專櫃胭脂 推薦好用產品

Emily Leung好用推薦：全網第一！Nars 新色腮紅Please me🌸 Nars好會起名字！這個名字叫Please Me取悅我！專櫃試色好美，馬上激情下單購買！ 原相機自然光拍攝📷 這款胭脂是冷紫粉色，完全不挑皮。黃皮塗是清冷氣質美女！橄欖皮塗上直接白到白光。閃粉特別明顯，像月光一樣的細膩碎鑽感。 整體試色跟高潮有點像，揉開底色不明顯。本人覺得更適合跟啞光腮紅局部疊塗，或做高光使用。

Kmggigi好用推薦：NARS Blush 高顯色、柔滑又有光澤嘅完美胭脂！✨ NARS嘅胭脂果然冇令我失望！ 粉質非常細膩柔滑， 用胭脂掃輕輕取粉都完全唔會飛粉，質感一流 上臉後非常貼膚，妝容自然又乾淨😆 我呢隻色係高顯色嘅類型， 所以用嘅時候記得要輕手上妝， 再用胭脂掃均勻推開，慢慢疊加， 效果會更加細緻自然 呢隻色非常顯氣色，仲帶有細緻嘅珠光閃粉， 上臉之後會有一種微微嘅光澤感，令妝效睇落充滿元氣又唔會過於誇張，日常同派對妝容都非常適合！ 💕

Kitty 好用推薦：講真，一開始見到pansy pop呢隻色真係有啲猶豫，因為佢係偏淡紫調嘅胭脂，聽落好似好難carry咁。但試上臉之後——嘩！完全驚艷！😍 質地同顯色度： 小雛菊胭脂出名粉質細膩，呢隻15號都唔例外！壓粉實淨，唔會飛粉，上臉好易暈開。雖然睇落紫色好似好誇張，但實際上臉係一種好自然嘅粉調淡紫色，仲帶微微光澤感，唔會閃到變十八銅人，係好貼服嘅自然光澤～ 效果同膚色適用度： 我自己係黃二白膚色，本來驚紫色會顯黃或者突兀，點知完全唔會！反而佢可以有效中和膚色嘅黃氣，睇落個妝感更通透同白皙💡。如果係白皮用，效果仲仙氣，好似天生好氣色咁！就算係暗沉肌，用佢都可以即刻提亮，仲有種偽冷白皮嘅感覺～ 點樣用最好？ 我通常用掃子輕輕沾取，喺蘋果肌位置打圈掃上，少量多次就最自然。因為顯色度中等，唔會一掃就變關公，新手都好易掌控。如果想個妝更持久，可以輕輕撲層碎粉再上胭脂，咁就可以keep成日都唔掉色～ 總結： ✅ 優點：自然提氣色、黃皮友好、粉質細膩、持久度不錯 ❌ 注意：如果膚色偏深可能唔太顯色，建議去專櫃試咗先～ 總括來講，Clinique呢隻pansy pop真係一隻宝藏

bellahly好用推薦：雛菊胭脂已經好多年，好多KOL或者Beauty blogger都好鍾意用。 我買呢隻係06 Nude Pop，係比較自然嘅顏色，有少少珠光色，上面之後係一種輕微嘅血色透出來，睇落好似氣息好好，非常之自然。 呢一隻胭脂比較容易上色，所以用掃上嘅時候要小心份量。而且比起其他胭脂都叫做持久。 可以趁佢有折或者有套裝嘅時候一次過買幾隻色，下次我會補埋想要嘅另外兩隻色。

Fng好用推薦：Laura mercier 嘅胭脂 出名顯色又高持久度，試過真係， 我購入 大熱色號CHAI， 非常之百搭， 任何妝容基本上都配搭到，唔會突兀。

mcosmetics好用推薦：Laura Mercier嘅胭脂係數一數二好用嘅胭脂～粉質幼細，blend開好自然唔會有邊界感。持久度高，帶妝一日基本上唔洗補妝，唔會卡粉/顯毛孔。除左好多人推介嘅Ginger色，我覺得Rose呢隻顏色更加顯氣息，好似跑完步天生會有嘅紅潤感咁🩷 顯色度高，用掃輕輕力沾已經好均勻： 氣息🆙🆙🆙

Camilalkw好用推薦：呢盒嘢用咗兩年幾 都未用完😆我係蒲公英胭脂嘅忠實粉絲 超級鍾意呢隻粉紅色 溫柔得來又有點氣息 嚟緊諗住再回購 最左邊嗰隻色都幾靚 薄薄地上一層就夠 中間的閃粉我覺得啲閃有啲粗 唔夠自然 比較少用

Fng好用推薦：粉質細緻， 與妝容融為一體，夠貼服，上多幾層都唔會誇張， last到一整日。

TinaWongLK好用推薦：𝗕𝗘𝗡𝗘𝗙𝗜𝗧 — 𝗗𝗔𝗡𝗗𝗘𝗟𝗜𝗢𝗡蒲公英柔嫩粉紅色胭脂蜜粉 平時諗唔到用咩胭脂 可以用呢盒 最穩陣 最安全 顏色又好好睇💕 仲吾會有飛粉情況出現 *Mini size 有排都未用曬

Fng好用推薦：benefit蒲公英胭脂 ，都係紅咗好耐嘅妝品。佢淡淡粉紅色，搽落去夠曬自然， 手殘都好容易handle。 如果諗唔到嗰日用邊隻胭脂，不其然會想起用佢，夠曬自然顯白 💖，同埋就算搽多幾層都唔會好突兀， 裝感自然又持久。❤️🩷🧡💛💚💙🩵💜🤎

mssylviaa好用推薦：第一次用SUQQU嘅產品，揀咗胭脂入手 日本嘅專櫃姐姐俾咗幾隻色我試，有特別提到6號色嘅漸變色可以多啲用法，可以撈埋嚟掃營造均勻嘅胭脂色，單用最淺色嗰邊亦可以用嚟做highlight 胭脂盒好薄，盒入面附送一個細掃，出街用都好方便。啲粉好滑，上一層已經好上色，係櫻花妹嘅淡粉紅，伴侶大讚出色，話有令人心動嘅感覺😝個妝化咗一日都keep到～ SUQQU不愧為日本必買嘅化妝品，我已經諗好下次要試埋佢嘅皇牌粉底！😬

wintonggg好用推薦：超靚嘅漸層，黃皮掃上去好提亮，好靚，不過有小小飛粉，但整體來講幾好

chewyfruit好用推薦：NARS 胭脂液 #Behave：偽素顏嘅「心機」神器！ 兄弟姊妹們，如果你同我一樣，成日貪快想幾筆搞掂個妝，然後塊面睇落又係好似天生咁好氣息，咁呢支NARS胭脂液（Powerliquid Blush）你真係要認識下！今次試呢隻 #Behave 色號，名就係「行為良好」，睇下佢點樣乖乖地令你變靚！ 第一印象：支裝高級，掃頭幾好用 支裝係NARS一貫嘅磨砂黑，睇落幾高級。最正係個掃頭！係斜角設計，軟硬適中，一拎出嚟就可以直接點上塊面，唔使再用手指或者化妝掃，對於趕時間嘅朝早真係超方便！ 質地同顏色：似啫喱又似水 個質地好得意，一搽上去係水水的，好快就會變咗啞緻。隻 #Behave 色係一隻好靚嘅暖調豆沙粉，唔會太紅又唔會太橙，係嗰種「你塊面自己透出嚟嘅紅暈」咁，好自然好溫柔，黃皮膚同白皮膚都用得到，係偽素顏嘅絕配！ 上臉效果：好似天生咁好氣息 1. 融合度： 呢樣係佢最犀利嘅地方！因為係液體，同底妝可以話係「融為一體」，完全冇粉感，睇落就好似你自己塊面透出嚟嘅紅潤咁，好貼服，唔會一撻撻。 2. 顯色度： 超級顯色！呢度要劃重點：千祈唔好一唧就一大篤！ 因為佢好濃色，我建議一開始唧一

Emily Leung好用推薦：嫩進我心巴了！！Nars超美液體水光胭脂！ Behave色號 是那種超嫩的豆沙色，指尖蘸一點拍上，根本不用技巧，隨便暈開就自帶柔焦濾鏡，像皮膚里透出的天然紅暈，啞光中帶一絲微妙光澤，抬氣色一絕，很透亮的媽生好皮感。 液體腮紅有個好處就是質地細膩完全不顯毛孔，而且更好掌握用量，手殘黨必衝！ nars顯色度拿捏得剛好，越拍越淡越自然，疊塗也不斑駁。早八通勤趕時間，偽素顏心機就靠它了！

YY好用推薦：Dior 既化妝品一向高貴又靚，依個係上年聖誕🎄買既玫瑰胭脂，Dior字既壓花好靚😍 今年仲有出埋紅色同橙色添～ 我屬於黃一白，都岩用🥰雖然睇落似死亡Barbie 粉，但其實只係淡淡地，顯色度唔係想像咁高，算易用！依盒胭脂仲好似話會追蹤Ph值變色，依點就唔係好覺😅 我用平頭胭脂掃逐層疊加上去，效果自然提氣質！平頭掃上胭脂快，而且效果自然，逐下逐下點上蘋果肌，化妝新手都易控制。價錢方面都唔算貴 依個胭脂適合白淨皮膚使用，呈現透亮妝感，少女感up🩷🩷🩷

Ressie14好用推薦：呢盒胭脂買咗咁耐，終於學識咗點樣為臉蛋添上可愛既胭脂！ 由於我最近勤用美白&抗氧化精華產品，膚色好咗好多，相比之前黃皮膚，而家白咗1-1.5度，終於可以配得起呢隻Dior少女感粉紅色既胭脂。 我用一支胭脂掃從粉盒取顏色， 然後用面紙巾印走多餘粉末， 兼且將粉胭脂數嘅粉末均勻上掃， 輕輕飲一次、兩次，顏色慢慢呈現在臉上； 加上呢隻胭脂有體感變色功能，所以出門前掃少少已經非常非常足夠。 呢隻顏色掃上臉蛋，相比其他現有嘅胭脂產品，好有溫柔少女風 ！ 不過胭脂呢一項美妝產品比較冷門啲，然而如果拿捏得到，一定可以令愛美的網友減齡+增添親和力 

❤MingMing❤share_beautyird好用推薦：Armani Beauty 胭脂液，真係好用到爆！推薦❤️❤️ 首先，佢外表就已經好靚好吸引，淺粉紅色外殼配鏡色嘅標誌性Armani Logo，非常有質感。 然後胭脂液並唔係水狀，而係似唇彩一樣有點潤澤嘅質地，睇圖就見到佢會有微微反光。而且佢非常好推！！只要點喺面上，慢慢推開佢，佢就會變得好均勻。 最正嘅係佢推開之後，出嚟嘅色澤非常自然唔會「硬綁綁」，有種天生紅潤嘅好氣息；而且會為臉頰帶上光澤感——但呢種光澤感又同珠光唔一樣，係一種更水潤更自然嘅亮澤效果，俾人一種皮膚好好嘅感覺。 雖然睇落去細細枝、價格比較高，但我真心覺得物有所值！大推大家try try ❣️❣️

Hamiii好用推薦：手殘黨慎用 我自己算雷左 唔太控制到份量 一係深左一係淺左 重點 掛住控色度 就拍得唔好 明顯有痕 手殘黨都係乖乖地用粉啦😶‍🌫️

dooudu好用推薦：我最喜欢的腮红，香奈儿440号。非常粉嫩适合偏白肤质的女生， 涂上很显年轻！推荐推荐！

Fng好用推薦：12# 粉嫩粉嫩嘅裸茶色，妝效持久，有些許珠光， 粉質幼細 ，有些味香味， 包裝有質感。

Fng好用推薦：喺專櫃度買，我買咗643stand out 色號，係正宗橙色 。有好細的閃粉，但係唔多覺閃，十分低調的閃。佢顯色度十分高，又持久，基本上由朝早到夜晚都冇點甩，它容易blend開，但係一定要搵比較鬆嘅化妝掃去blend，如果唔係，就會好顯色，妝容會好誇張。

bibubibu好用推薦：顏色係826 Galactic red 佢係2022聖誕限量版 所以上面有好靚嘅星圖壓花 唔捨得用 顏色都幾顯色 有閃粉 持久度正常 粉質普通 以佢嘅價位可以有更好表現 盒內附贈嘅掃質素一般 有啲拮面 用佢上色亦唔均勻 用其他掃上效果會比較好 包裝方面都係鋼琴面嘅黑色 拎上手就有少少膠 少少輕手 有個絨布袋裝住佢 防止刮花 買來當收藏品或者送禮都唔錯 但如果買來使用嘅話 我覺得呢個價位可以有其他選擇

Fng好用推薦：benefit 胭脂液唔好睇佢外表顏色咁紅， 就以為佢好難handle ，其實佢上臉後展現出嚟嘅係 好透薄嘅紅潤感，好自然，裝效十分持久， 自然融入粉底， 佢產品稱可以塗上唇，我試驗過 ，又係唔甩色，非常之持久， 但我本人唇色比較淺，所以可以用嚟作唇液，如果嘴唇 比較深色，佢就cover唔到你本身嘅唇色。

Sarah好用推薦：可以一物多用 當作腮紅 或者唇彩 顯色度和持久度都唔錯 而且水潤有光澤 不會引致粉刺 很安心

lingbb好用推薦：- #warm soul隻色真係好靚，奶茶x杏色，好溫柔，人畜無害既感覺 ️ - 好岩係秋冬做好自然既修容，有一點點金色既光澤，低調顯氣質、低調的溫暖 - 粉質細膩唔飛粉，疊加先會比較顯色。 - 覺得呢隻色算係幾百搭 ，襯咩膚色都好適合 - 推薦俾所有人❤️

Lumi Kwan好用推薦：凌角feel讀者必看: 而家興韓系氛圍感，重點大面積胭脂，面部強調水潤「波光感」，有減齡、修飾面型效果。所以我會兩隻色mix黎用，今次示範warm tone。 用上空氣感礦物胭脂warm soul，係一個珠光色，中意佢有珠光，我面大好需要立體感，呢個色有膨漲蘋果肌效果，我從顴骨外側往內刷，可以往下延伸到面中、最低唔超過鼻翼就ok，化返低飽和眼影就剛剛好。 時尚胭脂 Pursue your passion嘅色調，就用返做修容，可以重覆頭先珠光位，overlay用，但就記得只打修容位置就ok。 如果當日淡妝，我會用warm soul橫掃，掃埋鼻骨位，帶點可憐感，我腮骨勁，唔可以太凌角feel

Fng好用推薦：Addiction輕柔霧面胭脂液絕對係近年熱門之選！作為黃調肌＋混合偏乾皮，試咗#003溫柔日落（Warm Sunset）之後，發現佢完美解決咗夏天怕胭脂溶妝同顯毛孔嘅問題～ ✨色號點揀？ #003係帶橙調嘅珊瑚色，超適合亞洲黃調肌！上臉自然提氣色，有種曬完太陽微微泛紅嘅感覺，減齡又柔和。黃一白至黃二白用都無違和感，唔會似兩撻野或太誇張。如果膚色偏深嘅話可以考慮#004（深啲嘅玫瑰調），但#003對大部分黃肌來講都安全又自然。 💦質地同效果： 液狀質地非常輕薄，推開後瞬間變霧面粉狀效果，零黏膩感！呢點對香港悶熱天氣極重要～佢唔會加重皮膚負擔或顯毛孔，反而有種「天生好氣色」嘅感覺。持久度驚人——試過30℃出街4小時，胭脂依然貼服無溶妝，無須補搽。 ☀️上妝技巧： 建議用手指或海綿蛋輕拍上妝（點上臉後快速拍開），因為乾得比較快。混合偏乾皮用完全無卡粉或繃緊，反而同粉底融合得好好。顯色度中等，可以層疊加深，新手都易掌控。 總結：呢支胭脂液結合咗液體嘅貼服同粉狀嘅霧面效果，黃調肌用#003號自然又顯白，夏天怕膏狀胭脂溶妝嘅必試！ 推薦給：✔️ 黃肌想找自然橙調胭脂 ✔️ 混合肌需要持久

rachelnoni好用推薦：去補貨買定妝噴霧，見呢款胭脂液有好多顏色選擇，試上手，點知就foggy / glow各買一枝，另外買滿金額送多一枝。 之前有用指甲油裝的胭脂液，少少已經好顯色。今次新版有兩個妝效，foggy係霧面妝感，買左01 Pillow dream，就咁睇顏色好誇張，但由於霧面關係，搽上面係粉嫩淡紫色，有提亮效果。另外glow買左04 healing，係自然色，搽上面係自己好氣色感覺，輕微光澤感。 新版胭脂液感覺輕盈，搽上面感覺舒服。

Hamiii好用推薦：為左個盒既顏值入手既胭脂🌷 至於胭脂本身都好上色，支掃上面亦唔覺得吉:) 整體上係好既.. 只不過我唔覺意買得太紅，呢盒就比較少用😅

Lumi Kwan好用推薦：我呢個係情人節特別版，好靚好靚。外盒一樣有經典格仔，而個胭脂係心心壓紋，兩色入，超級靚！用嘅時候，用返佢個掃仔，輕輕就上到。 佢嘅make up真係幾好，唔係得個名，係有quality !

HYL好用推薦：MAC三文魚色多用膏 可用作眼影但更適合當腮紅 只是真的上妝速度要快 乾的很快

WSY好用推薦：呢款有少少珠光，同埋上妝好耐都唔會甩，亦都唔會乾到甩皮，幾好用！

橘子貓好用推薦：NARS Liquid Blush #Orgasm Nars這款液體胭脂比較偏向乳液狀的，易推但不會很快乾，比較新手友好。持久度不錯。 #Orgasm這個腮紅我有這款液體的也有傳統粉狀的，兩者之中我較喜歡液體的，腮紅可以更好融入底妝，好像天生好氣色，而且金閃沒有粉狀那麼粗和明顯。

Kura好用推薦：呢款液體胭脂又係一用就會完全愛上，上臉效果超自然，又係超百搭所有嘅妝容，特別係日常妝，有種自然嘅氣色透出黎

Lumi Kwan好用推薦：以前每一個少女都一定會有一盒，當其時我買咗嘅係粉紅色，仲要有一個有寶石嘅掃，感覺好夢幻。佢都比較容易上色，冇飛粉情況，不過閃粉比較多，如果已經脫離少女時期，唔太建議用，會有少少扮後生嘅感覺。而家香港已經冇得買了，要買就要去日本。

Noel好用推薦：Layer blush 係個人第一塊 Jill Stuart 胭脂，由於水晶公主風實在很合胃口，從此就跌入深淵🤣 照片中的胭脂已經沒有使用，雖然看上去差了一點，但就是不想掉啊~ 個人喜歡的用法： 先用化妝掃沾取大量左角的淡淡米黃色 ➡️ 再沾其餘三格顏色 / 只選其中一色 ➡️ 掃到面脥 一塊胭脂能做出多個變化，而且帶有JS 化妝品香味🥰 如果對包裝鏡盒有要，而又有充足的預算，實在要入手一個啊❗

mavis好用推薦：方便攜帶，適合補妝使用。上面閃粉幼細自然 唔會太過誇張👍🏻 但同樣價錢會有更好嘅選擇

mandy好用推薦：All-in-one：亮彩膏 NARS The Multiple #COPACABANA #RIVIERA 其實我很喜歡這種 All-in-one彩妝品，特別是膏狀的彩妝有其獨特的魅力, 而且NARS The Multiple 一枝可同時用在眼部、嘴部及雙頰，既方便又抵買! #COPACABANA 是帶珠光的米色, 主要用來作全臉的高光, 可用少量在眼下、眉上、鼻子及下巴, 令面部自然綻放女神光芒, 同時令面部輪廓更立體。 #RIVIERA 是帶自然光澤的粉紅色, 可以當眼影、胭脂 及 唇膏使用。 夏天用上這枝, 可以令雙頰流露自然健康的紅潤血色 配上同色唇妝, 妝效自然協調。    膏狀的彩妝比其他質地更能融入肌膚, 所以膏狀胭脂 也會比其他質地效果自然。 而且夏季時用, 即使流汗溶妝, 也不會很明顯。膏狀的彩妝 只需輕點在面上再推開, 所以不需用化妝掃也能順利上妝, 出街補妝勁方便啊~ 

Candy Ng好用推薦：Addiction 這個款色，係我第一下見到它顏色，用手試它個陣，我係覺得它好"Kam Kam "地。 我差點以為它是適合歐美style 的螢光粉。 不過，當我捽開時，我真係好有驚喜。原來它是令你上臉有淡淡粉色，不是明顯，就是不經意間顯露🤭好適合夏天使用，令大家妝容有少女感💗😂 色號：#002 , #火熱新品

Tobimak好用推薦：#火熱新品 呢支胭脂液妝效自然，唔使太擔心會”重手左”。 佢係沒有香味的，我習慣係首先搽在手上（手指公對落，平時要嚟打排球嗰個位），兩邊印開，然後再印上面，咁樣妝效就會比較好睇。