The Ordinary 用家評價

THE ORDINARY SQUALANE + AMINO ACIDS LIP BALM 角鯊烷 + 氨基酸潤唇膏 $82/ 15ml 角鯊烷 + 氨基酸潤唇膏的外盒十分可愛，好像三角形飯糰。蘊含滿滿的美肌成分，像是角鯊烷及多種氨基酸，成分中以保濕成分、抗衰老成分、抗氧化成分及鎮靜消炎成分為主，有效滋潤雙唇。 根據店員介紹，角鯊烷 + 氨基酸潤唇膏有她的隱藏用法，就是當作萬用膏使用，可以塗抹在身體乾燥粗糙的地方，例如：手踭位置，因為角鯊烷 + 氨基酸潤唇膏具有保濕及軟化角質的功效。 角鯊烷 + 氨基酸潤唇膏的滋潤度剛剛好，使用感不會很油膩黏笠，一年四季即使是夏天也可以使用。大家可以在唇部乾燥時隨時使用，也可以用作唇部打底，之後再上唇妝。使用後，雙唇除了滋潤度有所提昇，唇紋也比較不明顯。晚上開冷氣睡覺，唇部很易乾燥，睡前可以厚敷角鯊烷 + 氨基酸潤唇膏，當唇膜使用，第二朝起身，唇部維持滋潤不乾燥。 THE ORDINARY的價格一向性價比高，角鯊烷 + 氨基酸潤唇膏也不例外，成分不錯，使用感優秀，一年四季都可以用到，尺寸迷你，方便放進小手袋中，優點多多。個人覺得THE ORDIN

同卡粉斑駁講拜拜！乾皮水光肌養成秘笈 作為長期卡粉嘅敏感肌，試過好多保濕精華都覺得爭啲，直到搵到The Ordinary呢支透明質酸B5精華，先至算搵到補水鎖水嘅完美答案💦 成分表乾淨簡單，主打2%透明質酸，含有5種唔同分子大小，可以層層滲入皮膚，從真皮層底層補水，好似同皮膚起咗個小水庫一樣，底層飲飽水先會透出自然水潤感。仲有維生素原B5同神經酰胺，前者可以修護屏障，後者幫皮膚鎖實水分唔流失。 支精華嘅質地係透明水凝狀，流動性好強，完全唔會黐立立或者有油膩感。上手推開就好似水一樣即刻化開，吸收得超級快，幾乎係「咻～」一聲就滲入皮膚，冇乜存在感。 用完之後皮膚摸落去係啞光乾爽嘅，但內裡有種即刻被滋潤嘅感覺，好似底層飲飽水咁，皮膚會變得軟身彈手，但又唔會留低任何黏膩嘅膜感。後續疊加其他護膚品完全唔會搓泥，反而令到乳液同面霜更加貼服。總括嚟講，係一支清爽又高效，專注補水嘅百搭打底精華 日常用法超簡單，洗面後擠3滴全臉按壓，吸收得好快，之後再搽乳液或面霜都會貼服好多，上粉底都唔會卡粉斑駁。偶爾熬夜或者皮膚特別乾嘅時候，就用2滴管厚敷，再加塊面膜敷10分鐘，急救補水真係一流！拎走面膜後皮

The Ordinary Azelaic Acid Suspension 10%，係一支主打淡化痘印、提亮膚色、改善泛紅嘅高性價比護膚品。 ✨ 產品核心功效 · 淡化痘印、提亮膚色：壬二酸係一種天然存在於穀物中嘅抗氧化劑，能溫和干預黑色素生成，改善暗沉、膚色不均同粗糙感。 · 改善泛紅、舒緩敏感：相比其他酸類，壬二酸刺激性較低，特別適合泛紅、玫瑰痤瘡（Rosacea）傾向嘅皮膚。 · 溫和抗痘：有助於改善暗瘡同粉刺，對荷爾蒙痘都有舒緩作用。 💬 評價 · 質地與膚感：霧面乳霜狀，推開後清爽啞光，唔會油膩。質地偏厚、唔易推勻。 · 效果：膚色均勻咗、痘印慢慢變淡，皮膚摸落平滑咗。 · 最大缺點：搓泥（起屑）矽靈基底如果未完全乾透就疊加後續產品，或者用量太多、來回揉搓，就會起白色屑屑。有化妝習慣嘅用家話朝早用完再上粉底會好災難。 📝 使用貼士（避免搓泥） 1. 用量極簡：每次只需豌豆大小，點喺額頭、兩頰、下巴。 2. 垂直輕拍：用指腹輕輕按壓上臉，絕對唔好來回推拉或打圈按摩。 3. 耐心等待：按壓完等 3-5 分鐘，直到皮膚摸落啞光、唔黏手，先好上後續保養品。 4. 建議夜晚用：

基於自己皮膚喺夏天相對多油，刻意今年搵一啲專攻油性皮膚嘅精華使用，呢支煙酰胺精華，正正就係好多人分享針對油性皮膚、出出皮膚、暗瘡肌使用，主打收毛孔，平衡皮膚油脂。 第一次使用佢有少少驚訝，因為冇諗過佢會帶嚟輕微刺痛感覺，一向都係使用酸類產品或者A醇先會出現呢類情況，不過佢嘅刺痛感唔算太誇張， 1分鐘之內就會完全消退。使用完，即時會見到皮膚有膨脹，吸收咗水份，所以肌膚光澤會有所提升。 使用大約半個月時間，其實我都唔期望塗抹精華可以幫助到收縮毛孔，所以的確收毛孔效果唔太明顯。不過喺平衡油脂方面，略見功效，早上只用佢，午間出油情況略見減少。 雖然一用完，保濕成份會令到皮膚整體亮度提升，但保濕持久力中規中矩，但我認為佢同品牌嘅其他保濕精華，效果會更加卓越。

The Ordinary 角鯊烯潔面乳Squalane Cleanser🤍 用後感： 獨特嘅膏狀轉油質地非常特別，擠出嚟係白色乳膏狀，喺手心揉搓加熱後會秒速融化成順滑嘅油脂，喺面上按摩完全零摩擦感。 針對日常防曬、輕薄底妝同埋淡妝嘅溶解力好優秀，輕柔按摩就可以將彩妝同毛孔污垢浮起，溫和清潔同時唔會破壞肌膚屏障。 主打高濃度嘅角鯊烯成分，極之親膚且滋潤度十足，沖水後肌膚完全唔會繃緊或者乾澀，反而摸落去極之柔嫩滑溜。 無香精配方非常安全溫和，就算肌膚狀態不穩定或者容易敏感嘅日子用都完全唔會引起泛紅，係安心嘅日常潔面卸妝選擇 #卸妝部門

我想講呢枝嘢我係work㗎喎😳暗瘡印完全去曬，個效果嚇咗我一跳，價錢親民，又有效果，真心推👍🏻 嚟姨媽前或食熱氣嘢嗰排都會生暗瘡，我係會用手擠嘅人，之後再貼暗瘡貼，但啲暗瘡印真係令我好頭痕，屎窟痕見呢枝嘢平就買嚟試下，我都有買呢隻牌子嘅其他產品試，覺得呢個牌子啲嘢以呢個價錢嚟講算唔差，當然有麻麻地嘅產品，例如咖啡因眼精華嗰枝嘢，用咗2枝都冇效果，但我朋友成功去到黑眼圈🥲激死我。 呢枝嘢話收毛孔就唔多覺佢表現凸出🤔但袪痘印就好得，所以我一枝都用好耐😂主要重點搽痘印。 質地同其他網民形容嘅一樣，有啲似膠水，吸收好快，吸收咗就好似有塊膜喺度嘅感覺。😂

【質感】 質地係透明凝露狀，帶有少少「漿」嘅感覺，唔算好水。有人形容佢似「秋葵黏液」，滴管拎出嚟甚至有機會拉絲。上面嗰下延展性極高，半滴管就夠搽勻全面。不過，佢嘅 「黏笠感」真係一個大問題。吸收之後皮膚表面會有一層輕微嘅「薄膜感」，絕對唔係清爽嗰種，尤其喺香港潮濕天氣下，呢種感覺會更加明顯。 【使用感】 呢支精華最令人困擾嘅，一定係 「搓泥」 問題。有唔少用家反映用量太多、皮膚太乾、或者後續搭配不當嘅時候，會瘋狂搓泥。要解決呢個問題，有幾個方法：第一，用量一定要少，最多兩三滴就夠；第二，一定要喺皮膚微濕嘅時候搽（即拍完爽膚水未完全乾嗰陣）；第三，用拍打方式代替推開。跟住呢幾個方法做，搓泥問題會改善好多。效果方面，保濕力係有嘅，用完之後皮膚即時有飲飽水嘅感覺。B5成分亦有輕微嘅修復同穩定作用。 【持久度】 持久度方面，佢嘅 「即時補水」效果係明顯嘅，但 「長效鎖水」就取決於用法。如果喺乾燥環境下單獨用，或者之後冇疊加面霜鎖水，好快就會覺得乾。呢支精華嘅定位更似一個 「輔助角色」 ，負責幫皮膚「吸水」，但「鎖水」呢個步驟要靠後續嘅面霜完成。 【性價比】 最後講性價比。價錢一定係

低成本速成水光肌 一到大換季或者熬夜之後，塊面就乾爭爭又暗啞！尤其而家入冬，摸塊面粗鞋鞋都算啦，上粉底仲要卡粉卡到想喊，敷十塊面膜都整唔到想要嘅光澤感… 補水嘢買完又買，直到我搵到The Ordinary透明質酸B5精華，先知咩叫將水光肌焊喺塊面度！塊面唔止保濕返，皮膚仲又滑又亮，我唔打底妝，素顏都係透住光澤啱啱好嘅水光肌。 佢質地係啫喱狀，但上面推開吸收得好快。主打透明質酸、B5同神經酰胺三重成分，唔止好似水庫咁補水鎖水，仲可以修復屏障，用多一排就會發現塊水嫩嫩！！隨便照鏡都係水潤潤，透亮水光肌就咁易就擁有？？神到爆… 總結一下我嘅用法： 1️⃣ 日常當補水精華用。一次用兩三滴，之後加返乳液面霜，感覺皮膚通道被打開咗，護膚品吸收得更快更徹底。堅持用落去，塊面成日都水潤潤，透住自然光澤感。 2️⃣ 急救回春。好勁嘅用法！兩滴管再隨便敷塊補水面膜，十分鐘後揭開！嗰種光澤水潤，仲勁過做十次水光，隨便上粉底都滑到唔似真。

The Ordinary 性價比極高，成份簡單天然👍🏼 一年四季我都用佢，一直回購好多支，精華質地小小厚重，神奇系搽上面後，極快吸收😍 用完毛孔細緻左，皮膚飲飽水💦😍脹卜卜❤️ 平時敷面膜前用佢做打底，面膜效果更好😘

身為一個典型T位油、兩頰乾嘅混合偏乾肌，仲要喺香港呢個夏天焗到溶嘅地方生存，搵支啱用嘅保濕精華真係唔容易！The Ordinary 呢支 2% Hyaluronic Acid + B5出名平、精準、成份黨最愛，網上評價好壞參半。 🔍The Ordinary 2%透明質酸+B5精華主打成份：2% 透明質酸 (大、中、小分子複配) + 維他命B5 (Panthenol) 聲稱功效：深層補水、鎖水、修復皮膚屏障、改善肌膚質感 質地：透明、略帶稠度嘅凝膠狀精華 價錢：親民價 (通常百零蚊) 產地：Canada 🌞 香港夏日實戰用後感 1. 質地 & 觸感: 一擠出嚟係透明啫喱狀，有少少「漿」嘅感覺，唔算好水。初時有啲擔心會唔會好黐、好厚。推開一刻，神奇地變得好推！延展性極高，半滴管就夠搽勻全面+頸。 吸收速度： 唔算「秒吸收」，需要 輕輕拍打/按摩約15-30秒。吸收後，皮膚表面會有一層 極輕微嘅「薄膜感」，唔算油膩，但絕對唔係乾爽嗰種。頭幾次用覺得有啲黐黐地，尤其濕度高嘅日子。 2. 即時補水效果：👍👍👍👍 (非常顯著！) 呢點真係要讚！搽完 即刻覺得塊面飲飽水」，尤其係兩頰

The ordinary 佢有咖啡因眼部精華，去眼腫係非常犀利 雖然佢係好稠身嘅gel，但我覺得佢保濕度係唔夠。朝頭早淨係用1滴原液，精華液係淡黃啡色，水劑基底，佢推開係好滑，然後吸收完之後表面會乾同有黏感。 其實已經回購過幾次，但係因為佢實在太大支茶喺眼部，所以次次都用到過期就掉咗。 因為佢係好平，the ordinary係全部都係講關於佢嘅成份原料罐 ，我比較鍾意喺朝頭早眼部浮腫嘅時候，輕輕用手指打圈按摩，之後再用冰匙羹去浮腫。除咗去浮腫仲話可以去黑眼圈咁但佢黑眼圈就不太大效果了。

產品是透明水份質地，不帶油份和乳液精華，非常爽身。 使用份量是將爽膚水擠出三至四次，倒在化妝綿上，再輕輕抹塗於面部。可在洗臉後使用產品，增加面部保濕。使用產品後，面部帶有輕微光澤。

呢一隻B5精華上天然冇其他一啲嘅夾雜成份，所以特別冇咁容易有敏感情況出現。 因為佢迪少少就已經搽晒石塊面同埋濃度都比較高，所以千祈唔好滴超過三滴。如果唔係嘅話之後再搽防曬或者搽其他化妝品嘅話就會起擦子膠粒碎。

佢呢一個嘅精華有個好處係可以係朝早預防色斑沉澱，但係之後一定要搽防曬。 Alpha Arbutin（熊果素）負責「抑製」 喺皮膚底層抑制黑色素細胞（酪氨酸酶）嘅活性，阻止新的黑色素生成。 大約用咗一個禮拜個效果都感覺啲色斑冇咁加深

老實講TO透明質酸精華真實用後感 本人混合肌偏乾，前排塊面乾到甩皮，忍唔手入咗支The Ordinary嘅B5透明質酸精華，用到而家已經大半支㗎喇。 👍先講質地同膚感 杰杰哋嘅透明質酸質感，但都算幾好吸收，查上面唔覺得厚重，敷厚厚一層好快就索晒，最正係冇香味呢點。 👉使用效果 我自己覺得秋冬用嚟基本補水保濕都幾夠，唔貴，平時可以用嚟穩定皮膚，但就唔好奢望佢會令你白咗或去皺紋嗰啲。 👉一啲伏位 千祈唔好妝前用，否則會擦膠碎㗎！！我通常臨瞓前敷厚厚一層，等佢完全吸收晒之後，再查乳液或者面霜。 綜合嚟講，都仲係幾值得入手嘅。 #透明質酸精華 #補水精華 #保濕精華 #平價精華 #精華液 #精華推薦 #theordinary #B5精華 #透明質酸鈉精華液 #秋冬護膚