日本遮瑕 推薦好用產品

Hchan好用推薦：早前看到歐美及日本都很推橙色的眼部遮瑕膏，說遮黑眼圈效果十分好，我的黑眼圈不算重，只有睡眠不足才會跑出來的那種青黑色黑眼圈，不過化妝時用平時的膚色遮瑕膏後還是會帶點灰，對妝效不太滿意，網上爬文後說這盒很好用就買來試試。 這盒會先校色再遮瑕，先用橙色那塊塗在黑眼圈的部分，推開後再用膚色那塊遮蓋橙色的部分推勻即可修正眼部的膚色，後續便如常上粉底及定妝。 它是膏狀的質地，滋潤不乾，由於質地較杰身，建議一點點上再慢慢印開，橙色也不要一次上太多，否則要多用膚色遮瑕來遮蓋的話效果會不夠自然；不過它不會顯乾紋及結塊，印開後妝感輕薄，遮黑眼圈的效果比想像中好，價錢也比市面上那些有用但昂貴的眼部遮瑕膏便宜，性價比高，有眼部膚色暗沉、啡色或青黑色黑眼圈困擾的人都相當推薦購買。

Sccan好用推薦：近日天氣太熱開冷氣都瞓得唔好， 本身沒有黑眼圈問題， 所以唔夠瞓出現嘅都係青黑眼圈加皮膚粗糙乾燥。 一向都懶用一般遮暇膏遮黑眼圈，但結果就係眼圈灰灰黑黑咁，感覺好污糟， 最後即刻去買依隻係日本火左好耐嘅黑眼圈專用嘅紅橙+裸膚雙色遮暇膏，依款好處係青黑/棕啡黑眼圈都岩用。 使用方法好簡單，先用紅橙色薄塗係青黑/棕啡位置， 用遮暇掃/美妝蛋印開，你仍然會見到一片橙色，唔洗擔心唔係咁就完，之後再用裸膚色疊蓋係紅橙色上面，再用裸膚色針對淚溝填上印開，最後正常上粉底就完成。 效果： 有效較正/提亮黑眼圈深沉，遮蓋淚溝 色號： 紅橙色+裸膚色（雙色） 質地： 柔軟膏狀，易推開，透薄 優點： 保濕能力強，重覆疊加也不會結塊，遮暇力強 缺點： 紅橙色用量要少，否則會過紅 #夏日必備彩妝

Desse好用推薦：EXCEL Slient Cover Concealer 坊間好鐘意叫佢做ipsa平替.. 皆因佢係ipsa嘅一半價錢.. 但同等質素💪🏻 三種顏色可以根據自身需要而溝色⭐️ 深色～ 遮蓋痘疤嘅深色 三文魚色～修飾黑眼圈 淺色～ 修飾泛紅毛孔 我自己平時會指腹上.. 我偏好用三文魚色遮完眼袋.. 再輕輕印一層淺色提亮🧏🏻‍♀️ 而痘印.. 亦一樣.. 先用深色遮咗.. 再用淺色較正🧏🏻‍♀️ 🪻🪻🪻 不過記得別太重手.. 畢竟眼部肌膚比較薄.. 上得太多易會拉扯.. 亦容易起乾紋

KDing好用推薦：坊間有好多三色遮瑕膏，Excel 呢款同樣都有可調色的功能，對於唔知點揀顏色既新手黎講係好入門的產品。 Excel呢款遮瑕膚偏乾少少，佢唔係油潤型遮瑕，但呢個唔係缺點，好視乎本身膚質使用，比較遮痘痘用呢款偏乾少流動性既遮瑕，會比較易遮紅腫地方，唔會咁易blend走。如果要遮眼底黑眼圈，適合非乾肌同埋眼紋唔多既人用，所以要了解自己膚況再買。 持妝力方面，雖然佢本身乾身少少，但係佢又唔會隨時間而拔乾左皮膚，感覺都唔錯。 另外佢配附既掃具有兩頭，一邊扁平寬身少少 咁大范圍用，另一邊幼頭岩用點點既方式上係細微既位置。年末想要靚靚咁見人，簡單易用既遮瑕係好緊要！ 遮瑕力：4/5 流動性：2/5 （視乎膚質需求）

Anna好用推薦：一直都用開 IPSA 的零瑕修飾遮瑕霜 EX SPF25 PA+++，︀心得就係覺得佢好實用，︀小小的一個盒仔就可以幫到我所有的遮瑕需要，︀無論喺屋企、出街或者喺公司，︀隨時隨地都可以用，︀方便容易使用效果亦非常好，︀再加上價錢又唔貴、質量又好、信心有保證、又可以自行溝出需要的份量、不會過多或過少。

Rosa好用推薦：遮瑕膏質感延展性很好，非常容易推開 我主要使用在眼袋淚溝位置，遮蓋得非常好 而且好滋潤唔會太乾 有三款款式係可以選擇 我有時會自己混色都非常方便 我覺得這款遮瑕膏適合任何皮膚膚質使用 價錢有適中 我非常推薦給所有人使用 而且佢已經內有遮瑕掃 無論用掃上或者手指上都非常貼

Kakar好用推薦：好多人都話呢個牌子既遮暇好用，好可惜呢隻遮暇係唔適合我。我買呢款遮暇係03色，專用黎遮黑眼圈。 質地上佢的確好滋潤，不過我皮膚唔係特別乾或油，所以無特別需要咁滋潤。 我已經盡量上薄d，但係始終都係要先上橙米色，再上膚色，一上碎粉定妝就出事，勁顯眼紋。我諗年輕一點無眼紋既人用呢款係ok，但我唔太岩用。 另外我黑眼圈係偏啡色，原來03色既橙米色再上眼，好似唔太幫到調色，反而好似眼圈位變左橙色一撻。睇黎我都係岩偏向蜜桃色既調色遮暇。

Fish Tse好用推薦：Canmake既遮瑕膏相信好多人都有用過，因為性價比真係好高，有四款唔同色號可以選擇我用既係03色 我主要係遮黑眼圈位置通常我先會用佢配置既掃，打圈激活左遮瑕膏(三文魚色)之後就會用掃擺住黑眼圈最重既位置，之後等一分鐘左右就掃開邊緣位 我會再用手指印一印，因為手指有熱力會令遮瑕膏更加抓實肌膚冇咁容易溶妝，之後就會揀提亮色係淚溝個到做提亮，如果有sis有暗瘡、痘印要遮可以用中間個格遮瑕膏去遮 哩款遮瑕膏比較滋潤冇咁易溶妝，遮完之後上碎粉可以持妝一整日

Fng好用推薦：Addiction Skin reflect fresh concealer palette 四色遮瑕盤 # 001 比較啱皮膚偏白嘅人用🤍，左上係遮黑眼圈嘅 右上係highlight ，左下係提亮色， 右下可以用只遮啲小斑點/痘印，基本上一盒已經可以處理哂全部皮膚嘅瑕疵， 質地水潤，不會卡粉。

Hoilly好用推薦：係膏狀既4色遮瑕膏～容易推開，不會顯乾紋。最愛是左上角既三文魚色，用黎遮 千年黑眼圈 一流👍🏻👍🏻！下面2隻色 用嚟 遮暗瘡、暗瘡印，直接上係重點遮瑕嘅位置再用掃慢慢係周邊blend 開佢。最後，可用右上個格作打亮，令妝容更立體！✨

YiN好用推薦：無論睇中文定日文嘅美妝sns，最hit一定係呢枝藍色遮瑕，可以話係日本旅遊必買。我今次去日本旅行，特登去啲唔係遊客區嘅藥妝店，終於俾我買到枝黎試！包裝係正正常常遮瑕液嘅包裝，冇乜好挑剔。搽出嚟係好淡嘅藍色，有銀底嘅反光，冇閃粉。質地比一般遮瑕膏偏水偏透薄，但又未水到話可以將佢推得好遠，對於局部提亮黎講係個啱啱好嘅質地。拍開之後提亮效果係非常明顯，尤其是我膚色唔係非常白，佢嘅藍色除咗提高色階亦有中和黃氣嘅效果，上面明顯見到增加咗透明感。 試咗一排，我主要用佢黎提亮眼下三角位同鼻樑，令塊面顯得脹卜卜啲。個人覺得粉底後用個效果出啲，暫時冇話會同底妝打交嘅情況。不過我本身膚色問題，太有透明感就會顯得面色差，所以我都會用胭脂做返個血色感平衡。 整體我覺得係好用係值得入手嘅，但冇必要為咗買佢而好貴搵代購，或者為咗買佢而破壞旅行嘅行程，隨緣見到就買就好。 #火熱新品

Yandy0425好用推薦：行左好多間藥妝店先買到，藍色提亮液♥️ 好水潤，唔係油光果隻 blend開之後好自然 平時上完粉底之後就用，唔會整花個底妝。 又唔卡粉，混油用，個鼻要用少少碎粉定妝。 提亮感會少左dd, 但妝感仲自然 用完會再回購♥️♥️ #火熱新品

Hw226好用推薦：踏入輕熟年齡，骨膠原開始加快流失，面珠唔再脹卜卜，淚溝仲愈黎愈勁，好困擾啊….久聞MUF嘅H100係淚溝神器，但細細一盒2xx，新版比舊版再白啲，自然膚色嘅我遲遲唔捨得入手啊。 不過，早排行過cosme見到呢盒遮瑕粉，聲稱顏色配搭下痘印紅印膚色不均黑眼圈淚溝都可以遮到，$78看似cp值極高就秒速入手😂😂😂😂😂😂買嘅係02色，行咗好多間都冇01號色，相信因為係期間發售商品加上4月推出嘅關係01色已經售罄。 盒入面附上嘅刷頭偏大，爪粉力唔強，加上佢每個顏色嘅粉其實好窄，比較難拎到想要嘅色。當用刷來回埽想拎多啲粉嘅時候，就發現好多粉飛左出黎。一開始用個時會跟cosme門市影嘅方法去遮黑眼圈同淚溝，嘗試tune返眼底顏色，不過呢盒野需要時間揣摩，好易用到中間三文魚色就會重手左返唔到轉頭，所以都係少量多次咁上眼最穩陣。 我自己試左1個月之後暫時係呢個上眼次序: CDE—>ABCDE—>A 上到眼係一個自然效果，黑眼圈淚溝並唔係100%冇晒，但都遮到7成。由於佢係粉狀關係為免卡粉/顯眼紋，建議避免眼底搽太多產品。如果想重點提亮淚溝，可以另外用刷點落條抗度，

KDing好用推薦：入手呢盒遮瑕粉都係比台灣youtuber燒到，用起上黎同想像有啲落差。 本人黑眼圈比較嚴重，帶深青紫色，雖然遮瑕粉有唔同顏色可以調和黑眼圈本身的色調，但係本身黑眼圈太深色，所以唔係好遮得曬。你可以睇到我嘅示範圖，佢即刻可以輕微遮到少少深度嘅黑眼圈，但係想要完全遮蓋嘅話個力度就唔係太強。粉狀遮瑕好岩拎出街去補妝，唔怕又要拎多個定妝產品。 呢款遮瑕粉都係比較適合眼部遮瑕唔係太強嘅人去使用或者用佢一啲打量嘅地方可能效果會好少少。 遮瑕度：2/5 自然度：4/5

Circlecyy20好用推薦：遮瑕度高 但質地較厚同埋流動性唔高 唔太適合用係眼底 會好易起乾紋

格仔餅公主好用推薦：遮瑕黎講屬於濕潤度高唔洗打底都唔太洗擔心會kick粉眼底勁醜怪，兩隻色但好實用岩哂遮眼圈同痘印或者色素印

mavis好用推薦：遮瑕膏好水潤透薄 適合用喺眼底遮瑕提亮 唔會突顯眼紋 會回購👍🏻

ZoeTung好用推薦：之前用嘅植村秀遮瑕筆係扭扭款（上一代） 個人覺得幾好用 所以出咗新款 都有買 今次買嘅係 5 light色 用黎遮黑眼圈岩岩好 唔會暗沉 又唔會乾 如果遮比較深色啲嘅痘印 就要多1-2 次遮瑕先遮到 不過佢仲有勁多顏色選擇 如果想遮深色啲嘅印 都可以揀其他色

Fng好用推薦：IPSA遮瑕膏， 出咗好多年， 都keep住有人讚佢好用， 去旅行見到就買嚟試下。 啱我中性偏乾膚質，用後感覺很好，持妝10小時也ok， 三個色調都啱亞洲人黃皮膚使用。 產品質感： 膏狀質感, 但是挺滋潤的 遮瑕效果： 少量多次慢慢耐心勻開，覺得還不錯 保濕效果： 比較滋潤的 ，不會移位，沒氧化 其他特色： 顏值簡約，附小巧掃子, 方便攜帶出街補妝

Candy Ng好用推薦：我認為佢的遮瑕程度係高嘅，適合黑眼圈比較黑的人士使用。 不過，佢嘅質地比較偏乾，好似我咁樣係屬於乾肌嘅人士,要睇天氣來用啦。

wintonggg好用推薦：佢筆嘅設計好方便，遮瑕力都好高，但比較厚重，難推開，偏乾左D。

mysecretgarden好用推薦：遮瑕度高， 輕輕拍幾下已經遮擋暗瘡， 但質地比較厚身難推開， 質地較乾較粉狀， 夏天用會較好

iliya 好用推薦：呢款遮瑕液轉為雙眼嘅黑眼圈而設，只需喺黑眼圈上點兩下，再輕輕印開，就可以完美遮住個黑眼圈，妝效自然！

Verna好用推薦：這是為雙眼而設的遮瑕液，它的質地不會太乾太稠，只需在黑眼圈位置點兩三點，再用無名指輕輕印開，就可以把黑眼圈遮得七七八八，而且顏色也很自然 我覺得它的海綿頭非常方便，沾取的份量不會過多或過少，剛剛好 而且它的成份有抗老化保濕精華，可以保持眼周皮膚滋潤，不容易因乾燥而顯眼紋

WSY好用推薦：呢支遮瑕膏嘅遮瑕力一般，可能要上多一兩層先至會好啲。但上多都唔怕有紋

Stzlll好用推薦：canmake 遮瑕膏🥰 買嘅時候係因為要影相然後又覺得以前嘅遮瑕膏搞到對眼好乾所以先買🛍️ 之後發現超好用🤩 遮瑕膏夠滋潤 用咗幾個鐘都唔覺得繃緊🥰 同埋遮黑眼圈效果唔錯💖 睇落會好自然❤️ 但係呢枝好似已經絕版🥺 如果用晒會買新版🛍️ 圖2 上：顏色（厚塗） 下左：薄塗 下右：推開後

Karman28好用推薦：完全不明白為什麼會停產！用過的遮暇裡面最好用的一款，用來遮黑眼圈非常好，面上的痘印也可以遮到。掃的大細長短剛剛好，當時售貨員給我多兩支掃，現在用其他牌子的遮暇我也是配ettusais 既掃用

Chi好用推薦：都幾好用，保濕力好好，放喺眼底都唔會出事 遮瑕力一般，幾自然透薄，兩隻色可以調到自己啱膚色為止 而且佢sell自己不致痘，成份安全，都放心用既 不過健康膚色未必岩用，最好試下先買，專櫃一定有tester

Yin_sharing好用推薦：見價錢幾平買來試吓。本來主要想用嚟遮黑眼圈，但質地實在偏乾，半日未到眼紋反而仲明顯🙈🙈 遮暗瘡印都算遮到，但如果粉底少少溶妝，呢款遮瑕會特別明顯有個乾印，所以用咗幾次就冇再用過。

Chloeeee好用推薦：三隻色好方便，可以按需要查係唔同位置。不過，要注意佢比較亁，用起上嚟好易有紋，所以要注意保濕做好啲。另外，佢附送嘅掃用落去一般般，所以自己比較少用。

lingbb好用推薦：- 雖然唔鐘意呢種會令到個盒好污漕既遮瑕盒，但由於佢係由天然礦物質+植物油製成嘅遮瑕調色盤，對皮膚溫和低刺激配方，可以用肥皂去卸走佢，皮膚敏感時都用得。 - 遮瑕度我覺得係中度遮瑕，唔乾﹑ 附帶有刷子同海綿頭 , 刷子用黎遮蓋黑眼圈﹑膚色暗沉地方、暗瘡等瑕疵，再用海綿頭Blend開佢令佢更貼面， 持久度一般，拎出街補都方便 - 含有改善肌膚問題的美膚成分：維生素C衍生物、杏仁油、牛油果油、玫瑰果油、葵花籽油、甘草次酸硬脂酸酯 - ❌不含表面活性劑、礦物油、矽樹脂、焦油色素、香料、對羥基苯甲酸酯、酒精或紫外線吸收劑 ， -👍🏻推薦俾敏感肌用！但一定要勤力d洗同更換枝刷!

SUM好用推薦：本身我個人眼底比較敏感，唔係每一款遮瑕膏都啱用，試過用其他牌子，用完之後隻眼就腫左幾日，之後決定買etvos嘅遮瑕膏試下，今次終於冇敏感！ 膏體質感十分保濕，眼底乾嘅都可以試下，中間深橘色嘅可以用黎遮黑眼圈，上面深肉色可以遮紅印同痘痘，最下面用黎提亮眼溝，遮瑕效果都可以，大約遮到8成多，不過可能我黑眼圈較重，唔算遮得太好。 另外，遮瑕膏附送嘅刷都幾好用，一邊係普通刷頭，另一邊就係海棉頭，用稱遮痘印啱啱好！

iliya 好用推薦：呢款係我用過最唔鍾意嘅遮瑕產品，雖然同時有三隻顏色可以配搭，但因為質地太黏稠太厚，好難推開，令到妝容唔夠自然🫣

YolandaAuYeung好用推薦：質地較厚重、並不幼滑，需用指溫熱力令遮瑕膏與肌膚溶合，遮瑕是不錯的，但此產品較易令死皮更明顯，建議選擇保濕度高的底霜打底，避免小皮屑現形。（苦笑）

Catzy好用推薦：我本身都好介意自己面頰兩邊啲毛孔好粗大，所以都有買開啲淡化毛孔嘅遮遐產品，呢隻都算係唔錯嘅一隻，值得推薦。

Kathy好用推薦：呢個價錢有呢個效果嘅遮瑕簡直係超值！易推，夠滋潤貼服，遮瑕力強遮到我千年黑眼圈。但係得2度色揀，我屬於自然膚色，用深1度嘅20號色覺得偏白，但當做埋提亮係ok的

Apate好用推薦：遮瑕力一般，我最唔鐘意嘅地方係佢太乾太難推，變咗一pat嘢感覺太重。

格仔餅公主好用推薦：有啲厚同埋乾，唔太岩我，佢搽上面估下有啲難blend開令到成個效果出黎有啲唔自然，好彩唔係特別貴，試過就算

WSY好用推薦：呢款質地輕透比較水潤、輕薄，適合比較大範圍的遮瑕。但對於嚴重嘅黑眼圈遮瑕力不足