Kiehl's

醫學維C淡斑精華

喺護膚呢條路上，我真係交過唔少「美白學費」。好多美白產品一係就溫和到好似擦水咁完全無感覺，一係就成份太刺激，搞到我塊臉動不動就泛紅抗議。直至我入手咗呢支周圍都見到人講嘅 Kiehl's 醫學速效淡斑精華（Clearly Corrective Dark Spot Solution），先至真正打破咗我對美白精華嘅偏見。 佢唔係個種令你一晚之間變白三個色階嘅「神仙藥」，而係一支潤物細無聲、幫你由內到外亮返起身嘅「發光瓶」。 個人實測：點解佢會變咗我嘅「熬夜救星」？網上關於佢咩「活性維他命C」嘅官方介紹有大把，但對我來講，最直接嘅個人用後感就係呢三點：早晚都用得嘅安心感：以前用親維C精華都要避光、一定要夜晚先敢擦，放得耐仲會變黃。但 Kiehl's 呢支竟然係用透明玻璃樽裝！證明佢嘅成分真係好穩定。我依家早晚都放心擦，出門口做好防曬就得，完全唔驚會變黑。塊臉去黃真係超快：身為長期對住電腦工作嘅打工人，塊臉最容易泛黃、好顯老。 我連續擦咗大半樽，最明顯嘅改變唔係膚色白咗幾多，而係個種「透亮感」。就算前一晚熬夜煲劇到凌晨兩點，第二朝醒來塊臉居然無平時個種慘情嘅蠟黃色，望落去好有氣色。死掐新痘印

講起呢支 #科顏氏維C淡斑精華 真係要大力推！ 用咗半支已經想同佢平反 之前聽人講話會『癢身』 其實係維C喺度努力工作緊啊！ 質地係透明水感 上臉吸收得快 頭兩次用會有微微刺刺哋嘅感覺 （櫃姐話正常，建立耐受就得） 果然第三日開始就冇事喇 最驚喜係額頭啲痘印 淡咗超多！ 成塊面睇落勻淨咗 冇以前咁『花面貓』 同埋透白感係由內而外咁發出嚟 唔係死白嗰隻 而家化妝唔使特登用遮瑕膏蓋黑眼圈 慳返唔少時間 會繼續回購嘅一支！

首先當然係多謝@cosme 抽中試用 凹凸洞、毛孔大、痘印、色斑係真係好難搞！ 連續用左18日，皮膚色澤係好左既，塊面的確比之前反光左！影相都覺得係sharp左既 哈哈😂 凹凸洞 毛孔大係有少少改善 感覺係細左少少既 但效果未去到超級明顯，睇黎要用多段日子先會再有效果d！ 痘印方面係真係有d 幫助既

· 質地似水輕過鬼：透明精華，真係唔立，拍兩嘢就吸晒。香港夏天又濕又熱，油肌/混合肌用零負擔，唔怕塞毛孔。 · 淡斑效果？慢過龜速：佢主打褪痘印、淺層曬斑，但起碼要連擦兩個月先見到少少嘢。好處係唔反黑，壞處係你想快啲見效？Sorry，呢支唔係漂白水。 · 與其話淡斑，不如話「提亮」：單點打斑真係一般，但全塊面會變均勻、有光澤，瞓醒覺得塊面「乾淨咗」，呢樣先係佢嘅價值。 · 敏感肌恩物：無酒精、無香料，加咗B5保濕，連我地香港成日出入冷氣地方，乾到裂都照用到，幾乎冇人投訴敏感。 --- ⚠️ 小提醒： · 日頭一定要查防曬，唔查等於倒錢落海。 · 滴管設計極度惱火，用到尾聲啜唔到，要打側支瓶「畢」出嚟。 · 對底層嘅「肝斑」無效，如果係荷爾蒙斑，請直接去睇皮膚科，唔好浪費錢。 一句總結：想溫和地令膚色均勻、減淡新痘印，同埋有耐性嘅話，呢支買得過；但如果你想一個月變白幾度，或者舊斑消失，請移步做醫美！

呢支Kiehl's維C淡斑精華（醫學維C淡斑精華），實測後同你哋分享下重點，特別係透明感同淡斑效果。 質地與膚感： 水感輕透，好似好稀嘅精華水。一推開就吸收，唔會黐立立。油皮、混合皮用好舒服，乾皮後續要加保濕。 提升透明感表現： 呢點好驚喜。用咗大約兩星期，塊面開始有種「飲飽水」嘅透亮，由內反出自然光澤，唔係油光。毛孔位平滑咗，膚色均勻，成塊面望落乾淨、好通透，即係大家成日講嘅 「透明感」——好似打燈會穿透咁，素顏都唔會灰灰黃黃。 淡斑與去痘印： 新痘印（紅／啡色）效果明顯，快則一星期就變淡。但萬年深層色斑，用完一支只係淡咗少少，唔會完全消失。針對整體膚色均勻＋提亮，會比單單淡斑更出色。 使用貼士： 日間要用足防曬，裡面嘅活性維C遇光會加速氧化，唔搽防曬等於白做。另外敏感肌可能要試下先，部分人會覺得「吉吉哋」。 總結： 想要淡新痘印 + 提升光澤透明感，呢支值得入手。但如果有深層色斑，建議配合淡斑療程會更見效。透明感比淡斑成績更搶眼，追求亮白水光肌可以一試。 #透明感#提升肌膚透明感#美白

美白精華係透明，最方便係早晚都可以使用，不過我都建議唔好擺太耐，擺得耐嘢會變咗黃色，美白精華都係盡快使用較佳。 質地方面清爽，推開後容易吸收。最大嘅效果反而係一啲痘印，結焦，好快會令到退印，整塊面部嘅膚色會均勻返。夏天嚟講放一支喺屋企都幾適合，比單純保濕精華多一種美白功效。 但如果平時你皮膚都已經好好，又唔會出暗瘡，感覺用用落就冇乜特別。 佢迷你支裝都一啲都唔貴，而且正貨裝有唔同嘅各種size，可以試一試。

我最近用緊Kiehl's支Dark Spot Solution，真心想 share 吓。質地好水潤，一推開就吸收，唔會黏笠，夏天用都冇問題。我主要係想淡斑同均勻膚色，用咗大約一個月，每日早晚搽，見到顴骨啲暗瘡印明顯淡咗，成塊面望落乾淨咗。佢入面有維他命C同白樺樹精華，雖然對好深色嘅斑未必即刻見效，但整體膚色提亮咗，而且唔刺激，敏感肌都用得。價錢算中上，但30ml都用得幾耐。總括嚟講，如果想搵一枝温和又有效嘅淡斑精華，呢枝值得一試！

Kiehl’s 醫學維C淡斑精華，透明感up up up✅ 🧡顏色：透明 🧡氣味：有淡淡的香味，不刺鼻 🧡質地：流動性高，但會黏笠 💛產品賣點： ✔️ 顯著減淡色斑大小及密度，抑制黑色素沉澱 ✔️ 促進膠原蛋白新生，肌膚顯著飽滿亮澤 ✔️ 均淨膚色，讓肌膚更光滑通透，促進老化角質代謝 *･゜ﾟ･*:.｡..｡.:*･･*:.｡. .｡.:*･゜ﾟ･*･゜ﾟ*:.｡..｡. 🩷肌膚： 我本身混合偏油肌膚、毛孔細、皮膚有光澤。但有爆瘡的問題，特別眉心跟下巴位 🩷夏天護膚流程： 日間：清水洗面➡️爽膚水➡️眼霜➡️精華，如果要出門就塗防曬 夜間：洗面奶➡️爽膚水➡️眼霜➡️精華 🩷使用量： 一滴管或兩滴管，臉上每個位置都塗滿精華 🩷用後感分享： 整體來說令到個人氣色變好，散發飽滿感同透明感💗化妝時沒有搓泥，就是摸上臉還有點黏笠 痘印：⭐️⭐️⭐️⭐️ ▫️針對黑色痘印是有顯著效果，能夠減淡痘印；紅色痘印則因應痘痘發炎的程度而比較慢變淡 淡斑：⭐️⭐️⭐️ ▫️有少少改善，但色斑還在。可能長時間使用才有更明顯 毛孔：⭐️⭐️⭐️ ▫️不明顯，或許我本來毛孔細看不出 提亮：⭐️⭐️⭐️

多謝 @cosme 抽中我試用kiehl’s 呢2支精華。 先講一講藍色呢支三酸煥膚精華，佢係液體嚟，用落係冇乜化學味或者香味，呢點要讚一讚。教學係教當佢爽膚水咁搽上面，所以佢係好吸收，基本上一搽上面好快就會吸咗。一般用係冇乜刺激性嘅，不過始終佢都有啲酸性，如果你做完針清或者有啲小傷口咁佢搽落去係會有啲拮拮地嘅。呢支頭幾日搽我覺得皮膚未適應係有可能有少少粉剌，但用多幾日基本上冇問題了，皮膚keep住都穩定。 之後講下另一支透明嘅維c淡斑精華，佢質地相對杰身，真係精華嘅質感。 搽上面唔會有一個好乾嘅感覺，反而會有一個好滋潤嘅感覺，keep住都有啲潤。而呢2個精華夾埋一齊用真係有一個美白嘅效果，用左大概14日，本身皮膚係好黑嘅，但真係有一個美白效果。可以睇一睇對比圖。 皮膚顔色真係亮白咗，亦都多左光澤同睇落冇咁乾，雖然毛孔大細好似冇特別收細，但係白同潤嗰方面係有啲效。所以我覺得如果想美白嘅朋友可以一試。

話說前排成日去戶外活動，塊面明顯曬黑咗之餘，重有啲暗啞同埋色斑浮出嚟😭 即刻拿出Kiehl's呢支Clearly Corrective™ Dark Spot Solution美白精華用，用咗大概一個月，塊面白淨左好多～ 首先支精華嘅質地係透明水狀，推開之後好薄身，吸收得超快，完全唔會黐笠笠，油皮朋友都會鍾意！我通常早晚洗完面之後，用兩泵分量搽全面同頸，再輕輕按摩等佢吸收，之後先搽保濕面霜。 用咗兩星期左右，已經覺得塊面冇之前咁暗沉，膚色睇落均匀咗好多！最驚喜係顴骨位嗰幾粒曬斑真係淡咗少少，冇之前咁明顯👏 而且因為入面有維他命C同玻色因，美白+抗老，感覺毛孔都細緻咗，皮膚睇落透亮有光澤，唔會灰灰黃黃～ 溫和度方面都幾好，我本身皮膚有少少敏感，但用呢支精華期間完全冇泛紅或者痕癢，日日用都得！不過提提大家，美白精華一定要跟住搽防曬☀️否則幾有效都係浪費！ 總括來講，Kiehl's呢支美白精華真係有驚喜！尤其適合想改善暗沉、淡化色斑同提亮膚色嘅朋友。雖然價錢中上，但效果對得住個價錢～會繼續回購💕

自己本身嘅膚色唔算白，特別份工要返夜要捱通宵，容易泛黃同埋暗沉，所以一直尋找緊適合嘅美白嘅產品。今次第一次用Kiehl’s 醫學維C淡斑精華，連續用咗14日，以下係我嘅使用感受🙆🏻‍♀️ 產品性質：質地係有少少黏稠嘅精華，吸收速度快，易推開。有天然舒服嘅herbal味，唔係人工香味。 用後感：本身因為份工要返夜所以面色唔好偏灰暗同埋黃。連續用咗兩個禮拜，明顯皮膚望落白嫩咗，有光澤咗 (真係識反光)，無再好似之前灰灰暗暗咁，膚色明顯平均過以前。本身嘅膚色唔算白，有色素沉澱，連續用14日之後面上嘅瑕疵黑印沉澱都少咗，真係做到去黃去暗沉嘅功效。 同埋產品溫和一啲都唔刺激，適合敏感肌。同埋查完之後塊面有滑嘟嘟嘅感覺。呢隻嘅時候同時用緊kiehl’s嘅酸類產品，之前用酸類產品經常會用到甩皮同皮膚發紅，但配合埋依隻連續用咗14日都無依個問題出現😍夏天用佢唔會太笠得黎都唔會太乾。 總結：大推俾膚色暗沉想改善，敏感肌。用完依支會想再買第二支😆 Before & after: 使用步驟：洗面後，先用醫學三酸煥膚精華，隨後使用醫學維C淡斑精華達至最強亮白效果。 再塗上保濕霜及防紫外線產品。

，所以我索性帶埋佢哋產品去日本嚕～～ 外觀： 講起帶護膚品去旅行，有冇人同我一樣，每次執行李都有個困擾，就係揀要放咩護膚品落行李，有時去旅行先5、6日，帶枝正常裝又好似好晒位，自己分裝又多左野做（苦惱喔～）嗱～ 今次Kiehl's醫學維C淡斑精華液(30ml)細細枝就完全無問題，即使hand carry帶上飛機亦都大丈夫👌🏿 （航空條例需要將100ml液體裝入透明袋）我出門口前隨便將佢放入行李就走得，

Kiehl's醫學維C淡斑精華作為敏感混合偏乾肌，質地水潤清爽，吸收快唔黏膩。 溫和冇大刺激，早晚用完覺得膚色提亮咗少少，暗沉同痘印淡咗啲，肌膚整體透亮有光澤，保濕都夠。效果唔算話好快快，但穩定用落去有改善，值得一試。

質地呈透明水狀，流動性強，滲透度得分高（約 4.7/5 分），塗抹後不會感覺黏膩，適合大多數肌膚類型，包括混合性肌膚。在連續使用兩星期後，膚質明顯變得通透、均勻，對於新生成的紅色痘印有顯著的淡化效果。 不含矽、香料及防腐劑，並添加了保濕配方，敏感肌感溫和不刺激。 

我是混油肌，會每日化妝，平時都鍾意用La Roche Posay, Kiehls'產品。以前偶爾會在額頭面頰長暗瘡，痘印都頗多，亦在顴骨位置有色斑。 呢枝精華已經係回購3次以上嘅產品，早C晚A裡面嘅vitamin C。 維他命C可以抗氧化，美白淡斑之餘，仲可以幫到皮膚膠原增新。 佢嘅質感唔好好厚，好岩怕黏嘅混油肌，朝早搽咗佢可以加埋一個好薄嘅daycream就可以直接化妝，完全唔會有擦膠碎。 vitamin C產品一般都要用3-4星期先會見到效果，而佢真係可以提亮面，係成塊面啲膚色都均勻咗，色斑都淡咗，有時普通塗個防曬出街都無問題。而且佢裡面有酸，可以去角質改善膚質。 建議：維他命C產品有光敏性，一定一定要塗夠防曬，如果唔係會返黑！

之前我有聽過早C晚A的分享，所以我選擇在早上使用這款醫學維C淡斑精華。它不會和粉底液或隔離霜打架起屑，但一定要搭配防曬，據說這樣可以更有效地抵禦紫外線，減少黑色素生成、抗氧化，並減緩「光老化」的傷害。 在洗完臉後，我會先用化妝水，再使用這瓶淡斑精華。取適量於掌心，雙手搓開後均勻輕拍全臉至吸收。 使用時，精華液給我的感覺非常保濕，雖然有些微黏感。 但很快就會被肌膚吸收，留下水潤的感覺和淡淡的香味。使用一般時間後，膚色會開始變得透亮，痘疤也有明顯淡化的效果。 Before ^After^

試用程度：連續使用兩星期多幾日，日夜均於爽膚水後搽上，有另外搭配其他精華使用。 適逢使用前唇瘡剛癒有紅印，用到第二星期遇上經期前爆痘階段。 曾經於秋冬季自費購買用完一瓶，當時感覺良好但之後沒有美白需求就未有回購。 容器：玻璃滴管瓶，尚算輕巧不易跣手。 泵頭不算難按，每次唧起只有半泵但已經夠臉部使用，如需搽埋頸時要再唧1/4泵，有點不夠俐落。扭蓋位為電鍍亮面金屬，會留一點指紋但不明顯，可接受範圍內。 另外有活色維他命C的產品入落透明透光瓶身這點令人疑慮會不會影響保質。 氣味：有輕微味道，酸酸的像維他命C沖劑的味道再人工一點，搽上時會聞到但推開後很快消失。 質地：透明帶稠度，滴下時會牽絲但不掛絲的程度，有點像整甜品gelatin水的狀態。推開後有潤感沒有膜感，以前曾於秋冬季使用覺得不錯；惟夏天天氣太熱，於戶外/非冷氣房時會有焗住皮膚的辛苦感覺。 效果： - 淡印有感，未去到完全消失但已肉眼可以淡化，使用兩星期後唇瘡留下的紅印仍有微紅色，大概是一張一百蚊紙由最紅的部分去到最淡紅的部分，不甚快速但是可預計的穩定速度。 - 泛紅、因天氣熱的面頰變紅或微絲血管沒有改善，亦沒有實感膚色變白，但

首先要感謝 @cosme 邀請我試用 Kiehl’s 的「醫學三酸煥膚精華」和「醫學維C淡斑精華」。 產品介紹： Kiehl's 醫學維C淡斑精華 * 雙專利成份「活性維他命C＋玻色因」倍效美白提亮
- 維命他C有效抑制、分解、預防黑色素，改善色斑痘印，令肌膚剔透明亮
- 玻色因則能促進膠原蛋白新生，令肌膚更剔透彈嫩，飽滿有光澤 * 改善整體肌膚透亮及平滑度，均勻反射光線，肌膚的光澤感更顯著 * 6大亮白功效：平滑細緻、均淨膚色、剔透亮白、淡化色斑、 褪印降紅、改善黃氣暗沉 使用方法： 用洗臉產品潔淨肌膚後，先使用【醫學三酸煥膚精華】作為爽膚水。取3-4滴煥膚精華於指尖，指尖由下而上平均輕按塗抹於全臉，需要避開眼周。之後再使用【醫學維C淡斑精華】。 使用感受： 這款Kiehl's 醫學三酸煥膚精華，滋潤保濕效果不錯，比想像中好，即使在乾燥的環境中，肌膚也能整天持續保持滋潤。 質地水潤，但不會太濃稠，而且肌膚吸收得快，感覺會在皮膚表面形成一層保護膜，就像給肌膚補水的感覺。不過感覺淡斑效果一般般，可能需要使用一整支才有明顯效果。 親膚性強，用時也沒有任何皮膚不適或受外來物刺激的感覺

首先要感謝 @cosme 邀請我試用 Kiehl’s 的「醫學維C 淡班精華」。本身以為，我皮膚偏白，以為美白淡班精華，會係50中先會出現係我的護膚品選項之中。大錯特錯。我專登去做面部皮膚分析，原來係唔為意期間，暗沉、粗糙、角質厚、黑色素沉澱愈積愈多，特別積聚係眼角、面頰、額頭位置。有肉眼看到，也有肉眼看不到。就算不斷塗防曬，都阻隔唔到佢哋。加上我係經期前後，特別容易生暗瘡，膚質混合性偏油，都易於加劇黑頭粉刺，暗瘡的滋生，所以今次一嘗美白淡斑精華，睇下除去做facial 外，有冇一些日常護理，可以優化膚質。 醫學維C 淡班精華主要成分是活性維他命C，具強效的抗氧化、抑制黑色素特性，能夠減少自由基對皮膚的損害，並促進膠原蛋白生成。有人會話，早上用美白產品，不會更易變黑？其實係因為有些產品用到光敏感成分。若產品加入維他命C，就不會有此現象。所以早上都可以加緊腳步去美白。除此之外，夏天炎熱乾燥、多雨潮濕，出油變多，令到皮膚角質越積越厚。而精華加入了水楊酸，促進角質代謝，均勻膚色。不論春夏秋冬，都要注意保濕。精華含玻色因，能提高膠原蛋白增生，肌膚顯著飽滿亮澤。但當然，都要額外的保濕產品，加強低

早c晚a的c,配上同品牌的維c水一起使用。 性質溫和不黏笠，很流動的水質，總是覺得有種淡淡的橙味，個人喜歡，去暗瘡印的效果不錯，使用了3個星期，暗瘡印有淡了一些。