平價精華液 推薦好用產品

Emily Leung好用推薦：肌研深導水光瓶！👉補水保濕，妝前急救 裡頭用了四重玻尿酸+黃金海藻提取物 能在臉上形成一個內外循環的補水網 把水分噸噸餵給乾渴的皮膚💦 高效滲透，補水力嘎嘎強！ 同時修護屏障提高皮膚保濕鎖水力 沙漠乾皮有它簡直就是遇到甘霖的程度！ 我一般取1-3滴適量精華滴在手上 把精華均勻塗抹在臉上，輕輕往上拉提 每天這麼用下來，喜提大嫩皮！完全不拔乾！ 膚感也很舒服，就是那種清透水潤好吸收的質地 日常就算不出門 在家抹這一瓶補水精華就夠了 乾燥起皮、T區出油終於沒那麼積極了！！ 就連底妝也跟著服服帖帖 皮膚一天下來都水水潤潤的~

Emma W好用推薦：這款精華不僅在保濕方面表現出色，還能舒緩肌膚，讓我在使用後感受到明顯的改善。 這款精華的質地非常輕盈，透明的液體在肌膚上輕輕推開後，能迅速被吸收。使用後不會感到黏膩，反而會留下柔滑的觸感，非常適合各種肌膚類型，特別是油性和混合性肌膚的人士。 每次使用時，我只需幾滴，就可以輕鬆達到良好的保濕效果。 主要成分是透明質酸，這是一種極佳的保濕劑，能有效鎖住水分，保持肌膚的水潤感。此外，產品中還添加了多種植物提取物，這些成分有助於舒緩肌膚，減少紅腫和敏感的問題。長期使用下來，我的肌膚變得更加平滑，紅潤感也明顯減少。 我通常在清潔肌膚後，使用這款精華作為護膚程序的第一步。搭配其他護膚產品，能夠使後續的保養效果更佳。特別是在季節變換或肌膚狀況不穩定時，這款精華成為了我的救星。它幫助我穩定肌膚狀況，減少了乾燥和脫皮的問題。

Sakura醬好用推薦：INNISFREE 超強補水精華 最近試咗INNISFREE嗰款綠茶籽精華，真心被佢嘅補水力嚇親！🌿💧 我本身係偏乾肌，尤其成日留喺冷氣房，塊面好易乾同繃緊。用咗呢款綠茶精華之後，皮膚明顯有改善，又水潤又清爽！ 佢嘅質地輕身易推，搽上塊面一啲都唔笠唔黏，而且吸收得好快。朝早用都完全冇問題，唔會悶痘，之後上妝仲貼服啲。 持續用咗一兩個星期，真係覺得皮膚變得柔軟有光澤，連原本乾燥嘅細紋都唔見咗，成塊面好似飲飽水咁💦 如果你都係成日對住冷氣、皮膚容易乾嘅話，呢個綠茶精華真係超啱你，清爽又保濕 👍

Fng好用推薦：佢個樣咁靚咁可愛🥰就買咗返嚟試下😍 綠茶籽保濕精華有效補充肌膚水分，使肌膚水潤透亮。質地水狀，易於推開，吸收快，不會有黏膩感。綠茶成分有助於舒緩肌膚，對乾燥、敏感肌膚有一定幫助，而且價格親民，容量大，性價比高，適合所有膚質，特別是乾燥敏感肌。😒缺點係用於妝前，可能會導致妝容起屑🤐 總體來說，Innisfree綠茶籽保濕精華是一款性價比高、保濕效果不錯的產品，適合大部分膚質使用，尤其是在日常保濕方面表現優秀。 但如果擔心妝容起屑的問題，建議在使用前測試吓先。 #補濕

Chloeincosme好用推薦：因為轉季期間皮膚容易泛紅敏感，所以買咗 肌研舒緩修護精華 嚟用！特別留意到原來呢款精華原產地係韓國，一直以為係日本野？😂 🤍 舒緩退紅：4/5 積雪草配方，我敏感發紅時厚搽一層，訓醒泛紅明顯減退，連敏感紅印都消得快咗 🤍 保濕渗透：4/5 透明質酸加積雪草組合又補水又鎮靜，質地有少少杰，但等多陣就完全吸收 🤍 膚感體驗：4.5/5 大多數積雪草嘅產品都會笠，但呢枝唔太會 總結： 肌研呢支精華對舒緩同保濕都做得唔錯，尤其適合皮膚敏感時期使用。用咗一段時間，皮膚狀態穩定咗，會考慮繼續用落去～如果你都係容易泛紅又怕黏膩，不妨試下！

Fanc好用推薦：之前都有用過其他款嘅肌研精華，我覺得肌研Cica精華係一款非常有效嘅修護精華，依款產品入面含有積雪草同埋4種透明質酸，能夠係夜間進行修護，舒緩泛紅嘅肌膚，而且可以強化皮膚嘅保濕能力。👍🏻👍🏻 我用左依款精華之後，發現我嘅塊面變得更加平滑，細緻，減少左泛紅嘅現象。除此之外，肌研Cica精華嘅質地非常輕盈，好容易就吸收，唔會令我覺得塊面好油或者黏笠。😬 我特別鍾意夜晚用佢，因為可以成晚都持續滋養住我嘅肌膚，等我朝早起身果陣可以擁有更加健康，亮白嘅狀態。我係好推薦肌研Cica精華比所有想試而又需要修護皮膚嘅人用。☺️

jhope0725好用推薦：雖然踏入❄️冬天，但係煥膚一定唔可以偷懶！ 冬季天氣乾燥、肌膚相對敏感，好多人都會忽略咗去除角質嘅重要性，只係着重保濕。 呢枝含有18%杏仁酸嘅產品，不但一年四季都可以用，喺冬天更加能夠進一步協助已經乾死咗嘅皮膚、以及角質層加快去除，加速新陳代謝，令皮膚重新變得嫩滑！👆🏼產品相當流質，用完唔會覺得好油膩，完全冇負擔感 一開始使用嘅時候會感覺到輕微刺痛，我嘅偏油性皮膚大約用咗兩星期適應，雖然產品說明教一星期用兩至三次就已經可以，不過基於我皮膚已經適應產品，現在一星期七日使用都冇問題~ 大約一星期後，就會明顯見到角質層開始脫落，大約兩至三星期，新一層皮膚就會浮面，變得乾淨嫩滑~ 👆🏼剛剛開始脫皮嘅時候，就會出現呢種情況，見到白色嘅皮屑 相比一般磨砂膏，利用酸性去除角質，自己覺得效果更顯著！不過產品特別之處係需要喺爽膚水之前使用，否則的話，保濕產品同杏仁酸結合，就未能夠發揮最好嘅作用。 冬季要有好皮膚，不能只靠保濕，去除角質都好重要~ 呢個系列另外有較溫和嘅版本，含有8%嘅杏仁酸，適合乾性肌膚，如果較易敏感或者皮膚比較乾嘅朋友可以考慮~

Emily Leung好用推薦：DR.WU杏仁酸精華用後感｜溫和刷酸！暗粒閉口拜拜！ 忍唔住要同大家分享呢支寶藏精華——DR.WU 18%杏仁酸亮白煥膚精華！對於成生暗粒、閉口嘅我嚟講，真係相見恨晚！ 簡約專業嘅樽身，滴管設計好容易控制分量，衛生又方便。 點解揀佢？ 聽講杏仁酸相比其他酸類溫和好多，而且呢支專為亞洲肌膚設計。我係混合敏感肌，用咗之後覺得真係唔會點刺激，好安心！ 質地係透明水狀，非常清爽，搽上臉好快吸收，唔會黏膩，油皮用都零負擔。 效果點樣？ 最驚喜係用咗大概兩星期，額頭同下巴啲「磨砂感」暗粒平伏咗好多！皮膚摸落去滑溜咗，冇咁易阻塞出暗瘡。而且膚色睇落均勻咗、有光澤感！ 用之前皮膚有啲暗啞同細細粒嘅閉口，用咗一段時間後，皮膚平滑咗同光亮咗！ 使用心得同注意事項： · 頻率好緊要！ 新手建議由隔晚開始，等皮膚建立耐受性。 · 一定要加強保濕！ 用完之後我會搽保濕力強嘅面霜。 · 日頭必須防曬！ 刷酸後唔做防曬好易反黑，切記！ 總括來講： ✅ 優點： 溫和去角質、有效對付閉口暗粒、膚色更亮白 ❌ 缺點： 要建立耐受性、必須配合保濕防曬 咩人最啱用？ ➡️ 成日有暗粒、閉口煩惱嘅

Chloeincosme好用推薦：因為發現眼角同法令紋開始有細紋，加上轉季皮膚乾到脫皮，所以買咗 肌研呢枝緊緻塑顏精華。質地係清爽透明乳液狀，推開後吸收得幾快，完全冇傳統抗老產品嘅油膩感～ 🤍 抗皺效果：4/5 用咗半枝，眼周細紋有淺化，尤其上妝後冇再卡粉，法令紋都冇咁明顯！ 🤍 保濕力：4/5 保濕力秋天算足夠，冷氣房瞓醒皮膚都唔會繃緊 🤍 緊緻感受：3.5/5 朝早起身塊面浮腫情況有改善，下巴線條睇落精神咗，不過效果唔會好持久。 查左一查，呢枝精華如果係日頭使用，用後必須加強防曬🧐 總結： 呢支抗皺精華係個穩陣嘅入門選擇！特別適合剛開始抗老、怕油膩又容易敏感嘅肌膚。雖然唔會即時變V面，但保持到皮膚水潤同彈性，以開價品來講已經交足功課～會繼續用落去觀察效果！

Fng好用推薦：肌研HA SUPREME緊緻塑顏精華｜混合偏乾肌嘅「平民抗老」驚喜 肌研呢支精華（二百頭嘅價位）sell平民價錢、貴婦功效 配方 •5種透明質酸：由表面到底層層補水，仲有得捉水 •膠原蛋白+煙酰胺：一個撐起彈力，一個提亮膚色 •無香料酒精：抵讚！敏感肌都玩得 同OLAY新生高效系列比，肌研呢支補水更落力；同The Ordinary buffet系列比，佢就溫和同有效好多！ 夏日使用： 1. 全臉一泵已經夠，唔好貪心唔係會黐立立 2. 搓熱手心先按上臉，吸收快一倍！ 3. 敷面膜前打底用，效果即刻升級 用後感： 第一次用嗰陣覺得質地幾得意，係清爽透明乳液，推開後吸收得幾快，冇平時抗老精華嘅油膩感。用咗兩星期，最明顯係朝早起身塊面冇咁浮腫，下巴線條好似sharp咗少少（可能係心理作用？）。不過要讚係保濕力夠曬，冷氣房瞓醒都唔會乾到繃緊！ 溫馨提示： ✨記住頸都要搽，唔係塊面緊緻條頸出賣年齡 ✨如果想效果更好，可以搭配按摩 ✨朝早用完一定要塗防曬 總結： 一支抵玩又多功能嘅入門抗老精華！特別適合剛開始抗老、又怕產品太潤嘅混合肌姊妹。雖然唔會用完變V面，但作為日常保養，keep住皮

jhope0725好用推薦：❄️冬季護膚，必定要做好打底！ 呢支係我嘅冬天恩物，因為我本身皮膚相對油性，雖然話冬天天氣乾燥，但如果冬季疊加太多層護膚品，仍然容易出現油脂粒，所以底層護膚一定要做好，就可以確保之後唔需要用過多護膚品，鎖住水份。 我自問用過唔少保濕精華液，但AHC呢枝做到長效保濕，晚上使用，起碼到第二日早上都唔會見到乾紋出現，保濕效果維持8-10小時，問題不大。☝🏻冬天洗完面真係會乾到脫皮☝🏻用完產品2分鐘後，會見到皮膚明顯出現光澤 產品質地相對厚身，上面後要留待2分鐘左右，待完全吸收之後再疊加其他薄身嘅油性護膚品，就能夠基本做好冬季護膚~

布吶吶好用推薦：AHC B5保濕精華－冬季護膚必備！❄️ 最近天氣真係凍到呢～皮膚乾到繃緊，仲有少少甩皮！即刻開咗支AHC嘅B5智慧保濕精華嚟急救，用咗兩星期，真心要同大家分享下呢支「冬季保濕神器」！ ✨ 質地同吸收度： 透明啫喱狀，推開好水潤，冬天用唔會黏立立！我通常按兩泵就夠搽全面，輕輕按摩10秒已經吸收晒，後續再搽面霜都唔會搓泥。對於怕厚重嘅我嚟講，呢個質地喺冬季護膚步驟入面簡直係完美打底！ 💦 保濕效果實測： · 即時效果：搽上面嗰刻已經覺得皮膚「飲緊水」，乾燥繃緊感即刻舒緩咗好多！ · 長效保濕：開住暖氣瞓覺第二朝起身，面頰竟然冇「乾到實」嘅感覺，摸落去依然軟滑。冬天咁乾燥嘅環境下，佢個鎖水能力真係交到功課！ · 妝前打底：而家冬季化妝前我一定會用佢，底妝貼服好多，冇再出現爆皮卡粉嘅尷尬情況～ 🌿 成份同溫和度： 主打維他命B5同透明質酸，冇酒精冇香料，我敏感肌用咗都完全冇刺激。冬季護膚最驚就係用啲刺激產品令皮膚更乾更紅，呢支精華溫和得嚟又有效，抵讚！ 📌 使用心得總結： · 適合時機：乾燥冬天必備！尤其係朝早同夜晚嘅基礎護膚步驟 · 推薦用法：潔面後先用化妝水，再上呢支精華（可

Emily Leung好用推薦：同卡粉斑駁講拜拜！乾皮水光肌養成秘笈 作為長期卡粉嘅敏感肌，試過好多保濕精華都覺得爭啲，直到搵到The Ordinary呢支透明質酸B5精華，先至算搵到補水鎖水嘅完美答案💦 成分表乾淨簡單，主打2%透明質酸，含有5種唔同分子大小，可以層層滲入皮膚，從真皮層底層補水，好似同皮膚起咗個小水庫一樣，底層飲飽水先會透出自然水潤感。仲有維生素原B5同神經酰胺，前者可以修護屏障，後者幫皮膚鎖實水分唔流失。 支精華嘅質地係透明水凝狀，流動性好強，完全唔會黐立立或者有油膩感。上手推開就好似水一樣即刻化開，吸收得超級快，幾乎係「咻～」一聲就滲入皮膚，冇乜存在感。 用完之後皮膚摸落去係啞光乾爽嘅，但內裡有種即刻被滋潤嘅感覺，好似底層飲飽水咁，皮膚會變得軟身彈手，但又唔會留低任何黏膩嘅膜感。後續疊加其他護膚品完全唔會搓泥，反而令到乳液同面霜更加貼服。總括嚟講，係一支清爽又高效，專注補水嘅百搭打底精華 日常用法超簡單，洗面後擠3滴全臉按壓，吸收得好快，之後再搽乳液或面霜都會貼服好多，上粉底都唔會卡粉斑駁。偶爾熬夜或者皮膚特別乾嘅時候，就用2滴管厚敷，再加塊面膜敷10分鐘，急救補水真係一流！拎走面膜後皮

Fng好用推薦：身為一個典型T位油、兩頰乾嘅混合偏乾肌，仲要喺香港呢個夏天焗到溶嘅地方生存，搵支啱用嘅保濕精華真係唔容易！The Ordinary 呢支 2% Hyaluronic Acid + B5出名平、精準、成份黨最愛，網上評價好壞參半。 🔍The Ordinary 2%透明質酸+B5精華主打成份：2% 透明質酸 (大、中、小分子複配) + 維他命B5 (Panthenol) 聲稱功效：深層補水、鎖水、修復皮膚屏障、改善肌膚質感 質地：透明、略帶稠度嘅凝膠狀精華 價錢：親民價 (通常百零蚊) 產地：Canada 🌞 香港夏日實戰用後感 1. 質地 & 觸感: 一擠出嚟係透明啫喱狀，有少少「漿」嘅感覺，唔算好水。初時有啲擔心會唔會好黐、好厚。推開一刻，神奇地變得好推！延展性極高，半滴管就夠搽勻全面+頸。 吸收速度： 唔算「秒吸收」，需要 輕輕拍打/按摩約15-30秒。吸收後，皮膚表面會有一層 極輕微嘅「薄膜感」，唔算油膩，但絕對唔係乾爽嗰種。頭幾次用覺得有啲黐黐地，尤其濕度高嘅日子。 2. 即時補水效果：👍👍👍👍 (非常顯著！) 呢點真係要讚！搽完 即刻覺得塊面飲飽水」，尤其係兩頰

Ko好用推薦：延展性幾高 一搽上面就會有光澤 少少反光提亮嘅效果 可以溝埋粉底液用，會令到個妝更加透薄 有少少香味 如果敏感嘅日子搽上面會有少少揦但冇特別泛紅 所以可以接受 缺點係好難攞啲product 個樽好奇怪 攞完第一下 一定要搖一下個樽先至會攞到第二下 如果唔係絕對會滴唔出任何嘢lol

何何好用推薦：呢支抗醣精華想試好奈，olay既美白精華不嬲都好深入民心，出名cp值高又有效☺️💓 第一次搽上面，覺得有啲啲那那地，可能有啲敏感，不過試多幾次都有同樣情況。。。結果放棄左，用黎搽手腳。。。 佢好好吸收，質地好輕身，有效均勻膚色。 佢個設計係好貼心既，因為有個特別design既泵頭，每次一開蓋就拎到一次既份量，可惜我面敏感用唔到。🥲另外，佢比平時既精華份量都多，有六十毫升，抵用❤️ 夏天到我想美白呀😑😑😑

維他他好用推薦：最近用緊呢一隻保濕精華，佢係透明質酸水光瓶保濕精華，有好高濃度嘅透明質酸，冇酒精，冇香料，冇色素 。用完之後，覺得皮膚確實係非常保濕，變得柔軟有彈性，水狀質地嘅精華亦都好容易吸收，唔會黐立立，後續用嘅護膚品都唔會有擦子膠碎。 產品無添加，皮膚唔會產生過敏反應，可以安心使用，價錢方面亦都唔貴，精華嚟講，呢支嘢只需要二百幾蚊，性價比都算高。

Ming好用推薦：L’Oréal 呢支新嘅花蜜精華液，估唔到效果令人滿意，早晚洗完面後化妝前搽，搽上皮膚都算好吸收，精華質地唔會太杰身，唔會太稀，這款精華可以日日用，令到皮膚keep住水潤保濕。可以補充再生肌膚膠原，用完一支後皮膚明顯感覺更有彈性，會繼續用第二支。

natanatalie好用推薦：換季粒粒的救星❤️ 很多女生在轉季的時候都會因為天氣忽冷忽熱又濕又乾，而令到肌膚狀態很不穩定，會出不同的粒粒和暗粒，無論素顏和化妝都非常不好看！🥶 這款輕度杏仁酸就能夠幫到女生渡過轉季的難關了！我會在晚上洗完面後立即查這款杏仁酸，他的質地是有一點油油的感覺，我主要會搽在有粒粒的地方。用了幾天之後肌膚會變得平滑，而且粒粒也會很快消失！🫶🏻

chasiutung好用推薦：我混油敏感肌 用Dr wu 杏仁酸沒有過敏 用8 ％依款無乜效果 可能係我之前有用過果酸所以需要濃度高d嘅杏仁酸先有效 18 ％嗰款特別愛用 因為我吾喜歡全臉都係油嘅感覺 所以我只會係有暗粒嘅位置同有黑頭嘅位置搽 剛開始用 會長痘 但好快謝 會有少少甩皮 之後會發現暗粒少左 皮膚變得乾滑左👍酸類黎講杏仁酸係比較溫和 同無咁快見效 不過用耐左效果真係好好 雖然杏仁酸溫和 但皮膚都需要建立耐受 剛開始先用8 ％ 一星期用一至兩次 之後皮膚適應左 可以日日用 用完一支之後可以考慮使用18 ％ 但18 ％吾可以日日用 一開始可以 一星期用一至兩次之後可以隔日使用 杏仁酸 油狀質地 雖然係油但吾係油冧冧嗰種 質感輕薄但使用後皮膚會略乾 甚至甩皮 要注意做好保濕同防曬 🫶 Dr wu 杏仁酸 價值吾貴 性價比高 值得入手👍推介

cheng2001好用推薦：Fit for 敏感肌❤️上臉出乎意料地舒服和非常輕盈！ 之前一直都有見到DR.WU玻尿酸精華，價錢親民但見評論…所以無試過，今次咁岩屋企有支DR.WU修護精華油出現左就一於試試佢🤣 我臉部屬於敏感易紅，容易乾燥變濕疹，自己都有用過角鯊成分既精華油，但用後感就係油黏，自己亦好怕，因為皮膚一油就容易發癢不舒服… 自己用法：水狀精華>DR.WU精華油>Cream 而且神奇在於這款用在臉部也很輕盈，不會黏笠，睡覺完全不用怕沾頭髮。 而且這款精華油除了吸收得快，用後皮膚亦有舒緩作用，完全不癢，摸上臉又覺得滑左好多，聞起來也有草本的香味（？）

natanatalie好用推薦：大愛的急救修護精華❤️ 好滋潤嘅精華，一啲都唔刺激，性質好溫和，質地非常輕盈易推，唔會對肌膚造成負擔！🫶🏻 一搽上面，就感覺到直接俾到肌膚好強嘅保濕力，冬天最中意用佢。台灣買平過香港好多，台灣旅行必買！🤗

劉肥貓好用推薦：流動性高 非常容易推開 令後續用的精華液 面霜更容易吸收 達到更好嘅效果

Giselle 好用推薦：AHC 瞬效B5微導Biome精華賦活肌底液 30ml *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 之前見佢有特價所以用差唔多半價嘅價錢入咗手✌︎(๑˃̶͈̀◡︎˂̶͈́๑)✌︎ 大約百幾蚊就已經可以入手一支精華真係幾抵ꉂꉂ ( ˆᴗˆ ) ❤︎ ︎ ❤︎ ︎ 佢嘅質地係偏水潤流動性高( •ॢ◡︎-ॢ)-♡︎入面有啲藍色嘅粒粒係益生菌，係呢幾年好hit嘅護膚物質٩(๑❛︎ᴗ❛︎๑)۶呢啲粒粒係算好容易就會壓碎嗰種(๑✧︎◡︎✧︎๑)輕輕一壓同推開就俾皮膚吸收咗(੭ु´͈ ᐜ `͈)੭ु⁾⁾唔會話係皮膚上仲有殘留(ˊฮ̴ .̫ ฮ̴ˋू)˚我根據佢嘅指引係用完化妝水之後再用呢款產品用咗大約1個星期(✿︎´ ꒳ ` )覺得自己偏乾嘅皮膚變得水潤咗同變滑變細膩咗"(⌯︎¤̴̶̷̀ω¤̴̶̷́)✧︎雖然佢啱啱搽上面會覺得佢有少少黏膩，但大約15分鐘之後皮膚吸收咗就無咗嗰份黏膩感(◍︎ ´꒳` ◍︎)b而且會覺得之後上嘅肌膚品係變得好吸收咗( ๑´•ω•)۶ ❤︎ ︎ ❤︎ ︎ 佢係屬於有安全鎖嘅滴管精華(σ･з･)σ每次扭開就會自動吸出精

Wuxx好用推薦：早排唔知因為咩原因我皮膚突然一次過起幾粒瘡， 仲要幾粒都係石頭瘡！！世界級崩潰！！ 少出暗瘡又無做開Facial嘅我真係零個辦法，唔知點解決。 有日同朋友食飯，佢見我膚況咁樣佢都嚇親， 然後就介紹左我用DR WU嘅杏仁酸同玻尿酸精華。 依個品牌係台灣好出名我知道嘅， 但因為我用日韓品牌比較多，所以無點研究依個品牌， 所以今次就膽粗粗聽朋友介紹去入手試下， 點知又真係有驚喜！！ 用左杏仁酸三日，啲石頭瘡就姐哂，完全無再痛！！！ 真係十萬個謝天謝地，如果等佢浮腫應該有排痛！！ 由於我用完高濃度酸性精華， 所以我朋友叫我用完一定一定一定要做翻好保濕， 當然我都聽話，後續上翻層玻尿酸保濕精華。 依枝精華嘅質地偏濃稠，但滲透力高，唔黏漉， 亦都即時感受到皮膚有飲到水嘅感覺， 而且每次用完第二日皮膚都會有種自然光澤感～ 依兩枝精華配搭真係非常完美！！ 多得我依個朋友，我先可以咁快脫離石頭瘡嘅魔掌 希望依篇使用心得可以幫到有同樣問題嘅朋友～～** 質地偏濃稠，但滲透力高，唔黏漉！！

Kpl6be6好用推薦：喺韓國入手～保濕之餘唔黏膩～感覺易吸收～為皮膚補水嘅效果好好～

Lilian Ching好用推薦：超推這款！！ 一開始是在專門店買東西時收到試用裝，那時剛好皮膚狀態不太好，一使用後便驚為天人 那陣子我的皮膚不知為何變得突然有點粗糙(不是敏感)，比較難吸收護膚品 使用了這款精華幾日後，皮膚竟變回柔軟水潤的狀態 後來查一下成份，原來裡面有維生素B3和B5，好像有增加皮膚彈性的功效， 雖然這款主打美白，但我最有感的是皮膚變柔軟。 質地是我喜歡的透明水狀精華，擦上臉也不會有油膩感，很好吸收。 本身皮膚很容易出油，夏天只擦爽膚水跟這瓶就夠了，如要上妝的話就會加上清爽的乳液。 氣味是淡淡的柑橘味，不喜歡強烈香料味的人應該都較容易接受。

suetying好用推薦：是次有活動 主題是關於美白 我就立刻想起這支美白精華 我要自打嘴巴一下 一開頭用我是對它沒有太大興趣 但最近再用它 用的次數由一開始一週一、兩次 轉為每晚都會用它 才發現到它的驚人之處 一直以為自己是一個皮膚白的人 直至 有一日我照鏡時 發現自己的懶惰令我皮膚已不是像從前般 膚色開始不均了 我就想起這支精華… 這支美白精華 是打開就聞到淡淡的橘子味道 我很喜歡它的味道 質地不是太黏的精華 大約30秒就會完全吸收 就算是上妝前用 它的質地也不會跟之後的底*’‘打交’‘ 不過我較喜歡在晚間睡前用 感覺連續用完之後 皮膚有種均勻左既感覺 如果係岩岩曬黑後用 每晚用係會慢慢有美白的效果 （需要晚晚用同份量盡量用多d)先會有效果 … 整體黎講 又係一個對皮膚無負擔既一種美白護膚品 我都好推介比各位想美白的sis #抗黑美白對策 #抗黑美白對策

AmyAmy好用推薦：質地好黏立同埋杰身，雖然容易推開，但係感覺上好似full咗啲厚嘅嘢上面咁樣，類似係睡眠面膜嘅感覺。 雖然我唔係好鍾意佢黏稠嘅狀態，但係佢有啲香味，感覺上搽上面都係舒服嘅，只係覺得唔係好適合夏天。 至於其他效果例如美白咁樣，可能我都唔係太鍾意個質地，主要都係夜晚先至搽，所以未見到效果。

Kura好用推薦：呢款精華水質地好濃稠，搽上臉好滋潤，特別係冬天用，令到皮膚通透亮白，美白效果出色，產地係台灣 @cosme

何何好用推薦：我用左呢支超過五支，當試用其他唔岩用/出問題時用返佢好快就好返，岩廿尾初熟肌，佢有抗衰老抗氧化成份，cp值(尤其係vip sales)高，好抵用❤佢保濕得黎皮膚好舒服，冇吉吉感，不會敏感，配合埋佢支乳液lotion好fit

Selina 好用推薦：早排塊面乾到裂開，粗過砂紙…..搽咩都冇救 咁岩搵到支旅行裝 見佢係高效補濕就試試佢 三日後塊面奇蹟地前所未有咁滑😱 本懶人平日好少認真保養自我放棄 今次完全覺得原來自己係有得救😂 真係太神奇 精華唔會好黐立立 不過我自己就淨係夜晚用，日頭嚟講我覺得立左少少（我鐘意清爽） 補濕效力真係高 比起乳液佢冇咁立 我平日唔太鐘意黐立立 所以精華同乳液我只會搽其中一樣 Overall我會推薦～我會再買的～

saka好用推薦：多次回購嘅美白精華～ 無做成敏感，吸收力強，但都做到保濕作用。一年四季都啱用～ 持續地用都見到膚色有明顯提亮

Sarah好用推薦：無咩味道，乳白色，搽咗上面都幾黏，保濕效果好，但用咗成個月都無覺得白咗，最後放棄使用。

vicky好用推薦：🎈一年4季都用得 🎈好基本既補水精華 🎈無太特別 🎈試過就算

冇銀用好用推薦：是全年都可以用的產品，唔會黐立立。 保濕係ok的，至少係香港的冬天夠用。 btw，雖然雪係冰箱拎出嚟用好似好爽，但支左上手就會暖返哂，上臉會覺得少少涼，用手推多2下就暖返哂。冇我預期的涼快感。