濕疹 推薦好用產品

Emma好用推薦：呢款cream係無添加香料、酒精與 Parabens 防腐劑，敏感肌、濕疹肌、甚至做完醫美後脆弱既皮膚都可以安心使用 質地： ❤️厚實卻不黏笠既乳霜 易推開，唔會泛白，唔需要來回不停搓先吸收到。 佢推開後吸收速度很快，會轉化為一種清爽、帶有微潤感但絕不黏笠既保護膜，保濕續航力極高。 ❤️夏天成日去角質，但唔小心過度去角質或過敏而導致屏障受損、泛紅、脫皮既皮膚，呢隻cream就提供非常強大既修復力。 我會連續厚敷幾晚，明顯感覺到皮膚不再刺痛泛紅，變得穩定 ❤️一罐多用，性價比極高 可以用於臉部，仲可以全身塗抹（手肘、膝蓋、腳踝等粗糙位效果超明顯） ⚠️ 缺點 質地偏厚重，油肌夏天用可能過潤 雖然標榜清爽，但對極油肌、油痘肌喺香港炎熱潮濕既夏天來講，有可能會焗。夏天建議局部使用，或改用質地更輕盈的「清爽保濕乳（Moisturizing Lotion）」，但呢隻對於我黎講唔夠用 ⚠️大開口罐設計，唔夠衛生 用一次，我面珠啲乾細紋即刻唔見😱圖為面部微距鏡影的

莓莓好用推薦：最有效修護嘅面霜，皮膚屏障受損泛紅急救❗️❗️ 百零蚊一大罐，竟然可以拯救我嘅敏感爛面？今次同你實測呢罐被喻為『平民救星』嘅CeraVe面霜，睇下佢係咪真係咁萬能！」 佢質地好似雪糕咁，潤得嚟又唔黐立立，上臉唔會好厚重，而且吸收得超快。主打強效修護 + 高度保濕！用咗一段時間，塊面真係嫩到癲！仲好Q彈！！泛紅敏感位都慢慢淡咗落去。平日用未必好覺，但塊面一『發脾氣』敏感，用佢實鎮壓得住！ 今晚我刷酸刷過咗龍，刷咗兩個幾鐘，結果搞到屏障受損。一開始塊面刺刺痛，跟住開始變紅兼火辣辣咁疼。屋企又冇修復急救面膜，唔知點算好，求其拎咗適樂膚嚟厚敷。點知效果咁誇張，半個鐘唔到就退紅，塊面都唔痛啦！ 使用前：使用後： 如果你灼傷得唔係好嚴重，好似我咁泛紅同刺痛，可以試下用呢個方法急救。 就快冬天，如果妳塊面容易『高原紅』同爆拆，真係要早啲入定貨。而且成分簡單，冇香精、酒精呢啲嘢，爛臉期都可以放心用！！

Paris merci 好用推薦：一直都鍾意用專櫃洗面膏，感覺比較保濕，效果好d。自從買咗呢個hydrating cleanser 之後完全改變。Cerave係敏感皮膚嘅牌子，價錢平民化。 佢係gel嘅texture，完全唔起泡泡，早晚都可以使用。佢隻gel係比較清爽，可以帶走面部嘅油感，清潔力溫和得嚟啱啱好，洗完面唔乾燥，亦都冇殘留油感，即使卸妝後用都乾淨。洗完面一啲都唔繃緊，唔會怕乾燥唔會怕敏感。乾性皮膚非常啱用，一年四季都用到💕

Ice好用推薦：起碼mannings 購買，老實講，其實一開始唔係諗住買呢隻係我買錯咗，用嗰吓唧完出嚟發現點解佢唔起泡嘅咁似gel仲以為自己係咪買錯咗？ 上網睇完先發現原來佢本身唔係一隻會起泡嘅洗面。佢係一隻好溫和嘅洗面凝膠。用完之後我覺得佢的確係好保濕，洗完面唔會有啲咩繃緊，而家冬天用落都冇咩唔舒服洗完面嗰下都係好濕潤。 如果想要一隻清潔力強嘅洗面嘅話就唔好買呢個，佢唔係sell呢一樣嘢。 總言之如果你係想一買一隻溫和嘅洗面佢係一個好不錯嘅選擇，而且價錢都係相宜。乾肌用嘅話都得，油肌／暗瘡肌可以用返其他會好啲

940727.0好用推薦：呢一款卸妝膏係店務員介紹俾我，我之前有用過佢哋潔面啫喱，佢哋潔面啫喱，都幾好用。依款卸妝膏嘅特質係10秒溶解頑固妝容。另外可以針對黑頭粉刺，我用完的確粉刺會少咗好多.

rainbow好用推薦：很推薦，已經用了第三盒。用小匙將膏狀放在手心按壓就會變油，之後的用法同缷妝油一樣，在臉上打圈。有好多粉刺黑頭會走出來，有很好的清潔作用。而且佢成份温和，專比敏感皮膚使用，連眼唇都用用得。

Maggie好用推薦：呢支 Cetaphil 舒特膚長效潤澤霜簡直係敏感肌救星！質地非常溫和，搽上去完全無刺激感，好舒服。雖然係霜狀，但出奇地易推開，仲好快吸收，搽完塊面好滋潤又唔會黐立立。最重要係佢 550g 超大罐裝，用落非常抵，CP 值極高！絕對係屋企必備嘅保濕好物，強烈推介俾有乾燥敏感問題嘅朋友。

Paris merci 好用推薦：依款Cetaphil潤膚膏真的是家中必備！ 佢嘅質地相對較厚，抹開會感覺到一層滋潤既保護膜，非常安心。而且成份不含香料、酒精和，使用唔會擔心成分問題！即使濕疹問題、皮膚紅、癢時候中，也不會覺得刺痛，反而可以迅速舒緩干燥。 雖然夏天用嘅時候會有啲黏，但在乾燥嘅冬天，效果非常好。用完之後皮膚變得柔軟，保濕效果真係維持得唔錯！身體面部都用得，我會自己入落個細罐，出街洗手後會覺得手乾，直接用佢當手霜用，保持手部皮膚滋潤。 推薦比濕疹或者皮膚較乾燥嘅人！呢個牌子小朋友都用得。手上呢款係550g大罐潤膚膏，藥妝店買大概$1xx，超級抵用💕

Noel好用推薦：我和先生的身體濕疹救星：Vaseline Eczema Calming👍白色乳霜，無香味，質感比較厚，塗到皮膚有交紓緩痕癢，先生的脫皮問題也有改善❗用完第一瓶後，已經回購了第二瓶，這枝成為了我們居家必備 body care🥰

Hamiii好用推薦： 濕疹用可以使到即時唔痕 但真係要搽到好厚 封到實 只要接受到佢既一種立 係好好用既

Grace Yeung好用推薦：依家天氣雖然唔凍，但係皮膚好乾好痕，所以買黎使用，使用後感覺好補水！皮膚冇咁抿緊 

Noel好用推薦：美國藥妝店的贈品，小小一枝10g竟然足夠使用一個月 😂 份量很省呢！面霜有點爽身粉味，這個 BB味面霜晚上使用很舒緩啊！潤膚乳呈白色，質感柔滑，比較 soft，塗到面上係順滑，好好推💕 沒有油膩感，算幾 light 👍 我尤其喜歡用這個乳霜敷鼻子及兩側，比較易敏感或變紅的位置，都適合用這枝去舒緩一下。

hca好用推薦：每日都在冷氣房，肌膚常常很乾燥！因此反而在夏天的保濕護理一點都不能忽略！這款乳液非常適合在夏天使用，保濕之餘不會太黏笠；加上成份溫和，能提升肌膚的穩定度！敏感肌/乾肌推薦！！

Catherine 好用推薦：皮膚科醫生推薦我購買的，敏感肌非常之咁岩用，質地唔太黏笠，上而後好快就可以吸收

Kakar好用推薦：佢既質地比較滋潤，同埋無特別既香氣，唔擔心佢有對皮膚唔好既香料，完全唔會加重皮膚既負擔。 呢排天氣乾燥，塊面一有少少敏感，我就會用呢支cream，厚搽過夜，第二日就會無事，唔再紅。不過呢支cream 我唔會全面搽，因為面部有局部出油的問題。如果搽一d太滋潤既cream,有機會會有暗粒或者焗瘡，所以我只會用起乾燥皮膚既位置。 總括黎講，呢支cream 用係敏感或者乾燥肌，係非常有效，十分推薦。

Miu Lai好用推薦：開始進入秋冬季節，皮膚變得更敏感，容易泛紅又變得乾燥，今次推介Physiogel 抗敏紓緩乳霜（面部系列），為敏感及乾燥皮膚打打氣！ Physiogel抗敏紓緩乳霜（面部系列）有效改善面部乾燥、敏感及泛紅，強效保濕滋潤，成份不含防腐劑、香料、色素，大朋友小朋友、敏感及濕疹性肌膚都合適！ 用後感： 1. 白色乳霜，無香味，質地輕盈，容易推開，有助肌膚吸收，有即時滋潤乾燥肌膚的效果。 2. 持續使用有效舒緩泛紅及乾燥。 3. 補濕效果很好，修復肌膚鎖水屏障。 醫學美容品牌，信心保證，值得推薦!

Emily Leung好用推薦：敏感肌洗面奶First Aid Beauty✨ 擠出來的是乳白色膏狀，沒有流動性，無添加香料。加水在掌心搓揉後，因為不是皂基，所以起泡能力一般，但是打圈按摩後洗的非常乾淨。 洗面乳是弱酸性，因為裡面有蘆薈成分，成分天然，特別溫和。我打完水光之後用來潔面，都不會覺得刺激，洗完臉白白嫩嗯，也不會覺得乾和緊繃。 官網說這款洗面乳是可以卸除隔離霜和BB霜的，我一般用了防曬或者遮瑕的話，還是會先用卸妝乳卸一下再用這個清潔。 我個人感覺哦，和香奈兒的山茶花有的一拼，但是更溫和，對敏感肌非常友好，而且性價比太高了。

agnessstang好用推薦：同FAB其他產品一樣 所有膚質都可以用 濕疹/敏感肌都ok 有蘆薈成分 係比較溫和嘅cleanser 唔算係起好多泡🫧 但潔淨力不錯 洗完塊臉都唔會覺得乾💧 官方係話可以卸妝 不過我都係會卸咗妝先再用洗面奶🤣

Kitty 好用推薦：呢款面霜係白色乳液狀，推開之後好輕薄，吸收得快，唔會黐立立或者悶住塊面。冇添加香料，所以係冇味嘅，適合敏感肌同唔鍾意香味嘅朋友。 🌿 成分同功效： 主打積雪草精華，呢個成分出名舒緩同修復肌膚，仲有其他保濕成分，保濕同時強化皮膚屏障。我用咗之後覺得塊面冇咁易泛紅，之前因為戴口罩而生嘅粒粒同痕癢都減咗好多！ 👍 使用感受： - 保濕度：★★★★☆ 雖然係面霜，但唔算好厚重，夏天開冷氣用都好舒服，第二朝起身塊面依然水潤，唔會出油。 - 舒緩效果：★★★★★ 真心推薦比敏感肌！尤其係轉季或者皮膚唔穩定嘅時候，用佢急救好有效，第二日就覺得塊面平靜返好多。 - 價錢同性價比： ★★★☆☆ 藥妝店賣大約$200左右（45ml），唔算平，但一支都用得幾耐，而且效果對得住個價錢！ 💡 小貼士： 如果皮膚極度乾燥，可以之後再加一層保濕精華或者面霜鎖水。 總結： 呢支面霜適合敏感肌、油肌同混合肌，尤其係容易泛紅、缺水或者需要修復皮膚屏障嘅人。當然啦，每個人皮膚唔同，最好都係試咗sample先買正裝啊～

Ceccinmydin好用推薦：Cetaphil 積雪草舒敏鎮靜面霜，效果好好，係敏感肌救星！👍 佢係乳霜質地 ，比較厚重，推開之後有少少殘留感，有層保護膜咁，但唔會黐立立 我最鍾意佢係冇香料！有啲保養品雖然有效，但香味太重，聞落好似好化工咁，呢一罐完全冇香 同埋個包裝design好好，真空按壓式，乾淨衛生，又容易控制份量 效果方面，佢鎮靜皮膚、改善泛紅同痕癢真係有用。配方有積雪草、神經醯胺同尿囊素，可以即時舒緩敏感不適。我冬天時候用，皮膚乾燥痕癢嘅情況真係舒緩咗好多。之前冬天去韓國旅行，天氣乾燥，我都係靠佢，塊面先可以保持穩定，冇出現繃緊或者甩皮嘅慘況。佢嘅保濕鎖水能力好強，可以有效修復皮膚屏障 總結嚟講，呢款面霜保濕力夠 、舒緩泛紅效果明顯，所以一定會回購，好啱冬天用嘅面霜！💯

Haidy好用推薦：去泰國嘅時候驚曬傷變敏感皮膚所以買入 嗰時曬到紅晒搽上面都幾溫和 保濕能力都唔差 但係又未去到超級補水嗰隻🤣 差唔多效果嘅話 好多平價韓系護膚品都得 係幾好用嘅 但係未必回頭了~

Jane好用推薦：水凝狀質地，一打開有淡淡嘅香味，氣味清新，夏天用好適合，超清爽，夜晚用鎖水力都好夠。

Becca好用推薦：近來皮膚有少少濕疹，想換過啲護膚產品，因此留意到TATCHA 呢個brand 呢隻面霜獲美國濕疹協會認證，所以用得安心啲。成份方面加入蓼藍，有鎮靜皮膚同消炎作用。 面霜質地比較厚身，但上面唔覺得笠，好快吸收。藍色嘅cream 搽上面推開就唔會有藍色。最鍾意佢舒緩鎮靜效果，個人頸部濕疹比較嚴重，會乾到甩皮，好紅同痕，搽咗佢好快就冇咁痕，第二日亦都明顯冇咁紅，對呢個效果好驚喜。面部因為出過輕微濕疹而出現嘅色素亦慢慢退返。 so far 用左三星期，覺得面部皮膚摸上去嫩滑左，額頭出少左油，對頸部濕疹亦都好有幫助（同時有食中藥） 另外覺得面霜容器設計好用心，附送嘅小勺可以放喺蓋上面，好方便。

Pinky好用推薦：乳霜狀質地，冇香味，顏色係藍色嘅，但係面上查開就唔會有藍色嘅感覺，有美國濕疹協會認證，對濕疹皮膚友善，敏感期用非常安心，敏感嘅地方厚搽，有舒緩嘅感覺

Jasmine L好用推薦：Cetaphil倍潤膚霜質地厚身滋潤，係典型醫學級修護霜，保濕同修復力好強。 不過因為質地偏厚重油潤，我唔會用黎搽全面，除非秋冬天氣太乾，我只會需要時薄塗兩頰。吸收速度中等，夜晚用會比較適合，日間唔建議。對我混合偏油肌唔係日常最佳選擇，更適合極乾、脫皮或者濕疹發作時急救用。

Sandy好用推薦：【冬季護膚】產品使用心得 舒特膚 倍加護潤膚霜 295毫升 冬天護膚係大愛呢隻產品 本人皮膚極容易敏感同埋起紅印，我用咗呢隻潤膚膏，沖涼後全身使用好舒服 護膚so easy😃 -天氣乾燥夜晚瞓 週身痕嘅朋友要試下 -快速舒緩皮膚乾乾燥及痕癢 -不油膩 -迅速速吸收 -低敏配方, 不含防腐劑及香料 -適合全家大小使用 冬天大家沖完涼一齊用沒有爆拆皮膚光滑 。 買嚟試下冇得輸

choichoi好用推薦：看見圖片後可以想像我雙手在沒有加濾鏡下的實況更可怕嗎（害羞）最近不單要勤洗手及用酒精搓手液，害本來極為脆弱帶濕疹的雙手不只乾燥，更是起屑脫皮、泛紅、痕癢通通跟我來報道 當潔手/搓手無限Loop且變得密集時，皮膚根本喘不過氣來，要修復變得更困難，即是立即使用潤手霜亦漸漸無補於事，這支抗敏修護霜因此成了我的救贖，不帶香料的氣味感覺天然，即時塗抹後乾燥範圍會立即變回柔軟平滑，滋潤度持久之餘亦不會因為一次潔手後保護感盡失，原本癢中帶痛的位置也漸漸舒緩起來，用了3-4天後起屑和泛紅也開始消失 要是長期使用類固醇不只做成皮膚負擔亦不健康，特別在孕期我想選擇更溫和的產品對抗濕疹和乾燥過敏，而且這產品在寶寶3個月大以後亦能使用作滋潤用呢

hellolulu好用推薦：一段時間前入手優惠三件套其中一件～ 初購入時為秋冬完全不夠力，所以放在一角。直至近日天氣開始回暖潮濕，乳液質地輕盈容易吸收，無香味，低敏配方亦有助舒緩轉季皮膚敏感不適，加上含有透明質酸，有效保濕鎖水，在早上清潔爽膚後用乳液取代保濕精華打底，再塗上防曬面霜就剛剛好👍 價格親民，性價比高，多用也不心痛👍

劉肥貓好用推薦：較為清爽嘅潤膚露 容易推開吸收快 冇色素香料酒精礦物油 適合秋天或者春夏天開冷氣時使用 適合喜歡清爽的朋友使用 但在較為寒冷乾燥時天氣 滋潤度保濕度未必足夠

zetalhc好用推薦：消炎同去痘印效果唔太明顯，而且搽上面有機會起膠，質感唔太好，唔會再回購

格仔餅公主好用推薦：主要for減淡黑色素，質地綿完唔笠唔油，用上面可以滋潤到之餘又減淡到瑕疵感，官方網站特價嘅時候$100都唔使值得一試

Hazel好用推薦：買俾我仔用，好細盒＇勁快用完，使用感良好，但冇乜效果，完全唔止痕又唔算滋潤。