fresh

黃糖抗皺活肌修護唇膏

呢枝潤唇膏喺潤唇界算係「穩陣派」代表。佢最明顯嘅特色係嗰陣淡淡嘅黃糖味，聞落幾舒服，唔會好假。 滋潤度方面佢做得幾好，質地好軟滑，搽完個嘴即刻滋潤晒，啲死皮都會變軟。不過佢有樣嘢要留意，就係質地比較軟，如果夏天放喺袋入面或者熱得滯，容易變得好「淋」，而且消耗得幾快，如果唔小心大力左，好易斷開。 以呢個價位嚟講，如果你重視質感同埋想簡單護理吓個嘴，佢係一個幾好嘅選擇，但如果追求性價比高，市面上其實有好多平啲嘅牌子都做到類似效果。總括嚟講，佢係一支買咗唔會後悔，但又未去到「非佢不可」嘅產品。

講到潤唇膏，Fresh 呢支sugar advanced therapy絕對係我嘅摯愛，用過返唔到轉頭！如果你唇紋好勁，成日乾到甩皮，一定要買！ - 質地方面好軟滑，搽上嘴好滋潤，帶dd 黏。佢膏體係偏軟易融 ，呢點要注意‼️，唔可以放喺溫度太高嘅地方，同埋如果夏天帶出街會好易溶 - 雖然係咁，但係都冇阻我咁鍾意佢😹，因為真係滋潤感超強好保濕，同埋佢唔單止係普通潤唇膏，連續搽幾日唇紋真係會變淡！嘴唇望落飽滿咗 - 氣味方面，佢有一陣好清新、甜甜地嘅蜜糖味，唔係人工香精嗰種，聞落好治癒，每次用都覺得好舒服！ 已經不停回購💖，效果真係對得住價錢！

Fresh的黃糖抗皺活肌修護唇膏，是我日常的lip treatment 產品。春夏天晚上當lip mask; 秋冬天早晚當潤唇膏。因為其有效滋潤和柔軟唇部，特別是在乾燥的環境中使用後，唇部感覺更加舒適，更重要的是，當你連續搽，有助於減少唇部細紋。 另外，你會聞到淡淡的黃糖香味，使用時感覺愉悅。而其質地輕盈而不油膩，容易塗抹且迅速吸收。所以，秋冬最好就要有依支傍身，為其後搽的唇膏打好基礎。 #秋冬護膚神隊友

用上嘴巴後會馬上變成油狀覆蓋嘴唇，不是那種假潤的潤唇膏，真的滋潤可以晚上用來做睡前潤唇膏 持久力大概3小時左右 味道是一點甜甜的油味，說不上好聞亦不太難聞 價格上，我認為亦是一個考量的點

同事送的生日禮物，原來呢支唇膏仲可以刻名，真係超級開心，有自己專屬嘅潤唇膏 呢支唇膏聞到淡淡嘅甜味同香味，有啲似蜂蜜香味，滋潤度極高，冬天用真係滿分。搽一次可以好耐都唔使再補搽，可以即時滋潤雙唇同埋撫平左唇紋，滋潤度真係好正，勁好用！唇膏仲添加咗護膚成份，例如西番蓮子油等等，唔怪得搽上嘴，感覺到非常滋潤，但係又唔會好黐立立，冬天送禮自用一流！值得推薦！

比較推介這枝無色護唇膏 over fresh 的有色唇膏❗護唇膏透明無色，膏體比較軟，會有一點點糖味，味道 ok。因為吸取了有色唇膏的教訓，這枝沒有帶出街，主要留在雪櫃內，需要時用，避免斷開🤨

可減淡唇紋，滋潤感一般，普通潤唇膏咁，last兩三個鐘，唔覺得特別持久，性價比一般， 有很多更好的選擇。

唯一一款回購的潤唇膏，它是兼顧輕薄膚感和滋潤度的唇膏，是那種薄薄一層就能滋潤到位的唇膏，適合妝前打底用，或者晚上厚厚塗一層作唇膜用。

潤唇膏質地好滋潤，我嘅嘴唇本來一年四季都乾到甩皮，但自從用咗呢款無再出現乾燥甩皮，同時間用後唇紋減淡咗，唇部肌膚亦覺得變得緊緻，我特別喜歡係睡前當唇膜用，雖然覺得價錢略貴，但真心超好用，不知不覺已經用上幾年多，會一直回購～

甜甜地嘅味好舒服，用完之後可以減到唇紋，搽一層已經啱啱好嗰個滋潤度

呢支唇膏我用完會咀腫敏感 但呢個牌子我一向都用開 敏感肌想入手的話 建議先去專門店試一試

膏體有點軟 比較易斷 聞落有啲糖味 十分滋潤 用後乾紋會少啲 同埋會無敏感

夜晚臨瞓之前搽，第二朝都仲感覺到有層保護膜 唔會冇曬嘢咁，幾有滋潤感 但係潤唇膏本身質地比較軟，應該會用得好快下，價錢較貴

上嘴後有啲甜甜地嘅感覺，好喜悅。 有滋潤感，搽厚啲可以當lip mask 但係最唔好嘅地方係放喺褲袋/比太陽一曬會溶

滋潤而且持久，不用經常補塗，但價錢較貴。

很滋潤及有助修復唇紋，而且持久度高，睡前使用翌日雙唇亦感到滋潤薄膜

個人幾鍾意呢款潤唇膏 滋潤得黎都幾long lasting 唔會用完好快乾

滋潤度真的很不錯，算係我用過嘅潤唇膏入面滋潤度最好的，唔會覺得好油膩，仲有SPF15可以幫嘴部做防曬。唯一缺點係佢嘅質地比較容易溶，搽嘅時候唔可以太用力，如果唔係好容易會斷。