DHC 好用推薦產品

Kathy Wai好用推薦：DHC橄欖潤唇膏測評💄 有冇姐妹同我一樣，一年四季個嘴唇都乾到爆拆、搽極潤唇膏都無感？最近試咗DHC個支『神級潤唇膏』，網上吹到好大，等我實測同你哋拆解下！ （包裝＆質地） 「首先講下包裝，粉橙色簡約風，細細支啱晒放喺細袋。扭開係斜cut設計，貼住唇形一搽就滑到落尾——質地偏軟糯，冇Vaseline咁油淋淋，但比Burt‘s Bees更易推開！敏感唇一掂就化開，有陣淡淡橄欖油味，唔會香到打乞嚏～」 （實測場景） 「噚日故意唔打底，乾唇直接上： 💄上嘴即時：裂紋即刻『隱形』，好似飲咗成杯水！ ☕飲咖啡後：甩咗少少色，但仲keep到5成滋潤，冇起白皮。 🌙過夜測試：厚敷瞓覺，朝早醒來仲有層薄薄保護膜，用紙巾輕印就甩，冇拉扯唇皮～」 （優缺點總結） 「✅優點：無味無添加，敏感唇救星！妝前打底超貼唇釉，死皮即刻馴晒。 ❌缺點：細支到喊（1.5g成$50），轉多兩下就見底；天氣熱會溶軟，放褲袋易變形…」 評分（滿分5星） · 滋潤度：★★★★☆（即時補水滿分，但持久度略輸蘭芝唇膜） · 清爽度：★★★★★（零油膜感，唔怕黏頭髮！） · 包裝便攜度：★★★☆☆（細支但易溶，夏天扣一分）

FishFish好用推薦：今日同大家分享吓DHC呢支王牌潤唇膏嘅使用心得啦！ 基本介紹 DHC呢支潤唇膏全名叫「DHC橄欖護唇膏」，主要成分係橄欖精華油，無香料無色素，日本製造，好多人都話係「國民潤唇膏」。 質地篇 佢係淡黃色半透明固體，一塗上去即刻融化，好似有一層油包住嘴唇咁。好滑、好順，唔使用力捽。但注意：佢唔係啞光，係有少少油亮感，鍾意玻璃唇效果嘅朋友會好開心。 滋潤度篇 滋潤力真係好強！就算冬天嘴唇乾到裂、流血，臨瞓前厚塗一層，第二朝起身會見到死皮軟化咗，輕輕捽甩，嘴唇變返嫩滑。補塗頻率都低，飲水食嘢之後都仲keep到。 適合邊啲人？ · 極乾燥、成日爆拆嘅嘴唇 · 夜晚當唇膜用 · 搽霧面唇膏前打底（等一陣再印走多餘油份） 唔太適合嘅情況 · 如果你追求清爽、完全唔黏，呢支你會覺得「油」咗啲 · 夏天放喺褲袋好容易融，要小心 · 價錢以開架嚟講偏貴（約$50/1.5g），好快用完一枝 總評分：8/10 滋潤修復滿分，但扣分位係油感重同用得快。建議趁@cosme或log-on套裝入手，或者去日本旅行嗰陣大手入貨，嗰邊平好多！ 小貼士：塗之前輕輕用熱水濕潤嘴唇，再上DHC潤唇膏，鎖水效果會

oy 好用推薦：DHC呢隻卸妝油好經典😆相信好多人都試過 佢主打係橄欖油成分，顏色係淡黃色嘅，質地少少厚身同油，嗰陣味淡淡哋個人都幾鍾意。第一次用嘅時候比佢嘅卸妝力驚艷到，只要乾手乾面按摩佢，啲妝即刻溶晒出嚟 而且佢乳化速度好快，一掂水就好快變乳白色，沖完水之後感覺好乾淨，毛孔望落都好乾淨，冇殘留感，用佢按摩鼻翼，感覺黑頭粉刺少咗 不過因為佢清潔力強，洗完可能會覺得有少少乾，油肌會好鍾意，但係唔知會唔會焗暗瘡，同埋如果整入眼，會有啲澀眼 清潔力：⭐️⭐️⭐️⭐️ 溫和度：⭐️⭐️⭐️ 味道：⭐️⭐️⭐️ 價錢：⭐️⭐️⭐️ 推薦度：⭐️⭐️⭐️⭐️

Kmggigi好用推薦：DHC VC毛孔淨緻卸妝油 — 溫和高效，乾肌秋冬必備✨ 質地: 呢款卸妝油採用橄欖油做基底，質地比較油潤， 使用時非常溫和，對肌膚完全無刺激感， 就算我係敏感肌都可以安心使用， 唔會引起任何敏感情況。 效果: 卸妝力非常出色， 不論係濃妝定防水彩妝都可以輕鬆卸乾淨， 徹底清潔毛孔，令肌膚保持清爽乾淨。 由於質地偏油潤，需用清水多次清潔先可以完全乳化乾淨。 但用完後肌膚不會繃緊，感覺非常滋潤， 特別適合乾肌喺秋冬天使用，既保濕又有效清潔。 總結：高效溫和，乾肌的完美卸妝油 DHC VC毛孔淨緻卸妝油以溫和橄欖油基底同高效卸妝力，為肌膚提供徹底清潔同時保持滋潤感。 對乾肌用家尤其友好，秋冬天使用就更加適合， 係一款值得入手嘅卸妝好物！✨

Hamiii好用推薦：長期回購面膜之一 日本面膜剪裁都比較細張，幾岩我用👍🏻 呢款面膜紙比較厚身，功效亦比較單一，係隻純保濕既面膜，滿滿既保濕精華，咩肌膚狀態都用得❤️ 呢個價位，盲入啦👍🏻

Tiffany好用推薦：典型嘅日本面膜，面膜紙比較厚，精華液好多亦都比較潤身，好滋潤，敷完有亮白感。

Kpl6be6好用推薦：可以用好長一段時間～所以十分抵用～徒手加適量水於掌心已起到幼細泡沫～感覺性質溫和～卻又能充分清潔肌膚～

橘子貓好用推薦：專櫃套裝贈品。 易起泡，可以徒手發到起泡，泡量雖然未到最豐盈細緻的狀態，但洗後乾爽，不會繃緊。味道清新，有點橄欖植物香味帶皂香氣。整體較一般香皂好用。

Kura好用推薦：一款清爽唔油膩嘅美白精華，呢款精華嘅質地係水嘅質地，我每次用嘅份量都係幾滴搽曬全臉，會令到我嘅皮膚變得更加通透

choichoi好用推薦：集中塗抹於痘印有減淡功效，算是比較有效的一款美白精華

Kura好用推薦：中學時期最鍾意用嘅一款保濕水，保濕效果出眾冇負擔，質地好清爽，用完令到我嘅皮膚可以保持全日嘅保濕

Noel好用推薦：超滋潤的 DHC 化妝水，值得推介比容易敏感 + 乾性皮膚 / 單純有保濕需要的年輕朋友❗這枝 Mild lotion 印象中有2-3個版本，這個 ll 版本最為滋潤，並帶一點點米黃色。每逢秋冬天，乾性皮膚易缺水，我就會回購~ 個人選用 Mild lotion ll ，因為滋潤效果較強，同時成份簡單而安全❣化妝水包含了 8種植物精華，我就是看上了：矢車菊，迷迭香，金盞花等等，有效抗敏感，鎮靜皮膚。而且沒有添加酒精，值得加分👍 每朝作簡單潔面後，我都喜歡使用這枝化妝水。首先塗了全面，待 30秒左右，再用多一次，拍到面上。使用感覺很舒緩，化妝水很易被皮膚吸收，能夠有滲透的效果❤ 我的用量比較多，因此，很快就會用完一枝🤣 產品包裝很有貴牌的感覺，厚厚的磨砂玻璃瓶，配上粉綠色瓶蓋，設計簡單時尚。而化妝水的味道很好聞，不是花果香，而是貴價護膚品的味道，喜歡~ *比較可惜既係 DHC 離開了香港：( 不過，常常去日本 / 網購，要購買並不困難！

Hamiii好用推薦：呢款磨沙顆粒比較大， 唔太建議上面用， 大力小小會痛 身體用比較穩陣 磨完會去到死皮 但呢個價錢，其他功效就唔可以expect太多啦🤫

Kura好用推薦：呢款磨砂膏真係我的最愛，磨砂粒子夠大，用上臉好舒服，每次用都覺得皮膚好滑，已經回購好多次

shadow影子好用推薦：呢款眼膜凝膠質地，可以好似膠紙咁貼眼下，然後再敷佢半個鐘至一個鐘，直到肌膚吸收所有凝膠為止，夠潤又唔會出油脂粒，勁好用。

Noel好用推薦：個人重沒有間斷使用的過夜眼膜，會一直回購的 DHC 商品❣第一次購買，已經是中學時代，直到現在就快三十歲都用緊啊～ 眼膜可以日間敷20分鐘左右，亦可以晚上一直敷到第二朝👍 DHC 眼膜一邊係凍膜，有點gel 感覺，貼到眼下皮膚；而另一邊係白色棉布質地，方便撕下貼上，向外的。個人喜歡整盒放到雪櫃❄ 睡覺之前貼到眼下位置，敷一個 overnight eye mask💕 眼膜非常貼伏，貼到眼下皮膚就不會掉下 / 移位❗凍膜涼涼的，雪過就更冰凍，可以收緊眼肚😍 而重點係眼膜的滋潤功能，用完眼膜，眼下皮膚感覺很滋潤，可以維持一整天，不會出現乾紋破壞妝容👍 缺點方面，如果眼膜敷過夜，面上會有微微眼膜的痕，要一點時間消退啊😂

zetalhc好用推薦：好滋潤嘅有色唇膏，覺得可以撫平唇紋，而又帶微微嘅顏色，好適合日常淡妝嘅時候用

羅小白好用推薦： 呢個係我新買嘅第二枝，計返G數，其實性價比麻麻地，但勝在最近周圍都有得買，同埋都幾提氣色，夠滋潤同唔顯唇紋，睇落去飽滿左。

Kura好用推薦：DHC係我最鍾意嘅日系品牌之一，呢款精華真係無得頂咁好用，價錢親民，我會繼續回購