舒緩面霜 推薦好用產品

Chloeincosme好用推薦：呢枝Kiehl’s Facial Cream 係前排Sogx 特價果時買😂 呢款經典保濕霜網上評價好壞參半，今次親身用落，終於明白點解咁多人中意！ 🤍 保濕力：3.5/5 質地柔潤但唔厚重，推開後好快吸收，形成輕薄保濕膜，但我全晚開冷氣嘅話會有少少唔夠保濕🥲🥲 🤍 質地吸收：4/5 延展性好高，少少份量就夠搽全面，按摩兩下已經食入皮膚～ 🤍 溫和度：4/5 冇香料酒精，敏感肌用落零刺激，轉季期間皮膚穩定咗，冇再無故泛紅～ 🤍 適用性：4/5 混合偏乾肌同混合肌用啱啱好，但極乾燥天氣可能要疊加精華油先夠力；油肌夏天用可能覺得有少少潤～ PS.有人話用佢用到爆痘，但我又冇！介意既記得去睇佢個成份表/ 拎sample先！ 總結： Kiehl’s呢支面霜係穩陣嘅日常保濕之選，尤其適合混合偏乾至混合肌，或者身處冷氣環境嘅人～ 不過岩我既面霜太多，佢我就未必回購！

Tszki好用推薦：Kiehl's 第三代面霜即為其皇牌產品 Kiehl's 特效保濕乳霜 (Ultra Facial Cream) 的全新升級版本。 輕盈不黏膩質地，吸收速度快，適合早晚使用。改善乾燥脫皮的效果顯著，令肌膚柔嫩。但在極端乾燥環境下，可能需要疊加精華液；而油性肌膚在夏季可能會感到稍顯滋。 新配方能滲透肌膚表層達 15 層，提供更深層的補水。此面霜能在 1 小時內 開始修復肌膚屏障，並在 2 小時內重建屏障功能。保濕力由原先的 24 小時延長至 72 小時，能有效防止水分流失並舒緩泛紅乾癢。堅持無添加酒精、香料、色素、礦物油及 Parabens 防腐劑，適合包括敏感肌在內的所有膚質。 

Fng好用推薦：Hada Labo 雪芭冰感霜 ❄️ 優點： · 瞬降3℃冰感：一推即化水降溫，香港夏天戶外返屋企厚敷5分鐘，即刻鎮靜泛紅同燥熱感 · 滲透力驚人：含多重玻尿酸，補水唔浮面，熟齡偏乾肌用後毛孔即時飽滿，唔會悶出粒粒 · 百元價位王者：同價位（$150以下）保濕霜中，唯一做到「降溫+深層補水」，性價比贏盡Curel、NIVEA水感凝霜 ⚠️ 缺點： · 保濕續航力短：冷氣房瞓覺的話，半夜會覺得乾，要疊加保濕精華 · 功效單一：純補水降溫，無抗老/美白成分，熟齡肌要額外搭抗老產品 · 酒精促滲：敏感肌可能輕微刺痛，極敏感者不建議試用 🌞 香港夏天表現： 混合偏乾肌日間薄塗一層夠爽又保濕，晚間要厚敷先夠力。出汗後無化白汗，降溫效果實測比Biore冰感防曬更持久！ 💡 總結： 百元級降溫補水神器！適合香港夏天追求瞬間降溫同深層補水的熟齡混合肌，但極乾肌同抗老需求者要疊加其他產品～❄️ #HadaLabo #夏日降霜 #開架保濕

lingbb好用推薦：穩定夏日肌膚我有計！香港天氣太熱，熱到塊面紅卜卜，又好易熱到泛紅敏感，見到snow dew就覺得必須要入手，見到雪葩質地既面霜真係好開心，面霜配有一個小勺，質地係非常滑身嘅雪葩狀，非常易推，有種冰涼感覺好舒服，摸落皮膚好柔軟順滑，有即時blur毛孔效果，上面冇黏笠不適，上妝都冇問題，保濕度我覺得幾好，如果天氣太熱，皮膚局部灼熱都好適合用呢種質地既面霜厚敷，我覺得可以放埋係雪櫃用應該會更冰涼！

Kitty 好用推薦：呢款經典面霜質地係豐潤嘅霜狀，要係掌心搓揉乳化㗎！我通常加爽膚水搓到變半透明再輕輕印上塊面，一掂到皮膚就知唔同啲～即刻有種被滋養嘅感覺，但完全唔黐立立👌 💧水潤保濕度真係無得彈！ 朝早瞓醒摸落去依然軟嫩，好似有一層保護膜鎖住水份。以前轉季鼻翼會甩皮，今年居然平安過渡，妝容都貼服好多！ 緊緻效果呢，就真係要讚👍 我本身有少少baby fat，易浮腫，輪廓唔算好明顯。連續用咗幾星期，發現下巴同顴骨位有種被托住嘅感覺，睇落線條精神咗！唔係即時變V面嗰種，而係皮膚好似實淨咗、有彈性咗，搽嘅時候順便按摩埋頸部，連頸紋都覺得淺色少少～ 最驚喜係修復力！ 有一次敏感泛紅，厚敷一晚第二朝就退紅七八成，果然係急救面霜之王👑 皮膚狀態穩定咗，毛孔都感覺細緻d～ 雖然價錢真係肉赤，但對於需要修復、抗初老嘅乾肌/混合肌來說，確係值得投資。記住乳化步驟好關鍵，同埋晚間用效果最明顯～ 想皮膚有水潤光澤同緊緻感嘅朋友，可以試試佢！🌟

Moon好用推薦：成日聽人話 LA MER 呢款精華面霜係「面霜界天花板」，終於都忍唔住入手試下。質地比較厚身，但搓熱喺手心乳化之後塗上面好滑，好快吸收，保濕度真係一流。用完第二日起身，啲乾紋同甩皮位明顯改善，皮膚摸落更柔軟細滑。味道清淡，有種高級感同療癒感。我通常喺夜晚護膚最後一步用，先拍完化妝水同精華，再用黃豆咁大粒面霜輕按上面。連續用咗幾星期，覺得膚況穩定左，整體光澤度都有提升。雖然價錢唔平，但用落真係有見效，特別啱乾肌或者想修護受損肌膚嘅人。

Kitty 好用推薦：一打開係白色cream狀，質地幾豐潤，似豬油膏，但推開唔會黐笠笠，吸收得幾快。幾乎無咩氣味，冇加香料，聞落幾安心。 💆‍♀️上臉感受： 我係混合肌，T字位油、兩邊乾。用咗之後覺得皮膚即刻有啲潤潤哋，但唔會悶痘。夜晚用第二朝起身，塊面摸落去幾軟滑，有種膨潤嘅感覺。 🌟效果重點： 最明顯係法令紋同嘴角紋！堅持用三四個禮拜，發現啲乾紋真係淺色咗，尤其上粉底冇再卡紋～塊面睇落冇咁下垂，有微微緊緻感。抗老效果唔算即時魔法，但持續用真係有分別！ ⚠️注意位： - 如果你係極油皮膚，可能冬天用會啱啲。 - 價格真係唔平，但一罐都幾耐用，每次唔需要搽好多。 總結： 價錢的確肉赤，但考慮到佢同貴婦級面霜比都已算白菜價，而且用料幾足，有30%抗老成份玻色因！我覺得投資得過～尤其係皮膚開始有歲月痕跡嘅姊妹，值得試吓！

Kit wong好用推薦：之前聽人講過SKINCEUTICALS呢個品牌好用，但無研究過或用佢啲產品，今次第一次用呢隻面霜，好有驚喜！！ 先講下佢個質地係比較特別的，同市面一般乳狀或水凝狀面霜都唔一樣，一時三刻諗唔到似咩質地🤔 但一啲都唔笠，好快滲透。呢個面霜嘅吸收速度，應該係我用嘅面霜當中數一數二最快的，真係毫無殘留感但滋潤感又夠力，前排天氣好乾，塊面都仲係keep住好水潤保濕！ 質地使用感當然緊要，但最緊要都係功效。我想講呢隻抗老面霜，係堅有用！！因為我用左10幾日後，發現額頭嘅抬頭紋、眉間嘅皺紋、法令紋都有減淡‼️ 特別係眉間嘅皺紋，因為我由細到大都會皺眉頭，所以皺紋已經好耐了，睇落去個人成日都好唔開心咁，估唔到佢有減淡嘅一日🥹🥹感動！ 另外，我都發現到下巴鬆馳位置有變緊緻。皮膚本身有啲粗糙都變滑左，塊面好明顯因為滑左所以識反光左。真係真係有減齡feel，好勁‼️ 最後仲有一個bonus，就係之前我用一隻好貴嘅美白精華，但用親都起粒粒（唔知係咪美白精華濃度太高太刺激），搞到我唔敢用，之後我轉左用SKINCEUTICALS 面霜之後，皮膚好似健康左，於是再試下用返嗰隻美白精華，日日用都無再起粒粒🥳

Chloeincosme好用推薦：Embryolisse全能奇蹟保濕霜 我回購左無數次（十幾年前初中已經用緊😂）！好多人會當晚間保濕霜用，不過對我呢種極乾肌嚟講夜晚用唔太夠力，但！用佢嚟做妝前保濕，真係非常非常非常好用～ 🤍 妝前貼服度：5/5 搽完再上粉底，底妝好似「扒」咗喺塊面度咁，全日都冇浮粉卡粉，連鼻翼兩側都保持貼服！（而家咪有一支好興，韓國品牌，瓶身黃色既妝前乳，我用到爆痘，所以又即刻轉返embryolisse🥹） 🤍 質地吸收：4.5/5 乳霜質地柔滑易推，好似融化喺皮膚入面咁，完全唔會同後續防曬或粉底「打交」～  🤍 溫和度：5/5 我自己敏感肌用落零刺激，轉季期間用都冇泛紅問題～（留意！佢有香味，如果香料敏感嘅記得要睇清楚成份表！） 🤍 滋潤平衡：4/5 日間用啱啱好，提供足夠滋潤但又唔會油光滿面；極乾肌夜晚用就會覺得續航力唔夠～ 總結： Embryolisse呢支保濕霜係我嘅妝前神器！由中學用到而家，底妝貼服度從來冇令我失望～雖然夜晚用對極乾肌唔夠力，但作為妝前打底絕對無可取代！仲要唔貴！會繼續回購，推薦！

ying好用推薦：😳😳其實我成日見人share好用 我frd話會勁乾 上妝前用佢就好好多 有次見到即管買嚟試吓，又真係幾好用喎😍 有時幫男人甩晒皮嘅面搽 就即刻平復返 冇再甩皮😚😚 價錢又唔係好貴，又襟用 唔錯唔錯

Kura好用推薦：正值秋冬轉季，呢款面霜真係好適合呢個季節用，面霜嘅質地滋潤得黎又唔會好油，有添加咗我最鍾意嘅成分角鯊烷，令到我嘅皮膚嘅滋潤度大大提升，用咗一段時間皮膚似飲飽水份咁有光澤飽滿 @cosme

Emily Leung好用推薦：First Aid Beauty強效保濕修復面霜 冬季護膚終極救星 ❄️ 如果話要搵一支喺冬天救命嘅面霜，我嘅首選一定係First Aid Beauty呢支強效保濕修復面霜（人稱「FAB急救面霜」）！尤其係對於我哋呢啲喺冬天飽受乾燥、凍風同室內暖氣折磨嘅香港人嚟講，佢絕對係護膚步驟裏面最安心的最後一步。 ✨ 質地同使用感： 面霜係白色乳霜狀，質地幾豐潤，但唔會好似豬油膏咁厚重。我嘅秘訣係：一定要先喺掌心乳化！ 挖一坨出嚟，用掌心溫度搓幾下，佢會變成半透明狀，再輕輕按壓上臉。即刻吸收，唔會浮喺面油立立，而係一種被溫柔包裹住嘅滋潤感。呢種使用感喺又濕又凍嘅香港冬季，真係好討喜。 💧 保濕修復效果（重點！）： 講到冬季護膚，保濕同修復係重中之重。呢支面霜喺呢兩方面真係交足功課！ 1. 即時深層保濕：搽上面嘅一刻，皮膚嘅乾燥繃緊感即刻得到舒緩。佢唔係表面補水，而係好似幫皮膚「飲飽水」再鎖實。就算喺寒風中行一陣，塊面都唔會即刻乾返。用咗佢之後，我朝早起身塊面依然係軟糯有水份，冇平時冬天嗰種缺水嘅暗沉。 2. 強大修復屏障：成份裏面有膠體燕麥、乳木果油、神經酰胺同尿囊素，全部都係鎮靜、修復

Lindabb好用推薦：First Aid Beauty強效保濕修復面霜使用心得 最近冬天真係乾到爆皮，我嘅皮膚本身係混合偏乾，一轉季就開始繃緊、甚至甩皮。今個冬季我終於試咗First Aid Beauty嗰隻強效保濕修復面霜，用咗一個月，同大家分享下心得！ ✨質地 冬季護膚最緊要保濕，呢隻面霜質地係厚身cream狀，初頭擔心會好膩，但推開後吸收得幾快，唔會黐笠笠。我通常夜晚護膚程序最後一步厚敷，第二朝起身面珠真係軟滑咗，之前鼻翼同面頰乾燥位明顯改善咗。 ✨保濕力 冬天嘅寒冷風真係傷皮膚，我試過喺凍到震嘅日子出街前搽一層，當做屏障，返到屋企塊面都冇平時咁繃緊。不過提醒大家，如果你係油性肌，可能只適合喺極乾燥日子或者局部用。 ✨修復力 講到修復力，呢支霜真係有啲料到，尤其係冬天對我呢種容易乾癢同敏感情況特別明顯。 · 上個月去咗北海道旅行，酒店房暖氣勁抽濕，第二朝塊面即刻起咗啲微細紅痕同繃緊到痛。我即刻厚敷呢隻霜，大概半個鐘後，啲乾燥繃緊感已經舒緩咗七成，紅痕亦退得快。呢種即時鎮靜效果，對冬季護膚急救真係好重要。 · 唔止表面補水，我覺得佢修復緊係幫到皮膚屏障。連續用咗兩三個星期，之前因為冬天乾燥同

dandan好用推薦：❤️好感謝@cosme 抽中我可以試用我地香港本地品牌護膚品 . 近年來越來越流行Clean Beauty，自己都自購左好多外國品牌. 但有時D質地真系 🙈 想要保濕滋潤 難免就會"漿糊感", 但今次YHKCARE 尼3支cream令我眼前一亮 😍🤩 密羅木抗敏滋潤保濕霜 亞麻籽抗敏滋潤保濕霜 苦橙花抗敏滋潤保濕霜 首先我膚質 乾性肌膚 小小敏感. 💖因為都會定期出去做下pico療程 所以皮膚都經常會處於極度缺水狀態🙈😅 療程後只能用單純補水產品 . 而3支cream真系純天然 令我用得好安心.及時可以幫我舒緩敏感泛紅的臉頰.質地系乳霜 有存在感 但過一陣就會吸收啦.皮膚狀況保水，光澤😍🤭 第二日照鏡都覺得自己塊面好令🤣 但不是油膩的！ 💖驚喜點仲有連我bb有輕微濕疹 我都會比他用來舒緩痕癢 補水滋潤！起碼我見他真系少左R自己濕疹位置😉 💖真空包裝 扭一扭 方便又衛生👍 希望本地品牌YHKCARE可以繼續研發尼類型甘好用又性價比高的產品 😇❤️💪 💕之後用完會自購啊！ 😍

kkkelda好用推薦：好開心收到@Cosme 抽中可以去試用香港本地品牌《YHKcare》的抗敏滋潤保濕霜系列，三枝分別係密羅木抗敏滋潤保濕霜、亞麻籽抗敏滋潤保濕霜以及苦橙花抗敏滋潤保濕霜☺️ 苦橙花抗敏滋潤保濕霜係三枝入面唯一一枝聞到有淡淡花香味，因為當中加入左天然苦橙花精油，但味道好舒服，好自然！用上面之後唔會再聞到，但對味精比較敏感嘅Sis可能要去專門店試左先。 個包裝非常貼心，做左真空包裝設計而且無樽蓋好岩我呢d成日唔見野嘅人，另外唧完佢唔會有面霜痴住係樽管到，非常sweet!! 唧出泥係白色霜狀，唔厚身！用手指可以好快推開，之後茶上面好快吸收哂！用完都唔會覺得黐立立😍朝早我當佢係日霜用完佢化妝無同我任何化妝品打交，無出現起擦子膠碎，非常好👍🏻夜晚我當佢係晚霜，用既份量比日頭多小小，第二日起身都唔會覺得成面油吸收唔到d護膚品，反而d皮膚有光澤感出現。 個人覺得佢做到滋潤肌膚，恢復皮膚光澤，但呢兩點可能對30歲或以下效果比較明顯，抗敏方面我覺得無亞麻籽抗敏滋潤保濕霜咁快睇到個效果，但係皮膚無乜問題，想搵枝平平地一年四季可以用到既面霜，佢絕對係性價比高👍🏻👍🏻 完全冇諗過香港有啲咁正嘅護膚品，之

CathyLaw好用推薦：呢隻入面添加佐含有豐富天然優質維生素和Omega 3嘅亞麻籽油，有舒緩泛紅、改善敏感症狀同滋潤肌膚，功效，搽上面佢質地較厚，但舒緩效果幾好，塊面好快就降紅同無咁痕癢

橘子貓好用推薦：有些失望的產品。 我是混油痘肌，這款凝露沒有改善到我長痘痘的狀況，該長的還是會長。對於已長出的痘痘，也沒有加快痘痘凋謝或達到去印的效果。 最大感覺是使用後，皮膚會看起來有彈性一點，細緻一點點。但我使用A醇等成份的產品也有這樣的效果。 另一方面是產品質地很獨突，是非常濃稠半固體半液體的凝膠狀，一定要先在手心預熱搓開才可上臉。而且上臉後也有點黏笠感，很容易跟其他面霜不合而起屑。 可能我皮膚跟BC凝露還處於磨合期，只用了大半個月，還需要點時間去體驗。

維他他好用推薦：Aesop 隻B triple C facial balancing gel 好杰身，係晚霜黎嘅，sales教同瑩澄面部精華mix, 可以做返深層保濕，但用完塊面會笠啲，不過夜晚唔緊要啦

Chloeincosme好用推薦：🤍 保濕度：4/5 Avene呢支輕盈保濕乳液，質地真係比同牌子既cream薄身好多～推開後迅速吸收，皮膚即刻有種水潤感，適合春夏季或者潮濕天氣使用，唔會覺得厚重或黏膩！ 🤍 溫和度：5/5 秉承Avene一貫溫和作風，冇香料冇酒精，敏感肌用都完全唔刺激，就算轉天氣時皮膚唔穩定，用佢都唔會加重負擔！ 總結： 如果你係混合肌，或者春夏季想搵一支清爽得嚟又有足夠保濕力嘅乳液，Avene呢支輕盈保濕乳液絕對係理想選擇！佢完美平衡咗保濕同清爽感，溫和配方更適合敏感肌使用～會回購！推薦比所有追求輕薄保濕嘅你！

海女好用推薦：最近臉部皮膚有啲敏感，成日泛紅 所以想買返支適合敏感肌膚嘅面霜 見消委會推薦過Avene嘅乳霜 就去咗個人護理店試下啲產品 試左呢支「長效鎖水輕盈保濕乳Hydrance LIGHT Hydrating Emulsion」 搽上手推開唔會笠，所以買咗黎試下 搽上面都唔會笠，唔會反哂光 就算早上搽完，到午飯後，都唔會泛油光，而且保濕能力都keep到 ❣️因為敏感，所以冇額外搽防曬同上碎粉，淨係搽左另一品牌嘅toner同精華gel

Kura好用推薦：補濕一步到位嘅面霜，我用咗呢款面霜有一段時間，質地好舒服，我通常會用係敷面膜前作為加強保濕打底，呢個面霜加保濕面膜個效果真係無敵，可以達到即時補水，用完皮膚會好滑，大家可以睇下面霜嘅質地好似啫喱咁好水潤，同埋有淡淡嘅香味唔算好濃，產地係韓國，價錢都算合理，我覺得夏天用係冷氣房都唔會覺得乾，同埋搽上臉皮膚都會好快吸收 @cosme

Kpl6be6好用推薦：啫喱質感夠哂清爽～上面後保濕感幾好～但如果想再滋潤啲就要後結續加面霜之類去補一補至得～

Emma W好用推薦：啫喱能迅速滲透肌膚，提供持久的保濕效果，特別適合乾燥季節使用。其質地輕盈，不油膩。一搽上面上，水潤感足，容易吸收，雖然一開始有少少gel 狀係面上，會感覺有一層保護膜，但使用後肌膚感覺清爽舒適的。 加上Gel 能有效舒緩敏感肌膚，減少紅腫和刺激感，特別適合秋冬天，因極乾燥而脫皮的皮膚。 適合肌膚：任何，特別有脫皮現象的人士 成效度：4/5 保濕度：4/5 吸收度：4.5/5 質地：啫喱狀

whTsoi好用推薦：目前已經快用完一瓶 個人覺得它因為不含油份 所以使用起來很清爽 很適合油性或敏感性肌膚 因為它能補水 成分也不算複雜 不用怕引起過敏（起碼我個人用它沒有這問題）而且在夏天塗太多東西上臉 出門十分鐘臉上就會出汗 會對皮膚造成負擔容易長痘 所以在夏天會很好用 我在白天會用它代替精華 之後上面霜就夠了 而在包裝方面我十分喜歡這種按壓式設計 既衛生又方便

hellolulu好用推薦：本身屬乾敏肌，曾經有一段長時間皮膚反覆敏感發作，特別是額頭又乾又痕，甚至出現鱗片狀脫屑和紅腫，又會忍不住抓至出血，非常困擾😢 在掙扎看專科醫生之際，朋友推介belif 品牌，經BA了解情況後建議加強肌底保濕修復，推薦使用兩款皇牌產品 - Moisture Binder 精華 和Moisturizing Bomb 面霜，孤注一擲下一試便愛上了! 精華和面霜都呈乳白色，相比之下面霜較扎實但非常水潤易推! 首次使用敏感位置已即時感到舒緩，加上淡淡草本香氣令人心情放鬆。連續使用兩星期左右額頭已幾乎沒有再脫屑，持續使用做好保濕，皮膚亦明顯比較穩定，很高興這一年多已沒有復發了🥲 兩款皇牌產品亦成為了我一年四季的必備好物😍👍 面霜對乾肌一年四季合用，有時皮膚有輕微敏感發作，會在睡覺前厚敷這款面霜當睡眠面膜，第二天醒來皮膚會比較柔軟飲飽水。早前推出了125ml jumbo size，不但CP值更高，而且是擠管設計，比罐裝使用起來更方便衛生! 已大手入貨🤭🤭 同系列精華和面霜均另有清爽型，較適合混合性肌膚～

sarahhhh好用推薦：之前一直有用開belif既斗篷草炸彈霜，一直都好鐘意～ 覺得夠保濕，搽完唔會笠！同埋味道好香，好舒服。 而呢款紫芹配方既炸彈霜係第一次用，覺得佢既質地會比斗篷草既厚啲，都會比斗篷草既保濕，不過我覺得就冇斗篷草個款用完咁爽，比較適合秋冬用，夏天既話都係用返斗篷草個款比較適合我～

Karman28好用推薦：係皮膚有敏感果陣會使用，有保濕，滋潤效果，以免敏感情況再惡化。

shadow影子好用推薦：這款日霜質地比較厚身，而且冇特別香味，冇添加香料，敏感肌人士用得放心。自己覺得都有一定嘅滋潤作用，感覺都有少少修復皮膚屏障嘅功效。

zetalhc好用推薦：質感唔油膩好容易吸收嘅面霜，補水鎖水效果都好好，油性皮膚都唔覺得油膩，但秋冬季節用我就可能覺得唔夠保濕

yntynt好用推薦：好保濕而且唔笠，之前塊面有少少敏感紅搽完一晚第二日好快無事，已經回購過幾次

Haidy好用推薦：去泰國嘅時候驚曬傷變敏感皮膚所以買入 嗰時曬到紅晒搽上面都幾溫和 保濕能力都唔差 但係又未去到超級補水嗰隻🤣 差唔多效果嘅話 好多平價韓系護膚品都得 係幾好用嘅 但係未必回頭了~

Jane好用推薦：水凝狀質地，一打開有淡淡嘅香味，氣味清新，夏天用好適合，超清爽，夜晚用鎖水力都好夠。

takemyokane好用推薦：今年一月新推出後就在廣告不停出現的修復霜，在專門店獲得試用裝。質地是膏狀，杰身但易推開。 第一次用塗了全臉，覺得 too much 😹 之後再用只塗在鼻翼泛紅位置，的確有退紅效果。和同系列爽膚水、洗面啫喱及面霜一同使用的話超級保濕，不過夏天用就可能不太適合。 #火熱新品

940727.0好用推薦：特效保濕屏障修復霜 好適合乾燥皮膚敏感時用,夏天曬傷後用。1小時後即刻舒緩

natanatalie好用推薦：適合油性肌膚晚上用嘅面霜🥰 用油性肌的角度去講，麗珠蘭超水光119再生面霜帶來的感覺其實幾微妙。推開的時候質地比一般水凝霜厚一點，但又唔算笠，吸收得算快，留低的是一種柔潤的保護膜。對油肌來講，最怕係用完滿面油光，但呢隻面霜反而係「潤而不油」，夜晚用完第二朝醒來，皮膚係水潤而唔係泛油。🫶🏻 佢主打嘅 1:1:9 配方（膽固醇、脂肪酸、神經酰胺）確實有助修復屏障，長期用會覺得皮膚底層比較穩定，痘痘爆發後的紅印都冇咁容易敏感。再加上蘆薈同金盞花提取物，對油肌喺痘痘修復期特別有用，能夠舒緩同減少刺激。至於「超水光」嘅效果，對油性肌未必會顯得特別亮澤，反而係一種低調的健康感，皮膚摸落去滑順，冇乾燥繃緊。😜 總結嚟講，呢款面霜唔係追求即時光澤，而係慢慢幫你穩定膚質，令油肌都可以享受到保濕同修復而唔怕笠。對我嚟講，佢更適合夜間保養，日間如果要上妝，可能會揀輕盈啲嘅乳液，但晚間用佢就好似俾皮膚一個安穩的休息。😴