MENTHOLATUM 曼秀雷敦

LIP PURE OIL 天然植物精華油潤唇膏(無香料)

試用程度：收到無香料款同蜂蜜味，各用咗四日共八日，隨身攜帶覺得唇乾時就搽，夜晚臨瞓前會再搽多幾層。已入秋天氣逐漸轉乾燥，但仍然炎熱。 容器：●●●●○○○ 外形簡潔，蓋位做咗漸六角形同有隻立體蜜蜂，幾有特色又冇咁易碌走（不過大力d都係會碌走）；蓋身夠長唔會擺喺袋撞甩蓋，但用落初期會覺得卡扣位太實，開同閂都要比attention佢，不能無腦使用；轉潤唇膏結構順𣈱，唔會轉到最盡後番唔到轉頭。 氣味及質地：●●●●●●○ 無香味 - 款式只有很淡蜂蠟原料味，唔湊近聞都唔會留意到，十分適合喜歡無香料嘅用家 ； 蜂蜜味 - 產品介紹指無人工香料，聞落都好似真正蜂蜜咁，有種先酸後甜近乎發酵味嘅層次感，應該冇咩人會討厭呢隻味👍 搽上咀後仍會聞到少許味道。 兩款膏體都硬，炎熱天氣下都冇出現溶化變形/漏油等情況；搽上唇係薄薄地嘅油潤感，反覆大力搽幾層都唔會係凡士林嗰種厚敷感覺。 成分：●●●●○○○ 兩款都搵唔到full ingredient list, 但產品介紹話係100%食品級成分，含4種蜂蜜萃取物：蜂蠟、蜂皇漿、麥盧卡蜂蜜同蜂膠，如果當中屬實同含量足夠嘅話，係會幾有消炎修復嘅功效，但始終無成分

多謝 @cosme 抽中試用曼秀雷敦LIP PURE OIL 天然植物精華油潤唇膏（無香料）＆LIP PURE 天然植物潤唇膏（蜂蜜）天然植物精華油潤唇膏(無香料)。 外形簡潔，蓋位做六角形同有隻立體蜜蜂， 外殼算硬淨，不是輕飄飄的質地， 而且閂埋時，有個卡位，設計好好，不容易鬆開。氣味方面， 喜歡她沒有氣味，天然感覺。由於100%食品級成分，不含人工香精，用上來非常之安心。 質地方面， 出奇地不是一般潤唇膏軟質感，其實係幾挺身，由於含有天然植物精華油配方，明顯地有輕微油光感，有效修護乾燥唇部及有滋潤效果， 但不黏唇，不厚重， 滋潤效果好好。一向有用開曼秀雷敦綠色包裝潤唇膏 ( 有少少薄荷感覺)， 但我較喜歡這款精華油款式， 使用後感覺唇部更柔軟更吸收， 不會感覺到有一層薄膜係上面。而且她帶有自然光澤，非常適合日常使用， 我最喜歡作妝前唇部打底用， 滋潤度恰到好處，不會太黏笠厚重，影響後續唇妝。 以這個開架平價錢，天然成分，可日日使用，非常高CP值!!

好開心今次收到曼秀雷敦全新香港獨家配方LIP PURE 天然植物潤唇膏（蜂蜜）同LIP PURE OIL 天然植物精華油潤唇膏（無香料），喺度非當多謝@Cosme俾我有今次試用嘅機會。 一提起潤唇膏，相信好多人第一時間就會諗起曼秀雷敦呢個家傳戶曉嘅品牌，而我都唔例外。咁多年以嚟，一年四季，我都係用開曼秀雷敦其中一款粉紅色包裝嘅潤唇膏，曾經試過其他貴價品牌嘅潤唇膏，但最後我都係會用返呢枝性價比超高嘅潤唇膏。我本身係嗰種嘴唇長年都特別容易乾嘅人，只要一無搽潤唇膏，就會乾燥到起皮，甚至爆裂甩皮。 今次試用嘅LIP PURE OIL 天然植物精華油潤唇膏（無香料），蘊含蜂蠟、蜂皇漿、麥盧卡蜂蜜及蜂膠呢4種蜂蜜萃取物。而且佢係添加咗嚴選嘅8種優質精華油製造，令到潤唇膏質地更加柔滑潤澤。採用100%食品級成分，真係令人用得更加安心。一搽呢款潤唇膏上嘴，已經覺得非常滋潤，一D都唔會油淋淋，完全唔會黏笠，好滑好舒服。氣味上，無香料係完全無任何氣味，非常適合唔鍾意產品有任何氣味嘅人士使用。 平時我嘅使用習慣，通常係朝早出門口就搽一層潤唇膏，直至午餐之前，嘴唇keep住都係好滋潤，飯後就再搽

潤唇膏簡直係我手袋必備嘅物件之一。今次好多謝cosme俾我嘅試用。其實我對於曼秀雷敦Lip Pure潤唇膏並唔陌生，一早喺我讀書嘅時候已經經常用佢，事隔多年，佢唔單止係外表包裝上面靚咗，成分上都提升咗好多！ 呢支潤唇膏嘅質地好似輕盈嘅植物油咁細膩，塗抹時順滑滲入唇部，唔會有厚重或者拉扯感。佢有四種蜂蜜萃取物，包括蜂蠟、蜂皇漿、麥盧卡蜂蜜同埋蜂膠，而且仲融合咗8種精華油，感覺好似一層柔軟嘅薄膜，溫和包裹乾裂嘅唇紋，啱晒經常喺冷氣房既你！初用時微微油潤，但好快就吸收，適合各種天氣。平時臨瞓前我都會搽一浸厚厚當係唇mask咁用，第二日瞓醒嘴唇都冇咁多乾紋，後續上唇膏都冇咁顯唇紋！滋潤效果好持久！ 氣味方面，無香料版係完全無味！呢個對敏感唇部或者唔鍾意強烈香味嘅人嚟講，絕對係理想選擇。 仲有，佢係標榜100%食品級成份，用起上嚟非常之安心。平時我係勁習慣舔嘴唇，而家有咗呢啲潤唇膏，都唔怕會食咗落肚。 重點係佢價錢超級平，只係40幾蚊一支！CP 值高到讓人驚喜！佢唔靠華麗包裝，而係用純天然成分提供專業級保濕，遠勝好多專櫃品牌，日日搽都唔心痛呀！

感謝@cosme抽中試用LIP PURE OIL 天然植物精華油潤唇膏（無香料） 呢支潤唇膏同同系列（蜂蜜味）嗰支一樣 同樣外殼頂部都會有隻蜜蜂形狀 外殼呈米黃色而唇膏本身就係白色嘅 好設計真係唔怕講多幾次 佢支唇膏殼一啪上，會聽到“啪”一聲，就鎖實咗 唔駛驚放喺袋度撞撞下會撞甩個唇膏殼 整污糟/整爛支唇膏 而呢支LIP PURE OIL 天然植物精華油潤唇膏（無香料）質地方面 我會形容係軟硬適中 因為試過其他牌子嘅潤唇膏真係可以搽搽下甩左一忽喺咀唇上😅 而佢嘅硬度又未去到有色唇膏嗰隻硬 係介乎於兩者之間 而且呢支潤唇膏標明係食品級 令人放心好多 而我呢種長期乾咀唇嘅人 真係要潤唇膏不離手 每次覺得咀唇有啲乾嘅時候 即刻拎呢支LIP PURE OIL 天然植物精華油潤唇膏（無香料）上唇搽一搽 即刻覺得咀唇有種舒緩嘅感覺 無哂崩緊，就嚟裂咁嘅狀態 滋潤度我覺得幾好 搽完可以舒緩乾嘅情況之餘又唔會油冧冧 我最鍾意就係佢無香料，零負擔 真係一個唔錯嘅選擇。

今次用LIP PURE OIL 天然植物精華油潤唇膏（無香料）用多咗幾日，整體感覺都很喜歡。雖然話係冇香料，但係搽上咀都有浸淡淡嘅蜂蜜味，滋潤度都十分足夠，但又唔會覺得有層嘢醬住個嘴，化妝前用，之後再on top查唇膏都好靚，唔會影響妝感又可以保持唇部滋潤！ 見到臨瞓前未用潤唇膏之前個嘴好多乾紋，唇色都比較暗沉，但搽咗潤唇膏，乾紋都可以減淡，滋潤度都可以維持，去到第二朝個嘴都可以保持水潤，乾紋都冇浮出嚟，保持嘟嘟唇效果！ 呢個係用完潤唇膏打底之後再on top搽咗lip gloss，個嘴完全冇唇紋，唇色勁靚勁有氣息嘅感覺！ 呢支潤唇膏CP值好高！值得購買！自己本身皮膚都比較易敏感，都好注重使用感，呢枝潤唇膏係使用上都冇令到我個嘴敏感又發炎！會考慮回購！

+4種蜂蜜萃取物：蜂蠟、蜂皇漿、麥盧卡蜂蜜及蜂膠．溫和滋養，即時修護乾燥雙唇 一滋潤不厚重：敵避 8種俊質精華油，帶來兩剛好的柔滑潤澤，不影響後續唇妝 100% 食品級成分：無人工香精 •天然淡淡蜜糖味 ，絕對安全，用得安心 • 香港獨家配方：專為本地推出的限定蜂蜜潤辱配方，為日常護唇帶來嶄新體驗 質地非常滋潤，非常適合而家轉秋天嘅天氣！有種天然蜜蜂嘅味道！ 使用後有即時的效果，滋潤效果持久！ 咀唇的乾紋/脫皮有即時改善，感到雙唇更健康柔軟。對於 100%食品級成分•用起來更安心。 之前有使用過其他蜂蜜潤唇膏，覺得塗完唇皮並沒改善，容易變乾。本身自己有食麥盧卡蜂蜜，對此有認知！揀蜂蜜潤唇膏更加嚴謹！ 曼秀雷敦品牌本身最熟悉都係潤唇膏！ 呢支香港獨家 全新「蜂蜜潤唇配方」lip pure oil 天然植物精華油潤唇膏作唇妝前打底感覺滋潤輕薄，冇厚重感，不會太黏笠！上其他唇膏都冇問題！ 產品CP值高，鍾意佢個小蜜蜂design ! BeforeAfter

曼秀雷敦Lip Pure Oil潤唇膏用後感｜天然系潤唇之選 ✨ 質地同使用感 呢支Lip Pure係透薄油膏質地，搽上嘴唔會黐立立，有種似蜂蜜融化嘅輕盈感！最正係完全冇人造香味，只有淡淡天然油份氣息，怕香料人士可以放心用～ 🌟 滋潤度實測 試過冷氣房吹足8小時，嘴唇都冇爆皮！雖然唔算超級滋潤，但日常保濕絕對夠用，重點係唔會愈搽愈乾，用來做唇膜打底都唔錯～ 💔 美中不足 · 持久度普通，食野飲水後要補搽 · 膏體偏軟，夏天放褲袋容易融化 · 純保濕功能，冇防曬效果唔適合戶外長時間用 🆚 同類產品比較 · VS DHC橄欖潤唇膏：DHC更潤但價錢貴一倍；Lip Pure性價比贏幾條街 · VS 凡士林潤唇膏：凡士林較黏膩；Lip Pure清爽度完勝 · VS Burt's Bees蜂蜜唇膏：兩者都天然，Burt's Bees較清爽；Lip Pure滋潤感更持久 💡 使用小貼士 1. 妝前打底：薄搽一層等吸收再上唇膏，唔會卡紋 2. 夜間修護：厚敷當睡眠唇膜，第二朝死皮自然脫落 3. 隨身必備：放辦公枱頭隨時補搽最方便 抵買度：★★★★★（5/5，$30有找仲想點！）

多謝 @cosme 抽中試用曼秀雷敦LIP PURE OIL 天然植物精華油潤唇膏（無香料） 作為無潤唇膏出唔到既街既人類，可試用呢款含有蜂蠟、蜂皇漿、麥盧卡蜂蜜及蜂膠既天然植物潤唇膏實在太開心啦🤩 嚴選8種優質精華油，帶來剛剛好的柔滑潤澤，即使睡前厚敷都唔會覺得黏笠厚重，好快就吸收，第二日訓醒唇部滋潤飽滿 加上佢簡單又有設計感既外表，散發淡淡既蜂蜜味🍯，重要係100%食物品級成份，令人用得安心又舒服 呢個秋冬佢已經成為我常備既唇部護理品🩷

非常感謝@cosme Hong Kong邀請參與Mentholatum品牌的潤唇膏試用，分別係LIP PURE OIL 天然植物精華油潤唇膏（玫瑰果同無香料）同 LIP PURE 天然植物潤唇膏（無香料）。 LIP PURE OIL 天然植物精華潤唇膏（無香料） 呢款oil 系列有8種天然植物精華油，保濕效果相比普通潤唇膏較滋潤同持久。3款潤唇膏當中我就幾鍾意呢款，因為佢夠潤又無乜香料氣味，上嘴又舒服又夠潤，冬天用就更適合。 氣味：輕微蜂蜜味 質地：順滑滋潤，亦可作晚間使用，厚厚塗上嘴唇，第二日嘴仔會更柔軟保濕！ 保濕滋潤度：比較滋潤，適合日間晚間使用。 唇紋：用完可見唇紋立刻撫平，嘴唇更柔軟 因為100%食品級成分，配方又溫和，冇咁刺激，上嘴又唔會過敏，感覺幾舒服，成分安全，可以放心使用。 產品CP值都幾高，oil系列瓶身係淺黃色，瓶蓋有隻蜜蜂🐝既浮雕logo幾得意，簡單又可愛。

冬天一到，嘴唇乾裂問題就特別嚴重，甚至會痛到笑都唔敢笑。最近入手左曼秀雷敦嘅LIP PURE OIL 天然植物精華油潤唇膏效果真係出乎意料地好。 質地方面，唇膏非常柔滑，唔會有厚重或黏笠感，搽上嘴唇即時有滋潤感，而且唔會泛白或起粒。 最驚喜係佢既修復力~我本身嘴唇乾到裂開，用左兩三日已經明顯改善，唇紋變淡，甩皮情況大有改善，連夜晚開冷氣都唔怕乾。 總括來說，我覺得呢支唇膏係冬天護唇救星，值得回購！

這枝無香料的潤唇膏真的性價比超高！ 開架的價錢便能買到天然、無香料、且非常滋潤的潤唇膏，因此非常推介！ 冇香料適合所有人使用，絕對不會怕敏感/有香味會怪怪的！ 潤唇膏質地非常滋潤，令原本開始變得乾燥的嘴唇用後滋潤感十足，而且可以非常容易便能均勻塗開平時用的有色唇膏，作打底使用時效果不錯。而塗抹後滋潤感能持續幾小時，但也不會像用了油那樣黏笠。就算現在天氣開始轉冷變得乾燥，嘴唇也不會像以前那樣爆拆！

作為一名潤唇膏不離身的乾唇人，收到曼秀雷敦香港獨家的「蜂蜜潤唇配方」立刻試用！簡單總結：這是一款將「天然安心」與「卓越修護」完美平衡的驚喜之作。 質地與氣味： 淡黃色的膏體柔軟順滑，推開瞬間化為一層薄薄的潤澤膜，沒有絲毫厚重蠟感。無香味則真正做到純粹，對氣味敏感者極佳。 即時與持久滋潤度： 塗抹瞬間，乾燥的緊繃感立刻舒緩，雙唇變得柔軟。滋潤度非常持久，即使過了兩三小時，唇上依然有被保護的感覺，不會「用完即棄」。 修護效果實測： 使用前，唇上有明顯乾紋和少許脫皮。連續使用三天後，脫皮情況完全消失，乾紋有顯著撫平效果。最驚喜是雙唇觸感更健康飽滿，不再是「急救才護理」的狀態。 成分安心與品牌印象： 「100%食品級」是最大賣點，終於可以放心「舔嘴唇」！有別於一般開架潤唇膏的化學感，它用料實在。曼秀雷敦一向是信心的保證，這次加入麥盧卡蜂蜜、蜂皇漿等4種高級蜂蜜萃取，誠意十足，功效也確實超越其親民定價。 作為唇妝打底： 絕對滿分！它滋潤卻不油膩，後續上唇膏非常貼色，不會起屑或改變妝效，完美解決了許多潤唇膏太油導致唇膏不顯色的問題。 CP值與整體評價： 以親民的定價，擁有食品級成分、持久

質地足夠滋潤但毫不油膩，不論在開著空調的室內環境還是面對漸漸乾燥的秋天，依然能讓雙唇保持不乾燥繃緊的狀態。使用後能即時感到滋潤並些微光澤感，補濕度高，潤澤效果持久，感覺極佳。只要塗在嘴唇上，唇上的乾紋及脫皮狀況立即獲得改善及舒緩，顯著見效，溫和地滋潤雙唇，頓時顯然更健康柔軟。對於100%食品級成分，不含人工香精，具百分百安全的信心保證，用起來固然更安心又放心。即使進食時不小心把它吃進肚子裡也不用擔心，絕不會危害健康。我過往曾使用過其他蜂蜜潤唇膏，覺得滋潤度不足，需要定時補塗，十分麻煩，還沒有安全保證，成分成疑，感覺有點兒不太可靠。眾所週知麥盧卡蜂蜜是紐西蘭所獨有麥盧卡樹的花蜜，其抗菌活性度高，有效幫助傷口癒合並預防疤痕。曼秀雷敦品牌給我的印象是歷史悠久卻與時俱進，產品多樣化且性價比高，功效能媲美各大國際級知名專櫃品牌，因價格相宜但功效出眾而尤其深受學生們及小資女的愛戴。以它來作唇妝前打底感覺能為雙唇提供足夠滋潤和保護但不會過份黏笠，儘管後續的有色唇膏只有外在美而欠缺內在美也不怕。總括以上特質其產品CＰ值滿分，顛覆了過往我對潤唇膏的壞印象，相當適合日常使用。值得一提的是它上方呈六角形模仿蜂

多謝@cosme 抽中我試用今次lip pure天然植物潤唇膏，我一直都用開曼秀雷敦嘅潤唇膏，深綠色嗰支真係好好用，我自己係偏向鍾意用冇香料嘅潤唇膏，因為個嘴同鼻咁近，我自己就唔係好鍾意長時間聞到啲香味同埋驚有香料會容易敏感，自己本身嘅皮膚都對人工色素同香料容易有敏感嘅，所以一直都係揀啲冇香料為主嘅潤唇膏。 今次收到Lip Pure其中一款係冇香料嘅，開蓋之後比平時用開綠色嗰支係比較粗啲比較實淨嘅感覺，平時朝早起身嗰陣個嘴特別乾，所以今次都係喺最乾嘅時候影低咗before嘅相，平時我都係食完嘢飲完水feel到個嘴開始有啲乾嘅時候就會搽潤唇膏, 出門前都會搽,一日應該最少都會搽三四次。 搽咗之後係真係幾有感覺，唔會再好乾爭爭，好缺水嘅感覺，睇相都會睇得出係啲唇紋淡咗好多。雖然香港天氣而家都仲係好熱，但係天氣都開始叫做進入秋季同埋冬季，如果唔好好保養嘅話，係會好乾燥，睇落去個人都會好殘，自己又會覺得唔舒服。咁今次呢個蜂蜜成份嘅同埋有八種優質精華油，我就覺得係都好適合秋冬天用，係滋潤得黎亦都唔會黐立立，平時出街之前都會搽咗潤唇膏先，之後再搽有色嘅潤唇膏，都唔會影響到會好容易甩色，如果未

好開心今次係第一次抽中@cosme 既試用！今次係試用蜂蜜味同埋原味。 有啲原味潤唇膏打開都會有一啲唔自然嘅味道，但係呢個我覺得係稍為天然嘅味道，舒服既。 反覆搽咗兩三下之後感覺非常滋潤。望落令立立咁！ 不過可惜潤唇膏嘅滋潤度維持唔到太耐，尤其是而家轉季，濕度都開始跌，出街兩三個鐘就會嘴乾，要再補。喺冷氣地方都同樣。 另外訓覺塗都一整晚，瞓覺前塗完幾層之後過咗八個鐘起身，嘴唇都係乾，而且係感覺到脫皮，所以就會比較失色。 不過價錢屬於正常水平，而且成份安全，所以都用得過嘅，晚上可能用返睡眠唇膜會好啲！

感謝@cosme 的邀請試用~ 曼秀雷敦作為香港本土最入屋嘅潤唇膏牌子之一， 今季推出了全新蜂蜜潤唇配方的潤唇膏 記得媽媽教落潤唇膏一定要用靚野，因為要會食落肚，而今次主打嘅就係食品級安心嘅天然配方 私心鐘意蜂蜜味！本身好怕啲好假好甜嘅味道，但曼秀雷敦今次嘅蜂蜜味係好天然自然嘅蜂蜜甜味，食聞落都好香甜！原本唇太乾，有死皮及暗沉 搽了潤唇膏後唇紋即刻減淡，滋潤度十足！ 非常推薦黎緊嘅冬天用！

試用咗曼秀雷敦 LIP PURE OIL 天然植物精華油潤唇膏（無香料）一排，作為一個日日都要搽潤唇膏嘅人👄 呢款我覺得幾值得推介！ 呢支唇膏膏身偏硬，唔會一搽就溶晒咁，質地係滑滑地，唔會太油膩，搽上嘴有少少保護膜咁，但又唔會焗住唔舒服。用落唔會覺得黏笠笠，頭髮都唔會痴嘴 雖然話係無香料，但我聞落有淡淡植物油同微微蜂蜜味🍯（真係要好近先聞到），唔會有啲古怪膠味，對香味敏感嘅朋友完全可以放心。個人其實更鍾意蜂蜜味果支嘅味道🙈 呢支用完即時有滋潤效果，乾紋淡咗，有返啲光澤✨ 但滋潤度就唔算係好高，如果本身超級爆拆，可能要搽多幾次先夠 試過夜晚厚搽一層，第二朝訓醒嘴唇都冇甩皮，乾燥情況有改善。平時日頭當打底用，上唇膏都唔會甩色 如果你想搵一支無味、天然又夠滋潤嘅潤唇膏，呢支係性價比好高之選👍

感謝@cosme 抽中我試用呢款「曼秀雷敦LIP PURE OIL 天然植物精華油潤唇膏（無香料）」💝 曼秀雷敦係我讀書時期好鍾意用嘅品牌，當年仲係學生嘅我，每年秋冬季都好期待佢嘅潤唇膏，包裝唔老土，又夠滋潤，重點係CP值夠高，就算係學生都afford到～曼秀雷敦咁多年嚟都keep到咁嘅價錢，真係超佛心！🫶🏻 除咗剛開封、第一次用嘅時候，係比較難塗上唇，用落我覺得質地好輕盈，唔會笠，非常好！ 氣味方面，我自己比較偏好無香料版本，蜂蜜版本聞落有啲膠/蠟嘅味道，個人唔太接受到隻味😅 搽完係即時見到效果，嘴唇變得滋潤同柔軟。最近覺得天氣乾燥咗，所以我每晚臨瞓前都會習慣厚厚搽一層潤唇膏，當night lip mask用，而呢支係令我好滿意，因為唔笠但第二朝起身都keep到滋潤度，嘴唇嘅乾紋亦有改善～ Overall 非常推薦畀大家日常用～日用夜用都唔心痛😂

感謝@cosme 抽中我試用LIP PURE OIL 天然植物精華油潤唇膏（無香料）產品～^^依款產品質地非常滋潤，很容易推開，保濕度相當高而且非常持久，用咗幾個鐘個嘴都唔會乾燥，係一款會令人經常回購嘅產品👍🏻 而且依款潤唇膏很容易扭出扭入，方便使用呢～潤唇膏外觀是米黃色並帶有小蜜蜂圖案，簡單得嚟帶點可愛感。^^ 以下是產品使用效果圖，可以睇出用了一段時間已經改善了好多乾燥甩皮嘅情況呢～