Country & Stream

蜂蜜深層潤唇膏

❄️冬季其中一枝我最愛護唇精華產品！ 雖然我曾經推介其他牌子嘅潤唇膏，但係呢支唇部精華，同一般潤唇膏好唔同！☝🏻冬天天氣乾燥，嘴唇旁邊有脫皮情況，我會厚敷呢款唇部精華！  產品質感非常厚身，塗上呢款產品，你會覺得成個嘴非常滋潤，好似比滿滿嘅精華包裹住，但係又不至於過分油膩，講嘢唔會上唇黐下唇，又唔會好似食完雞髀冇抹嘴，成個嘴都係唔舒服嘅油膩感。即使隔咗大約1小時，仍然會感受到上下唇都有豐盈嘅油分。 而且呢支產品性價比好高，40幾蚊，但係帶嚟嘅效果可以媲美尊貴唇油，如果晚上塗上厚厚一層，當lip mask，第二日會感覺到成個嘴唇脹卜卜！唔怪得知產品背面係寫住唇部美容液，而唔係一般嘅護唇膏！佢係名副其實為嘴唇美容嘅產品～ 最喜歡佢同系列有三款產品，一款係冇顏色，一款係淡粉紅色，我今次試用嘅係深紅色，不過上到嘴唇上面，紅色唔算非常顯色，適合平日冇化妝，可以為嘴唇添上淡淡紅潤感，係素顏之選！不過其實我三款都包晒色，因為實在太好用，又可以當潤唇膏，又可以當lip mask，又可以當化妝品，性價比之冠！

淡淡既蜂蜜味，一啲都唔假，冇化學味道。我呢支係基本冇顏色款，雖然好似細細支，但係都用到一段時間。 平時嘅唇蜜係好黏笠，但係呢支唔會，有滋潤度得黎唔會油膩，全日都用得。佢嘅感覺係純物可以滲透嘴唇滋潤唇部肌膚，而唔係淨係停留於嘴唇表面。唔知會唔會有人好似我咁由細到大個嘴都好容易有死皮，尤其是而家換季瞓醒一覺嘅時候個嘴唇會超乾。依支唇蜜真係好適合夜晚用，第二朝嘴唇好柔軟，比豬油膏木瓜霜更好，我會回購👍🏻

多謝 @cosme提供試用 🥰 作為每日都要用潤唇膏嘅我，之前已經有用過Country & Stream嘅潤唇膏，記得感覺非常滋潤。今次試用呢枝都唔例外，雖然佢有少少少顏色，但一啲都冇影響滋潤度：上嘴即時聞到Country & Stream嘅獨有蜜糖香味，感覺有厚度重滋潤感，少少潤色但唔會好明顯，而且超級持久，可以hold到半日有多。呢幅圖只係薄薄搽咗一層，唇紋都即時減淡，無論素顏定帶妝當lip gloss都好適合使用啊！

潤唇膏係我每日必備嘅嘅一部分。Country & steam 蜂蜜深層潤唇我已回購多次，佢嘅蜜糖味好香又好真實，甜得來又唔會太假。每次塗上去嘴唇都會好舒服嘅感覺，每次用完之後唔會令嘴唇刺刺地、癢癢地，好怕唇膏敏感，上嘴唇都好舒服嘅感覺。 我鍾意夜晚使用佢，因為第二日起身，嘴唇會好平滑，細紋都減輕咗！唔會再有第二朝起身嘴唇起乾皮💕

超香甜嘅蜂蜜味，佢嘅味道係香香地，令人好舒服。質地容易推開，厚塗可以軟化死皮。上嘴係會覺得好滋潤、可以減淡唇紋。最重要係唔會令到唇部敏感，好野嚟🐝

感謝@cosme的試用邀請❤️ 試用咗大約一星期 Country & Stream Natural honey lip👄 係一款有淡淡潤色成份ge潤唇膏，有啲似唇彩有亮唇效果。但顏色又唔會誇張，平時唔化妝素顏用都唔會覺得奇怪。 塗上嘴有清涼感，同時口味香甜。滋潤但無厚重感，唔會覺得有層膠ge感覺👍🏻 唔似一般浮係表面ge潤唇膏，呢款可以滲透唇部紋理，搽完好快感覺到可以唇紋少左。 加上價錢唔貴，CP值非常高，十分推薦想買有色潤唇膏ge人👏🏻

country & stream natural honey lip 有淡淡嘅蜜糖香味，帶透明感紅色，擦上咀感覺滋潤， 我長期坐喺冷氣office，咀較易乾燥，佢都 last到大半日，同埋有顏色喺唇上，望落個人嘅氣息都好啲。

Honey Full Lip 蜂蜜深層潤唇膏(Peach蜜桃色) 嘅質地比較稠身，搽左係唇上可以last 好耐，瞓覺之前搽左，到第二日都可以保留係唇上，長效滋潤雙唇。 另外，這支潤唇膏有淺淺的粉紅色，可以當唇彩使用。

感謝cosme提供試用。我的嘴唇容易乾燥，連瞓覺前都要搽，一直在物色滋潤的唇膏。今次幸運抽中country and stream 蜂蜜深層潤唇膏，睇到成份天然，敏感肌都適用，即刻急不及待使用。一吱出來已經有濃濃嘅蜂蜜味道非常清香，質地有少少厚身，但搽上嘴唇滋潤度非常足夠，而且係令身嘴唇即刻望落豐盈左，㩒完一陣有少少薄荷嘅感覺好舒服，而且持久度都非常好，朝早臨出門口查完去到中午都仲覺得潤唔使補。唯一挑剔嘅係可能我唇色比較深，所以冇得好似官方介紹咁當唇蜜用。

一兩年前已經喺香港有得賣，一打開已經有股淡淡嘅蜂蜜味，搽上去唔會特別覺得厚，仲要浸蜂蜜味，令人覺得好放鬆，係一款好適合夜晚搽嘅潤唇膏，而且呢個價錢佢做到嘅效果，完全冇得挑剔

幾潤嘅潤唇膏，有少少色，有啲似唇彩，查完有一浸令面喺個嘴度，不過都接受到，滋潤度好足夠

🌟潤唇膏非常好用，性價比高，值得回購 🌟有淡淡的蜂蜜清香，滋潤度十足，重點是有紅色，可以修飾唇色，也可以在塗唇膏前作一個打底 （謝謝 @cosme 的這個活動禮，之前不認識這牌子，又發現了一個好物了～）

同同一牌子嘅潤唇膏一樣，有自然嘅蜜糖味而且非常保濕。由於我嘴唇甩皮情況非常嚴重，睡前搽完深層潤唇膏後第二朝嘴唇仍然滋潤！保濕力強，而且蜜糖味非常助眠。 最後，多謝@cosme 同Country&Stream 送出產品試用🩷🩵

透明滋潤啫喱油質地，搽上咀仔好幼滑同好滋潤，有層薄薄嘅蜂蜜保護膜咁。亦同時有搽咗唇彩般嘅令令效果。滋潤度高，唇紋都冇咁明顯。性價比很高。

乾燥的唇上使用，即刻可以軟化皮膚，有滋潤的作用。控制好用量的話，夏天使用都唔會覺得好痴笠笠。同埋，好香蜂蜜味，很不錯。

好抵用同有啲蜜糖味，細細支每次少少就好潤，秋冬用好岩，夏天就甜左少少有啲潤得濟🤣