Kiehl's

醫學維C淡斑精華

首先當然係多謝@cosme 抽中試用
凹凸洞、毛孔大、痘印、色斑係真係好難搞！
連續用左18日，皮膚色澤係好左既，塊面的確比之前反光左！影相都覺得係sharp左既 哈哈😂
凹凸洞 毛孔大係有少少改善 感覺係細左少少既 但效果未去到超級明顯，睇黎要用多段日子先會再有效果d！
痘印方面係真係有d 幫助既，用完係真係快左退紅同退黑！快左結焦同快左淡！有感覺既係！

講完總結講真係用既情況啦！

本身膚質夏天其實係比較容易出油
經過呢個冬天之後竟然變到乾左少少 可能保濕做好左
變到係混合性 當然都仲係偏少少油既
比較多角質 容易生黑頭 粉刺
另外平時好容易就會爆瘡 而我又好手多 所以搞到好多痘印 同好多既凹凸洞🤧🤧

我既習慣係早晚洗面後護膚
化妝水>精華>乳液
今次化妝水用左lits既幹細胞保濕化妝水
精華當然係kiehl’s既維c精華
乳液係肌研既極潤乳液
化妝水同乳液都揀左個比較簡單既 咁先試得清楚架嘛 哈哈🤣🤣

精華係水狀既，比較容易推開，同埋都容易吸收一開始用會覺得味道比較大 但唔係難聞既
係要時間適應既味道😂😂
用多幾日就會冇咁覺佢大味～
搽上面好快就吸收 唔會話一直好濕咁
好快就可以搽埋乳液搞掂流程 哈哈

成塊面咁睇 痘痘係真係有幫手代謝既🤣仲幫我引左粒瘡出黎添 但唔洗7日已經可以變到好淡色左邊面可以見到13日之後真係有光澤左！痘印都少左既，凹凸洞都冇咁明顯左少少🤏🏼右邊面 同樣啦 有光澤左 凹凸洞問題明顯改善左！額頭就主要見到痘印代謝，同毛孔都冇咁明顯左既
整體黎講就好似我一波咁講啦，色澤係真係有變好既，令到個人都氣色好左、sharp醒左既🤣毛孔方面係睇到少少改善，痘印就明顯d，見到有幫手代謝緊同變淡緊既，但程度上可能就冇咁明顯，要放埋一齊先留意到咁～

整體唔錯～都推薦既
今次係第一次完全既早C晚C🤣🤣哈哈
記得做好防曬～ 雖然kiehls既成份係可以放心 唔會話反黑🤣但做好防曬先係防止色斑既第一步嘛～
另外 大家可以試下用佢黎早C晚A～效果都唔錯的🤪
感覺比早C晚C更加有感覺🤣🤣

最後最後有樣嘢想吐槽
到底點解支管永遠都掂唔到個底
次次用到最後都唔知要點用😶‍🌫️😶‍🌫️😶‍🌫️🫠