THREE 好用推薦產品

Yan好用推薦：多謝 @cosme 邀請試用THREE 平衡淨透潔膚卸妝油 一直以來我都有黑頭粉刺同毛孔粗大嘅困擾，加上皮膚比較敏感，有時用咗啲比較敏感嘅卸妝產品塊面就會泛紅，眼邊仲會有少少濕疹問題。但係平日要返工，長期都化妝，空氣污染，又成日喺冷氣房，加埋卸妝唔夠徹底，令毛孔愈來愈塞嘅主因。 今次試用 THREE 呢款升級版卸妝油，真心有驚喜！佢嘅質地好輕盈，流動性高，推開時完全冇拉扯感。最鍾意佢嘅草本辛香氣味（個人係幾鍾意呢種味道，不過有機會唔鍾意草本味道嘅人會覺得太濃）卸妝嗰陣聞住真係好放鬆，成日嘅疲勞好似散晒咁。 用到第三日左右，已經感覺到鼻翼同 T 區嘅黑頭同粉刺少咗，摸上去平滑咗，冇以前咁粗糙。最令我安心嘅係，用完皮膚冇過敏，就算接觸眼周都唔覺刺激。過水後好乾淨，但塊面依然保持水潤，冇好乾澀緊繃嘅感覺。 用完五日見到毛孔清透咗，冇甘暗啞黑蚊蚊，皮膚仲好似有返啲光澤，狀態穩定咗好多。相比以前用過嘅卸妝油，呢款唔會油淋淋塞毛孔，升級版嘅潔淨力明顯更強，但就 Keep 到溫和養膚嘅效果。對於我呢種敏感加黑頭人，呢啲產品真係值得推介！

Yty好用推薦：THREE 平衡潔膚油試用裝Balancing Cleansing Oil🌿 用後感 質地係極之輕盈水感嘅黃金油脂，喺面上推開時完全零厚重感，仲散發住極之治癒嘅柑橘與植物精油香氣，卸妝過程好似做緊 SPA 咁放鬆 溶解彩妝能力非常優秀，能快速融入肌膚，輕鬆浮起日常底妝、防曬同毛孔內嘅過剩油垢，連鼻翼兩側嘅黑頭污垢都可以順便溫和帶走 乳化速度極快，加少少水輕撫即刻變成濃密嘅乳白色，沖水後一甩即淨，完全唔會喺面上殘留任何油膜感或者黏膩感 卸完妝之後肌膚呈現出一種極之清爽透亮嘅狀態，完全唔會乾澀或者緊繃，反而摸落去極之柔嫩平衡，肌膚好似會呼吸一樣舒服 #卸妝部門

Lumi Kwan好用推薦：之前睇好多日本雜誌，啲編輯都極力推薦，而且呢個產品成日都拎日本獎項，所以上次去日本嘅時候我刻意買咗一盒。以前覺得碎粉係一件用極都唔完嘅產品，但唔知點解用呢一盒嘅時候我大約用四個月，就用完啦。粉粒好微細，佢仲有另一款顏色係珠光，但因為我怕會好似成面油咁，所以冇選擇。入面有一個粉撲，我仲貪得意買多一個粉撲可以有替換，粉撲超級柔軟好舒服，但有時我都會用粉底掃去上妝，上左妝之後覺得皮膚好滑淨，就算之後再加highlight，都輕而易舉。我剛剛由去完日本返嚟，所以都冇貨買咗一盒，我會長期支持佢。

YolandaAuYeung好用推薦：蜜粉粉末超級細緻柔滑，延伸性好。優秀的透薄感，原因是「Bouncing Powder 彈潤粉體」技術，令肌膚產生絲滑潤澤質感，輕柔地覆蓋肌膚，令肌膚整日也呈現自然明亮光澤，仙氣Level UP!! 用後感: 蜜粉粉末超幼滑，驚艷不已的絲滑觸感，令人一試難忘! 質地非常貼薄，能有效提亮肌膚色澤，就像第二層肌膚，透岀素肌感，連毛孔也完全隱形了，自然遮瑕修飾，沒帶一點厚粉感，即使帶着口罩，也不泛油，持久度很好，這是我定妝必備之恩物！ #細緻碎粉

Yty好用推薦：THREE 凝光潤彩盒 #01 🤎✨ 依盒 01 號真係全能型嘅神物！一邊打亮一邊陰影。最神奇係佢摸落去係膏，上臉一秒變乾爽粉末，勁貼膚。因為質地轉得好滑，佢除咗做光影陰影，直接當眼影用都完全冇問題，一盒搞定全臉立體感！ 打亮色係好高級嘅皮膚飲飽水光澤，完全冇粗糙亮片；陰影色就係好清透嘅日系啡調，點落塊臉度夠晒自然，完全唔會發紅或者顯髒。 ✨ 一盒多用小分享： 【骨相修容】： 陰影色點喺鼻影、下巴輪廓，打亮色點喺顴骨同鼻頭，五官即刻立體，好似天生骨相就咁靚。 【消腫眼妝】： 直接用陰影色塗滿眼窩做打底，眼皮即刻消腫；再用打亮色點喺眼皮中間同眼頭，一個超溫柔嘅日系眼妝 1 分鐘就搞定。 💡 溫馨提示： 依盒用手指上妝係最好睇嘅。用手指嘅溫度沾取，上臉用「輕點拍開」嘅方法，妝效會最貼、最透。 💬 總結： 出門旅行帶佢一盒就夠，修容、提亮、眼影全部包辦，妝感高級，化妝包必備！ #日系彩妝 #THREE #凝光潤彩盒 #多功能彩妝 #眼妝部門

Fng好用推薦：持久度十分高，同埋疊加上底妝之後，不會推走底妝，透薄自然，閃得嚟，唔會誇張。

Lumi Kwan好用推薦：已經用完一支又一支，以前我喺Paul and Joe嘅fans，作為一個妝前底霜，最緊要夠易推同埋夠保濕，但我試過three後，我覺得效果非常之好，仲要有防曬效果。呢個品牌其實香港人真係比較少用，可能廣告唔夠，但日本非常之受歡迎，所以我每次去日本都會入貨。

格仔餅公主好用推薦：有潤色嘅效果，面色唔好個時用佢會有改善🙃睇落精神左，瑕疵都會少啲，出嚟個感覺好自然，撲完碎粉都OK行得

Lumi Kwan好用推薦：呢一隻顏色，喺SOGO thankful嘅時候好搶手，如果有減價一定要第一日買。佢嘅顏色非常之突出，只要用好少已經顯色度好高，所以用嘅時候要非常小心。佢嘅色系都好多有啲粉紅色或者珊瑚色，都容易Carrie到自然妝後，我呢個係大有點紫紅色，所以用嘅時候眼妝同唇妝可能就要淡些少。不過，化妝都好睇，當時個潮流，而呢隻色又比較似冬天先會用，所以買咗返嚟用嘅頻率唔算好高，但佢個效果係真係令人幾中意嘅。

Circlecyy20好用推薦：顯色度係10/10 所以真係沾完粉把掃要鄧一鄧先 同埋唔好太重手 但上面之後會好顯白

格仔餅公主好用推薦：隻香味好聞濃淡度岩岩好，用嘅時候好舒服，乳化易過水都易，卸粉底液同粉餅都乾淨同唔會乾👌🏻

KDing好用推薦：呢款卸妝霜佢嘅清潔十分之好，用完之後皮膚都唔會覺得乾澀，只不過真係有時候唔捨得用

Lumi Kwan好用推薦：三個牌子嘅液體眼線筆之中，只有dup係真正掃頭，three同visee都係海棉頭。 Three 海綿數頭比較容易沾污到眼影粉，而且堵塞嘅問題大約一個月就會浮現，好難控制個份量，有時未必用完一整支，已經唔能夠再用。因為之前減價買，所以局住要用兩支，變相個性價比比較低，因為未用完已經用唔到。

choichoi好用推薦：價格稍貴的日牌眼線不過是物有所值，我絕對稱不上很會畫眼線，失手情況也很多，不過這款真的很好描繪，刷頭尖端的細緻令我每筆都畫得流暢且出墨順暢

格仔餅公主好用推薦：質地老土都要講係潤而不膩，保濕感覺岩岩好，皮膚既細緻度同光澤感增加唔易乾

Circlecyy20好用推薦：唔笠 容易吸收之外 佢既保濕力好高 係好乾既天氣下用都唔會好快就變乾

Lumi Kwan好用推薦：液體狀態嘅眼影，唔係每個品牌都有。呢個品牌出嘅眼影，感覺會較多閃粉，作為打底或者單用都唔錯，不過用過唔同嘅塗抹方法，用手指試過，用掃又試過，隔幾個鐘之後，都會出現眼影粉攝入眼皮之中。而我本人雙眼皮較深，所以呢個尷尬情況就比其他人更加難受。

jojoma123好用推薦：最初擔心液體狀眼影會比較難用,但這款眼影霜完全消除了我的顧慮。由於texture 很滑很易推,所以打造出來的眼妝很自然和貼服,只要薄薄一層一層的塗搽上去,效果便很顯色.

Fng好用推薦：Three balancing cleansing oil gel 內含細細嘅磨砂粒子，清潔更有效，卸妝效果 ok, 清洗完唔會立黐黐, 卸除防水睫毛液達七至八成，要另外再卸。

Lumi Kwan好用推薦：一直用開佢嘅潔膚油，貪得意試吓買呢支卸妝膏，對比潔膚油，佢更加容易控制份量，中間有一啲好細微嘅粒子好似幫你做緊磨砂咁，但又唔會損害你嘅皮膚，不過要小心眼睛部位，唔好俾啲粒子走咗入去。至於卸妝效果，我覺得比卸妝油更加清潔，而且都比較用得耐，值得回購。