除異味 推薦好用產品

Kmggigi好用推薦：如果有用開止汗劑，相信對呢支Deonatulle 清新體香棒都唔會陌生吧！ 呢支體香棒無色無味， 搽喺皮膚上完全唔會有任何痕跡， 唔會沾黏或者弄污衣物，無論係深色定淺色衫都可以安心使用🤣 同時止汗效果非常出色， 使用後可以有效減少出汗， 保持腋下乾爽清新， 用完之後全日都冇汗味， 即使忙完一日，腋下依然係清新無異味， 俾人一種自然乾淨嘅感覺，唔需要再擔心尷尬場面！

Jan好用推薦：好耐以前就知道呢隻止汗消臭石 一直係排行榜高位 之前嘅biore z止汗劑用完又到夏天就入手一支試試 因為係塗抹式 以為塗上皮膚會有黏感或殘留感 但根本係零感覺 無色無味無殘留 好似無搽嘢咁 對於鍾意清爽零殘留嘅我嚟講好滿意 而且唔係鋁之類嘅化學成份止汗 唔會影響正常排汗 亦唔會令腋下暗沉 早前係高溫天氣下外出 止汗效果與其他止汗劑相約 而消臭效果係目前用過中最有效! 即使全日有流汗 依然保持到零汗味! 其他牌子有香無香都好 半天左右就已經有少少汗味出現 呢隻消臭石即使唔補搽 消臭效力依然可以keep 到全日 果然排高位係實至名歸 用完後會考慮繼續購買

Kpl6be6好用推薦：買俾屋企人 #夏天 用嘅止汗劑～以防臭男人出沒家中(笑)～香氛較女士用嘅止汗噴霧更濃烈～有效預防汗臭味！！

Emma W好用推薦：Nivea 男仕銀離子配方抗菌止汗走珠能有效控制汗水和異味，特別是在炎熱的天氣中表現出色。產品質地輕盈，使用後不會感到黏膩，乾爽感持久。說明指，銀離子的抗菌配方被認為能有效阻止細菌生長，進一步減少異味。 另外，這款產品的香氣，清新而不過於濃烈，感覺男士特別適合。並且，便於攜帶，適合健身或旅行時使用。

Kpl6be6好用推薦：無論春夏秋冬都入貨止汗劑俾身邊男人用～係為自己嗅覺著想吧(大笑)🤣🤣呢支無濃烈香氛氣味～近乎無味～但止汗效果出色～男人沖完涼用完無敏感之餘～亦無再出現汗臭味(笑)

Emma W好用推薦：Nivea 透明質酸養膚止汗噴霧。感覺非常良好！ 噴霧一噴出來好香不刺鼻，能瞬間乾爽不黏膩，沒有傳統止汗噴霧的酒精刺痛感，噴完後腋下皮膚明顯水潤滑嫩，不再乾燥緊繃，甚至有點撫紋柔軟的效果，之前腋下較黑，同時有明顯紋路，用左約一星期，感覺減淡左少少黑色沈澱物。 止汗力強勁，早試噴都夜晚，都較少出都汗，仲要夜晚沖涼前都聞返到那種香香的止汗劑味。值得推薦！ #火熱新品

劉肥貓好用推薦：回購多次 每年夏天必備嘅產品 有淡淡蜜桃香味 天氣炎熱身體面部出汗出油 用佢抹一抹能消除黏笠感覺

Kathy Wai好用推薦：#火熱新品 講起止汗產品，以前用過好多款，最怕就係兩樣嘢：一係黐立立，一係留白痕。前排見NIVEA出咗呢支Derma Control系列，主打透明質酸養膚同撫紋，心諗止汗都可以護膚？一於買嚟試試。 第一次用已經有驚喜。佢嘅走珠設計好順滑，輕輕碌一兩下就夠，唔使死用力。質地偏水感，唔似傳統止汗液咁厚身，搽上去一陣就乾透，完全冇黐笠笠嘅感覺。最加分嘅係佢唔會留白痕——以前試過某啲牌子，搽完著黑色衫，一抬手就成撻白印，勁尷尬。呢支完全冇呢個問題，著咩色衫都唔使就住就住。 佢加入咗透明質酸，用落覺得腋下皮膚冇咁乾燥，摸落滑咗。平時止汗產品用得多，有時會覺得皮膚有啲緊繃，但呢支用完Keep住水潤，仲有撫紋效果，呢點真係加分。 實測過最熱嗰幾日，朝早搽完，返工搭車、行來行去，到夜晚都仲Keep住乾爽，冇異味。佢嘅香味係淡淡嘅清新味，唔會太濃，男女都啱用。 呢支止汗走珠集清爽、止汗、護膚於一身，完全顛覆咗我對止汗產品嘅印象。怕黐、怕白痕、又想護膚嘅人，值得一試！ #火熱新品

hazelwu711好用推薦：之前都有用過Nivea 既止汗產品，有良好既感覺。今次既止汗走珠質地少少乳白色，用既時候唔會太水。而且易推易用，細細支夏天放入袋都得。而且味道都幾好聞，少少似爽身粉味，幾舒服。仲可以維持大半日。用左7日後好似有少少美白效果，就算除完毛都無敏感。

choichoi好用推薦：產品附有小勺使用時更衛生方便 且特別預留了位置安放及有固定小勺的裝置 絕對的加分點!!!!!!!!! 止汗膏質地算是清爽 , 完全塗開之後只見少許光澤感 , 黏笠感亦只有一點點(過一下子就會消失) 此加強版止汗膏不單能用於腋下 , 腳部也可以同時使用 對於有腳汗問題的朋友來說是個大喜訊之一 來說說成效 , 沒帶香味的好處是塗香水也沒關係 也不會做成"可能不喜歡這種產品氣味"的問題發生 我老早把止汗產品由香味派轉為無味派別了 止汗的效果由早上9時出門上班到晚上7-8時回家的期間都可以保持得到無散發汗味異味 , 腋下保持得到乾爽 因此這個止汗膏已經算是完美達成任務了

lkylky3003好用推薦：因為無色無味,噴上香水也不會撞香味，有些止汗香體膏和汗碰在一起味道會變質，其實聞到後不好聞

poonpoon好用推薦：Burt’s bees神奇紫草急救軟膏 呢個牌子出啲嘢好天然，BB仔都用得👶🏻 細細罌有15g，2024用到2025都仲有排用。帶出街用超方便，尤其是而家淨係興帶細袋出街帶多支hand cream都冇位，我只會帶呢盒紫草膏。 只要身體有任何一個乾燥，包括嘴、面部、手踭，我都會用佢。 油性質地，親膚性強。做到即時止痕、舒緩乾燥，好好用既萬用膏！

shadow影子好用推薦：基本上係油性的，所以用嘅時候會覺得好滋潤，而且可以即時舒緩到乾燥同埋痕癢，細細罐都方便隨身攜帶。

WSY好用推薦：夏天嘅時候出門前噴一噴落件衫度，即刻覺得好涼爽，甚至會有少少凍！不過效果就維持得唔太耐。呢款有香味，味道都幾好聞幾清新！

劉肥貓好用推薦：春夏天必備產品 直接噴上身 瞬間有好冰涼降溫嘅感覺 非常之舒服 而且佢嘅香味好清新 係長期回購嘅產品

candykandy好用推薦：我幾鍾意佢,涼涼地,夏天噴即刻冇咁立痴痴,佢又冇壓縮噴霧咁刺激

mavis好用推薦：買咗俾男朋友用佢表示味道OK 打波前用打完唔會有咩汗味 價錢平CP值高

zetalhc好用推薦：性價比很高，止汗能力唔錯，同埋味道唔刺激所以回購左好多次。美白效果幾好，會見到d毛孔嘅位無咁黑，但要用長時間先睇到明顯效果

shadow影子好用推薦：這款珍珠系列能夠美白皮膚，溫和而不刺激，而且有淡淡香味，用起嚟好舒服！

維他他好用推薦：呢一隻濕紙巾多數係我喺做完運動之後或者做完健身之後用，等自己可以乾淨啲，清爽啲，唔會俾啲汗黐住晒，幾好用，好冰爽，幾fresh

wintonggg好用推薦：用完涼浸浸咁，夏天用好舒服，同埋可以驅味，陣味都可以keep到一陣

Emily Leung好用推薦：花王蒸氣眼罩 - 玫瑰香味 真實測評 返工對足成日電腦對到對眼乾過沙漠？試過無數眼藥水同按摩儀都冇用？今次同你實測呢款日本爆紅嘅✨花王蒸氣眼罩（玫瑰味）！話就話係『眼罩』，其實係塊會自動發熱嘅『眼部溫泉』～即刻話你知佢係真·舒緩定係純粹呃Like？ 發熱效果 · 一拆開袋就自動發熱，好方便唔使等。 · 溫度大概維持喺40度左右，暖暖哋好似敷緊熱毛巾，唔會燙親眼皮。 · 發熱時間大概得15分鐘左右，對於想快啲放鬆嘅人夠用，但瞓過夜就短咗啲。 香味表現 · 玫瑰味聞落似天然花香，唔會俗氣似化學味。 · 香味幾濃下，一開始會覺得好療癒，但對氣味敏感嘅人可能會覺得太勁。 · 個香味可以持續到成個過程完結，成個枕頭都會沾到少少味。 佩戴感受 · 耳掛設計算舒服，唔會勒耳朵，但面細嘅人可能覺得唔太貼面。 · 材質係無紡布，柔軟唔刮皮膚，但如果側身瞓會容易移位。 舒緩效果 · 對於用眼過度、乾眼疲勞嘅放鬆效果最明顯，敷完即刻覺得雙眼冇咁攰。 · 可以幫助入睡，尤其係失眠嗰陣，個暖感令人好放鬆。 · 對黑眼圈同眼紋就冇咩實際功效，主要都係舒緩疲勞。 優點缺點總結 ✅ 優點：即開即用好

Kitty 好用推薦：打工仔成日對住Mon，對眼成日又乾又攰，家中一定要常備花王呢款蒸氣眼罩！ ✨使用感受： 呢款無香，適合對氣味敏感嘅人（我個人更鍾意有香款，香氣好治癒，有好多唔同香味可以揀！），掛上耳仔嗰陣感覺好柔軟舒服。大概等10秒左右就开始感覺到微微溫熱，係嗰種唔會燻親眼嘅溫柔蒸氣，好似做緊SPA咁！熱力大概可以維持20分鐘，啱啱好夠我小憩一陣。 🌿效果評價： 用完之後對眼即刻冇咁繃緊，乾澀感減輕好多！尤其係臨瞓前用，連帶瞓覺都香甜啲～第二朝起身對眼都精神啲，冇之前咁浮腫。最正係搭長途機或者午休時候用，真係瞬間回血！ 💡小貼士： - 建議瞓低使用效果更佳 - 戴隱形眼鏡要先除低 - 每個禮拜用2-3次已經好足夠 雖然眼罩係一次性，但價錢夠平，成日有促銷，為咗對眼值得投資！而家已經成為我辦公室抽屜必備神器～ 如果你都係用眼過度嘅打工族，真係要試下！

Giselle 好用推薦：Biore 男士散汗爽身淨味劑 - 走珠型 (無香味) 55ml *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 因為細佬有好嚴重嘅狐臭問題所以買俾細佬用(✿︎´ ꒳ ` )♡︎佢係用加快汗水蒸發嘅原理嚟減少臭汗味，我自己覺得佢呢種比以往嘅止汗劑去壓抑汗水嘅方法比較健康(* ´ ｪ `*)♥︎而且細佬用咗之後陣臭汗係消失咗(´•̥̥̥ω•̥̥̥`)♡︎就算嗰日有做運動or太熱而流咗汗都可以keep到around 6個鐘(*´□︎`*)ｽｷ♡︎但大約8個鐘之後開始就會開始聞到一股淡淡嘅臭汗味(◞︎‸◟︎)只可惜佢嘅樽身比較闊，唔似女裝嘅比較幼身同細，如果只係帶個好細嘅袋就會塞唔落(´._.｀)

劉肥貓好用推薦：呢隻第一次買來用 去到腳臭味 扭扭棒狀設計使用方便 而且佢個價錢唔會好貴呀80幾蚊 可以試吓

Giselle 好用推薦：Biore 清爽魔法香體紙 - 冰感海洋 X 熱情花香 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 好耐之前嘅時候有用過呢個產品₍ᐢ⸝⸝› ̫ ‹⸝⸝ᐢ₎對於有臭狐問題嘅我嚟講呢款即時止汗香體嘅效果係比較短暫嘅( ˙༥˙ )基本上係夏天過咗一兩個鐘頭之後臭汗又會出返嚟(⌯︎˃̶᷄ᗝ˂̶̥᷅⌯︎)始終無止汗劑咁好用(꒦ິ⌑︎꒦ີ)唯一比較明顯嘅功效係可以即時令到身體變得清爽咗(✿︎´ ꒳ ` )♡︎喺夏天呢啲咁熱嘅日子會比較舒服啲⸜( ´ ꒳ ` )⸝如果同我一樣屬於出汗比較大同時亦都有臭狐問題嘅小夥伴呢款產品唔會太適合你 ₍ᐢ ›̥̥̥ ༝ ‹̥̥̥ ᐢ₎另外呢款嘅氣味有啲太濃，我自己就唔太鍾意(´._.｀)

olitong好用推薦：長期必備！經常戶外工作必須！ 對於經常長時間室外工作的大汗人（我）來說，幾乎所有市面上的抹汗冰涼濕紙巾我都用過晒，這款我個人覺得是最好用！去年單一個夏天大概用了13-14包這款濕紙巾（未計其他牌子） ✅⭐️頭號優點：抹完像塗了爽身粉的感覺👍🏻是眾多牌子中唯一一隻抹完唔立痴痴!超級無敵加分！（但濕紙巾無唔會幫止汗的，你繼續出汗然後立痴痴係唔關包濕紙巾事） ✅⭐️其他優點：青檸蜜桃🍑香味好好聞👍🏻 ✅抹完感覺清涼（但不會涼到凍，我討厭那種薄荷涼到負幾度嗰種） 💡缺點：抹多幾下會有紙巾碎 💡另外兩隻味（海洋花香同莓味）一般，香過頭同太甜 💡經常買唔到冇貨！！！😭🤯 整體而言佢抹完似搽咗爽身粉既感覺係完勝🎊掩蓋晒其他minor既缺點🎉去年一見特價即掃咗十幾包返屋企，但一個夏天已用晒，今年周圍都好難搵，行十間舖先得一兩間有1-2包🥲

Sarah好用推薦：佢同溫熱眼膜原理一樣，但這款是貼頸背的，個人本身頸椎情況唔太好，晚上喜歡熱敷完先瞓覺，但這款發熱膜只有20分鐘，對肩頸繃緊嘅人嚟講時間太短，未係好放鬆到。

橘子貓好用推薦：之前肩頸不適的時候有用這款發熱貼，比較傳統暖貼包是更貼伏不會起角。適合在辦公室或外出時使用，不易被人看出。 但是，發熱時間真的太短了，只有20分鐘左右，剛好感覺肩頸有被舒緩到的時候，發熱貼已經開始變冷。我還是覺得在家時用電子發熱肩頸枕，或是外出時用某牌的身體發熱貼，舒緩效果更佳，CP值也更高。 這款勝在有薰衣草香味，聞到感覺心理上有舒緩感，不過比起眼罩，貼在肩頸離鼻子較遠，不會總聞到香味，感覺聊勝於無。

Kpl6be6好用推薦：#夏天 點少得用止汗劑💦習慣沖完涼後就會噴～有助保持腋下乾爽～呢款有經典妮維雅香氣～用落無刺激感～有效預防汗臭情況發生(笑)

Jasmine Yuen好用推薦：呢個噴完會留有白印的 有止汗效果 起碼出汗後唔太覺得臭，應該係有抑菌作用 但嫩白效果感覺唔到

貓餅好用推薦：做完輕擎運動又唔想沖涼，最好用呢啲嚟抹身，抹完後成身乾淨晒，唔會再黐立立，仲可以降溫，呢隻香體紙啲香味都唔錯，幾好用

WSY好用推薦：夏天嘅時候帶一包出街，方便又好用，細細包咁慳位。用佢嚟抹一抹身，頸同手嗰啲位即刻涼爽咗好多，亦都有淡淡嘅香味

劉肥貓好用推薦：回購多年 每年夏天必備的產品 無任可香味 身體出汗面部出油 用佢抹一抹 能除去黏笠感 清爽舒服

Karman28好用推薦：出左汗之後，會拎呢包止汗香體巾黎抹身，幾方便，可以當濕紙巾咁用，又有止汗功效。