找產品
不易暈染 推薦好用產品
148 件
jhope0725好用推薦：喺嘗試呢一款睫毛膏之前，我已經嘗試過好多不同品牌嘅睫毛液，不過都冇一款可以做到有呢款嘅持久度，暫時係我嘅最愛！ 呢一款唔係日常見嘅睫毛液，而係一種睫毛液打底，本身顏色唔算濃黑，入面唔會有好多纖維，又唔係好濃好杰，比較不容易出現曱甴腳嘅情況，又唔需要化妝嘅時候將睫毛液預先喺紙巾上面掃走部份顏色，導致浪費產品。 個人覺得呢款產品特別適合一啲本身睫毛長度或者濃密度已經足夠，但係好似我一樣，因為睫毛向下垂，導致眼睛唔精神嘅朋友。 不過留意如果追求睫毛要濃密，或者延長功效，呢一款產品就未必係主打呢個功能了 用完睫毛夾再使用佢，就可以將睫毛液跟一跟維持喺最佳捲度！眼睛會變得有神好多 產品嘅刷頭，好似一把小梳咁，可以將睫毛液好緊密咁貼住睫毛，而且可以做到根根分明呢款產品我最欣賞佢嘅持久度，化妝大約10小時都維持到睫毛嘅捲度，唔會明顯下垂，坊間好多正式睫毛膏都做唔到呢個效果呢！
<看全文>Emily Leung好用推薦：艾杜紗！你是掌管睫毛的神！！！！ 誰懂我一個細軟塌睫毛的痛…以前塗完睫毛膏沒一會就不翹了…跟沒塗一樣… 但是！！！艾杜紗睫毛打底真的有驚艷到我！只需要用睫毛夾一夾，再塗上它，真的卷翹的不行！最重要的是一整天不會塌！ 而且他的小齒刷頭設計能夠刷出根根分明的睫毛，成份溫和不刺眼，還防水防汗！ 和我一樣喜歡卷翹睫毛的一定不要錯過艾杜紗睫毛打底了！
<看全文>
Kitty 好用推薦：如果你同我一樣，天生睫毛又直又短，搵一支堅挺、捲翹、持久嘅睫毛膏好似尋寶咁難，咁呢篇心得一定要睇落去！講緊嘅就係美寶蓮呢支飛天翹防水睫毛膏，最近真係成為我個化妝袋嘅新寵！ 首先，個刷頭已經好有驚喜！ 支刷係弧形嘅設計，好貼合眼形，由上睫毛根部Z字形咁掃上去，好輕易就沾到每根睫毛，連眼頭、眼尾啲死角位都掃到，完全唔會一舊舊或者結塊，對於我啲手殘人士來講，真係救星！ 效果：真係飛天咁翹！ 最誇張嘅係，我夾完睫毛再搽，佢真係可以將個捲度定到成日都唔落嚟！平時用開其他牌子，可能晏晝就開始塌，但呢支真係堅挺，到收工對眼都依然精靈，好似識講嘢咁！而且佢唔會好似啲假睫毛咁硬掘掘，係自然向上揚嘅弧度，好有精神。 防水防油力掂唔掂？ 講到防水呢個功能，我真心俾滿分！前排打風落雨，把遮都吹反埋，成塊面濕晒，但對眼一啲事都冇，完全冇變熊貓！至於油眼嘅問題，我係混合肌，T-字位會出油，但佢都頂到七、八個鐘，只係眼尾有少少溶，但絕對唔會暈開一撻黑，已經收貨！ 有冇缺點？ 唯一要講嘅就係，因為佢咁防水，落妝嘅時候就要花多少少心機，一定要用眼唇專用卸妝液，敷多幾秒先抹得乾淨。如果唔係，會扯甩幾條睫毛，好心痛㗎
<看全文>Kpl6be6好用推薦：平時化完個妝覺得仲係差咁啲嘢嘅時候～就應該使出呢支bling bling眼神器啦👀輕輕一夾睫毛～再用佢掃一掃～就能輕易擁有捲翹持久睫毛一雙✌🏻能夠使睫毛做到根根分明效果！而且真係全日唔塌！即時為眼妝大加分！(成個人精靈哂😂)難怪連化妝師友人都讚口不絕❤️
<看全文>
Kitty 好用推薦：KissMe睫毛膏真係眼妝救星！我本身睫毛比較短，平時用開其他牌子好易塌落嚟，但呢支刷頭設計好貼心，可以精準勾到每根睫毛，一刷上去即刻有纖長+濃密效果，仲唔會結塊𠵱！最驚喜係持久度超班，我成日眨眼又出油，但撐足成日都冇暈開，放工對眼依然好有神～卸妝方面都算容易，用支溫和嘅眼唇卸妝液敷多陣就ok，完全唔會扯甩睫毛。我呢隻係特別版，乾燥玫瑰色，刷上去顯得眼神好溫柔，幫眼妝加分不少，而家化日常眼妝一定揀佢，就算想加強妝感疊擦兩層都依然自然，真心推薦畀鍾意偽素顏或者韓系妝容嘅姊妹！
<看全文>YYeman好用推薦：Kissme防水纖長睫毛膏實測！香港悶熱天都頂得順 講真！呢支真係睫毛膏界嘅長跑冠軍🏃 我帶住佢經歷30℃+潮濕天 落雨流汗都完全冇化開～ 刷頭係微弧形設計 連眼頭眼尾啲短毛都刷到 膏體偏乾身 唔會一抽就結塊 新手都可以刷出根根分明效果✨ 纖長效果確實夠誇張 薄薄刷兩層已經變太陽花 想要自然妝感刷一層就夠 重點係完全零熊貓眼！！！ 不過佢個防水功能太強勢 落妝要用專門眼唇卸 敷足10秒先卸得乾淨 （試過偷懶用卸妝水 搓到眼皮痛都未卸曬😭） 持久度：★★★★★ 纖長效果：★★★★☆ 易卸度：★★☆☆☆ 性價比：★★★★☆ 總結：海邊/婚禮/流淚場合必備神器 日常用建議買棕色版更柔和～
<看全文>
Fng好用推薦：Canmake呢支金屬刷頭睫毛膏，$63開架價，真係平靚正！佢個金屬刷頭係靈魂所在，防暈染防水防油力強，喺香港潮濕天氣用都頂得住。妝效偏向自然細緻嘅束感，唔係誇張濃密型，好適合返工日常，或者追求偽素顏嘅朋友。但如果本身睫毛偏短、追求濃密纖長效果，呢支就可能唔太啱你喇。 🖌️ 用後感 · 刷頭是靈魂：極細不銹鋼梳齒唔會一次過沾取太多膏體，就算係化妝新手，都唔怕刷到好似曱甴腳咁一舊舊，可以完美控制妝感。 · 妝效出色：一層係自然細緻嘅束感睫毛，兩層就可以營造日本好興嘅「束感娃娃睫毛」，睫毛根根分明又企理。 · 持久力出色：喺香港潮濕天氣下，防暈染、防水、抗皮脂嘅能力真係冇得輸。搭車返工、行街一整天都冇溶妝。 · 小缺點：對睫毛特別短嘅人嚟講，存在感提升有限。捲翹度一般，建議先用睫毛夾夾翹，或者配搭睫毛打底膏，效果會更持久。 📊 同類產品簡單比較 · CANMAKE 金屬刷頭睫毛膏 (約HK$63)：【優】防暈染防水防油力強，金屬刷頭精準自然，新手友好。【缺】捲翹力一般，無纖長功能。 · KISSME 激長原生感防水睫毛液 (約HK$82)：【優】超強纖長效果，捲翹持久。【缺】膏體偏乾
<看全文>Sanna Cher好用推薦：產品真的是誠心推薦的好物，絕對有回購力。 以上是塗抹在水上的效果，見有透亮感，但沒有膠水一樣黏稠。產品使用前後對比，是真的做到捲翹的效果，而過程因睫毛底膏是透明，所以感覺很乾淨。完妝的效果
<看全文>
Luna好用推薦：Laura Mercier鑽光幻魅眼影筆 1. 質地與使用感 奶油質地順滑好推，不拉扯眼皮。顯色度中高可疊加，用手指暈開邊緣最自然。乾透後持久力強，雙眼皮摺處不易積線，油眼皮建議先用眼部打底。 2. 兩款色號對比 · #落日玫瑰 (Roseglow)：帶暖調的煙燻玫瑰粉，金銅色細閃。適合打造溫柔紅棕感眼妝，可作主色打底或眼尾暈染，顯白不顯腫。 · #鎏金浅棕 (Burnished Bronze)：暖調可可棕，融合金色與玫瑰金珠光。可作眼線色或眼窩深邃色，單擦是氣質金屬光澤，適合小煙燻妝。 3. 優缺點 · 優點：新手友善、帶妝8小時不暈染；旋轉筆身免削，另一頭附海綿棒方便暈染。 · 缺點：筆芯較軟，每次轉出約2mm即可，避免斷裂；珠光顆粒卸妝時需眼唇卸妝液濕敷。 4. 使用建議 可將落日玫瑰打底眼窩，鎏金浅棕畫上下眼線並暈開，最後疊一點玫瑰色在臥蠶。兩色搭配能快速完成有層次的約會妝，比全霧面更活潑。 整體很適合追求快速完妝、喜歡細緻光澤感的人，這兩色屬於不容易出錯的實用選擇。
<看全文>Sophia好用推薦：Laura Mercier 鑽光幻魅眼影筆 — 色號：MODERN ROSE，推介✅️👍 - 質地：滑順易推，好易暈開，新手都控制到，可以由淡至濃層疊出唔同妝效 ✨ - 顯色度：Modern Rose 帶有溫柔玫瑰金調，一推即顯色，可層疊做漸變 🎯 - 光澤：細緻玫瑰金珠光，唔會有粗糙嘅閃粉感，自然透亮不誇張 💖 - 持久：日常持妝力佳，測試用紙巾大力擦拭後仍有一半妝效保留（圖4） 💪 - 使用方便：筆狀設計方便隨身補妝、旅行必備 ✈️ 小貼士： - 配色建議：配啡色或深玫瑰色眼影做眼尾加深，約會或晚妝更有層次 🌹 - 日常速妝：一支眼影筆 + 指腹已足夠，快手搞掂。⚡️⚡️ 總結：Modern Rose 係低調有氣質嘅玫瑰金色號，適合想要溫柔光澤但保持自然妝感嘅朋友。而且眼影筆真係好啱簡便外出時使用，總要有一兩支看門口～ 💕
<看全文>
Sanna Cher好用推薦：產品屬於輕薄擦頭的睫毛膏，來回擦塗已完成早染。除以外，有做到根根分明的效果，如配搭眼影，妝容會很特別。使用前後效果，在深色的眼影下，有看見睫毛膏的顏色。完妝的效果
<看全文>TsuenMa好用推薦：CANMAKE TOKYO 睫毛液 Quick Lash Curler 本身對睫毛液又愛又恨，因為好容易一眨眼就沾左啲色係眼袋個個位，如果一卒又唔容易抹得甩，變度一撻撻勁核突🤢 所以我買睫毛液產品嘅時候，都會着重佢係咪好快乾得到，減低出事嘅機會。 但係快乾嘅睫毛液都有需要留意嘅地方，要避免吾好長時間將產品暴露喺空氣之中，之後會凝固左用吾到，所以用完之後記得要即刻執返佢入樽入邊，以防乾咗之後就會打撠好難用🤧 💟色號選擇：多色，由classic black 、 brown、grey 到red都有。讓你係吾同場合、妝容上面都可以有合適嘅配搭。 💟刷型擦頭：可以做到睫毛根根分明，吾會有曱甴腳/撠住一嚿嚿嘅情況。 💟持久度不錯：基本上都可以hold到全日，甚少會有甩色嘅情況。 ☪️用後感：呢款產品可以令到眼睫毛變得細長，成個眼睛精靈咗、放大咗。唔同嘅顏色選擇，可以配搭頭髮顏色嘅變化，可塑性好高。防染暈嘅程度都好唔錯，唔會搞到眼底黑鼆鼆。所以總括而言，係好值得入手嘅一件product。
<看全文>
Sanna Cher好用推薦：擦塗產品時，是使用美睫妝容的最後步驟，作睫毛定妝之用。刷頭能夠梳理塗上睫毛膏的睫毛，加強分明條理的效果。 使用睫毛膏後如圖見睫毛已顯修長，但下睫毛仍見有點雜亂，可使用產品梳理。 使用產品後，上睫毛效果相同，只作鞏固。下睫毛在梳理後更整潔，條理分，，妝容感更強。 完妝照片，見睫毛方面的妝容有明顯加強，仍做到自然的妝容感。
<看全文>Kuma好用推薦： 呢支近期架妹最愛既睫毛液♪ 架妹對於透明感精緻妝容嘅執著真係無人能敵( ；´Д｀) —————— ♪ 束感效果：★ ★ ★ ★ ☆ ♪ 持久度：★ ★ ★ ★ ★ ♪ 使用難度：★ ☆ ☆ ☆ ☆ ♪ 性價比：★ ★ ★ ★ ★ —————— 對比其他開架品牌嘅束感睫毛液，感覺呢款既質地相對較為輕盈，好快乾，喺香港呢個喺頭髮狂噴hair spray出門都會秒塌既潮濕天氣都keep到全日捲翹，性價比黎講小資女生同學生都絕對可以閉眼入！♪ 睫毛夾夾翹睫毛後先用下面既梳頭整理好睫毛，然後用Z型束感梳頭時我會稍為喺睫毛根部停留1-2秒先梳上去，確保大部分睫毛液都係沾喺根部而唔係睫毛尾端（如果唔係會變曱甴腳><） 本身有用開佢地嘅mascara base，按照佢地宣傳咁講一齊使用，睫毛比較稀疏嘅我感覺會比起單用束感睫毛液效果更好～但份量要拿捏得好好，搽太多base再用呢支會變曱甴腳⋯所以手殘黨都係建議單用呢支就夠！ 留意返因為超強持久力所以只使用卸妝水係卸唔甩的！！溫水都卸唔到，只可以用卸妝油～ #火熱新品
<看全文>
Kitty 好用推薦：KissMe睫毛打底霜！唔使100蚊，由朝撐到晚嘅睫毛鐵柱係咁煉成嘅！ 喂！各位姊妹，想同大家分享吓我一路用左n支都肯回購嘅開架眼妝神物 —— KissMe持久捲曲睫毛打底霜！講真，我對睫毛膏要求好簡單：夠翹、夠持久、唔暈妝、唔蟑螂腳！呢支嘢？真係冇得輸！ 之前用開某大牌睫毛膏，下晝已經變落湯雞，暈到變熊貓！見到好多日本妹同台灣YouTuber都狂推KissMe呢支打底，話係油眼救星、塌睫毛恩物，所以買來試下，一試真係不得了！ 支膏體係半透明灰黑色，入面有啲好細好細嘅黑色纖維。刷頭係彎彎哋嘅，好貼眼型，連眼頭眼尾啲短毛毛都輕易掃到！質地唔會太濕笠，亦唔會一嚿嚿，乾得幾快吓。 我嘅使用步驟好簡單： 1. 夾睫毛（夾到最翹！） 2. 即刻！記住係即刻！掃上呢支打底膏，由根部 Z 字形向上掃，重點加強根部。 3. 等10-15秒左右，等佢乾透、定型（呢步好重要！）有需要的話可以再夾一次睫毛。 4. 再疊加上你鍾意嘅睫毛膏（我通常會再上一層黑色睫毛膏加強效果）。 💥 效果點？驚艷位喺邊？ 1. 捲翹度爆燈！💥 真係冇誇張！佢個定型能力超強！我啲天生向下生嘅直毛，夾完再上佢，真
<看全文>Miranda好用推薦：【質感】 首先講刷頭，佢係微彎嘅梳子型刷頭，齒距密，可以輕易抓住每一根睫毛，由根部掃到尖端都好順手。膏體係墨藍色，上面之後唔會灰灰白白，單用已經好自然。質地唔會太濕，亦唔會太乾，上面之後好快就乾，唔怕眨眼嗰陣黐住眼皮。佢嘅配方有纖維，但纖維幼細，唔會掉落或者刺眼。刷頭嘅大小適中，眼頭眼尾同上睫毛下睫毛都用到，唔會沾到周圍都係。 【使用感】 使用感方面，呢支底霜真係為「油眼人」而設。我本身睫毛偏直偏硬，夾完之後唔用底霜的話，半日就會塌返落嚟。但用咗呢支之後，朝早夾完睫毛掃上一層，睫毛全日保持翹起，完全唔會塌。佢嘅定型力好強，但唔會令睫毛變硬變脆，摸落仲係有少少彈性。最驚喜嘅係佢嘅防暈染效果，我係超級油眼，用其他睫毛膏半日已經變熊貓，但用呢支打底再疊加其他睫毛膏，全日都冇暈染。官方話佢可以單用，我自己試過單用兩層，效果係自然纖長，睫毛翹翹地，好適合裸妝或者返工淡妝。唯一要留意係，因為佢嘅膏體乾得快，掃嘅時候要快手啲，否則會有少少結塊，建議分層薄薄咁掃。 【持久度】 持久度係呢支底霜嘅最大強項。朝早八點化好妝，到夜晚十點，睫毛依然翹起，下眼瞼完全冇黑色暈染。我試過喺潮濕嘅夏天出街全日
<看全文>
Sophia好用推薦：在日本旅遊通常都會入手睫毛膏，一來液體眼妝產品更需要定期替換才衛生，二來日本品牌的擦頭較歐美品牌細適合亞洲人用。藥妝店產品多到簡直花多眼亂，旅遊時分秒必爭的情況下，有著@cosme第一位貼紙的OPERA Mylash Advanced睫毛膏立刻吸引了我的目光，沒有用過也毫不猶豫地放入購物籃！ 用後果然沒有失望～纖細的刷頭能輕鬆捕捉每一根睫毛，即使是下睫毛也能均勻塗抹，根根分明，完全不會結塊或蟑螂腳。溫水可卸的特性更是方便，卸妝時輕鬆不費力，卻又能維持一整天的捲翹，持久不暈染。對於追求自然妝感的朋友，OPERA Mylash Advanced睫毛膏是日本旅遊必買！
<看全文>L好用推薦：上網買，係夏天用完全唔會花，效果纖長自然，唔會結塊，可以keep到10幾個鐘，高性價比，抵買。
<看全文>
Sanna Cher好用推薦：使用品牌產品的睫毛底膏、睫毛液和top coat。使用產品前，見睫毛只是稍為翹起。使用產品後，見睫毛有更纖長。完妝照片。
<看全文>YY好用推薦：Ettusais 係 shiseido旗下開架品牌，質數有保證，依枝係魔束細緻濃密眼睫液👉🏻煙燻色 我會形容呢支Mascara係芝麻灰色，依隻色少有又靚，佢並唔係坊間嘅灰黑色，其實佢成條line嘅Mascara屬於而家新興嘅亞麻色調🩶 掃頭size不算大，連下眼睫毛都掃到。膏體順滑，唔會起結塊 ，全日都冇點甩過。我用shu uemura卸妝油，容易卸得乾淨。 由於佢冇延長纖維係入面，有時我會當埋eyebrow膏，眉妝都keep得到！ 2024年我染左亞麻灰髮色，上眼睫毛用依支芝麻色，下眼睫毛就用返黑色，襯埋落Love liner既Mocha色eye liner，絕配！年未出街我一定用佢😍
<看全文>
zzzhelen好用推薦：超值之選，買哂都唔肉赤，又有好多顏色玩。顯色度好高，啱哂鍾意玩色既人。粉壓得唔係好實，取粉時要點點點，唔好係咁掃 我手頭上眼影盤黎講有yes please, give me to me straight同埋citrus fizz yes please我最鍾意用黃 mischief 同橙chauffeur 加閃閃butter cake化夏天維他命妝。秋冬又可以用南瓜色GNO同Spoiled give it to me straight 我比較少用，整體偏紅同較深色，不過盤入面既閃粉色好易用。另外，我對be blunt依隻色敏感‼️用完佢眼皮就會起粒粒同埋痕、甩皮 Citrus fizz（未影相，稍後補）好啱日常用，一盒4色，我多數用so tart打底完用求其一隻閃既畫埋臥蠶，眼頭同埋眼中間，咁就搞掂了。有需要先用peel away加深輪廓
<看全文>Cy好用推薦：呢盒眼影主要係暖色系，以大地色系為基礎、紅色系為輔，比較有活力，我主要都係用大地色個幾隻 眼影粉質細緻，又唔會壓到很實，所以幾易取粉 顯色度方面表現幾唔錯，我主要都係用手指腹上妝已經好夠，基本上取少少量已經好顯色。 佢嘅珠光閃粉都超顯色，飽和度同延展度幾高，算幾好暈染 係手度試色睇得出顏色都幾顯色，而且呢盒都比較易駕馭易上手，性價比都高，用左好耐都仲有好多而且有9格色配搭
<看全文>
Fng好用推薦：KissMe 極細眼線液筆用後感 （春夏・熟齡混合偏乾肌） 👁️✨ 化妝咁多年，最怕兩件事：眼線出水唔順，同埋未到中午就溶成熊貓眼。 尤其香港春天濕到牆滴水，夏天又熱又焗，眼線撐唔住真係好狼狽。 KissMe 呢支眼線液筆（約HK$65 / 0.4ml）我聽過好多人讚，但一直半信半疑。一支筆，扭轉我對開架眼線嘅印象 筆頭極細，新手都控制到 0.1mm 極細筆尖，就算手震都唔會「畫出界」。我用嚟填補睫毛根部同畫眼尾，精準度拍得住專櫃筆。 出水順暢，唔會斷斷續續 輕輕掂到皮膚就出到色，唔使㩒到手指痛。 顏色夠黑，一筆到位 我買黑金色，係實實在在嘅濃黑色，唔係灰灰淡淡嗰種。 潮濕天氣實測：溶唔溶？ 講到眼線，防油防暈先係關鍵。我特登喺以下情況測試： · 全日冇補妝：朝早8點化好，夜晚10點返到屋企，眼尾完整無缺。 · 出汗 + 戶外：行咗半日街，鼻翼出晒油，但眼線依然喺度。 · 眼油困擾：我係內雙眼皮，好易溶妝。呢支捱到8小時先有少少褪色（已經好叻）。 👉 一句總結：防暈力強💯，春夏天用都好安心。 不過都有少少嘢要留意 · 眼線膠筆 vs 眼線液筆：如果你想要好柔和自然
<看全文>ArielG好用推薦：有多種顏色選擇，05色相對比較自然，較易控制粗幼易畫，溫水即可卸👍🏻
<看全文>
karun好用推薦：這支睫毛膏系台灣購買，剛用有非常驚艷的效果：細纖直刷頭，一刷能試睫毛激長，能做到非常輕盈的效果，喜歡自然妝感的女生刷一兩下已經足夠；喜歡濃密睫毛的，多刷幾下也能做到理想的效果！ 唯一就是用得耐，幾個月後會結塊，建議在上手先再上眼。
<看全文>Chloeincosme好用推薦：1028 眼睫毛液 以前喺台灣好紅，而家用落都唔覺得差，而且台灣買價錢真係好平！不過可能我隻眼太油，夜晚仲會有少少溶妝～ 🤍 纖長效果：4/5 刷一層已經明顯拉長睫毛，而且根根分明，唔會結塊，效果自然～ 🤍 捲翹度：3.5/5 夾完睫毛再搽，可以維持到半日捲翹，不過晏晝開始會慢慢塌返落嚟～ 🤍 防油度：3/5 對我呢種油眼人嚟講，防油效果普通，夜晚眼尾會積咗少少黑色印～ 🤍 性價比：4.5/5 台灣買真係好抵！平過香港好多，效果對得住個價錢～ 總結： 如果你唔係油眼肌，1028呢支睫毛液絕對係平價好選擇！纖長效果自然又易卸，去台灣旅行可以掃貨～不過油眼人就要諗諗先，我會冬天用，或者加多層睫毛底膏打底！ #換季 #轉季
<看全文>
Emily Leung好用推薦：Innisfree纖細睫毛膏用後感｜真・根根分明！手殘黨都用到嘅神器！ 哈囉！各位姊妹～ 今日同大家開心Share我最近嘅新寵——Innisfree纖細睫毛膏！用咗一排，真係要同大家講，如果妳怕蒼蠅腳，呢支真係救星！即刻同大家詳細講解下！ 睇下支嘢幾簡約！黑色包裝好簡約，細細支好方便帶出街補妝。 點解會揀呢支？ 本身我嘅睫毛條件一般，又短又直，最慘係每次用睫毛膏都好易「一舊舊」，變咗蒼蠅腳，睇落好邋遢！見好多韓國美妝博主都大推呢支，話個刷頭係精髓，所以就入手試下啦！ 關鍵嚟啦！個刷頭真係幼到好似支針咁！同普通個啲大蘑菇刷頭完全唔同，可以精準刷到每一根睫毛。 妝效如何？自然派最愛！ 我通常會薄薄哋搽兩層，效果真係好自然！唔會好似戴咗假睫毛咁誇張，而係好似本身啲睫毛就咁長咁翹，出嚟係「偽素顏」心機妝感！真係做到根根分明，零結塊！ 持久度同防暈度點樣？ 我朝早化妝，到落班返到屋企，足足十個鐘，睫毛都依然Keep住翹！我眼肚算係幾易出油，但用呢支完全冇暈開，冇熊貓眼，呢點真係要比個Like！ 有冇咩要留意？ 如果妳係追求超濃密爆炸效果，咁呢支就可能要疊擦多幾層，或者用支濃密款
<看全文>zetalhc好用推薦：性價比超高嘅睫毛液，纖細嘅擦牌可以令睫毛根根分明，又唔會起一粒粒嘅膠，非常好用。唯一就係比較難卸妝，就咁用卸妝洗面奶卸得唔乾淨，一定要用卸妝油。 
<看全文>
poonpoon好用推薦：戀愛嘅季節一定要妝容變得更加溫柔，除咗粉粉嫩嫩嘅胭脂，仲有三文魚色嘅眼影之外，一定唔少得一支淺棕色睫毛液。 Majolica majorca 睫毛液出名超多纖維，而且有多種顏色選擇，黑色、深棕色、淺棕色，而且仲有分防水，溫水可卸。 浪漫既季節必選淺棕色，妝容加倍溫柔🌹就算只係搽一層，已經非常長翹，沒有曱甴腳。就算全日都冇甩過。本身的刷形掃頭已經可以令睫毛好纖長，不需要特別技巧。 可惜嘅係只有台灣、日本先有得賣，記得去旅行要團貨。 甜美嘅笑容，加上無敵溫柔嘅妝容，夢幻甜美感up up up💕
<看全文>YY好用推薦：MJ持久鬈長激場睫毛液 學生年代睇YouTube開始興起，已經撤出香港市場多年😿去親日本旅行一定買返3-4枝，啡色黑色都買。 平價好用，質量好。超多纖維，好易刷到好纖長嘅睫毛 我唔會夾眼睫毛，過份捲撓style唔適合我， 淨係鐘意用纖長mascara，mj睫毛液刷完2層就好夠。我會刷完之後會用眉刷刷返順啲睫毛，咁就好靚。之後再噴setting spray撤回都冇甩，乾得幾快。 出咗全日街有少少溶，用Shu uemura潔顏油都落得好乾淨。到2024仲係我心目中既top one睫毛液 🥇
<看全文>
mandy好用推薦：D-UP Perfect Extension Mascara for Curl 完美纖長鬈翹睫毛膏 #RUBY BROWN 寶石紅棕 功效：纖長+自然鬈翹 建議大家先用mascara base打底， 之後再上完美纖長鬈翹金膏就會更容易掌握。 完美纖長鬈翹睫毛膏可以完成既纖長又自然鬈翹的睫毛。 想要纖長的睫毛，只需多掃幾次睫毛膏便可。 完妝時，睫毛膏鬈翹纖長不暈染不溶妝， 持久度非常好，而且睫毛根根分明。 睫毛膏的掃可以好好的抓緊短小的眼頭睫毛及下睫毛， 而且可以輕鬆畫下睫毛而不暈染。 此外，完美纖長鬈翹睫毛膏暖水可卸，不傷睫毛。 含保濕成分: 聚乙二醇-45M, 水解透明質酸, 維生素原B5 及 水解蠶絲蛋白 鎮靜消炎成分: 維生素原B5 及 銀杏葉萃取 抗衰老成分: 人參根萃取, 銀杏葉萃取 及 枇杷葉萃取 抗氧化成分: 人參根萃取, 銀杏葉萃取 及 枇杷葉萃取
<看全文>Lumi Kwan好用推薦：顏色都係低飽和度嘅顏色，係現時化妝界最熱門嘅色調，我買嘅係淺啡灰色同埋淺啡黃色，無感比較強，適合化一啲淡水妝，妝容篇冷白色調嘅效果會更加適合，不論顏色，兩支睫毛膏嘅持色度都非常之好，而且冇甩色嘅情況，掃頭都好容易控制，易於描繪。
<看全文>