The Ordinary 好用推薦產品

Mani Tso好用推薦：超正，從未試過有產品令我一搽即愛上。 深色痘印真的有減淺，搽上面有絲滑感覺， 第一次買30ml未用完都急不及待再買定支100ml， 本身痘痘算嚴重又多痘印，相信會一直用落去。

Kura好用推薦：超級無敵好用嘅面霜！我已經回購無數次，有痘痘搽佢會好快就退，同埋佢去痘印，千年黑色素都超有效，但真係要好耐心咁晚晚搽，我唔會全臉搽，只會係臉上有好嚴重問題嘅地方搽佢，無香味質地係好滑嘅cream，搽上臉好容易推開，亦都好快吸收，係真實有效嘅一款面霜，超級推薦俾大家，如果有痘痘黑色素沉澱用佢真心得！我已經由佢出30ml買到100ml，之後都會繼續回購，因為真係一年四季都啱用 #夏日必備保養

Kura好用推薦：超強逆齡精華，我一直都好鍾意用呢一款精華，我稱佢為十全大補精華，質地好水潤，無香味，無酒精，搽上臉超快吸收，成分單純，用完細紋有減淡，皮膚水潤度好足，重點係價錢非常親民，係抗衰老嘅必備好物 @cosme #逆齡護膚品分享 #逆齡護膚品分享

mandy好用推薦：The Ordinary 的賣點當然是便宜啦! 用慣了種價位, 實在很難回頭,  自然覺其他品牌真的很貴呢。 但是也不是所有The Ordinary 的產品都好用, 在The Ordinary找到喜歡而且適合用的產品, 真的會很划算,  完全能滿足大家想省一點錢又想護膚的心願。 就連皇室一員的Kate Middleton, Duchess of Cambridge也愛用 The Ordinary。本產品有Sephora Vegan + Cruelty-free認證, 不會做動物測試。 現在The Ordinary母公司Deciem已被Estee Lauder Group 高價收購, 藉此打入低價護膚品市場，可見The Ordinary 的受歡迎程度。 名為buffet, 是指跟品牌大部分的單一功效的護膚產品不同, buffet 是一款集合保濕及抗衰老功效(加強肌膚彈性/緊緻)的多功能精華, 可說是The Ordinary 最具代表性及高質的產品之一。 質地水潤清爽，保濕力非常好，延展性佳又好吸收。喜歡作為晚間精華使用，含豐富的保濕及抗衰老成分，同時可鎮靜消炎穩定膚況，是很

Emily Leung好用推薦：同卡粉斑駁講拜拜！乾皮水光肌養成秘笈 作為長期卡粉嘅敏感肌，試過好多保濕精華都覺得爭啲，直到搵到The Ordinary呢支透明質酸B5精華，先至算搵到補水鎖水嘅完美答案💦 成分表乾淨簡單，主打2%透明質酸，含有5種唔同分子大小，可以層層滲入皮膚，從真皮層底層補水，好似同皮膚起咗個小水庫一樣，底層飲飽水先會透出自然水潤感。仲有維生素原B5同神經酰胺，前者可以修護屏障，後者幫皮膚鎖實水分唔流失。 支精華嘅質地係透明水凝狀，流動性好強，完全唔會黐立立或者有油膩感。上手推開就好似水一樣即刻化開，吸收得超級快，幾乎係「咻～」一聲就滲入皮膚，冇乜存在感。 用完之後皮膚摸落去係啞光乾爽嘅，但內裡有種即刻被滋潤嘅感覺，好似底層飲飽水咁，皮膚會變得軟身彈手，但又唔會留低任何黏膩嘅膜感。後續疊加其他護膚品完全唔會搓泥，反而令到乳液同面霜更加貼服。總括嚟講，係一支清爽又高效，專注補水嘅百搭打底精華 日常用法超簡單，洗面後擠3滴全臉按壓，吸收得好快，之後再搽乳液或面霜都會貼服好多，上粉底都唔會卡粉斑駁。偶爾熬夜或者皮膚特別乾嘅時候，就用2滴管厚敷，再加塊面膜敷10分鐘，急救補水真係一流！拎走面膜後皮

Sana好用推薦：低成本速成水光肌 一到大換季或者熬夜之後，塊面就乾爭爭又暗啞！尤其而家入冬，摸塊面粗鞋鞋都算啦，上粉底仲要卡粉卡到想喊，敷十塊面膜都整唔到想要嘅光澤感… 補水嘢買完又買，直到我搵到The Ordinary透明質酸B5精華，先知咩叫將水光肌焊喺塊面度！塊面唔止保濕返，皮膚仲又滑又亮，我唔打底妝，素顏都係透住光澤啱啱好嘅水光肌。 佢質地係啫喱狀，但上面推開吸收得好快。主打透明質酸、B5同神經酰胺三重成分，唔止好似水庫咁補水鎖水，仲可以修復屏障，用多一排就會發現塊水嫩嫩！！隨便照鏡都係水潤潤，透亮水光肌就咁易就擁有？？神到爆… 總結一下我嘅用法： 1️⃣ 日常當補水精華用。一次用兩三滴，之後加返乳液面霜，感覺皮膚通道被打開咗，護膚品吸收得更快更徹底。堅持用落去，塊面成日都水潤潤，透住自然光澤感。 2️⃣ 急救回春。好勁嘅用法！兩滴管再隨便敷塊補水面膜，十分鐘後揭開！嗰種光澤水潤，仲勁過做十次水光，隨便上粉底都滑到唔似真。

Sanna Cher好用推薦：產品是透明水份質地，不帶油份和乳液精華，非常爽身。 使用份量是將爽膚水擠出三至四次，倒在化妝綿上，再輕輕抹塗於面部。可在洗臉後使用產品，增加面部保濕。使用產品後，面部帶有輕微光澤。

維他他好用推薦：呢支the ordinary 嘅去角質爽膚水非常出名，出名又平又大枝又好用，佢係一支去角質嘅爽膚水，用咗可以改善毛孔，同埋令皮膚更加光滑，建議喺晚上使用。 呢支去角質爽膚水非常有感，因為用完之後塊面會有少少拮拮地，微刺，同埋會泛紅，我試過連續兩個星期夜晚使用，可能用得太多太密，皮膚連日頭都紅卜卜，但係唔係健康嗰隻，係敏感嗰隻紅，哈哈，可能我太刺激皮膚了 所以一開頭用嘅話，可以逐漸使用，唔好連續每晚使用 ，間唔中用下就OK，用完之後，皮膚係會滑咗啲，毛孔會細咗啲，佢都算係溫和嘅去角質，聽講仲可以用喺頭皮上，有好多用法 呢支去角質爽膚水，係真係非常水狀，好似水一樣流動性好高，淡黃色，冇味道，敏感肌嘅朋友應該唔適合，可能會比較刺激肌膚。  呢支嘢間唔中用吓，重點係佢真係好平，好似$100都唔使就有一支大大支，夏天應該可以用得密啲

Nicole 好用推薦：是有點稀的油質地，不算太油膩，延展性和流動性很高。 我把它塗在髮尾上和混在body lotion 里塗，染後頭髮髮質改善得比較快，身體乳保濕度也提高。

WSY好用推薦：用完之後啲細皺紋真係淡咗好多，效果都幾明顯，不過吸收得唔係太快

Yty好用推薦：呢支親民價錢嘅精華，用咗一支後覺得面嘅暗瘡印有淡到，而且皮膚「透明感」有改善，質地清爽容易吸收，非常適合夏天，如果皮膚有瑕疵嘅地方可以重點查，可以幫助去印，值得推薦 # 「透明感」 #去暗瘡印 #去黃

Fng好用推薦：The Ordinary呢支10% niacinamide 精華 ✨質地同感受： 半透明凝膠質地，推開有少少黏膩感，吸收速度中等。坦白講，質地唔算討好🤢，有輕微膠水感，後續建議疊加清爽保濕產品，否則可能搓泥😔。夏天用可能會覺得有少少悶，建議晚間使用較好。 ✨效果評價： 控油力超強！真心唔講得笑～用咗一星期後，T字位出油量明顯減少，毛孔睇落冇咁 顯眼。對於油性肌嚟講可能係福音，但對於我哋混合偏乾肌，兩頰同眼底位置可能會覺得乾到繃緊🫣！去痘印效果則要耐心，新生紅色痘印有慢慢變淡，但陳年深色痘印就要持續用先見到少少效果🤐。 ✨注意事項： 10%濃度真係好高！網上好多討論都提醒要用呢支要建立耐受性，初期可能會有泛紅、刺癢感。建議每週用2-3次開始，千祈唔好日日用！另外，唔好同維他命C類產品一齊用，否則容易敏感。 ✨適合邊類人？ 油性／混合肌（偏油）比較適合，熟齡偏乾肌真係要三思⚠️⛔️！如果真係想試，建議只局部用在T字位同毛孔粗大位置，避開乾燥部位。保濕一定要做足！ 總結：平價但唔係人人接受到😵～偏乾肌要用就要打醒十二分精神！ 雖然控油同收毛孔效果不錯，但換來可能係兩頰乾到繃緊💥～建議

Bendict好用推薦：好物分享😺👍 我之前皮膚狀態好差 呢支本身只係諗住試下嘅心態去用 用左兩個多星期 每星期2次 （一星期兩次好嘞😂） 每次10分鐘內 洗完面係覺得明顯皮膚光滑咗🙀😻 堅有用 但一個星期唔可以用多過兩次 同每次用都係最多敷10分鐘 唔係會傷到角質層😂

Ceccinmydin好用推薦：The Ordinary呢支AHA 30% + BHA 2% Peeling Solution，係我其中一樣好鍾意嘅product 👍！佢堅係work，一定會回購 初初見到佢嘅質地真係有啲嚇親，係血紅色嘅，搽上臉驚嚇感十足。講到使用感，如果臉上有甩皮，啱啱支完暗瘡有傷口，係會乸同刺痛，同埋如果臉上有水唔係完全乾身，上面會有火燒咁。所以脆弱肌膚千祈唔好試。呢支嘢好鬼勁，一定要跟足指引，每次敷唔超過10分鐘就要洗走 佢係一支好高效嘅酸類去角質煥膚產品，可以去除皮膚多層角質，對付粉刺同暗瘡好有效。我係一個星期用2次，用咗一個月左右，真係覺得皮膚滑咗，膚色均勻同光澤咗。缺點就係佢真係好刺激，一定要慢慢建立皮膚耐受度，新手同敏感肌要特別小心。 但佢咁平，都值得買嚟試下，除咗面之外，敷落armpit位都唔錯😌，真係會白滑啲！用完佢之後記得要做好保濕🧴

YiN好用推薦：之前聽講咖啡因成份可以幫助血管收縮，ecgc又可以美白抗氧化，改善血管型黑眼圈，所以我走去買咗枝The ordinary eye serum黎試。擠出嚟係杰杰地微黃色，唔會太水好難搽。一開始會覺得有保濕感，之後好快就會吸收變到完全乾爽。 我本身黑眼圈嘅困擾比較大，搽呢枝serum未見到立即有功效，但搽耐咗覺得係有改善。至於大家話超級有效嘅去水腫效果，我本身呢方面問題唔係好大，就講唔到佢係咪好有用喇。 我自己嘅用法係早晚厚搽眼周，再on top加眼霜，輕輕按摩幫助吸收。

TL好用推薦：已經用咗呢支眼精華一段時間了。 質地清爽易吸收，用後唔會生粒粒或出現敏感症狀。

Kura好用推薦：超有效嘅美白精華，我每晚都會用呢款美白精華，美白效果真係一流，質地超級水，搽上臉可以極速絳紅，完全唔油膩，超快吸收，對於淡痘印都非常有效，我堅持用一個皮膚提亮咗一個色號，無香味，cp值爆嘅一款美白產品，想白必試嘅一款產品 #美白精華 @cosme

mandy好用推薦：The Ordinary Alpha Arbutin 2% + HA 2% 熊果苷透明質酸面部精華 $84/30ml; $159/60ml 功效: 美白去斑/均勻膚色 The Ordinary 的產品賣點是便宜實惠、 產品成分多元化及具不同功效, 然而很多時比較少多功能+集合不同優質成分的護膚品 (Buffet/ “Buffet” 多勝肽1% 藍銅面部精華 是例外)。 那可以如何應對比較單一成分的產品呢? 就是mix & match 2款不同功效及質地的產品一起使用。 像是2% 熊果苷透明質酸面部精華的成分非常簡單,  以均勻膚色/去斑成分的alpha熊果苷為主, 比較缺乏保濕/抗氧化/抗衰老的成分。 此外, 質地也有少許黏。 那為了彌補這些缺點, 可以在使用2% 熊果苷透明質酸面部精華時 混合海洋透明質酸面部精華一起使用。 海洋透明質酸面部精華含有較多保濕/抗氧化/抗衰老的成分, 而且質地是極之水感及延展性高。 兩者一起使用可以互補不足及調整質地,  令使用感更水潤舒適、不油不笠。 2% 熊果苷透明質酸面部精華 算是差不多最便宜的美白精華

WSum So 好用推薦：The ordinary出名用最基本，減少不必要嘅添加成份去製造產品。 今次我想同大家講吓呢個玫瑰油。玫瑰水好多人都會用，但其實玫瑰油都係好不錯嘅補濕選擇！而且我都用左3-4枝！真心推薦比大家呢個性價比極高嘅油！ 我建議大家可以係晚間用，可以加落cream到溝埋一齊再上面！吸收好好，而且溝埋一齊用可以減低油膩感！ 如果皮膚太乾但又需要化妝都可以加1-2滴落妝前乳到，幫助皮膚係化妝時更有水份，減低乾燥感。

Hamiii好用推薦：玫瑰味唔算好重，但足夠保濕👍🏻 呢一支拎左黎按面用😌 年紀開始大，買左部按摩美容棒🤫 用呢支油滴幾滴搽上下巴淋巴位， 再用支按摩棒碌下碌下， 聞住玫瑰精油味，精神好紓緩， 精華油吸收得好快，塊面可以持續滋潤之餘仲可以順手瘦面🤫 正丫😆😆