SOFINA iP

水光去角質碳酸慕絲精華

多謝Cosme抽中產品試用！ 我本身皮膚係混合性偏乾，臉頰乾脫皮，T字位出油，但可能天氣影響皮膚唔穩定，目前全臉都會間中有脫皮情況，尤其沖完涼唔即刻搽護膚品就會更乾。 Sofina iP毛孔洗顏啫喱我本身都有開，依隻慕絲精華係第一次試，未試過有去角質嘅產品每日都可以用，仲唔會引起敏感，敏感薄弱嘅皮膚都啱用。用法好簡單，洗完臉印乾，shake完支精華，按罐上指示㩒出大約兩指闊即3cm大小份量，塗上臉打圈輕按10秒，等精華滲入皮膚軟化角質，再用乾化妝綿擦全臉一次，再上返自己護膚品就得。 效果：去角質、滋潤乾皮 包裝：鐵罐泵裝，泵頭易按易控制，唔會一下泵太多 質地：泡泡慕絲，塗上臉就會消泡，感覺好輕身 香味：淡淡清香唔會刺激 用後感：軟化角質層效果非常好，我本身皮膚鼻頭、面頰、下巴都乾到脫皮，用完之後即時效果好明顯，無晒啲皮屑，即時法潤皮膚， 尤其連續用左3日鼻頭已經亮到發光，5日下巴毛孔都細左，真係有種水光肌嘅感覺，可以連續咁用嘅去角質產品又唔乾又護膚，真係勁推！

本身以為佢係一支潔面噴霧 原來佢係唔使過水！係一支精華嚟！ 下邊係第一日未使用前嘅肌膚狀況：下邊係第一日使用完之後嘅即時情況： 啲泡泡搽上面一開始有少少刺激 查完之後可以見到其實係有少少敏感，因為我個嘴上邊係紅咗 不過唔算嚴重 係即時有少少刺激感 亦都有好快已經退咗 然後我keep住每日早晚使用 下面係第七日嘅皮膚狀況： 本身覺得好似冇咩感覺咁，但依家睇返啲相見到係有白淨咗 其實係有少少驚喜 不過毛孔望落去好似都冇咩分別 黑頭亦都唔覺得有特別少咗 其實除咗第一日有少少敏感之外，之後嗰幾日都已經冇咗敏感嘅感覺差上面亦都冇紅 同埋！用完七日之後 上底妝塊面有貼服咗嘅感覺 可能因為佢真係幫我代謝咗啲老廢角質🤩 （我有嘗試過一次搽完之後唔過水即刻化妝 不過有可能因為查得太多 導致塊面個底妝有少少斑駁 如果大家要上妝之前用嘅話 最好攞化妝水抹一抹塊面 又或者用量唔好搽咁多） 總括而言我覺得係可以試吓 但因為頭嗰一日有敏感嘅情況 如果敏感肌嘅話可以試咗喺啲手臂內側 睇吓會唔會有好嚴重嘅情況 以我嚟講基本上第二日都已經唔會再紅 用完七日亦都有膚色改善

今次試用呢個產品，產品說明，無需用力，就可以温和軟化並去除老廢角質，覺得好神奇。因以往用這類產品，通常都是磨砂的。 按指示先搖勻產品，才把泡抺劑出，泡沬非常綿綿細密。 按樽身指示的用量及按摩手法進行按摩。 塗上面時感到極短暫微温感，應該是碳酸在發揮作用。 記得按摩完畢，是用化妝綿抺走，不用過水! 用後即時感覺皮膚滑了，最先感覺到是手指頭滑了，然後再確認面部也滑了。 用了7天，其實沒有大感覺，不覺得毛孔有收細，不過睇返用前用後相片，整體皮膚平整度平滑了少少。會繼續使用，期待更佳的變化。

感謝 @Cosme 抽中參加這次試用活動。今次SOFINA iP 的「水光去角質碳酸慕絲精華」是第一次使用此品牌的產品。由於有「去角質」功能的關係，未使用前有點擔心會使皮膚太乾。唧出來的慕絲質地非常輕盈綿密，有光澤感，置於臉上時會感受到碳酸泡泡爆破的爽快感。 輕輕推開後精華很滋潤，完全沒有乾燥的感覺，甚至可用精華簡單按摩臉部，精華幾乎完全吸收，化妝棉輕輕抹去角質後就可以做下一步護膚程序，十分方便「懶人」。產品並非去如市面一般的去角質磨砂般會有一粒粒死皮，頭一兩天使用後化妝棉會有少許角質，不覺得繃緊，而且能夠做到每天去角質的護理很吸引。 使用前臉頰輕微泛紅使用後第四天，減少泛紅，皮膚亦有點光澤。連續使用了六天，本來使用前皮膚有點敏感和泛紅，使用後兩邊臉頰減少泛紅，感覺幾滋潤和有光澤，雖然沒有太大感覺收毛孔，但會繼續使用再看效果。

第一次用呢一款唔洗過水嘅洗面泡泡🫧 仲要係聲稱「每日可用的角質護理」，都幾吸引 用之前睇清楚，原來係乾手乾面用，我會prefer夜晚用，因為清潔咗角質就可以順便敷埋面膜～擠出嚟嘅泡泡好綿密，擠出一粒香印提子咁嘅size就足夠使用全臉，放上面之後一邊按摩，一邊變成精華質地嘅液體狀，好神奇。包裝盒上面有教由內至外咁按摩～用洗面巾乾抹都唔會有乾/損嘅感覺，好似仲有少少精華喺面上keep住保濕咁，但又唔會覺得黏膩。喺洗面巾度可以見到真係抹到少少黃色嘢同灰塵🫣使用後都冇任何不適，冇敏感或乾燥泛紅，好神奇～ Before係用之前； After係用咗7日之後，用完洗面泡泡未用精華嘅效果， 可以見到暗瘡發炎情況好咗少少，泛紅有減少～ 整體嚟講會繼續keep住用呢個洗面泡，再配合暗瘡產品，再觀望下效果，希望可以更加吸收，減少暗瘡🥺

首先，謝謝SOFINA iP舉辦試用活動 & @cosme HK抽中成為試用會員🙇🏻‍♀️ 試用產品: <水光去角質碳酸慕絲精華> 使用產品前的皮膚狀態: 容易敏感、生痘痘、粗糙～ 使用產品後的心得分享: 收到試用產品第1天 放工返屋企洗完面即時試用 使用產品時必須乾手及乾面 放上面打圈按摩好快變透明狀 我自己就用有網面嘅化妝棉擦拭 化妝棉上去除咗好多老化嘅角質 而且肌膚嘅觸感即時變得光滑 使用產品後不用過水直接上爽膚水 繼續完成之後嘅護膚品就可以了✅ 連續試用產品7天後～ 堵塞毛孔/粉刺有明顯改善✅ 毛孔乾淨咗好多，重有光澤✨ 我試過洗完面用去角質碳酸慕絲精華 之後再敷片裝面膜，既滋潤又唔乾燥 產品特色及觸感:
慕絲嘅質地綿密細緻，使用時不用搓破 直接將慕絲放到面上然後直接推開 打圈按摩10秒左右，最後用化妝棉 由內到外擦拭表面，去除老廢角質 最後，與傳統磨砂去角質產品相比， 這種慕絲質地更舒適，不會繃緊。 非常適合敏感皮膚嘅我～ 連續使用七日並🙅🏻‍♀️無痕癢紅腫等情況出現 簡直係敏感皮膚嘅救星💜 <水光去角質碳酸慕絲精華> 一支適合敏感肌又可以每日用嘅去角質產品 誠意推介

多謝@cosme抽中我試用SOFINA水光去角質碳酸慕絲精華! 水光去角質碳酸慕絲精華一支可以每日使用的去角質產品，慕絲質地非常獨特呢，我會於晚上潔面後用，使用時擠到出3cm直徑份量按摩10秒，就能導出老化角質，之後輕輕用化妝棉抹走即可，不用沖水十分方便，瓶身還很貼心附1：1圖示呢！ 慕絲的質地推開就化成厚潤的精華一樣，水潤順滑的質感在臉上按摩好舒服，不帶摩擦或其他刺激不適感，湊巧使用的第一日下巴突然冒出生理痘來，但精華亦呵護到紅腫的痘痘，即使用於痘痘上，都沒有刺激感，溫和得令人驚喜，而用後感覺肌膚得到滋潤，無乾燥感出現。 我的皮膚本身較薄易受刺激類型，在未使用前略帶粗糙、暗沈，而我本身是易出暗粒的人，在連續用7日膚質變得越來越好，除了比之前平滑了好多，觸感變得柔軟細滑之外，透明感亦有提升，連臉上的暗粒明顯減少了，底妝都變得更貼服。

最近參加完Sofina舉辦嘅workshop入手咗呢枝水光去角質碳酸慕絲精華，當日workshop有專業化妝師示範親身講解，上臉試用之後就被燒到了😻用完之後塊臉滑捋捋好神奇！佢唔似其他去角質產品令皮膚刺激，好温和就輕鬆去到角質，用法都好方便，搽喺臉度輕輕按摩然後用化妝棉抹乾淨就完成，臉都唔需要洗啱晒我呢啲懶人👍🏻 清潔度：⭐️⭐️⭐️ 温和度：⭐️⭐️⭐️⭐️⭐️ 保濕度：⭐️⭐️⭐️⭐️ #火熱新品

好開心收到Sofina IP 的水光去角質碳酸慕絲精華試用！一款有去角質的功能而且是慕絲質地的精華，令我急不及待收到即晚試用。 首先潔面後，唧出慕絲精華前需要搖晃樽身約5次，樽頂朝上，即可輕易唧出慕絲般的碳酸精華，慕絲質地綿密細緻，但輕易搽勻，搽勻後偏水狀，按摩10秒後用化妝棉由內到外擦拭表面。擦拭面部後化妝棉不如其他去角質產品般會擦出黃黃髒髒的老廢角質，但用後的確即時變得光滑，乾紋消失，肌膚變得水潤，有效去除角質及增加後續保養的吸收。相比傳統去角質的產品，這款慕絲精華温和舒適，使用時不會刺激皮膚，導致泛紅及敏感。 本人的皮膚經常不穩定及容易泛紅敏感，但使用慕絲精華並沒有任何不適，亦不會出現毛孔堵塞或生粉刺的情況。連續使用一星期後，肌膚底層透光透亮如圖。 不過本人確實未能掌握慕絲精華的份量，每次都覺得用量太多，不太懂得控制份量。雖然如此，本人仍會推介此款去角質精華給所有膚質包括敏感肌的人士！

多謝@cosme抽中試用! 我本身角質層應該唔算厚（一星期一次深層清潔、平日都有用潔面 / 爽膚水）所以唔會話有超明顯嘅肌膚軟化效果。但我都會推薦Sofina 呢支水光去角質碳酸慕絲精華😉 首先我覺得佢質感好舒服，每日用嘅話比起用去角質啫喱更好，感覺無咁刺激皮膚，只係好似搽咗好保濕嘅爽膚水咁。特別而家天氣濕焗、又經常出入冷氣地方、皮膚狀態唔穩定 🫠 同埋佢用法好簡單，將mousse搽上面輕輕打圈10秒再用化妝棉輕輕由內向外抹走就ok，幾方便。但對我嚟講佢最明顯效果真係夠水潤、我上面後即刻無晒好乾好繃緊嘅感覺，仲keep到光澤感！如果有化妝嘅相信會更加感覺到佢嘅效果，上粉更貼服👍🏻

Sofina今年新出嘅水光去碳酸精华，真係零磨砂粒子又唔搓泥嘅溫和去角質精華！當初係衝住「水光」呢個賣點去試，其實主打溫和去角質，所謂水光就係清潔後短暫水潤透亮感，之後上妝最明顯效果就係「貼服」，建議隔兩日用一次就夠 😆點樣用：洗面後手面都要乾，搖勻支精華，按一泵，將啲慕斯搽勻塊面，打圈按摩10秒左右，再用化妝棉抹走，唔使過水，直接跟返爽膚水、精華、面霜就得。 😆好處：比一般去角質產品溫和，用完之後皮膚睇落會細緻啲。

很高興收到試用品。本身都有用過SOFINA iP的產品，很喜歡其淡淡清香。今次「水光去角質碳酸慕絲精華」 果然有同樣香氣，很喜歡。 質地方面，第一次去角質係用慕絲質地，好輕盈，幾新奇。搽左上面按摩之後會變左水珠，好似爆汗咁，幾搞笑。但我第一次用時，皮膚未適應，有覺得乸乸地，所以吾敢每日用，要隔日比皮膚習慣下先。 按說明書指示係不用過水，用化妝棉抹走就可以。抹出黎有啲黃黃地。不過平時就算用化妝水抹，都會有黃，所以未能肯定效果。 以去角質角度黎講，就一啲乾既感覺都冇，但用得幾次，又暫時未見到有咩明顯效果。同埋第一晚乸完後，翌日早上仲冒左粒暗瘡。之後幾次用就冇特別情況。 整體黎講覺得似用緊化妝水。不過會繼續試用多一排先，始終去角質吾係可以一次見效。

用完SOFINA iP 水光✨✨去角質碳酸慕絲精華，真心感覺幾正！ 一按出嚟係超細緻密實嘅碳酸泡泡，搽上面一推即刻feel到好夠彈性，完全冇刺激感🥰 就算敏感皮膚都唔覺得痕或者紅腫 按摩時💆🏻‍♀️啲泡泡會慢慢消融，帶走面上死皮同暗啞感，洗返乾淨之後，皮膚觸感真係即時滑咗一層，毛孔位置乾淨晒，黑頭都少咗啲！ 成支產品最大賣點係即時煥膚同提升光澤感✨✨用完臉色冇咁灰，膚色均勻咗，塊面仲好水潤💦💦 完全唔會覺得乾，一啲都冇繃緊感覺，加上之後搽精華同面霜都覺得吸收快咗，妝容貼面 味道好清新，完全冇嗰種假香味，感覺天然舒服😌！ 最方便係唔使花好多時間，即按即用，用完死皮走咗，皮膚馬上refresh返青春咁 另外包裝設計夠輕巧易按，好適合日日忙碌但又注重護膚嘅人用～💕💕 值得推薦👍🏻👍🏻👍🏻

Sofina水光去角質碳酸慕絲精華 嶄新水光去角質護理配方，採用專利高濃度、極微米碳酸慕絲，能滲透肌底，提升「血管力」及血液循環。結合水光去角質護理配方，只需 10 秒按摩即可軟化並導出老廢角質，解決粗糙、暗沉、毛孔堵塞及黑頭問題。很豐盛的泡泡，使用後無需清洗，能同時滋潤角質層，讓肌膚呈現水光感，且強調低摩擦、零乾燥、不繃緊。 

~ NN 𝑅𝑒𝑣𝑖𝑒𝑤 ~ ✨ Sofina iP 水光去角質碳酸慕絲精華 這款精華用左獨有 100%皇牌碳酸技術及多種角質層修護成分，可溫和軟化、除老廢角質，同時滋潤角質層細胞，促進角質代謝循環 精華支出黎係好綿密呈泡沫狀，抹上臉質感好細軟，好似摸緊梳乎厘咁～支一pump就足夠查全臉連頸，延展性都幾高，輕輕打圈按摩幾秒後就已經吸收曬，過多幾分鐘就見到臉部好有光澤順滑，最後用化妝棉抹一下就完成去除角質，唔洗又洗多次臉幾方便👍🏻👍🏻 回購：4/5 🌟🌟🌟🌟

SOFINA iP 水光去角質碳酸慕絲精華試用心得： 第一次使用慕斯狀的精華，體驗十分新奇！它的質感與慕斯潔面有點相似，呈白色泡沫狀，應用於面部後無需水洗，按摩數秒後泡沫會消失。 雖然是去角質類產品，但它在我臉上不會令我感到皮膚受到刺激， 與傳統磨砂去角質產品相比，這款產品明顯更加溫和，使用後皮膚不會感到乾燥緊繃，反而很水潤。 持續每晚使用該產品一星期左右後，我覺得自己的皮膚看上去有變得更加光滑細緻，並且即便每晚使用也沒有在我臉上導致任何敏感不適的問題。 綜合以上，我認為無法承受或不願承受傳統磨砂類去角質產品的護膚愛好者可以嘗試一下這款溫和的慕斯精華。

感謝 @Cosme 抽中試用SOFINA iP 的「水光去角質碳酸慕絲精華」。 最初以為係去角質潔面， 睇說明先發現係可以去角質的精華，用完之後用化妝棉抹走就得，唔需要過水。 精華系係慕絲質地，非常綿密和有光澤的泡泡， 在面上按摩會有皮膚被打入空氣，梳打水咁ge“Za”感覺。 在臉上按摩其實感覺唔到佢吸收，亦感覺唔到去角質會有的輕微沙沙嘅手感，只有好似啫哩一樣柔滑嘅感覺。 我在晚上使用時會根據說明上建議用化妝棉抹去， 然後在搽上面霜。皮膚有滿滿嘅滋潤感。 但在早上使用後會選擇用清水過面，皮膚會清爽一啲， 但依然保留水潤度。 使用7日之後，毛孔稍微有改善，膚色看上亦減少暗啞變得較有光澤。上底妝時，最能夠感受皮膚有明顯改善，妝容亦大大提升貼服度。

多謝 @cosme 比我試用SOFINA iP嘅水光去角質碳酸慕絲精華，佢主打每日都可以用嘅角質護理好吸引。 樽身好輕盈，設計簡單易用，包裝仲好貼心咁附上使用教學，搖勻後擠一泵，係順滑嘅慕斯質地，上面無咩負擔，薄薄按摩完再用洗面巾抹走，第一次用feel唔到去角質。 本身膚質係偏油，多痘痘粉刺，最近天氣反覆所以有小小泛紅。用左一個禮拜，去角質功效比較溫和，唔會話有好明顯嘅效果，但用完確實覺得塊面乾淨左，有舒緩泛紅唔過敏，期待keep住用落去。

我係混合性偏乾肌膚，轉季容易皮膚敏感，選擇護膚品特別小心👀 呢支Sofina 水光去角質碳酸慕絲精華可以幫助去除角質，用咗佢冇出現敏感情況。因為我嘅皮膚比較容易敏感，好少會用一般嘅磨砂去角質產品，呢支精華可以溫和去角質，用完唔會覺得特別乾燥，用咗一星期左右，皮膚透亮度有增加！用之前記得要搖晃，然後再打圈推開全面，按摩大概10秒，我會再用化妝棉抹走慕絲。 非常推薦敏感肌膚想搵一支溫和去角質嘅產品，可以增加皮膚乾滑到同透亮度，重點係用完都冇出現敏感情況！

今次收到Sofina iP 的水光去角質碳酸慕絲精華，使用時觸感很舒服， 慕絲的質地十分綿密細緻。試用一星期後，覺得此產品與傳統磨砂去角質相比，不會像傳統的會拆出擦子膠粒粒，但感覺更加舒適和不會繃緊。 去角質後，明顯感到肌膚保持水潤和光滑，肌膚亦有提亮和撫平毛孔的效果。屬於敏感肌膚的我，使用時沒有感到刺激或不適的感覺。感覺這款產品比起一般傳統去角質產品相比，能減輕肌膚在深層清潔時的負擔，可作每日使用的清潔護理。