臥蠶 推薦好用產品

FishFish好用推薦：【Canmake臥蠶盤01 測評】✨ 想化日系無辜眼、漲卜卜臥蠶？Canmake呢款「亮瞳眼影」嘅01號色，被好多日本妹封為「淚袋神器」！等我同大家詳細試清楚～ 🔍 包裝 & 配色 細細盒開架眼影，附有雙頭小掃（海綿頭+扁刷頭）。01號色係粉米色系，有四格： · 左上：提亮閃粉色（主臥蠶色） · 右上：柔和珠光米（打亮眼頭） · 左下：陰影淺棕色（畫臥蠶線） · 右下：深邃啡紅（可當眼影主色） ✅ 優點 · 臥蠶立體自然：左上閃粉極細，冇大亮片，點上去似皮膚自然透出嘅光澤感，唔會太誇張。配左下陰影色畫條陰影線，臥蠶即刻脹起，新手都唔會變「眼袋」。 · 粉質滑溜貼膚：用手指上色最靚，粉體好貼眼皮，唔會飛粉跌到面上。 · 一盒多用：左上打亮淚袋／眼頭／眉骨，右下兩格可化溫柔眼影，出街帶一盒搞掂。 ❌ 缺點 · 閃粉持久度一般：油眼人帶妝半日後，臥蠶閃粉會變淡，需要補一補。不過呢個係日系清透妝感嘅共通點。 · 陰影色要輕輕手：左下嗰格偏濃，新手一筆落重手會變黑線，建議用扁刷「掂一下」再掃開。 · 工具唔夠順手：跟盒支海綿棒偏硬，化臥蠶線用自己嘅斜角眼線刷更易控制。 💰 價錢：約

Chloeincosme好用推薦：Canmake既臥蠶眼影有幾出名唔洗講，而你見我用到凹晒就知我有幾鍾意用佢。有自從買左佢之後，畫臥蠶完全係得心應手，毫無難度。🤣 我自己包晒01/02 色，不過最中意都係01🥹 4 格既粉質都好幼細，唔飛粉，成盤分左做4 格，1 同2 係膨脹色，畫係臥蠶位，3 號深色用黎畫臥蠶線同下置。4號係好幼細嘅閃粉，可以點係眼皮。 大概就係上圖既畫法，手殘如我都冇問題。 畫出黎隻眼大左好多🥹🥹 另一樣好surprise既係日系眼影通常好快冇晒色，但canmake呢隻臥蠶眼影完全唔會！ 建議未入手既真係可以試吓，$80 有找既價錢就可以令個眼妝更精緻！推薦！😗

Luna好用推薦：Laura Mercier鑽光幻魅眼影筆 1. 質地與使用感 奶油質地順滑好推，不拉扯眼皮。顯色度中高可疊加，用手指暈開邊緣最自然。乾透後持久力強，雙眼皮摺處不易積線，油眼皮建議先用眼部打底。 2. 兩款色號對比 · #落日玫瑰 (Roseglow)：帶暖調的煙燻玫瑰粉，金銅色細閃。適合打造溫柔紅棕感眼妝，可作主色打底或眼尾暈染，顯白不顯腫。 · #鎏金浅棕 (Burnished Bronze)：暖調可可棕，融合金色與玫瑰金珠光。可作眼線色或眼窩深邃色，單擦是氣質金屬光澤，適合小煙燻妝。 3. 優缺點 · 優點：新手友善、帶妝8小時不暈染；旋轉筆身免削，另一頭附海綿棒方便暈染。 · 缺點：筆芯較軟，每次轉出約2mm即可，避免斷裂；珠光顆粒卸妝時需眼唇卸妝液濕敷。 4. 使用建議 可將落日玫瑰打底眼窩，鎏金浅棕畫上下眼線並暈開，最後疊一點玫瑰色在臥蠶。兩色搭配能快速完成有層次的約會妝，比全霧面更活潑。 整體很適合追求快速完妝、喜歡細緻光澤感的人，這兩色屬於不容易出錯的實用選擇。

Sophia好用推薦：Laura Mercier 鑽光幻魅眼影筆 — 色號：MODERN ROSE，推介✅️👍 - 質地：滑順易推，好易暈開，新手都控制到，可以由淡至濃層疊出唔同妝效 ✨ - 顯色度：Modern Rose 帶有溫柔玫瑰金調，一推即顯色，可層疊做漸變 🎯 - 光澤：細緻玫瑰金珠光，唔會有粗糙嘅閃粉感，自然透亮不誇張 💖 - 持久：日常持妝力佳，測試用紙巾大力擦拭後仍有一半妝效保留（圖4） 💪 - 使用方便：筆狀設計方便隨身補妝、旅行必備 ✈️ 小貼士： - 配色建議：配啡色或深玫瑰色眼影做眼尾加深，約會或晚妝更有層次 🌹 - 日常速妝：一支眼影筆 + 指腹已足夠，快手搞掂。⚡️⚡️ 總結：Modern Rose 係低調有氣質嘅玫瑰金色號，適合想要溫柔光澤但保持自然妝感嘅朋友。而且眼影筆真係好啱簡便外出時使用，總要有一兩支看門口～ 💕

Kura好用推薦：呢款眼線筆嘅筆頭幼細易畫，對於新手都非常友好，顏色係我最鍾意嘅啡色，用完呢款眼線筆可以畫到非常靚嘅眼線，亦都顯得眼睛非常有精神，我鍾意用黎畫內眼線，唔會溶，整體整容效果如最後一副圖，我會再回購 #眼線 @cosme #眼線

LenaC好用推薦：Canmake 既3-way Slim Shade Liner 自然輕透超纖細造影筆 有三種用法： 1. 眉妝 （可填補眉毛空隙） 2. 畫眼線 3. 塑造眼形 （可以加深雙眼皮及塑造臥蠶陰影） 質地非常輕透 能做出自然陰影效果 要深色既都可以畫多幾筆 如圖所見 顯色度都唔錯 筆頭經過精心設計 由根部至尖端均稱 而且十分纖細 確保每一筆線條皆不會過粗 喺防水防油方便都做得唔錯 即使畫於眼尾、內眼線等多眼水分泌既位置 都唔會化開或者變熊貓眼

ying好用推薦：✨ Bobbi Brown Long-Wear Cream Shadow Stick Ombre Crème Stick Longue Tenue 用嚟畫臥蠶 好靚・好bling ✨ 💬 用完真心話 呢支Bobbi Brown眼影筆 我唔係就咁當眼影用 而係用嚟畫臥蠶。 ✨ 做臥蠶好靚 輕輕一畫 下眼位置即刻有自然嘅提亮 唔會太誇張 但就係嗰種「唔知點解對眼精靈咗」嘅效果 ✨ 好bling 佢嘅光澤係細緻嗰種 唔係大閃片 而係好高級嘅微閃 望落去好乾淨、好靚 ✨ 質地順滑 霜狀質地 畫落去好順 唔會拉扯眼周皮膚 ✨ 持久 佢個系列叫Long-Wear 真係幾持久 畫完之後成日都唔會甩 唔會積線 ✨ 方便 筆狀設計 一畫就得 唔使掃唔使手指 趕時間用佢畫臥蠶好快 🌟 我嘅總結 Bobbi Brown Long-Wear Cream Shadow Stick 我會用佢畫下眼位置 做臥蠶好靚・好bling ✨ 自然提亮 唔誇張 對眼即刻精靈咗 持久度好

Vera Violet好用推薦：夏天最驚熱到成身汗，出門口幾分鐘就開始溶妝，Bobbi Brown 呢支 超持久炫彩眼影筆 絕對係必備~ 色號： 我入手左 Cappuccino，係一款好溫柔嘅啞緻大地色，呢個色實用性高，單色搽可以消腫、加深對眼既輪廓；或者當做 base，係上面疊加其他閃閃色都超靚 妝效： 主打防水防汗，真心好岩夏天用，全日都 keep 到原色，唔驚變積線甩色 用法好方便~ 朝早趕時間，係眼皮畫兩下再用手指摔兩下就暈染得好靚，即刻可以出得門口，直頭係返工/旅行神器 已經睇緊其他色，睇岩絕對會再買多幾支，瘋狂回購！

jojoma123好用推薦：一直以來, 也十分喜愛Canmake Tokyo 的彩妝產品, 除了價錢親民之外, 產品亦夠多元化. 早前試了這款三合一眼妝筆, 當中設有圖中的01淡粉紅色, 出來的色調十分淺淡, 不怕太過濃妝, 由於筆頭非常之幼細, 可以輕易勾畫出線條, 於眼底位置輕畫幾下, 即使未之於造到很鮮明的卧蠶妝, 但多少有助突出眼部輪廓! 另外亦可於眼頭位置畫幾下, 同樣可以強化眼妝. #眼妝部門

橘子貓好用推薦：Parts resize shadow #RD-1 朋友推薦購入的。 一開始眼花，將名字看成「大眼小眼」眼影盤🤣，原來是「大眼小顏」才對！ 以開架而言，保持一貫Kate家眼影的質感，順滑顯色高，暈染度不錯。不過#RD-1以紅色為主，三個眼影色底色都好紅，對膚色undertone偏黃偏綠都不太友好。這個系列有出多個色系，選擇適合自己膚色的，可以輕易畫出易上手的簡單眼妝。

inkitsung好用推薦：假假地我都曾經係 #kategirl ~😝 身為 「kate粉」多年，佢地新出嘅👁眼影點都會留意，留意～ 今次 @katehongkongofficial 新出嘅 #大眼小顏三色眼影盒 一定必入手！👍🏻 我不嬲都有化下眼眼影嘅習慣，視覺上對眼會明顯放大同埋會更加有神嘅✨✨ 而Kate 今次呢一組更加專為化下眼而設，中間個格帶閃就係專針對下眼皮～ 我手中色號係 “YL-1” , 中間格黃色狠狠地燒著我🔥🔥 上下2格色調較自然，重點落於💛黃色下眼妝度～ 如果用黎化 #口罩妝 😷明顯會更加精靈有活力～ 唔好以為「黃色」會令到個人變黃面婆～ 其實少量黃色用係塊面度可以更有效提亮同加強層次架～

yannyxx好用推薦：佢嘅顏色係淺啡色，可以用嚟畫臥蠶。易畫，唔會kick吓kick吓或者出唔到色。但個人覺得有少少難控制，唔知點樣先可以令個效果自然啲，同埋用之前都要遮好黑眼圈或者眼底啲瑕疵，如果唔係個妝感會變得有啲污糟。

balabababa好用推薦：淺啡色做到雙眼皮效果。線條都幾幼，耐汗性高唔易溶妝。但因為畫過覺得效果太誇張，所以唔常用。

葉子🍃好用推薦：刷頭好細，但用時分量都好易羅太多，顏色都幾靚，不過keep得唔算耐，好彩唔會周圍甩色，價錢亦好平

綺羅香好用推薦：好早之前已經想試液體眼影，但一直買唔到啱心水，見呢度有人介紹EH嘅眼線液，估可能都做到想要嘅妝效，特登走去門市買，睇官網應該有4隻色，不過鋪頭得兩隻色，01銀白色同03蜜桃色，都好足夠應付平時妝容 眼線液筆尖又幼又尖，可以好精準點綴眼頭同臥蠶，又或者疊擦眼線，每一筆畫出嚟都滿滿嘅藍紫色閃片，快乾，摸上去無粗糙感，不過大力捽都係會甩，因為見好多人話好易甩到無影，就特別先用定妝噴霧噴一噴筆尖，畫完再用少少碎粉定妝，增加持久力 另外因為畫出嚟太閃，唔建議係臥蠶就咁畫一條線，會好假，係眼頭，臥蠶中間，眼尾各點少少，幫眼妝加分之餘，又唔會搞到好奇怪

zetalhc好用推薦：畫得好順滑，超級適合新手。而且一筆就可以營造臥蠶，非常容易，眼影筆好上色同埋好自然，持久度都好好，可以防水防汗。

Circlecyy20好用推薦：好易畫 用係卧蠶位最怕易溶妝 呢款算持久力唔錯 唔會怕好易捽甩

Bear好用推薦：人生第一次購買化妝品就找到這個淚袋化妝液，裡面有閃粉，但是顏色太單一，如果直接塗上眼下方其實感覺很突兀很怪，妝感很重很假。後面我都只可以在中間很輕的點一下（但這樣其實也沒有很顯色，使用粉狀眼影效果更好）

chasiutung好用推薦：搽得多會結塊 一撻嘢咁 搽得少又吾顯色無乜效果 無臥蠶 嘅蓬蓬感 都無乜提亮效果 而且吾持久

Kmggigi好用推薦：Armani Eye Tint 薄紗眼影液 — 超柔滑、超亮麗、零卡粉的高級眼影光✨ 質地: 呢款眼影液質地好柔滑，一抹已經 blend 到好均勻， 好似絲紗咁輕盈，唔黏眼皮， 推開之後成個妝感乾淨又自然， 新手都用到靚靚效果。 效果: 上眼之後嘅光係 Armani 嗰種「高級微亮感」， 唔會閃得核突，但燈光一照就好靚好精緻。 單搽做清透眼妝可以，好疊加做深邃感都得。 最重要：唔卡粉、唔積線、持久度高！ 眼影液最怕卡粉積線， 但呢支完全零問題，成日都唔會花。 薄薄一層已經夠靚，仲持久貼眼皮一整日。 總結：柔滑＋亮麗＋耐用，完全係日常必備的高級眼影液😎 如果鍾意輕盈又有光澤感嘅眼影，Armani Eye Tint 係真心值得收！✨

Bonniehunggggg好用推薦：   

Milo101好用推薦：🌟之前購買套裝內其中一項是迷你版眼影筆，現在已經出新版了 🌟色號是metallic taupe，金屬啡金閃爍，是很均勻、很細緻的閃粉 🌟塗上時非常順滑，也可以用手指暈開，有半透明閃粉，很適合特別場合妝容

kvet好用推薦：好順滑，一搽上眼唔會卡住，顔色唔會好死實，有啲閃同漸變咁，畫卧蠶都好方便。去旅行一支可以搞掂晒成個眼裝好方便。