Loreal Paris

昇華修護美髮油-茉莉小蒼蘭(受損乾燥髮質適用)

先講負評，短髮朋友絕對唔可以揀！ 嗰陣用嘅時候兩臉不停keep住岀暗瘡仔，以為自己護膚品/飲食問題，後尾上網一搵先發現原來呢隻喺致痘護髮油榜上有名，因為本人中短髮日常髮型甚至瞓覺髮尾都會掂到塊面，所以即刻停咗唔用，啲瘡真係即刻無爆咁多💩長髮女仔用就應該無問題嘅～ 讚嘅係包裝顏色不錯而且樽頭無蓋，扭去另一邊就可以用呢個設計非常貼心唔需要油手再扱蓋👍🏻香味亦係做到我鍾意嘅小蒼蘭～但真心唔會再用，半樽都放置了

執拾物品先發現自己都用過L’Oréal既髮尾油，香味都幾好聞，清香，一開始用個覺得個質地都算可以，始終係油，未算好輕盈，但的確滋潤到髮尾，亦改善頭髮開叉毛燥既問題，不過自從用左k字頭品牌既髮尾油，就覺得loreal未能做到滋潤而不油膩，會較喜歡k字品牌既多啲。之不過，呢個價錢其實都交足貨，性價比都高！

習慣吹頭前搽，俾佢吸收一兩分鐘。差唔多用晒一支，髮質好咗冇咁乾，順滑咗。隻油質地比較杰，但係捽開左好快會吸收，唔驚頭髮會油，而且香味好好聞🌸

好香嘅苿莉花香，但唔持久，至於髮油本身比厚身滋潤，－小泵已經可以搽暈髪尾，如果兩泵就會太多令頭髮變得油淋淋咁，所以唔可以貪心。

髮油是質地偏杰的gel狀，抹上髮尾都快吸收，不過用得多會易變笠。茉莉小蒼蘭味道似香水味，幾特別。

隻味非常好聞，但係個質地同滋潤度好高，比較岩嚴重乾燥或者成日整頭髮既人，我自己用大約半粒紅豆既份量頂哂籠

質地厚重 本來是因為香味而購買 結果擦在髮上難吸收又會令我髮尾一條條的感覺 很油膩的塊狀 同時並沒有讓我頭髮變得柔順 使用幾次就放棄它了

性價比超高，油狀質地，十分滋潤順滑，這個味道有點廁所，個人比較喜歡玫瑰薰衣草味

包裝吸引，入面會有一枝小乾花，髮油帶有花香味，香味算持久。我通常係濕髮用，吹乾後頭髮變得順滑，唔笠

香味很討好很討好，小蒼蘭清新不俗氣；質地油潤，建議少量地上調整份量比較理想

L‘Oréal Paris呢支美髮護髮油蘊含真花花萃 有係極細膩既花香 我平時按壓大概2-3滴美髮護髮油 均勻塗於髮尾上 用於半乾濕髮 再吹髮 抵禦高溫熱傷害之餘亦可以撫平毛躁髮絲 回復柔順亮澤

油狀嘅質地，以為用上頭髮會好油膩，但比想像中唔算好油，但對於乾燥頭髮嚟講會覺唔夠潤，香味唔算好好聞個隻，本人比較鍾意玫瑰味個款。

質地偏油 但for頭髮又唔夠滋潤 我頭髮唔算超級乾 味道方面 算係佢呢個系列最好聞既味 但係髮尾油黎講 又油又唔潤 覺得好一般