shu uemura 植村秀

ultime8 琥珀山茶花養膚潔顏油

首先多謝@cosme 嘅試用邀請～ 係幾年前已經成日聽人講琥珀呢隻好用，但我用舊版可能質地較厚，次次用完都會爆粒粒，所以一直唔認同人地講法。 用過好多大品牌卸妝油，自己偏好較輕身嘅質地，一黎感覺上冇咁易爆粒粒，二黎鐘意清爽d，保濕嘅功夫交返比其他護膚品。 但今次試用完之後發現原來呢支卸妝油已經脫胎換骨。 左至右分別係 (rom&rd 眉gel, dior addict liptint, ettusais 眼線筆, armani rouge d'armani matte, chanel le rouge duo ultra tenue gloss) 呢類一向會用眼唇卸妝既產品 睇得出卸妝油好流質，唔會杰撻撻，好易推開。 推兩下大部分彩妝都已經冇哂，得返dior addict liptint 呢個連好多眼唇卸都卸唔走既。 加水乳化後，竟然清潔力勁到全部都卸得走！ 而且洗完會有份透亮感又唔會乾爭爭。 實力對得住佢嘅大名！絕對推介。而且手上濕疹亦冇因為用完佢之後有惡化，適合各膚質！ 真心推介！！

按照產品說明，依款潔顏油可以早晚使用，卸妝潔面一步到位，滋潤皮膚角質，提升後續護膚品功效 我按照說明日夜使用，每次用2～3泵（4泵實在滿到瀉）連續使用咗一星期感受： 1，無敏感情況出現 2，好易乳化，面部無殘留感覺，我無特別再用洗面乳洗 3，無繃緊油膩感覺，洗完之後塊面覺得好自在，水油平衡 4，卸妝容易，每個位置打圈十幾秒就得 5，舒服既香氣 產品說明話使用7個月會有透亮度及柔滑度提升、細紋減淡、重拾彈性、毛孔收細。關於修復肌膚問題，我暫時睇唔到啦，因為只用咗一星期，見到係鼻頭既反光位置毛孔細咗。下圖上面係未使用，下面係使用7日後，由於光線問題，望落上面好似更好，其實下面可見鼻頭位毛孔係收細咗既由於早晚使用，用量都多同快，預備個零月會用完一支，下面係未用，同用咗7日之後既剩餘份量俾大家參考

Shu Uemura 的卸妝油，是一款相當受歡迎的卸妝油，什至係 @cosme 的卸妝產品第一名，所以都想試下佢的功效，就買左一支來試。 其清潔力非常強。擠一下，就能有效卸除彩妝和污垢，特別是防水產品，使用後肌膚感覺潔淨無殘留。 雖然話係油質成分，但容易推開，係好light 的oil 。用時唔需要用到化妝棉那樣，大力地捽面，令到面部增加皺紋，特別係眼紋位置。用水洗一次，就好乾淨。用時仲有好香的山茶花味道！用後又唔會感覺塊面好乾，果然係top 1 卸妝油，清潔力強之餘，仲大大減少傷害皮膚的誘因之一。  適合肌膚：任何 成效度：4.5/5 保濕度：4/5 持香度：2/5 值得推薦度：5/5

感謝Cosme給我機會試用，嘗試了一段時間後，覺得有必要分享一下我的試用心得。 首先，我想說的是這款潔顏油的水感和油質感非常不錯。當我在洗卸時，我感到這個產品是非常順滑的，零摩擦，不會感到任何不舒服。油質感也不膩，讓我覺得這個產品非常舒服。 接下來，關於徹底卸淨彩妝，這款潔顏油表現得非常好。雖然我平時都很小心地卸妝，但是這款潔顏油總是能夠徹底地清除掉所有彩妝，不剩下任何一點污垢和油脂。 潔面後，我注意到了底妝的差異。比起以前，我覺得底妝更加貼服，不油膩，也不會出現任何乾燥的感覺。這讓我感到非常滿足，感覺自己的皮膚更加健康和美麗。 接下的問題是，潔面後會不油膩感不繃緊，同時感覺水潤，後續深度滋養。答案是肯定的！我覺得這款潔顏油不僅能夠徹底地清潔，同時也給皮膚提供了足夠的濕潤和保濕，我覺得我的皮膚更加充分和美麗。 最後，總而言之，我非常滿意這款shu uemura 的琥珀山茶花養膚潔顏油。它對我來說是一款超值的潔顏油，既能夠清潔，又能夠滋養皮膚。雖然它的價格可能比其他潔顏油稍高，但是我覺得這款潔顏油值得我花費的價格。

多謝cosme、Shu uemura給我今次試用機會🙏🏻 一直都好想試Shu uemura嘅皇牌養膚潔顏油，好開心！ 首先，講講油的質地，它是比較水、輕盈的狀態，所以很易推！其他牌子比較「杰」，推起來有黏稠感，感覺不舒服，但Shu uemura嘅養膚潔顏油完全沒有黏稠感！味道是淡淡嘅woody味，早上上班前 和 晚上臨睡前用都令我放輕鬆🧘🏼‍♀️ （得一享二😆） Shu uemura養膚潔顏油的卸妝能力很強，我每天化妝都用防水防油能力強的睫毛液及眼線液（油眼的我都不會掉妝，可見化妝品防水防油的能力很強）。但我晚上用潔顏油輕輕擦擦眼睛及睫毛，便能輕鬆卸下化妝品，並且好乾淨，洗臉後完全無化妝品殘留，也沒有乾乾的感覺。 之前天氣很乾，我早晚都用了潔顏油，皮膚一點都不繃緊，也不會油，感覺剛剛好。以前用卸妝水，毛孔都不是清潔得很乾淨，改用了潔顏油後，會打圈按摩一下面部，有時鼻頭會捽到一些走米之類的髒東西出來，好方便，又慳返D買棉花的錢（笑)。 除了產品的功能很好，Shu uemura也花了心思於樽的設計上。開關向右扭一下便開啟油的pump，向左扭便關掉開關，帶去旅行都唔驚漏出，絕對要俾個讚

味道：帶山茶花香，超好聞！ 質地：油性但稀身，用在面上按摩很舒服，不會有拉扯感，之後用水乳化再沖水後，皮膚上沒有一點黏笠感！ 卸妝效果：很乾淨，完全沒有彩妝的痕跡，皮膚感覺非常乾淨 用後感及護膚效果：用了超過一週後，皮膚明顯有提亮，皮膚變得更柔軟，不油膩也不不繃緊，皮膚感覺非常水潤，後續再使用其他護膚品吸收會更好，而且化妝時也更貼服。

Thank you @cosme 邀請試用！ 好耐之前已經聽過Shu uemura既卸妝油好好用但一直未試，今次有機會試用真係好驚喜！ 朝早我用一泵就解決左夜晚瞓覺所分泌嘅皮脂污垢同老化角質，令到上妝果時遮暇膏都好貼面，個妝long lasting左又出油少左，眼底紋都少左😱 夜晚就算我全妝都係3泵就夠，防水眼線、睫毛液完全難佢唔到，唔洗30秒就融哂全面既妝，乳化速度好快，亦好容易洗乾淨。 真係數一數二好用，會回購！

初次接觸，就能感受到它與一般潔顏油的不同——輕盈而細膩，水感輕油質地，觸感如絲絨般柔滑。輕輕按摩於臉上，能迅速與彩妝融合，卸妝過程幾乎零摩擦，帶來前所未有的舒適感。 這款潔顏油能輕鬆溶解各類彩妝，從防水睫毛膏到持久粉底，都能輕鬆帶走，甚至連毛孔中的污垢與多餘油脂都一併清除，真正做到深層潔淨。乳化過程迅速且徹底，沖洗後肌膚潔淨透亮，毫無油膜感。 最驚喜的是，潔面後的肌膚毫無乾澀緊繃感，反而保持潤澤細嫩，彷彿做了一次深層護理。第二天化妝時，明顯感受到底妝更服貼、更持久，展現自然透亮的光澤感。 琥珀色的瓶身設計優雅高貴，讓每次使用都充滿儀式感。融合山茶花精華的護膚配方，讓潔面不只是清潔，更是養膚的一環。

多謝@cosme試用邀請，好耐以前已經聽過shu uemura潔顏油好用、好出名，但一直未用過，好開心今次有機會試用。試用之前本身用緊其他牌子卸妝油，唔係唔好用，但比較之下就明shu uemura潔顏油係值呢個價錢。 shu uemura潔顏油雖然係油，但感覺水感輕盈，洗完臉都唔會有厚重油感，感覺係乾淨同時又水潤。加上有淡淡花香味，成個使用過程令人愉悅、好enjoy嘅使用體驗。 試用咗7日，因為平時化開淡妝，所以打圈十秒左右已經卸得好乾淨，用完皮膚比之前滋潤咗，好適合偏乾肌嘅我冬天使用，絕對會考慮回購～

其實幾年前已經用緊shu 嘅卸妝油，係超級fans😆 好多謝cosme抽中我今次有機會試用😇 點解會咁鍾意佢？用佢嚟落眼線唇膏睫毛膏都非常快就乾淨晒，加水乳化後再過水已經乾淨晒下面2撻眼影係晏晝去donki試眼影時，超防水，番到屋企洗手都未甩 番到嚟用shu落完乾淨晒，隻手仲白淨埋！仲會feel到柔軟左🥹 真係好好用😍

終於有機會試用植村秀琥珀潔顏油，我試用咗大概1星期，每晚卸妝潔膚用，用完佢就唔再用洗面product。覺得幾唔錯，用量一般1-2泵已經好夠，卸妝力強，係眼線液可能未完全卸到，但都卸到9成，質地方面雖然係油，但唔會好厚重，按摩嘅時候好透薄，唔洗好多水已經可以乳化得好好，洗走都唔覺得有咩殘留感，比起其他卸妝油，覺得算係好清爽，但又唔會好乾好繃緊。只係價錢方面偏貴，係想回購，但唔捨得嘅level😂可能會留番化全妝嘅日子先用，日常就用番平嘅😂

首先，多謝 Cosme 嘅試用活動，令我有機會再用 shu uemura 的 Ultime8 琥珀山茶花養膚潔顏油。新版真係超好用！佢的清潔力唔洗多講，完全可以應付我日常嘅防水產品。 而且就算喺潮濕的天氣下用，肌膚都唔會出現暗瘡，呢點對我嚟講真係超重要。以前用舊版本時，經常會有暗粒，但今次的質地輕盈，完全唔會油膩，反而用完後肌膚感覺清爽又水潤，冇緊繃感。 總之，佢呢次新版嘅潔顏油係一個唔錯嘅選擇，卸妝又快，仲唔會令肌膚出事！如果你想要一款簡單易用又好用的潔顏油，真心建議你試試，唔會失望！

質地很輕薄不黏稠，偏向水狀，有一陣清香花味，用起來的感覺很舒服（就是配得起這個價位的感覺🆘）。卸妝效果也是很好，染脣液，眼睫毛及眼線較難完全清潔的化妝品也能輕易卸除，而且不需要過度擦拭，不會對皮膚有很大刺激。個人發現乳化後輕輕按摩鼻子等油脂分泌旺盛的地方也能溶解到油脂！！✨✨ 輔以溫和的潔面乳使用後皮膚質感光滑柔軟同時臉部感覺還是頗清爽的！不過本人本身有面部容易泛紅的問題，使用這隻卸妝油雙重潔面後泛紅沒有立刻消退，但是睡眠過後就沒問題了🆗 除了會在有化妝的日子也會在塗防曬的日子使用它，這些情況底下不會太怕這支卸妝油太潤容易起痘痘，不過用於普通潔面可能會覺得油了一點

多謝cosme邀請試用shu uemura嘅潔顏油。呢個卸妝油唔算係好油嘅質地，唔會話好黏笠，上面嘅感覺係舒爽嘅。切出嚟之後會有明顯嘅味道，注重味道嘅人要注意呢一點。上面之後加少少水就好容易乳化得到，上面之後唔會有任何刺激嘅感覺，洗乾淨之後都唔會有太過乾而繃緊嘅感覺。清潔強度中等，一般嘅底妝同美妝佢都清得乾淨，但係眼線膠筆就要打多幾圈先卸乾淨（圖一）。我連續用咗好幾日，面部除咗因為自己本身生嘅暗瘡以外冇任何問題。圖二係第1日使用後，圖三係第10日使用後，膚況冇改變。個人感覺係四季都適合用，因為唔會有清潔力太強而感到乾旱嘅問題。總括而言，想要溫和、維持膚況嘅人係可以一試嘅卸妝產品。

作為一款廣受好評的卸妝產品，shu uemura的Ultime8琥珀山茶花養膚潔顏油，憑藉其獨特的配方和卓越的清潔效果，吸引了眾多美容愛好者的目光。很榮幸獲@cosme邀請試用這款人氣產品，我也迫不及待地想要分享我使用這款產品的心得。 首先，這款潔顏油的包裝非常精美，瓶身透明，讓人可以清楚看到裡面的油液。瓶蓋的設計也很方便，能夠輕鬆控制用量，避免浪費。 使用時，我將適量的潔顏油倒在乾燥的手掌上，然後輕輕按摩於臉部。這款潔顏油的質地柔滑，容易推開，並且能夠迅速與肌膚融合，感覺非常舒適。它的香氣淡雅，不會過於刺鼻，讓我在卸妝的過程中感到放鬆。 卸妝效果方面，Ultime8潔顏油表現得相當出色。即使是防水的彩妝，輕輕按摩幾下後便能輕鬆卸去。潔顏油不僅能有效清除臉上的彩妝，還能帶走污垢和多餘的油脂，讓肌膚感覺乾淨清爽。 使用後，我特別喜歡它的保濕效果。潔顏油在清潔的同時，並不會讓我的肌膚感到緊繃或乾燥，反而有種滋潤的感覺，這讓我很驚喜。如果你正在尋找一款兼具潔淨與護膚效果的卸妝油，這款產品絕對值得一試！🥰