mandy好用推薦：CANVAS ROSE OTTO Multi-intensive HydraEssence Mask 玫瑰高效保濕精華面膜 $425/ 5pcs (after deducting $200 coupon from CANVAS+ $50 coupon from Sogo, paid $175 finally) 玫瑰高效保濕精華面膜是我挺喜歡的急救面膜， 但礙於貴婦價格實在不易入手，只能在特價時才入手。 玫瑰高效保濕精華面膜蘊含眾多護膚成分， 包括: 保濕/抗氧化/美白等成分。 功效: 保濕+提亮+緊緻 面膜厚薄適中，不易撕破，尺寸比我面型大少少。 注: BA建議敷面膜的時間可以延長至20-30分鐘， 因為面膜去到30分鐘都未變乾。 敷面膜時有面部正在收緊的感覺。 玫瑰高效保濕精華面膜精華量充足，保濕力非常好， 帶迷人玫瑰香味，令人心情很放鬆。 使用後肌膚水嫩動人，面部散發出美麗的自然光澤， 並能即時趕走暗啞倦容。 肌膚很乾燥暗啞時，一定要敷玫瑰高效保濕精華 面膜，馬上急救肌膚。此外，如果是重要日子前， 可以連敷面膜2-3天，加強急救效果。 含保濕成分: 甘油, 甜菜鹼

green好用推薦： 十分感謝@cosme Hong Kong邀請參與CANVAS 試用活動，今次試用既係玫瑰高效保濕精華面膜。本人都係第一次用呢款面膜，好期待。 面膜包裝簡約得黎又有風格，粉紅色既外觀，入面係一片片既包裝。打開面膜連保護既膠片，精華液都幾多，有淡淡既玫瑰香味，幾天然，敷上去面度都唔會有刺激，面膜設計都岩岩好，唔會過大，幾鍾意鼻翼位設計唔會過闊。 （如下圖） 我呢個星期大概用左3次，第一日用之前面部狀態咁岩係有啲敏感泛紅，敷完臉上泛紅既地方瞬間消失，仲有啲提亮，保濕度剛剛好，清水洗完唔會笠又唔繃緊，照日常護膚程序搽上面霜，第二日化妝仲好貼服👍👍。好岩成日化妝既朋友😊🫶🏻。 第三次用之前面都係有啲乾同敏感，有泛紅，敷上去感覺好舒服都幾鎮淨皮膚，感覺有舒緩作用，覺得都幾神奇，佢既功效真係對敏感肌友好，咁岩呢幾日皮膚不穩定嘅狀態之下有佢幫手，真係好感謝今次試用活動，令我可以體驗咁好既面膜產品🙏🏻🫶🏻！用完有機會都會買吓嚟用！

Noel好用推薦：近期的塗抹式面膜新竉 💗 這枝玫瑰凝膠面膜，玫瑰香味非常自然，味道怡人，絕不化學，個人超！喜！歡！雖然香味比較大，不過沖水後就會完全消散。 面膜質地呈比較稠的啫喱狀，沒有流動性，塗抹到面上容易，好推👍 不過在冷氣房中使用，感覺面膜會較快乾。所以我會塗抹前，加入兩滴護膚油，混合這個疑膠面膜 😍 面膜保濕度高，乾肌使用都感覺飲飽水 💦讚！另外，我亦喜歡放到雪櫃保存，炎炎夏日敷這個冰涼的玫瑰面膜，超舒服喲～ #抵買面膜

Kura好用推薦：呢款面膜嘅保濕效果唔錯，我係特別鍾意佢嘅玫瑰香味，我每次都會敷20分鐘，用完皮膚會變得soft，夏天厚敷佢係一流，產地係澳洲，推薦俾秋天轉季想搵保濕面膜嘅朋友仔 @cosme

Kura好用推薦：CANVAS玫瑰滋潤補濕睡眠面膜 用完令到皮膚容光煥發嘅一款滋潤面膜，味道超香玫瑰味，質地好容易搽上臉，我唔會敷過夜，通常厚20至40分鐘就會洗走，但已經吸收曬，同埋呢款面膜好容易清洗，後續發現塊臉會提亮變白咗小小，我有keep住每日用，皮膚都有改善，價錢個人感覺偏貴小小，不過值得乾性肌膚再回購，我都會再回購，因為好鍾意佢嘅玫瑰香味，同埋夏天用真係好正 #夏日必備保養

zetalhc好用推薦：作為overnight nask使用非常保濕同埋我個人覺得第二朝油光都少左，平衡左油脂分泌。介紹有話呢個產品可以促進膠原蛋白再生，但效果暫時未見。另外味道都好香好清新，會再回購！

Hamiii好用推薦：算係入手過最好既hand cream之一， 玫瑰味好出，滋潤度幾好😌 每次洗完手補一次，可以last到幾個鐘👍🏻 做promote都會再入手 正價就… 有d貴🤣

Noel好用推薦：Canvas 會員禮物❣她們家的玫瑰系列都是值得推介的好物，花香淡雅自然，不造作～ 手霜很好推，用量也很省，塗到手上易吸收，還有點防水效果，表現勝過價位品牌👍

km好用推薦：佢嘅噴頭好好 噴出嚟嘅水好細密 完全係霧咁樣 唔係一粒粒嘅水珠 呢樣嘢係我最欣賞佢嘅位 另外嗰啲香氣都好自然 唔係好假嗰隻玫瑰香 效果方面都幾好 個樽係玻璃 好有質感 唔係塑膠

Icy0919好用推薦：淡淡玫瑰味很舒服 有時舒緩敏感有即時降紅既效果 一物多用。可以用嚟定妝

Noel好用推薦：購買 Canvas 產品時獲得的乳香緊緻 hand cream，每次使用，它的香味都會有種帶我去到 Canvas 店舖的感覺😅 護手霜呈米黃色，沒有流動性，乳霜狀，容易推開，延展性良好。塗到手上很被吸收，沒有油膩／黏笠感，塗完碌電話都 ok 👌 這個效果的 hand cream，配上中價位的售價，可以接受❗

mandy好用推薦：Canvas  Frankincense Hand Cream 乳香緊緻護手霜 $245/ 50ml; $385/ 100ml 功效: 令雙手持久滋潤及柔軟細滑 護手霜帶淡淡乳香香味, 香味不會過於濃烈、明顯。 延展性佳，易於推開。 質地柔滑、滋潤度高, 可以使雙手即時深層保濕、滋潤。 難得的是很快被肌膚吸收, 完全沒有油膩感。 用後雙手嫩滑柔軟、十分保濕, 效果很好和明顯,  能夠感受到手部肌膚的觸感比以前順滑好多。 品質很好, 使用感討喜, 但價位走不易入手的貴婦路線。 真的要等到減價/感謝週才會比較好入手了。 含保濕成分: 洋蘆薈, 夏威夷堅果油, 甘油 及 雞蛋果籽油 鎮靜消炎成分: 洋蘆薈 及 山茶(茶葉籽油) 抗衰老成分: 甘油, 雞蛋果籽油 及 山茶(茶葉籽油) 肌膚修復成分: 甘油 抗氧化成分: 多花野薔薇, 雞蛋果籽油 及 山茶(茶葉籽油)

Angiema好用推薦：呢樽竹炭淨化注氧面膜用後冇敏感，但係皮膚會比較乾燥，唔夠保濕，清潔力一般，但係毛孔係會收細左，同埋皮膚感覺上白左小小。

yannyxx好用推薦：佢一開始係灰綠色嘅gel狀（竹炭及白藜蘆醇成分），搽上面之後好快就會變成泡泡，過咗大約15分鐘之後就可以洗。 面膜非常溫和。之前用過類似形式嘅泡泡面膜都會在上臉時帶來刺激嘅感覺，但呢個面膜係非常舒服，有少少清涼，仲有啲草本香味。我暫時用咗約四星期（大約一星期一至兩次），發覺皮虜比較透亮，暗瘡及粗糙等問題都有改善咗。 但有個小小嘅缺點就係就算隔咗15-20分鐘後，佢都唔會完全轉哂做泡泡，底個層仲會有少少gel狀，個part要洗耐啲，所以有時洗完塊面會有少少乾。我通常如果趕時間就會搽佢同系列嘅serum，又或者如果已經就嚟訓教就會直接搽夜間護膚品(albion美白滲透乳及濕敷健康水），感覺呢幾款護膚品都適合一同使用，可改善暗瘡同皮膚暗沉。

natanatalie好用推薦：#我的崇光感謝祭必買去角質 Canvas呢支去角質煥膚精華真係我嘅去角質大愛！❤️ 普通去角質產品好多都有磨砂，好易會令肌膚敏感，但呢支去角質產品好溫和，金色質地好高貴，又去到死皮，用完肌膚細緻左。😍 最欣賞係有一陣淡淡香氣，用完心情都好啲！🥰

Doris 好用推薦： Canvas skin renewal refiner 金色的乳液去角質，產品程金黃色，可以去死皮，用時感覺溫和，沒有覺得不舒服，皮膚覺得更平滑。

Nicole 好用推薦：本身混油皮，冬季或者皮膚很乾燥的時候才用 油的質地不厚不薄，流動性很高，茉莉花味有點太濃，它能蓋過其他護膚品的味，明顯的存在感😅；通常我加幾滴在護膚品中，加強滋潤度，可以令皮膚更加保濕鎖水和滋潤。

kammy好用推薦：用油 好擔心會生粒粒 但呢款都幾吸收 用完第二日塊面好有乾淨

Rainy 好用推薦：味道清香，有淡淡的草本香味 質感水潤不黏笠，夏天及秋天用補水效果不錯

kameari好用推薦：保濕度很好，易推，整體係清爽唔會笠笠嘅感覺，幾好用。而且味道幾好聞。