髮油 推薦好用產品

貓餅好用推薦：呢個牌子的護髮產品很出名，這個是髮尾油， 100毫升大大支，可以用很久，按壓出來是深黃色的，可以看到髮尾油很濃，而且液體不是很流動性，所以感覺上真的有滿滿的髮尾精華。 另外，它有非常濃烈的香味，其實都幾香的，有啲似中東國家的香味，不過塗抹在髮尾，香味散開後，就不會很濃烈。 塗抹上頭髮後，可以即時滋潤髮絲，減少毛躁，不過份量不可一次塗抹太多，否則會很笠，很重，如果頭髮髮質乾硬的朋友，可以塗抹多一點。 整體而言，都是一支可以入手的髮尾油！

Kimchi lau好用推薦：質地比較厚身、不過塗完頭髮又不會太油、剛剛好、不過需要洗完頭之後就塗會比較好、否則就會油膩、好似隔日冇洗到頭甘

莓莓好用推薦：我第一次用係喺朋友屋企，佢推介話「平靚正」，我嗰晚沖完涼就試咗兩泵搽髮尾。第一下上手，質地比我預期中薄，唔似有啲髮油咁「杰撻撻」，推開都算快。 但個香味真係好濃，係嗰種好典型嘅花香甜味，我本人就唔係好受得，吹完頭都仲聞到，第二朝起身先散得七七八八。如果你同我一樣唔鍾意太香嘅護髮產品，呢點要諗清楚。 我用咗大概兩個禮拜，主要係吹頭前搽。老實講，毛躁係真係少咗，我啲頭髮本身偏細軟，髮尾有少少乾，搽完吹乾係順滑咗，有種「乖乖地」嘅感覺，唔會再飛到成個頭都係。但係，我試過貪心搽三泵，結果就出事，第二日個頭塌到貼住，仲有少少油膩感，所以真係要忍住手，一至兩泵好夠。 另外，我試過乾髮搽少少喺髮尾，效果就一般般，冇濕髮時咁明顯，仲有啲「浮」喺表面。所以我最後都係淨係吹頭前用。 總結我自己嘅感覺：如果你係細軟至中等髮質、想改善毛躁、又接受到濃香，呢支係值得試，幾十蚊真係冇乜好投訴。但如果你係粗硬髮、嚴重受損，或者唔鍾意香味，我就會建議你睇第二啲。 我自己用完呢支，未必會回購，唔係因為佢唔好，而係個香味真係唔啱我。

Miranda好用推薦：【質感】 質地係透明、流動性強嘅油狀，比想像中輕身好多，唔會覺得「漿」住。雖然標明係畀乾旱髮質用嘅「Extra Rich」版本，但推開之後感覺一啲都唔厚重，好快就被髮絲吸收。用完之後手板唔會「立黐黐」，頭髮表面清爽，對於怕護髮油用完會笠嘅人嚟講係一大優點。香味方面，佢帶有甜甜嘅雲呢拿同椰奶味，好似去完旅行嘅放鬆感。不過要注意，呢種甜味對某啲人嚟講可能偏濃，如果你鍾意清新淡香就要諗清楚。 【使用感】 呢個係最多人討論嘅位。官方建議「半乾濕」用最好：洗完頭索到半乾，揼一兩泵由耳下位置均勻搽上頭髮，再用風筒吹乾。呢個方法下，即時效果係最明顯嘅——頭髮即時順滑好多，打結情況改善，吹完仲有自然光澤。 但要注意，佢嘅修復能力比較「表面」。有啲用家反映，如果頭髮受損嚴重（例如漂染多次嘅「稻草頭」），單靠呢枝護髮油係唔夠力嘅，可能只可以幫手「輕鬆解結」，而唔係「完全柔順」。另外，搽嘅時候一定要避開頭皮，否則第二朝即刻會「油到dup」。 【持久度】 持久度方面要分兩樣嘢講。香味持久度係一大驚喜，有啲用家話香味可以維持到第二日，呢點係好多平價護髮油做唔到嘅。護理效果嘅持久度就相對普通，用完當下頭髮係順

Nicole好用推薦：LUCIDO-L系列，幾乎全部都用過。當中以淺粉紅嘅精華油最清爽最易買到。五款官方都有建議適合使用人士，而呢款就係適合細軟髪質。因本人頭髮比較粗厚乾燥，所以一開始係試藍色修護型同埋橙色滋潤型，係因為冇貨所以先轉淺粉紅清爽型，但意想唔到雖然係好薄身嘅油（唧5-6次喺手心有時唔為意就已經流咗去手指縫)，但滋潤度完全足夠並唔黏笠，唔會令頭髮變成一束束。比其他款更易吸收同埋個花香係有驚喜。#不斷回購同埋囤貨。 另外提一提，唔好買錯深粉紅嘅抗燥型，因為抗燥型係gel狀精華油，喺掌心推開先搽都唔係咁容易完全吸收，吹頭嗰時感覺唔夠潤髪尾會打結，唔能夠由頭頂梳到髪尾，係系列當中唯一一款因為效果同用後感而唔能夠空瓶嘅精華。 最後，附上全系列五款精華油嘅官方圖俾大家參考。

Kriskirs09好用推薦： 已經係我用嘅第二支 第一次用落覺得都唔錯 所以去日本旅行嘅時候買咗第二支 用過唔同嘅髮尾油 呢一支個質地算係好輕薄我唧出嚟都係好流質 大致上嘅用法： 1. 頭髮半濕嘅狀態下 2. 將髮尾油喺手掌心搓勻 3. 放喺耳仔下面嘅髮尾 4. 髮尾大致吸收之後將手上面剩低少少嘅髮尾油撫平一下耳仔附近嘅頭髮 5. 繼續吹乾個頭 頭髮喺半乾半濕嘅狀態最容易吸收發尾油 同埋因為我電攣咗啲頭髮 頭髮都有受損同埋乾旱嘅情況 我會順住個頭髮電攣嘅方向一路按摩唔好睇我搽緊嘅時候隻手好油 佢一陣吸收完之後就一啲都唔會黏笠 使用嘅時候都要留意份量 唔好一次過貪心用太多泵 如果唔係嘅話個頭就會好笠變成一束束😖 份量用得適宜當吹乾之後頭髮會柔順啲 我把攣頭髮都打理得整齊啲 吹完頭都唔會去到好枯乾同埋混亂 （如果平時懶唔用髮尾油嘅話真係有一種雜草嘅感覺，仲會見到有啲明顯嘅開叉，比較乾燥🤢）真係有種健康頭髮絲嘅感覺✨PS搽咗髮尾油之後吹頭好似吹得快啲🤣

Liu CC好用推薦：歐萊雅的幾款護髮精油我幾乎全部都用過了，所有香味中最喜歡這款髮尾油的氣味，淡淡的花香，每次洗完頭髮都會apply大約五泵的髮尾油（我頭髮長度到pat pat及有染髮，如果頭髮不長的話不需要這樣大的用量）再吹乾，這樣髮絲就會好順滑好香，香味可以last全日👍👍👍

sammipink好用推薦：呢支美髮油做到修護髮尾既效果，洗完頭後，將頭髮吹至半乾，然後搽上美髮油喺髪尾上，跟住再吹乾，可以即時減低毛燥感覺，頭髮柔順左好多;又或者頭髪全乾時搽上髮尾，髮絲都滋潤左，又聞到濃郁嘅玫瑰精油味，有小小似香水味，感覺吾錯喎。

karun好用推薦：買過第三支，非常喜歡它的香氣，帶給自己個別人舒服的感覺，每次沖完涼將頭髮吹至七成乾， 再加兩滴護髮油喺手掌心搓暖， 使用在 頭髮中段至髮尾位置， 可以即時見到 變得順還有光澤的頭髮， 而且用後非常快吸收，不黏膩，適合任何季節使用！

Rachel Hui好用推薦：這款L'Oréal Paris ELSEVE Extraordinary Oil真的很滋潤，使用後髮絲變得柔順且充滿光澤，一梳到底毫無阻礙。香氣怡人，令人愛不釋手，持久度也令人驚喜，一整天都能維持秀髮的柔順與光澤。最棒的是，它成功拯救了我乾燥如稻草的頭髮，讓髮質回復健康柔軟，效果十分驚艷！

小Man好用推薦：NUXE 呢枝精華油簡直係法國國民級保養品，當年我去法國旅行嗰陣買咗返嚟，後尾發現原來香港都有得買，當時真係有少少「嬲豬」！ 打開個蓋已經聞到陣超級高級嘅香味，真係好療癒。我本身係乾性肌，冬天用佢搽面其實唔錯，吸收得幾快，但因為陣味實在太香，我後來覺得用喺手腳效果更好。我有時會將佢混合身體乳一齊用，滋潤度直接 Double，搽完仲成身香噴噴，好似噴咗香水咁。至於頭髮方面，雖然有人推薦用，但對我嚟講太油喇，搽完好似幾日冇洗頭咁。所以啦，呢枝油用喺 Body 真係完美，夏天冷氣房或者乾燥天氣都好啱用。

Flawless-skin好用推薦：Nuxe Huile Prodigieuse 使用心得 ✨ 作為一款經典的多功能護理油，Nuxe Huile Prodigieuse Florale 的表現讓人推介。以下是我的使用感受： 🌸 香氣 - 擁有淡淡的花香味，優雅而不濃烈。 - 使用時能帶來放鬆感，適合日常保養或睡前護理。 💧 吸收度 - 質地輕盈，推開後很快就被肌膚吸收。 - 不會留下油膩感。 🪷 滋潤度 - 保濕效果不錯，能讓肌膚維持柔軟與光澤。 總結 這款油兼具香氛享受與護膚功效，適合想要快速吸收、不油膩又有滋潤感的人。無論是單獨使用，或搭配乳液、護髮，都能展現它的多功能魅力。

Ming好用推薦：試吓新買嘅髮尾油，呢款味道超香呀！ 如果吹乾頭髮再擦，一泵就夠，太多感覺會有啲厚重，唔算好粒，可能我頭髮好乾，擦咗兩三個鐘之後都吸收晒。 如果頭髮未乾透前擦完再吹，可以用三四泵，擦完成個髮尾再吹乾，可以滋潤頭髮一整日，全日都唔覺頭髮乾燥，仲好順滑。一啲都唔會好厚重，仲多啲光澤。 我覺得呢款髮尾油好好用，價錢又實惠，值得一試。

Evoo好用推薦：已經回購3支了！ 本人髮質：幼細，但用完護髮乳之後還是會打結～ 私心很喜歡這香味！ 既晚上洗髮後，吹至8-9成乾，然後再用這髮尾油，再用吹風機吹幾下（加強吸收） 每天使用真的讓我頭髮很順，不打給不毛燥，而且香味很舒服！不黏膩！所以一直回購❤️ 能讓我很自信的要把髮留很長，然後剪掉捐出去了！也曾經被稱讚過我的頭髮很美！ 真心推薦給髮質想改善的人～建議使用後用吹風機再吹幾下至吸收！真的不黏膩！

Hazel好用推薦：好鍾意佢個隻粉紅色，好靚，好少女再加埋佢甜甜嘅香味，未用已經蠃曬，令人賞心悅目，而且佢啲油質輕身，潤而不膩，令本來毛燥嘅頭髮變得順滑易梳．

lingbb好用推薦：- 質地係透明精油，味道係香檳蜂蜜味，甜甜的，仲有啲似蘋果味，好喜歡 -通常我係洗完頭，吹到八分乾就擦上去再將頭髮吹乾，頭髮變得柔順順滑，梳頭都梳貼服咗 - 隔日啲頭髮就唔再打kick，但頭髮好傷嘅呢枝就做唔到呢個效果

格仔餅公主好用推薦：價錢抵玩，用完頭髮有陣香味，修護力好高可以令到啲頭髮睇落無咁乾同睇落毛燥都少左

natanatalie好用推薦：大眾化的價錢，天天用也不會心痛。質地不算很黏立，但是能夠撫平毛燥和開叉。

Hayat好用推薦：玫瑰香氣的髮油 滋潤但不油膩 我通常在頭髮7成乾的時候 在髮尾擦髮油 接著吹頭用手撥開梳順 吹全乾的時候 頭髮自然也順了 頭髮帶有光澤不乾燥

Minnie Tse好用推薦：一枝細細的 放在公司 頭髮乾旱的日子 塗一點在髮尾 有少許花香味 質地較杰，不是水水的

Kitty 好用推薦：支油嘅顏色係好淡好淡嘅黃色，睇落幾乎係透明嘅。質地方面，比起一般護髮精華油，呢支會比較重身同厚身少少。 呢支油乾髮濕髮都用得，但我就最推薦喺洗完頭、用毛巾抹到半乾嘅時候用。短髮用1至2滴就夠，長髮大約用3至5滴就OK。用法係先滴幾滴落手掌心搓勻，用體溫將油溫熱少少，再由髮中抹到髮尾，最後吹乾。 不過佢包裝玻璃樽嘅開口偏大，好難控制倒出嚟嘅分量，好容易一次過倒太多出嚟，搞到樽身周圍都係油。如果用嘅量太多，頭髮會變得一撮撮，望落好似好幾日冇洗頭咁。。。

Ceccinmydin好用推薦：呢支護髮油係100%純山茶花油，無香料無色素，成份非常天然，又多用途，護髮護膚都得，就買嚟試下 但佢個質地真係非常油😱 一開頭唔知所以試過乾髮用就出晒事🥲 個頭就好似幾日無洗頭咁立，完全唔掂！濕髮用都係好油膩，好難控制份量 至於效果，宣傳可以修護受損髮絲，但層油好似浮喺頭髮表面，吸收唔到咁，搞到啲頭髮好重、好塌，一啲柔順亮澤嘅感覺都無 香港天氣真係唔啱用，環境乾燥或者平時好乾嘅人可能啱用，呢支可能會拎嚟搽身算數啦👋

Noel好用推薦：NUXE 護膚油，由6️⃣種植物油組合而成，包括：玻璃苣、聖約翰草、甜杏仁、山茶、榛子和澳洲堅果❤ 質地很 light，不厚重，流動性很高，算是 watery oil 質地。而且調香出色，味道很療癒很香💕 分享一下個別的用法： 1️⃣ 髮油 洗頭後，待頭髮半乾的狀態，大約使用5滴，於掌心搓揉，再撫到髮尾。頭髮變得順滑➕香香😍 2️⃣滋潤面部 現在頻頻帶口罩，蘋果肌位置經常受磨擦。個人會用2滴，於掌心搓揉，再輕輕按實權骨位置20秒，作暖敷🤗 3️⃣混合底妝 粉底加入1滴，混合使用，能令底妝貼伏，持久度提升，乾紋減少👍同時，如買了很乾的粉底液，也可以試試混合護膚油使用，減少浪費啊！

agnessstang好用推薦：全身都可以用嘅護理油 我自己主要當髮尾油咁用 但要控制好用量 如果唔係好易油過頭🤣 粉色係花香味🌸 偏濃郁 氣味算幾long lasting 搽身嘅話輕輕按摩 幾分鐘後就吸收到 唔會好油笠笠

Sandy好用推薦：Labor Hinoji perfumed hair oil 檜木 (Hinoki) 香味，氣味好清新，屬於木質調 氣味好獨特. 呢個係我購買原因 唔同牌子嘅髮油通常都係花香味 cosme旗艦店 登記仲有sample送 頭髮搽咗香水咁樣， 洗完頭髮泵兩三次喺髮尾 吹頭之後頭髮好柔順， 乾發嘅時候， 再用多一次 濕髮乾髮都可以用嘅 不會感到黏膩👍 我屬於毛躁 乾性 頭髮、 用咗後滋潤乾燥髮質， keep住都用咗大半 秀髮絲滑柔順的手感😁 好開心搵到自己啱用產品

popocarcar好用推薦：係聖水洞見到有Pop up store, 返香港後就見到at cosme 有售了。 香味唔持久，香味好快就散。 唔油笠，頭髮變得順滑，價錢抵用。

Heychauchau 好用推薦：本身不太喜歡薰衣草的味道，加上這款標榜針對頭髮毛燥，但我覺得跟同系列的髮尾油差不多功效，所以可以選擇自己喜愛的味道比較好。和其他髮尾油一樣，要注意用量。

Angie好用推薦：香味比想像中濃烈，個人唔係太接受到咁濃烈嘅花味，滋潤度一般

lkylky3003好用推薦：清爽質地，擦在頭髮上完全不油 膩而且很好吸收，不會因為上了護髮而 造成扁塌，隔天早上一樣很柔順

Fng好用推薦：ORBIS 瞬效護髮精華油 用後感 ——混合偏乾肌嘅夏日輕盈之選 🌟 我係熟齡混合偏乾肌，頭髮偏幼、容易毛躁，夏天最怕護髮油搞到頭髮「一束束」咁油淋淋。見ORBIS呢支新出嘅護髮油（70ml / HK$95）就買嚟試咗一個月 🧪 成份與理念：靈感嚟自「超音波護理」 · 靈感源自Salon嘅「超音波護理」，將成分細分化並牢牢鎖喺髮絲入面 · 含有 「光澤記憶磁石成分」 （琥珀酸＋水解透明質酸），納米級修護成分可以填補髮絲空隙 · 配合 「毛鱗片修復成分」 ，修補受損毛鱗片，防止內部營養流失 · 另含 11種胺基酸、維他命C誘導體、膽固醇等多重修護保濕成分 · 無香料、無色素、不使用易氧化油分，對氣味敏感嘅人超級友好 🧴 質地與使用感：輕盈如水，吸收快過閃電 · 質地係非常水感、流動性高嘅輕油 · 完全唔會殘留油膩感喺手 · 使用感不黏膩，好易用 · 官方建議：毛巾抹乾頭髮後或乾髮時，以髮尾為中心搽勻 ✨ 效果實測：翌日都Keep到光澤感 · 即時順滑：用完頭髮即刻變柔順，毛躁收服晒 · 輕盈光澤：有自然光澤但唔會油立立，抑制了毛躁，有適度光澤但又清爽 · 比平時更有光澤，朝早

楊一二好用推薦：Unove呢個韓國護髮牌子好hit，係韓國見到超多佢既廣告，跟風買左支髮尾油試下🤣🤣 我頭髮冇點染燙，髮尾偏乾，有少少毛躁。呢支精油質地雖然偏厚，但係唔黐手，都有流動性。 我係買Tender bloom味🌸味道係淡淡花香，大約可以維持一日。用完頭髮變得好順滑，仲有光澤，即時嘅效果幾唔錯，價錢都適中。