Kiehl's

醫學三酸煥膚精華

感謝 @cosme 贈送 Kiehl’s 醫學三酸煥膚精華；好抱歉遲左2日發表心得。

產品嘅質地非常流動，好水感，吱出黎時呈藍色，吸收得都幾快，而且唔會黏笠，係我使用過嘅酸類產品之中最清爽嘅。

我有跟據建議指示，洗完面後當係爽膚水地使用，佢建議使用3-4滴，但唔知係咪我面大，我個人認為要用多幾滴先夠我全面使用；計埋遲發表心得嘅2日，我總共連續使用左產品21日。

佢無特別強烈嘅氣味，搽上面亦都唔會有酸感，市面上有部分酸類產品會因為氣味/ 使用感太強，而令我變紅敏感，但呢個產品就無對我造成不適感👍🏼

用到第4日，比我最大感受係皮膚嫩滑、細緻左，有明顯改善膚質，但再下一次有感受到皮膚明顯改變係約14日，會覺得皮膚再細緻左。

膚色均勻度同毛孔大小都有微微改善，但對我而言並非十分明顯。佢係絕對對得住呢個價錢，亦都做到佢所聲稱嘅效果，使用感亦十分舒服，我好喜歡佢作為酸類產品嘅清爽，要每日使用絕對無問題。相信再使用落去，皮膚會慢慢變得細緻的！