GUERLAIN 好用推薦產品

kammy好用推薦：升級版水凝黑蜂活肌蜜 $1195/50ml 見過好多KOL/youtuber成日都大推 官方資料經臨床測試 從第1滴開始，肌膚修護快9倍¹ 肌膚明顯變得飽滿+56%² 肌膚倍見明亮+49%² 肌膚更顯平滑+32%² 重塑面容，撫平肌膚，煥發光采 而我用完最大嘅感覺係 1.塊面愈來愈光滑、飽滿 2.塊面柔軟度到好似連續做左2-3日facial 3.令後續護膚品更加吸收

Natp好用推薦：除了太香之後， 其餘都十分滿意！ 作為油， 這支好吸收！ 唔會有停响表面的感覺， 果排皮膚好乾， 乾到查咩都唔惦， 就買左呢set 一齊用， 連埋支toner , 用左兩三星期， 皮膚就唔再乾！ 雖然過千蚊一支， 但一支油其實用到好耐！ 我用左成四五個月， 無慳住用架！ 但缺點係太香！ 令我好卻步再回購

nicolebuzz好用推薦：本來對有色唇膏沒什麼好感，但因為之前要戴口罩，所以想買一支有精神的潤唇膏。 初初用已覺很潤，雖然望落有少少閃，但搽左就唔覺，好似有少少血色，但又不致於太誇張，淡淡地好鍾意。但就唔算keep得落，飲水隔大約1個鐘到就會吸收晒，表面冇左果種油感，但仲有種保護感覺，用左兩三個月都仲用緊，整體都好滿意。

lingbb好用推薦：- 一試便愛上，好快就用哂嘅有色潤唇膏 - 請支持R373 pink me up😂 - 外型係白色，好有質感有重量感 - 內涵更正，係玫瑰粉，非常滋潤，顯色度唔會好誇張，恰到好處 - 好似天生健康自然唇色 - 而且香味好自然舒服 - 用哂手頭上嘅唇膏就要買了☺️

kammy好用推薦：精華爽膚水$650/150 枝精華水分左2層 用前要搖勻再用 而2枝用後我嘅感覺就係 好保濕、塊面有光澤、同個排皮膚狀況都幾穩定 如果要睇到更多功效我諗應該要用耐少少先睇到😂

saphi好用推薦：空瓶系列~~ 由冬天好乾好乾既時候開始用到夏天, 可以令皮膚keep住穩定又保濕, 氣味有淡淡蜂蜜味, 質地喺爽膚水黎講岩岩好唔會太杰身 但價錢上偏貴, 會試下其他brand之段再考慮下個冬天會唔會回購佢

Kura好用推薦：呢一支精華蜜真係好好用，除咗價錢偏貴之外，用完皮膚真係有變好，

glo0_0好用推薦：Guerlain 殿級蜂皇活肌蜜，現在轉季時候皮膚特別乾燥，淨補水產品已經唔夠滋潤，需要加上含有油份嘅產品先可以達到水油平衡。活肌蜜質地水質，比其他護膚油產品易推易吸收，搽完再加其他精華更易吸收，又唔會造成負擔，仲可以喺化妝前打底，避免甩粉同乾紋。

Ressie14好用推薦：幻彩流星彩妝粉盒2024年版 一直覺得呢種小珍珠狀嘅蜜粉喺設計上真係好突出，忍唔住今年買咗一罐一睹廬山真面目。 我會用散粉刷喺罐裏面兜圈抓粉，均勻沾出五色珍珠蜜粉嘅份量，然後掃上臉蛋， 佢呢隻粉質唔會好乾，視覺上散發彩妝帶嚟嘅光澤；仲有淡淡嘅香氣，閉上眼睛想像..就好似喺一間高級嘅化妝間度妝扮一樣。 另外佢嘅包裝顏值超標！小罐係密封設計…防止一粒粒蜜粉受潮濕影響，所以如果有用完嘅一刻，蜜粉罐絕對可以用嚟收藏～

Ronni好用推薦：其實佢一出就買咗～ 全因佢好靚 仲要好似好多色好特別～ 不過用咗幾次～ 就將佢打咗入冷宮🫠 原諒我用到勁污糟🤣入面真係好靚嘅～ 不過… 佢真係一定要用掃上～ 煩😠 同埋佢係閃嘅🥹 個人真係唔鍾意～ 隔咗好耐～ 清櫃想扔嘅時候見到佢～ 又拎出嚟用咗2日～ 同事話睇落個妝好滑☺️☺️ 同埋唔會印曬落個口罩😷 我決定俾多次機會佢！

🧸🤎好用推薦：一直很喜歡淡香水，比起濃烈的香水味，淡香水更能混合體香，更加自然。Guerlain這款橙花香水，混合了佛手柑和橙花，散發出活潑清新氣質。 前調：羅勒、佛手柑、苦橙葉 佛手柑混合苦橙，果味前調帶點香葉味 中調：無花果、橙花、玫瑰 氣味持續最久的中調橙花氣味最為突出，配合無花果，清新又甜美  基調：橙花、岩蘭草、白麝香 白麝香配合橙花，調配出一種粉質調氣味，為香水再增加增加層次。 Guerlain這款橙花香水，是我的夏天必備品，清新活潑得來又不會過分甜味，恍似置於植物園內，令人陶醉。

zetalhc好用推薦：呢個係guerlain嘅椰果花香香氣，味道比較清甜同清新，比較適合年輕嘅女仔返工用，尤其適合春夏天

mandy好用推薦：GUERLAIN PARURE GOLD SKIN REJUVENATING RADIANCE FOUNDATION - 24H CARE & WEAR 金鑽煥采粉底液 SPF20 PA+++ $805 金鑽煥采粉底液的配方加入微量24K金， 是一款添加護膚成分的光澤型粉底。 金鑽煥采粉底液的質地很水潤保濕， 即使不刻意混入保濕精華也很好推開， 零技巧已可輕鬆在全面均勻推閞。 可打造出人人稱羨的無敵底妝， 妝容非常自然透薄貼服， 就好像天生擁有完美膚質一樣。 最讚嘆的是遮瑕度也非常好， 可以遮蓋面上泛紅位置及部分黑眼圈， 而且竟然能夠將毛孔完全隱藏。 完妝效果是極自然低調的光澤肌妝容。 如果喜歡加強光澤則可配搭光澤型碎粉/蜜粉餅。 午後肌膚只微微出油，沒有溶妝，持久度不錯。 Spf20 Pa+++ 具防曬效能，如需户外活動才需要補擦Spf50 Pa++++的防曬。 配方加入優質護膚成分，化妝同時護膚。 金鑽煥采粉底液是各方面(除了價位)都很完美，沒什麼缺點的粉底液， 而且即使初學者也可以輕易駕馭。 如果大家偶爾想花多少少買入一款優秀的夢幻粉底液，

Kyhy好用推薦：本身係混合肌皮膚偏光 呢個粉底液保濕度高 持妝力強 好自然 冇卡粉

lingbb好用推薦：- 呢款寶石唇膏係一款好岩補妝用、實用型唇膏 - 自訂唇膏有好多款殼同唇膏顏色選擇，我選了Laces 唇膏盒 k-doll，咁多個黎講係最粉嫩啲嘅殼， - 打開唇膏方式係當拉開唇膏，鏡子會打開讓你可以極速補妝，有放大鏡同普通鏡， 用完「拍」返入去都不消一秒，使用感好乾淨利落。 - 鏡仲可以刻名，唇膏用哂可以就咁買唇膏替換裝。 - N40 barbie pink係一隻粉嫩色，對我黎講一隻好常用嘅色，唇膏質地好滑溜，搽上唇非常順滑流暢，我偏好選擇呢種滋潤帶光澤感比較自然嘅妝效，食完野就甩哂要補 - 呢個自訂唇膏無論finish,殼都可以自選，非常推薦俾所有美女

nicolebuzz好用推薦：買過最鮮艷顏色既唇膏，但上唇後又唔會太誇張❤️❤️❤️ 容易搽，唔會顯唇紋，而且顯色keep到幾個鐘👍🏻👍🏻 呢個系列可以分開買個唇殼，初初揀左個普通鏡面，但用得耐就變到甩左色，一點點。之後補買左個皮面，都唔錯，但都係簡單版既岩自己，希望呢個唔會咁易甩。

zetalhc好用推薦：貴婦級嘅保濕精華，可以做到增加皮膚彈性光澤同埋去細紋嘅效果。我媽咪用咗之後覺得可以即時撫平細紋，皮膚顯得有彈性同年輕咗

Kim Chan好用推薦：Guerlain殿級蜂皇再生修護雙效精華 , 佢係二合一的精華液，混合之後，質地偏厚重，對於油性肌膚的我，只會晚間使用佢為修復，早上醒來皮膚飽滿有光澤，撫平細紋，毛孔細左，保濕效果好，開冷氣情況下都唔會乾，建議配合Guerlain 肌蜜一起使用效果會更好，使用左一段時間，膚質真係有改善，但整體價錢偏貴啊🥲

Jasmine Yuen好用推薦：Sample 1ml 淡香水採用白麝香基調，清新香氣好適合日常使用

Hamiii好用推薦：呢個系列用過好幾款 都係偏甜甜地既花香味 聞落唔會覺得好俗 亦唔易撞香 幾適合去d朋友聚會用 唔搶fo得黎又別具一格