LAURA MERCIER

鑽光幻魅眼影筆

首先，佢嘅包裝係有啲重量嘅，拎上手好實在，唔似一般開架眼影筆咁輕飄飄。筆身係肉色金屬，幾高貴。扭出嚟嗰下，嘩，個頭好圓好大，感覺好似一筆就可以油勻半塊面咁（講笑）。不過呢個設計其實有原因，一陣會講。 顏色：04 號，到底係咩色？ 呢隻 04 號，官方叫咩名我就唔記得，但肉眼所見，佢係一隻帶有極細緻銀白閃粉嘅香檳金色。記住，係香檳金，唔係死白金色。佢隻底色偏暖，所以亞洲人膚色用上好自然，唔會顯得手腫或者似「孫悟空」個眼圈。 佢嗰啲閃粉，真係要讚。佢唔係嗰種大粒到跌落面珠墩嘅「蔥花」，而係好幼細、好貼膚嘅「鑽光」。喺燈光下轉動，會見到一格一格嘅折射，低調但奢華，真係對得住個「鑽光」名。 實測質地：係神筆定係伏筆？ 呢個係重點。佢嘅質地係忌廉狀，好軟滑，一畫上去就上色，唔使嚟回拉扯眼皮（呢樣對眼周皮膚好重要）。 優點： · 快靚正：真係一筆搞掂。朝早趕時間，就咁由睫毛根部向上掃兩下，再用手指或者眼影掃blur開個邊緣，一個有層次嘅眼妝5秒鐘搞掂。佢個大筆頭就係用嚟做大範圍打底，勁方便。 · 貼膚唔積線：呢樣係Laura Mercier嘅強項。佢乾咗之後會「食住」層皮膚，好似變咗粉

Laura Mercier 的「Caviar Stick Eye Shadow」推出了升級版「Matte Caviar Stick Eye Shadow」，色號 Caramel 屬於啞光霧面質地。 · 顏色與妝效：柔和的中性淺棕色 (neutral light brown)或溫暖的焦糖淺棕色，也有人形容是「大人系」的沉穩色調。它非常適合用來增加眼部深邃感，同時能修飾眼皮暗沉。 · 產品特點：主打 24小時 持久、防水防暈且不會卡進眼皮摺痕。配方加入了透明質酸鈉等保濕成分，質地** creamy 軟滑**，易推不拉扯。 · 質地與容量：升級版是奶油般的柔霧質地，正裝容量為 1.64g。 📝 總結 Laura Mercier 新版眼影棒 #Caramel 是一款質感與實用性兼備的啞光單品。它低調沉穩的色調、超強持久力和絲滑的奶油質地，非常適合打造日常深邃眼妝。 #LauraMercier #CaviarStick #MatteCaviarStick #Caramel #眼影棒 #魚子醬眼影筆 #啞光眼影 #持久眼影 #防水眼影 #焦糖色眼影 #日常眼妝 #深邃眼妝 #@cosme

Laura Mercier鑽光幻魅眼影筆 1. 質地與使用感 奶油質地順滑好推，不拉扯眼皮。顯色度中高可疊加，用手指暈開邊緣最自然。乾透後持久力強，雙眼皮摺處不易積線，油眼皮建議先用眼部打底。 2. 兩款色號對比 · #落日玫瑰 (Roseglow)：帶暖調的煙燻玫瑰粉，金銅色細閃。適合打造溫柔紅棕感眼妝，可作主色打底或眼尾暈染，顯白不顯腫。 · #鎏金浅棕 (Burnished Bronze)：暖調可可棕，融合金色與玫瑰金珠光。可作眼線色或眼窩深邃色，單擦是氣質金屬光澤，適合小煙燻妝。 3. 優缺點 · 優點：新手友善、帶妝8小時不暈染；旋轉筆身免削，另一頭附海綿棒方便暈染。 · 缺點：筆芯較軟，每次轉出約2mm即可，避免斷裂；珠光顆粒卸妝時需眼唇卸妝液濕敷。 4. 使用建議 可將落日玫瑰打底眼窩，鎏金浅棕畫上下眼線並暈開，最後疊一點玫瑰色在臥蠶。兩色搭配能快速完成有層次的約會妝，比全霧面更活潑。 整體很適合追求快速完妝、喜歡細緻光澤感的人，這兩色屬於不容易出錯的實用選擇。

今次收到Laura Mercier嘅鑽光幻魅眼影筆有兩枝，分別係亮澤玫瑰粉紅modern rose，同微閃玫瑰金色rosegold嘅旅行裝。包裝係可以扭出之後可以扭返入去嘅設計，新開嘅時候筆頭唔可以全部收入筆身，所以蓋返筆蓋嘅時候要小心唔好揩到筆頭。 手臂試色係咁。上面係modern rose，下面係rosegold。 兩隻都係相對穩陣易用嘅顏色，單用定作為打底喺上面疊加粉狀眼影都可以，珠光質地單色用都已經好靚。 個眼妝係簡單用咗呢兩枝鑽光幻魅眼影筆，以modern rose上眼皮打底，集中喺眼尾疊加做出深邃感，眼中眼頭加上rosegold作highlight，再用rosegold畫臥蠶，最後加上眼線睫毛膏完成。呢個眼妝顏色自然珠光細緻，日常出街返工都啱化。 以下係少少用後感。 ✅持久顯色 花咗啲時間影咗一輪手臂試色相之後，眼影筆已經定咗妝，我嘗試大力用手指捽，發覺顏色完全唔會被捽開，只有好細粒嘅閃粉被捽散咗同痴喺手指上面。我對呢個持色度真係好驚艷，即係代表就算我多手捽眼都唔會冇咗色。 同時亦都代表搽咗上眼皮之後要即刻blend開，如果唔係佢定咗妝之後就會blend唔開，建議畫完一筆

Laura Mercier 鑽光幻魅眼影筆 — 色號：MODERN ROSE，推介✅️👍 - 質地：滑順易推，好易暈開，新手都控制到，可以由淡至濃層疊出唔同妝效 ✨ - 顯色度：Modern Rose 帶有溫柔玫瑰金調，一推即顯色，可層疊做漸變 🎯 - 光澤：細緻玫瑰金珠光，唔會有粗糙嘅閃粉感，自然透亮不誇張 💖 - 持久：日常持妝力佳，測試用紙巾大力擦拭後仍有一半妝效保留（圖4） 💪 - 使用方便：筆狀設計方便隨身補妝、旅行必備 ✈️ 小貼士： - 配色建議：配啡色或深玫瑰色眼影做眼尾加深，約會或晚妝更有層次 🌹 - 日常速妝：一支眼影筆 + 指腹已足夠，快手搞掂。⚡️⚡️ 總結：Modern Rose 係低調有氣質嘅玫瑰金色號，適合想要溫柔光澤但保持自然妝感嘅朋友。而且眼影筆真係好啱簡便外出時使用，總要有一兩支看門口～ 💕

Thanks @cosme - Laura Mercier鑽光幻魅眼影筆 亮澤玫瑰粉紅modern rose 微閃玫瑰金色rosegold Travel size 首先包裝扭入扭出設計，直接用喺眼上非常方便。呢兩款顏色非常易襯搭 可以見到手背上試色。 上面係modern rose，下面係rosegold。 好似我會用modern rose 做打底 喺上面疊加rosegold 眼影做highlight ，眼嘅輪廓已經好突出，當然單色用都冇問題啦！ 佢哋嘅眼影係珠光質地單色用其實都已經好靚。易推好大力捽都唔易乜色！ 呢個眼妝顏色好適合日常返工，已且兩隻色已經做到嗰個效果非常方便。 ✅持久顯色，不掉色 ✅順滑質感自然風，可以用手指blend ✅快靚正

有幸收到 @comse LAURA MERCIER新產品的試用，超感謝～ 今次收到兩款鑽光幻魅眼影筆。它屬於旋轉型筆頭，筆芯硬度適中。而筆頭應該為了方便可以大面積上眼影，所以設計成較闊的圓形。用後合上筆蓋時要小心避免弄到筆頭。 兩款色號分別為 Modern Rose Rosegold圖中是把眼影筆來回抺在手臂三至四次左右的顯色度，兩者都是帶幼細閃粉，輕輕一抺已經很上色。如絲綢般的質地輕易推開，很適合上班化淡妝或者趕時間使用，快速塗抺數次在眼簾上，用手指在邊緣作簡單暈染或者可用掃提升精緻。但由於眼影太貼服不脫色XD，所以若需要暈染眼影邊緣需要快手，不然就很難再推開顏色呢～ Modern Rose 是帶棕紅的玫瑰金色，顯色度較高，就算新手使用也容易控制。 Rosegold 是珠光感較重的啡金色，低調但光澤感重。或於使用兩種眼影疊擦時，在臥蠶或眼皮邊緣作Highlight用途。 本人是屬於內雙眼皮且油眼，所以全部眼妝產品需要高抗水抗油，否則在夏天期間完妝後不用十分鐘就會化開。今次使用Modern Rose 眼影筆上妝後，玫瑰金色經暈染後，完全給人一種溫柔，帶點精神的感覺。 在夏天炎熱

感謝@cosme 邀請和抽中有機會試用Laura Mercier 「鑽光幻魅眼影筆」, 收到兩枝分別係貨裝嘅MODERN ROSE及旅行裝嘅ROSEGOLD色！兩個顏色都係好百搭嘅色調, 亦都好易match到大地色嘅妝容效果, 好適合日常使用嘅色tone! 個人平時少用眼影筆, 怕難控制個力度上色 首先覺得眼影筆嘅質地好順滑, 筆頭大細適中 容易上色同顯色 畫上眼簾後可以容易用手指blend開 帶珠光感又唔會好誇張 顏色自然得嚟有質感 同埋好貼服 閃粉細緻唔易甩 眼影唔係一抹就容易會甩, 所以持久度理想的👍🏻 偏淺色嘅ROSEGOLD好百搭 可以喺眼簾大範圍嘅打底, 做highlight同陰影 或者點亮眼頭位置都冇問題, 然後可以用較深色嘅MODERN ROSE做返個漸變層次, 加強立體感同塑造到大眼同暈染效果！ 唯一係因為筆芯喺全新狀態下係未能完全扭到入眼影筆筆管, 所以開蓋同合蓋時要小心！

Laura Mercier 鑽光幻魅眼影筆 首先十分感謝cosme store 抽中我 個人資訊 內雙眼皮 我收到亮澤玫瑰粉紅modern rose 同 微閃玫瑰金色rosegold嘅旅行裝 顏色好靚❤️ 質地順滑，超易上色 用眼影掃輕輕一掃就可以推開 筆型方便攜帶唔會跌碎 （因為本人好論盡已經跌碎過2盒眼影……） 圖1係我素顏 modern rose (圖a,b) 上色勁靚 顯得好精神 持久不脫妝 圖c係返工9個鐘後，完全冇甩冇散 圖d係出街係室外5個鐘左右 天氣炎熱都冇甩冇散 Good 👍 rosegold（圖e) 顏色較淺 但閃感好足，顯得好有光澤 十分推薦！！

首先好榮幸收到 @cosme 抽中的試用，好耐之前有用過眼影筆，但因為效果未係好理想所以無再用。今次無難得機會再用眼影筆，佢比平時用開的粗身，包裝係轉出黎，但轉左出黎有d kick轉返落去。 而今次呢支眼影筆係有驚喜！勁絲滑易畫，質地係膏狀，基本上輕輕一劃已經有色，唔洗拉扯皮膚太多次！用左淺色黎畫臥蠶，岩岩好一筆，算係幾自然。眼色上佢比較貼近膚色同亞洲人膚色，但我個人就覺得偏黃少少。本人幾中意有閃粉的化妝品，除左眼影或者畫臥蠶之外，應該可以試下畫眼頭，做閃光效果！玫瑰啡色個支顏色我比較少用，驚一黎太深色會偏老，但都係一畫就有色，算幾顯色！同埋比想像中顏色幾自然，幾岩化妝新手用 至於持久度，無定妝情況之下，係戶外3個鐘頭都keep到，唔明顯的溶妝，都無卡粉的狀況，仲要加左面油好似仲自然左，笑。 以佢慳空間黎講，拎去旅同化妝新手幾好用！

首先多謝@cosme嘅試用 今次係收到modern rose同埋rosegold 呢兩隻色嘅眼影筆，係屬於比較大地色系日常使用完全適合！ 首先從佢外觀上面嚟講，個人好鍾意用眼影筆，因為好慳位同埋上妝嘅方式好方便！佢今次個設計其實都好簡潔～啱晒啲簡約控 然後試上手嘅時候覺得真係好順滑，而且都非常顯色，同埋真係做到佢所講嘅均勻貼膚嘅效果～ 當時上眼嘅時候，rosegold呢隻色就相比起modern rose冇咁顯色，不過可能因為佢本身隻色比較淺，咁就可能要畫多幾下先比較明顯 至於持久度嗰方面，個人覺得係幾有驚喜 嗰日去咗睇戶外演唱會，喺香港呢啲又濕又熱嘅情況之下返到屋企再睇發現個眼妝其實都仲hold到少少，未至於甩晒，而佢所提及嘅閃爍優雅眼妝嘅效果其實都仲睇到佢嘅閃，呢個位的而且確係好有驚喜

@cosme 首先非常之開心收到Laura Mercier鑽光幻魅眼影筆 分別收到 亮澤玫瑰粉紅modern rose （正裝） 微閃玫瑰金色rosegold （旅行裝） 首先覺得今次LM係非常之有誠意，送出正裝貨品俾我哋嘗試！ 眼影係扭扭設計，扭出扭入，但留意扭入嘅時候呢係收唔返晒嘅，所以收返埋嘅時候小心壓到眼影筆 上手係以下咁： 上： Rosegold 下： modern rose我眼底本身偏油，化眼影妝嘅時候好多時大半日之後就已經開始眼妝會溶溶哋，我覺得呢隻眼影筆搽上去係方便嘅，但係做暈染嘅時候好似唔係好smooth ，但上咗色嚟講整體我覺得都係靚嘅 至於持久度方面，大半日之後我再望一望隻眼，都有少少溶妝，但係好明顯比普通正常眼影粉相對溶少咗 整體感覺還好，但未至於很驚訝

首先感謝cosme抽中我作為Laura Mercier 既鑽光幻魅眼影筆試用者之一，好高興可以試到專櫃既產品！🌸🌸 講下包裝先，佢係全黑，品牌名然後最底到有隻眼影色來indicate係咩色。簡單易明，質感上有專櫃產品應有既簡潔。 平時我就用開眼影盤，所以對於筆形既其實都相對好奇。打開佢既質料發現係膏狀，就更加好奇，因為完全未用過。今次拎到既色分別係rosegold(短)同modernrose(長)。2隻色如果係我自己去睇既話，相信我唔會買，因為覺得唔岩我膚色。但今次試上眼既時候意外地非常自然！ 因為佢個隻modernrose色偏朱砂啡內含珠光，所以擦上眼既時候自然地融入我偏黑既膚色而且更加提亮到變有神。好驚喜！！😳😳而rosegold佢偏向係blingbling提亮玉白色，所以我用來畫淚袋非常出眾！！🫶 先講我既用法：清水洗面＞護膚（爽膚水+精華+眼精華+眼霜+面霜）＞防曬。等個10分鐘就隔離霜＞遮瑕＞蜜粉＞眼影。我先用rosegold作為打底，再擦modernrose為眼影色。之後再用番rosegold作為淚袋。基本上佢因為膏狀上眼非常之易推之外仲可以keep得好好，我出街10個

多謝 @cosme 今次咁豐富嘅full set試用，無論眼仔，嘴唇定底妝都一次兼顧曬！ 自從唔洗戴口罩，已經開始多返用化妝品🎨，大時大節影相都靚啲。 筆身🖊️造型，方便攜帶，搽完輕輕用手抹開就得。 佢仲係我鍾意嘅珠光閃，唔係啲粗糙粒閃粉，閃得嚟不浮誇， Modern Rose 🌹 比較深色，個人偏好Rosegold🌟，獨立使用都有閃閃發亮嘅效果。 兩者同時使用，深色可以營造深邃眼窩。 上線為Modern Rose 🌹 ，下方線為Rosegold🌟 左邊眼深色為Modern Rose 🌹 ， 右邊眼較閃亮為Rosegold🌟

今次一共收到兩隻色嘅試用，分別係Modern Rose 同 Rosegold，兩隻都係好易襯嘅顏色～呢支眼影筆嘅質地好易推開，要做到疊加嘅效果都好容易～就咁用呢兩隻色加埋，就已經畫到好靚嘅眼妝～值得一提，佢嘅幻彩閃粉係比較柔和，即使日常返工用都唔會覺得好浮誇。我鍾意用Rosegold可以用嚟打底、Modern Rose就可以當眼線打底咁用。 我本身係油眼，夏天用都無乜點溶，唔會卡住係眼皮，持妝效果算係中上～而且兩支都好輕便，好適合帶去旅行使用～

感謝@cosme 邀請試用Laura Mercier 幻魅彩妝及碎粉～ 這次試用的鑽光幻魅眼影筆色調是Rose gold和Modern rose，都是很適合用於各種不同膚色上，容易搭配的色調。 首先Laura的眼影筆給我的感覺就是很輕巧和很方便攜帶，使用眼影筆只需把它扭出來直接塗抹在接近睫毛根部或整個眼簾上，再簡單使用化妝掃或用指尖暈染就可以了，真的好方便。 圖中我把Modern rose塗抹了整個眼簾，再把Rose gold塗在臥蠶的地方，然後直接以指尖暈染。眼影筆的質地很順滑貼膚，延伸性很好，輕塗一兩次已經很顯色了，也看得到珍珠柔光的效果很漂亮。要是比較喜歡富質感漸層的眼妝，建議可以選擇逐層疊加暈染的方式。 持久度方面請見下圖是戶外帶妝超過12小時的效果，可見沒有脫色或溶妝，對此本人感到很驚艶呢！很推薦這次試用的產品，相信化妝初哥也能輕易上手！

很高興受@cosme 邀請試用Laura Mercier 鑽光幻魅眼影筆。今次分別收到兩個色號的眼影筆，分別是粉系的Modern Rose，以及淺色系的Rosegold。 外觀方面，兩支眼影筆十分輕巧，除了可以平日上妝，帶去旅行也非常方便，化妝包往往比較小的情況下，放入一整個眼影盤實在很困難，兩支眼影筆的長度比Apple Pencil更小巧，帶出門也更方便。 眼影筆帶有「鑽光」，有別於一般閃粉眼影，LM鑽光幻魅眼影筆加入珍珠柔光粉末，色澤更高級。以往也使用過其他眼影筆，相比眼影盤而言，市面的眼影筆相對較難暈染開，又或者會出現結塊情況。 LM鑽光幻魅眼影筆具有很好的延長性，貼膚效果也很令人滿意。上妝效果方面，於眼皮上方使用的Modern Rose，偏粉的大地色系並不會令眼睛有浮腫感覺。下眼瞼部分使用了Rosegold作為臥蠶及眼頭提亮的作用，因為不會有卡粉問題，妝感更顯年輕。眼部有時會因為天氣或精神狀態，有機會有輕微的細紋，但如同眼部上妝效果照片一樣，即使有少量紋路，也不會卡紋結塊，微閃效果令眼睛看上去更有精神。整體持久度，亦不會因為出油情況而脫色。

多謝cosme給我是次試用！是次試用是Laura mercier的鑽光幻魅眼影筆 。(仲要係AK代言，好開心同佢用到同一款product!) 首先講講眼影筆的質地，用過其他牌子會kick kick地，但呢枝筆超級滑，好似喺眼皮溜冰咁，就咁搽都好顯色。 今次有兩枝試用，我用淺色嘅rose gold 喺眼皮大範圍打底，再將深色嘅modern rose用喺眼摺位下面做個漸變，只要用手指輕輕推開，效果已經好出！顏色比較有光澤感，唔係平時眼影粉嘅閃片效果，唔怕啲粉會掉下呢！ 呢枝筆我覺得好啱帶去旅行，唔驚帶粉狀眼影會喺運送期間碎掉，同埋比起用掃去慢慢搽，呢個慳返好多時間，兼方便。 由於我眼皮比較油，我會先用打底膏，再上眼影。雖然產品係偏膏狀，但佢嘅持久度比起粉狀嘅更持久（可能無粉會掉下）。試咗一個多星期，早上搽完，到放工都無乜甩，仍然顯色，仍然無摺紋！ 試用完性價比咁高嘅眼影筆，我決定要入手其他顏色❤️咁就可以日日換色

很高興能參與Laura Mercier 的試用活動，今日試用「鑽光幻魅眼影筆」，我收到兩隻色的眼影，分別係ROSEGOLD 及 MODERN ROSE, 我用ROSEGOLD 搽整個眼簾，再用MODERN ROSE 搽係眼蓋，整個眼底我用暈染方式，而眼蓋用塗抹方式。比上一代眼影筆更易上色，暈染搽係幾個位，再用指腹推開就搞掂，塗抹方式就更輕鬆，直接用筆搽兩次就得，眼尾輕力少少就好似用眼影掃的效果，顯色度原錯，非常適合帶出街補粧。眼影加左「多維珍珠柔光粉末」亦能做到光線折射效果，有bling bling 的感覺。因為我的眼蓋位十分容易出油，所以下午需要補一次色，但也很方便，直接用筆搽上去就搞掂啦。

Laura Mercier caviar stick eye colour 鑽光幻魅眼影筆- Rose Gold & Morden Rose #好物推介👍🏻👍🏻👍🏻Laura Mercier 眼影用完會心動🤭🤭 重點推介🔥 Rose Gold & Morden Rose 配方加入絲滑細緻嘅珍珠粉末 效果都幾 bling bling✨ 特別精緻🤩 極致柔滑的眼影筆，一筆帶來12小時持久的高顯色度妝效，不暈染、不起皺褶、不轉移 唔怕濕到水會溶，大力捽都唔甩 如果要去船p或者游水，真係非常適合