粉刺痘痘 推薦好用產品

Also melon好用推薦：隨著季節轉變，任何性質嘅皮膚都會變得乾燥朋友們，或者出現不良狀態，推薦大家使用者這款產品cerave 長效保濕水份面霜。 Cerave面霜係厚身水份面霜，用嘅時候可以厚厚地塗上一層，可以即刻感受到水潤感，冰涼舒適，而且吸收得非常快。即使第一次用，或者皮膚好乾燥泛紅嘅時候用，塗上面霜之後皮膚都唔會有好刺激嘅感覺，反而係舒緩感，臉上的乾燥感會消失。使用呢支面霜後，乾燥嘅面頰都會變得水潤。 這款面霜幾乎一年四季，或者轉季時候嘅必備品，容易令皮膚保持水份之餘，亦令皮膚整體狀態更加穩定👍🏻

Paris merci 好用推薦：Cerave 長效保濕晚霜，雖然名稱叫保濕晚霜，但我覺得朝頭早用都好合適。佢嘅質地比較濃稠，但唔會黏膩，對於我乾性皮膚非常適合。而且佢唔係一般嘅乳液狀，係一種比較厚實嘅水份面霜，反而吸收得好快。 有試過晚上用呢款面霜，朝早起身肌膚感到有啲乾，可能因為我需要嘅保濕度再高啲，相反而家入秋早上用就適合。 CeraVe晚霜冇添加香料，敏感肌膚都適合，配方含3種親膚神經思安可以穩定皮膚，而且冇香味，令到肌膚更加唔舒服。保濕效果如果夜晚用再加強啲，就會更加完美。不過而家嚟講都好滿意。冬天會買埋同牌子嘅lotion同cream用，試吓係咪都幾好💕

Tobimak好用推薦：我呢支係SHU UEMURA嘅山茶花精萃潔顏油，用落真係有啲驚喜！平時落妝都係例行公事，但呢支油一用落去就好似做緊Spa咁，成個feel完全唔同~啲油滑得嚟唔笠，搽上面嗰陣仲有種淡淡花香，聞落好放鬆。🌺 佢卸妝力真係唔講得笑，連啲持久眼線、唇膏都一抹就走，唔使搓嚟搓去，加水乳化之後好易沖乾淨，而且洗完塊面唔乾唔繃，反而仲好滑好潤。 佢既泵裝設計都好方便，唔會整到手指油淋淋，用起上嚟好順手。☺️ 講到包裝，真係要大讚！😍 我呢支係聯乘左藝術家SHAVONNE WONG 既版本，佢既設計真係勁型！紫綠金屬色配抽象線條，擺喺洗手盤邊都覺得自己品味升咗級😂每次用佢落妝都覺得自己好似係高級美容院咁，用佢唔止係清潔，更係一種享受。呢支潔顏油唔單止好用，仲靚到可以當擺設，真係由內靚到外。🥰🥰🥰

shirley好用推薦：第一次用Shu嘅潔顏油 係買粉底液送贈嘅sample, 之前都係用卸妝水比較多，因為印象中嘅卸妝油都係感覺好黏立，好驚會生粒粒。 但試用咗琥珀山茶花養膚潔顏油之後，原來效果比想像中出色，假眼睫毛、唇膏等都輕鬆卸妝+無生粒粒之外，潔面後仲感覺滋潤亮澤。 分享多少少自己用嘅方式： ·如果當日淡妝出街，按兩泵係手掌心，當佢係洗面乳咁輕輕按摩後沖水 ·如果當日濃妝（eg痴假睫毛），按3-4泵一樣輕輕按摩，合埋雙眼，雙手輕輕試擦眼線及睫毛位，（唔乸眼）輕鬆溶妝，最後沖水+正常洗面乳洗面，連卸妝棉都慳返！ 無睇錯，我係用得多量 先再用洗面乳洗面，如果唔係普通沖水 沖乾淨就印乾可以走人，懶人必選！HAHA!!!!

Kitty 好用推薦：話說前排皮膚狀態唔多穩定，又乾又暗沉，即刻拎出呢隻風靡萬千護膚達人嘅SK-II大紅瓶！用咗一段時間，終於可以同大家分享下真實用後感～ ✨質地同氣味： 佢嘅質地係嗰種好豐潤嘅乳霜狀，一搽上臉就好容易推開，吸收得幾快，唔會好似戴咗個面具咁黐立立，有好明顯滋潤感。味道方面，有陣好淡雅嘅清香，唔會太濃，我個人幾鍾意！ 💧保濕度： 呢支嘢嘅保濕力真係冇得彈！我本身係混合肌，T字位油但兩頰超乾。用完佢之後，成塊面即刻覺得好水潤，尤其係兩頰位，冇再因為乾而繃緊，摸落去仲好似飲飽水咁，彈彈哋～就算而家轉季，皮膚都keep住好穩定，冇乜點出粒粒或者敏感。 🌟修復同光澤感： 最驚喜係用咗一段時間之後，成塊面嘅光澤度同緊緻度真係有提升！唔係嗰種油光滿面，而係由內而外透出嚟嘅自然光澤。之前額頭同下巴有啲暗沉同印印，而家都淡咗唔少，成個膚色均勻咗，睇落精神好多！ 👍整體評價： 畢竟係日系高端護膚品，個銀碼有啲肉赤，但以效果嚟講，真係一分錢一分貨！無論係保濕、修復定係提升光澤度，都交到功課。如果你係乾肌或者混合肌，轉季時皮膚容易唔穩定，呢隻skinpower大紅瓶絕對值得投資～ 當然啦，護膚品呢家嘢好個人

Fng好用推薦：身為混合偏乾肌，喺香港又濕又熱嘅夏天搵面霜，簡直係挑戰。SK-II呢支SkinPower精華霜，網上評價好兩極，有人讚佢修護力強，有人話太潤。親身試用後，我發覺： ▶️質地同膚感： 佢係奶霜狀，質地軟滑，推開後滋潤感明顯，但唔算厚重。吸收速度中規中矩，完成後皮膚會留有一層滋潤膜，手感軟滑，但絕非清爽啞緻。 ▶️保濕修復力：👍👍👍👍 (出色) 呢方面確實交到功課！無論冷氣抽乾一晚，還是皮膚有啲唔穩定、泛紅，佢嘅修護效果都幾顯著。第二朝醒來，皮膚依然保持軟嫩，冇繃緊，兩頰乾燥位明顯被撫平，整體膚色同飽滿度都有提升。呢種修護力，係平價產品好難做到。 ▶️夏日適應度：🤔 (要技巧，未必人人接受) 呢點係最大爭議！香港30幾度+90%濕度嘅日間，用佢真係太潤，後續搽防曬或底妝好易有「冚住」同「黏膩」感。但係，如果係晚間開住冷氣用，對混合偏乾肌來講就係享受，恰到好處。 ✅️總結： SK-II SkinPower絕對係一支高質素嘅修護型面霜，保濕同改善乾紋效果出色👍🏻。但對於香港夏天，佢只適合在晚間冷氣房享用。如果你追求日間清爽，或者係大油皮，佢絕對會係負擔⛔️。混合偏乾肌可以放心用作晚霜，見

Poyobb好用推薦：Cerave facial moisturiser lotion產品用過，但最經典嘅moisturiser lotion系列反而未用過，一樣濕疹敏感皮膚都用得。 依排轉季夏天用嘅乳液唔夠補濕，但因為我係一個好容易生暗粒嘅混干肌，揀乳液嘅時候都要謹慎 首先佢係有237 mL同475 mL兩個選擇，兩罐都好大支有排用，都好抵用。佢嘅質感係偏稀嘅乳液，上面嘅時候係好水潤推開晒都好容易吸收，係偏水潤感重嘅乳液。依款亦都有添加神經醯胺、透明質酸、B3，可以修復皮膚屏障，對於我呢種容易起暗粒嘅皮膚，皮膚狀態會比較穩定。用咗一段時間都冇特別敏感，或者爆暗粒。因為佢係純保濕配方，你可以疊加任何嘅精華配搭都得，萬用方便💜 另外，貪方便去旅行一支過，可以用做搽面同身體乳液都得。 但因為我對氣味都比較敏感，依款乳液嘅味道都有啲強，搽上面就會有嗰陣乳液膠味，搽上身體就冇問題，呢一點我有啲唔鍾意。如果搽面用返Facial系列pm會較好🥰

Eunice好用推薦：CareVe Moisturising Lotion 當時因入秋轉季開始皮膚敏感又脫皮，所以入手左一支 見佢針對濕疹皮膚，成份簡單，仲可以拎黎搽面 質地清爽、不黏笠，又好搽易吸收 為一缺點就係保濕力對我黎講唔夠 晚上沖完涼搽完， 隔三至四個小時又開始身體癢癢的 不過Eunic💩有個小貼💩 如果面部皮膚真係好乾燥又甩皮 可以薄薄地搽係面仔先，再ontop加塊廢面膜😂 三文治夾法敷二十分鐘至半個鐘， 皮膚會柔軟好多同無咁甩皮，大家可以試下 (只針對皮膚乾燥者)

Kelvin好用推薦：Olay 水光小白瓶成日賣廣告，呢排萬寧有set裝+88折，值得入手試一試。 精華液係滴管狀，較為衛生。乳白色透明質地，容易推開都幾快吸收，偏向乳液質地，屬於較為清爽嘅精華液。精華液有少少香味，不過Olay嘅精華全部都有香料味。 推開之後皮膚好快吸收晒，夏天嚟講有保濕夠既。我感覺佢嘅功效係滋潤咗你嘅皮膚，而令到皮膚有水份嘅光澤感，感覺用完喺顴骨位有啲明顯嘅斑點好似減弱咗。 如果係好似我夜瞓嘅人，又比較鍾意用簡單查一支嘢就夠，可以買嚟用，保濕得來可以有美白效果☺️

Emily Leung好用推薦：白到發光的Olay光感小白瓶 本人膚質夏天混油，冬天混乾，換季臉頰容易敏感 💜外觀：帶珠光的玻璃瓶，滴管頭是按壓的，顏值高 💜質地：輕薄的精華質地，不透明泛白帶微微光澤，相當水潤，一點不黏膩，上臉很快吸收，有保濕感 💜香味：有淡淡的花香，使用感不錯 💜效果：堅持用一段時間後，感覺整體膚色有提亮，而且臉摸起來軟軟。皮膚質感有變好，變得光澤有通透感，素顏都顯得精神了不少。

Emily Leung好用推薦：Sofina升級土台美容液測評：泡沫質地真係吸收得更好？ 各位姊妹，今次講呢支土台美容液真係得意嘢嚟㗎！佢唔係普通化妝水，而係一支泡沫型嘅肌底液，仲要係洗面後第一步就用，同平時護膚步驟有啲唔同！ 質地同氣味： 一按出嚟係好綿密嘅泡沫，好似梳乎厘咁柔軟！呢啲泡沫係超微米泡沫，可以滲透到皮膚底層。味道係淡淡嘅溫泉礦物香，聞落幾舒服放鬆。 效果如何？ 用咗之後最大感覺係之後搽嘅護膚品真係吸收得快咗！皮膚好似「飲飽水」咁，水潤度明顯提升。我發覺用咗佢打底之後，就算用返平時嘅護膚品，效果都好咗，塊面有光澤感同飽滿咗。 溫和度： 雖然係肌底液，但出奇地溫和！我敏感肌用咗都冇泛紅或者痕癢。不過第一次用可能有少少刺刺哋嘅感覺，但好快會消失。 有咩缺點？ 夏天用可能對油性皮膚有啲潤，要減少量。同埋步驟同普通護膚有啲唔同，要時間適應。價錢都算中上，但一支都用得幾耐。 總評： Sofina呢支土台美容液真係幾有驚喜！特別適合覺得護膚品吸收唔到、皮膚乾燥缺水嘅姊妹。雖然用法要習慣下，但用咗之後皮膚狀態真係穩定咗同飽滿咗！

Poyobb好用推薦：升級版泡泡肌底液🫧 點解會買？💕 Sofina出名化妝品，但skincare從未用過。而日本碳酸mousse護膚品好出名，一直想試。美容液出咗迷你版，$125/50g，就買咗嚟試吓啦☺️ 賣點💕 全系列的升級土台美容液（肌底碳酸慕絲精華），使用了100％碳酸mousse滲透獨家專利技術，配合新添加人參精華，使滋潤更高效、更持續地滲透到角質層最深處，碳酸滲入皮膚後可以減弱角質細胞間的結合，令老廢角質更易剝落，令堆積的老廢角質正常剝落，肌膚表面變得更平滑🩷 質地💕 潔面後，先用土台美容液碳酸mousse作打底（直徑3cm份量），然後再上toner精華乳液等日常程序 味道聞落好香，泡沫推開會變水潤質地，上面舒服不會痕癢，上面按摩舒適 使用感💕 我混合性皮膚，早上toner 二次清潔後，用土台美容液，再用水凝霜。保濕得來唔會太滋潤，岩岩好保水程度唔會令base搓泥。之前試過其他牌子嘅肌底液，無太大效果或者會好容易出暗粒，但依枝土台美容液無出現暗粒情況，我好岩用😍 效果💕 注水效果優秀，用咗個一星期，感覺皮膚底層水潤咗，毛孔睇落無咁粗大。就算化妝前搽啲清爽嘅水凝霜，化完妝都冇之前咁乾。

Chloeincosme好用推薦：呢排用緊bifesta既眼唇卸妝液. 佢水油分層設計，用法係將佢搖勻→ 倒落化妝棉 → 濕敷係眼/ 唇部位置大概5-10秒就可以輕輕卸除眼唇妝.（我有枝染唇既唇彩，濕敷多陣佢都卸到！） *記得唔好慳，要整濕成張化妝棉先冇咁易因拉扯皮膚而出皺紋！  以下係眼線液同Mascara既示範（上面係眼線液，下面係睫毛膏）：濕敷10秒輕力抹一下，卸走左9成😎輕力抹多一下，完全卸走晒！可見清潔力十足，亦唔需要來回用力擦拭，減少拉扯眼周皮膚導致出皺紋既機會。（內眼線再用棉花棒沾濕卸妝液卸走） 睇返佢既資料，呢枝卸妝液加入咗維他命B/ 維他命E既保濕成分，難怪用完唔會覺得眼周肌膚緊繃～ 香料方面，唔覺佢有香料味，敏感肌都唔洗驚，而且就算用係眼部呢d 咁敏感既位置都唔覺刺激/過敏，對得住佢sell溫和呢樣野，唔怪之得係Cosme排名咁高♥️ 重有個重點！係佢夠平😂$4/50 蚊有找，應該會回購到天荒地老😛 #卸妝

Fng好用推薦：Bifesta 高效眼部卸妝液 👁️ 優點： · 卸妝力超班：難卸的防水睫毛液（如Kiss Me）濕敷5秒一抹乾淨，唔需要用力捽眼！ · 溫和零油膩：水油雙層配方清爽唔糊眼，熟齡偏乾肌用後眼周無繃緊，無須二次清潔 · 性價比無敵：唔駛百元抵用過L'Oréal同類產品，消耗速度慢 ⚠️ 缺點： · 保濕度普通：相比專櫃（如Lancôme）卸後略乾，建議立即塗眼霜 · 防水妝需濕敷：極防水的眼線要敷夠10秒，心急人士可能嫌慢 · 搖勻麻煩：水油分層每次要搖勻，懶人可能頂唔順 🌞 香港夏天表現： 卸後皮膚清爽無油膜感，濕熱天用零負擔！而且無香料刺激，出汗多的日子用都唔怕敏感。 💡 同價位比較： vs L'Oréal 溫和眼唇卸妝液：Bifesta 清爽度贏少少，但L'Oréal 保濕感較好 vs Mentholatum 卸妝水：Bifesta 卸防水力明顯更強 總結：開架眼唇卸妝「性價比之王」！適合香港夏天怕油膩、又經常化防水妝的熟齡肌，但極乾眼周要快手跟住做保濕～💧 #Bifesta卸妝 #眼唇卸妝 #開架卸妝

Emily Leung好用推薦：💧無限回購的溫和卸妝神器！💧 今天我要給大家安利一款我無限回購的卸妝水🌟 這款卸妝水真的是我的心頭好，已經不知道用空多少瓶了！它超級溫和，完全不刺激皮膚，連眼睛都不會感到刺痛，簡直是敏感肌的福音！👀 日常淡妝，一張可卸全臉輕輕鬆松。是我用第二張卸妝棉的情況，已經沒啥可卸了。是我卸完直接用清水洗完臉的，沒用潔面泡沫，也很乾淨清爽。 唯一的小缺點就是卸不掉防水睫毛膏，但我幾乎不塗防水睫毛膏，所以完全不影響我對它的喜愛！而且它沒有難聞的氣味，使用起來非常舒服。🌸 總之，這款卸妝水真的是我心中的卸妝神器，強烈推薦給大家！💖

Kitty 好用推薦：Bioderma深層卸妝潔膚水——敏感肌救星？懶人實測真心話！ 呢隻Bioderma粉紅色樽嘅深層卸妝潔膚水大家應該不陌生，話係法國藥妝界嘅明星產品，連敏感肌都用得。身為一個又懶又怕麻煩嘅打工仔，平時返工化淡妝、放假貪靚畫到鬼火咁濃，真係好需要支卸妝神器。其實呢隻我已經連續回購幾年，同大家分享吓真實感受啦！ ✨ 第一印象：簡約到極嘅設計 支水嘅包裝真係”法國style”——簡簡單單粉紅樽，冇乜花巧嘢。樽口設計好貼心，倒出嚟唔會瀨到成手都係（試過其他開架牌子倒到成個枱濕晒，激氣！）。質地同普通清水差唔多，冇黏笠感，陣味好淡，幾乎聞唔到，啱晒我呢啲聞到香料就打乞嚏嘅人。 🧖使用感：真係唔使過水？ 第一次用嗰陣半信半疑，跟足指示用化妝棉濕敷10秒再輕輕抹。嘩！平時用開嘅防曬＋碎粉＋眉粉真係一抹就冇咗八成，連眼底啲積線位都抹得乾淨（感動到喊）。最驚喜係用完塊面完全冇拮拮哋或者繃緊，摸落仲有啲潤潤哋，似拍咗層保濕水咁。不過如果化咗超防水眼線同睫毛液，就要敷耐少少再輕力多抹兩次，但都算輕鬆搞掂！ 💧 溫和度大考驗：敏感肌掂唔掂？ 我塊面係出名轉季玻璃肌，一用錯嘢即刻泛紅兼生粒粒。

Rosa好用推薦：首先因我是混合性偏肝肌皮膚,容易出現敏感.但是用神仙水效果非常有驚喜,首先在我身上沒有出現敏感皮膚 ,大約使用了一個星期嘅效能覺得皮膚嘅明顯暗粒有所改善,令我的皮膚改善出油泛紅的情況，讓我每天都會化妝的女性來說，有不錯的幫助 化妝前使用更令我的妝效更持久，令我的皮膚覺得角質層更新得更快，非常有驚喜是一支我會回購的產品

Kaze13579好用推薦：已經唔記得空瓶咗幾多支啦。曾經都試過中途轉其他牌子睇吓有冇分別，結果都係要回歸佢嘅懷抱繼續使用。的確用嘅初期見到嘅效果最明顯，就係塊面冇咁黃，角質層明顯冇咁厚，總之感覺就係透亮啲乾淨啲。 雖然用用吓就會覺得好似食藥咁純咗，但係你唔用一排呢，就會見到個分別！神仙水真係唔係浪得虛名！ 好多人指控佢有一浸臭腳味🤣，好彩我又唔覺佢臭，佢只係唔係香啫。總之功能勝過一切！不能沒有！

Desse好用推薦：多謝@cosme送咗第一盒俾我.. 然後我從此入坑…🤣 KÉRASTASE 逆時光至臻修護髮膜 逆時光喱條line我基本上都買過.. 最欣賞係喱個髮膜💓 Kérastase Chronologiste Masque 係一款針對乾燥、受損同老化髮質的嘅深層修護髮膜💪🏻 產品可以滋養髮絲，恢復髮質嘅光澤同彈性，同時提供抗老化效果🤩 質地同香味🌷 💡髮膜質地係濃稠嘅乳霜狀.. 容易塗抹且唔會感覺油膩💓 💡髮膜基調有輕木同雪松 氣味優雅且持久，讓人感覺放鬆😌 主要成分 💡有透明質酸、活性海源精華、維他命E 深層滋養頭皮同髮絲 抗氧化同時鎖水 令頭髮即時柔順有光澤💓 💡用法簡單 洗髮後塗抹髮膜於髮尾 靜待5分鐘再沖洗 使用效果評價🧏🏻‍♀️🧏🏻‍♀️🧏🏻‍♀️🧏🏻‍♀️ 💡深層滋養 髮絲感覺明顯滋潤..乾燥同毛躁嘅情況有所改善 髮膜能夠深入髮絲..提供長效滋養效果💓 💡改善髮質 髮絲變得更加柔順，易於打理，並且光澤感明顯提升⭐️⭐️ 對於受損髮質.. 喱款髮膜能夠有效修復，令髮絲睇起來更加健康 💡抗老化效果 髮膜喺改善髮質嘅同時，仲能夠減少髮絲嘅斷裂同分叉，延緩髮質老化嘅過程，

Fng好用推薦：KÉRASTASE逆時光髮膜｜熟齡髮絲嘅時光機 KÉRASTASE呢瓶逆時光髮膜（定位$500+中高價位），專為老化髮質設計，同品牌其他系列及開架髮膜比較，究竟係咪真係值得投資🤓 配方解密： 海源精華(Abyssine)、透明質酸和維他命E，並結合了珍貴油組合（如Amla、玉米、山茶、摩洛哥堅果油）和神經醯胺。 相比開架產品如Schwarzkopf玻尿酸髮膜只做表面補水，它真正深入修復。 夏日使用： 1. 嚴格避開頭皮與髮根，只塗抹在髮尾及中段 2. 在冷氣房內敷10-15分鐘，避免高溫濕氣影響吸收 3. 每次用量不需多，一週2次比一週1次厚敷更有效 用後感： 質地是輕盈的乳霜狀，推開時有種絲絨觸感，不像傳統髮膜般厚重。沖水那刻最驚喜——順滑度爆錶但零油膩，吹乾後頭髮依然保持空氣感，不會扁塌貼頭皮。最明顯是光澤感提升，毛躁撫平，髮尾的乾枯感大幅改善，觸感就像做了salon級護理！ 同價位比較： •vs Oribe黃金髮膜：KÉRASTASE更專注抗老修復，Oribe香味與即時柔順度更勝 •vs Moroccanoil強效保濕：KÉRASTASE質地更輕盈，適合怕厚重的細軟髮

Kitty 好用推薦：自從轉天氣，成日係冷氣房，塊面乾到掹掹緊，即刻入手咗Clarins支皇牌Double Serum！樽身個雙管設計好醒目，水油分離但一撳就混合，質地似琥珀色蜜露，帶淡淡草本香，聞落好療癒～ 我每晚用兩泵（大細滴可校，乾肌推大滴！），掌心搓熱按上臉。初時驚油膩，點知吸收快到癡線！按兩下就索晒入去，唔會黐立立，翌日起床摸塊面軟熟似豆腐，仲有層自然光澤，唔係油光嗰種！試過妝前用，粉底貼服到尖叫，鼻翼甩皮位即時馴服。 用咗一排，最驚喜係暗啞位醒神晒！嘴角同眼周冇再灰灰沉沉，摸落彈性好似返晒嚟。雖然抗皺要長用先見真章，但保濕同光澤感真係冇得輸，尤其寒流襲港嗰幾日，全靠佢頂住！硬要挑剔的話，油肌夏天可能要減量，同埋價錢有啲肉赤，不過計返效果同份量（100ml裝抵啲！），絕對係會翻兜嘅心水戰友！ 總結：乾燥肌、暗啞肌嘅冷氣房/秋冬恩物，水油平衡拿捏得啱啱好，熬夜臉即時復活～

lingbb好用推薦：- 前排皮膚因轉天氣而敏感泛紅，有好明顯紅點粒粒敏感瘡仔，膚色好唔均勻暗暗沉沉，毛孔都變得粗大， - 呢款精華升級之後注入嶄新EPI抗老逆時科技及稀世植萃 可以100%中和由生活習慣造成嘅表觀老化，精華質地輕盈唔油膩，同舊版精華一樣嘅經典香氣，上面後可以感受到精華滲入基底非常舒服， - 用完頭3日令到整體皮膚都得已經有好大改善，用到第9日，皮膚整體變得穩定，冇再泛紅﹑敏感瘡仔﹑膚色都變返白淨，毛孔細緻，肌膚猶如重新一樣，一直都係呢款舊版忠粉表示會更愛新款，功能提升仲救到爛面，係一款家居必備精華。 #火熱新品

Emma W好用推薦：LANCÔME 第二代極光水質地輕盈，水油混合設計，搖勻後吸收超快，清爽不黏膩！連續使用7天，肌膚明顯亮白左，毛孔變細緻，油光減少，膚色均勻度提升。其保濕力唔錯，有水油層，但又唔油，適合春夏潮濕天氣。搭配小黑瓶效果更佳，肌膚水潤有光澤，細紋也有改善。敏感肌也能安心用，無酒精無香料，膚感舒適。整體而言，這款精華水讓肌膚如拋光般嫩滑，值得入手！ 適合肌膚：任何 成效度：4/5 保濕度：4/5 吸收度：4/5 質地：水狀 光澤度：3.5/5 值得推薦度：4/5

Chloeincosme好用推薦：🤍 水油平衡：5/5！Lancôme極光水嘅水油比例真係調得啱啱好～搖勻之後上臉，滋潤得嚟又唔會過份油膩，完美兼顧補水同鎖水，乾肌用咗覺得好滿足！ 🤍 妝前打底：5/5！最驚喜係佢同底妝超夾～用完之後皮膚又軟又滑，再上粉底完全唔會打架，反而更貼服有光澤，成個妝容即刻高級咗✨ 🤍 改善粗糙：4.5/5！持續用咗一段時間，覺得皮膚冇再輕易甩皮，額頭同面珠嘅粗糙感明顯減少，摸落去細緻咗好多～ 🤍 吸收與手感：4.5/5！雖然帶少少油份，但吸收得好快～用完之後皮膚有種柔軟嘅潤感，唔會黐笠笠，後續護膚品都吸收得更好～ 總結： Lancôme極光水絕對係乾肌恩物！水油混合配方恰到好處，唔單止解決咗乾燥甩皮問題，仲令後續上妝更順利～已經成為我妝前同晚間護膚必備步驟，會繼續回購！推薦比所有乾肌同鍾意光澤妝感嘅你！

Kmggigi好用推薦：L'Occitane Overnight Reset Oil-in-Serum — 修護肌膚，夜間重啟水潤光澤！✨ 呢款Overnight Reset Oil-in-Serum嘅質地係半水半油，真係好特別！ 延展性非常高，輕輕一推就可以均勻塗滿全臉， 仲可以順便用嚟按摩面部， 幫助吸收同促進血液循環，使用感非常舒服。 不過，佢嘅氣味比較濃郁，有一種植物精油嘅香氣， 雖然有啲人可能會覺得放鬆， 但如果你對味道特別敏感，就需要考慮清楚， 可能會覺得有啲過濃。 用完之後，第二日瞓醒會感覺面部冇咁乾燥， 肌膚觸感柔軟、細滑，充滿水潤感， 呢款精華嘅半油性質應該幫助咗鎖水， 令肌膚保持住水潤嘅同時， 仲散發出自然嘅亮澤感， 特別適合乾燥肌膚或者轉季時使用！💧✨

Fng好用推薦：L'Occitane 蠟菊換活雙效精華屬熟齡混合肌夏日抗老輕盈之選 L'Occitane呢支雙效精華絕對係懶人抗老恩物！同其他品牌抗老精華（如Clarins雙泵精華、Estée Lauder再生精華）相比，佢贏在二合一設計——水狀精華+輕盈油質地，搖勻後一拍吸收，唔會黏笠或浮面，夏天用零負擔✨ 熟齡混合偏乾肌實測：冷氣房內保濕力可維持全日，面珠墩明顯飽滿咗，乾紋有即時淡化，同時T位無泛油光。持久度驚艷過Clarins（後者較潤膩），又唔似EL咁需要疊加其他保濕。蠟菊成分抗氧效果好，帶妝8小時無暗沉！ 唯一要注意係極潮濕日子可減半用量，但一般冷氣環境下平衡度完美。價錢中高但用量省，一支搞定保濕+抗老～ 推薦給：✔️ 熟齡肌要輕盈但高效抗老 ✔️ 怕精華層疊太厚重 ✔️ 夏天想簡化護膚步驟！

Kitty 好用推薦： La Roche-Posay B5萬用修護霜：香港夏日救星！穩定肌膚法寶~ 作為一個喺香港經歷緊蒸籠天氣嘅油敏肌，每年夏天皮膚都要打硬仗！曬到面燶、冷氣抽乾水、口罩焗出粒粒...好彩撞到La Roche-Posay Cicaplast Baume B5呢支穩定夏日肌膚嘅法寶！仲開發咗雪凍厚敷急救法，而家同大家分享真實體驗： ✨點解話佢係夏天救命草？ 1. 退紅降溫快狠準 曬傷或者面紅紅嗰陣，我習慣提前將支B5雪到冰冰涼！擠一啖雪硬咗嘅修護霜厚敷上塊面（避開眼周），嗰陣涼浸浸嘅觸感真係即刻鎮靜曬刺癢！好似成塊面浸緊冰水，五分鐘壓倒性舒緩！ 2. 冷氣房保濕救生圈 冷氣抽濕抽到塊面繃實？B5裏面嘅維他命原B5同積雪草苷就好似幫皮膚打補丁，薄薄哋搽一層過夜，第二朝面珠唔會乾到扯住，仲有層隱形保濕膜鎖住水份！ 3. 口罩磨擦爛面救兵 下巴同鼻翼俾口罩磨到甩皮？B5嘅氧化鋅同乳木果油即刻幫傷口封層保護膜，唔會焗住啲損口，仲加速埋口，趕地鐵都唔怕見不得人！ 👍神級用法解密：雪凍厚敷變急救冰膜。 1. 洗面後，擠一粒提子份量嘅B5霜（記住要夠厚！） 2. 均勻批上泛紅/

Suki好用推薦：CICAPLAST B5 萬用修復霜 使用心得 🌟 用後感：❤️❤️❤️❤️❤️ ✅ 妝容貼服：前一晚搽咗B5萬用修復箱，第二日妝容貼得好自然，幾乎冇浮粉。 ✅ 質地：雖然質地厚實，但塗上去完全唔黏膩，感覺非常舒適。 ✅ 修復效果：使用後幾天，我發現肌膚的紅腫和不適感有明顯改善，特別適合我敏感的肌膚。 ✅ 舒緩功效：對於小傷口同乾燥的部位，這款修復霜都能快速舒緩，使用後感覺即時好轉。 ✅ 吸收速：吸收得相當快，塗完後幾分鐘就可以感受到肌膚變得柔滑。 ✅ 多功能：我會用來修復手部乾燥、唇部脫皮，真係萬用！ 總結：🌟💄 ⭕️ 回購意：這款修復霜無論係對敏感肌膚定係日常護理，都非常好用。我會繼續回購，如果保持好護膚步驟，第二日妝容真係好貼，值得分享！ 產品相片 📸 上手質地 📸

Sakura醬好用推薦：最近轉季皮膚又乾又痕，塊面時不時泛紅，真係頭都大。敏感起上嚟，真係搽咩都好似冇乜用咁。好彩最近試咗d program呢隻 「酵母益生元修復面霜」，佢話自己係「敏弱肌嘅肌膚保鑣」，等我同大家逐樣拆解下係咪真係咁神奇！ 🧪 成份：靠資生堂嘅「酵母益生元」科技，主打由底層修復敏感，仲有甘草等舒緩成份，無酒精香料，夠晒溫和。 💆 質地與氣味：白色乳霜質地，比較滋潤，但唔會太厚重。推開水潤，吸收算快。有少少初初黏感，但好快消失。近乎無味，冇加香精嗰種人工香，唔怕刺激。 🌟 親測效果： · 保濕舒緩：乾癢時厚敷，即時舒緩，冷氣房過夜都夠力。 · 修復穩定：用幾日，面頰泛紅同脫皮有明顯改善，皮膚冇咁易「躁動」。 · 整體膚感：皮膚摸落光滑咗，有返光澤，感覺健康穩定。 📝 總結：佢係一支專攻修復同穩定屏障嘅本命保濕霜，特別啱乾敏肌轉季或不穩定時期用。如果你追求極致清爽，就要試過質地先。整體嚟講，係皮膚「鬧情緒」時可靠嘅幫手！

Emily Leung好用推薦：0卡粉0添加！封神修護保濕面霜！ 秋天到啦～相信有很多姐妹都會出現敏感肌反復的問題，不過，我最近在日本購入一款面霜，真的一絕，它就是d program面霜💞 🌟它含有3重天然植萃，能夠快速緩解泛紅肌膚問題 🌟全新的AI-Tech脂質修塑技術，能讓肌膚保持水嫩 🌟不含色素酒精等致敏成分，敏感肌可以放心使用 🌟質地是綿雲乳霜質地，非常好推開而且很容易吸收 我是混油皮，塗在臉上一點都不粘膩！一下子就吸收了！現在我真的離不開它～🐮🐮 敏感肌的姐妹們還不快衝啊！👍👍

Poyobb好用推薦：之前工作，因為壓力大手踭長出了乾廯，持續好多年都冇改善，時好時壞🥲試過市面上多個濕疹牌子嘅護膚霜，都不能治癒，而且對抗痕癢嘅功能也平平無奇。 反而呢支新出嘅新加坡牌子suubalm試咗佢哋嘅保濕霜同埋噴霧 ，雖然不能夠令到皮膚治癒，但止痕非常見效，搽咗保濕霜上痕癢位置，即時有涼浸浸薄荷嘅效果，唔會令我有好想r感覺，而且保濕護膚功效很好。 雖然而家仲未好返晒，但痕癢問題已經逐漸改善，乾廯範圍縮小咗，唔會再不停r爛皮膚位置。對於一個有濕疹或者皮膚出現問題嘅人搵到一隻對自己有效既產品好開心，建議有需要嘅人可以去試一試🤗

cha8076好用推薦：最憎d 咁乾燥既天氣，皮膚好容易敏感痕癢。😟 今次再入手🌟Suu Balm 速效舒敏保濕乳，近期幾鍾意佢哋嘅產品，因為我覺得真係幾work 。 今日咁啱突然間敏感成個心口紅晒，可以實測下。搽完有種涼浸浸嘅感覺幾舒服❄️，真係5分鐘內迅速止痕👍🏻，搽完一次個幾鐘就已經退晒紅🤩 ✅質地係清爽唔黏笠，好容易吸收 ✅最重要係不含香料、類固醇、防腐劑，用得安心👩🏻 ✅Cosme 排行No.1 潤膚霜，拯救乾燥敏感肌必備

Emily Leung好用推薦：Avene再生修護精華簡潔白色樽身，泵出嚟係輕盈嘅乳液狀。 我用咗呢支精華大概一個月，真係好鍾意！ · 溫和唔刺激：我皮膚容易敏感，用呢支完全冇問題。 · 質地舒服：搽上面好快吸收，唔黏立，保濕度夠。 · 退紅有效：面頰泛紅真係減淡咗，皮膚睇落穩定咗同平滑咗。 一支好可靠嘅修護精華，尤其係當皮膚唔穩定或者敏感嘅時候用，效果最明顯。會繼續用落去！

Helen好用推薦：以修復精華嚟講質地比較快吸收 唔會有油膜感，後續用其他產品都OK 

　peg好用推薦：佢啲粉質好細，所以上到面好遮到毛孔，又唔會點卡粉，同埋上多咗都唔覺重手。上完粉底再上佢可以令到個妝冇咁容易溶，有時唔想搞咁多嘢淨係齋上佢都ok，都可以令到個面色睇落精神啲，啲膚色平均啲，最重要佢出咗油之後會令到個妝變咗奶油肌，所以夏天出街通常都會用佢，出咗汗同油之後會有少少水光效果。

Ressie14好用推薦：終於的起心肝寫CT 粉餅review , 上年年尾盲入左一塊2號色粉餅，係2號色！ 慎入…！ 你見到粉餅嘅肌膚顏色幾明亮…. 實際上…你要係「健康膚色」先適合2號色。我用就會黃左..我買錯咗色號，依然都可以照寫評價。 肌膚顏色嘅粉餅壓得利落、用手沾出粉抹，質地柔滑具有遮瑕度，呈啞光質地，控油效果卓越！我膚質混合偏乾，輕輕掃一層唔會將皮膚拔乾，完全發揮到粉餅嘅綜合功效，控油，啞光，具高度遮瑕效果嘅佢仲可以均勻膚色。 我特別鍾意佢塊小鏡子，玫瑰金外圈包裹着一塊橢圓形鏡子，好高貴；倒影出嚟嘅肌膚都好似特別靚咁。

Suki好用推薦：#火熱新品 我自己一直都有用開舊版嘅小方瓶，之前嘅幾個版本都有試過（圖片最左嗰支係2.0），舊版用落整體感覺穩定，遮瑕度同持妝力都算唔錯。但今次新版本小方瓶 2.0用落嘅感覺就有啲唔同，妝感的確係輕透左，但遮瑕度明顯唔夠，對於有瑕疵或者膚色唔均嘅情況就未必太適合。 另外，新版本嘅質地偏乾，尤其係秋冬天氣用落會比較顯乾燥，卡粉嘅情況喺鼻翼或者嘴角位特別明顯。如果你係乾皮或者混合皮嘅話，妝前一定要做足保濕工夫先會比較好，但即使咁，持妝效果都未算特別突出。 色號方面，764色算係比較貼膚，顏色自然，唔會過黃或者過粉紅，呢點係值得讚嘅，但整體對比舊版，感覺係少咗啲實用性，反而更適合膚質狀態本身比較好、追求輕薄裸妝效果嘅朋友。

TsuenMa好用推薦：#SHUUEMURA 植村秀 Unlimited 無限輕透持妝粉底液 ✨小方瓶2.0✨ 磨砂瓶身，黑色蓋子，瓶身沒有其他文字/訊息，LOGO就以黑底白字印製，日系的簡約風格。 粉底液本身就有防曬系數 SPF 46 / PA +++，係我用過甘多隻粉底液入面防曬系數最高的，為左讓妝感可以輕薄，可以直接省略防曬呢個步驟，減輕面上要搽嘅porduct，令妝感更輕薄貼服，係夏天嘅好選擇。（但可能只係岩個日係室內活動嘅時候用，如果淨係靠產品本身入面嘅防曬，可能吾足夠抵擋到室外活動嘅UV） 色號：584 #會呼吸的霧光肌 一泵就可以上晒全塊面，出嚟嘅量算係偏多，質地係屬於比較易乾嘅，所以可以留意返盡量唔好將粉底攤太耐，同埋要局部上妝，避免粉底乾咗之後難推開。 呢款粉底好適合香港潮濕翳焗嘅天氣使用，佢能夠有效控油，但同時唔會抽乾晒面部嘅水份，保持適當嘅濕度，令到底妝可以持久度高啲💕 同埋吾會甘易因為出油而脫妝。 呢隻粉底最可取之處在於雖然控油力強，但不至於抽乾晒你面上面嘅油水，皮膚負擔會較低；遮瑕度就都算中上，但又未至於令到你成個面具甘，保留返自然嘅妝感。不過因為我係混合肌，有啲面部

Kathy Wai好用推薦：轉季期間皮膚狀態唔穩定，時乾時油，仲容易泛紅，真係幾頭痕。用咗Lancôme小黑瓶之後，先至知咩叫「修護肌底」嘅威力。 佢嘅質地係半透明蛋清狀，推開後咻一聲就吸收晒，清爽唔黏膩，用完皮膚即刻變得軟熟。我習慣喺爽膚水後、精華前用，當作打底，發現之後搽咩護膚品都吸收得快咗。 最明顯係轉季時，塊面冇再咁容易敏感泛紅，毛孔睇落細緻咗，成個膚色都光亮均勻咗。雖然價錢有啲高，但維穩效果真係冇得頂，絕對係我轉季護膚步驟裏面，最唔可以缺少嘅一步！

Kelvin好用推薦：定期都會去護膚品專櫃做皮膚測試，我男士肌膚都會日常護膚，今次專櫃姐姐話我皮膚缺水🥲相信因為呢排太陽太猛烈，曬到皮膚好乾。好彩除咗塊面偏乾之外都冇咩問題，亦都冇咩皺紋、老化等 一聽到太乾，就即刻用返LANCOME煥活修護精華。依枝精華又係一支經常用嘅精華，精華水感不厚重，搽咗上面之後好快吸收，亦都唔會有黏立感🤣坦白講用耐咗會好似皮膚冇咩特別大效果，但質地夏天好適合。 對於皮膚成日生暗瘡嘅人嚟講會啱用，用完皮膚係會真的較穩定