保濕噴霧 推薦好用產品

June好用推薦：我用咗 BIODERMAB3 水活保濕精華肌底液一排，我係一個28歲嘅女生，平時本身偏乾，同埋皮膚一到換季就好容易覺得粗粗地、冇咁細滑，所以上肌底液我最想睇嘅就係：佢係咪真係可以令底層狀態穩定，跟住再疊上去嗰啲保養會唔會更實際。 我第一下覺得佢好好用係因為質地好水活、唔厚重，推開之後吸收都算快，唔會黏住你或者悶住塊面。一般我擦肌底液都會跟住接精華同乳霜，佢就好啱，因為唔洗等好耐就可以繼續下一步。之後最有感嘅係保濕鎖水呢部分，用咗之後塊面會即刻覺得舒服啲，乾繃嗰種狀態會降落。至於長效方面，我覺得佢唔係擦完即刻退潮嗰類，而係可以令我之後幾個鐘頭保持到相對水潤嘅狀態，所以皮膚冇咁容易因為乾燥再變得粗糙或者暗沉。 用耐咗之後我覺得皮膚表面有變細滑柔嫩，呢個對我好關鍵。以前我會覺得「角質乾到頂住」咁樣，摸落唔夠滑，視覺上亦會覺得膚色唔夠乾淨。宜家呢種粗糙感有下降咗，皮膚摸落更平滑，膚色方面亦有少少提亮嘅感覺，唔係話即刻變白，但係因為冇咁乾同暗啞，所以整體看起來更精神、更清爽。可能呢支對我嘅「老化角質」改善方式就係：佢唔係靠猛力去角質，而係令皮膚狀態回到水潤、表層比較細緻，所以你見到嘅就係膚感變

yykk88好用推薦：BIODERMA 呢支水活保濕精華肌底液質地好水潤清爽，拍上臉秒速吸收，完全唔會有黏笠感。佢幫 T 字位補足水分，反而令出油情況少咗。平日洗完臉第一步用佢，或者用佢嚟濕敷兩頰容易乾嘅位置，保濕效果都OK，加強返後面嘅精華同面霜吸收嘅效果

Cc2016好用推薦：多謝cosme今次嘅邀請🩷 第一次用YHKCare 呢個品牌嘅產品，好開心可以體驗到呢款產品 這款保濕噴霧的噴頭設計幾好，噴霧質地極其細緻，輕輕噴幾下已經可以非常均勻地滋潤全臉，亦不會形成大水珠而弄花妝容它採用了無色無味的純粹配方，沒有任何刺鼻的化學香精，讓人在使用時感到格外的安心與無負擔 喺香港夏天炎熱潮濕的天氣下，這臉部容易泛紅，當從室外暴曬後回到冷氣房，呢個噴霧有助令膚降溫及降紅，保濕鎖水的觸感清爽又舒服 洗完臉之後，亦可以用呢個噴霧幫乾燥的肌膚打底，提升後續保養品的吸收效果 連續使用14天之後，感受到整體皮膚變得更穩定，冇咁容易泛紅敏感，用完呢瓶之後，會考慮再回購於春夏季節使用

iliya 好用推薦：首先要多謝@cosme同@YHKCare 俾我今次試用TeaPep黑茶肽煥活保濕噴霧嘅機會🙇‍♀️🙇‍♀️🙇‍♀️ 孤陋寡聞，第一次聽YHKCare 草研源素呢個品牌，上網一check先知原來係一個香港本土創立嘅科研敏感肌護膚品牌，梗係要支持下本土牌子啦！🙌🏻 YHKCare TeaPep 黑茶肽煥活保濕噴霧嘅設計行簡約風格，磨砂透明嘅瓶身設計大氣，要讚嘅係噴出嚟嘅超細微米噴霧好細緻，範圍廣泛，噴幾下就可以噴晒全面，又唔會產生水珠，好貼心！ 我體驗試用了一連一星期TeaPep 黑茶肽煥活保濕噴霧，最近轉季，我喺夜晚臨瞓之前使用，隨後再搽TeaPep黑茶肽修護潤膚乳，同埋覺得好乾或皮膚泛紅嘅時候使用，結果都幾令我滿意！💕 保濕力及後續保養吸收力得到提升，用完之後嘅再搽潤膚乳好快被皮膚吸收，有滋潤嘅感覺。另外喺日曬後、運動後、喺冷氣房留得耐等等覺得乾或者見到皮膚泛紅嘅時候，噴一噴更加可以即時舒緩退敏，有效降紅降溫止乾癢！堅持用咗一個星期之後，皮膚嘅狀態穩定咗，泛紅減退咗少許，就好似修復及加強咗皮膚屏障咁。另外，TeaPep黑茶肽煥活保濕噴霧不含香料及人造色素、無酒精，任何膚質包括敏感肌

Kelvin好用推薦：見到電視廣告黃敏奕代言，呢個專係比敏感皮膚用嘅日本牌子。賣咗佢哋最基礎嘅速效保濕噴霧。 我係洗完臉之後就會即刻用這款噴霧，當日常toner來用。之前夏天我多數用avene ，但呢排轉咗用依款速效保濕噴霧。佢嘅噴嘴設計，噴出來的霧狀非常均勻，當我噴上面時，明顯感受到花水好輕身。好似可以深入肌膚，而不是礦泉水嗰種噴霧咁樣停係表面，我嘅面部皮膚用完都好舒適。 依款噴霧有12重天然保濕因子，仲有蘆薈萃取物同益生菌，成分能夠平衡肌膚嘅微生態，減少炎症同過敏反應。秋冬嘅時候，我嘅皮膚好容易敏感同泛紅，可以令肌膚提供急救補水，緩解緊繃同埋不適感。用完係真係會即時感到舒服同埋補水。#火熱新品

Also melon好用推薦：Atorrege AD+速效保濕噴霧嘅噴霧水珠係非常細緻，噴上面上面係好均勻，大概離開面部一段距離噴上去就會好均勻，用完之後成塊面好似感覺比水份包住。 佢嘅size放喺袋都好適合，唔會太大。我最鍾意化妝前後、出街面部出油、補妝、喺冷氣地方塊面好乾燥嘅時候都會用，用完之後面部冇咁繃緊，又唔會整花妝容。 面部乾燥痕癢嘅時候，噴上面又會有清爽同舒緩感覺，保濕度幾好。而且冇任何香味，唔會會產生皮膚敏感問題，成份安全，適合任何肌膚!

Kitty 好用推薦：成日係冷氣房塊面乾到好似沙漠咁，仲有啲緊繃繃嘅感覺😖！呢支Canvas玫瑰保湿露水清爽保濕～夏天一試就愛上，一定要同大家分享下！✨ ✨外觀同質地： 支露水用磨砂玻璃噴霧瓶裝住，睇落好高級又少女心！一打開就聞到陣好清新嘅玫瑰花香，唔會俗氣，好似置身喺玫瑰花園咁～質地係偏水狀，流動性好高，噴頭噴出水霧幾細，上面好快吸收，完全唔黏立立，夏天用都超舒服！ 💦使用感受： 我通常早晚洗完面之後對住塊面噴幾下，輕拍抹全面同頸。係office都留一支，只要覺得塊面乾就噴幾下，一上臉即刻感受到清爽水潤感，好似幫塊面飲咗杯水咁～用咗幾日之後，明顯覺得皮膚冇之前咁乾，上粉底更加貼服，冇再浮粉！而且成分溫和，我敏感肌用都完全冇問題～👍 🌹效果總結： - 保濕度：即刻同持久補水都做得好好。 - 清爽度：吸收快，唔會黐笠笠。 - 性價比：本身專櫃買不算平同埋都幾快用完一支。 - 推薦指數：會回購！ 總括來講，Canvas呢支玫瑰露水真心推薦！如果你都係乾肌或者想要支日常保濕噴霧，不妨試下佢～同埋玫瑰香味真心幾療癒💕

Leanne好用推薦：呢款保濕水含有玫瑰純露，可以緊緻保濕，淡化黑色素。還有奧圖玫瑰香薰油、白牡丹及玫瑰果等成分，可淡化細紋。噴上面後，有陣好香既玫瑰味，提升精神。

YY好用推薦：呢枝La Roche Posay噴霧係購自萬寧La Roche Posay嘅kit set~ 如果係office返工，擺一枝噴霧係office，feel到皮膚好乾，有啲痕嘅時候會好岩用，噴完好舒服，好有refresh嘅感覺，皮膚吸飽水～ 秋冬必備，平時做完高能量facial都岩用，係我皮膚上無敏感問題👍🏻

Yinggg好用推薦：呢排天氣時冷時熱，又成日坐喺冷氣房，皮膚太乾仲有少少敏感，攞呢支舒緩噴霧用來噴面，即時做到鎮靜、補水效果。佢啲噴霧很細緻又夠力，圍繞臉部噴一圈已經好保濕

mandy好用推薦：Biore Aqua Rich UV AQUA PROTECT MIST (水凝系列 -極水感防曬噴霧) 共2款， 其一為沒有香味，另一款則是限定的茉莉小蒼蘭芬香版。 Biore Aqua Rich UV AQUA PROTECT MIST 水凝系列 - 極水感防曬噴霧 SPF50 PA++++ $89.90 / 60ml (買1送1 from Mannings) Biore的防曬噴霧跟Biore其他防曬產品一樣， 比較著重防曬成分及功效，添加比較少的護膚成分。 感覺某些開架品牌的防曬噴霧蘊含多些美肌成分。 水凝系列 - 極水感防曬噴霧的優勢在於細細枝， 不佔空間，隨時帶出街也可以。 此外，極水感防曬噴霧可以均勻地噴灑， 而且非常水感，完全不會有黏笠感，全身及頭髪適用 比市面上大部分的防曬噴霧更清爽，用後也不會泛白。 SPF50 PA++++提供充足的防曬保護，戶外活動也能使用。 推介給喜歡水感清爽使用感的防曬噴霧用家使用。 含防曬成分: 桂皮酸鹽, 二乙基氨基羥基苯甲酰苯甲酸己酯, 乙基己基三嗪宗, 聚矽氧烷-15 及 2，4-雙((4-(2-乙基-己氧基)2-羥基)-苯基

Yty好用推薦：Biore極水感防曬噴霧，有SPF50+ PA++++有效抵禦 UVB 和 UVA，含有水感保濕角鯊烷成分，防曬噴霧係透明嘅，因為有角鯊烷佢成份，所以噴完之後會有少少柔潤感覺，我帶佢行山重複補噴面部，手腳之後曬咗全日，都冇話曬傷皮膚或者冇乜黑到，而且細細支擺喺手袋都好方便，佢噴出嚟啲水係涼浸浸，行山咁熱嘅情況下好舒服，可以降溫又有防曬效果，而且價錢相宜，性價比高，值得推薦呀

Chloeincosme好用推薦：呢排用緊 Curel 深層高效保濕噴霧，佢主打Ceramide配方，用落果種修護同保濕感真係感受到同普通噴霧唔同！ 🤍 保濕度：4.5/5 Ceramide成分確實出色，噴完皮膚即刻有水潤感，而且鎖水能力比一般噴霧持久，唔會好快打回原形～ 🤍 舒緩效果：4/5 轉季時面頰泛紅，噴一噴有即時降溫同鎮靜感覺，敏感肌用零刺激～ 🤍 使用感：4/5 噴頭設計細密，水珠好幼細！ ### 總結： Curel呢支保濕噴霧將Ceramide護膚成分融入噴霧概念特別適合乾燥敏感肌隨時補濕，會回購！推薦俾成日對住冷氣同需要隨時保濕嘅你！

Julianna好用推薦：呢支真係「補水神器」！最大亮點係佢噴頭超級細緻，噴出嚟係水霧狀，唔會滴水唔會整溶妝，特別適合妝後補濕定妝。早上護膚完噴一層可以令後續底妝更貼，妝後一整日皮膚都唔會乾。佢主打Ceramide配方，對於乾敏肌特別有效，長期用真係覺得皮膚屏障穩定咗～有時轉天氣開始泛紅或者爆擦，噴兩下即刻舒緩返。包裝方便，放喺袋隨時補水超方便。唯一小小缺點係價錢唔算平，比起一般噴霧貴啲，所以我都係等有折先囤貨。但效果值得，尤其係夏天冷氣房長時間工作／學生用家，呢支我會一直回購！

Noel好用推薦：Addiction 的定妝噴霧，味道係 lavender x peppermint，這個香味能想像到有多療癒吧？！噴頭噴出的 mist 算中至細，但簡中霧會夾雜了兩個水滴 💦 所以用作定妝有點麻麻…… 不過嘛，個人很喜歡的一款噴霧，因為成份簡單，沒有什麼必須要卸除的成份，所以轉個玩法，用作保濕噴霧，效果更好呢❗因此我喜歡晚上使用這枝，潔面後噴3－4下，薰衣草有助放鬆身心嘛💕

格仔餅公主好用推薦：有草本嘅精油香，噴霧都好細緻，唯獨是價錢有少少貴，定妝效果都理想，用完唔易甩

Kelvin好用推薦：M.A.C出過四款唔同嘅定妝噴霧比唔同嘅膚質用，2024年我新買咗呢支👉🏻 長效定妝噴霧 (紫噴) 紫噴主要用於化妝後，噴係成份俾無酒精成膜劑！所以敏感肌都可以用～ 呢支噴頭做到霧化效果，比基本透明黑蓋嗰支更加好。噴出嚟清新香味，好似成個妝高質咗。 我係用完蜜粉之後疊加setting spary，延長帶妝時間。噴完之後有微微嘅水光感。噴完全日真係冇乜點甩妝，定妝效果強！ 新手用setting spray請先搖勻，然後離遠面部10至20公分，以T字加X字方式均勻噴上，全面就可形成防護膜。 質地有少少笠，偏保濕，中性肌至乾性肌會較鐘意。歲未通頂岩曬無甩妝👍🏻

Jasmine L好用推薦：M.A.C 長效定妝噴霧質地係水感噴霧，但水分子偏大，頭幾下似水柱，一噴落面感覺有啲唔均勻同偏濕，唔夠細霧咁輕盈。 對敏感混合偏油肌嚟講，定妝效果算幾唔錯，噴完可以壓住少少油光同提升妝容持久度，但因為水分子大，噴太多容易有啲黏笠。

Emily Leung好用推薦：Jurlique 玫瑰保濕花卉水測評：貴價玫瑰水定交智商稅？ 各位姊妹，見到呢支粉紅色嘅花卉水，係咪心心眼先？話明「每支用超過1000朵玫瑰」，聽落好誇張！等我同你拆解下佢嘅真實表現～ 一噴出嚟～嘩！個玫瑰香真係好高級！唔係街邊嗰啲人工香精味，係好似行入咗個玫瑰園咁fresh！不過如果你唔鍾意濃烈花香味，可能會覺得有啲過香。 噴頭設計幾細密，水珠好幼細，上臉好舒服。質地清爽到極致，絕對唔會黏膩，油皮膚嘅姊妹應該會好鍾意。吸收速度超快，「咻」一聲就入咗皮膚！ 實際功效評分： ✅ 補水度： 7/10 即時補水效果唔錯，尤其係夏天喺冷氣房噴一噴，個臉即刻醒神！但單靠佢來保濕就唔夠力，一定要跟面霜。 ✅ 舒緩度： 8/10 皮膚敏感或者曬後噴，真係有鎮靜效果，面紅會減退啲～ ✅ 香味療癒度： 10/10 呢樣真係無得輸！個香味令人好放鬆，心情都即刻好啲！ 缺點都要講： 1. 價錢偏貴：成幾百蚊支水，真係有啲肉赤 2. 保濕力短暫：唔可以代替精華同面霜 3. 消耗快：如果成日噴，好快就用完一支 老實講，如果你係追求性價比嘅實際派，可能會覺得「幾百蚊買支香水水有啲傻」。但如果你

bbbcls好用推薦：膚質：混合性（T字位出油，面頰偏乾） 保濕 ★★★★★☆：補妝時會先係臉上噴全面再用紙巾輕輕印乾，可以輕易印走到5-6成油光。保濕度不錯，可以應對香港濕熱春夏/Office乾燥環境！ 香味 ★★★★★★：非常天然既玫瑰香氣，噴完之後仍然會留香係臉上，好鍾意呢隻味！🌹 質地 ★★★★★☆：舒適噴霧狀。 Jurlique玫瑰保濕花卉水保濕唔錯，適合香港濕熱天氣/Office冷氣環境使用。重點係Jurlique產品既玫瑰香味非常天然，強烈推薦💕

kayla.me.me好用推薦：味道很清新有青瓜萃取精華,紓緩脆弱敏感肌膚，噴上面黎好清爽補濕

choichoi好用推薦：這個可以用來舒緩敏感、減退泛紅的作用；於長痘的時間更是必備佳品

KDing好用推薦：噴霧都算幼細呢個算係去完gym Room之後想簡單保濕會帶過去噴嘅product

Hamiii好用推薦：行山當保濕噴霧用 可以輕輕紓緩到曬紅左既皮膚 溫和唔刺激，小朋友用都無咩問題

Jasmine Yuen好用推薦： 1. 深度保濕：使用噴霧後，肌膚會感覺非常滋潤和水潤，能夠有效地提供深度保濕，減輕因乾燥而引起的不適感。 2. 舒緩肌膚：Innisfree 綠茶保濕噴霧含有豐富的綠茶萃取物，能夠幫助舒緩肌膚，例如曬太陽後使用可減少紅腫和刺激，使肌膚更加舒適和柔軟。 3. 提升肌膚亮度：綠茶成份具有抗氧化的功效，能夠有效地清除肌膚中的自由基，提升肌膚的亮度和光澤。 *返工時坐冷氣房，得閑噴下都覺得好提神👍🏻

Lumi Kwan好用推薦：佢比起紅茶噴霧，噴嘴噴出嚟嘅噴霧更幼細，但係保濕效能一般，噴完之後半小時，都會覺得皮膚有啲乾，如果講CP值，我覺得紅茶噴霧比較好。

貓餅好用推薦：呢啲保濕噴霧最適合擺喺辦公室使用，冷氣勁嘅時候，塊面覺得好乾，距離塊面10 cm噴一噴全塊面，即時保濕晒，清爽，氣味又清新，好用

KDing好用推薦：噴霧裝既菜瓜水係方便d用 不過佢既噴頭力度好大 用唔係咁舒服，但噴身體可以

jaye好用推薦：呢支保濕噴霧本身係啫喱狀，但一噴出黎係水狀，而且霧水好細密，有陣淡淡花香味，重點係噴完有保濕感，而且個水潤感係持續，但品笠。亦唔需要一定再搽後續保養品去鎖水，又一支新發現好品！值得一試！

格仔餅公主好用推薦：噴霧既細緻度算幾高唔會好大粒咁變相都易吸引好多，佢既滋潤感唔錯咪至於太水，加上少少香味適合個人保濕同refresh用

LenaC好用推薦：呢款產品專為乾燥肌膚而設 可以均勻地散佈水分 Innisfree 既水潤綠茶保濕噴霧含16種氨基酸 有助打造水潤透亮肌膚 夏天行山既時候噴一噴 可以涼快咁散佈水分 為乾燥肌膚隨時補水之餘 仲可以降溫 減退紅印敏感

agnessstang好用推薦：淡淡綠茶味🍵 細支size方便 噴頭一般 噴出嚟嘅水珠唔算細緻 會見到一粒粒水珠 保濕感唔強

Kura好用推薦：夏天日日係冷氣房必備嘅噴霧，噴出黎嘅水超級補濕，非常舒服，令到我嘅皮膚水潤度有即刻提升，滋潤度十足，值得推薦嘅夏日穩定肌膚嘅好物 #夏日 #護膚 @cosme

zetalhc好用推薦：噴霧好細緻，呢個產品嘅size都好適合帶出去旅行/出街使用，可以即時做到保濕效果

ZoeTung好用推薦：買嘅係櫻花味 淡淡花香味 噴霧水珠唔算大 唔錯 可能帶咗口罩關係 定妝效果中上 但有機會會回購

maylam好用推薦：之前會員生日禮物送嘅 我會冬天當保濕噴霧用 冇特別當定妝噴霧用 都幾保濕 化妝之後噴上臉會更加舒服

🌸好用推薦：我係成set買嘅，保濕效果好好，清爽唔笠，搽完好似全日飲飽水咁。清新嘅茉莉花香好好聞，而且略帶冰爽嘅清涼感，夏天使用特別舒服。

sumsum好用推薦：保濕能力五錯!定妝噴霧持久推介👍 會回購的!價錢方面會貴啲但可以用好耐!

Ruby Wong好用推薦：本來無咩期待，諗住咪又係同其他補水產品差唔多，但係結果我係有回購既……首先佢細細支易帶，拎岀黎用既機會都多d，另外其實佢唔洗噴好多已經有好fresh嘅效果，夏天用超正。最後最重要嘅係，佢既味道真係好香好清新！ 除咗補水降溫之外仲可以達到好放鬆嘅效果，鍾意❤️

Hamiii好用推薦：同其他保濕噴噴分別唔大 細細支 方便拎出街噴 噴完唔會覺得痴立立咁 但呢個價位我唔會揀佢