高遮瑕粉底 推薦好用產品

Luna好用推薦：姐妹們，最近試咗Nars呢支「原生光亮肌粉底液」，真心覺得要同你哋分享下～ ✨ 第一印象： 支裝好有質感，泵頭設計好方便，一泵就夠全面用。質地好水潤，推開好似cream咁滑，有陣好清淡嘅花香，好舒服。 😌 上臉感覺： 我本身係混合肌，T位易出油，兩邊面頰有時會乾。呢支粉底一搽上去，哇～真係好貼服，唔會黐立立或者好厚。好似自己皮膚咁，但係靚咗、光澤咗！完全冇面具感，透氣度唔錯。 🌟 妝效： 個名無改錯——「原生光亮肌」真係做到！光澤係好自然嗰種，好似皮膚底層透光咁，唔係油光滿面。遮瑕度中等，普通毛孔、暗啞位都修飾到，但如果好深色嘅痘印就要再加遮瑕膏。薄薄一層已經有好精神嘅效果，鍾意偽素顏feel嘅你一定鍾意！ ⏰ 持久度： 我朝早出門到晏晝（大約6個鐘），T位有少少出油，但唔會溶到一撻撻，用紙巾印一印再薄補少少碎粉就ok。到放工個光澤感都仲keep到，冇乜點暗沉。如果係大油皮，可能就要加強定妝啦。 👎 要留意： · 遮瑕度唔算高，大瑕疵要另外遮 · 出油位要定妝，否則光澤變油光 💁‍♀️ 小總結： 如果你皮膚唔算極油，又唔喜歡厚重粉感，呢支真係唔錯！似第二層皮膚咁，提升光澤

Sakura醬好用推薦：Nars 原生光亮肌粉底液詳細測評 1. 質地 · 質感：哩支粉底液質地比較流動性高，推開嗰陣感覺水潤，唔算厚重。 · 延展性：好易推開，用手指、粉底掃或者美妝蛋都得，上臉後好快貼服，唔會黐立立。 · 妝效：如其名，係自然光澤肌效果，唔係油光滿面嗰種，而係好似皮膚自己透出嚟嘅光澤，睇落幾有健康感。 2. 遮瑕力 · 中等至中上遮瑕：普通泛紅、暗瘡印、淺色雀斑基本可以遮到7-8成，如果係嚴重黑眼圈或者深色痘印，建議再配合遮瑕膏。 · 疊加效果：可以局部疊加增加遮瑕度，而且唔會覺得厚重或者出現「粉感重」嘅情況，整體依然保持自然光澤。 3. 持妝力 · 持久度：正常情況下（室內、冷氣環境）可以維持8-10個鐘，T字位會出少少油，但唔會溶到一撻撻。 · 控油效果：對於中性至混合肌嚟講夠用，但如果係大油皮，夏天可能需要加多層碎粉定妝。 · 抗氧化表現：做得唔錯，全日唔會明顯變暗沉，光澤感可以keep到幾好。 優點： 1. 光澤感自然：真係做到「偽素顏」光澤，好似皮膚本身好有光澤咁。 2. 質地輕薄：上臉無負擔，唔會覺得焗促，適合日常用。 3. 持久度合格：出油後唔會斑駁，反而有少

Emily Leung好用推薦：完美真皮染膚精華—excel光感美肌精華粉底 今年第一款被妝效驚艷到的粉底液，藥妝店粉底里的黑馬產品，妝效遠超許多大牌，價格卻只是他們的三分之一。 🌟質地：為流動性較強的乳液狀，延展性好。 🌟妝效：光澤四溢水光肌，0妝感，裡面配合了鏡面因子上臉後多角度反射光茫，看起來肌膚透亮有光澤。 🌟持妝：一天幾乎不脫妝，暗沈這塊反正肉眼是看不出來的早晚基本沒有色差。平滑毛孔光滑肌膚的效果顯著，輕盈透氣。 🌟遮瑕度：中低，畢竟是裸妝效果，修飾膚色膚質比較明顯，有斑點和痘印還需要單獨遮瑕。 使用感受：水潤輕薄不油膩的質地太適用乾皮了，而且它的光澤感特別強，畫出來的妝效就是那種日本妹子年輕清透素顏的感覺。而且它的性價比之高真的令人震驚，這麼平價的一款粉底竟然有如此完美的妝效真的吹爆！

Poyobb好用推薦：首先睇佢個名光感美肌粉底精華液，感覺係一啲好保濕護膚成份嘅粉底液。粉底液含有81%嘅精華液，化妝同事可以保養皮膚。 粉底液有輕微防曬度，spf28pa ++，感覺唔錯。 我用既係St01，精華粉底液入邊最淺嘅顏色。我平時通常用開00 01色號，但係係精華粉底液去唔到00 01顏色，整體顏色偏黃，直程深過我手臂嘅膚色。 質地好水潤，用咗好似自己啲皮膚咁樣又光澤係幾靚嘅，超級自然貼服。就咁試上手絕對可以媲美尊貴牌子一啲流質粉底液。持久度未知，不過用得呢啲咁自然透薄嘅粉底液既女仔，大多數不太着重持久度，相信皮膚大部份都無瑕疵。 相信呢枝excel精華粉底液出返一啲淺啲嘅顏色，相信會上cosme榜🫢

Tszki好用推薦：RMK Liquid Foundation EX (皇牌絲絹粉底液) 質感如絲般透薄，水漾觸感，能輕易推開，帶來零負擔的輕盈貼服感。具適度遮瑕力，能塑造比素肌更自然、散發光澤感的透亮肌膚。蘊含超過60%的水性成分和保濕成分（如乳木果油、水解蠶絲等），有效防止肌膚乾燥，長時間保持潤澤柔滑的底妝。保濕度高，適合乾性或混合性偏乾肌膚，夏天使用尤其完美。敏感肌使用了也沒有敏感！

Ning好用推薦：呢個價錢黎講非常值，380/大大支，可以用好耐。 已經買過2次，準備黎個第三次🥳 完全能夠打造富有光澤感嘅自然日系妝容，上妝亦好貼服～

rac好用推薦：我選了偏粉紅色Yukon。會較白。塗上面有小小偏粉紅。因為我面色偏青。上面後會變得好氣色。質地：乳液但偏水。我用手上面 再快速推開 再用粉撲印。因為佢較易乾。所以上面後動作要快啲。否則會有一撻撻。 上面及遮瑕度：能遮到大約8乘的瑕疵。連毛孔也能填補。就像有一層薄薄的紗在面上。但不假也不是面具感。在這方面很驚喜。下圖一有小小瑕疵 下圖二是使用後完全遮晒持久度：早上7點上妝 到下午3點未見溶妝。口罩也未見粉漬。最近天氣潮濕 只在額頭上有微油。用紙巾印走便可。甚至乎不用補妝。 結總：驚喜 絕對會回購 唯一不好係樽口位好易流出 要小心打開

Wkk好用推薦：顏色我認為比較偏粉，適合皮膚較油的人使用，比較適合夏天使用，持久度一般

Kriskirs09好用推薦：Nars 自然亮采持久粉底液 當時係專門店想買粉底液 店員就sell咗我呢一支 佢幫我即時試咗上面覺得效果唔錯 佢唧出嚟嘅質地比較cakey 化妝嘅時候都比較快乾 推開嘅時候已經感覺到好黏稠喺手上面試嘅效果都會感覺到比較乾 的確呢一隻粉底液係比較適合油性皮膚 以下係我嘅上面圖：（上妝時間比較耐）買完返屋企發現自己上粉底嘅時候 好！難！用！🤢 一開始我係用cushion上妝（打濕咗 發現上得唔均勻仲有啲一嚿嚿嘅感覺 試咗幾次之後發現用乾粉撲上面會好啲 或者直接用手指上😵 小妹用後感 覺得佢嘅遮瑕力都算唔錯 平時用一層都已經應付到日常瑕疵 如果追求完美無瑕嘅底妝就要再加遮瑕膏 佢都屬於越夜會越靚嘅粉底液 皮膚出咗油之後同佢融合咗會比較自然 早上化完即時嘅感覺算幾厚粉 佢喺面上面都真係太有存在感 另外鼻翼都有少少積粉 後來我借咗俾另一個朋友試用 佢係屬於乾肌 以下係佢嘅上面圖：佢有啲暗瘡印嘅位置係直接有甩皮嘅情況 但係佢都認同遮瑕力係幾高🤔 總結而言 小妹都唔係專業化妝師 所以上面嘅效果都有機會因人而異 我就覺得有啲難用

Fng好用推薦：NARS natural radiant long wear foundation， 妝感係少少光澤，同埋粉底液流動性唔強，比較厚身， 要分開局部上臉，如果唔係乾咗好難推得均勻， 遮瑕力中上，但係夏天用，感覺皮膚比較焗一點，如果係乾肌使用，去到夜晚會現乾紋。

Jasmine Yuen好用推薦：用左幾年，一直有用。第1次接觸既時候係因為幾年前懷孕，想用成份比較天然的礦物粉底。 BareMinerals Original Foundation SPF15係一款礦物質粉底，適合各種膚質，尤其是敏感肌膚。這款粉底的特點是它的成分簡單，不含油脂、香料、酒精和防腐劑，對皮膚的刺激很小。 1. 輕薄透氣：這款粉底的質地非常輕薄，不會感覺厚重或是堵塞毛孔。它能讓肌膚呼吸，唔會生痘痘，就算懷孕時皮膚變差，呢個粉底都啱用。 2. 遮瑕力度可調：可以根據需求，少份量方式一層一層疊上，達到自然效果。 3. 防曬效果：有SPF 15的防曬效果，能提供一定程度的紫外線防護。 4. 易上妝：這款粉底很容易上妝（用bareminerals既刷)，而且妝效能維持一整天，持久度相當不錯。

Joyce好用推薦：第一次用礦物粉底，我買的色號是06號neutral ivory（官網live makeup功能推薦的色號），我本身膚色是自然偏白（Kate粉底液用01號色），這個色號對我來說有點深，選色方面可能要花點功夫。 但粉質幼細，配合bareMinerals專用粉掃，少量多次，打圈方式掃上面，就很均勻貼面，不會浮粉，妝感自然，很舒服不會覺得悶焗，不過遮瑕度一般，要疊加幾次先遮到一半，持妝力亦麻麻，大概2-3小時就要補一次，如果是平日只想均勻膚色就很適合，但如果喜歡化全妝的朋友，中途補妝就很不方便。

Kura好用推薦：呢款粉底液遮瑕度都算高，冬天好凍用都算滋潤，但價錢偏貴，顏色都算貼合我嘅膚色，唔會溶妝

Noel好用推薦：乾性肌膚的偽素顏好拍檔：YSL All in one 粉底❗由於不少歐美 YouTuber 都有推介過這一款粉底，而且大部份都屬於乾肌，加上YSL 亦大力宣傳粉底有多水潤 (MADE WITH 70% WATER AND HYDRATING AGENTS.)令我不自覺被燒到了🔥 個人入手的色號係 #B30 Almond，淺膚色帶 yellow undertone ，這個系列的色號名稱都較深色啊！B50 已經是 Honey 😂 產品包裝比較簡約，膠管泵裝，方便衞生；不過快要用完，剪開這個管，用手指取出 foundation 較麻煩。 產品係 cream狀，沒有流動性，就像 BB Cream 的質地。不過，這枝 All in one 推開很容易，具有超高的延展性👍塗到面上，感覺好滋潤同時又 lightweight，算係個人用過最舒服➕0負擔的粉底❣這枝帶有優雅的花香，好喜歡💕 使用時，不用特別留意防曬 / 妝前產品的配搭，方便❗乾肌而言，全年可用，冬天會尤其感到讚嘆！ 妝效方面，妝容非常自然，清透底妝 No.1❗光澤感亦高，對於喜歡奶油肌既朋友，可以一試。不過，產品只有很低遮瑕力，約3

Kitty 好用推薦：Guerlain呢支小燈泡粉底—搽上臉真係有種啪著燈嘅光感效果✨佢個樽身圓碌碌好似支精華，揼頭設計衛生又易控制份量。一泵出嚟係帶少少流動性嘅乳液質地，推開嗰陣好似第二層皮膚咁貼面，完全冇粉漿感。 ✨光澤度： 一上臉即時叮一聲，水光妝效出晒来！唔係油光滿面嗰種，而係從肌底透出嚟嘅自然光，好似皮膚本身飲飽水咁。我本身係混合肌，T位易出油，但用佢之後顴骨同眉骨位的光澤真係靚到唔捨得上碎粉！ 🎨遮瑕力： 中等遮瑕度，我臉頰淡淡嘅雀斑同毛孔可以遮到七成，如果瑕疵明顯嘅部位可以疊加，都唔會結塊。貪佢透薄，我通常會再用遮瑕膏局部修飾，出嚟效果零粉感。 ⏳持久度： 試過帶妝8個鐘，冇用primer情況下，鼻翼同下巴有少少溶妝，但唔會斑駁。最驚喜係轉油為光——出油後反而同粉底融合得仲靚，不過會有少少氧化暗沉問題，大概會暗沉半個色號。 💡小貼士： 乾肌朋友可以直接上妝；油肌建議掃層薄碎粉定妝。如果想要更強遮瑕，可以用粉撲快速拍開，記得唔好來回捽呀！ 總體來講，呢支絕對係秋冬偽素顏神器！適合鍾意自然光感妝效、唔想粉感太重嘅人。雖然價錢有少少貴，但個精華質地同貼服度真係冇得輸～ 下次見閨蜜一定會被問你

Noel好用推薦：Guerlain 小燈泡粉底，一試難忘的底妝產品，輕易打造靚靚奶油肌，個人感覺完勝同一品牌的 24k 小金條粉底液❣產品含有 97%天然成份及 SPF20~ 我在 02W 和 02N 之間想了好耐，最後入手 02N🤗 粉底液質地很 creamy，手指觸感密著，流動性較低。要提一提，粉底的味道有少少難聞，但上妝後會消散👌上妝工具而言，我比較喜歡用 氣墊粉撲 / 美妝蛋 去apply，氣墊粉撲有效堆疊出遮瑕度，而美妝蛋就能使底妝更清透❗ 上完妝的一刻，會覺得妝感自然，就像自已的皮膚一樣；過了5分鐘左右，可以發現光澤感慢慢透出，很美很自然。小燈泡的遮瑕力不錯，可堆疊到約有7成，暗瘡印和斑點等等，都要加一點遮瑕膏👌 持妝力也出色，化妝大半天，都沒有脫妝問題，晚上觀察，就只出了一點油，妝感仍在，感覺很驚喜💕 遮瑕 🌟🌟🌟🌟 滋潤 🌟🌟🌟🌟🌟🌟 光澤 🌟🌟🌟🌟🌟🌟 毛孔修飾 🌟🌟🌟🌟🌟 持久 🌟🌟🌟🌟🌟🌟 價格 🌟🌟🌟

Tszki好用推薦：質地水潤但在推開後會變為清爽微霧面，有效抑制油光。 其遮瑕力強且妝感輕盈自然，特別適合隱藏毛孔。但也有用家反映質地較乾，乾性肌膚需加強妝前保濕以防乾裂。

Kura好用推薦：係我嘅平靚正粉底液嘅首選，份量唔需要用太多就已經可以搽曬全臉，遮瑕度適中，可以遮到細微嘅瑕疵，我用完呢款粉底液之後膚色有明顯嘅提亮，輕鬆打造到透薄自然嘅妝感，大家可以睇返我嘅對比圖，未用之前膚色較暗沉，用完做到即時提亮，唔會覺得好油，夏天用都唔會話溶妝，我用嘅色號係BR-C，搽上臉係好水潤嘅感覺，我係乾性肌膚都啱用，價錢好平，推薦俾想試新粉底液嘅朋友，產地係日本，信心水準有保證 @cosme

Kura好用推薦：呢款粉餅作為底妝產品遮瑕效果真係一流，整體底妝效果都貼服，用上臉會有少少閃粉，同埋提亮膚色效果都唔錯，顏色都偏自然，同埋適合夏天用，適合油性肌膚，係唔錯嘅底妝產品 @cosme #底妝 #底妝 #夏天 #護膚 #保濕

葉子🍃好用推薦：當時見盒子設計特別同寫有提亮好吸引買左，色號G01明亮色，用時感覺附送的粉撲有點硬，盒入面有粉底膏同高光膏，我按包裝盒後面用法全面搽上粉底膏，然後再係想提亮位上高光膏，出黎效果幾好，立體，漂亮自然，但半日左右太乾卡粉有紋，試左2、3次放棄左

Poyobb好用推薦：Decorte zen stay 粉底液都係有分cool、natural 、warm，我色號係N16。平時一直都係用開Natural tone ，啱啱先出嚟嘅時候睇落去有少少偏紅，有啲擔心會暗沉，不過搽咗上面之後就冇問題，而且同我嘅膚色自然融合，呈現出微奶油光澤感。佢遮瑕能力也令人滿意，感覺上似CPB的柔霧粉底液，非常之貼服。 上年出既zen wear同呢款新版嘅zen stay 質地都差唔多。新版主打根據溫度同濕度自動調節妝效既智慧功能，有機會更加控油。暫時而家嘅天氣都冇乜太大甩妝。遲啲再熱啲就要再試吓。 素顏⬇️ 粉底液後⬇️ #火熱新品

Wuxx好用推薦：如果你係偏乾肌而又想搵霧面嘅粉底液， 我諗依一枝會岩你！ 最近網上一直俾人燒呢一支粉底， 個個都吹到天花板咁高， 果然！！真係幾好用😂😂 首先佢真係好薄，非常薄，但係有遮瑕！ 我唔知佢點樣做到，因為通常遮瑕高嘅粉底都好厚重， 但佢做到！又薄又無粉感仲要遮到瑕！ 佢嘅妝感係真心原生肌咁，好自然！ 平時我鼻翼位一上妝就卡粉， 但佢無！佢好自動幫佢幫我食入毛孔度！好神奇！！ 其次，佢個價錢真係非常無敵抵玩！ 本身諗住月尾去日本嘅時候先買， 但上網check過喺香港買仲平過喺日本買， 所以大家唔好諗，聽我講，即刻去買！！！**俾大家參考吓， 左Pxxda N10色，右Decorte N12色， 佢同Pxxda cushion一樣係有少少光澤感嘅霧面粉底， 但輕薄過Prada #火熱新品

Kura好用推薦：可能係因為我係乾性膚質嘅關係，我用呢款粉底液會覺得偏乾，我係夏天用，成個妝感就差d

mandy好用推薦：MAKE UP FOR EVER WATER BLEND Face & Body Foundation雙用水粉霜 質感是極輕盈及水水的, 可以輕易在面部推開, 延展性很不錯, 使用感舒適 雙用水粉霜  意想不到的水潤無重質感, 令人十分驚喜, 真是一試上面已經愛上~   使用雙用水粉霜後, 能調整好面部膚色, 遮蓋面上的泛紅 雖然有上底妝, 但因為妝效夠貼薄自然, 能做到若有似無的感覺 粉底液水潤輕盈, 即使長時間使用, 也不會感到悶熱難受   為了令雙用水粉霜全面均勻塗抹, 我會建議用化妝綿上雙用水粉霜 使用雙用水粉霜後, 再上碎粉定妝, 令妝效更持久   此外, 雙用水粉霜 可以用在面部及身體, 是為兩用 所以如果身體某些部位需要調色或遮瑕, 也可用雙用水粉霜來調整身體的膚色 由於遮瑕度不高, 可在上粉後再加上遮瑕膏, 那就既可打造透薄底妝又能提昇遮瑕度   含保濕成分: 甘油, 丁二醇, 戊二醇 及 維生素原B5 抗氧化成分: 維生素E

Melo好用推薦：MAQUILLAGE ESSENCE LIQUID EX 養膚精華粉底液全新升級版 我混合性皮膚 T字位油 隻頰偏乾 但用佢出黎皮膚質感都唔錯 遮瑕度中等亦比較潤 冬天會比較岩用

Aim好用推薦：呢支保濕精華粉底腋，在2-3月的天氣使用，保濕得來又唔會太焗，遮瑕度中等，如果日常用不追求精緻的妝，係不錯的選擇。

choichoi好用推薦：沒有特別驚艷，算是品牌中相對令我失望的產品，有點透薄過頭（汗），而且遮瑕度屬一般般

beanya好用推薦：容易推開，遮瑕都不錯，上兩層已經可以遮到暗瘡印同淡斑，可惜唔夠潤。

CC好用推薦：今次去兩日三夜旅行，唔想帶正裝化妝品，就從櫃桶抽咗一包 Dior 二十四小時長效底妝 帶埋去，沒想到竟然有意外驚喜！✨ 作為油敏肌代表，當天要喺戶外拍攝，天气開始炎熱又流汗，但妝效依然好持久，完全冇融妝或脫妝的情況👍 而且面上嘅紅印同泛紅，都被輕易覆蓋得幾自然，自然光下都OK～ 用完即刻有啲被種草！😍 不過價錢真係好貴，有啲卻步…如果有特價或折扣，應該會認真考慮入手啦！

Lydia好用推薦：Maybelline 月光小忌廉 — KOL 吹捧得太勁？實際用落妝感偏厚兼易浮粉 🫠 質地： 一開始係見到好多 KOL 同網紅推介，話佢質地滑、上妝快先入手。 摸上手係幾 creamy 嘅，不過上臉之後發現佢轉粉嘅速度快到有啲難推得勻。 如果唔係好快手咁印開，好容易會有一噠噠嘅感覺， 觸感上雖然唔油，但會 feel 到有一層嘢遮住皮膚咁，唔算好舒服。 效果： 可以讚嘅係遮瑕力真係幾高， 基本上如果你想遮晒啲痘印，佢係做得到嘅。 啱啱完妝嗰下，霧面感係幾強， 影相睇落好似磨咗皮咁，但現實中睇係幾厚妝。 缺點： 原本以為佢會好似廣告講到咁持久，但效果不如預期。 我用咗唔夠半日，個妝已經開始有啲甩， 最尷尬係佢氧化得幾明顯，原本揀啱嘅色號，過咗陣就變灰咗，成塊面睇落好攰。 加上持妝力一般，出咗少少油之後，粉體就開始同油脂分離， 鼻翼同眼底位出現咗卡粉同斑駁。 原本見 KOL 用得咁靚以為係神器，點知用喺自己臉上就好容浮粉， 體會唔到嗰種「SuperStay」嘅持久感，反而係要不停照鏡補妝orz 總結：名過其實，遮瑕力高但持妝同妝感都係一般 Maybelline 呢款粉底膏對我嚟講

Meoww好用推薦：KOL力捧好好用，非常之期待！點知完全係勁失望😭 遮瑕能力低，上面後皮膚好乾，浮粉😨 附送粉撲吾好用，較難控制拿捏上妝份量，妝感較重😣伏了🙈🙈

A&R好用推薦：Armani 粉底液都真係幾好用，一印上皮膚即刻遮蓋豆印，化咗成日都冇甩妝，好貼服。就算好熱成身汗都好，印走小小色，但係都依然keep到底色，可以遮蓋毛孔同膚色均勻。保濕度都高，冷氣房唔會令皮膚好乾燥甩皮。又控油，又熱又焗嘅天氣皮膚都唔會好快油光滿面。

TY好用推薦：粉底推開可以推到幾透薄，試過唔同上妝方法，用手指+美妝蛋上修飾力較好，用粉底棒會太薄。 遮瑕度大概八成，毛孔就唔係太修飾到，偏向自然妝效。持妝度都強，坐 office 一日都唔太需要補妝，晏晝補少少鼻位就 ok。 如果皮膚冇乜大問題只係有印用佢會做到幾自然嘅妝效，但好似我咁需要修飾毛孔佢就唔足夠。

Karen好用推薦：香港天氣又濕又熱, 特別容易溶妝！而粉底液係我每天必用嘅化妝品, 塗上粉底後再加上遮瑕產品, 最怕就係太過厚重嘅妝容同埋妝效唔持久😣！ 最近試用咗 CHARLOTTE TILBURY 輕盈無瑕粉底液, 遮瑕度高, 但妝效夠自然, 全日持久, 而且輕盈貼服, 非常適合在香港潮濕悶熱嘅天氣底下使用, CP值超高💖 我揀咗 NEUTRAL色調, 顏色較適合我嘅膚色, 能瞬間撫平毛孔細紋, 質感輕盈貼服, 潮濕天氣下都唔會脫妝, 全日保持啞緻妝感, 能營造透薄自然妝效之餘, 同時提供持續保濕💦！ 🔸質地︰粉底呈濃稠乳液質地, 都幾易推開, 其遮瑕覆蓋度高但質地又夠透薄, 輕盈貼服, 零厚重感💕 🔸妝感︰使用輕盈無瑕粉底液後, 可見泛紅位置、瑕疵同細紋瞬間消失, 搽少少已經可以遮曬啲瑕疵, 質感啞緻, 有高度遮瑕嘅效果！我鍾意佢帶來嘅啞緻妝效❤️ 重點係唔易變色氧化, 防水防汗, 控油效果都唔錯, 一整天都唔會出油☺️ 總括而言, 呢款粉底液輕薄貼膚, 其遮瑕度高, 能完美修飾毛孔同細紋, 毛孔變得細緻, 整體妝效持久, 推介俾各位👍🏻！

Fng好用推薦：我買咗3號色，係中性tone比較淺色， 融合到我 嘅膚色，同埋佢妝效係偏向無瑕， 遮瑕度高， 少少份量已經足夠遮到我嘅雀斑同 黑眼圈， 我用半泵就夠，一bump太多，就會粉感好重，另外保濕度適中，唔覺得太控油， 乾皮的我到夜晚會有少少乾，要用比較保濕嘅碎粉定妝，咁妝容就比較就perfect。