The Ordinary 用家評價

同卡粉斑駁講拜拜！乾皮水光肌養成秘笈 作為長期卡粉嘅敏感肌，試過好多保濕精華都覺得爭啲，直到搵到The Ordinary呢支透明質酸B5精華，先至算搵到補水鎖水嘅完美答案💦 成分表乾淨簡單，主打2%透明質酸，含有5種唔同分子大小，可以層層滲入皮膚，從真皮層底層補水，好似同皮膚起咗個小水庫一樣，底層飲飽水先會透出自然水潤感。仲有維生素原B5同神經酰胺，前者可以修護屏障，後者幫皮膚鎖實水分唔流失。 支精華嘅質地係透明水凝狀，流動性好強，完全唔會黐立立或者有油膩感。上手推開就好似水一樣即刻化開，吸收得超級快，幾乎係「咻～」一聲就滲入皮膚，冇乜存在感。 用完之後皮膚摸落去係啞光乾爽嘅，但內裡有種即刻被滋潤嘅感覺，好似底層飲飽水咁，皮膚會變得軟身彈手，但又唔會留低任何黏膩嘅膜感。後續疊加其他護膚品完全唔會搓泥，反而令到乳液同面霜更加貼服。總括嚟講，係一支清爽又高效，專注補水嘅百搭打底精華 日常用法超簡單，洗面後擠3滴全臉按壓，吸收得好快，之後再搽乳液或面霜都會貼服好多，上粉底都唔會卡粉斑駁。偶爾熬夜或者皮膚特別乾嘅時候，就用2滴管厚敷，再加塊面膜敷10分鐘，急救補水真係一流！拎走面膜後皮

低成本速成水光肌 一到大換季或者熬夜之後，塊面就乾爭爭又暗啞！尤其而家入冬，摸塊面粗鞋鞋都算啦，上粉底仲要卡粉卡到想喊，敷十塊面膜都整唔到想要嘅光澤感… 補水嘢買完又買，直到我搵到The Ordinary透明質酸B5精華，先知咩叫將水光肌焊喺塊面度！塊面唔止保濕返，皮膚仲又滑又亮，我唔打底妝，素顏都係透住光澤啱啱好嘅水光肌。 佢質地係啫喱狀，但上面推開吸收得好快。主打透明質酸、B5同神經酰胺三重成分，唔止好似水庫咁補水鎖水，仲可以修復屏障，用多一排就會發現塊水嫩嫩！！隨便照鏡都係水潤潤，透亮水光肌就咁易就擁有？？神到爆… 總結一下我嘅用法： 1️⃣ 日常當補水精華用。一次用兩三滴，之後加返乳液面霜，感覺皮膚通道被打開咗，護膚品吸收得更快更徹底。堅持用落去，塊面成日都水潤潤，透住自然光澤感。 2️⃣ 急救回春。好勁嘅用法！兩滴管再隨便敷塊補水面膜，十分鐘後揭開！嗰種光澤水潤，仲勁過做十次水光，隨便上粉底都滑到唔似真。

The Ordinary 性價比極高，成份簡單天然👍🏼 一年四季我都用佢，一直回購好多支，精華質地小小厚重，神奇系搽上面後，極快吸收😍 用完毛孔細緻左，皮膚飲飽水💦😍脹卜卜❤️ 平時敷面膜前用佢做打底，面膜效果更好😘

身為一個典型T位油、兩頰乾嘅混合偏乾肌，仲要喺香港呢個夏天焗到溶嘅地方生存，搵支啱用嘅保濕精華真係唔容易！The Ordinary 呢支 2% Hyaluronic Acid + B5出名平、精準、成份黨最愛，網上評價好壞參半。 🔍The Ordinary 2%透明質酸+B5精華主打成份：2% 透明質酸 (大、中、小分子複配) + 維他命B5 (Panthenol) 聲稱功效：深層補水、鎖水、修復皮膚屏障、改善肌膚質感 質地：透明、略帶稠度嘅凝膠狀精華 價錢：親民價 (通常百零蚊) 產地：Canada 🌞 香港夏日實戰用後感 1. 質地 & 觸感: 一擠出嚟係透明啫喱狀，有少少「漿」嘅感覺，唔算好水。初時有啲擔心會唔會好黐、好厚。推開一刻，神奇地變得好推！延展性極高，半滴管就夠搽勻全面+頸。 吸收速度： 唔算「秒吸收」，需要 輕輕拍打/按摩約15-30秒。吸收後，皮膚表面會有一層 極輕微嘅「薄膜感」，唔算油膩，但絕對唔係乾爽嗰種。頭幾次用覺得有啲黐黐地，尤其濕度高嘅日子。 2. 即時補水效果：👍👍👍👍 (非常顯著！) 呢點真係要讚！搽完 即刻覺得塊面飲飽水」，尤其係兩頰

產品是透明水份質地，不帶油份和乳液精華，非常爽身。 使用份量是將爽膚水擠出三至四次，倒在化妝綿上，再輕輕抹塗於面部。可在洗臉後使用產品，增加面部保濕。使用產品後，面部帶有輕微光澤。

老實講，The Ordinary嘅B5透明質酸精華真實評測 我係混乾肌，前排塊面乾到爆皮，就買咗枝TO嘅B5透明質酸精華，而家用咗半枝 ⭐️質地同膚感 質地係比較杰身嘅玻尿酸，但都幾好吸收，唔會覺得好厚重，厚厚搽一層上面好快就吸晒，而且冇香味，呢點要讚。 ⭐️效果 個人覺得秋冬用嚟基礎補水保濕都幾好，價錢唔貴，平時可以攞嚟穩定皮膚，但唔好期望佢有額外嘅美白或者抗皺效果。 ⭐️一啲伏位 千祈唔好喺化妝前用，如果唔係一定會擦膠粒！！我通常都係瞓覺前厚厚敷一層，等佢完全吸收之後，再搽乳液或者面霜。 總括嚟講都幾值得入手。

以酸類精華黎講，the ordinary杏仁酸係超溫和，唔會用到甩皮/乾得滯，主要可以令皮膚整體平滑，但要堅持用同記得防曬 精華係淡黃色嘅，質地油，膚感麻麻，上面要等佢5分鐘左右先吸收，勝在夠溫和，敏感肌都啱用 👍🏻 係入門友善嘅選擇。比BHA，A醇溫和啲，對初階刷酸或者易敏感嘅人相對冇咁刺激，想試酸類可以試下呢支平價入門版，但就未必係最有感🤣 因為佢比較油，所以我只係局部喺T區用，持續用一排之後，鼻同下巴粉刺少咗啲，整體膚況穩定，唔易出粒粒，油脂控制都好啲✨

The Ordinary呢支10% niacinamide 精華 ✨質地同感受： 半透明凝膠質地，推開有少少黏膩感，吸收速度中等。坦白講，質地唔算討好🤢，有輕微膠水感，後續建議疊加清爽保濕產品，否則可能搓泥😔。夏天用可能會覺得有少少悶，建議晚間使用較好。 ✨效果評價： 控油力超強！真心唔講得笑～用咗一星期後，T字位出油量明顯減少，毛孔睇落冇咁 顯眼。對於油性肌嚟講可能係福音，但對於我哋混合偏乾肌，兩頰同眼底位置可能會覺得乾到繃緊🫣！去痘印效果則要耐心，新生紅色痘印有慢慢變淡，但陳年深色痘印就要持續用先見到少少效果🤐。 ✨注意事項： 10%濃度真係好高！網上好多討論都提醒要用呢支要建立耐受性，初期可能會有泛紅、刺癢感。建議每週用2-3次開始，千祈唔好日日用！另外，唔好同維他命C類產品一齊用，否則容易敏感。 ✨適合邊類人？ 油性／混合肌（偏油）比較適合，熟齡偏乾肌真係要三思⚠️⛔️！如果真係想試，建議只局部用在T字位同毛孔粗大位置，避開乾燥部位。保濕一定要做足！ 總結：平價但唔係人人接受到😵～偏乾肌要用就要打醒十二分精神！ 雖然控油同收毛孔效果不錯，但換來可能係兩頰乾到繃緊💥～建議

已使用產品超過半年，在護膚程序的最後使用。 產品質地屬啫喱狀，而所選的精華具保濕作用，在鎖水的功能上，其黏稠的質地能夠加強效果。 一年四季適宜使用，屬性價比高的護膚品。

好物分享😺👍 我之前皮膚狀態好差 呢支本身只係諗住試下嘅心態去用 用左兩個多星期 每星期2次 （一星期兩次好嘞😂） 每次10分鐘內 洗完面係覺得明顯皮膚光滑咗🙀😻 堅有用 但一個星期唔可以用多過兩次 同每次用都係最多敷10分鐘 唔係會傷到角質層😂

上網睇話呢支功能係收毛孔去疤所以買黎試下，暫時無感，冬天用會略為少少乾，有皮膚繃緊既情況，需要配合比較保濕嘅面霜，暫時唔考慮回購。

CP值好高，質地好"傑"身，冬天使用好夠保濕，但係朝早用完再配某啲品牌既防曬會出現打架起屑既情況，所以主要會在晚上睡前保養時使用。

呢支the ordinary 嘅去角質爽膚水非常出名，出名又平又大枝又好用，佢係一支去角質嘅爽膚水，用咗可以改善毛孔，同埋令皮膚更加光滑，建議喺晚上使用。 呢支去角質爽膚水非常有感，因為用完之後塊面會有少少拮拮地，微刺，同埋會泛紅，我試過連續兩個星期夜晚使用，可能用得太多太密，皮膚連日頭都紅卜卜，但係唔係健康嗰隻，係敏感嗰隻紅，哈哈，可能我太刺激皮膚了 所以一開頭用嘅話，可以逐漸使用，唔好連續每晚使用 ，間唔中用下就OK，用完之後，皮膚係會滑咗啲，毛孔會細咗啲，佢都算係溫和嘅去角質，聽講仲可以用喺頭皮上，有好多用法 呢支去角質爽膚水，係真係非常水狀，好似水一樣流動性好高，淡黃色，冇味道，敏感肌嘅朋友應該唔適合，可能會比較刺激肌膚。  呢支嘢間唔中用吓，重點係佢真係好平，好似$100都唔使就有一支大大支，夏天應該可以用得密啲

The Ordinary呢支AHA 30% + BHA 2% Peeling Solution，係我其中一樣好鍾意嘅product 👍！佢堅係work，一定會回購 初初見到佢嘅質地真係有啲嚇親，係血紅色嘅，搽上臉驚嚇感十足。講到使用感，如果臉上有甩皮，啱啱支完暗瘡有傷口，係會乸同刺痛，同埋如果臉上有水唔係完全乾身，上面會有火燒咁。所以脆弱肌膚千祈唔好試。呢支嘢好鬼勁，一定要跟足指引，每次敷唔超過10分鐘就要洗走 佢係一支好高效嘅酸類去角質煥膚產品，可以去除皮膚多層角質，對付粉刺同暗瘡好有效。我係一個星期用2次，用咗一個月左右，真係覺得皮膚滑咗，膚色均勻同光澤咗。缺點就係佢真係好刺激，一定要慢慢建立皮膚耐受度，新手同敏感肌要特別小心。 但佢咁平，都值得買嚟試下，除咗面之外，敷落armpit位都唔錯😌，真係會白滑啲！用完佢之後記得要做好保濕🧴

The Ordinary呢支7%甘醇酸爽膚水真係平靚正，性價比好高嘅去角質化妝水😚 佢嘅質地係水狀，帶少少淡黃色，流動性好高。上臉感覺好清爽，吸收完有存在感。帶有酸酸地啲「原料味」，因為含有7%甘醇酸，氣味上都可以接受嘅。 我主要係夜晚用，用化妝棉輕輕抹面，每日用，黑頭粉刺減少咗，冇咁顯毛孔，膚色均勻咗，有少少提亮效果，塊面望落有返光澤 除咗用上面，我仲發現有網友分享用佢嚟搽手踭、腳踭啲粗糙位，可以令啲死皮軟化，仲有人會用佢嚟搽頭皮，改善出油問題，不過自己就暫時未試過 總結嚟講，呢支toner CP值好高，溫和去角質，一物多用，價錢又抵👍🏻