The Ordinary

Glycolic Acid 7% Toning Solution

呢支the ordinary 嘅去角質爽膚水非常出名，出名又平又大枝又好用，佢係一支去角質嘅爽膚水，用咗可以改善毛孔，同埋令皮膚更加光滑，建議喺晚上使用。 呢支去角質爽膚水非常有感，因為用完之後塊面會有少少拮拮地，微刺，同埋會泛紅，我試過連續兩個星期夜晚使用，可能用得太多太密，皮膚連日頭都紅卜卜，但係唔係健康嗰隻，係敏感嗰隻紅，哈哈，可能我太刺激皮膚了 所以一開頭用嘅話，可以逐漸使用，唔好連續每晚使用 ，間唔中用下就OK，用完之後，皮膚係會滑咗啲，毛孔會細咗啲，佢都算係溫和嘅去角質，聽講仲可以用喺頭皮上，有好多用法 呢支去角質爽膚水，係真係非常水狀，好似水一樣流動性好高，淡黃色，冇味道，敏感肌嘅朋友應該唔適合，可能會比較刺激肌膚。  呢支嘢間唔中用吓，重點係佢真係好平，好似$100都唔使就有一支大大支，夏天應該可以用得密啲

The Ordinary呢支7%甘醇酸爽膚水真係平靚正，性價比好高嘅去角質化妝水😚 佢嘅質地係水狀，帶少少淡黃色，流動性好高。上臉感覺好清爽，吸收完有存在感。帶有酸酸地啲「原料味」，因為含有7%甘醇酸，氣味上都可以接受嘅。 我主要係夜晚用，用化妝棉輕輕抹面，每日用，黑頭粉刺減少咗，冇咁顯毛孔，膚色均勻咗，有少少提亮效果，塊面望落有返光澤 除咗用上面，我仲發現有網友分享用佢嚟搽手踭、腳踭啲粗糙位，可以令啲死皮軟化，仲有人會用佢嚟搽頭皮，改善出油問題，不過自己就暫時未試過 總結嚟講，呢支toner CP值好高，溫和去角質，一物多用，價錢又抵👍🏻

呢款化妝水就係好皮膚嘅秘密武器，我係夜晚先會用呢款化妝水，每次用完佢都會幫我帶走曬皮膚入面嘅污租嘢，我每次用都會用化妝棉黎抹全臉同埋身體部分，每次抹完都會睇到化妝棉變黃色或者黑色，用完之後皮膚變到好似識呼吸咁感覺透亮，d皮膚好似發光燈泡咁透光，氣息超好，同埋價錢好平，同埋呢款化妝水係四季都啱用，去除

氣味有似果酸隻味，質地近似水咁好清爽，有時會見到抺到一啲老化角質污垢出嚟。初用或乾燥皮膚可能有少少刺激感，但建立耐受性後又或對混合肌/油肌嚟講，真係可以幫到皮膚有好大改善，用完第二日起身面部減少油光，毛孔係肉眼見到變細咗，皮膚摸落平滑咗，keep 住用毛孔變到更細緻，黑頭都變少，無咁易出暗瘡。呢支去

呢支爽膚水我會用嚟搽喺背脊 頸 同埋胳肋底 佢可以做到去角質 同埋輕輕幫我去下啲痘印 由於佢有酸嘅成份 我就唔係日日用啦 試過用喺塊面嗰度都會有少少刺痛感覺 如果皮膚敏感嘅朋友仔就試吓先再用喺面上面

之前買過，打算用係面部同身體。 好搞笑，唔知點解佢比多個蓋你換，可能方便唧落化妝綿。 明明係有acid,但唔係好覺得去到角質，仲要用完痴笠笠。我自己麻麻地呢支。

用咗第一次已經好明顯效果！用咗一兩個星期睇吓有冇敏感先。近耳仔同埋下巴位有dd刺，但係用多2次就無刺。用完兩三日後塊面變得好令，尤其係額頭鼻樑係光滑到有d反光。本身有2粒m瘡都好快熟左謝左，印都淡得好快。之後搽精華係吸收得快左好多！ 以前有用開酸，睇嚟7%果酸我都carry到所以好鍾意支toner。

價格便宜直達佛心程度！爽膚水含有溫和去角質、殘餘污垢即作二次清潔、煥膚的功效，質地偏清爽跟黏膩毫不相關；敏感肌也可安心使用，沒有含酒精跟香料，間隔於晚上使用有令膚色明亮水潤的效果

朝早會用化妝棉再沾toner來簡單去角質 然後皮膚會變得有自然光澤 後續保養更吸引

可以溫和地去到角質，用完皮膚冇咁粗糙，但敏感肌膚要慎用，用完會泛紅