SOFINA Primavista 好用推薦產品

Kitty 好用推薦：前排去商場掃貨，見到Sofina Primavista「妝前打底」出咗新升級版！身為混油皮嘅我即刻心動，諗起舊版嗰支真係幫我捱過唔少「回南天」🥵 即刻科水買返支返屋企試，同大家分享吓試用感受先～ ✨包裝同質地✨ 樽身少女心即刻爆棚！質地同舊版差唔多，都係水潤嘅乳液狀，吸收速度幾快，唔會好似某啲控油產品咁「拮拮吓」，我敏感肌都頂得順～ ☀️上妝效果☀️ 最驚喜係佢個提亮效果！平時用開嘅控油妝前打底多數會令塊面灰白，但呢支薄薄搽一層已經有「偽素肌」嘅透亮感。試過單用佢再撲層碎粉，同事仲以為我打咗燈😂 遮毛孔方面都交到功課，鼻翼兩側啲凹凸位平滑咗好多～ 🔥持妝力實測🔥 重點嚟啦！琴日特登唔補妝去挑戰： - 8:00am：薄搢妝前打底＋氣墊粉底 - 12:00：食完lunch塊面得少少油光，用紙巾印一印即啞緻 - 3:00pm：開會焗足兩個鐘，額頭開始有少少笠，但無溶妝 - 7:00pm：放工跑住追巴士，返到屋企照鏡...嘩！T位油光明顯但粉底無斑駁，無出現「芝麻粒」真係感動到喊😭 ⚠️注意位⚠️ • 乾肌姊妹可能要加強保濕，試過皮膚狀態差時用會有少少「緊繃」 • 遮瑕度屬中等，大紅痘印

Sandy好用推薦：SOFINA Primavista 的完美昇華持妝底霜(Boost Primer for Foundation) 細細支 25ml方便攜帶 質地容易推開😃 作為底裝非常之透薄,顏色好自然👍 出咗汗唔會甩 優點嘅防曬SP5 PA++ 塗底妝之前再用浸薄薄防曬 15分鐘內就搽曬粉底底妝眼裝就出到門 so easy 出門 而家朝頭早紫外線都好強 唔搽防曬 好容易出班點，同埋好容易曬黑

Fng好用推薦：SOFINA Primavista 持久控油防曬調色底霜用後感（春夏・熟齡混合偏乾肌） ☀️ 我係熟齡混合偏乾肌，香港又濕又熱嘅天氣下，底妝最怕溶到一撻撻。見SOFINA呢支第3代妝前乳（約HK$240 / 25ml）主打控油防汗同修飾毛孔，就買咗Beige色嚟試～ · 質地水潤輕透：偏水潤嘅霧感型，上臉順滑好推，延展性高，唔會厚重或泛白。用完有自然柔焦霧面感，清爽零黏膩。 · Beige色自然提亮：帶粉嘅裸膚色，可以均勻膚色、提亮暗沉，妝感透亮乾淨。自然融和唔假白，偽素顏必備👍🏻。 · 超強控油防汗：控油真係超班，喺悶熱潮濕環境下全日唔泛油光。我有時單搽再壓蜜粉就出門，清爽一整天😙。 · 溫和保濕唔乾燥：第三代升級後加入玻尿酸同洋甘菊精華，就算喺冷氣房待一整日，面頰都唔會感到乾燥繃緊。 · 修飾毛孔粗大：可以有效撫平毛孔凹凸位，對於一般毛孔已經好夠用（如果毛孔極粗大就要疊加其他產品）。 · 防曬力足：SPF50 PA+++，日常出門防紫外線好夠用。不過記住用前要搖勻！👈 · 升級版改善致痘：網上話新一代採用咗「不易致粉刺配方」，比起舊版出粉刺嘅風險低咗好多，痘痘肌都可以試下。 💬

Tszki好用推薦：質地水潤易推，能即時提亮膚色並修飾毛孔，可單獨使用打造「偽素顏」效果。控油效果明顯，即使在 T 字位也能長時間保持清爽，減少溶妝機會。具備 SPF50 PA+++ 的防曬系數，足以應對日常紫外線。提亮暗沉及偏黃膚色，呈現粉嫩、白皙的透明感。特別適合在香港潮濕炎熱的環境下使用。使用前可先敷面膜才用，妝容更加貼服持久！

Maggie Wong好用推薦：夏日持妝必備好物！ 夏天天氣又熱又濕，出街幾小時後T字位容易出油且會把底妝溶掉！試用SOFINA Primavista BLACK 重點控油修飾棒後，立即把這個問題解決了！ 本人T字位易出油，因此會在保濕後先在T字位塗上一層控油修飾棒。之後再上底妝 未使用產品前，即使在辦公室半天，鼻及鼻側易出油位置會把底妝溶掉一點 用了控油修飾棒後，即使是在夏天行街，T字位出油明顯改善，底妝還是完整無缺，而且感覺不黏立，也不會感到乾燥，體驗感非常良好！而且小小一枝，帶出街補妝也非常方便，推介！#火熱新品

Paris merci 好用推薦：Primavista BLACK重點控油修飾棒 Sofina pore新品毛孔隱形gel就只可以化妝前用，控油棒同時可以補妝後用到，佢嘅質地比較薄身，係T位劃幾劃，就可以查勻。佢嘅控油棒係冇任何顏色搽完上嘅位置就會有少少乾燥感，不會影響上粉底效果，用完係鼻翼位置不會再浮粉。 同埋佢係方便攜帶出街，尤其而家嘅30幾度天氣實在太熱，補妝嘅時候我可以輕印面部汗水油脂，用完控油棒之後再拍蜜粉。 重點係雖然佢係有隱形毛孔作用，但卸妝都好容易捨得乾淨。 #火熱新品

Yty好用推薦：一秒去黃！Sofina Primavista 柔焦控油蜜粉 #Lavender 每次到了下午臉色就發黃、發暗的人，這罐真的是救星！這次趁著活動把 Lavender（薰衣草紫）的補充裝（Refill）和專用粉盒 分開買組合起來，用了一陣子只能說：相見恨晚。 ✨ 3個實測驚艷好處： 無痛物理去黃，氣色變透明： 它是很高級的薰衣草紫色。掃上臉的瞬間，直接把皮膚的蠟黃和暗沉中和掉，臉部中央立刻嘭彈起來，呈現一種日系透明感的淨白肌，不是那種死白。 承襲家族的柔焦與控油力： 承襲了 Primavista 最強的控油基因。粉質上臉一秒柔焦，鼻翼的毛孔和油光瞬間隱形。在大熱天出門，T字部位依然能維持乾爽、不脫妝。 環保可替換設計（Refill + Case）： 這款最棒的是粉芯和粉盒是分開買的。粉盒質感很好，以後用完了只需要單買補充包換進去就行，省錢又環保，CP 值在專櫃/開架界直接拉滿。 💬總結 如果你跟我 一樣是黃皮、容易出油、到了傍晚底妝容易發暗，這款薰衣草紫蜜粉絕對能讓你體驗到什麼叫「一秒回春」。 #「日系彩妝」#「碎粉部門」

Jasmine L好用推薦：SOFINA Primavista柔光美肌蜜粉我係買白色珠光，粉質細滑，帶柔和珠光，上臉後皮膚即時顯得柔焦透亮，有自然水光感，夜晚係餐廳燈既光下會閃閃地會超靚！✨ 控油力唔錯，T字位半日後都KEEP到唔算多油光，整體妝容持久度OK，唔易卡粉或暗沉。 敏感冇刺激，乾肌要先做好保濕先夠服貼。適合想日常自然提亮嘅女仔，輕薄自然，唔會粉樣！

Kmggigi好用推薦：Sofina Primavista 持久控油底霜 — 清爽控油界嘅神級好物，夏天必備！🔥 質地: 呢款底霜質地清爽，推開好滑好易 blend， 完全唔會有厚重感。 調色效果都幾好，色調接近膚色， 用完個底色會靚啲、均勻啲， 好似皮膚自然變咗好狀態。 效果: 佢最強嘅地方就係控油！ 有效減少出油、令底妝持久服貼一日。 混合肌、油肌、或者天氣熱到出汗嘅夏天， 都用得好舒服，唔會有溶妝既視感。 防曬係 bonus！一支搞掂兩樣嘢🤣 防曬指數高，可以直接當埋日常防曬使用， 真係一舉兩得。 懶人或者忙碌上班族會超鍾意， 少一步妝都即刻快咗好多。🤩 總結：輕盈、控油、調色、防曬，一支搞掂所有底妝前準備 Sofina Primavista 呢支真係夏天底妝救星，想底妝穩陣又唔出油嘅一定要試！✨

A&R好用推薦：Sofina Primavista持久控油粉底霜好啱夏天或者容易出油嘅肌膚用。 質地輕盈易推，搽上面好快融合，好似多咗一陣保護膜，唔會覺得厚重。最大特色係控油效果好明顯，上妝之後面仔保持清爽，T字位都冇咁快出油，妝感可以持久一整日。 朝早上妝，去到下午都仲keep到自然妝效，唔會溶妝或者甩粉。 遮瑕力都ok，令膚色均勻，仲有保濕成分，唔會因為控油而令皮膚乾燥。

helloapap好用推薦：❌ 方便度 喺網上搜尋SOFINA呢盒粉底，會見到好多個碌碌既負評😂自己親身用過之後，的確係唔好用。個海綿碌碌既設計，令鼻翼兩側、嘴角、眼角呢啲細微位置好難精準上妝，通常我都用手指撩少少粉補角位。而且個碌根本掂唔到盒粉底既邊角位置。加埋本身啫喱狀好易痴墊，用一陣已經係肉眼可見既污糟。呢個設計真係好扣分。 ✨ 妝感 雖然上妝過程係幾伏，但係妝感自然貼服，柔焦毛孔嘅同時冇厚重粉感，睇落膚質健康又精緻，適合鍾意霧面妝既人。 ⏳ 持妝效果 Primavista系列最令我欣賞嘅，係佢嘅持妝能力。對我呢個混合肌嚟講，佢嘅控油能力幾好，T字位出油速度明顯慢咗，但兩頰又唔會因為咁而覺得繃緊或者乾。正常情況下，帶妝一整日只有鼻翼有輕微脫妝，成個妝容完整性好高，唔會暗沉或者斑駁。 特別要提嘅係，佢好適合轉季嘅時候用。喺天氣唔穩定、皮膚容易敏感或者乾癢嘅春秋兩季，佢既可以提供足夠保濕度避免乾紋出現，又可以有效控制因為溫度變化而失衡嘅油脂分泌，令個妝容喺轉季期間都可以保持穩定靚仔嘅狀態。

Poyobb好用推薦：開價牌子粉底液嚟講，佢嘅質素係絕對唔差，我第一次用完全感覺係驚喜。 流質度高，延展性好，佢唔算係一啲好薄嘅粉底液，因此遮瑕度都幾好，最重要係持久不脫妝，絕對適合香港夏天日子使用。 我揀嘅係01，偏向自然，大部份女仔都啱既色🤗 粉底液本身唔係好霧面，會保留返自然光澤感，我幾鍾意呢種妝效。再用碎粉輕輕定妝，就已經可以last到全日，唔會去到幾個鐘頭之後粉底液斑駁狀態，真心幾靚。佢嘅粉底液完全係貼合佢嘅底妝產品一樣咁持久💕

Gtam 好用推薦：Primavista 水潤光感持久粉底液質地非常輕盈🫧容易推開，而且不會卡粉。這使得它非常適合那些希望使用一款輕盈、自然的粉底液的人，尤其是在夏天🌞或潮濕💦的環境中使用。它的質地非常薄透🌵可以輕輕地滑過肌膚表面，讓肌膚呈現自然的光澤感⭐️。 粉底液還有一個非常重要的優點，那就是它的持久力非常好👍🏻這款粉底液可以持續整天🌞不需要不斷地修補🌬️或補妝。這使得它成為一款非常實用的產品，尤其是對於那些需要長時間保持完美妝容的人來說。

Paris merci 好用推薦：由三合一升級咗做五合一，防曬度係有提高，但係依然都只係得SPF35，夏天室外唔夠用。 如果質地係比三合一嘅時候透薄咗及容易推開。對比Sofina 調色控油底霜嚟講都係偏向少少厚。可能主要有遮毛孔嘅因素，所以都有少少厚。呢種質地輕輕印逐少逐少印開，同埋額頭同面頰局部搽上會較好。 如果夏天好熱嘅時候，直程當防曬有埋遮瑕修飾毛孔作用，直接上返個碎粉，就已經可以出街，即使夏天30幾度都頂到，持久度充足。 如果用完佢再用matte嘅粉底液呢就會乾上加乾，可以加強妝前保濕。滋潤度如果對於一個乾性皮膚嚟講嘅人會偏乾，留返俾油性皮膚或者混合性皮膚用正啲💕

Bubu好用推薦：Primavista 5合1底霜幾方便，平時返工趕時間搽一搽就可以提亮膚色，加上質地都易推，唔會搞到一撻撻，缺點係遮瑕力較差，比較適合面上較小瑕疵既人使用～

Hchan好用推薦：之前用過平替Ange那枝底霜覺得效果十分好，Primavista這系列的持妝效果更有名，我趁優惠入手這款是明亮色的保濕底霜，另有裸色、紫色及綠色。 由於最近天氣反覆，我皮膚狀態很差又過敏泛紅，所以現時的妝容只上防曬、底霜及碎粉以減低皮膚負擔，我是混合偏油肌，以前用開控油底霜，的確有減少油光，但感覺強調控油所帶來的乾燥感會令經過整日的妝效更差更浮，這款有控油及保濕功能的底霜可令底妝較服貼，它的質地像精華乳般潤澤，容易推開，白色乳霜狀並帶有提亮效果，薄塗一層剛好可均勻膚色，後續再上一層透明碎粉，整體看上去輕薄又帶點透明感。 皮膚狀況好一點時有嘗試過後續上氣墊粉餅及碎粉，持妝度不錯，經過一整日會有少量油光但印走油份後都不太影響妝效，本身更有防曬SPF20．PA++，喜愛裸妝感的人可以單擦提氣色，有上底妝習慣的人先擦它則可提高持妝度，推薦！

Sccan好用推薦：質地：粉紅奶油霜狀，易推開 香味：淡香 效果：有微閃粉，輕微調色蠟黃的臉色，有水感皮膚有微光澤 用後感： 一直用開Sofia primavista 控油底霜， 而佢出的保濕底霜從來都未試過，隨著年紀大，皮膚乾得黎又油，所以試下用保濕底霜。效果不錯， 無油膩感，唔會泛油光，想偽素顏只用依隻都可以營造皮膚紅潤又水的感覺。

Karman28好用推薦：呢個粉底液，我係用03色，上面係非常自然。佢呢隻化底液都幾清爽，唔會好厚重。覺得持久度都ok，不過覺得控油方面可以再做好d 。

格仔餅公主好用推薦：直接有調色效果唔會死白好自然，返工趕時間直接搽佢已經搞掂仲可以修飾埋毛孔，懶人又貪靚必備