找產品
髮尾油 推薦好用產品
45 件
ying好用推薦：✨ KÉRASTASE 逆時光至臻香氛修護精華 經常染髮・乾性髮質・髮量少幼細 真實用後感 💬 用完真心話 我成日染髮，乾性髮質，髮量少又幼細。 搵護髮精華其實好難。 ✅ 好嘅位： ✨ 好香 木調味，好舒服 唔會太甜太假 係高級嗰種香味 **無人會抗拒** ✨ 輕盈，唔會太重 對我呢啲髮量少幼細嘅人嚟講 呢點好重要 好多護髮油用咗會塌、會笠 呢支唔會 ✨ 好夠做 佢唔係極潤嗰種 但又未到好潤 但對我嚟講已經好夠 ✨ 用完頭髮柔順咗 毛躁改善咗 打結都少咗 ✨ 吸收快 唔會成手油淋淋 ⚠️ 要注意嘅位： ❌ 唔可以用太多 我髮量少，真係一泵就夠 用多咗會太重 呢點要記住 ❌ 極度乾燥髮質可能唔夠潤 如果你係極乾嗰種 可能要再加其他產品 💡 總結： 呢支精華定位好準 唔係俾極乾髮質用 係俾「一般乾燥、受損、想要輕盈修護」嘅人用 我好啱用 🌟 我嘅總結 KÉRASTASE 逆時光至臻香氛修護精華 好香 ✔️（木調味，無人會抗拒） 輕盈 ✔️（幼細髮質都用得） 夠做 ✔️（唔係極潤但好夠） 吸收快 ✔️（唔油淋淋） 唔可以用太多 ❌ 一泵就夠，用多會塌 極乾髮
<看全文>Kitty 好用推薦：支精華油質地好輕身，唔會黐立立，搽上頭髮之後好快吸收，完全唔會油淋淋！香味係高級spa嗰種香味，淡淡哋，朝早用完成日都聞到陣味，成個人心情都好啲～ 💁 用法同效果： 我通常係頭髮吹到七成乾嘅時候，按1-2泵（我頭髮到胸襟位左右），搽响髮尾同中段，避開頭皮。之後再吹乾，啲頭髮即刻順滑咗好多，光澤感出返嚟，摸落去軟綿綿，好似做咗treatment咁！ 最明顯係之前打結梳極都唔開，而家一梳就過，仲減咗毛躁感，睇落健康咗好多。如果趕時間唔得閒做mask，用呢支油真係急救恩物！ 👍 優點同缺點： 優點當然係效果快、香味正、用量省，一支可以用好耐。缺點嘛⋯⋯價錢有少少貴（但值得！），同埋如果倒得太多，頭髮會睇落有啲塌，所以要控制好分量。 總括來講： 如果你係電染受損髮質，或者成日吹頭造型，呢支精華油真係投資得過！唔會令你失望～ 不過記住，千祈唔好搽上頭皮，同埋唔好用量過多，咁就perfect啦！
<看全文>
貓餅好用推薦：呢個牌子的護髮產品很出名，這個是髮尾油， 100毫升大大支，可以用很久，按壓出來是深黃色的，可以看到髮尾油很濃，而且液體不是很流動性，所以感覺上真的有滿滿的髮尾精華。 另外，它有非常濃烈的香味，其實都幾香的，有啲似中東國家的香味，不過塗抹在髮尾，香味散開後，就不會很濃烈。 塗抹上頭髮後，可以即時滋潤髮絲，減少毛躁，不過份量不可一次塗抹太多，否則會很笠，很重，如果頭髮髮質乾硬的朋友，可以塗抹多一點。 整體而言，都是一支可以入手的髮尾油！
<看全文>Kimchi lau好用推薦：質地比較厚身、不過塗完頭髮又不會太油、剛剛好、不過需要洗完頭之後就塗會比較好、否則就會油膩、好似隔日冇洗到頭甘
<看全文>
Miranda好用推薦：【質感】 質地係透明、流動性強嘅油狀，比想像中輕身好多，唔會覺得「漿」住。雖然標明係畀乾旱髮質用嘅「Extra Rich」版本，但推開之後感覺一啲都唔厚重，好快就被髮絲吸收。用完之後手板唔會「立黐黐」，頭髮表面清爽，對於怕護髮油用完會笠嘅人嚟講係一大優點。香味方面，佢帶有甜甜嘅雲呢拿同椰奶味，好似去完旅行嘅放鬆感。不過要注意，呢種甜味對某啲人嚟講可能偏濃，如果你鍾意清新淡香就要諗清楚。 【使用感】 呢個係最多人討論嘅位。官方建議「半乾濕」用最好：洗完頭索到半乾，揼一兩泵由耳下位置均勻搽上頭髮，再用風筒吹乾。呢個方法下，即時效果係最明顯嘅——頭髮即時順滑好多，打結情況改善，吹完仲有自然光澤。 但要注意，佢嘅修復能力比較「表面」。有啲用家反映，如果頭髮受損嚴重（例如漂染多次嘅「稻草頭」），單靠呢枝護髮油係唔夠力嘅，可能只可以幫手「輕鬆解結」，而唔係「完全柔順」。另外，搽嘅時候一定要避開頭皮，否則第二朝即刻會「油到dup」。 【持久度】 持久度方面要分兩樣嘢講。香味持久度係一大驚喜，有啲用家話香味可以維持到第二日，呢點係好多平價護髮油做唔到嘅。護理效果嘅持久度就相對普通，用完當下頭髮係順
<看全文>Myonlyone好用推薦：講到Loreal Paris呢支護髮油（通常指Extraordinary Oil「奇蹟瞬澤護髮油」），喺香港真係由學生妹用到OL，連阿媽都識。我用過金蓋（經典）同紅蓋（玫瑰），以下係平民真實用後感，冇濾鏡： 1. 質地係「輕油」定「重油」？ ▪️ 金蓋：流質偏薄，好似水狀精油，捈完手板唔會「立黐黐」。 ▪️ 紅蓋（玫瑰）：比金蓋厚少少，但都算輕身。 結論：對得住「瞬澤」兩個字，幼髮/受損唔怕變「油頭」。 2. 最正嘅用法（香港潮濕天實測） 跟足官方「半乾濕」用最見效：洗頭後用毛巾索到半乾，㩒1-2泵由耳下髮尾向上捈，再用風筒吹。吹完嗰下真係滑到跣手，仲有自然光澤，唔似打咗蠟嗰種「假滑」。 3. 香味分黨派 ▪️ 金蓋：高級椰子+雲呢拿味，偏甜，似去完旅行放鬆。 ▪️ 紅蓋：花香玫瑰味，比金蓋清新，唔會「乸」鼻。 持久度：兩個都去到第二日仲聞到陣淡淡香味。 4. 暗位/缺點（必睇） ❌ 千祈唔好捈近頭皮，否則第二日即刻「油到dup」。 ❌ 對嚴重漂染「稻草頭」嚟講，單用唔夠力，要溝多枝髮膜。 ❌ 如果本身用開Moroccanoil嗰類「重磅油」，會覺得呢枝「輕身到冇安全感」。 5
<看全文>
Nicole好用推薦：LUCIDO-L系列，幾乎全部都用過。當中以淺粉紅嘅精華油最清爽最易買到。五款官方都有建議適合使用人士，而呢款就係適合細軟髪質。因本人頭髮比較粗厚乾燥，所以一開始係試藍色修護型同埋橙色滋潤型，係因為冇貨所以先轉淺粉紅清爽型，但意想唔到雖然係好薄身嘅油（唧5-6次喺手心有時唔為意就已經流咗去手指縫)，但滋潤度完全足夠並唔黏笠，唔會令頭髮變成一束束。比其他款更易吸收同埋個花香係有驚喜。#不斷回購同埋囤貨。 另外提一提，唔好買錯深粉紅嘅抗燥型，因為抗燥型係gel狀精華油，喺掌心推開先搽都唔係咁容易完全吸收，吹頭嗰時感覺唔夠潤髪尾會打結，唔能夠由頭頂梳到髪尾，係系列當中唯一一款因為效果同用後感而唔能夠空瓶嘅精華。 最後，附上全系列五款精華油嘅官方圖俾大家參考。
<看全文>Kriskirs09好用推薦： 已經係我用嘅第二支 第一次用落覺得都唔錯 所以去日本旅行嘅時候買咗第二支 用過唔同嘅髮尾油 呢一支個質地算係好輕薄我唧出嚟都係好流質 大致上嘅用法： 1. 頭髮半濕嘅狀態下 2. 將髮尾油喺手掌心搓勻 3. 放喺耳仔下面嘅髮尾 4. 髮尾大致吸收之後將手上面剩低少少嘅髮尾油撫平一下耳仔附近嘅頭髮 5. 繼續吹乾個頭 頭髮喺半乾半濕嘅狀態最容易吸收發尾油 同埋因為我電攣咗啲頭髮 頭髮都有受損同埋乾旱嘅情況 我會順住個頭髮電攣嘅方向一路按摩唔好睇我搽緊嘅時候隻手好油 佢一陣吸收完之後就一啲都唔會黏笠 使用嘅時候都要留意份量 唔好一次過貪心用太多泵 如果唔係嘅話個頭就會好笠變成一束束😖 份量用得適宜當吹乾之後頭髮會柔順啲 我把攣頭髮都打理得整齊啲 吹完頭都唔會去到好枯乾同埋混亂 （如果平時懶唔用髮尾油嘅話真係有一種雜草嘅感覺，仲會見到有啲明顯嘅開叉，比較乾燥🤢）真係有種健康頭髮絲嘅感覺✨PS搽咗髮尾油之後吹頭好似吹得快啲🤣
<看全文>
jhope0725好用推薦：❄️冬季好多朋友着重皮膚護理，但可能忽略咗頭髮都同樣需要關注！我自己嘅頭髮係冬天會明顯變得脆弱，尤其是髮尾容易開叉，明顯見到失去光澤，所以冬天要特別着重髮尾修護！☝🏻未用護髮產品，明顯見到頭髮乾燥開叉 呢支護髮油大家已經討論好耐，今次終於買來試吓，無論乾頭髮定係濕頭髮用，都覺得佢即時修護效果不錯，頭髮會立刻順滑咗，容易梳理，毛躁程度略為減少，亦少左因為拉扯而造成嘅斷髮。 不過佢嘅質地比起一般護髮油相對厚身，喺手背上面都唔係咁容易流動，個人係油性頭皮，用完大約一至兩小時開始有黏立感覺。 ☝🏻明顯見到油質較重，流動性不強☝🏻雖然護髮油即時幫助頭髮變得順滑，不過喺添加亮澤度方面，就略嫌不足，就算使用產品後，都冇見到頭髮光澤度明顯提升，光線照射落去都係見到啞面情況。 個人覺得呢支產品修護效果不錯，不過基於價格較為昂貴，我認為同等價錢市面上會有更好嘅選擇！
<看全文>琳波小仙女好用推薦：空瓶強推！這傢夥最強的地方是會令你的頭髮超亮！超級亮！ 一開始我是無期望有一搭沒一搭的在用，直到有一晚在室內自拍時竟然見到頭髮在發亮在反光！！然後用了十秒才想起是卡詩的功勞！(づ′▽`)づ 這金瓶真的是打破了我對護髮油的所有負面印象：黏膩、厚重、睡覺時會黏到臉和枕頭袋⋯真的通通都沒有！ 以前用過很多熱門護髮油都有一種「吸不進去」的感覺…(๑•́ ₃ •̀๑) 往往用一用就會打入冷宮⋯我這懶人竟然可以把護髮油用到空瓶我也挺驚訝的。另一個金瓶很厲害的地方是乾髮濕髮用都沒問題的，都迅吸！（超像形容衛生巾lol），雖然我多數是濕髮用的，用來抗風筒的熱力傷 自從知道卡詩很有效之後我每次用量都頗大的，我是有做燙染的中長髮，吹髮前會用一bump把耳朵以下所有頭髮摸一摸再吹，頭髮吹至7成乾後會把頭髮分成兩半，各用一bump再摸一次，然後就等自然乾，乾後的頭髮就會變得很有光澤！超爽！(▰˘◡˘▰) 這個用量下我這瓶用了差不多三個月。 它的味道我覺得頗為中性，官網寫是花和木質香味，我聞不太出來，反正不難聞啦！ P.S 這瓶用完後正在服役的是卡詩小黑瓶！用了幾天貌似都很強ฅ(๑*д*๑)ฅ!!
<看全文>
Ming好用推薦：試吓新買嘅髮尾油，呢款味道超香呀！ 如果吹乾頭髮再擦，一泵就夠，太多感覺會有啲厚重，唔算好粒，可能我頭髮好乾，擦咗兩三個鐘之後都吸收晒。 如果頭髮未乾透前擦完再吹，可以用三四泵，擦完成個髮尾再吹乾，可以滋潤頭髮一整日，全日都唔覺頭髮乾燥，仲好順滑。一啲都唔會好厚重，仲多啲光澤。 我覺得呢款髮尾油好好用，價錢又實惠，值得一試。
<看全文>Evoo好用推薦：已經回購3支了！ 本人髮質：幼細，但用完護髮乳之後還是會打結～ 私心很喜歡這香味！ 既晚上洗髮後，吹至8-9成乾，然後再用這髮尾油，再用吹風機吹幾下（加強吸收） 每天使用真的讓我頭髮很順，不打給不毛燥，而且香味很舒服！不黏膩！所以一直回購❤️ 能讓我很自信的要把髮留很長，然後剪掉捐出去了！也曾經被稱讚過我的頭髮很美！ 真心推薦給髮質想改善的人～建議使用後用吹風機再吹幾下至吸收！真的不黏膩！
<看全文>
Kitty 好用推薦：支油嘅顏色係好淡好淡嘅黃色，睇落幾乎係透明嘅。質地方面，比起一般護髮精華油，呢支會比較重身同厚身少少。 呢支油乾髮濕髮都用得，但我就最推薦喺洗完頭、用毛巾抹到半乾嘅時候用。短髮用1至2滴就夠，長髮大約用3至5滴就OK。用法係先滴幾滴落手掌心搓勻，用體溫將油溫熱少少，再由髮中抹到髮尾，最後吹乾。 不過佢包裝玻璃樽嘅開口偏大，好難控制倒出嚟嘅分量，好容易一次過倒太多出嚟，搞到樽身周圍都係油。如果用嘅量太多，頭髮會變得一撮撮，望落好似好幾日冇洗頭咁。。。
<看全文>Ceccinmydin好用推薦：呢支護髮油係100%純山茶花油，無香料無色素，成份非常天然，又多用途，護髮護膚都得，就買嚟試下 但佢個質地真係非常油😱 一開頭唔知所以試過乾髮用就出晒事🥲 個頭就好似幾日無洗頭咁立，完全唔掂！濕髮用都係好油膩，好難控制份量 至於效果，宣傳可以修護受損髮絲，但層油好似浮喺頭髮表面，吸收唔到咁，搞到啲頭髮好重、好塌，一啲柔順亮澤嘅感覺都無 香港天氣真係唔啱用，環境乾燥或者平時好乾嘅人可能啱用，呢支可能會拎嚟搽身算數啦👋
<看全文>
