Kiehl's

醫學三酸煥膚精華

多謝 @cosme 抽中我試用kiehl’s 呢2支精華。 先講一講藍色呢支三酸煥膚精華，佢係液體嚟，用落係冇乜化學味或者香味，呢點要讚一讚。教學係教當佢爽膚水咁搽上面，所以佢係好吸收，基本上一搽上面好快就會吸咗。一般用係冇乜刺激性嘅，不過始終佢都有啲酸性，如果你做完針清或者有啲小傷口咁佢搽落去係會有啲拮拮地嘅。呢支頭幾日搽我覺得皮膚未適應係有可能有少少粉剌，但用多幾日基本上冇問題了，皮膚keep住都穩定。 之後講下另一支透明嘅維c淡斑精華，佢質地相對杰身，真係精華嘅質感。搽上面唔會有一個好乾嘅感覺，反而會有一個好滋潤嘅感覺，keep住都有啲潤。而呢2個精華夾埋一齊用真係有一個美白嘅效果，用左大概14日，本身皮膚係好黑嘅，但真係有一個美白效果。可以睇一睇對比圖。 皮膚顔色真係亮白咗，亦都多左光澤同睇落冇咁乾，雖然毛孔大細好似冇特別收細，但係白同潤嗰方面係有啲效。所以我覺得如果想美白嘅朋友可以一試。

近年Skin care promote喺skin care routine入面定期用酸類產品去達到煥膚嘅功效。之前都有試過用唔少酸類產品，但都因為刺激皮膚，用完皮膚紅所以無用落去。今次第一次用Kiehl’s醫學三酸煥膚精華，連續用咗14日，以下係我嘅使用感受🙆🏻‍♀️ 產品性質：質地比較輕盈嘅精華，吸收速度較快，易推開。無明顯香味。 用後感：連續用咗兩個禮拜，明顯皮膚少咗粗糙同暗粒，平滑咗，皮膚明顯有光澤咗 (真係識反光)，無再好似之前灰灰暗暗，嚡熠熠咁😹膚色明顯平均過以前。毛孔收細方面，因為本身毛孔唔算好大所以無太大感覺。本身 最想大讚嘅地方係，依款精華做到酸類產品要做到嘅功效外，更好溫和一啲都唔刺激。之前用酸類產品經常會用到甩皮同皮膚發紅，但依隻連續用咗14日都無依個問題出現😍夏天用佢唔會太笠得黎都唔會太乾。 總結：大推俾膚色暗沉想改善，敏感肌，之前用其他酸類產品有不良反應嘅人。用完依支會想再買第二支😆 使用步驟：洗面後，先用醫學三酸煥膚精華，隨後使用醫學維C淡斑精華達至最強亮白效果。 再塗上保濕霜及防紫外線產品。 Before & after: 質地：

試用程度：連續使用兩星期多幾日，夜晚護膚第一步搽上，因需求不合沒有於日間使用。 適逢第二星期遇上經期前爆痘階段。 容器：玻璃滴管瓶，尚算輕巧不易跣手，有次不慎於架上掃跌落檯面也沒有跌破。泵頭不算難按，每次唧起只有半泵但已經夠臉部使用。 但酸類產品入落透明透光瓶身這點會令人疑慮會不會影響保質。 氣味：無人工香味，亦無市面酸類產品常遇到的味道，抵讚！ 質地：像水一樣但與爽膚水不同，推開時有種很輕微潤滑易推開的手感，後續十秒內已經會完全被皮膚吸收，沒有留下任何感覺。 產品於瓶內呈淡藍色，上手或上臉時肉眼看不出有色。 效果： - 能改善摸上臉時感覺到粉刺一條條凸出的粗糙感，使用幾日後已經變得平滑。不過對於經前火山痘或已發炎的暗瘡均沒有代謝作用； - 毛孔收細的程度也不俗，不過想clearify它對毛孔的作用比較像是「回到最初的起點」而不是變魔法般令毛孔消失，肉眼仍然會見到毛孔們的存在但已經收貨； （順帶一提建議各位不要不自量力，以暴力方法去清理毛孔或擠暗瘡，會變成明顯的毛孔凹洞而且很難回復，需尋求醫美方法） - 沒有感覺到皮膚透明度有所改善，比起其他酸類產品的拋光感明顯不足； - 產品說

在洗完臉後，我會直接使用Kiehl's 醫學三酸煥膚精華。塗抹在臉上後，它很快就被吸收，然後再進行後續的保養步驟。 它的質地偏水狀，可以作為爽膚水使用，接著再上霜或乳液。 使用時，我會特別針對粉刺較多的區域，例如眉心、鼻子和下巴，並稍微按摩一下。我聽過早C晚A或刷酸的分享，所以我選擇在晚上使用。使用後，我發現原本有些粗糙的下巴和鼻翼摸起來明顯平滑了不少！在這個過程中，也沒有出現爆痘的情況。雖然毛孔依然存在，但整體看起來更乾淨，毛孔也有縮小的趨勢。 Before ^After^ 不過，皮膚似乎需要時間來適應，因為我是敏感肌，所以我通常使用三天左右就會休息一下。之後再回歸到簡單的修護型產品，待皮膚適應後，再嘗試延長一星期使用的天數。

首先要感謝 @cosme 邀請我試用 Kiehl’s 的「醫學三酸煥膚精華」和「醫學維C淡斑精華」。 產品介紹： Kiehl's 醫學三酸煥膚精華 * 質地輕盈、迅速吸收 * 8.6% 三酸組合，能倍效煥新膚質，撫平瑕疵，收細疏通毛孔，肌膚更光滑透亮 * 配方中的舒緩成份 — 葡糖酸銅，可中和肌膚因去角質而出現的敏感不適，減少發紅和乾燥。 * 成份溫和，適合敏感肌每天使用 * 配合醫學維C淡斑精華使用，更快均淨亮白、收細毛孔、細滑膚質、撫平細紋 使用方法： 用洗臉產品潔淨肌膚後，先使用【醫學三酸煥膚精華】作為爽膚水。取3-4滴煥膚精華於指尖，指尖由下而上平均輕按塗抹於全臉，需要避開眼周。之後再使用【醫學維C淡斑精華】。 使用感受： 這款Kiehl's 醫學三酸煥膚精華，質地不是潤澤型，偏向輕盈，對於混合偏乾肌膚塗抹完後亦需要塗上精華後續加強保濕。 不過肌膚吸收得快，用咗一排肌膚亦有變得細緻平滑。親膚性強，用時也沒有任何皮膚不適或受外來物刺激的感覺。 滴管設計使用很方便，又衛生，用量亦能輕鬆控制。 水潤度 6/10 吸收度 9/10 肌膚平滑 8/10 透亮效果 8/10

多謝@ cosme抽中我試用Kiehl’s新產品“醫學三酸煥膚精華”! 呢支煥膚精華主打每日溫和去角質，可以收細毛孔同埋有亮白效果，敏感肌都適用。官方建議配合埋醫學維C淡斑精華使用可以達至最強亮白效果。岩岩泰國旅行番黎曬黑左，即刻可以試一試睇下效果!我試用左大概2星期，同大家分享一下感受。 先講講佢既質地同埋味道，呢個精華係非常水狀，亦冇任何味道，搽上面都好清爽，大概幾滴已經可以搽均全臉，一支相信都可以用到3個月，同埋一年四季都可以用呢個精華，如果日頭搽左建議上番防曬。第一日用係有少少吉吉地，但第2日皮膚已經適應左冇問題，建議敏感肌可以頭幾次少量搽上，等皮膚適應。 同醫學維C淡斑精華配合用左2星期後，我覺得最明顯係透白既效果。從我塊面可以睇到，下巴個暗瘡印已經淡左好多(請無視我粒新暗瘡haha)，未用精華前我暗瘡印要好耐先退，依家明顯快左好多，果然係皇牌產品。另外，膚色亦都透白左，冇咁暗黃，我自己平時比較夜瞓塊面黃左少少，加上去埋泰國又黑埋，所以用完呢2個精華效果都唔錯。但收細毛孔效果就暫時未見到，可能自己d陳年毛孔須要長時間用先見到效果。

好多謝Cosme邀請我試用Khiel’s 醫學三酸煥膚精華, 我之前皮膚有啲暗粒膚色唔均勻一開始試用三酸煥膚頭兩日冇乜異樣第三日有少許繃緊, 跟住有少許甩皮帶情況唔算嚴重亦無敏感 配合Khiel維他命C精華, 令我覺得膚色漸漸冇咁暗沉, 加上佢比較水潤所以我覺得佢可以幫我平衡返天氣乾燥嗰幾日皮膚嘅唔舒服 繼續使用多三日之後皮膚面色均勻白淨咗暗粒易少咗 我第一次接觸呢種產品好幫到我相信會繼續使用令自己白白滑滑冇曬暗粒

感謝 @cosme 抽中新品試用！Kiehl’s嘅醫學三酸煥膚精華係每日嘅早晚洗完面之後作為爽膚水步驟使用，質地係水狀，流動性好高。主打每日溫和去角質、敏感肌都適用。 由於成份有三酸，所以我頭幾日用上塊面嘅時候其實有少少刺痛同埋起粒粒，但係再過多幾日皮膚適應咗之後就冇問題了。 重點係我平時嘅鼻翼、鼻頭同埋下巴位係有好多粉刺/黑頭，就算用導出液整走咗粉刺之後，其實一個禮拜內都會好快就再出新嘅粉刺，但持續兩個禮拜用咗呢支之後，我真係發覺自己嘅粉刺生得慢咗同少咗！以前一個禮拜要清一次粉刺，但係而家過咗一個禮拜啲粉刺都唔太明顯，所以我自己都減少咗清粉刺同黑頭嘅次數！ 官方推介Kiehl’s嘅醫學三酸煥膚精華配合醫學維C淡斑精華使用，可以達至最強亮白效果！我持續兩個禮拜用咗呢兩支組合之後，可以睇到我嘅before & after對比真係減少咗皮膚瑕疵、淡咗斑同埋白滑左，效果驚喜，我用完之後絕對會考慮回購！

初時見到精華英文名後，會有好多想像。Triple Acid Peel聽落去好似會好over咁。再加上要daily re-texturizing，有少少難以想像會唔會真係日日用嘅時候，會唔會多左，真係peel到皮膚？之前見過其他品牌嘅peel都只會建議一星期用大概三次。所以非常好奇每日用後感會係點。 品牌建議可以爽膚水用法進行試用。吸收速度有如爽膚水，快快吸收，好快替下一步做好準備。最近天氣由好鬼熱，再變到大風乾燥。但仍未覺得對產品使用作出任何影響，好consistent。 至於膚質變化方面，細緻度，柔軟度，平滑度有大大提升。尤其是早上洗面時，平滑到指尖能夠毫無阻力地全塊面任意走。滑溜溜程度非常高。完成護膚程序後，就能容易達到自然玻璃肌。就算無化妝仍能維持住。 毛孔方面亦有變化。能配合充足休息的話，毛孔幾乎唔會出現。因為毛孔變小嘅關係，化妝時亦能容易慳出粉底。 經過差不多兩個禮拜嘅Kiehl’s醫學三酸煥膚精華試用。我認為精華溫和，並無產生突然奇來嘅敏感，亦無我預期的恐懼。精華能夠每天使用，配以醫學維C淡斑精華效果更好！ *照片非專業攝影，燈光及其他技術欠奉，請多見諒。

首先多謝@cosme 抽中試用Kieh’s的醫學三酸煥膚精華同醫學維C淡斑精華! 首先講一講醫學三酸煥膚精華，一開個陣覺得質地比較流質，用落無咩大感覺，刺激性較低，第一日用個陣都無發紅嘅問題，之前試過用其他牌子嘅去角質精華都會有紅拮嘅問題，但呢款完全無呢個情況，唔錯! 而另一枝白色嘅維C淡班精華，質地則係精華嘅質地，相對杰身少少，但都好易推開，試過用佢加家用美用儀加強導入，第二日皮膚即刻亮白好多。 兩款產品連續用左14日後真係會覺得自己皮膚色澤均勻同亮澤左，中間有去到幾日旅行，每日都keep住用+防曬，手腳黑左但塊面都keep到無黑到，番到黎努力搽後真係有白到!! 另外之前留落黎嘅痘印感覺到比之前無咁黑，退印時間俾之前快，但當然要再持續一段日子先知退黑完整效果。而毛孔方面都有少少改善，之前比較粗大嘅位置感覺有少少細左，另外，最重要係比之前岀少左油，個精華美白之餘都多保濕度，上妝都貼服左好多同少左油面!!! 總括黎講，效果係有驚喜嘅，第一次用角質+美白產品，感覺整個皮膚狀態都有慢慢好左，尤其係膚色均勻度同平滑度，另外對敏感性皮膚嘅我亦相當友好🥺，係一款會想持續回購黎保持皮膚穩定同令

感謝Cosme 抽中參與是次Kiehl’s 試用活動〰︎︎❤︎ 官方建議醫學三酸煥膚精華連同維C安白精華一齊用14日，早夜都用得～ 我朝早做法係潔面後直接用換膚精華（當爽膚水用），等一陣再搽維c精華，再上防曬。 如果當日有需要化妝，就會係防曬後，搽埋隔離霜，同粉底液。作為混合油肌，呢兩樣配搭都無導致我後逐上妝會有擦膠碎嘅問題，幾滿意(๑ᴖ◡ᴖ๑) 我夜晚做法就係潔面後都係直接用換膚精華，隔一陣再搽維c精華，然後上岩夏天用比較輕薄嘅面霜。 日後冬天，因為天氣乾燥，皮膚會有機會甩皮，會火改用番kiehl’s嘅特效保濕面霜(๑´`๑)♡ 就Kiehl's 醫學三酸煥膚精華而言，呢款精華比較清爽，每一次用大概兩至三滴就足夠成塊臉。使用期間都好好，我係無敏感嘅情況出現～感覺用完，後續上精精真係有快啲吸收到，但收細毛孔好似係我身上就無好明顯嘅效果( ᎔‐ ~-᎔)𓈒𓂂𓏸 不過摸落塊臉真係有滑到！！ෆ¨̮

首先要感謝 @cosme 邀請我試用 Kiehl’s 的「醫學三酸煥膚精華」。一想到依瓶精華有3個不同酸的成分，我怕會刺激到我的皮膚。所以用之前先係手背上滴一下，等1分鐘，安全先用。而我睇返 Kiehl’s 官網，三酸含3% PHA 葡萄糖酸內酯，0.18% BHA 水楊酸 及 5.5% AHAS 甘醇酸及乳酸。其溫和的、較低濃度的酸性，敏感肌人士也可以安心地每日早晚使用。 酸的主要目的在於深層清潔肌膚、去除死皮細胞，並促進皮膚更新，令肌膚重捨白亮透光的功效。 現細數其各自功效： 1. 水楊酸：這是一種脂溶性酸，能深入毛孔，幫助去除油脂和污垢，對於油性肌膚和痘痘肌特別有效。 2. 乳酸：這是一種溫和的果酸，能夠改善肌膚的光滑度，並且對敏感肌膚友好，有助於提升肌膚的水分含量。 3. 果酸（如甘醇酸）：這種酸能促進皮膚的細胞更新，減少細紋和色素沉澱，讓肌膚看起來更加明亮。 這些成分的結合，使得「醫學三酸煥膚精華」在去角質的同時，能夠保持肌膚的水潤度，這是我非常喜歡的一點。 使用時，精華質感好似水咁，勁快吸收。好似搽2下，就立即被皮膚吸收。配合Kiehl’s 的「醫學維C 淡班精華」一齊

原本我的色斑問題不算嚴重，但在陽光下都有點明顯，亦有點膚色不均勻的問題。 早晚使用kiehl's dark spot solution （醫學維C淡斑精華)及 Clearly Corrective Daily Re-Texturizing Triple Acid Peel （醫學三酸煥膚精華），先幫我溫和去角質，再淡化色斑及痘印。使用2星期後，色斑感覺有輕微變淡。2款產品本身質地水潤不黏立，吸收很快，用後也不會像酸類產品般令皮膚變得乾燥，完全是敏感肌適用！ 希望持續使用後可以擊退面部所有色斑及暗瘡印，並且令膚色更均勻亮白！ #火熱新品

與其他去角質或煥膚產品相比，Kiehl's醫學三酸煥膚精華的配方相對溫和，使用後不會造成刺痛或不適，這一點讓我感到非常驚喜。在我過去使用的一些去角質產品中，常常會出現刺痛感，甚至讓肌膚紅腫，這使得我對去角質產品有些卻步。然而，Kiehl's這款精華完全打破了我對去角質產品的固有印象。 這款三酸煥膚精華非常方便使用，只需在洗面後直接取代爽膚水的步驟。它的質地輕薄，塗抹時感覺清爽，迅速被肌膚吸收，沒有任何黏膩感，讓我在日常護膚中不會感到負擔。使用過程中，我喜歡它的即時清新感，讓我的肌膚感覺煥然一新。 持續使用兩週後，我發現這款精華不僅能夠去除死皮、角質，還有助於收細毛孔，讓肌膚看起來更加緊緻光滑。毛孔粗大一直都係我最大的肌膚煩惱，使用這款產品後竟然得到明顯改善，讓我感到非常滿意。 作為一款去角質產品，我認為其配方非常適合每日使用。這讓我在獲得煥膚效果的同時，不必擔心肌膚受到刺激。這種溫和的配方使得我可以放心地將它融入我的日常護膚程序中，無需擔心會影響到肌膚的健康。 此外，這款精華的效果也在不斷顯現。使用後，我感覺肌膚的光澤感明顯提升，膚色變得均勻透亮。這不僅改變了我對去角質產品的看法

感謝 @cosme 贈送 Kiehl’s 醫學三酸煥膚精華；好抱歉遲左2日發表心得。 產品嘅質地非常流動，好水感，吱出黎時呈藍色，吸收得都幾快，而且唔會黏笠，係我使用過嘅酸類產品之中最清爽嘅。 我有跟據建議指示，洗完面後當係爽膚水地使用，佢建議使用3-4滴，但唔知係咪我面大，我個人認為要用多幾滴先夠我全面使用；計埋遲發表心得嘅2日，我總共連續使用左產品21日。 佢無特別強烈嘅氣味，搽上面亦都唔會有酸感，市面上有部分酸類產品會因為氣味/ 使用感太強，而令我變紅敏感，但呢個產品就無對我造成不適感👍🏼 用到第4日，比我最大感受係皮膚嫩滑、細緻左，有明顯改善膚質，但再下一次有感受到皮膚明顯改變係約14日，會覺得皮膚再細緻左。 膚色均勻度同毛孔大小都有微微改善，但對我而言並非十分明顯。佢係絕對對得住呢個價錢，亦都做到佢所聲稱嘅效果，使用感亦十分舒服，我好喜歡佢作為酸類產品嘅清爽，要每日使用絕對無問題。相信再使用落去，皮膚會慢慢變得細緻的！