MENTHOLATUM 曼秀雷敦

LIP PURE 蜂蜜潤唇膏

#火熱新品 曼秀雷敦蜂蜜潤唇膏－冬季護膚嘅嘴唇救星！🍯 一到冬天，唔單止塊面乾，對嘴唇先係最大挑戰！又乾又痕，仲會甩皮流血⋯⋯ 好彩有支曼秀雷敦蜂蜜潤唇膏長駐我袋，用咗好幾年，真心係冬季護膚不可或缺嘅護唇神器！ ✨ 質地同氣味： 淡黃色嘅膏體，帶住陣陣天然蜂蜜香，唔會假甜。質地偏軟身，好易塗抹，上嘴有微微嘅光澤感，唔會「油立立」反光，男仔用都唔尷尬。冬天拎出嚟搽個陣，聞到陣蜂蜜味覺得好療癒～ 💦 保濕修護效果實測： · 即時滋潤：嘴唇一覺得乾燥、繃緊，搽薄薄一層已經即時舒緩，冇咗嗰種「扯住」嘅感覺。 · 長效保濕：佢唔係一味得個「油」字，而係真係有修護感！冬天出街吹風，一般潤唇膏可能一兩個鐘就要補，呢支可以撐到3-4個鐘都仲keep到滋潤，嘴唇依然軟滑。 · 急救甩皮：有時朝早起身發現嘴唇甩皮，我會厚厚敷一層做個5分鐘唇膜，之後用濕毛巾輕輕一抹，死皮就帶走晒，即刻變返平滑！係冬季護膚入面嘅急救好幫手。 🌿 成份與溫和度： 主打天然蜂蜜、蜂蠟同維他命E，冇色素，食落肚都唔怕（當然唔建議特登食😂）。成分簡單溫和，就算嘴唇敏感或者有輕微破損嘅時候用，都冇引起刺激，好放心。 📌 使用

試用程度：收到無香料款同蜂蜜味，各用咗四日共八日，隨身攜帶覺得唇乾時就搽，夜晚臨瞓前會再搽多幾層。已入秋天氣逐漸轉乾燥，但仍然炎熱。 容器：●●●●○○○ 外形簡潔，蓋位做咗漸六角形同有隻立體蜜蜂，幾有特色又冇咁易碌走（不過大力d都係會碌走）；蓋身夠長唔會擺喺袋撞甩蓋，但用落初期會覺得卡扣位太實，開同閂都要比attention佢，不能無腦使用；轉潤唇膏結構順𣈱，唔會轉到最盡後番唔到轉頭。氣味及質地：●●●●●●○ 無香味 - 款式只有很淡蜂蠟原料味，唔湊近聞都唔會留意到，十分適合喜歡無香料嘅用家 ； 蜂蜜味 - 產品介紹指無人工香料，聞落都好似真正蜂蜜咁，有種先酸後甜近乎發酵味嘅層次感，應該冇咩人會討厭呢隻味👍 搽上咀後仍會聞到少許味道。 兩款膏體都硬，炎熱天氣下都冇出現溶化變形/漏油等情況；搽上唇係薄薄地嘅油潤感，反覆大力搽幾層都唔會係凡士林嗰種厚敷感覺。 成分：●●●●○○○ 兩款都搵唔到full ingredient list, 但產品介紹話係100%食品級成分，含4種蜂蜜萃取物：蜂蠟、蜂皇漿、麥盧卡蜂蜜同蜂膠，如果當中屬實同含量足夠嘅話，係會幾有消炎修復嘅功效，但始終無成分表

#火熱新品 話說曼秀雷敦支蜂蜜潤唇膏呢，真係由細用到大㗎啦！今次見到佢偷偷哋轉咗包裝，忍唔住即刻買支返嚟試真啲——新舊版到底有咩唔同？邊支先係『潤唇之王』？等我同你逐樣拆解！ 🍯包裝設計 新版：轉咗啞光米白筒身，摸上手有啲磨砂感，望落高級咗！六邊形嘅管身更加容易打開，就算冬天搽咗護手霜都唔會手滑！ 舊版：光面膠殼，用耐咗容易有刮痕。 贏家：新版！擺出嚟都靚仔啲～ 🍯質地比較 新版：推開更薄身，一掂嘴唇就化開，唔會「立黐黐」。 舊版：比較厚身，夏天用有少少膩。 贏家：新版！清爽得嚟夠潤。 🍯味道嗅覺 新版：蜂蜜味淡咗，帶多陣花香味，唔會太甜。 舊版：經典濃蜜糖味，鍾情傳統味可能更愛。 打和：睇你鍾情清新定濃香！ 🍯效果實試 新版：保濕力撐到4-5個鐘，死皮自動軟化，唇紋有變淺。 舊版：潤度夠但持久力弱少少，要補搽密啲。 贏家：新版！持久度同修護力贏咗～ 總結：新版贏在顏值+清爽感+持久力，如果鍾意濃蜂蜜味可能要時間適應。整體嚟講抵入手！🍯✨

好開心今次收到曼秀雷敦全新香港獨家配方LIP PURE 天然植物潤唇膏（蜂蜜）同LIP PURE OIL 天然植物精華油潤唇膏（無香料），喺度非當多謝@Cosme俾我有今次試用嘅機會。 一提起潤唇膏，相信好多人第一時間就會諗起曼秀雷敦呢個家傳戶曉嘅品牌，而我都唔例外。咁多年以嚟，一年四季，我都係用開曼秀雷敦其中一款粉紅色包裝嘅潤唇膏，曾經試過其他貴價品牌嘅潤唇膏，但最後我都係會用返呢枝性價比超高嘅潤唇膏。我本身係嗰種嘴唇長年都特別容易乾嘅人，只要一無搽潤唇膏，就會乾燥到起皮，甚至爆裂甩皮。 今次試用嘅全新香港獨家配方LIP PURE 天然植物潤唇膏（蜂蜜），蘊含蜂蠟、蜂皇漿、麥盧卡蜂蜜及蜂膠呢4種蜂蜜萃取物。採用100%食品級成分，真係令人用得更加安心。一搽呢款潤唇膏上嘴，已經覺得非常滋潤，一D都唔會油淋淋，完全唔會黏笠，好滑好舒服。而且氣味上聞落有淡淡嘅蜜糖香味，就好似搽咗飲嘅蜜糖水一樣，十分討好。 平時我嘅使用習慣，通常係朝早出門口就搽一層潤唇膏，直至午餐之前，嘴唇keep住都係好滋潤，飯後就再搽過。到晚上臨訓前，我就會厚敷當唇膜，第二朝起身死皮就會無晒。 持續

好開心今次抽到曼秀雷敦潤唇膏既試，兩枝分別用咗幾日，使上用都冇唔舒服或者敏感（本身嘴唇比較敏感） 先講LIP PURE 天然植物潤唇膏（蜂蜜），佢既膏體比較硬，氣味都好舒服，就係純粹蜂蜜的味道，不會很假。一搽上嘴就會遇到溫度而融化，變成油包覆着嘴唇，雖然質地輕薄係真係有保濕滋潤既感覺，但唔會覺得有層野浮係嘴上面漿住，而且滋潤度維持既時間都頗長，唔會好快又覺得乾。因為100%食品級成分，所以試過過夜用亦非常放心，效果都非常持久，第二日起身唇紋都減淡了很多，唇部既觸感都柔軟了很多！呢張圖係第二日起身，唇紋都減淡了很多，唇部既觸感都柔軟了很多，唇部既暗沉好似都有少少改善！ 而另一枝LIP PURE OIL 天然植物精華油潤唇膏（無香料）膏體都係比較實淨，但用落就冇乜香味，好天然安心，滋潤度都一樣足夠！我覺得佢感覺冇咁令身比較適合做妝前打底，再上其他唇部産品都適合！滋潤度都可以有幾個小時！CP值高！

多謝 @cosme 抽中試用曼秀雷敦LIP PURE OIL 天然植物精華油潤唇膏（無香料）＆LIP PURE 天然植物潤唇膏（蜂蜜）外形簡潔，蓋位做六角形同有隻立體蜜蜂， 外殼算硬淨，不是輕飄飄的質地， 而且閂埋時，有個卡位，設計好好，不容易鬆開。 氣味方面， 香港獨家配方：專為本地推出的限定蜂蜜潤唇配方，標榜無人工香料， 一開蓋係好香甜天然蜂蜜味，唔假，不太濃。搽上咀後頭5分鐘，仍會聞到少許香味。由於100%食品級成分，不含人工香精，用上來非常之安心。質地方面， 出奇地不是一般潤唇膏軟質感，其實係幾挺身， 有效修護乾燥唇部及有滋潤效果， 不黏唇，不厚重沒有油光感。 有用開曼秀雷敦綠色包裝潤唇膏 ( 有少少薄荷感覺)， 但我較喜歡這款蜜糖款式， 使用後感覺唇部更柔軟更吸收， 不會感覺到有一層薄膜係上面。而且她帶有自然柔霧光澤，非常適合日常使用， 我最喜歡作妝前唇部打底用， 滋潤度恰到好處，不會太黏笠厚重，影響後續唇妝。 以這個開架平價錢, 天然成分，可日日使用，非常高CP值!!

好感謝今次被@Cosme 抽中試用LIP PURE 天然植物潤唇膏（蜂蜜） ＆ LIP PURE OIL 天然植物精華油潤唇膏（無香料） 因為一向我都容易有咀唇脫皮嘅問題， 潤唇膏可以話係我essential 嘅item 今次有機會試用！香港獨家配方！係好開心 先講包裝先： 圖為天然植物潤唇膏（蜂蜜） 包裝頂端係一隻小蜜蜂，都幾可愛 而最值得一讚嘅係每次用完潤唇膏後，關蓋時會聽到“啪”一聲， 而個蓋係會關得好實 因為已經試過唔止一次， 唔止一個品牌，枝唇膏蓋係就會關埋都好易甩，好易跌，好易唔見 而呢枝lip pure係完全唔駛擔心呢個問題 至於質地方面， 唔會太硬或太軟，係屬於適中嘅硬度 而蜂蜜味潤唇膏真係有陣陣甜美飄出黎 而當每次咀唇乾到甩甩哋皮嘅時候 一搽就好舒服，搽完好似有層coating 喺表面 在於我呢個case ，平時懶少飲水 搽一次大概last到半日 再睇埋枝唇膏嘅成份： 含有4種蜂蜜萃取物：蜂蠟、蜂皇漿、麥盧卡蜂蜜及蜂膠 印象中麥盧卡蜂蜜有抗菌同消炎嘅功效 就算咀唇乾到裂都唔駛擔心傷口感染😛 而且最重要嘅係 100% 食品級成分：無人工香精，天然淡淡蜜糖味

潤唇膏簡直係我手袋必備嘅物件之一。今次好多謝cosme俾我嘅試用。其實我對於曼秀雷敦Lip Pure潤唇膏並唔陌生，一早喺我讀書嘅時候已經經常用佢，事隔多年，佢唔單止係外表包裝上面靚咗，成分上都提升咗好多！ 呢支潤唇膏嘅質地好似輕盈嘅植物油咁細膩，塗抹時順滑滲入唇部，唔會有厚重或者拉扯感。佢有四種蜂蜜萃取物，包括蜂蠟、蜂皇漿、麥盧卡蜂蜜同埋蜂膠，而且仲融合咗8種精華油，感覺好似一層柔軟嘅薄膜，溫和包裹乾裂嘅唇紋，啱晒經常喺冷氣房既你！初用時微微油潤，但好快就吸收，適合各種天氣。平時臨瞓前我都會搽一浸厚厚當係唇mask咁用，第二日瞓醒嘴唇都冇咁多乾紋，後續上唇膏都冇咁顯唇紋！滋潤效果好持久！ 相比起冇香料嗰支，我覺得蜂蜜味呢一支搽落係更加滋潤，對於極乾會甩皮嘅朋友會好適合！ 氣味方面，係好香甜天然嘅蜂蜜味！佢個氣味都幾強烈，不過一啲都唔假，唔刺鼻，相信鍾意蜂蜜味嘅朋友會好喜愛。 仲有，佢係標榜100%食品級成份，用起上嚟非常之安心。平時我係勁習慣舔嘴唇，而家有咗呢啲潤唇膏，都唔怕會食咗落肚。 重點係佢價錢超級平，只係40幾蚊一支！CP 值高到讓人驚喜！佢唔靠華麗包裝，而係用純天然

🍯秋冬甜蜜滋潤🥰 ✨️曼秀雷敦LIP PURE全新登場‼️ 實力派潤唇膏品牌一曼秀雷敦, 繼之前推出嘅天然植物潤唇膏系列, 今年十月再推出全新香港獨家蜂蜜潤唇配方：LIP PURE天然植物潤唇膏(蜂蜜) & LIP PURE OIL 天然植物精華油潤唇膏(無香料)!! 上年朋友送左枝比我用嘅時候已經覺得超驚豔, 因為超級潤但完全唔笠, 滋潤度可以hold到成日!!今次呢款全新限定蜂蜜潤唇配方, 專為香港而設, 嚴選8種優質精華油及4種蜂蜜萃取物: 蜂蠟、蜂皇漿、麥盧卡蜂蜜及蜂膠, 溫和滋養、即時修護乾燥咀唇, 100%食品級成分, 不含人工香精, 天然淡淡蜜糖味, 即時已經覺得好滋潤, 但又唔會覺得好黏或厚重, 柔滑潤澤用左一排咀唇嘅乾紋改善左好多, 變得柔軟唔易甩皮, 最中意就係臨訓前用, 同埋做唇妝前打底, 之後再上唇膏, 個唇妝會更持久服貼同顯色!! 價格仲要超平, 大大枝極過CP值!!

+4種蜂蜜萃取物：蜂蠟、蜂皇漿、麥盧卡蜂蜜及蜂膠．溫和滋養，即時修護乾燥雙唇 一滋潤不厚重：敵避 8種俊質精華油，帶來兩剛好的柔滑潤澤，不影響後續唇妝 今100% 食品級成分：無人工香精 •天然淡淡蜜糖味 ，絕對安全，用得安心 • 香港獨家配方：專為本地推出的限定蜂蜜潤辱配方，為日常護唇帶來嶄新體驗 質地非常滋潤，非常適合而家轉秋天嘅天氣！有種天然蜜蜂嘅味道！ 使用後有即時的效果，滋潤效果持久！ 咀唇的乾紋/脫皮有即時改善，感到雙唇更健康柔軟。對於 100%食品級成分•用起來更安心。 之前有使用過其他蜂蜜潤唇膏，覺得塗完唇皮並沒改善，容易變乾。本身自己有食麥盧卡蜂蜜，對此有認知！揀蜂蜜潤唇膏更加嚴謹！ 曼秀雷敦品牌本身最熟悉都係潤唇膏！ 呢支香港獨家 全新「蜂蜜潤唇配方」lip pure oil 天然植物精華油潤唇膏作唇妝前打底感覺滋潤輕薄，冇厚重感，不會太黏笠！上其他唇膏都冇問題！ 產品CP值高，鍾意佢個小蜜蜂design ! BeforeAfter

多謝@cosme 提供曼秀雷敦LIP PURE天然植物潤唇膏 講起曼秀雷敦 之前已經試過幾款佢嘅潤唇膏 今次好開心可以優先試到香港獨家配方蜂蜜潤唇膏 官方介紹係有4種蜂蜜萃取物 有滋潤效果 可以即時修護乾燥雙唇 平時其他品牌有啲潤唇膏搽完好似豬油咁 會覺得個嘴油淋淋唔舒服舒 但呢款lip pure質地好滋潤 但潤得黎唔會覺得好油好笠 而且個味道係有淡淡蜜糖味 好好聞 如果平時唔鍾意有氣味 另外有無香料可以選擇 夠晒貼心 上咀後即時覺得好滋潤 而且唔會好快乾 我多數夜晚訓教前會再搽一次 到早上依然覺得個嘴好潤 平時成日搽唇膏 然後又卸妝 個嘴容易比較有乾紋 用返潤唇膏的確會令個嘴更加柔軟 改善乾燥 而且係100% 食品級成分 無人工香精 夠安全 因為有時會食嘢飲水 免不了可能會食落肚 係食品級成份嘅話就會安心啲 另外如果係用一啲matte嘅唇膏 我通常都會用潤唇膏打底 作為唇妝前打底 呢款lip pure唔會太黏笠 好適合on top再搽唇膏 有啲大牌子一支潤唇膏幾百蚊 但而家幾十蚊可以做到同樣效果 甚至更好 CP值好高 BeforeAfter

多謝@cosme 邀請試用曼秀雷敦Lip Pure系列潤唇膏❤️ 我本身係一個成日用潤唇膏嘅人，長備一支係身。搽係嘴嘅野一定要揀成份天然嘅，今次呢款標榜100%食品級，唔驚食左d化學嘅落肚。平時最怕啲潤唇膏好笠，呢款搽上嘴嘅感覺唔會有油膩感，用落都易吸收。 白色果支係蜂蜜味～而黃色果支先係無香料🤣 成日都會記錯lol 覺得好似倒轉返個顏色會user friendly d , 個人喜好鐘意用無香料多d~ 蜂蜜嗰支一打開就會有好大浸蜂蜜味～ 如果鐘意蜂蜜嘅就會好鐘意 個包裝都幾高級～ 六角型設計再加隻蜜蜂仔 唇膏好容易轉到出黎～ 唔會話轉晒出嚟就扭唔返入去搽上嘴後明顯見到即刻滋潤好多，唔笠，講嘢唔會漿住口，可以搽唇膏前用黎做打底。無香料果支用完會回購！

曼秀雷敦 Lip Pure 蜂蜜潤唇膏 🍯 成分解析： • 天然蜂蠟 + 植物性角鯊烷 • 100%食品級原料（無礦物油/防腐劑） • 維他命E抗氧化配方 ✨ 使用體驗： · 純粹保濕力：蜂蠟形成鎖水膜，即時緩解乾裂，適合日常薄塗打底 · 溫和安全：舔食無害，孕婦兒童皆可用，天然蜜香不人工 · 性價比高：$40內入手，消耗快也不心痛 ⚠️ 潛在局限： · 續航力短：需每2-3小時補塗，極乾唇夜間使用不夠力 · 防護力弱：無防曬系數，戶外活動需疊加防曬唇膏 · 膏體偏軟：夏季高溫易融化斷裂，建議冷藏保存 🌞 季節適用指南： ✅ 春秋日常：單用足夠保濕 ✅ 夏季冷氣房：補塗頻率增加 ✅ 冬季戶外：需搭配油脂含量更高的唇霜 總結：日常護唇的「安心基本款」！適合追求天然、預算有限的學生黨與敏感族群，但重度乾唇者建議夜間搭配修護型產品～🐝 #曼秀雷敦蜂蜜唇膏 #平價潤唇膏 #天然護唇 #火熱新品

曼秀雷敦蜂蜜潤唇膏升級版，論滋潤度佢真係權威！ 邊個明我日日喺冷氣房要灌咁多水，把口都係乾噉解， 一到秋冬對唇仲要瘋狂甩皮甩到赤痛😭 連開懷大笑都只能「呵呵呵」噉笑… 試過幾款潤唇膏都唔多夾，好彩後來撞到曼秀雷敦蜂蜜潤唇膏～ 用咗兩三年，點知今年想回購發現佢竟然升級咗🐮 更潤！更滋養！我仲有咩理由拒絕？ 升級版曼秀雷敦蜂蜜潤唇膏真係有料✅ 加咗四重蜂蜜成分，複方配搭效果更潤， 比單一蜂蜜滋養效果再升呢！ 用料都唔孤寒！有新西蘭麥盧卡蜂蜜同法國蜂膠等， 全部係優質蜜源提取出嚟嘅精華！ 入面亦冇加亂七八糟嘅嘢～ 潤得嚟又溫和！敏感唇都用得安心！ 我通常朝早返公司搽一次，落到班對唇都仲係潤噉噉， 有時仲會攞嚟做晚間厚敷， 用咗一排之後連唇紋都淡咗唔少～ 佢一共有四個口味～ 原味+佛手柑+香橙+蜂蜜🍯 姊妹們可以跟返自己口味揀！ 我而家準備一年四季都用佢了💕 日常用或者化妝前打底都得！ 隨時保持嘴唇靚狀態，成個人望落都精緻咗～

多謝 @cosme 抽中試用曼秀雷敦LIP PURE OIL 天然植物精華油潤唇膏（無香料）＆LIP PURE 天然植物潤唇膏（蜂蜜🍯） 作為無潤唇膏出唔到既街既人類，可試用呢款含有蜂蠟、蜂皇漿、麥盧卡蜂蜜及蜂膠既天然植物潤唇膏實在太開心啦🤩 嚴選8種優質精華油，帶來剛剛好的柔滑潤澤，即使睡前厚敷都唔會覺得黏笠厚重，好快就吸收，第二日訓醒唇部滋潤飽滿 加上佢簡單又有設計感既外表，散發淡淡既蜂蜜味🍯，重要係100%食物品級成份，令人用得安心又舒服 呢個秋冬佢已經成為我常備既唇部護理品🩷

開始秋冬換季，皮膚跟嘴唇都變得乾燥，這幾天使用了曼秀雷敦新推出的Lip Pure天然植物潤唇膏。使用了四種蜂蜜萃取物，非常天然，令我使用時感覺更安心！共有兩款，分別是蜂蜜味及無香料，塗上嘴時質地非常水潤，而且不黏立！令原本開始乾燥有乾紋的嘴唇立即變得水潤，效果可以持續幾小時，使用感受非常好👍🏻 我覺得作為妝前打底使用非常好，因為平時的有色唇膏都是偏乾燥的，所以在塗上有色唇膏前先使用這款水潤的潤唇膏，會令有色唇膏更容易均勻地塗上。

曼秀雷敦LIP PURE天然植物潤唇膏（蜂蜜味）真係好啱秋冬用，塗上咀即刻感覺到好滋潤，唔會有油笠笠嘅感覺，反而好輕盈自然。佢用咗天然植物油成分，好似乳木果油、杏仁油嗰啲，對乾燥爆擦嘅嘴唇真係有幫助。 夜晚瞓覺必搽，第二日朝早起身個嘴唇都仲好滋潤，平時朝早出門前塗一層，基本上一日都唔使補，嘴唇keep住滑滑哋，唔會甩皮。包裝簡約，價錢又親民，性價比高。鍾意天然護唇產品嘅朋友，呢支真係可以入手試下。

感謝@cosme 抽中我試用呢款「曼秀雷敦LIP PURE 天然植物潤唇膏（蜂蜜）＆ LIP PURE OIL 天然植物精華油潤唇膏（無香料）」💝 曼秀雷敦係我讀書時期好鍾意用嘅品牌，當年仲係學生嘅我，每年秋冬季都好期待佢嘅潤唇膏，包裝唔老土，又夠滋潤，重點係CP值夠高，就算係學生都afford到～曼秀雷敦咁多年嚟都keep到咁嘅價錢，真係超佛心！🫶🏻 除咗剛開封、第一次用嘅時候，係比較難塗上唇，用落我覺得質地好輕盈，唔會笠，非常好！ 氣味方面，我自己比較偏好無香料版本，蜂蜜版本聞落有啲膠/蠟嘅味道，個人唔太接受到隻味😅 搽完係即時見到效果，嘴唇變得滋潤同柔軟。最近覺得天氣乾燥咗，所以我每晚臨瞓前都會習慣厚厚搽一層潤唇膏，當night lip mask用，而呢支係令我好滿意，因為唔笠但第二朝起身都keep到滋潤度，嘴唇嘅乾紋亦有改善～ Overall 非常推薦畀大家日常用～日用夜用都唔心痛😂

多謝@cosme抽中我試用呢款Lip pure蜂蜜潤唇膏，呢支潤唇膏融合咗蜂蠟、蜂皇漿、麥盧卡蜂蜜同埋蜂膠四種蜂蜜萃取物，質地溫和，可以有效修護乾燥唇部，搽咗之後即刻覺得好滋潤。雖然滋潤度夠高，但係又唔會俾人覺得有厚重油光感，反而可以呈現到自然柔霧光澤，我自己就覺得非常適合日常使用。 添加咗8種精華油都好容易推開，唔會較實淨就好難搽上個嘴又好大力搽，我嘅嘴唇都可以長時間維持柔嫩，唔會影響之後影響繼續搽其他唇膏，用嚟做妝前打底係好唔錯同好理想嘅選擇。 呢支潤唇膏採用咗100%食品級成分，無人工香精，打開蓋嗰陣就會聞到一陣淡淡天然蜜糖香，雖然我自己本身就唔算太鍾意有香味，但係呢隻淡淡地嘅蜂蜜味唔會令我好抗拒，100%食品級同埋冇人工香精，就算唔小心舔到都唔使擔心，用落都會特別安心。 同埋係香港獨家配方，最追貼本地氣候咁多位使用者嘅需求。我自己就覺得整體嘅表現都好好，好實用同埋個外殼都好簡約好靚，用完呢兩支我都會考慮繼續入手呢個系列去取代我平時用開綠色嗰隻，係值得回購嘅。

好開心今次係第一次抽中@cosme 嘅試用！以往對於麥盧卡蜂蜜嘅產品我通常都係食喉糖或者用嚟含落喉嚨醫重感冒，第一次用呢隻蜂蜜造成嘅潤唇膏，感覺就好似好有藥用功效咁。 一打開蓋啲香味就好濃烈咁湧出嚟，但可以接受舒服嘅味道。反覆搽咗兩三下之後感覺非常滋潤。以往都用過其他牌子嘅蜂蜜味潤唇膏，但係個感覺係冇咁滋潤。 其中有日係戶外活動，搽咗呢個打底之後再搽唇膏，冇就咁搽唇膏咁乾，望落去都有光澤啲，亦都唔黏笠，都維持咗大半日，不過之後食嘢都需要補。 不過可惜潤唇膏嘅滋潤度維持唔到一整晚，瞓覺前塗完幾層之後過咗八個鐘起身，嘴唇都係乾，而且係感覺到脫皮，所以喺冷氣地方就會比較失色，如果日常使用可能四五個鐘都要補一次。 不過價錢屬於正常水平，而且成份安全，所以都用得過嘅，晚上可能用返睡眠唇膜會好啲！