉化為細膩的乳狀泡沫, 易於沖洗, 使用後肌膚感覺柔軟、絲滑且不緊繃。提供深層滋潤, 甚至有助於改善乾燥引起的痕癢。保濕效果很多！散發著溫暖杏仁和香草的誘人香氣, 讓沐浴過程成為一種感官享受。它能使肌膚保持水潤柔軟, 而不會在浴室地板留下油膩的殘留物。 

最近天氣好唔穩定，又乾又濕，凍吓又唔凍吓，反反覆覆咁，一於拎啲sample出嚟試吓！ 點知！ 得wo! L'Occitane 杏仁沐浴油 一款經典身體護理產品，主打深層滋潤同舒緩肌膚，適合乾性或敏感肌用 成分～ 50%杏仁油滋養、向日葵油保濕同迷迭香精華抗氧化，無皂鹼溫和，敏感肌或濕疹都適合 質地~ 金黃色油狀，擠出後加水輕揉即乳化起泡，泡沫細膩豐富，清洗乾淨後皮膚感覺柔滑水嫩，唔會油膩或殘留 功效～ 沖後即時舒緩乾燥痕癢，摸落光滑有彈性，特別啱轉季用，連身體防曬都溫和卸除 留意位🥸 泡沫較少，對油肌夏天可能稍黏，需要多沖 簡單講～ 冬天值得入一支！💓

一打開就聞到好舒服嘅杏仁香味，唔會太濃！質地係油狀，但一遇水就好易推開，低泡，唔會黐立立，沖涼變得好療癒～😌 🛁使用感受 我本身秋冬天會甩皮😅，但用咗呢款沐浴油之後真係有驚喜！沖完涼皮膚係滑嘅，唔會繃繃緊，就算唔即刻搽lotion都頂到一陣～而且佢唔似普通沐浴露咁洗完成身咕咕聲，保濕度真心唔錯！ 💦清潔力同用法 雖然係油，但沖水後完全唔油膩，仲卸到防曬（我試過用普通防曬測試）！用法好簡單：濕身之後搽上身，按摩幾下，再沖水就OK～懶人恩物！ 👍優點總結 - 保濕度滿分，乾肌必試 - 香味溫和，沖涼變享受 - 卸到防曬，慳返一步 👎少少缺點 - 價錢偏貴 - 油皮可能覺得夏天用唔夠清爽 整體評分：6/7🌟 沖涼變得滿滿儀式感，治癒又享受。推薦比乾燥肌、敏感肌嘅朋友～💕

已經差唔多用晒，用嚟沖涼非常舒服，有淡淡的香味，非常持久。用落亦都唔會非常黏立，容易起泡，皮膚用完後會有一浸淡淡的油膜，可以滋潤乾嘅皮膚，沖完涼後立即感覺皮膚滋潤咗，冇咁乾。

呢支淋浴油原來同一般淋浴露一樣，都可以起泡，所以佢既潔淨力唔差。沖完涼之後唔會令到皮膚好乾燥，又唔會油笠笠，係乾燥既冬天係幾好用。

想說可以邊洗澡邊卸除身體的防曬才買的。 質地是有厚度的油。第一次使用的時候是打算跟平時用卸妝油的步驟一樣使用。就是在身體還是乾爽的時候把沐浴油抹上，然後按摩皮膚溶解防曬，最後再加水乳化。結果發現，完全行不通！因為是有厚度的油，很難把它在皮膚上推開，需要超多用量才能擦完全身！所以擠了三四下左右就放棄這個用法了！ 後來的使用方法改為先沖身，然後擠沐浴油，像普通沐浴乳那樣使用。但是我的觀念裡面這個方法沒辦法卸防曬，因為你擠沐浴油的時候它在手上已經乳化變成白色了！就違背了我購買這款產品的目的。 而且用完沐浴油也沒有特別滋潤的感覺，反而挺乾的。硬要說優點的話就是香氣宜人。 單價偏高，我是不會回購了。

平時用其他潤膚油洗完keep得唔耐 呢隻又香又持久 而且明顯感覺乾燥部份嘅皮膚洗完之後有滋潤到 keep到兩至三日 以呢個價錢嚟講性價比幾高 

這款沐浴油質地輕盈，搽在身體上很易推開，味道是淡淡的杏仁味帶點奶香，不是很膩人很甜那種味道，用後十分舒服解壓，尤其適合冬天想要温暖的感覺。雖然是油狀但不會難以沖洗，本身皮膚在乾燥天氣會痕癢脫皮，用後感覺滋潤，有改善到痕癢問題，整體效果十分好，但可惜的是正品價格偏高，作為沐浴用品我偏好較便宜一點的，所以我購入了另一牌子更相宜的沐浴油，反而它同系列味道的護手霜是我愛用的回購品。

呢枝沐浴油真係回購咗好多次♾️一試愛上，味道真係純純嘅杏仁味，甜而不膩；屬於比較厚重油性嘅質地，流動性非常高，遇水即乳化，用完個人唔會乾，好似幫身體上咗一層薄薄body lotion，非常滋潤同埋都可以流香一整晚💕

早前專門店拎到既贈品 一pack有四包沖涼油 仲有兩set 洗頭護髮素 呢包沖涼油試過之後 對油 從此改觀💛 本身以為用油沖涼可能會好笠 或者個身 沖完仍然會有層膜 呢個沖涼油不愧為佢哋嘅王牌產品 搽上身嘅時候有陣淡淡嘅杏仁油味 雖然本身唔鍾意杏仁嘅氣味， 但係呢個沖涼油嘅味道都接受得到。 淡黃色嘅沖涼油搽上身嘅時候好滑 好容易捽開 加少少水嘅時候會起泡 個人覺得比起沖涼液，滋潤得多。 沖完涼之後再搽一層body cream 或者body lotion就最滋潤🫶🏻

用過歐舒丹甜扁桃沐浴油之後你就會愛上 沐浴油則是以油溶油帶走身上污垢 洗完不會帶走水分💦 質地是水油質感很清爽 稍微揉搓一下就會出現綿密的泡沫 是清甜的杏仁奶香味~ 肌膚有一種喝飽水的滋潤感 那種滑溜溜，水嘟嘟的肌膚狀態簡直太愛

! 但如果不喜歡杏仁香味就最好skip杏仁系列， (因為杏仁身體系列的杏仁香味明顯) 改為嘗試乳木果系列或玫瑰系列等其他系列吧。 秋冬季特別愛用杏仁沐浴油， 用完肌膚滋潤又保濕，而且杏仁香味滿滿， 讓人在乾燥季節特別想念這瓶杏仁沐浴油。 含保濕成分: 葡萄籽油, 丙二醇, 甜杏仁油 及 葵花籽油 抗氧化成分: 葡萄籽油,

Ľoccitane嘅皇牌杏仁沐浴油，成份包括甜杏仁，令沐浴油發揮到強大保濕功效，每次沖涼倒出適量沐浴油，加水就會起到好多泡泡～ 用咗佢沖涼，似乎無咁乾，而且皮膚變得柔軟同滋潤，皇牌產品果然有效果！

很喜歡這支沐浴油，杏仁油香氣非常濃郁。有嘗試乾塗手腳以卸除殘餘的防曬，是真的可以揉成薄薄的油的，名副其實的「沐浴油」。沐浴後皮膚乾淨而不繃緊，非常舒服。

呢款杏仁沐浴油非常有驚喜，放上手搓已經起到泡，有潔淨力之餘一啲都唔乾，仲有淡淡嘅杏仁果香味，令有時懶得去沖涼嘅我多返啲動力去嘆

洗浴油質地滑順，起泡或乳化後清潔力溫和、不太乾澀。洗完皮膚仍保有水潤感，香氣體感舒服；整體適合偏乾或想減少沐浴後繃緊的人日常使用。

係呢個乾燥的季節，用呢個杏仁淋浴油係好合適，佢含有天然杏仁油，質地潤而不膩，沖完涼後，肌膚很滋潤，唔乾燥。