日本粉底 推薦好用產品

Chloeincosme好用推薦：Suqqu 粉底液出名做到日系透薄，微奶油肌既效果，用慣咗韓式粉底嘅我終於試到！ #火熱新品 1) 輕薄透亮 上妝已經feel到日系粉底果隻透薄感，用慣了修飾度較高的韓式粉底，一上臉就能明顯感覺到 SUQQU 的「輕盈」。遮瑕度大約只有中低水平，瑕疵需要另外遮，但平滑毛孔、均勻膚色既效果非常細緻，完全沒有面具感。 2) 奶油肌妝感 妝效名不虛傳！上妝後會帶有一層微微的、高級的「微奶油肌」光澤，顯得皮膚底子很好，有種低調閃耀的日系雜誌風。 3) 控油力實測：混合肌/油肌要留意 呢款粉底的控油效果不算特別強。實測大約 5 至 6 小時後，T字位和面頰的油光就會開始明顯，可能更適合在秋冬季節、或者長期在冷氣房工作時使用，夏天用可能要加強控油底霜。 4) 上妝小撇步 上完唔可以即刻定妝： 我既做法係粉底液上臉後，先用小風扇仔吹一吹，讓底妝稍微成膜、乾透。 如果一上完粉底液就上粉，底妝很容易會打架，導致結塊。 總結： 對於混乾肌黎講，我會夏天收埋佢先得，秋天會好中意🥰

Look ca好用推薦：質地薄貼, 如想遮多少少斑點，就於局部地方上蓋多一點, 可省卻使用遮瑕膏, 不過最好補上碎粉, 令妝容更持久！

Miranda好用推薦：【質感】 首先講質地。佢係好輕身嘅流質狀，流動性極高，唧出嚟會跣走嗰種。推開嗰下好順滑，好似搽緊輕盈嘅精華液而唔係粉底。上面之後好快就乾，但完全唔會覺得「漿住」或者厚重，感覺就好似第二層皮膚咁薄。 我最驚喜嘅係佢嘅 「粉感極低」 。之前用過好多粉底，就算標榜輕薄，用完之後都仲係會見到粉粒。但呢支小方瓶2.0，我化完妝之後望塊面，係見到皮膚嘅質感而唔係粉底嘅質感。近距離照鏡都睇唔到粉痕，呢點真係好高質。 佢仲加入咗日本大米精華同山茶花籽油，用完之後塊面有種自然嘅光澤，但又唔係油光嗰種，而係好似皮膚本身好健康嗰種透亮感。 【使用感】 呢個位係我最滿意嘅部分。我本身係混合偏油肌，T字位易出油，兩頰有時會乾。呢支粉底液嘅 「控油效果」 做得幾好，但又唔會令到兩頰覺得乾。搽完之後，T字位唔會話好快就出油，就算出咗油，佢都係融合得幾靚，而唔係浮粉或者溶妝。 佢嘅 「遮瑕度」 屬於中度，可以修飾到泛紅同毛孔，黑眼圈同痘印就遮到五六成左右。我本身唔係追求完美無瑕妝感嘅人，所以呢個遮瑕度對我嚟講啱啱好，自然得嚟又有修飾。如果當日有明顯嘅暗瘡印，我會額外用遮瑕膏補一補。 我最鍾意佢嘅 「不氧化

Emily Leung好用推薦：哈嘍～今日同大家開心share下植村秀小方瓶2.0嘅新色號 #784 用後感！😉 ✨ 首先講吓色號： #784 係黃調一白，好適合追求自然白皙感嘅亞洲肌膚！我本身係黃二白，用佢有少少提亮效果，但唔會假面，同頸部色差好細，出街好自然～ 如果你中意啲粉底同膚色融合得好，呢隻色真係好靚！ 💁🏻‍♀️ 質地同妝感： · 質地水潤，推開好順滑，上臉係半霧面啞光妝效，睇落好高級！ · 遮瑕度中等偏上，普通毛孔同暗瘡印一層基本上蓋到七八成，反覆疊加都唔會厚重。 · 因為係持久型粉底，乾得比較快，建議分區上妝，快速拍開！ 🌞 持久度： 廣東天氣咁悶熱，佢真係挺得住！我帶妝8個鐘，T位有少少出油，但冇溶妝，反而同皮膚油分融合後更有光澤感。口罩都只係沾到少少，表現唔錯～ ⚠️ 小貼士： 皮膚偏乾嘅姐妹，妝前保濕要做好！如果唔係鼻翼同眼底可能會有少少卡粉。油肌同混合肌應該會好愛佢～ 總體來講，小方瓶2.0嘅 #784 係隻好百搭嘅色號，妝感自然又持久，好適合日常返工或者出去玩用！推薦大家去專櫃試吓色，睇吓夾唔夾自己膚質啦～ 💕

Fng好用推薦：KATE 零瑕肌密粉底液｜ 混合偏乾肌的香港春天濕戰攻略🌧️ 喺香港「回南天」嘅高濕度環境下，呢支粉底液反而變成混合偏乾肌嘅 「神隊友」——只要識得用，春天嘅潮濕反而解決咗冬天最頭痛嘅乾燥問題： 💧 春天質地大不同 當環境濕度超過80%，原本冬天覺得偏乾嘅質地， suddenly變得 「啱啱好」 。液態轉粉嘅過程因為空氣中嘅水分變得更加順滑，唔需要刻意加強保濕打底，已經可以做到貼服零卡粉。 🌧️ 回南天實測表現 ▸ 濕度90%早晨：薄上一層已經足夠，粉底同皮膚融合得自然，唔會因為潮濕而浮粉 ▸ 全日口罩測試：控油力喺春天剛剛好，唔會因為濕度高而溶妝，除低口罩依然完整 ▸ 下午補妝：即使T位輕微出油，用紙巾印走油光後妝容依然完好，唔需要補粉底 🎭 春天妝效進化 冬天用可能會覺得偏霧面，但春天嘅潮濕天氣反而令妝效變成 「絲絨微光」——有種天生好皮膚嘅通透感，又唔會油光滿面。呢支喺春天嘅表現比冬天更出色！ 💡 回南天使用秘笈 1. 簡化妝前保養：春天濕度高，妝前只需要輕薄保濕就夠，太滋潤反而會令粉底容易移位 2. 定妝技巧：因為本身已經係粉霧妝效，可以完全跳過蜜粉步驟，保留自然絲絨

Kala好用推薦： KATE零瑕肌密粉底液質地輕薄絲滑，延展性佳，塗抹後肌膚觸感柔滑，遮瑕力約7成，能有效修飾毛孔、痘印與輕微泛紅，打造自然透亮妝感。持妝力強，混油肌使用8小時仍清爽不暗沉，控油效果不錯，適合秋冬。乾肌建議搭配保濕打底，避免些許卡粉。色號選擇偏自然，貼合亞洲膚色，日常通勤妝容好選擇，性價比高，值得回購。

Bendict好用推薦：因為之前皮膚狀態唔太好 可能寫嘅心得唔準確 而家好返就修改返以前嘅心得同評價😹 植村秀粉底 有分霧面同光澤 兩者差別在於光澤形 係比較潤 霧面嗰一支 冬天乾燥有少少難上🫠 呢一支光澤形 係比較適合秋冬天氣用 植村秀嘅粉底 兩支粉體都做得好細👍 化完個裝亦都非常貼 乾燥天氣亦都唔會卡粉 我用嘅色號係674 有提亮效果 😺但個人覺得光澤版 雖然比較水潤 但遮瑕力唔夠霧面果支咁好 持妝能力都係唔夠😿 但如果皮膚唔係瑕疵皮 用呢支粉底應該唔錯👌

Sarah好用推薦：@cosme @cosmeHongKong 底妝心得：這是shu uemura 的王牌粉底產品，有霧面和亮澤兩款。由於香港天氣時常潮濕酷熱怕會油光滿面，所以選購了霧面。 不過失了預算，在冷氣房中工作時皮膚有乾燥感，用這個的時候下眼底明顯會有卡紋。不過遮瑕度算很高，有很好的提亮和修容作用。 我選的是574號色，比自己皮膚淺色了很多，可能用674會更自然（但就沒有了提亮作用了）粉底液質感比較適合冬天使用，推開後有點厚，可能是自己不適應。但只要用蜜粉定妝，面也幾乎也不會氧化變灰，算是妝效持久。小小一瓶應該可以用很久。

Emily Leung好用推薦：講到 RMK 絲絹粉底液（個樽係磨砂玻璃嗰款），配合你啱啱問嘅卸妝膏，呢對組合喺日系底妝界都幾經典。色號 200L 係偏粉調嘅自然色，同你分享下真實用後感！ ✅ 優點（值得讚） · 質地輕如絲絹：個名改得好貼切，真係好似絲綢咁滑，流動性極高，用手指上妝已經可以推得好薄，完全冇面具感。 · 光澤感靚到似天生：唔係閃粉嗰種，而係皮膚食飽水嘅「水光感」，望落好通透，似本身皮膚好好咁，適合鍾意日系自然妝感嘅朋友。 · 遮瑕度中等但可疊加：均勻膚色一流，泛紅同輕微暗瘡印可以蓋到七成，如果想再厚啲，可以喺瑕疵位輕拍多層，唔會厚粉。 · 持久度不俗：配合碎粉定妝，香港潮濕天氣下，keep到半日冇問題，之後會出少少油，但係「融妝」而唔係「浮粉」，望落仲有少少奶油肌feel。 ⚠️ 要留意嘅位（未必個個鍾意） · 色號 200L 要試真啲：呢隻色係粉調第二白，如果你係偏黃膚色，上臉可能會覺得偏灰或偏粉紅，同頸部有色差。建議一定要喺面頜邊試色，行出舖頭睇自然光。 · 乾肌冬天要用打底：雖然話滋潤，但冬天如果保濕唔夠，鼻翼、眉心位會有少少「乾紋」現形，建議用保濕型防曬或妝前打底先。 · 遮毛

Luna好用推薦：我用過呢隻粉底，色號201，同你分享下真實用後感（混合肌，T字位油）： 👍 優點 · 光澤超高級：唔係閃粉，係「皮膚飲飽水」嘅天然光澤，好似第二層皮膚。 · 質地極輕薄：流動性高，用手都推到，零粉感，毛孔修飾度好。 · 暗沉情況輕微：201帶冷調，出油後融合得靚，冇變灰。 👎 缺點 · 遮瑕度偏低：紅印/暗瘡要額外用遮瑕，只均勻到膚色。 · 一定要定妝：唔定妝的話，4個鐘後T字位會融妝，推薦用碎粉輕拍T區。 · 色號201要留神：呢隻係粉調最白，適合白底偏粉膚色。如果面頰泛紅或偏黃，上臉會變灰，建議先買試用裝。 💡 實用貼士 · 上妝工具：濕粉撲/手指最佳（化妝蛋會吸走光澤）。 · 急救法：出油後唔好補粉，用紙巾印走油光，光澤即刻返嚟。 結論：適合乾肌/中性肌，或者鍾意「偽素顏」光澤感嘅人。如果你追求高遮瑕，呢隻唔啱你；但如果膚質夾到，你會覺得成塊面好矜貴。😊

auntiemuscle好用推薦：質地係如其名 gel狀，其實未去到啫喱但係係偏gel狀，杰身過liquid foundation,又唔係cream狀咁 都好易推開 我膚色偏深既 用103響faceline,面中用101 用掃掃上面再用濕粉樸拍開 因為我鼻翼毛孔超粗大 我再用掃響毛孔位置打圈咁掃上去 整體都好貼面 易推開 唔會一撻撻 都唔會話好快就kick左 同埋佢係好似有層柔焦左咁 反正毛孔焦立體但遮唔到但好似好滑咁 遮霞度其實唔錯 日系粉底黎講我覺得算高 我面有啲斑都遮到8-9成 同埋都唔乾 唔會有乾紋但我本身鼻翼有啲乾皮 果個位會少少乾 但我平時戶外工作 係冇問題 持妝度ok 冇泛油 但 如果好熱就建議拍多少少碎粉 但佢都有啲啲缺點 就係有大部份日系粉底既問題 最白個tone都唔夠白 白皮會覺得有少少黃（佢出左200 嫁可以去睇下） 但追求極致冷皮係可能唔岩 同埋佢有層柔焦？有時有啲光線望埋下我好似白左😅 如果極乾皮就唔建議 乾皮都可以試企要用潤啲既base

Jasmine L好用推薦：呢枝粉底霜非常神奇，一年四季都適合使用。佢嘅質地水凝輕盈，推開易均勻，妝效自然柔霧帶少少水光。遮瑕力中等，毛孔同細紋遮得自然唔厚重，而且仲有控油效果，但又未到好強咁。 持妝度一年四季都OK，唔會暗沉或卡粉。敏感冇刺激，整體輕薄舒適，我覺得每個女士都需要擁有一枝。

Karman28好用推薦：我本身皮膚係混合偏油，但最近突然敏感，結果有部份位置又偏油有部份又偏乾，所以本身既控油foundation唔岩用，而Decorte 呢隻foundation又幾岩我依家呢個皮膚狀態使用。 呢隻粉底可以用手指推開，亦可以用手上面後用濕粉撲印開。我覺得淨用手指上會厚d遮暇高d,濕粉撲始終會吸走部份粉，遮暇會低d，但好透薄。 呢種粉底整體遮暇我覺得係中等，但比起一般既日系應該算係高，佢遮暇得黎又不失日系果種清透既感覺，整體黎講好薄，好貼膚。 上妝過左十二個鐘番屋企，我唔覺得佢有特別暗沉，最多都只係暗半度，比起之前用過既控油粉底係幾出色。 控油能力我覺得佢係中等，唔算高，如果出油真係好勁既人可能用呢種粉底都要d勁d 既定妝輔助。 我T字位油肌分泌係較多，一般天熱+日常番工係office，佢都無特別脫妝，放工時既狀態都ok。但如果天氣熱，又多戶外既活動，始終我出油多，佢都係會甩，但我surprise既係佢唔會甩到一撻撻，只係出油既位好似未上妝前有d膚色不均的。 呢個係出左街大半日既before & after 對比，係完全無補過妝既情況下，唔係甩得好勁。 #火熱新品

Poyobb好用推薦：Decorte zen stay 粉底液都係有分cool、natural 、warm，我色號係N16。平時一直都係用開Natural tone ，啱啱先出嚟嘅時候睇落去有少少偏紅，有啲擔心會暗沉，不過搽咗上面之後就冇問題，而且同我嘅膚色自然融合，呈現出微奶油光澤感。佢遮瑕能力也令人滿意，感覺上似CPB的柔霧粉底液，非常之貼服。 上年出既zen wear同呢款新版嘅zen stay 質地都差唔多。新版主打根據溫度同濕度自動調節妝效既智慧功能，有機會更加控油。暫時而家嘅天氣都冇乜太大甩妝。遲啲再熱啲就要再試吓。 素顏⬇️ 粉底液後⬇️ #火熱新品

Kitty 好用推薦：近排天氣又凍又乾，轉季底妝真係好頭痛🥶 本身係混合偏乾肌，用開嗰啲粉底液一上臉就顯紋、浮粉，仲要兩個鐘後變面具面… 但！最近試咗資生堂呢款養膚修護粉底，真心想寫篇文表揚佢！ 🔸質地＆延展性： 一按出嚟勁易推開～ 似乳液嘅質地，用手指上已經好易推匀，唔使化妝掃都掂！乾肌上臉完全唔厚粉，似第二層皮膚咁貼薄。 🔸妝感： 係嗰種日系天然光澤肌✨ 唔係閃粉嗰種假光，而係皮膚本身飲飽水嘅透亮感。乾肌最怕卡粉，呢款喺鼻翼、眼下完全冇積線，連平時甩皮嘅下巴位都馴服到！ 🔸遮瑕度： 屬於中等遮瑕～ 萬年黑眼圈疊兩層遮到五成，泛紅、暗瘡印加層碎粉都隱形到。最驚喜係佢遮瑕得嚟唔厚重，唔會一撻撻。 🔸持久度： 朝早8點化妝，到下午2-3點妝容仍然健在，對持久度要求高嘅話一定要定妝！到放工前成塊面冇暗沉變灰，越夜越靚嗰種奶油肌效果💯 🔸適合邊類人？ ✅乾肌、混合偏乾必試 ✅鍾意光澤感、自然妝效 ✅追求貼服唔卡粉 ❌大油肌可能要諗諗，或者冬天先用 小總結： 雖然價錢比開架貴少少，但以質素嚟講絕對對得住個價！尤其係乾肌sis，呢個冬天真係要靠佢救返塊面～

Mandy好用推薦：呢支養膚粉底嘅#220色號真係有驚喜！遮瑕力我俾80分，平時啲毛孔、暗沉位一推就隱形，妝感好細緻，望落似天生好皮膚。但老實講，如果啲暗瘡印太深，都係要另外用遮瑕膏搞搞佢，單靠佢未夠全面。 不過要留意，上妝前一定要搽返支保濕精華打底，如果唔係，鼻翼兩邊真係會卡到一撻撻，勁樣衰！我專登室內室外各影咗張相，室外自然光下個妝仲靚，室内就睇到光澤感，大家自己睇相衡量吓。總括嚟講，妝效係靚嘅，但要花少少心機打底囉！

Emma好用推薦：#開架彩妝 混合肌偏乾既我，唔鍾意用matte既粉底液，但係呢支令我另眼相看。 ✨遮瑕力在開架粉底中都算出色，少少用量就能遮蓋大部分的小瑕疵、泛紅 以及修飾毛孔，連黑眼圈都遮到一部分 ✨ 質地好推、唔厚重 質地順滑易推開。同皮膚好好貼合，營造出自然精緻妝感，但乾肌需要先做好保濕 ✨ 出色持妝力 對於容易出油既T 字位，控油和抗汗表現好優秀。混合肌用一整天唔會甩哂妝，我更加鍾意鼻同面珠出油後融合成微光「奶油肌」效果，顯得非常自然，冇其他matte粉底果種太霧面、冇自然肌膚光澤既感覺 🥲見好多評論話會氧化暗沉，所以我買咗0色號，係最白既色，可以主要用喺面部中間，慢慢向面部外圍blend, 咁樣塊面會有立體感啲。 🥲可能matte粉底都係會比較厚重，所以需要少量多次咁上妝，唔適合非常趕時間既時候用 ✨少量多次用，係非常輕薄自然，有次 朋友仲以為我冇化到妝，但係就變白咗🤣 我用紙巾試下抺，只係甩咗好輕微既粉底，相信用埋碎粉 個妝應該會keep得好好

Hellobeauty 好用推薦：小資女又找到好妝物了 今次分享的產品係KATE 零瑕肌密柔霧粉底液，呢個「實而不華」產品雖然外表樸實，但係好好用，而且性價比高。 呢個【霧面妝】產品妝效很貼服，而且遮瑕力強，妝感好輕，好自然好舒服。我之前都好唔鐘意用【霧面妝】粉底液，因為會相對難推開，而且有一種黏稠厚實感。我唔太想我塊面好似有油漆批盪感妝效，所以一直好少用【霧面妝】粉底液。 KATE 零瑕肌密柔霧粉底液除了有上述優點外, 我對它就遮飾毛孔及隱藏細紋方面，都非常出色。(圖中效果係我愛上吒個產品原因) 有興趣就試下啦, 期待下次再分享好物。

Sanna Cher好用推薦：使用產品240色號，左面是用手簡單抹塗的效果，右面是未使用的妝效。質地方面是有流動性但不至於超輕薄，未抹塗前，會覺得是中規中矩的粉底液。使用一字掃延伸，見整個皮膚色調有被提亮，有透明感和均勻膚色，是真的非常適合日系的妝容。完妝的照片

Wuxx好用推薦：第一次投稿 多多指教~ 因為真係太好用所以想多啲人知道依個冷門粉底液！ 大家都知資生堂有好多唔同定位嘅副線品牌， 而主線嘅光芒成日都會俾人忽略， 今次就講下依個個人覺得無敵嘅粉底！ 係香港依個夏天室內乾寒，室外濕熱嘅奇怪異世界黎講， 要搵到枝平衡到極端氣溫嘅粉底液真係唔容易，但資生堂做到啦！ 依隻粉底極高遮瑕，半泵已經可以用到全面。 我自己雖然唔係啲咩大瑕疵肌， 但透薄粉底有時疊加都未必可以做到好嘅修路作用， 所以有枝高效嘅遮瑕粉底液會方便好多。 而佢最令我佩服嘅位係， 雖然佢係霧面，但佢無霧面粉底液嘅通病， 就算係冷氣房都唔會收乾皮膚。 而鍾意水光面嘅朋友， 依隻粉底係有出光澤型咖！ 可以滿足到唔需求嘅人士。*一小泵已經可以大範圍使用* 希望依篇感想可以幫到仲未搵到心水粉底液嘅你♥️ *是次購入色號為130

Emma好用推薦： 呢款係屬於貴婦級嘅養膚型底妝，主打高保濕同奶油肌妝效 超鍾意佢既奶油肌妝效，上臉之後會呈現出一種好高級、好有光澤感嘅奶油肌，望落皮膚好飽滿、好有質感。 入面加入咗好多護膚精華成分，質地好滑順，推開時好似用緊面霜咁滋潤，完全唔會拉扯皮膚，配合埋佢自家既粉底掃，係可以15秒上完成塊面好均勻仲要冇掃痕！ 對於乾性肌膚或者冬天嚟講，佢嘅保濕持久度真係一流，去到黃昏夜晚眼下同嘴角都唔會出現卡粉或者乾紋，亦都唔會易溶妝。 雖然有一定嘅滋潤度，但佢同皮膚油脂融合得好好，就算微微出油之後，個妝反而會變成靚靚奶油光澤，愈夜愈靚～ 不過佢遮瑕力中等，質地行透薄路線，如果面上有比較明顯嘅暗瘡印或者深色瑕疵，單靠呢樽遮唔晒 樽裝設計取粉較麻煩，類似面霜嘅廣口樽設計，覺得冇泵裝咁方便衛生

Zoe好用推薦：一直用開植村秀嘅小方瓶 但由於冬天怕乾 所以試下轉用佢地粉底霜 意外地混油肌 秋冬天都好啱用 首先絕對唔會乾 亦都唔會斑駁甩皮 遮瑕力中等 瑕疵肌可以薄上兩浸 再加遮瑕膏都無問題 大半日後出油皮膚都好靚 會有種水光感 鍾意光澤粉底嘅 絕對推薦 下個冬天都會再回購

Poyobb好用推薦：開價牌子粉底液嚟講，佢嘅質素係絕對唔差，我第一次用完全感覺係驚喜。 流質度高，延展性好，佢唔算係一啲好薄嘅粉底液，因此遮瑕度都幾好，最重要係持久不脫妝，絕對適合香港夏天日子使用。 我揀嘅係01，偏向自然，大部份女仔都啱既色🤗 粉底液本身唔係好霧面，會保留返自然光澤感，我幾鍾意呢種妝效。再用碎粉輕輕定妝，就已經可以last到全日，唔會去到幾個鐘頭之後粉底液斑駁狀態，真心幾靚。佢嘅粉底液完全係貼合佢嘅底妝產品一樣咁持久💕

Gtam 好用推薦：Primavista 水潤光感持久粉底液質地非常輕盈🫧容易推開，而且不會卡粉。這使得它非常適合那些希望使用一款輕盈、自然的粉底液的人，尤其是在夏天🌞或潮濕💦的環境中使用。它的質地非常薄透🌵可以輕輕地滑過肌膚表面，讓肌膚呈現自然的光澤感⭐️。 粉底液還有一個非常重要的優點，那就是它的持久力非常好👍🏻這款粉底液可以持續整天🌞不需要不斷地修補🌬️或補妝。這使得它成為一款非常實用的產品，尤其是對於那些需要長時間保持完美妝容的人來說。

葉子🍃好用推薦：夏天上妝真係好怕戴住面具甘，呢支極輕感持久粉底液真係幫到手，上面後係乾爽、唔笠、無侷促感👍🏻，搖勻後吱出黎係比較霜狀有水感，搽上面好貼服，控油效果不錯，不過上妝前要做好保濕，不然有啲乾，我係用棒推勻，再用粉撲拍上臉，粉底液不厚重，遮暇需要多次上達到效果，瓶身係軟管，不怕打破，外遊方便 #火熱新品

Mo Wong好用推薦：呢款粉底液有幾款色號揀，但顏色選揀唔夠多而且偏向淺色系，佢質地绒creamy，好易推開，搽上面好乾爽輕盈，遮暇同毛孔效果唔錯，好啱依家又濕又熱嘅天氣用。 #火熱新品

Kura好用推薦：係我嘅平靚正粉底液嘅首選，份量唔需要用太多就已經可以搽曬全臉，遮瑕度適中，可以遮到細微嘅瑕疵，我用完呢款粉底液之後膚色有明顯嘅提亮，輕鬆打造到透薄自然嘅妝感，大家可以睇返我嘅對比圖，未用之前膚色較暗沉，用完做到即時提亮，唔會覺得好油，夏天用都唔會話溶妝，我用嘅色號係BR-C，搽上臉係好水潤嘅感覺，我係乾性肌膚都啱用，價錢好平，推薦俾想試新粉底液嘅朋友，產地係日本，信心水準有保證 @cosme

格仔餅公主好用推薦：一搽就貼合到落皮膚度，有少少潤感覺唔會好乾，夏天用又唔會覺得特別焗，唔使再用遮瑕加少少碎粉定妝已經完妝出得街

Candy Ng好用推薦：係之前優惠包裝一齊買回來。 用完之後，覺得佢定妝效果一般，一早出街，過左幾小時之後，就要再補粉。佢long lasting 吾長🙈 佢有一樣野好，皮膚唔穩定，要上碎粉，可以用佢。而且，用完佢之後唔會泛紅。 適合敏感性皮膚使用。

jaye好用推薦：近年因為帶口罩而令到下巴位容易生痘痘，一直想試下用礦物粉底，見到時代廣場counter呢款有旅行裝可以買，就買黎一試，粉質好細滑，用掃打圈掃好快就完成底妝，薄透唔焗促，遮到毛孔，仲有防曬。痘痘問題有改善到，所以覺得幾好，唔傷肌膚又可以做到自然日常妝既底妝產品，敏感肌都可以一試！

Steph好用推薦：已經用咗起碼三支，試過用粉紅色亦都試過用偏黃嗰隻色，其實兩支都可以單刷。佢嘅妝感10分透薄，有少少遮瑕，但係唔會好誇張嗰種，所以我都好鍾意。 唯一覺得佢冬天可能真係太薄，會有少少乾。如果夏天用就真係好Perfect。之前喺香港用晒想買另一支，佢話冇晒貨唔會再出，但係喺京都都會搵到，希望佢會一直keep住出呢一支foundation。

小資大腳女好用推薦：又平又好用嘅粉底液！首先佢可以用手搽上面勁易推開，2 bump夠搽一浸，塊面已經亮澤咗一度，偏薄身，妝感貼服自然，惟鼻翼位置會比較容易甩妝。帶妝全日8-10個鐘出少少油妝感仲靚，我試過完全唔定妝出門口6-8個鐘都係主要鼻翼同下巴位置甩得緊要啲姐。我係混合敏感肌T字位出油。

Kura好用推薦：出色嘅平價粉底，夏天用啱啱好，控油效果唔錯，搽上臉顏色自然，但冬天用就偏乾少少，同埋size適合帶去旅行都方便，每次用嘅份量唔需要太多容易推開 @cosme #火熱新品 #火熱新品

jovyjosie好用推薦：這是我用過最好用的粉底液！透薄，滋潤，遮瑕度高，延展性十分好！圖中少少份量，輕輕一抹，就能遮掉手上九成的瑕疵。這瓶是我從日本藥妝店購入的，下次絕對會再回購！妝感啞緻，最適合秋冬裝容💗 #秋冬愛用美妝

ying好用推薦：✨ IPSA LIQUID FOUNDATION SPF25 PA++ 色號 101 上妝好靚・keep妝好好 夏天出汗都用得💦 💬 我用完嘅真心話 呢支粉底，我真心覺得幾正。 ✅ 好嘅位： ✨ 上妝好靚 一上完嗰下已經覺得靚 個妝好貼、好自然 唔會假面，望落似天生好皮膚 ✨ keep妝好好 上完之後全日都keep到 唔會話幾個鐘之後就走樣 ✨ 唔易甩妝 戴口罩都頂得住 唔會話一戴口罩就甩到一撻撻 ✨ 上妝8個鐘都仲好靚 呢點好重要 好多粉底上妝嗰下靚 但幾個鐘之後就暗沉/浮粉 呢支8個鐘後仲係靚嘅 ✨ 夏天出汗用都一流 出汗都頂得住 唔會話流汗就溶晒 夏天恩物 ⚠️ 要注意嘅位： ❌ 有少少氧化 呢個係最大缺點 上妝嗰下係靚嘅 但過一陣會暗少少 所以買嘅時候要買白啲嘅色號 ❌ 色號要揀白一啲 因為佢會氧化 如果揀啱啱好嘅色 氧化之後就會太深 建議買白半度至一度 💡 解決方法： 買白啲嘅色號 等佢氧化之後就啱啱好 📅

Melo好用推薦：MAQUILLAGE ESSENCE LIQUID EX 養膚精華粉底液全新升級版 我混合性皮膚 T字位油 隻頰偏乾 但用佢出黎皮膚質感都唔錯 遮瑕度中等亦比較潤 冬天會比較岩用

Aim好用推薦：呢支保濕精華粉底腋，在2-3月的天氣使用，保濕得來又唔會太焗，遮瑕度中等，如果日常用不追求精緻的妝，係不錯的選擇。