韓國精華 推薦好用產品

Josephine Ng好用推薦：PDRN 精華，塗抹後皮膚更有光澤 對修護毛孔很有幫助 比一般的精華更加杰身

葉子🍃好用推薦：透明色精華，比較水狀，肌膚快速吸收，日日用都可以，感覺舒緩降紅，用後有美白淡斑效果，很快已清空一瓶

Jenjen好用推薦：朋友介紹，我買咗三支精華保濕，搽上面呢都幾保濕，暫時都幾啱用，不過要試吓再凍啲嘅天氣啱唔啱！

Sakura醬好用推薦：INNISFREE 超強補水精華 最近試咗INNISFREE嗰款綠茶籽精華，真心被佢嘅補水力嚇親！🌿💧 我本身係偏乾肌，尤其成日留喺冷氣房，塊面好易乾同繃緊。用咗呢款綠茶精華之後，皮膚明顯有改善，又水潤又清爽！ 佢嘅質地輕身易推，搽上塊面一啲都唔笠唔黏，而且吸收得好快。朝早用都完全冇問題，唔會悶痘，之後上妝仲貼服啲。 持續用咗一兩個星期，真係覺得皮膚變得柔軟有光澤，連原本乾燥嘅細紋都唔見咗，成塊面好似飲飽水咁💦 如果你都係成日對住冷氣、皮膚容易乾嘅話，呢個綠茶精華真係超啱你，清爽又保濕 👍

Fng好用推薦：佢個樣咁靚咁可愛🥰就買咗返嚟試下😍 綠茶籽保濕精華有效補充肌膚水分，使肌膚水潤透亮。質地水狀，易於推開，吸收快，不會有黏膩感。綠茶成分有助於舒緩肌膚，對乾燥、敏感肌膚有一定幫助，而且價格親民，容量大，性價比高，適合所有膚質，特別是乾燥敏感肌。😒缺點係用於妝前，可能會導致妝容起屑🤐 總體來說，Innisfree綠茶籽保濕精華是一款性價比高、保濕效果不錯的產品，適合大部分膚質使用，尤其是在日常保濕方面表現優秀。 但如果擔心妝容起屑的問題，建議在使用前測試吓先。 #補濕

Wuxx好用推薦：雖然我好鍾意試新嘢， 但每到冬天我一定會買返韓國品牌嘅護膚品， 因為佢哋嗰邊嘅氣候本身就比較乾燥， 所以我相信佢哋會更清楚點應對乾燥氣候， 係香港冬天嘅時候用佢哋嘅產品會更加適合。 呢支產品嘅質地非常濃稠並呈橙肉色， 但係非常易推開，亦都好易吸收， 冬天用佢係絕對可以改善到乾燥痕癢， 不過如果唔係濕度低過30度嘅話， 通常咁濃稠嘅精華我都會配流動性高嘅爽膚水用， 避免皮膚負擔過重同谷瘡~**推開會見到有啲閃令令咁

Mo Wong好用推薦：呢款精華帶好輕微味道，味道ok，質地偏水狀微黃色，好易推開同好快吸收，感覺清爽舒服，好啱夏天用，用左幾日，覺得保濕做得唔錯，見到用左皮膚狀態好左，望落水潤同有光澤左，至於淡紋同提拉方面，用時間短暫見唔到效果，不過會購入長用試下。

mandy好用推薦：Laneige Perfect Renew 3X Signature Serum 緊緻塑顏3X 再生精華 $650/ 40ml $1300/ 130ml (Laneige 推廣套裝) (40ml x 2; 20ml x 1; 2ml*5 x 3) 功效：淡紋+提亮+緊緻 緊緻塑顏3X再生精華是由抗皺精華、緊緻精華及光彩精華3合1混合出來的多功能護膚精華。 抗皺精華的質地是精華油狀，緊緻精華為乳液狀，而光彩精華則為水狀。3款精華混合後，質地是很水潤、流動性高的精華液，非常易於推開，而且稍加按摩已很快被肌膚吸收，也不太有黏笠感，使用感很舒適。 通常日系的抗衰老/抗皺護膚品都會偏向較滋潤的質地，但不是所有膚質都是適合滋潤型的抗衰老護膚品，緊緻塑顏3X再生精華給予大家多一個選擇，就是抗衰老護膚品也可以是潤而不笠，而且有效的。 成分方面，3款精華加起來蘊含不少優質護膚成分，包括保濕、抗衰老、抗氧化、鎮靜消炎及美白等成分。 使用後，肌膚水潤亮白，配合由下而上按摩，面部變得更緊緻拉提，法令紋也變得不明顯。 光彩精華 含保濕成分: 甘油, 丁二醇, 雙丙甘醇, 木醣醇, 乳酸桿菌發酵

GinGin好用推薦：講到三款精華一齊用好似好勁咁，就試下，用左係會幾有光澤，但要加保濕精華先得，否則會好乾，同埋$650一支好貴

applepie好用推薦：官網買嘅試用套裝其中一枝，唧出嚟有淡淡人蔘香，搽上面配合埋按摩可以促進精華發揮其緊致功效！用咗一段時間，覺得面部肌膚比之前緊致了，遲啲會回購大size💕

Fng好用推薦：朝早塊面暗啞，搽咗之後明顯去黃， 清爽又夠 保濕 同埋令到肌膚穩定，朝早我用唔會同底妝打交。

JL好用推薦：秘貼自生精華確實是名符其實的最強回購精華之一！一直覺得韓國資深品牌的護膚品得滋潤，未必適合香港偏濕偏暖的氣候使用，但這瓶秘貼精華令我完全改觀。 這精華的質地偏濃稠，塗抹在臉上出奇地順滑好推，我習慣稍為塗勻精華後搓暖雙手，再用指骨沿輪廓線做拉提動作，最後用雙手輕按全臉幫助吸收。用後毛孔變得細緻緊實，肌膚更有彈力，對步入熟齡肌的我很有幫助！

橘子貓好用推薦：啫喱精華，有淡淡藥材香味，推開水狀，超易吸收，吸收後皮膚有種柔軟水潤感，是一般純保水精華沒有的。 雖然瓶子看上去比較大，但因為是真空泵吸瓶，容量只有20ml，每次全面3泵的用量下，不足一個月就用完一支了，除了保水外，暫時未見有其他功效。而且我是混油皮，T位天熱時用秘貼精華，有點太滋潤，感覺比較適合乾肌。

Bear好用推薦：這個真的是雪花秀最不應該停產的產品啊！很濃的白蔘香氣，半透明的質地幾滴就塗完全臉（我的話一天只用到大概1毫升）非常滋潤卻清爽，然後重點是居然有去掉油脂粒，和幾天變白的效果（連他們員工都驚訝我覺得這麼有效）！回購了很多次但是近年轉配方成concentrated ginseng brightening line，變太黏膩...

lingbb好用推薦：- 想要美白+ 保濕精華唔好錯過呢款 - 含溫和美白中藥成份叫「白參」，有效改善膚色不勻、蠟黃、黯沈、老化、代謝毒素及殘留色素 - 好香既中草藥味，質地係半透白少許杰既精華，易推好吸收，我通常係晚上時使用一泵份量塗全臉。 -使用一段時間後，皮膚明顯變得有彈性、飽滿亮白。再加埋做好防曬，皮膚係有明顯白咗一度😀 - 由於係溫和成份，並無敏感不適 - 價錢有點偏貴，可以係減價時考慮入手試試！

C好用推薦：買咗Innisfree嘅早C晚A護膚品試試 佢哋嘅維他命C精華同完一樽 效果好好👍🏻 要配搭埋呢枝A醇精華一齊用 呢枝質地偏水 清爽 好啱夏天用 就算而家喺天氣乾燥用 都可以疊加 用落冇敏感 幾舒服

tellasss好用推薦：痘痘肌，成日聽人講A醇好用，但係驚過敏又驚爆痘，INNISFREE呢支拯救咗我塊爛臉🥹🥹搽上面唔會刺痛，連續用5日痘痘退散左好多 搭配埋佢嗰支維C精華一齊做早C晚A，效果好驚喜！紅印、膚色暗沈都KO埋🥹一定回購！ 

格仔餅公主好用推薦：#火熱新品 佢個保濕幾啱夏天用，唔會好笠，搽完之後好快吸收，我之後直接上妝個妝會貼好多，俾我嘅感覺有啲驚喜，如果想搵三百零蚊保濕精華又有效嘅話可以試吓佢

Verna好用推薦：這支精華的包裝很吸晴，冰藍色的包裝，連精華液的顏色也是帶點冰藍色，看見就已經有點透心涼的感覺，很適合夏天用 它的質地很水很流質，很容易推開，一pump就可以搽勻全面，皮膚也吸收得很快，搽完後感覺皮膚很水潤，而且完全沒有黏笠感，這點在夏天真的很重要 可能因為補充了肌底的水份，我發現我的出油情況減少了，所以會keep住用

amyng888好用推薦：乾燥肌恩物‼️ 質地水潤，快滲透，瞬即為肌膚大量注水、保濕，而且清爽唔笠身，用後肌膚觸感水嫩飽滿～

Milo101好用推薦：🌟質地比較水潤 🌟塗在臉上幾舒服，柔軟 🌟用完皮膚穩定，不會敏感

黯然仙人掌好用推薦：混油肌超適合嘅韓國神仙水 質地輕型易吸收，保濕無負擔，妝前使用唔會起擦膠碎。 夏天可以單用，冬天可以配搭多枝精華。 長期用會feel 到皮膚細緻咗，穩定咗。

Emma W好用推薦：係買面膜時附有的step 2 精華。使用後肌膚感覺非常水潤，能夠持久保持水分。其能夠改善皮膚的緊緻度，使肌膚看起來更加平滑緊實。精華質地輕盈，搽上面後滑滑的，容易被肌膚吸收，不會感到黏膩。 加上產品成分標榜多為天然發酵成分，讓人感到安心，對肌膚友好。 適合肌膚：任何，敏感肌都可 成效度：3.5/5 保濕度：4/5 吸收度：4/5 質地：滑滑的 值得推薦度：3.5/5

Milo101好用推薦：🌟這個精華是secret面膜三部曲附有的精華，每次敷完面膜再塗上這個精華，效果加乘，繼續維持光澤滋潤的皮膚 🌟雖然是緊緻精華，但質地一點都不立，好推，用後皮膚感覺柔軟

killkew.b好用推薦：抵買之選～大大支～有排用！ 質地比較厚身，上臉需要少少時間吸收，四季適用！ 按自己需要用多少少份量都唔會肉赤！ 泵頭設計非常方便使用，一定買定支看門口！

choichoi好用推薦：質感有點滑滑的，質地雖然不是濃稠但就是有點難吸收，要是配對錯誤更會起屑

Wuxx好用推薦：一直有買開依個brand嘅產品，準確黎講係一到冬天就必然會去佢舖頭一轉。 韓國出名氣候乾燥，所以到冬天我就會去買韓國品牌嘅護膚品黎用， 因為我深信佢地一年四季都咁乾，對付乾燥天氣一定有一手。 一開始踏入輕熟肌嘅時候咩都唔識，上網左睇右睇，見到全智賢幫依個品牌做代言！ 就係咁，我認識左依個品牌同入左坑~ 依個品牌主打自然發酵護膚，成件事好天然。 佢每一件產品都帶有少少韓藥香氣，由嗅覺到用完嘅觸覺都好舒服。 而佢依個精華都好符合到輕熟肌嘅需求，可以做到保濕，收毛孔同重建肌膚回彈力，冬天用真係好有保障同安全感🥳 質地濃稠但又做到易推開同易吸收，唔需要擔心用完會黏腍。 唯一缺點係我入坑之後佢就轉左代言人！sad me~

Milo101好用推薦：🌟黃色gel狀，有少少黏黏感 🌟怕立的可以簿簿塗上 🌟用後覺得皮膚穩定，溫和，滋潤性很強

布吶吶好用推薦：Laneige Water Bank Hydro Essence使用心得 冬天一到，皮膚真係乾到「噠噠聲」，冬季護膚最緊要就係補濕鎖水！Laneige呢支「水庫精華」真係我近期嘅救命草，專為對付冬季乾燥而設。 首先，佢嘅質地好特別，係帶點稠度嘅透明精華液，推開嗰陣會化成超細密嘅水珠，好似將礦物水直接注入皮膚底層咁，吸收速度好快，完全唔黏膩。喺冬天洗面後第一步用，即刻可以舒緩洗完臉後嘅緊繃感。 講到保濕效果，我真係要俾個Like！佢唔係表面濕一陣就算，而係一種深層滲透嘅水潤感。用咗之後，皮膚摸落去係軟綿綿、充滿彈性，好似為皮膚建立咗一個隱形嘅「水庫」咁。就算冬季長時間留喺暖氣房，面頰都冇以往咁容易乾到起屑，妝前用佢打底，粉底會貼服好多，冇咁易浮粉。 ✅ 優點： 1. 即時水感超強： 質地係透明凝露狀，一推開就會化水，吸收速度好快，拍上臉嗰刻有種皮膚「狂飲水」嘅感覺，即時舒緩冬季乾燥同繃緊，好舒服。 2. 輕薄唔黏膩： 對於冬天怕護膚品厚重嘅人（尤其混合肌）好友好。佢補濕但完全唔笠，後續再疊加面霜或防曬都唔會搓泥。 3. 妝前打底一流： 因為夠輕薄同水潤，用佢做妝前打底，可以令底

Emily Leung好用推薦：Laneige Water Bank 藍色樽補水精華：真係好似為塊面「狂灌水」？ 最近天氣又濕又熱，但長期待喺冷氣房，塊面竟然可以「外油內乾」，上妝仲會「起擦膠碎」！所以即刻拎出人氣極高嘅 Laneige Water Bank 補水精華（藍色樽身嗰支）試真啲，睇下係唔係傳說中咁「補水」。 1. 外表同質地： · 包裝： 天藍色樽身好清新，按壓泵設計衛生又容易控制份量。 · 質地： 擠出嚟係半透明嘅凝露狀，一推開就化成水，冇乜黏膩感。手感好爽，好似將一啲「水分子」直接拍上塊面咁。 2. 使用感受同「水潤」效果： · 吸收速度： 極速吸收！ 基本上按摩兩三下就已經食晒入皮膚，唔會癡立立。之後嘅皮膚摸落去係軟滑咗、有種即刻飲飽水嘅感覺。 · 即時水潤度： ★★★★★ 用完最明顯係，面頰同下巴呢啲容易乾嘅位，即刻冇咗繃緊感。皮膚光澤係一種由內透出嚟嘅水光感，唔係油光。就算咩都唔搽，淨係用呢支精華，皮膚都睇落飽滿、有彈性咗。 · 長效保濕： ★★★★☆ 如果喺冷氣房，單用佢對極乾肌可能唔夠「鎖水」，建議後面加返乳液或面霜。但對於混合肌同油肌嚟講，佢嘅保濕力已經好足夠，可以維

Kpl6be6好用推薦：#火熱新品 蘊含胺基酸精華水及 PTD 胜肽成分～係一支高保濕力透明安瓶～可以為肌膚注入彈力保濕感～有助抗皺&整頓肌膚紋理🫶🏻😚😚質感水潤唔黏笠～吸收得好快！！

amyng888好用推薦：質地水感快滲透，一次過幫皮膚保濕、緊緻、撫平皺紋，可以好好呵護乾燥、敏感肌😊

royu3好用推薦：乳白色的水狀精華，伸延性高，輕拍就能吸收。皮膚有即時變得水潤，但效果不持久。踏入夏季常開空調，翌日早上更會有輕微乾燥感。由於它質地真的很輕薄，我認為它比較適合春季使用。另外，濃濃的香料味也是令我卻步的原因，不考慮回購。

WSY好用推薦：有少少香味，好好聞！！皮膚吸收到幾多，好補濕好水潤。化妝前用都好持久！

何何好用推薦：我用左呢支超過五支，當試用其他唔岩用/出問題時用返佢好快就好返，岩廿尾初熟肌，佢有抗衰老抗氧化成份，cp值(尤其係vip sales)高，好抵用❤佢保濕得黎皮膚好舒服，冇吉吉感，不會敏感，配合埋佢支乳液lotion好fit

Selina 好用推薦：早排塊面乾到裂開，粗過砂紙…..搽咩都冇救 咁岩搵到支旅行裝 見佢係高效補濕就試試佢 三日後塊面奇蹟地前所未有咁滑😱 本懶人平日好少認真保養自我放棄 今次完全覺得原來自己係有得救😂 真係太神奇 精華唔會好黐立立 不過我自己就淨係夜晚用，日頭嚟講我覺得立左少少（我鐘意清爽） 補濕效力真係高 比起乳液佢冇咁立 我平日唔太鐘意黐立立 所以精華同乳液我只會搽其中一樣 Overall我會推薦～我會再買的～