CANVAS 用家評價

成日係冷氣房塊面乾到好似沙漠咁，仲有啲緊繃繃嘅感覺😖！呢支Canvas玫瑰保湿露水清爽保濕～夏天一試就愛上，一定要同大家分享下！✨ ✨外觀同質地： 支露水用磨砂玻璃噴霧瓶裝住，睇落好高級又少女心！一打開就聞到陣好清新嘅玫瑰花香，唔會俗氣，好似置身喺玫瑰花園咁～質地係偏水狀，流動性好高，噴頭噴出水霧幾細，上面好快吸收，完全唔黏立立，夏天用都超舒服！ 💦使用感受： 我通常早晚洗完面之後對住塊面噴幾下，輕拍抹全面同頸。係office都留一支，只要覺得塊面乾就噴幾下，一上臉即刻感受到清爽水潤感，好似幫塊面飲咗杯水咁～用咗幾日之後，明顯覺得皮膚冇之前咁乾，上粉底更加貼服，冇再浮粉！而且成分溫和，我敏感肌用都完全冇問題～👍 🌹效果總結： - 保濕度：即刻同持久補水都做得好好。 - 清爽度：吸收快，唔會黐笠笠。 - 性價比：本身專櫃買不算平同埋都幾快用完一支。 - 推薦指數：會回購！ 總括來講，Canvas呢支玫瑰露水真心推薦！如果你都係乾肌或者想要支日常保濕噴霧，不妨試下佢～同埋玫瑰香味真心幾療癒💕

CANVAS ROSE OTTO Multi-intensive HydraEssence Mask 玫瑰高效保濕精華面膜 $425/ 5pcs (after deducting $200 coupon from CANVAS+ $50 coupon from Sogo, paid $175 finally) 玫瑰高效保濕精華面膜是我挺喜歡的急救面膜， 但礙於貴婦價格實在不易入手，只能在特價時才入手。 玫瑰高效保濕精華面膜蘊含眾多護膚成分， 包括: 保濕/抗氧化/美白等成分。 功效: 保濕+提亮+緊緻 面膜厚薄適中，不易撕破，尺寸比我面型大少少。 注: BA建議敷面膜的時間可以延長至20-30分鐘， 因為面膜去到30分鐘都未變乾。 敷面膜時有面部正在收緊的感覺。 玫瑰高效保濕精華面膜精華量充足，保濕力非常好， 帶迷人玫瑰香味，令人心情很放鬆。 使用後肌膚水嫩動人，面部散發出美麗的自然光澤， 並能即時趕走暗啞倦容。 肌膚很乾燥暗啞時，一定要敷玫瑰高效保濕精華 面膜，馬上急救肌膚。此外，如果是重要日子前， 可以連敷面膜2-3天，加強急救效果。 含保濕成分: 甘油, 甜菜鹼

十分感謝@cosme Hong Kong邀請參與CANVAS 試用活動，今次試用既係玫瑰高效保濕精華面膜。本人都係第一次用呢款面膜，好期待。 面膜包裝簡約得黎又有風格，粉紅色既外觀，入面係一片片既包裝。打開面膜連保護既膠片，精華液都幾多，有淡淡既玫瑰香味，幾天然，敷上去面度都唔會有刺激，面膜設計都岩岩好，唔會過大，幾鍾意鼻翼位設計唔會過闊。 （如下圖） 我呢個星期大概用左3次，第一日用之前面部狀態咁岩係有啲敏感泛紅，敷完臉上泛紅既地方瞬間消失，仲有啲提亮，保濕度剛剛好，清水洗完唔會笠又唔繃緊，照日常護膚程序搽上面霜，第二日化妝仲好貼服👍👍。好岩成日化妝既朋友😊🫶🏻。 第三次用之前面都係有啲乾同敏感，有泛紅，敷上去感覺好舒服都幾鎮淨皮膚，感覺有舒緩作用，覺得都幾神奇，佢既功效真係對敏感肌友好，咁岩呢幾日皮膚不穩定嘅狀態之下有佢幫手，真係好感謝今次試用活動，令我可以體驗咁好既面膜產品🙏🏻🫶🏻！用完有機會都會買吓嚟用！

又係朋友俾嘅試用精華，呢支超香！ Canvas 呢支玫瑰水漾保濕精華 一打開陣味已經贏晒，係好高級好治愈嘅玫瑰花香，唔係廉價香精味，聞到個人都放鬆晒～佢話用到珍貴奧圖玫瑰香薰油，真係無呃人，好似做緊SPA咁舒服 功效方面，佢唔係淨係「表面補水」咁簡單，而係真係幫你塊面「儲水」同「鎖水」！我用咗幾日，已經覺得塊面冇咁繃，摸落去滑溜咗，而且光澤感係由內透出嚟嗰種，唔係油立立嘅光！ 呢支精華有專利保濕成分 **PatcH₂O™**，再加藻膠、透明質酸鈉同納豆萃取，聽落好科學，但用落真係感受到分別，尤其係納豆萃取，可以加強鎖水，而家就算開冷氣瞓教，第二朝塊面都依然水潤，冇再乾到出細紋！ 質地方面，係嗰種輕薄又推得開嘅精華液，一唧就夠搽全面同頸。我通常按兩下，撈勻之後按壓上塊面，好快就吸收咗，之後再搽Cream都冇擦膠碎，仲可以令之後嘅護膚品吸收得更好～ 呢支真係可以試！雖然價錢唔算平，但一支做到補水、亮澤、同埋陣味令護膚變成享受，我覺得值回票價！ #精華

多謝@cosme 邀請試用「Canvas 玫瑰高效保濕精華面膜」💝我自己本身係好鍾意玫瑰香味，加上以前都有用過Canvas嘅hydrating mist，所以好ok呢個品牌嘅玫瑰味，完全唔會chur～🌹 呢排天氣唔穩定，我嘅皮膚又開始敏感，每晚沖完涼塊面都會紅晒🥲咁啱收到Canvas嘅mask，見佢有金盞花同紫草成份，可以紓緩炎症同敏感，改善因乾燥引起嘅泛紅，即刻開嚟試試佢！有圖有真相，前鏡冇濾鏡嘅對比圖原圖☝🏻 本身我成日捱夜炒美股，所以皮膚偏暗啞😂 敷完Canvas嘅玫瑰mask後，明顯見到肌膚有所提亮，仲即時白咗！ 敷mask之前，我面頰位置係紅到有啲痕，好似蚊赧咁痕，敷完後即刻冇咗痕癢感，好surprised！ 呢隻mask標榜「敷極唔乾」，我敷完15分鐘，塊mask都真係仲濕潤，幾神奇！因為平時啲mask應該10分鐘就畀我嘅沙漠肌chur乾晒😆😆😆 總結一下，敷完Canvas玫瑰mask後： ☑️皮膚明顯白咗 ☑️手指撳落去，肌膚係Q彈水潤 ☑️有明顯紓緩泛紅 ☑️減淡細紋 ☑️毛孔細左 ☑️溫和不刺激 敏感肌+乾到出油嘅我表示相當滿意補濕同降紅嘅急救效果，唯一要

多謝@cosme 邀請試用「Canvas 玫瑰高效保濕精華面膜」 我本人係好鍾意敷mask，基本上日日都敷，自從開始接觸clean beauty之後，對護膚品成分比較執着，第一次用Canvas產品，知道係有機香薰品牌即刻好感度大增。 今次用呢款玫瑰mask，1盒有5塊，咁啱呢幾日戶外活動，曬完太陽，塊面少少泛紅，下巴甩皮，沖完涼就即刻敷上面舒緩下皮膚，一打開就聞到玫瑰嘅香味，面膜質地比較厚實，敷上面係好貼服 見到呢隻面膜聲稱「敷極唔乾」，我平時通常敷15～20分鐘，咁今次就敷夠40分鐘，敷完塊mask的確係同啱啱拎出嚟一樣咁濕潤，皮膚亦都係好水潤，無水分倒吸嘅感覺，本身曬完太陽嘅泛紅都舒緩左，下巴皮屑軟化左，輕輕用濕化妝棉抹走，毛孔細左，皮膚望落明亮有光澤，成塊面都脹卜卜水潤加充滿彈性，呢個效果好似做左個facial咁，第二日瞓醒都keep到。 我個人大推呢個mask，一黎佢成分優質，二黎各種皮膚問題（缺水脫皮、曬後泛紅、敏感）都舒緩到，而且使用感好舒服，亦唔駛怕唔記得睇時間敷過龍，大家快啲去試吓😎

質地輕盈且易推開，適合不喜歡厚重霜狀感的敏感性皮膚。 質地水潤，吸收力強，塗抹後肌膚感覺清爽無負擔。產品帶有天然香薰味（如芳枸葉），被形容為療癒且具記憶點。長效補水，能由內而外強化鎖水層。平衡油光，日間乳液能有效收斂 T 字部位的油光，同時不導致雙頰乾燥，適合維持全日水潤。敏感肌大推薦使用！

專門店送嘅試用品，Canvas Sun Protection Gel SPF30 Light Weight & Moisturize， 防曬SPF30，提供日常外出足夠嘅防曬保護，輕盈清爽，清香味道，可以做到保濕同低刺激，適合敏感肌使用。推開好容易，唔會起擦膠碎，吸收快，搽上面之後好似搽咗保濕啫喱，完全冇厚重感，夏天用都唔焗身，用完皮膚有水潤感，唔會乾燥繃緊，仲可以代替日霜。搽完再上粉底液都好貼服，唔會起屑或令妝感厚重。除咗價錢貴啲，其他都滿分

Canvas呢塊玫瑰高效保濕面膜真係名副其實，撕開包裝，已經有好香嘅玫瑰味道，聞到好舒服。面膜size足夠大，可以cover成塊面，面膜有好多精華，佢啲精華已經滲透咗喺塊面膜入面，拎出嚟唔會滴水，敷上面之後，覺得好Rich嘅感覺，剪裁方面，佢嘅眼耳口鼻位置都好貼合，尺寸適合，敷完15分鐘之後，拎走塊面膜，覺得好多精華留喺塊面度，係黐立立嘅，佢唔會乾得好快，證明佢真係好多精華，係好用嘅，當然價錢方面亦都會貴返少少，大家不妨試吓

Canvas 呢支水漾衡肌潔淨泡沫真係幾好用！雖然價錢有啲貴，但用落覺得值回票價～佢個泡泡好綿密，用天然椰子油起泡，洗完塊面真係唔會繃緊，仲keep到皮膚本身嘅油分，對我呢種混合肌嚟講好啱用！ 最正係聞到陣陣香薰油味，好relaxing～裡面加咗芳枸葉油同積雪草呢啲草本成分，用完真係覺得皮膚水潤咗，唔會乾忟忟。尤其夏天T位出油多，用佢平衡水油效果幾明顯，又唔會抽乾水分。 唯一缺點真係貴咗少少，但一支都用到幾耐，計返都算合理。如果你budget鬆動啲，又想搵支溫和又保濕嘅潔面泡沫，呢支值得試吓 btw 呢間舖頭送嘅試用裝都幾大支，開心 #洗面 #潔面

朋友最近送了這瓶canvas 「高效水漾精華」給我試用～ 這支精華真的如其名，把「高效」和「水漾」完美演繹出來。  首先，它的質地非常討喜，大家從相片可見，是屬於非常水狀的精華，極致透薄水潤，推開的瞬間幾乎就能感覺到滲透力，吸收速度很快，完全沒有黏膩感，後續保養或上妝都超服貼。搽完的當下，肌膚就有種喝飽水的「水膜感」，乾燥緊繃立刻舒緩，官網強調的「即時保濕」效果確實有感。 持續用了一段時間，更體會到它長效鎖水的實力。精華內含有芳枸葉香薰油，讓我的混合肌在換季時，T字部位出油減少了，兩頰也不覺得乾，水油平衡做得很好。 整體而言，它是一款清爽不膩、補水力強、能穩定膚況的精華，我認為非常適合追求快速補水、長效鎖水，以及希望肌膚維持水油平衡的人，推薦給混合肌或油肌在悶熱季節使用！ 這支精華保濕程度很不錯，不過價錢也不便宜，但我仍然推薦大家可以試試看。 #精華

😄多謝@cosme 邀請試用「Canvas玫瑰高效保濕精華面膜」 包裝：一盒五片 屬性：有機植物香薰 成份: 金盞花：刺激膠原再生、加快傷口癒合、紓緩炎症 紫草：紓緩敏感、改善因乾燥引起的泛紅、促進細胞再生 藥屬葵：保濕鎖水 🙂打開就聞到陣陣玫瑰香薰油嘅氣味，面膜質地比較厚實，敷上面也算貼服，不过緊記吾好敷近眼位，因為精華會刺激到眼仔流眼水🥲 本身我面部肌膚冇大題，只係較暗黄和較薄及有少少暗粒泛紅🤭今次我面部做好去角質程序後就敷30分鐘，敷完塊mask同啱啱拎出嚟一樣咁濕潤，皮膚仲有好多剩餘精華未吸哂，再按下剩餘在面上既精華，都未吸哂，所以用濕了化妝水既化妝棉稍抹。整體覺得保濕效果唔夠，冇好水潤漲卜卜嘅感覺和冇白淨效果😏使用前後對比只係明亮了光澤了多少，所以只能說做到基本保濕😊，如果係本身肌膚好乾或者會甩皮嘅就唔太夠了，或者要敷多幾次才可以改善，所以性價比吾高。 不过如果追求有機和有香薰味mask既女生，咁CANVAS mask成分優質天然，绝對適合敏感肌，敷得耐亦ok吾洗怕敷過龍，因為塊mask真係敷極吾乾😊不过少資女既我就吾太適合

Canvas Rose Hip Oil Organic 玫瑰果美白保濕基礎油 (有機) $345/ 30ml 功效：抗皺+提亮+淡斑/疤痕 玫瑰果美白保濕基礎油可以單用， 作為面部或身體的按摩油 或是混合精油一起使用。 BA建議如果想作為護膚品使用，則可用在精華液之前。 由於我用的精華液很水感清爽， 所以我混合精華液及玫瑰果油一起使用，為面及頸部按摩。 玫瑰果油本身的質地也不是濃稠，完全沒有油膩或黏笠感， 而且延展性很好，很快被肌膚吸收， 非常適合用來做按摩油或混合精油(Essential Oil)一起使用。 總結一下玫瑰果油的不同功效: 玫瑰果油可以滋潤肌膚，加強保濕及鎖水。 玫瑰果油具抗氧化功效，可以減淡皺紋及細紋， 例如我的法令紋。 玫瑰果油可以均勻面部的膚色， 並透過減淡疤痕的顏色，也可淡化疤痕。 玫瑰果油同時可去角質，令肌膚提亮。 玫瑰果油亦有鎮靜消炎的功效， 可以減輕肌膚的發炎不適。 使用玫瑰果美白保濕基礎油後， 膚色明顯更均勻，肌膚更水潤同時增添自然光澤， 使用感完全沒有不適，敏感肌也可使用玫瑰果油。 含保濕成分：玫瑰果籽油 抗氧化成分：玫瑰果籽油 及 迷迭

精華素能抑制黑色素再生，淡化色斑並提升肌膚透亮感，可以均勻膚色，天然檀香氣味，唯價格有點貴，只可待特價時再入手

CANVAS Beauty 品牌嘅 Rose Otto Polishing Smoothie Cleansing Exfoliator 一款溫和去角質潔面產品，主打天然磨砂同深層清潔，適合所有膚質尤其是暗沉或粗糙肌用，日常一週用兩次簡單方便 質地係細粉狀 smoothie，混水後變成滑溜磨砂膏，按摩臉上輕輕打圈，微粒溫和除死皮同污垢，沖洗乾淨後皮膚感覺光滑水嫩 成分有玫瑰精油保濕提亮、乳木果油滋潤同燕麥種子舒緩，98% 天然有機，敏感肌適合 用後膚色好似提亮咗啲啲，毛孔乾淨咗少少，冇刺激或紅腫，早上或晚上用都可以 留意位🥸 對極乾肌可能稍乾，需要配合保濕精華，但整體溫和實用，值得試～