DHC

橄欖護唇膏

DHC潤唇膏｜日本女仔最鍾意嘅通透感 最近冬天比較乾燥，之前買嘅潤唇膏又用晒，順手買面膜嗰陣就買咗支試吓。 先講吓使用感：搽上嘴感覺好薄身，唔會有好厚重嘅感覺，唔似有層嘢糊住咁，冇假潤嘅感覺，之後亦唔會抽乾水分。 我未搽潤唇膏之前對嘴真係好乾，仲甩皮。搽咗之後，情況真係改善咗好多。而且呢支唇膏搽上去，真係有種嘟嘟唇嘅感覺，好似打咗透明質酸咁，自帶濾鏡效果。 不過因為呢支潤唇膏質地比較薄，如果嘴唇爆拆得好犀利，都係建議用番啲質地厚身啲嘅潤唇膏，例如凡士林嗰類。另外有樣唔好嘅地方係支膏體比較幼，又唔算長。至於有人話會引起唇周炎，我自己搽咗幾次都未發現呢個問題，我覺得應該係個人體質關係。 呢支潤唇膏，好適合我哋呢啲懒惰打工人，返工唔想化妝，但係嘴唇又乾又冇血色，就可以隨手搽吓。雖然支唇膏本身冇顏色，但起碼對嘴冇咁乾呀！會令人覺得氣色好好，有種日本女仔嘴仔亮晶晶嘅感覺。 保濕指數：★★★★★ 滋潤指數：★★★★ 推薦指數：★★★★★

嘴唇皮膚狀況: 嘴唇偏乾，比較易甩皮，上唇色偏暗沉 DHC 橄欖護唇膏絕對是開架品牌護唇界的低調實力派！ 依支潤唇膏嘅質地輕盈柔滑， 因為添加咗橄欖精華油，上唇後會覺得有一層薄薄嘅保護膜，避免水份流失 同時又唔會有好厚重嘅黏膩感 雖然支唇膏無色透明， 但會帶嚟好自然的光澤感和透明感，減少唇紋，令到嘴唇睇落好水嫩🤣 氣味方面，雖然帶有一點特殊味道， 可能唔係每個人都會中意， 但實際使用效果足以彌補小缺點🤣 總括然而，適合日常使用，或作為妝前打底， 令嘴唇更平滑，唇妝更服貼👏🏻 效果圖🔽 唇部明顯乾燥，唇紋較為明顯 一搽完上唇，即時有一層薄薄嘅保護層，有明顯亮澤感又無咗大部分唇紋🥳

DHC潤唇膏測評｜橄欖潤唇之皇！ 講起日本藥妝店必掃貨品，DHC支皇牌潤唇膏絕對係長期斷貨王！今次就同大家拆解佢點解可以咁多年都屹立不倒～ 🔹 成份：簡單就是美！ 成支唇膏嘅靈魂就係「橄欖精華油」！成分表乾淨到喊，仲加入咗維他命E同蘆薈等天然保濕成分。冇香料、冇色素、冇防腐劑，成分黨同孕婦都可以放心使用！ 🔹 滋潤保濕：實力派選手！ 質地睇落好似好普通，但一搽上嘴先知咩叫「深層滋潤」！ 唔會得層油浮喺表面，而係真係食入唇部皮膚咁，即時軟化死皮。就算係爆拆流血嘅慘況，臨睡前厚敷一層，第二朝起身已經回復返七成狀態！持久度超班，唔使成日補搽～ 🔹 香味：天然橄欖味！ 打開係陣好清淡嘅天然橄欖油味，唔係人工香味。初初用可能唔太習慣，但用落就會覺得好安心。鍾意濃香味嘅人可能會覺得有啲「油益味」，但追求零添加嘅用家就最buy！ 🔹 價格：小貴但值回票價！ 日本藥妝店通常賣$30-40港幣左右，雖然睇落細細支好似唔抵，但因為滋潤度夠，用量好省，一支都可以用到好耐。比起成日要補搽嘅平價潤唇膏，其實性價比更高！ 💡 總結： 如果你係： ✅ 唇部極度乾燥、經常爆拆 ✅ 追求天然簡單成分 ✅ 需要

呢支真係家中常備！雖然周圍都買到，但每次見到都有想即刻囤兩支嘅衝動😆 佢最大賣點係含有機橄欖油成分，聞落有陣淡淡嘅天然味道，唔會好人工咁～ 質地係黃色嘅膏體，搽上嘴好順滑，滋潤度真係冇得頂👍！尤其係轉天氣或換季時嘴唇開始爆拆嘅時候，薄薄搽一層已經即刻感受到滋潤，但又唔會油立立好似食完肥豬肉咁🤣 我最鍾意佢係化妝前打底一流！化妝前厚塗一層，等幾分鐘，再用紙巾印走多餘油脂，之後擦唇膏唔會影響顯色度，反而令唇妝更貼服～而且細細支帶出街超方便！ 價錢平，又好用，當潤唇膏用每次只需搽少少就夠！絕對係會不斷回購嘅萬年愛用品❤️

DHC橄欖護唇膏是我的唇部救星！ 最近天氣轉涼，嘴唇總是乾裂得像沙漠一樣，什麼唇膏都撐不了半天。直到我試了DHC的橄欖護唇膏，才真正感受到什麼叫「輕鬆保濕，一整天不黏膩」隨時補塗，是我的唇部保養救星。 用起來真的好舒服！質地是半透明，塗抹時一點都不油膩，很快就滲進唇部肌膚，留下淡淡的自然光澤。關鍵是保濕力超強，我塗一次就能長時間維持，就算吃東西或說話也不易脫落。裡頭的橄欖油成分讓嘴唇感覺被溫柔呵護，沒有那種化學唇膏的怪味，只有清新的自然香氣。之前用其他牌子，總是塗完後嘴唇黏黏的。而DHC滋潤不黏膩，而價格親民，成分天然，效果卻像高級護唇精華，我已經用掉很多枝，絕對會回購！

DHC橄欖潤唇膏係我第一支的潤唇膏。因為其價廉物美，又有潤膚功效，係我中學時期的恩物。 細個那時，因為考試緊張，時時咬嘴脣，一轉季又經常嘴唇龜裂，令其經常破損。周而復始底下，嘴唇變得不堪入目。所以買一支能負擔得起嘅潤唇膏，睇吓有冇幫助。 這款潤唇膏主要成分為橄欖油，透明感強，有滋潤功效又有天然成分，價錢又唔貴，加上DHC 都出過唔同護膚產品信心有保證，就買左。 用後其質地輕盈，不油膩，使用後感覺舒適，不會好似油咁，有厚重感。所以飲水或唔小心食到，都唔為意。 適合肌膚：任何 成效度：4/5 保濕度：4/5 光澤度：3.5/5 值得推薦度：4/5

DHC潤唇膏由有廉航開始，多人去日本做代購嘅年代開始興起，而家香港多咗好多日本藥妝店，香港都容易買到，價錢大概$6x/2.5g，去開日本行藥妝買平好多。如果喺香港買日本牌子潤唇膏會有其他性價比高啲嘅選擇。 黃色膏體，偏幼身，膏體比其他支裝潤唇膏軟軟身，上嘴保濕度高滋潤度好，但又唔會令到個嘴好黏立，嘴唇柔軟舒服。 不過但係如果擺得太耐冇用，會有一浸臭味，建議開封後盡快用晒。夏天好容易變軟漏出黎，冬天還可以。

DHC｜最驚艷嘅潤唇膏！！！ 今年超超超滿意就係呢支DHC粉熨斗唇膏！！真心推介俾所有唇紋深嘅姊妹，淡紋效果簡直驚為天人！！ 我一開始用已經被佢嘅滋潤力嚇親！一轉季我塊唇就好易乾到繃緊爆拆，點知朝早搽完，成日塊唇都係水水潤潤，完全唔乾唔甩皮，真係嫩到阿媽都唔認得！！！ 平時化妝前我會薄薄搽一層做打底，之後再疊加唇膏超級貼服，仲可以自帶水光感，輕鬆整出水潤嘟嘟唇。最正係佢保濕力好長效，入面加咗天然橄欖精華油、蘆薈精華同維他命E，日頭唔使頻頻補搽，塊唇都可以保持成日唔乾，拎嚟打底真係絕配到喊呀！！！！！ 用咗一排真係驚為天人⋯連之前好深嘅「東非大裂谷」唇紋都淡咗好多，而家摸落又軟又飽滿，真係爽到震！加上佢質地一點都唔癡立立，都唔知呢支係我回購嘅第幾支了⋯DHC幾十蚊嘅價錢，我真係可以回購到佢停產為止。。。。 #轉季#換季好物

DHC橄欖護唇膏超讚！每天用，嘴唇不再乾裂，保濕效果持久，抹上即滑順不黏膩。天然橄欖油成分溫和，氣味清新自然，像新鮮橄欖果香，聞了超舒服不刺鼻！適合敏感肌。冬天戶外必備，隨身攜帶超方便！用完一管就上癮，性價比高，強烈推薦給所有唇部乾燥的朋友！

我個唇一直都好乾燥，就算而家夏天都係，所以用過不少潤唇膏，呢隻 DHC 橄欖護唇膏算係買得最多嘅一枝，因為真係好夠潤，又平，用後唇上乾皮會即時滋潤到，價錢親民又耐用，我諗我起碼用過7,8枝。平時已經一個袋放一枝潤唇膏，但依然經常會唔見咗枝潤唇膏，呢款即使唔見左都唔會太心痛。無論日頭用或者夜晚厚敷都好適合，真心推介給同樣有乾唇困擾既朋友。

DHC橄欖油潤唇膏我以前都有用過，雖然味道有啲奇怪，但滋潤度OK，唇膏本身細支好快用曬。依家Zakura做緊減價$28一支，幾抵～但我覺得曼秀雷敦啲潤唇膏選擇更多，有啲仲好用添！

這支潤唇膏，從我讀書的時候就開始用，以前很貴的，差不多成50-60元一支，記得以前是有橄欖味的，最近在藥妝店買過幾支，很便宜才$2x，買回來都是打開了然後放一陣子再拿出來用。都有一股怪怪的化學臭味，不知道是什麼原因

非常滋潤，我覺得係任何人都啱用嘅潤唇膏 明顯地感受到嘴唇滋潤但唔笠，吸收完都仲可以保持到滋潤嘅感覺 成分簡單，係我會無腦回購嘅選擇 但購入前建議先考慮兩點 1。性價比唔算高：雖然價錢唔貴，但用完一枝嘅速度比一般開架wax base嘅潤唇膏快 2。天氣：唔可以向太熱嘅情況下保存或使用，會融成軟泥狀 今次買嘅係有色版 幫嘴唇補上一點血色 同埋感覺無平時一般版果枝咁易溶

日本買真係好平 一排買每支都係20幾蚊 冇色唇膏 冬天用好潤 夏天都可以用到

一開始用確實係幾滋潤個嘴，但係浸橄欖味真係幾臭，但夜晚瞓覺用都叫接受到，之後再買多支就發現，個嘴越用越乾，仲要成日甩皮，仲要支唇膏好快就用晒，感覺冇幾耐又要再買過支，性價比低