防紫外線 推薦好用產品

Kelvin好用推薦：Cerave長效保濕面霜適合夜晚使用，對我來講好溫和，完全唔刺激皮膚。而且佢通過咗敏感測試，所以我用得好放心，敏感皮膚同濕疹皮膚都可以用。質地好補水，唔算過分厚重，搽上面推開之後感覺水潤，好容易推開推均，然後都吸收得好快，表面就好似搽咗乳霜咁樣有保護感覺。水感面霜嚟講滋潤度幾高，但又唔會油膩，用完之後皮膚水潤彈嫩 價錢係$195/50g，喺藥房買會平多1x-2x，性價比唔錯！

Jasmine L好用推薦：由皮膚科醫生推薦我用呢款CeraVe產品，已回購兩支以上。我覺得呢款長效保濕面霜最特別之處就係唔會令皮膚黐立立，而又能夠起到修護同埋保濕嘅作用。 無論係朝早定係夜晚都會用佢，喺皮膚比較乾燥唔穩定嘅日子就搽厚少少，效果非常出色。

Emma好用推薦：呢款cream係無添加香料、酒精與 Parabens 防腐劑，敏感肌、濕疹肌、甚至做完醫美後脆弱既皮膚都可以安心使用 質地： ❤️厚實卻不黏笠既乳霜 易推開，唔會泛白，唔需要來回不停搓先吸收到。 佢推開後吸收速度很快，會轉化為一種清爽、帶有微潤感但絕不黏笠既保護膜，保濕續航力極高。 ❤️夏天成日去角質，但唔小心過度去角質或過敏而導致屏障受損、泛紅、脫皮既皮膚，呢隻cream就提供非常強大既修復力。 我會連續厚敷幾晚，明顯感覺到皮膚不再刺痛泛紅，變得穩定 ❤️一罐多用，性價比極高 可以用於臉部，仲可以全身塗抹（手肘、膝蓋、腳踝等粗糙位效果超明顯） ⚠️ 缺點 質地偏厚重，油肌夏天用可能過潤 雖然標榜清爽，但對極油肌、油痘肌喺香港炎熱潮濕既夏天來講，有可能會焗。夏天建議局部使用，或改用質地更輕盈的「清爽保濕乳（Moisturizing Lotion）」，但呢隻對於我黎講唔夠用 ⚠️大開口罐設計，唔夠衛生 用一次，我面珠啲乾細紋即刻唔見😱圖為面部微距鏡影的

莓莓好用推薦：最有效修護嘅面霜，皮膚屏障受損泛紅急救❗️❗️ 百零蚊一大罐，竟然可以拯救我嘅敏感爛面？今次同你實測呢罐被喻為『平民救星』嘅CeraVe面霜，睇下佢係咪真係咁萬能！」 佢質地好似雪糕咁，潤得嚟又唔黐立立，上臉唔會好厚重，而且吸收得超快。主打強效修護 + 高度保濕！用咗一段時間，塊面真係嫩到癲！仲好Q彈！！泛紅敏感位都慢慢淡咗落去。平日用未必好覺，但塊面一『發脾氣』敏感，用佢實鎮壓得住！ 今晚我刷酸刷過咗龍，刷咗兩個幾鐘，結果搞到屏障受損。一開始塊面刺刺痛，跟住開始變紅兼火辣辣咁疼。屋企又冇修復急救面膜，唔知點算好，求其拎咗適樂膚嚟厚敷。點知效果咁誇張，半個鐘唔到就退紅，塊面都唔痛啦！ 使用前：使用後： 如果你灼傷得唔係好嚴重，好似我咁泛紅同刺痛，可以試下用呢個方法急救。 就快冬天，如果妳塊面容易『高原紅』同爆拆，真係要早啲入定貨。而且成分簡單，冇香精、酒精呢啲嘢，爛臉期都可以放心用！！

Fng好用推薦：呢排天氣又濕又焗，底妝最怕就係溶到一撻撻。見好多sis都話呢塊 Charlotte Tilbury「磨皮銀餅」 係定妝神器，忍唔住買咗返嚟試！✨ 🧚🏻‍♀️ 粉質與妝效：輕煙級粉體，柔焦零粉感 · 極致細滑，如煙霧般輕盈：粉質真係細到無朋友，好似一縷煙咁，上面後完全零粉感。 · 柔焦磨皮，拒絕假面：掃上臉即時有柔焦磨皮效果，毛孔遮得好自然，妝面乾淨平滑。最驚喜係佢定妝同時保留皮膚原生光澤，唔會變成死實實嘅霧面，妝感好高級透亮。 💪🏼 控油定妝實測：水油平衡嘅專家 · 控油力不俗，混合肌至愛：控油能力中上，T字位維持到半日清爽。好多混合肌sis都大讚佢喺水油平衡方面做得好好，持久之餘唔會乾。 · 保濕滋潤，乾肌都友好：蘊含玫瑰果油、杏仁精油等保濕成分，定妝同時養膚，所以用完唔怕乾，眼下都唔會卡粉！ 🌦 香港潮濕天氣實戰：頂得住！ · 持久度有交代：喺炎熱潮濕天氣下實測，出汗後妝容依然穩固，無大範圍脫妝或變暗沉，持久力好出色。 · 口罩友好：實測過戴住口罩大半天，妝容依然keep得好好，唔會話一除罩就甩到一撻撻。 💰 性價比與回購 定價 HK$420 / 8g。雖然價錢偏貴同

Sandy好用推薦：Charlotte Tilbury 的輕盈無瑕柔光蜜粉 （Airbrush Flawless Soft Light Powder） 暱稱為「磨皮銀餅」網友推介銀皮粉餅好好用 即刻買個返嚟試下 粉餅好幼細 搽咗皮膚好滑 優點: 1.毛孔一啲都見唔到 2. 銀色反光閃閃令 增加 面部立體感 3. 可以當highlight咁用 缺點嘅係佢嘅粉餅 份量好少

Bendict好用推薦：我係敏感肌偏乾 之前天氣乾燥 用其他品牌碎粉定妝嘅時候發覺有啲位有乾紋😅 所係網度睇左咗幾日 究竟買咩品牌碎粉 因為我偏好日本品牌 忽略咗個大家都聽過嘅牌子 LAURA MERCIER 本來只係抱著試一試既心態 但估唔到盒碎粉好用到超出我預期 我用嘅色號係Translucent透明粉質好細 好滑 我用過嘅碎粉中最幼滑 我LM嘅碎粉定妝 天氣極乾嘅時間真係無顯細紋 而且修飾毛孔效果超出我預期咁好🙀 下圖 唔係誇張一秒磨皮 唔使開filter🙀🙀持久度方面 用完呢個定妝 我試過大概6個鍾多少少開始微微出油 但唔影響妝效😺 優點講咗 但真係有缺點 1. 冇附送粉撲 我另外買其他牌子粉撲放唔落 就算放到落去都係會倒太多碎粉出來 控制唔到取粉個量 2.粉盒設計好陽春 其他品牌已經有濾網設計嘞 每次倒過多出嚟 要晒好長時間 搖返啲碎粉落底層🫠如果佢有濾網設計 真係值7粒星100分✅冇濾網加粉撲所以扣左星星😿 不過性價比真係好高 29g 其實價錢等於兩盒其他品牌嘅碎粉 妝效亦真係非常好 所以推薦👍😺

YYeman好用推薦：Laura Mercier 柔光透明蜜粉使用心得 ⭐️產品質地 · 粉質超細：一打開盒就見到啲粉好似煙咁輕，完全冇厚重感。上臉之後係「零粉感」，唔會卡紋或者積粉。 · 透明冇色：雖然叫「透明蜜粉」，但其實真係冇乜遮瑕度，主要係用來定妝同柔焦，唔會改變底妝顏色，適合鍾意自然妝感嘅人。 · 柔焦效果一流：上完粉後，毛孔同皮膚紋理會即時變得模糊，有種「自動美圖」嘅感覺，但唔會假面。 ⭐️控油同持妝度 · 中等控油：對於混合肌或乾肌嚟講，佢嘅控油力足夠，夏天可以撐到4-5個鐘頭（T位會少少出油）。大油皮可能就要中途補妝。 · 持妝力強：就算出咗油，都唔會溶妝或者斑駁，反而有種「愈夜愈靚」嘅融合感，唔會成塊粉浮起。 ✅ 優點： · 自然透薄，唔會面具感 · 柔焦毛孔效果明顯 · 適合大部分膚質（特別係乾至混合肌） · 一盒好耐用，性價比高 ❌ 缺點： · 冇遮瑕度，追求修色嘅人要搭其他產品 · 盒內冇跟粉撲或掃（要自己配） · 大油皮夏天可能覺得控油未夠強 ⭐️總結 如果你鍾意自然、輕薄、天生好皮嘅妝感，呢盒蜜粉真係值得試！尤其適合日常妝、偽素顏，或者怕粉感重嘅人。雖然唔係極級控油

Lindabb好用推薦：夏日暴曬都靠佢！Anessa極防水美肌UV防曬乳，真係「曬極都唔黑」？ 又到夏天，香港呢個天氣真係唔係人咁品，又濕又焗，仲要個太陽毒到呢……出街行多兩步都覺得自己就嚟溶。夏天護膚最頭痕就係防曬，搽得厚又怕悶痘，搽得薄又怕曬黑，真係兩難。見呢支Anessa金樽人人都讚係「防曬大佬」，今年仲話升級咗「極防水」同「美肌」功能，我二話不說買嚟實測，用咗成個盛夏，今日同大家講真話！ 先講我嘅夏日防曬要求： 我係混合偏油肌，夏天最怕防曬「立黐黐」同「擦紙膠碎」。之前用過某啲開架牌，一出汗就流白汗，勁尷尬。所以我要嘅係：夠爽身、唔泛白、同埋最重要——真係唔好畀我曬出斑！ 質地同用感（第一關合格！）： 唧出嚟係好流質嘅乳液狀，奶白色，好易推開。最驚喜係佢「秒速成膜」！你手慢啲都驚推唔切，但推開之後塊面係完全啞致，好似搽咗層碎粉咁乾爽。夏天用呢種質地真係救星，唔會黐住啲頭髮絲，戴完口罩都冇話焗到成面油。 實測重點（戶外暴曬日！）： 我特登揀咗個星期日，由朝早十點曬到落午四點，去咗赤柱海邊同戶外市集，全程冇補過防曬（唔好學我，理論上要補㗎！）。 結果呢？ 返到屋企照鏡，雙手同塊面完全冇兩截色！平

Yeonjung好用推薦：安耐曬小金瓶（Anessa 金鑽高效防曬露），呢支簡直係香港夏天嘅「防曬之王」！我用過幾代，連去沙灘暴曬都靠佢，即刻同你分享實戰心得： 質地： 經典「搖搖樂」設計，用前一定要喪搖（最少5下），唔係會出油水分離。質地係好稀嘅乳液，一推開就化水，但比起Fancl嗰支，佢成膜更快，大概10秒就乾，仲有種「啞光滑溜」感。 泛白情況： 新版已經改良好多，幾乎零泛白（舊版會白面）。推開後完全透明，只係輕微提亮，黑皮都用得，唔怕似藝伎。 清爽度： ⭐⭐⭐⭐⭐（真・零油感，大油皮夏天恩物） 控油： 超強！捽完鼻頭全日都唔反光，但冷氣房用會覺得兩頰有少少緊，保濕打底要做足。 防曬力： SPF50+ PA++++，仲有「遇汗更強」技術（Aqua Booster），流汗後防曬膜反而更貼。我試過烈日下行山3個鐘，完全冇燒燶感，返屋企都冇兩截色，呢點完勝Fancl。 卸妝： 呢支一定要用卸妝產品！佢個防水膜好頑固，普通潔面洗唔甩，試過偷懶，結果生咗幾粒封閉式粉刺。建議用卸妝油慢慢乳化，先乾淨。 優點： · 防水耐汗極強，啱晒香港濕熱天氣 · 唔染衫領（白衫都安全） · 新版本加咗50%護膚精華，乾

莓莓好用推薦：La Roche-Posay Cicaplast Baume B5（萬用修復霜）測評 包裝質感： 牙膏管身，開口細，好控制用量。但用到最後要剪開先刮得乾淨，呢樣扣少少分。 質地與氣味： 白色厚身乳霜，推開有少少白痕，但輕印就會吸收。無香味（無添加香料），只有好淡嘅原材料味，敏感肌友好。 使用感受： 搽上皮膚感覺滋潤但唔油膩，有層薄薄嘅保護膜。適合局部厚敷（如乾燥脫皮、泛紅位置）或全面薄塗（當急救面膜）。唔建議長時間全面厚敷，可能會生粉刺。 成分專業分析： · Panthenol（維他命B5）：核心成分，深層保濕、促進皮膚修復 · Madecassoside（積雪草苷）：抗炎、舒緩泛紅 · Manganese + Copper + Zinc：礦物質複合物，幫助傷口癒合 · Shea Butter：滋潤鎖水 ❌ 含氫氧化鉀：極少數敏感肌可能有輕微刺熱感 適用場景（重點！）： · ✅ 乾燥脫皮、敏感泛紅 · ✅ 濕疹輔助護理（非急性期） · ✅ 醫美後、雷射後修復（醫生同意下） · ✅ 嬰兒尿布疹、大人手腳乾裂 · ✅ 輕微擦傷、曬後舒緩 · ❌ 暗瘡嚴重發炎期（太厚可能焗瘡）

Fng好用推薦：LaRochePosay B5萬用修復霜用後感 🚒✨ 如果你同我一樣，成日出入冷氣房搞到塊面乾繃繃，又或者轉季時皮膚狀態唔穩定，相信你對呢支B5霜一啲都唔陌生。佢係法國藥妝界嘅傳奇產品，有人叫佢「萬能霜」，有人叫佢「爛臉救星」 🧴 質地：白色乳霜，有少少厚但可接受 · 擠出嚟係白色實色乳霜，睇落有少少厚。推開會有輕微白痕，但只要輕輕印多幾下就會吸收。 · 無香料，只有好淡嘅原材料味，敏感肌友好。 上手貼士：千祈唔好就咁「捽」上塊面！我會喺手心搓熱幾下，等佢乳化咗再輕輕按上面，咁樣就唔會好似戴咗面具咁焗住。 🔥 快速急救：退紅止痛超快，雪凍用效果更勁！ · 雪凍厚敷嗰陣，退紅速度真係無得頂。 · 我試過面頰敏感泛紅，薄薄搽一層過夜，第二朝起身泛紅同甩皮嘅位置明顯穩定咗、摸落冇咁粗糙。 · 如果皮膚乾到脫皮或者曬傷，可以試下雪凍厚敷，即時涼浸浸，五分鐘壓倒性舒緩！ 🛡️ 修復屏障：穩定膚況，唔會乾到扯住 · B5入面嘅5%維他命原B5同積雪草萃取，可以修復受損嘅肌膚屏障，同時舒緩炎症。 · 喺又濕又焗嘅香港，我夜晚開住冷氣用好夠保濕，唔會乾繃繃。有中性肌用家分享，洗完面搽完爽

powerpuffgirl好用推薦：夜晚我就會用呢枝C&AHA 煥膚亮肌精華凝乳專門對付粗糙同顆粒感同埋我手上既疤痕，佢雖然含有 AHA 果酸，但質地依然易推好吸收。除咗維他命 C，仲加咗穀胱甘肽同 B3，呢啲成分組合比一般美白產品更高效，係針對性嘅修復。 如果你同我一樣，手踭、手臂甚至背部有啲黑色素沉澱或者「雞皮膚」抓印，一定要重點厚查。用咗 14 日，我覺得啲粗糙顆粒感明顯平滑咗好多，原本比較深嘅疤痕、暗沉嘅位置都開始回亮同埋淡左，肌膚摸落去柔滑咗成個層次，真係係粗糙肌嘅救星！

Fongfong好用推薦：夜間果萃雙效C&AHHA煥膚肌精華凝乳 質地比較實一點,但容易推而且立刻深入肌膚全身立即吸收亮澤,而且佢能夠有防蘐效果及不得不提,有淡淡青瓜🥒香味令我精神舒服👍🏻成個人都放鬆晒😌 同埋我本身手、手踭及手臂位置比較非常粗糙及暗沉，但當我連續搽咗夜間果萃C&AHA煥膚亮肌精華凝乳之後,真的明顯感覺到手踭及手臂💪🏼位置多咗水份及非常光澤,真的感受到比一般美白身體乳更快融入肌膚吸收及明顯保濕有效. 自傱每晚用咗夜間果萃雙效C&AHA煥膚亮肌膚精華凝乳後皮膚明顯光滑及細緻咗而且佢淡淡青瓜🥒味訓得入睡🛌咗人都精神晒😙⋯⋯

Fng好用推薦：作為一個熟齡混合偏乾肌嘅護膚控，最怕就係香港又濕又焗嘅夏天🌡️——室內長期開冷氣抽乾水份，出街又熱到出汗，搞到塊面又乾又繃，仲成日泛紅敏感😣。 Avene呢支Cicalfate+ 再生修護精華，簡直係最近嘅「急救救星」🌟！佢主打修復受損嘅皮膚屏障🛡️，入面有 TRP-Regulin™ 鎮靜神經末梢，配合 維他命B5 促進修復，加上 96%天然成分🌿、無酒精無香料，對我呢種偏乾敏感肌嚟講，未用已經覺得好安心。 質地與膚感： · 流動性高嘅輕盈乳液狀，推開好水潤💧 · 滲透力強，按摩幾下就吸收晒，清爽唔黏立✨ · 用完有種細緻嘅天鵝絨啞光感，夏天用零負擔👍 修復效果： · 用咗約一星期，面頰泛紅同粗糙感明顯改善💕 · 皮膚穩定咗，摸落變返柔軟平滑，冇晒「鞋鞋哋」嘅感覺 · 戶外活動後曬到慶烚烚，夜晚搽完第二朝泛紅已退大半，即時舒緩力好出色✨ 要留意嘅小缺點⚠️： · 單用保濕續航力對乾肌嚟講唔太夠，喺冷氣房訓過夜一定要加保濕面霜鎖水 · 修復定位係舒緩穩定，唔好期望對深層乾紋或老化問題有即時效果 · 滴管設計用到後期唔太就手，要「Chok」多幾下先唧到，包裝可以改善 以$38

Emily Leung好用推薦：Avene再生修護精華簡潔白色樽身，泵出嚟係輕盈嘅乳液狀。 我用咗呢支精華大概一個月，真係好鍾意！ · 溫和唔刺激：我皮膚容易敏感，用呢支完全冇問題。 · 質地舒服：搽上面好快吸收，唔黏立，保濕度夠。 · 退紅有效：面頰泛紅真係減淡咗，皮膚睇落穩定咗同平滑咗。 一支好可靠嘅修護精華，尤其係當皮膚唔穩定或者敏感嘅時候用，效果最明顯。會繼續用落去！

Chloeincosme好用推薦：Suqqu 粉底液出名做到日系透薄，微奶油肌既效果，用慣咗韓式粉底嘅我終於試到！ #火熱新品 1) 輕薄透亮 上妝已經feel到日系粉底果隻透薄感，用慣了修飾度較高的韓式粉底，一上臉就能明顯感覺到 SUQQU 的「輕盈」。遮瑕度大約只有中低水平，瑕疵需要另外遮，但平滑毛孔、均勻膚色既效果非常細緻，完全沒有面具感。 2) 奶油肌妝感 妝效名不虛傳！上妝後會帶有一層微微的、高級的「微奶油肌」光澤，顯得皮膚底子很好，有種低調閃耀的日系雜誌風。 3) 控油力實測：混合肌/油肌要留意 呢款粉底的控油效果不算特別強。實測大約 5 至 6 小時後，T字位和面頰的油光就會開始明顯，可能更適合在秋冬季節、或者長期在冷氣房工作時使用，夏天用可能要加強控油底霜。 4) 上妝小撇步 上完唔可以即刻定妝： 我既做法係粉底液上臉後，先用小風扇仔吹一吹，讓底妝稍微成膜、乾透。 如果一上完粉底液就上粉，底妝很容易會打架，導致結塊。 總結： 對於混乾肌黎講，我會夏天收埋佢先得，秋天會好中意🥰

Look ca好用推薦：質地薄貼, 如想遮多少少斑點，就於局部地方上蓋多一點, 可省卻使用遮瑕膏, 不過最好補上碎粉, 令妝容更持久！

Miranda好用推薦：【質感】 首先講質地。佢係好輕身嘅流質狀，流動性極高，唧出嚟會跣走嗰種。推開嗰下好順滑，好似搽緊輕盈嘅精華液而唔係粉底。上面之後好快就乾，但完全唔會覺得「漿住」或者厚重，感覺就好似第二層皮膚咁薄。 我最驚喜嘅係佢嘅 「粉感極低」 。之前用過好多粉底，就算標榜輕薄，用完之後都仲係會見到粉粒。但呢支小方瓶2.0，我化完妝之後望塊面，係見到皮膚嘅質感而唔係粉底嘅質感。近距離照鏡都睇唔到粉痕，呢點真係好高質。 佢仲加入咗日本大米精華同山茶花籽油，用完之後塊面有種自然嘅光澤，但又唔係油光嗰種，而係好似皮膚本身好健康嗰種透亮感。 【使用感】 呢個位係我最滿意嘅部分。我本身係混合偏油肌，T字位易出油，兩頰有時會乾。呢支粉底液嘅 「控油效果」 做得幾好，但又唔會令到兩頰覺得乾。搽完之後，T字位唔會話好快就出油，就算出咗油，佢都係融合得幾靚，而唔係浮粉或者溶妝。 佢嘅 「遮瑕度」 屬於中度，可以修飾到泛紅同毛孔，黑眼圈同痘印就遮到五六成左右。我本身唔係追求完美無瑕妝感嘅人，所以呢個遮瑕度對我嚟講啱啱好，自然得嚟又有修飾。如果當日有明顯嘅暗瘡印，我會額外用遮瑕膏補一補。 我最鍾意佢嘅 「不氧化

Emily Leung好用推薦：哈嘍～今日同大家開心share下植村秀小方瓶2.0嘅新色號 #784 用後感！😉 ✨ 首先講吓色號： #784 係黃調一白，好適合追求自然白皙感嘅亞洲肌膚！我本身係黃二白，用佢有少少提亮效果，但唔會假面，同頸部色差好細，出街好自然～ 如果你中意啲粉底同膚色融合得好，呢隻色真係好靚！ 💁🏻‍♀️ 質地同妝感： · 質地水潤，推開好順滑，上臉係半霧面啞光妝效，睇落好高級！ · 遮瑕度中等偏上，普通毛孔同暗瘡印一層基本上蓋到七八成，反覆疊加都唔會厚重。 · 因為係持久型粉底，乾得比較快，建議分區上妝，快速拍開！ 🌞 持久度： 廣東天氣咁悶熱，佢真係挺得住！我帶妝8個鐘，T位有少少出油，但冇溶妝，反而同皮膚油分融合後更有光澤感。口罩都只係沾到少少，表現唔錯～ ⚠️ 小貼士： 皮膚偏乾嘅姐妹，妝前保濕要做好！如果唔係鼻翼同眼底可能會有少少卡粉。油肌同混合肌應該會好愛佢～ 總體來講，小方瓶2.0嘅 #784 係隻好百搭嘅色號，妝感自然又持久，好適合日常返工或者出去玩用！推薦大家去專櫃試吓色，睇吓夾唔夾自己膚質啦～ 💕

FishFish好用推薦：La Roche-Posay MELA B3 精華：淡斑去痘印係咪真係咁堅？ 成日熬夜出油＋手多多擠暗瘡，搞到塊面花晒、啲暗瘡印久久唔散？今次同大家實測呢支 La Roche-Posay MELA B3 精華，睇吓佢喺淡斑、去痘印方面，係咪真係咁把炮。 質地＆膚感（第一印象） · 質地：Lotion 狀，輕身、唔杰，一推就開。 · 吸收速度：快過 flash，拍兩拍就入晒，面頰唔會黐立立。 · 氣味：近乎無香料，只有好淡嘅原料味，敏感人表示收貨。 · 滋潤度：中性/混合肌用唔使再疊乳液（冬天乾肌可能要加保濕霜）。 主打成分 & 點解叫 MELA B3？ · Melasyl™（專利成分）：喺黑色素形成前攔截，防止新色斑出現。 · 10% Niacinamide (B3)：控油、抗炎、阻截黑色素傳遞，順手修復皮膚屏障。 · LHA + 水楊酸：溫和代謝角質，幫手推走表面已形成嘅暗啞同舊印。 呢個組合即係：一邊攔截新斑，一邊褪走舊印。 實測 4 星期效果（對比） · 第 1 週：最明顯係 整體膚色均勻咗，黃氣減低，朝早起身塊面冇咁暗沉。 · 第 2 週：新出嘅紅痘印 退紅速度快

布吶吶好用推薦：La Roche-Posay Mela B3 淡斑精華實測 「塊面啲印幾時先肯走？」 呢個問題唔知困擾咗幾多人。暗瘡印、雀斑、色素沉澱好似黐身膏藥咁，搽幾多遮瑕膏都治標唔治本。法國藥妝王牌 La Roche-Posay 推出嘅 Mela B3 淡斑精華，近年成為香港藥妝店熱賣淡斑神器，究竟係咪真係 work？ 【主打功效】 1. 針對色素沉澱：淡化痘印、雀斑、曬斑、暗瘡印 2. 均勻膚色：提亮暗啞肌膚，減黃氣 3. 保濕修護：含維他命B3（煙酰胺）同埋La Roche-Posay溫泉水，舒緩肌膚 【核心成分】 · 維他命B3（煙酰胺）：阻截黑色素轉移，改善膚色不均 · 甘醇酸 + 水楊酸：溫和代謝老廢角質，令皮膚更透亮 · La Roche-Posay溫泉水：抗刺激、保濕，減低酸性成分帶嚟嘅刺激 【使用感受】 1. 質地： 白色乳液狀，推開清爽唔黏膩，吸收得快，油皮同混合皮都唔會覺得厚重。 2. 溫和度： 雖然含酸類成分，但用落唔會刺痛（除非皮膚極度敏感），溫泉水成分有助鎮靜。 3. 效果： · 淡印速度：對於新嘅紅色痘印，大約1-2週見到明顯變淡；

lonia好用推薦：本人係混合油肌，呢個年紀最怕護膚品太滋潤導致T字位容易出暗瘡，但單純補濕又不足以保持皮膚狀態。Lancôme煥活修護精華最令我驚喜嘅係迅速滲透嘅清爽質地，搽喺容易出油的嘅T字位都完全冇黏笠感。搽完之後肌膚有即時飲飽水嘅透亮感。 用咗一段時間，皮膚穩定性得到明顯改善。以前臉頰偶爾會出現容易泛紅、脫皮嘅情況，而家皮膚屏障變得更強韌，肌底力得到改善，膚質感覺細緻、平滑咗好多。 對於三十幾歲開始出現嘅皮膚疲態同暗啞，呢款精華能有效提升皮膚整體嘅剔透感，而且後續上妝亦更為貼服。雖然佢嘅價錢真係唔算平，但佢高修復嘅效能，的確係輕熟肌女生值得考慮入手嘅一支精華。

Miranda好用推薦：Lancôme小黑瓶真係我回購咗好多次嘅精華！質地好輕盈，似水狀但又有少少滑捋捋，一抹就吸收晒，完全唔黏笠。我最鍾意佢用完之後皮膚好穩定，就算轉季或者捱夜，都冇咁易出粒粒或者泛紅。用咗一排，明顯覺得皮膚細緻咗，毛孔望落細咗，上妝都貼服好多。佢仲可以幫助後續護膚品吸收，我通常喺佢之後再搽保濕霜，效果更加好。雖然價錢唔平，但皮膚狀態好咗，值回票價。總括嚟講，如果想搵一支全能精華，穩定、修復、細緻皮膚，呢支真心推介！

Miranda好用推薦：【質感】 首先講質地。佢個包裝真係好靚，金色鏡面設計，望落好高級，拎出嚟補妝都有種儀式感。氣墊粉撲嘅質地都算幾好，柔軟有彈性，但吸粉力比較強，如果大力壓嘅話會吸太多粉底，建議輕輕印兩下就夠。 粉底嘅質地係好輕盈嘅乳液狀，上面之後好薄好透氣，完全唔會覺得厚重或者焗促。佢嘅妝效係偏自然光澤嗰種，唔係韓式水光，而係一種好低調嘅柔光感，望落皮膚好飽滿好健康。粉體好細緻，用完之後近距離照鏡都睇唔到粉粒，好似天生皮膚就係咁靚咁。 不過要留意嘅係，佢上面之後需要等一陣先會完全乾透成膜。如果趕時間，未等到佢乾就上碎粉，會覺得有啲「漿住」。 【使用感】 呢個位我覺得有好有唔好。好嘅方面，佢嘅 「即時妝效」 真係好靚。一拍上面，毛孔即刻柔焦咗，膚色均勻咗，望落乾淨透亮。佢嘅光澤感係好自然嗰種，唔會太過火，返工用都唔會覺得誇張。 佢嘅 「遮瑕度」 屬於中等，可以修飾到泛紅同均勻膚色，毛孔遮到七八成，黑眼圈同痘印就遮到五成左右。我本身唔追求完美無瑕，所以呢個遮瑕度對我嚟講係夠用嘅。如果當日有明顯瑕疵，我會額外用遮瑕膏補一補。 但係，佢有幾個位令到我幾困擾。第一，控油效果只係一般。我係混合偏油肌，用

Belle LUI好用推薦：去旅行、作息亂，皮膚最容易鬧脾氣——時差加飲食影響，搞得我容易長粒粒、又易脫妝。之前就用過他們家的粉底液，很好上妝，但去旅行不想帶太多東西，氣墊就是最方便的選擇。所以我帶上了這顆——Charlotte Tilbury 夢幻柔光粉氣墊，粉粉嫩嫩的超可愛😍。薄薄一層，瑕疵就遮了八九成，泛紅和暗粒修飾很多，毛孔也隱藏了不少。而且它帶有自然光澤感，提亮膚色、看起來很精神，整天下來也不會暗黃，非常自然——完全是為我這種瞎忙的媽媽而設的😂 我是混合偏油肌，鼻翼兩側特別容易出油，所以一定會搭配他們的輕盈無瑕蜜粉。一整天趕行程也不需要特別補妝（要求不高的情況下😆），出油狀況還可以，用紙巾印一下就好，控油表現算不錯了！ 結論：想快速上妝出門、一盒搞定遮瑕＋提亮＋控油，Charlotte Tilbury 夢幻柔光粉氣墊值得入手💖

Sakura醬好用推薦：🧴 Hada Labo H.A. supreme 透亮活力精萃水測評 一句講晒： 皮膚唔單止飲飽水，仲會 提升肌膚透明感，望落自帶柔焦光澤。 💧 質地 & 使用感 倒出嚟係微微濃稠嘅精華水質地，但一拍上面就「嗖」一聲吸收晒，完全唔黐立立。最驚喜係保濕續航力——冷氣房瞓醒，塊面仲係軟腍腍，冇嗰種繃緊感。 ✨ 重點：提升肌膚透明感實測 · 即時效果： 濕敷3分鐘，暗啞區（尤其眉心、嘴角）即刻 提升肌膚透明感，好似飲飽水嘅玻璃表面。 · 連續用7日： 膚色均勻咗，陳年「灰氣」減退。唔係漂白嗰種假白，而係由底層散發出 自然透明感，素顏都似打咗輕柔燈光。 · 同其他保濕水對比： 普通化妝水只做到表面補水，呢支明顯滲透到角質層，後續上妝都少咗卡粉。 🧪 成分重點 H.A. Supreme 複合物（三種透明質酸 + 維他命C誘導體 + 發酵萃取）。維C誘導體 溫和代謝老化角質，難怪幫到手 提升肌膚透明感，同時唔刺激。 👍 適合邊類人？ · 朝早起身塊面成日灰灰黃黃 · 用過好多保濕產品都覺得欠缺「光澤透亮」 · 想穩步 提升肌膚透明感，但又怕酸類刺激 👎 注意位 · 大乾皮冬天單

Meowcat好用推薦：前排系ig 睇到kol 講緊呢個系列，滲透力媲美1064波長Laser😍 超微細分子直達真皮層1.5mm😍 化妝水醫美級超微分子透明質酸，全日無間斷注水， 再深層鎖水！Pro-xylane玻色因+Collaplus水解大豆蛋白，緊緻淡紋，鞏固肌膚屏障！ 質地好水潤，好快吸收晒！鍾意用佢黎倒落化妝棉濕敷❤️皮膚有光澤，已經回購左第二枝😍

Jovian好用推薦： 其實冇諗過會有咁大分別。 之前皮膚暗啞、毛孔粗，仲有少少敏感泛紅， 係屯門VCity萬寧美容顧問推介 呢兩個星期，我只係好簡單—— 每日用呢支spa treatment B5精華。 質地清爽一d都唔笠 冇加其他複雜步驟，專心補水同修復。 慢慢見到毛孔細咗，膚色冇咁暗， 連原本啲泛紅都穩定咗。 原來有時唔洗好複雜， 用啱一樣嘢，已經可以慢慢變好🤍 變好咗之後上網查下呢支B5 背景 原來係日本係有5000間醫美中心用 唔怪之得效果咁顯注

Nikki wong好用推薦：我皮膚本身比較容易敏感，泛紅，缺水，用咗Spa treatment一星期之後，即刻有明顯改善，冇因為缺水而泛紅同出油，毛孔細緻咗，上妝又貼咗，非常讚！👍🏻👍🏻👍🏻

Kathy Wai好用推薦：夏天熱到黐線，沖涼變咗每日最期待嘅儀式。最近轉用咗滴露呢枝新嘢——清爽保濕沐浴露（柚子茉莉花），真係衝擊咗我對「消毒品牌」嘅刻板印象。 首先講個質地，喺手唧出嚟係透透哋嘅啫喱狀，少少水就搓到好綿密嘅泡，沖水嗰下零黏膩，皮膚仲有種「抖緊氣」嘅爽快感。最驚喜係個味——頭調係清新柚子皮嘅酸澀，撞正夏天嘅悶熱，即刻醒神晒；後調慢慢滲出茉莉花嘅幽香，唔係人工到暈嗰種，而係似黃昏行過花槽嗰陣隨風飄過嘅淡雅。洗完個人成個Soft晒，連冷氣都唔使校咁大。 之前好驚啲抗菌沐浴露會抽乾皮膚，但呢枝加入咗保濕成分，沖完涼摸手肘、腳踭都滑嘟嘟，完全唔使急住搽Lotion。對於我呢啲夏日流汗易出粒粒嘅人，佢溫和得嚟又有滴露招牌嘅殺菌保護，背部暗瘡明顯收斂咗。 真心覺得呢類「適合夏天嘅護膚品」唔一定要貴，最緊要係洗完身心放鬆，成晚瞓覺都有淡淡茉莉味包住。如果夏天只能揀一枝沐浴露，我投佢一票。 #滴露清爽保濕沐浴露 #柚子茉莉花 #夏天沖涼救星 #夏日必備沐浴露 #適合夏天的護膚品 #洗完涼爽過開冷氣 #香港夏天對策 #沐浴露實測 #香氣療癒系 #保濕不黏笠

Joyce好用推薦：使用感受良好，容易起泡，洗得乾淨又不繃緊，有效去除汗味，而且可以維持清爽一整天。 沐浴露含有天然精油同保濕精華，有效鎖住肌膚水份及天然屏障，令皮膚保持水感柔滑、不繃緊。沐浴露成分溫和，可以安心使用，親膚靈負擔。即時使用後，使用感受良好，容易起泡，洗得乾淨又不繃緊，肌膚感覺清爽水潤，十分refresh。能去除潮濕天氣同汗水帶來的黏膩感、難聞的汗味，而且可以維持清爽一整天。長期使用十天後，明顯感到肌膚變得水嫩細緻，摸得到更柔軟滑溜。 柚子茉莉花味非常清新，我十分喜愛，使用完一整天都香氣四溢，香味十分持久，使用下來，有效舒壓放鬆，釋放身心疲憊。

Fng好用推薦：CeraVe 維他命C提亮精華 用後感（香港春季・熟齡偏乾肌） 🍊✨ 我本身係熟齡偏乾肌，春天潮濕天氣最怕精華「立黐黐」或者太刺激。 🧴 質地：輕薄乳液，唔立唔打架 · 擠出嚟係半透明乳白色，有少少油潤感但唔厚重 · 推開吸收快，後續搽防曬同化妝 冇起擦膠粒 ✅ 🔬 成份溫和，入門維C之選 · 10%純維他命C（L-抗壞血酸），有效提亮抗氧化 · 加 三重神經醯胺 + 維他命B5，舒緩修護屏障 · 無香料、無酒精、無Paraben，敏感肌都用得 🌸 熟齡偏乾肌實測：溫和，但保濕要夾嘢 · 用落 冇泛紅、冇刺痛，比想像中溫和好多 · 但單靠佢保濕 完全唔夠力，一定要疊保濕精華 + 面霜 · 建議朝早：保濕精華 → 呢支維C → 面霜，咁就穩陣 💧 ✨ 效果：唔係漂白水，係「慢慢均勻膚色」 · 用咗一個月，最明顯係 朝早起身塊面冇咁暗沉，望落精神啲 · 膚色均勻咗少少，有自然光澤，唔係死白 · 想色斑/暗瘡印即刻消失 👉 呢支唔係你杯茶 · 想搵 溫和、入門、慢慢提亮 嘅維C 👉 佢係穩陣基本款 ⚠️ 兩件事要留意 · 要盡快用，接觸空氣會氧化變黃/橙啡色 · 生暗瘡時

Kitty 好用推薦：美白真係夏天嘅頭等大事嚟㗎！☀️ 最近用咗CeraVe活肌再生維他命C亮肌精華，真心覺得幾正～ 本身我皮膚有少少易敏感，用過好多維C精華都刺痛到喊，但呢支完全唔刺痛，好溫和💧 敏感肌都可以放心用！ 質地係輕盈嘅乳液狀，吸收得快，唔會黐立立。用咗兩星期左右，膚色明顯均勻咗，暗瘡印淡得快咗，整體望落有光澤感😊 不過要提提大家，後續上面霜或者防曬嗰陣，最好用按壓嘅手法🤚 如果係咁打圈或者搓，好容易會起擦膠碎，尤其係有搽防曬嘅話～ 輕輕壓上去就搞掂，唔會影響效果又唔會起粒粒。 總括嚟講，想夏天美白又怕刺激嘅朋友，呢支值得一試！👍

Miranda好用推薦：【質感】 首先講質地。佢係輕身嘅流質狀，流動性極高，唧出嚟會跣走嗰種。推開嗰下好順滑，好似搽緊輕盈嘅精華液而唔係粉底。上面之後好快就同皮膚融合，感覺好薄好透氣，完全唔會覺得「漿住」或者厚重。就算用手上妝，都一樣可以推得好均勻，完全冇粉痕。 佢嘅妝效係偏向自然光澤嘅，用完之後塊面有一種好靚嘅 「絲緞光澤」 ，唔係油光嗰種，而係好似皮膚本身好健康咁透出嚟嘅光。近距離照鏡都睇唔到粉粒，好似第二層皮膚咁自然。呢種光澤感就算上咗碎粉都仲keep到，唔會俾碎粉完全蓋住。 佢嘅質地仲有一個好處，就係 「唔會乾」 。我兩頰有時會乾，用其他粉底嗰陣，上妝一陣就會見到乾紋浮出嚟。但呢支粉底完全冇呢個問題，就算上妝幾個鐘之後，塊面都仲係保持住水潤嘅感覺。 【使用感】 呢個位係我最滿意嘅部分。佢嘅 「光澤感」 真係好出色，但又唔會誇張到好似油光滿面。用完之後塊面有一種好自然嘅透亮感，望落精神好多，但又唔會覺得化咗好厚妝。 佢嘅 「遮瑕度」 屬於中度，可以修飾到泛紅同均勻膚色，毛孔遮到七八成，黑眼圈同痘印就遮到五成左右。我本身唔係追求完美無瑕妝感嘅人，所以呢個遮瑕度對我嚟講啱啱好。如果當日有明顯嘅暗瘡

Poyobb好用推薦：之前有一段時間好鍾意用Armani嘅粉底液，Power fabric fro同designer lift都有用過。手上呢款藍色係designer lift大師粉底液。#3黃皮偏白啱用，用完全日都冇咩暗沉。 佢嘅粉底液都係好薄身，容易推開，建議先用化妝掃在面平均推開，再用粉撲拍實。粉底液光澤到自然，如果依款因為有藍珍珠粉末嘅元素係入邊，可以幫你折射皮膚令到皮膚睇落。佢嘅焦效果好靚，佢可以折射法令紋冇咁深，如果係嗰日要影相或者出夜街就好適合😚 依款粉底液比較起來相對適合返乾性皮膚，略嫌控油道不足。如果香港夏天戶外就好容易溶，建議室內先用，或者夜晚先用，佢嘅防曬度只係得SPF 15比較低。

Paris merci 好用推薦：LUMINOUS630 專研多重淡斑透白煥膚精華水」 #630近來nivea比較大熱嘅系列，精華水添加咗三酸（AHA、PHA、BHA），配方搭配最有效淡斑成分Thiamidol®630，成份聽落有料到。 精華水係清透薄身嘅水狀，唔係厚身質地，可以直接倒去手上拍上面，夏天用非常清爽，而且香味非常好聞。我一次倒五至六下，好快吸收晒，後續就可以繼續精華及面霜護膚。 因為精華想有添加三酸關係，用完皮膚比較滑溜。亦都可以將精華水倒落化妝棉，輕抺皮膚，可以加快代謝嘅老廢角質。用完皮膚平滑，提亮膚色，增加皮膚透明感，的確每朝早用完化妝都冇咁浮粉底💕 #透明感

雪雪好用推薦：呢支係Nivea嘅Luminous 630 多重淡斑透白煥膚精華水，都出咗一段時間，但係我已經用咗兩支，一支都已經接近空瓶，證明有幾好用啦 精華水質地流動性非常高，好容易就被皮膚吸收，唔會黐立立，用咗幾星期已經覺得提亮膚色有感，想美白嘅朋友一定要試吓佢，仲有佢會令皮膚變得更加剔透，真係有透明感，望落去好似有光透出嚟嘅感覺，白淨左，價錢方面大約$200左右，有120 mL，性價比都算高，夏天可以入手試吓！ #透明感 #精華水 #爽膚水

Ah223好用推薦：日系貴婦品牌Cle de Peau粧前乳霜(光采柔滑)使用感：本人屬於混合偏乾性皮膚，皮膚偏白，毛孔顯眼，色素沉澱亦明顯，鼻翼及虎紋位置暗啞。 呢支粧前乳霜質地偏厚身，但可以接受，要用小小力推開，推開後能均勻塗全面，帶有修正暗沉膚色及遮瑕效果。 以我混乾性皮膚，用作粧前打底霜，配合同牌子既粉底液，簡直無得輸呀！搽左呢支粧前底霜上面，已經做到自然地tone up膚色，底霜同皮膚完美融合修正膚色，撫平顯眼毛孔，鼻翼、嘴色、虎紋暗啞位置得以提亮，淺至中度黑眼圈及色素沉澱、淺層色斑亦能遮蓋，能省卻用遮瑕膏。 另外，加入左持久控油成份，抑制油光，避免脫妝，持妝一整天都不會出現油光滿面既尷尬情況👍🏻 價格偏高，個人認為作為貴婦日系品牌級別是可以接受的喔！效果不說謊🤓！我會回購啊✔️ 前後對比🆚圖： 1️⃣面頰顴骨位置沒有使用任何濾鏡下，色素淡左 2️⃣毛孔撫平左八成，皮膚滑左通透左 3️⃣嘴角、鼻翼同虎紋位置都提亮左 4️⃣面頰泛紅位置減淡左 5️⃣整塊面膚色明顯均勻 質地 ⭐️⭐️⭐️⭐️ 控油 ⭐️⭐️⭐️⭐️🌟 遮瑕 ⭐️⭐️⭐️⭐️🌟 提亮 ⭐️⭐️⭐️⭐️⭐️ (⭐️⭐️⭐️

Lindabb好用推薦：《CPB光凝妝前乳霜》使用心得 老實講，對於妝前產品，我一向抱持「可免則免」嘅態度，總覺得多一層就多一份負擔。但CPB呢支光凝妝前乳霜，確實令我改變咗諗法。 第一印象，係佢嘅質感。 唔係一般防曬嗰種「澀」或「笠」，而係一抹開就化成薄薄一層柔焦膜，貼服得嚟帶少許滋潤，但又唔會令後續粉底起擦膠碎。佢嘅高明之處，在於「修飾」而唔係「遮蓋」——毛孔細紋被輕輕撫平，膚色變得均勻透亮，但又保留到皮膚本身嘅紋理，望落就係「我本身皮膚好好」嘅感覺，而唔係「我搽咗好多嘢」。 最深刻嘅，係佢同皮膚嘅互動。 好多妝前產品，一開始靚，但過幾個鐘就走樣。CPB呢支有趣嘅地方係，隨住時間同皮膚油脂融合，光澤反而更自然，冇嗰種「浮粉」或「暗沉」嘅尷尬。對於香港呢種潮濕天氣，佢做到「控油而不乾，滋潤而不膩」嘅平衡，確實難得。 當然，佢唔係完美。 價錢係一個考慮因素，貴婦級別妝前乳唔係人人覺得需要。另外，如果本身皮膚極乾，冬天用之前一定要做好保濕打底，否則會覺得唔夠潤。仲有，佢嘅角色係「輔助」多於「修正」，如果期望一搽就遮晒所有瑕疵，咁你會失望——佢擅長嘅，係將你本身嘅優點放大，而唔係將缺點隱藏。 回購與