找產品
韓國精華 推薦好用產品
61 件
takemyokane好用推薦：流動性高的精華水質地，成分包括美容綠茶精華配方與複合透明質酸，帶有陣陣清新淡雅的綠茶草本香氣。 精華完全不厚重，滲透力高，沒有黏膩感，可以作為洗臉後的第一道前導保濕精華令後續的護膚品或底妝更加貼服，有效減少日間因肌膚乾燥而引起的溶妝與浮粉問題。如果間中想讓皮膚休息，也可以只上這個精華，不會令皮膚有任何負擔。唯獨是功能相對單一，需要疊加其他功效型精華。
<看全文>Hoikiki好用推薦：油敏皮嘅天菜！用完塊面嫩到可以掐出水 敏感肌一轉季就開始搞事，泛紅、甩皮、乾痕輪住嚟，妝都化唔掂！直到我搵到Innisfree綠茶籽透明質酸肌底精華露，真係救返條命，點解佢咁好用㗎！！！ 佢係專門為敏感肌而設嘅「補水救星」。核心成份濟州島綠茶籽油配合透明質酸，一個負責深層滲透補水，一個負責牢牢鎖水，補水效率直接倍增，幫皮膚建立強效保濕屏障，令皮膚長期保持水水嫩嫩。 佢係清爽嘅液體質地，流動性超正，搽上面輕輕一推就快速吸收，唔黐立立，之後疊加護膚品都完全冇負擔。用咗一排之後，皮膚變得水水潤潤，唔再輕易泛紅敏感，上妝都貼服到不得了。皮膚問題都可以輕鬆應付！！！ 轉季敏感、肌膚乾燥嘅姊妹們放心入手！小綠瓶幫你輕鬆實現護膚自由！！！
<看全文>
Miranda好用推薦：【質感】 首先講質地。佢係偏流質嘅乳液狀，顏色係帶少少黃嘅白色，推開嗰下好順滑，延展性極高，一粒黃豆嘅份量已經夠搽全面。上面之後初初係有水潤感嘅，但等一陣之後會慢慢收乾，皮膚表面會留低一層薄薄嘅滋潤膜，但又唔會覺得油淋淋或者黐立立。 佢嘅質地比我想像中輕身。我本來以為A醇精華會比較「杰」或者有明顯嘅油感，但呢支用起上嚟感覺好似普通嘅保濕精華，吸收速度都算快。味道方面，佢有淡淡嘅草本味，應該係積雪草嘅氣味，聞落都幾舒服，唔會太濃。 不過要留意嘅係，佢上面之後需要等一陣先會完全乾透。如果趕時間，未等到佢乾就上後續護膚品，會覺得有啲「漿住」。 【使用感】 呢個位係我最掙扎嘅地方。好嘅方面，佢嘅 「溫和程度」 係令我驚喜嘅。作為一支A醇精華，我本來預期會有一段適應期，可能會甩皮或者刺痛。但用咗大約兩星期，完全冇呢啲問題。佢嘅A醇濃度應該唔算高，加上有積雪草舒緩，敏感肌都用得幾放心。 佢嘅 「即時保濕效果」 都算唔錯。用完之後皮膚會變得柔軟水潤，洗完面嗰種繃緊感即時消失。積雪草成分似乎有少許舒緩效果，用後皮膚冇咁容易泛紅。 不過，佢嘅 「抗老效果」 我覺得只係一般。官方話可以修復同改
<看全文>Also melon好用推薦：依款係Innisfree嘅A醇同積雪草精華，個名叫速效靜肌修復精華。A醇主打抗老去皺紋，不過A醇係一種比較刺激嘅成份，佢呢款精華特別地加入咗積雪草，積雪草可以舒緩皮膚，相對地成支精華會溫和返。用咗好耐都冇刺激痕癢止痛感👍🏻 倒出嚟會比較似保濕精華質，乳白色，流質好清爽，冇負擔。A醇對於有暗粒皮膚粗糙嘅皮膚更加適合，用咗一段時間，感覺皮膚係保濕咗，但對於收細毛孔或者去暗粒冇大作用。成支精華係比較屬於維持皮膚穩定，冇好強烈嘅變化。
<看全文>
Sanna Cher好用推薦：帖文為 @cosme試用活動。 產品是凝膠質地的精華液，每次使用是注滿吸管的容量。方法是先將精華液倒在掌心，延伸至雙手掌心的位置，然後將掌心輕輕按摩全面，令精華液覆蓋全面。 經13日試用後，得出以下結果。基乎是每次使用後，必然達致美白和緊緻的效果。 膚色在每次使用後，會出現透紅，而絕不是泛紅的效果，感覺更有氣息。皮膚觸感在使用後會更顯彈性，同時不會太黏稠。 保濕度方面不算極高，但由於產品已明顯滿足美白和緊緻的要求，保濕方面可透過乳霜或其他護膚程序完成。總括來說，是有明顯提升肌膚狀況，同時感覺高級的護膚品。於我而言，產品對肌膚的最大改變，是未上妝已達致均勻膚色的膚質👍👍
<看全文>jhope0725好用推薦：AHC呢個牌子向來同我都幾夾，旗下出好多產品對於我嘅皮膚都算頗有功效，幾吸收。今次呢個系列嘅精華同面霜及眼霜，有好多韓星幫佢做代言，所以最初吸引咗我眼光。 同埋呢個系列主打醫美效果，亦都令我想嘗試只係用塗抹形式嘅產品，對比其他有做醫美嘅朋友，效果係如何？ 最初見其他網友分享，都會擔心對油性皮膚嚟講負擔太重，。結果用起上嚟，佢質地嚟講係相對厚潤嘅精華液，流動性唔算太強，相對杰身。不過就算我係油性皮膚，使用都冇大問題，沒有出現痘痘粉刺情況。 佢雖然杰，但延展性好，我嘅皮膚大概2至3分鐘可以完全吸收，所以比較建議呢個質地嘅精華喺晚上使用。否則返工前唔夠時間俾佢吸收。 由於頸紋係我比較關注嘅身體紋路，所以特別買呢個系列嚟希望改善頸部皮膚。 即時使用完，效果唔算太明顯，頸部色素不均同頸紋仍然存在。唯獨見到即時保濕，所以肌膚亮度稍微提升。 使用一個月之後，效果就相對顯著。 見到頸部皮膚有緊致左，頸紋有改善情況，頸部肌膚保濕度提升，整體效果不錯！ 不過我自己對香味較為敏感，雖然唔會引致皮膚狀況，不過唔算特別喜愛香氣太強嘅產品，呢個系列所有產品都有頗重香味，可能對於韓國人嚟講比
<看全文>
JL好用推薦：秘貼自生精華確實是名符其實的最強回購精華之一！一直覺得韓國資深品牌的護膚品得滋潤，未必適合香港偏濕偏暖的氣候使用，但這瓶秘貼精華令我完全改觀。 這精華的質地偏濃稠，塗抹在臉上出奇地順滑好推，我習慣稍為塗勻精華後搓暖雙手，再用指骨沿輪廓線做拉提動作，最後用雙手輕按全臉幫助吸收。用後毛孔變得細緻緊實，肌膚更有彈力，對步入熟齡肌的我很有幫助！
<看全文>橘子貓好用推薦：啫喱精華，有淡淡藥材香味，推開水狀，超易吸收，吸收後皮膚有種柔軟水潤感，是一般純保水精華沒有的。 雖然瓶子看上去比較大，但因為是真空泵吸瓶，容量只有20ml，每次全面3泵的用量下，不足一個月就用完一支了，除了保水外，暫時未見有其他功效。而且我是混油皮，T位天熱時用秘貼精華，有點太滋潤，感覺比較適合乾肌。
<看全文>
Kelvin好用推薦：Laneige Perfect Renew 3X Signature Serum 緊緻塑顏3X 再生精華一次過滿足三種願望，好似出奇蛋咁開心🌈🥚 通常就搽一支精華，一支精華有三隻顏色，每隻顏色代表唔同嘅功效，分別有緊致，光彩同抗皺，滿足你多方面嘅要求。 三隻精華都係唔同嘅質地，有偏油質、偏水質，三管MIX埋一齊，望落去就有啲似Double serum。而搽上面之後都幾容易推開及按摩，用完之後都幾舒服，配合按摩手法更有效。 精華係屬於一支多功效抗衰老精華，潤而不笠，平時搽返保濕面霜就可以睡覺了💤 最快見到嘅就係皮膚用完有光澤，毛孔keep住細緻度。
<看全文>Also melon好用推薦：Laneige一直都有用開佢哋嘅water bank 系列補水，呢款係比較特別嘅三管精華。 三罐精華係喺一支精華入邊分三個獨立管 三罐精華，三隻都唔同顏色嘅，有抗皺精華，（成份是A酸）、緊致精華（膠原蛋白類別）、美白精華（茶花籽類黃酮），當你一泵嘅時候三管精華就會混合唧出嚟。 因為有A醇嘅關係，晚上使用比較適合。另外三罐精華都有唔同嘅質地，混合咗之後感覺都會偏向滋潤有油分，可以夜晚輕鬆咁樣按摩吸收晒再搽面霜。 三管精華功效淡紋+提亮+緊緻，比較全面功效，每天都用得，而且都用得幾舒服。效果嚟講，感覺預防抗老勝於改善已出現皺紋。
<看全文>
布吶吶好用推薦：Laneige Water Bank Hydro Essence使用心得 冬天一到，皮膚真係乾到「噠噠聲」，冬季護膚最緊要就係補濕鎖水！Laneige呢支「水庫精華」真係我近期嘅救命草，專為對付冬季乾燥而設。 首先，佢嘅質地好特別，係帶點稠度嘅透明精華液，推開嗰陣會化成超細密嘅水珠，好似將礦物水直接注入皮膚底層咁，吸收速度好快，完全唔黏膩。喺冬天洗面後第一步用，即刻可以舒緩洗完臉後嘅緊繃感。 講到保濕效果，我真係要俾個Like！佢唔係表面濕一陣就算，而係一種深層滲透嘅水潤感。用咗之後，皮膚摸落去係軟綿綿、充滿彈性，好似為皮膚建立咗一個隱形嘅「水庫」咁。就算冬季長時間留喺暖氣房，面頰都冇以往咁容易乾到起屑，妝前用佢打底，粉底會貼服好多，冇咁易浮粉。 ✅ 優點： 1. 即時水感超強： 質地係透明凝露狀，一推開就會化水，吸收速度好快，拍上臉嗰刻有種皮膚「狂飲水」嘅感覺，即時舒緩冬季乾燥同繃緊，好舒服。 2. 輕薄唔黏膩： 對於冬天怕護膚品厚重嘅人（尤其混合肌）好友好。佢補濕但完全唔笠，後續再疊加面霜或防曬都唔會搓泥。 3. 妝前打底一流： 因為夠輕薄同水潤，用佢做妝前打底，可以令底
<看全文>Emily Leung好用推薦：Laneige Water Bank 藍色樽補水精華：真係好似為塊面「狂灌水」？ 最近天氣又濕又熱，但長期待喺冷氣房，塊面竟然可以「外油內乾」，上妝仲會「起擦膠碎」！所以即刻拎出人氣極高嘅 Laneige Water Bank 補水精華（藍色樽身嗰支）試真啲，睇下係唔係傳說中咁「補水」。 1. 外表同質地： · 包裝： 天藍色樽身好清新，按壓泵設計衛生又容易控制份量。 · 質地： 擠出嚟係半透明嘅凝露狀，一推開就化成水，冇乜黏膩感。手感好爽，好似將一啲「水分子」直接拍上塊面咁。 2. 使用感受同「水潤」效果： · 吸收速度： 極速吸收！ 基本上按摩兩三下就已經食晒入皮膚，唔會癡立立。之後嘅皮膚摸落去係軟滑咗、有種即刻飲飽水嘅感覺。 · 即時水潤度： ★★★★★ 用完最明顯係，面頰同下巴呢啲容易乾嘅位，即刻冇咗繃緊感。皮膚光澤係一種由內透出嚟嘅水光感，唔係油光。就算咩都唔搽，淨係用呢支精華，皮膚都睇落飽滿、有彈性咗。 · 長效保濕： ★★★★☆ 如果喺冷氣房，單用佢對極乾肌可能唔夠「鎖水」，建議後面加返乳液或面霜。但對於混合肌同油肌嚟講，佢嘅保濕力已經好足夠，可以維
<看全文>
Wuxx好用推薦：雖然我好鍾意試新嘢， 但每到冬天我一定會買返韓國品牌嘅護膚品， 因為佢哋嗰邊嘅氣候本身就比較乾燥， 所以我相信佢哋會更清楚點應對乾燥氣候， 係香港冬天嘅時候用佢哋嘅產品會更加適合。 呢支產品嘅質地非常濃稠並呈橙肉色， 但係非常易推開，亦都好易吸收， 冬天用佢係絕對可以改善到乾燥痕癢， 不過如果唔係濕度低過30度嘅話， 通常咁濃稠嘅精華我都會配流動性高嘅爽膚水用， 避免皮膚負擔過重同谷瘡~**推開會見到有啲閃令令咁
<看全文>Mo Wong好用推薦：呢款精華帶好輕微味道，味道ok，質地偏水狀微黃色，好易推開同好快吸收，感覺清爽舒服，好啱夏天用，用左幾日，覺得保濕做得唔錯，見到用左皮膚狀態好左，望落水潤同有光澤左，至於淡紋同提拉方面，用時間短暫見唔到效果，不過會購入長用試下。
<看全文>
chewyfruit好用推薦：#火熱新品 用完之后真係好震撼…… 有咗呢支Laneige水光精華，以後都唔使特登飛去韓國做美容療程喇。。。 一出就喺護膚品競爭激烈嘅韓國賣斷貨，穩坐Olive Young新晉頂流位置。。。 作為實打實嘅水光精華，佢最大嘅殺手鐧就係用咗韓國pfk級別嘅配方，再加埋弱酸性。比水楊酸更溫和，又比單一乳酸更見效，敏感肌都可以放心用！最犀利嘅係無痛透皮技術，可以滲透到10層咁深，先幫你養細皮膚，再逐層補充營養，零毛孔嘅韓女肌邊個唔想要呀！以後都唔使靠磨皮濾鏡嚟執靚相！ 成分真係頂級，有院線同款嘅PDRN、交聯透明質酸同谷胱甘肽，完全係將韓國水光1:1復刻出嚟。唔使飛韓國、唔使打針、唔使使幾千蚊，喺屋企都享受到韓式「無痛水光」呀！ 仲要驚喜嘅係佢嘅細節做到足！呢種負壓鎖鮮設計，㩒一下出一滴，乾淨之餘又可以鎖住成分活性。水感精華質地更加係一絕，一搽就化開，即刻吸收晒，上面清爽唔黐立立，膚感輕盈到完全冇負擔。 堅持用落去，變化係睇得出：以前嗰種「殘樣」直接逆襲成韓妹水光肌，塊面細緻透亮，捱夜搞到嘅細紋乾紋都淡咗好多。連化妝都好似開咗外掛咁，粉底貼到好似焊咗喺塊面度，而家我塊面水光感滿到就
<看全文>Sakura醬好用推薦：#火熱新品 Laneige 2026年必買精華 💧Laneige水庫補濕煥膚水光精華，主打保濕修護+煥亮，核心Aqua Glass Booster™技術，深層補水，改善暗啞，提升水光感✨。質地輕盈唔黐𥹉，適合多種膚質，尤其乾燥肌，啱晒追求自然護膚嘅姊妹們💕。 韓式水循環修護｜玻璃水光肌 ①7.7%光感煥膚精萃 代謝角質 啟動吸收力 + ②水光能量注能精萃 PDRN X 多重玻尿酸 +113%保濕力 -80%乾燥死皮 即刻水光肌 就好似啱啱做完肌膚護理療程一樣！ 主要功效： 核心係「補水」同「煥亮」。佢透過Aqua Glass Booster™技術，主打深層補水，改善暗啞，令皮膚睇落水潤透亮。 佢嘅「多酸」成分（如水楊酸、果酸）可以溫和代謝老廢角質，令皮膚更光滑透亮，適合追求水光感同改善暗啞嘅姊妹。 質地同使用感： 質地比較輕薄，吸收快，唔黐𥹉，適合多種膚質，尤其係乾燥肌。安瓶設計方便單次使用，旅行攜帶都好方便。 使用方法： 早晚喺化妝水之後用，日頭建議最後一步配搭保濕防曬，一齊更好守護肌膚光澤。 姐妹們，如果你主要想解決皮膚乾燥、暗啞、冇光澤嘅問題，想俾皮膚飲飽水，睇落更透
<看全文>
mandy好用推薦：Sulwhasoo 雪花秀 Concentrated Ginseng Rejuvenating Ampoule 滋陰生人參煥顏高效精華液 $880/ 20ml 功效: 提亮+緊緻+抗皺+舒緩 滋陰生人參煥顏高效精華液蘊含不少美肌成分，包括：保濕成分、抗衰老成分、抗氧化成分、鎮靜消炎成分及美白等成分。 由於滋陰生人參煥顏高效精華液的質地比較水感清爽，所以我在秋冬季使用時會混合美肌油或美肌膠囊一起使用，使滋潤度可以有所提昇。延展性極佳，可以輕易在全面均勻推開。 滋陰生人參煥顏高效精華液帶明顯人蔘香味，聞慣了覺得也不會不喜歡。 使用了差不多一整瓶，覺得膚況比較使用前更穩定，而且保濕力也有進步(做肌膚測試有改進)。使用後，提亮效果明顯，肌膚更是散發自然水光光澤。抗皺方面，雖然法令紋沒有完全消失，但也保持在較淡的狀態，並沒有加深。配合由下而上的按摩手法，肌膚漸漸變得更緊緻。 滋陰生人參煥顏高效精華液是早前用生日優惠半價購入，如果是要用正價入手(1瓶只有20ml 很快就用完)，會覺得太貴了，不可能一直長期使用，看來我還是比較在乎性價比。 (Formula 1)
<看全文>Emma W好用推薦：其人參換顏精華露，感覺唔錯。一唧出嚟，有濃濃嘅人參味。質地輕盈，但偏有少少油質，適合秋冬天時使用。用左一個月左右，面部皮膚緊緻有光澤，起碼唔會洗完面後好乾燥。感覺唔錯。 適合肌膚：任何 成效度：4/5 保濕度：4/5 吸收度：4.5/5 值得推薦度：4/5
<看全文>
Wuxx好用推薦：一直有買開依個brand嘅產品，準確黎講係一到冬天就必然會去佢舖頭一轉。 韓國出名氣候乾燥，所以到冬天我就會去買韓國品牌嘅護膚品黎用， 因為我深信佢地一年四季都咁乾，對付乾燥天氣一定有一手。 一開始踏入輕熟肌嘅時候咩都唔識，上網左睇右睇，見到全智賢幫依個品牌做代言！ 就係咁，我認識左依個品牌同入左坑~ 依個品牌主打自然發酵護膚，成件事好天然。 佢每一件產品都帶有少少韓藥香氣，由嗅覺到用完嘅觸覺都好舒服。 而佢依個精華都好符合到輕熟肌嘅需求，可以做到保濕，收毛孔同重建肌膚回彈力，冬天用真係好有保障同安全感🥳 質地濃稠但又做到易推開同易吸收，唔需要擔心用完會黏腍。 唯一缺點係我入坑之後佢就轉左代言人！sad me~
<看全文>Milo101好用推薦：🌟黃色gel狀，有少少黏黏感 🌟怕立的可以簿簿塗上 🌟用後覺得皮膚穩定，溫和，滋潤性很強
<看全文>
Lilian Ching好用推薦：超推這款！！ 一開始是在專門店買東西時收到試用裝，那時剛好皮膚狀態不太好，一使用後便驚為天人 那陣子我的皮膚不知為何變得突然有點粗糙(不是敏感)，比較難吸收護膚品 使用了這款精華幾日後，皮膚竟變回柔軟水潤的狀態 後來查一下成份，原來裡面有維生素B3和B5，好像有增加皮膚彈性的功效， 雖然這款主打美白，但我最有感的是皮膚變柔軟。 質地是我喜歡的透明水狀精華，擦上臉也不會有油膩感，很好吸收。 本身皮膚很容易出油，夏天只擦爽膚水跟這瓶就夠了，如要上妝的話就會加上清爽的乳液。 氣味是淡淡的柑橘味，不喜歡強烈香料味的人應該都較容易接受。
<看全文>suetying好用推薦：是次有活動 主題是關於美白 我就立刻想起這支美白精華 我要自打嘴巴一下 一開頭用我是對它沒有太大興趣 但最近再用它 用的次數由一開始一週一、兩次 轉為每晚都會用它 才發現到它的驚人之處 一直以為自己是一個皮膚白的人 直至 有一日我照鏡時 發現自己的懶惰令我皮膚已不是像從前般 膚色開始不均了 我就想起這支精華… 這支美白精華 是打開就聞到淡淡的橘子味道 我很喜歡它的味道 質地不是太黏的精華 大約30秒就會完全吸收 就算是上妝前用 它的質地也不會跟之後的底*’‘打交’‘ 不過我較喜歡在晚間睡前用 感覺連續用完之後 皮膚有種均勻左既感覺 如果係岩岩曬黑後用 每晚用係會慢慢有美白的效果 （需要晚晚用同份量盡量用多d)先會有效果 … 整體黎講 又係一個對皮膚無負擔既一種美白護膚品 我都好推介比各位想美白的sis #抗黑美白對策 #抗黑美白對策
<看全文>
Yty好用推薦：呢支保濕精華外型簡約美觀，樽蓋設計係旋轉式，非常之方便使用，有淡淡嘅清新香味聞落去好舒服，用咗兩支覺得皮膚飲飽水後「透明感」顯著提升，日頭化妝前用佢明顯幫到底妝更貼服，晚上可以單用呢支保濕精華，亦可以按需要可以另外再他功能性產品，性價比極高，會keep住用 #【提升肌膚透明感的護膚品】 #「透明感」 #保濕
<看全文>Kelvin好用推薦：呢款LANEIGE水庫補濕微質酸精華係乳白色半透明啫喱，帶有微香。作為一枝補濕精華黎講，表現中規中矩，價錢都幾親民，近幾年LANEIGE換咗包裝，感覺高級啲。 精華比較適合春夏季使用，用完之後冇乜黏膩感，水潤度得以提升。純保濕功能，正因為佢係比較薄身嘅補水精華，用上去即時可以舒緩到潔面後嘅緊繃感。精華入邊裡面有透明質酸，可以幫助提升皮膚嘅彈性。 因為質地算好輕薄，如果需要強效保濕可以選擇其他產品會更好。滋潤感亦唔會好持久，尤其係如果天氣特別乾燥，可能會有點不夠，搭配啲滋潤嘅面霜會好啲。 推介人士💁🏻♂️學生黨、混合性皮膚至油性皮膚
<看全文>
natanatalie好用推薦：我第一次用 Laneige 膠原彈滑嫩肌精華 嘅時候，係一個秋天夜晚，天氣開始乾燥。擠出嚟嘅精華係淡粉色水感質地，好輕盈，推開喺臉上冇黏笠感，反而好似一層柔滑薄膜咁鋪開。吸收得好快，幾乎唔使等，皮膚就好似即刻飲咗水，變得柔軟同有彈性。 過咗一陣，我摸臉嘅時候，覺得皮膚表面平滑咗，仲帶有少少彈力。照鏡嗰刻，臉頰睇落去飽滿咗，細紋冇咁明顯，膚色都透亮咗。嗰種由內而外嘅光澤感，令我覺得好安心，特別係秋天乾燥空氣底下，肌膚好似真係有保護。 連續用咗一個星期，我發現上妝更貼服，唔容易浮粉。肌膚嘅彈性比以前好，成日都有種慢慢回復活力嘅感覺。雖然佢唔係即刻見效嘅產品，但嗰種持續滋養同改善，令我覺得自己真係慢慢養緊一張健康嘅臉。 總結嚟講，呢支精華俾我嘅用後感係「輕盈、快吸收、持續滋養」。秋天用起嚟啱啱好，唔會太厚重，又能夠補足乾燥季節嘅缺口。每日照鏡嘅時候，都覺得自己皮膚有啲唔同，好似真係滑嫩咗。
<看全文>Paris merci 好用推薦：依枝Laneige serum超重膠原蛋白，含有牡丹成份同蛋白膠原🥚有助減輕皮膚細紋，令皮膚有彈性，促進面部提拉。 佢嘅精華係粉粉地，一滴蘊含24,000水光科技微囊，平時夜晚最鍾意配搭佢哋嘅睡眠面膜，可以去紋同時保濕，兩種嘅質地都係非常之清爽開冷氣用好冰涼，精華有去有淡淡嘅牡丹花香，幾好聞。 我堅持用晒大半支皮膚，皮膚冇負面嘅反應，肉眼睇落光澤多咗，細紋淡咗，感覺對於夜瞓嘅人嚟講更加有效果。皮膚充滿透明感，有一種粉嫩水光肌嘅感覺💕 #透明感
<看全文>
